اليايات الاستراليه لاصحاب الاندكروزر (( صوره ))

[راع الاوله]

بسم الله الرحمن الرحيم


يعاني اغلب اصحاب الاند كروزر من مشكلت نزول السياره من الخلف بعد التحميل ...

ولهذا فحبيت ان اجيب لكم حل ممتاز مجرب من الكثير ..


واللى اثبت وجوده وفعاليته !!!


والحل عباره عن اليايات الاستراليه والمساعدات الاستراليه

الياي الأسترالي يجي ثلاث مقاسات
1- كبير
2- وسط
3- صغير

والحقيقة لي معرفه بمسئلة تركيب يايات استرالية, وتجدونها عند الرماية بالخبر ، ولاحظت ارتفاع للسيارة ، وهذا الشي راح يساعد بان السيارة ان شاءلله معاد هيب تحك من تحت، واليايات الاسترالية احجام ، منها :
2سم حمولة 50 كيلو ، موديل { 862}
4سم حمولة 110 كيلو ، 200كيلو ، 400 كيلو
5 سم حمولة 200كيلو ، 400كيلو
وقيمة الانواع الثلاثة 495ريال
لكن طيعوني وطيعوا شوري ، انا مجرب 4سم 150 كيلو ولا احلى منه ، لانه مايرفع السيارة واجد ولا يشوه منظرها بعكس بعض السيارات اللي يركبون 5 سم وتلاحظها مرتفعها كثير

وهذي صور لبعض الجيوب بعد تركيب الياي والمساعد


http://drr.cc/up12/land-gx.JPG

http://www.w6w.net/upload2/08-11-2005/w6w_2005110810153184c5ce2b.JPG
واعذرونا على القصور

[صقر تميم]

رائع يا أبو عبدالرحمن

شيء جميل جدا

شكرا على المعلومات


طيب واللي يبي يرفع سيكل أبو 4 كفرات حق خويه وش يسوي :D

ياليت تنيرنا حفظك الله بموضوع عن السيكل الجبلي مقاس 19،5 بوصه


ألف تحيه

[تميم قطر]

والله انك صادق مشكلتها الحموله .............. تسلم يابن عمي ...........

بس عندي سؤال يركب على الشاص ...............

[راع الاوله]

ياهلا يابو عبدالعزيز


سكيل اجل :)

^__^ّ



حي الله تميم قطر


والله يابعدهم اتوقع الشاص مايحتاج له رفع لانه ما شاء الله ارتفاعه ممتاز

واي رفع زايد احتمال يسبب فى انقلاب الموتر لا سمح الله

لان حتى على الاند كروزر 5 سم خطير جدا

[دانة قطر]

الله يعطيك العافية أخوي معلومات قيمة


<<<يعني إني فاهمة السالفة ^_^



بس لابد من كلمة الشكر


إختك,,

دانة

[نادرالوجود]

ماقصرت والله

يابو عبدالرحمن


لاكن مهب كنها شويه 4 سم

[راع الاوله]

الله يعطيك العافية أخوي معلومات قيمة


<<<يعني إني فاهمة السالفة ^_^



بس لابد من كلمة الشكر


إختك,,

دانة


^__^

مشكوره على المرور اختي دانة قطر

وجودك انار متصفحي

[راع الاوله]

ماقصرت والله

يابو عبدالرحمن


لاكن مهب كنها شويه 4 سم


ياهلا وياغلا بك اخوي الخضيري

لا والله ياطويل العمر 4 سم تراها كثيره حتى البعض يفضل 2 سم

يعنى باعطيك مثال الصوره الاولى

تراه 5 سم وشف كيف ارتفاعه بشع

ولا تنسى خطر الانقلاب وااااارد (( لا سمح الله ))

يعنى لو انك ماخذ 4 سم و200 كيلو هذا خطر لو كانت تسرع في اللفات

او خلال التطعيس وتكسر الطاره بسرعه يعرضه للانقلاب لا سمح الله

وخاصه اذا كنت مركب بالووون

المراد

خذ لك 4سم 150 كيلو بدون بالون وان شاء الله وضعك سليم وتركد لا تكسر الطاره بقوه :)

[الروح]

صوور جميلَــه .

ويايات عليها الكـَـلام . .

تشكر على الموضوع اخوي راعٍ الآولـَــه . .

تحيـَــاتي

[ذيب نجد]

[quoteالله يعطيك العافيه

[راع الاوله]

الروووح

ذيب نجد


لا هنتم على المرور


وجودكم انار متصفحي

ودمتعم بعز

[ولدالعبادل]

مامن قصور والله ياياسر

وتشكر على الموضوع المهم

لكن يارب يجي الجيب وندور بعدين له يايات <<< خخخ ولا فيه أمل

تحياتي
ولدالعبادل
ع.س

[راع الاوله]

مشكور على المرور ياعبدالرحمن


تواجدك انار متصفحي


والله يجيب الجيب


:)

ولم عزبتك , ترا الخير جاي ان شاء الله

[بنت اسودالعنقري]

ياسلاااام

بس راع الاوله اخوي ممكن شرح بسيط وخفيف حق خويتك عن وش يعني الياي !!!

والارتفاع اللي تتكلم عنه هو ارتفاع السيارة عن التواير والا شو بالظبط *_*

وبعدين انت في واحد من ردودك تتكلم عن الصورة الاولى وهل فيه صورة ثانية اصلا !!! لاني مو شايفة غير صورة وحدة هنا

مشكلة اللي عنده لاند ومايفهم وش الياي *_*

ما عليك امر تشرح شرح بسيط بس عشان افهم وقولي بيفيدني انا او لا :)

وتشكر مقدما

[راع الاوله]

اهلين اختي

اولا الياي هو السبرنقات بس بشكل مكبر :)


وهي تكون موجوده في الخلف وتتحكم في رفع السياره عن الارض وعن الكفرات , ويستخدمها اغلب اصحاب الاند , لان هذي السياره من الخلف قريبه من الارض ومع زيادة الحمل , ينزل مستواها , ويستخدمه اهل البر في طلعاتهم عشان مايحك بدي السياره من تحت او يتعلق الموتر بسبب استبنت الاسبير :)

وهذي هي صورة لليايات

http://www.racing4e.com/data/media/3/Groundcontrol1.jpg

وبخصوص الصوره الثانيه معليش انمسحت .. بس ولا يهمك اختى هذي صوره ثانيه..!!!

http://www.w6w.net/upload2/08-11-2005/w6w_2005110810153184c5ce2b.JPG

[عبدالرحمن اليحي]

بسم الله الرحمن الرحيم

راع الاوله

السلام عليكم ورحمة الله وبركاته


الياي هو الافضل بالنسبه لجميع السيارات



ولكن احذرو البالون سبق وان استعملت البالون ولكن طلع خساره

شكراً لك اخي الكريم على هذا المقال


تحياتي لك

[راع الاوله]

اخوي عبدالرحمن

بخصوص البالون


فيه انواع , افضلهن الياباني اسيام

ولكن مشكله البالون بشكل عام الرجه , مهمها رصصت السياره لا بد تكون فيه رجه في الموتر

بعض الاحيان يضبط معك الترصيص الارضي

ولكن مايفيدك في السرعات العاليه

والبالون له اوقاته ...

يعنى ماراح يفيدك البالون في الصبخه والارض الصمعى وفي الشعبان

بس لا منك بغيت النفود , هي ازين شي لك

وافضلهن مثل ماقلت لك

اسيام تاير (( يابانيه))

[عبدالرحمن اليحي]

اخوي عبدالرحمن

بخصوص البالون


فيه انواع , افضلهن الياباني اسيام

ولكن مشكله البالون بشكل عام الرجه , مهمها رصصت السياره لا بد تكون فيه رجه في الموتر

بعض الاحيان يضبط معك الترصيص الارضي

ولكن مايفيدك في السرعات العاليه

والبالون له اوقاته ...

يعنى ماراح يفيدك البالون في الصبخه والارض الصمعى وفي الشعبان

بس لا منك بغيت النفود , هي ازين شي لك

وافضلهن مثل ماقلت لك

اسيام تاير (( يابانيه))


راع الاوله

انا لا اتكلم عن الكفرات ( الإطارات) الله يحيك


اتكلم عن بالون يركب في وسط الياي ويعبى باهواء ليساعد الياي


شوف الصورة

http://www.central4wd.com/_files/_images/13251_Photo2332.AIRLIFT1000.jpg


وصورة اخرى لنوع اخر

http://www.central4wd.com/_files/_images/13335_Photo134.sdkit2.jpg



تحياتي لك

[راع الاوله]

لا هنت اخوي عبدالرحمن

راح بالي بعيد


لا صحيح البالون واجدين اللي مايمدحونه


والبعض الاخر يركب الكعكات وهي نفس الشي مالها امان


غير الياي الاسترالي مافي


لا هنت يالغالي على المشاركه

وجودك انار متصفحي

[سيف الناصري]

شكرا لك ،،،

[راع الاوله]

شكرا لك ،،،


لا هنت ياسيف على مرورك العذب

تواجدك انار متصفحي