السماح بتصريح الاسلحه(( بالمنطقه الشرقيه))...

[راع الاوله]

بسم الله الرحمن الرحيم

اخواني التصاريح لجميع الاسلحة مسدسات و رشاش واسلحة صيد
وفيه نوعين من التصاريح للمسدسات تصاريح حمل
اما الرشاش تصريح اقتناء
اما اسلحة الصيد والله ماعرف تصريح حمل او اقتناء
الي يبي تصريح وهو من سكان الدمام يروح لقسم شعبة الاسلحة والمتفجرات بحي عبدالله فؤاد مقابل الاسكان بين محطة البنزين وشركة الاتصالات السعودية لانهم شايلين لوحتهم من قبل كم شهر بدون لوحة بس بتشوف بالحوش دورياتهم
بس لازم شروط:يكون معك

ست صور 3×2 وست صور 3×4
شهاده حسن سيره وسلوك من جهه عملك
وصوره البطاقه الشخصيه
وملف علاقي
معروض للجهه المختصه
واحضار السلاح(( ويكون السلاح فى الجراب))

[الهلالي]

يعطيك العافيه راع الاوله على هالخبر

مع أن الي واضح في الأيام الأخيره أن تصريح الأسلحه توقف لفتره غير معلومه

ولك مني جزيل الشكر

[بن عيدان]

يابو عبدالرحمن شرهتك على طق خبر لذا التصاريح

سمحو بها ولا لا..

السلاح شايلينه شايلينه شاء من شاء وابى من ابى

ومصيري بوريك صندوق الحديد اللي عند الوالد ..وشرهتك على اللي

صرح اللي فيها

الله يعطيك العافيه يابو عبدالرحمن على مجهودك..

[الروح]

ايه اشوفها في الجريدهـ قبل امَــس . .

شرووط وبهذله . . :)

بيني وبينك . .

يازين الشي لا صار جاي بلف والدوران وخاصـَـه لا صـَـار في الاسلحَــه . .

توديلهم سـَـلاح يبهذلونـَـك . .

مشكور اخوي راعٍ الآوله . .

تحيـَــاتي .

[ابو ظبي]

ياااااااجماعة مشكلة ناس ماتجي الا بالعين الحمرا :)

طلعو علينا بطلعة قبل شهرين او حولها بنظام الاسلحة والذخاير وممنوع تشيل اي شي الا بترخيص لاااااااا ومن زين الطبايع والعادات ممنوع التصاريح الا ( لبو صتمه ) لا وليها شروط

وقالو الي معه سلاح لازم يسلمة ولا يسجن وغرم ومدري وشو

المهم ما عليكم من الطويلة الظاهر ماحد جاهم ولا سلم فقالو خلونا نعرف من الي عندة ومن الي ماعنده علساس يكونون حدر العين :)

علــــى كل حااال يعطيك العافية ياياسر على هلخبر بس المفروض تقول المصدر معاذ لاتنسب كلش لك هاااه :)

[رائد الشبرمي]

مشكور على الخبر يالغالي

والله يعطيك القوه

أخوك رائد الشبرمي

[سيف الناصري]

اسـلام علـيكم ،،

ما اشــوف له داعـي السلاح الانه يبي يـسبب مشـاكل وحـوادث قـتل بـنسبه كـبـير اكثـر من الحين ،،

الله يعين بس ،،

شكرا لك ،،

[المرقب]

اعتقد التصاريح كلها اقتناء ما ضنيت يصرحون حمل يا راع الاوله ..
انا سمعت حتى عندنا بالرياض نفس الشئ سمحوا بالتصاريح ..
ويكون خطاب موجه لشعبة الاسلحة والمتفجرات بوزارة الداخلية ..
و شهادة حسن سيرة وسلوك وتعريف من جهة العمل وصور ... بالضبط نفس اللي ذكرته
واحتمال كبير يرفضون مابعد وضحت الامور بشكل كامل !

[راع الاوله]

يعطيك العافيه راع الاوله على هالخبر

مع أن الي واضح في الأيام الأخيره أن تصريح الأسلحه توقف لفتره غير معلومه

ولك مني جزيل الشكر


هلا وغلا يابو فهد


عاد انت اخبر ياذيبان بذي الامور


بس نزلوا اعلان وبعض الشباب اخذوا تصاريح ..

[راع الاوله]

يابو عبدالرحمن شرهتك على طق خبر لذا التصاريح

سمحو بها ولا لا..

السلاح شايلينه شايلينه شاء من شاء وابى من ابى

ومصيري بوريك صندوق الحديد اللي عند الوالد ..وشرهتك على اللي

صرح اللي فيها

الله يعطيك العافيه يابو عبدالرحمن على مجهودك..


*__*

تدري عاد يابو محمد

تخوف انت

:(


لله لله يابو محمد شايلينه شايلنه بس ماسيوى علينا يصادرونه

حنا نشيل وهم يصادرون