الدهنا و نقا المطوع (( صوره )) [الأرشيف]

مشاهدة نسخة كاملة : الدهنا و نقا المطوع (( صوره ))

راع الاوله

11-09-05, 04:49 PM

في البدايه حبيت ان انقل لكم هذي الصور والنبذه البسيطه عن نقا المطوع في منطقة الدهنا

تمتاز الدهنا عموماً برمالها الجميلة منخفضة الارتفاع والتي تتناثر وتمتد بين جنباتها وقل ان تجد نقا (كثيب / طعس) يرتفع بشكل كبير كما هو نقا المطوع حيث يبرز وتشاهده من مسافة بعيدة. وهو من العلامات الفارقة في الدهنا مع وجود 3 نقيان تقاربه بالارتفاع منها على سبيل المثال نقا الجمل وعند صعود نقا المطوع ترى العجب العجاب يعجز اللسان عن وصف المنظر الجميل الذي يختزل لك الدهنا في منظر بديع حيث ينطلق البصر والى الافق البعيدة جداً التي لاتراها الى من فوق طائرة.

ونقا المطوع هو من الرمال النجمية أي على شكل نجمة ويظهر هذا الشكل اذا كنت على ظهر طائرة ومن خصائص الرمال النجمية هو علوها الشاهق وتحيزها وتفردها بنفسها فهي لاترتبط بسلسلة من الرمال بل تكون شامخة ومنفردة وتكثر هذه النوعية من النقيان في الربع الخالي بحيث انها تمتاز بالرتفاع الشاهق.

ويبلغ ارتفاع نقا المطوع من اسفله ا لى اعلاه 200 متر تقريباً وقد قسناها بالقارمن

يقال والله اعلم ان سبب تسميته بنقا المطوع هو ان شخص يعرف بالمطوع كان عاشقاً ولهان وحاول الزواج من محبوبته ولكن اهلها رفضوه مما دعاه الى الهيام على وجهه لايلوي على شي حتى ادركه العطش والموت على هذا النقا الذي صعده فمات على هذا النقا والله اعلم .

الاحداثيات هي (اخذت من اعلى النقا)
N26.37.279
E045.52.797

عموماً اترككم مع الصور والتعليق عليها والتي اتمنى من الله سبحانه وتعالى ان تنال استحسانكم وسامحونا على القصير

http://www.w6w.net/upload2/09-11-2005/w6w_20051109084103e1c13a13.JPG

http://www.w6w.net/upload2/09-11-2005/w6w_2005110908421190f8018a.JPG

http://www.w6w.net/upload2/09-11-2005/w6w_200511090842590373ca4e.JPG

منـــــقول

علي آل عبدالله

11-09-05, 10:22 PM

موضوع جميل يالعنقري

الله لايهينك على النقل الجميل

تحياتي لك...

دانة قطر

11-09-05, 10:37 PM

عساك على القوة أخوي راع الاوله خاصة الصورة الاولى

روعة وتهيض الواحد ^_^

لك أطيب التحايا ,,,

الدانة

ولدالعبادل

11-10-05, 12:53 AM

الله عليك ياراعي الأوله

والله من جد هيضتني الأخيره أحس ودي أمسك ورقه وقلم وأرقى عليه وأكتب لين أفضي اللي بخاطري

من جد جو شاعري

يبيلنا يوم ناصله

تحياتي
ولدالعبادل
ع.س

راعِ المنقيه

11-10-05, 05:46 AM

الدخول إليها من طريق ام عشر على طريق رفحاء (الشمال) وهي وسط بين ام عشرا وفياض البسيتينات جنوب (قبه)

لكن صور رائعه وعلى الطبيعه احلا

تسلم يمينك يابو داحم

راع الاوله

11-10-05, 10:39 PM

هذي بعض الصور الاضافيه لنقا المطوع

http://www.w6w.net/upload2/10-11-2005/w6w_200511101432083affcbb9.JPG

ويمكنكم رؤية حجم السياره اسفل النقا

http://www.w6w.net/upload2/10-11-2005/w6w_20051110143314519626a6.JPG

وهذي صورة لاحد الكثبان من الربع الخالي توضح شكل النقا من السماء وهي تكون على شكل نجمي

http://www.w6w.net/upload2/10-11-2005/w6w_2005111014383821476eeb.JPG

عبدالرحمن اليحي

11-11-05, 01:17 AM

بسم الله الرحمن الرحيم

راع الاوله

تسلم يدينك ما قصرت

ومشاركة مني في متصفحك الرائع اليك هذه القصيده ويقال انها لعبد الرحمن المطوع

صاحب النقا والله اعلم

وطا ما وطا واللي وطا ما بعد ما وطا= غطا ما وطا واللي غطاه وطاه

محا ما محا واللي محا بعد ما نحا= محا ما محا واللي نحاه محاه

عصا ما نصا واللي عصا بعد ما نصا = نصا ما عطا واللي عطاه نصاه

وان كان لي ظنٍ وهاجوس خاطري = قد حال بين البازمين غشاه

من باعنا بالهجر بعناه بالنيا = ومن جذ حبلي ما وصلت رشاه

خليلي ولو جا البحر بيني وبينه= ذبيت روحي فوق غبة ماه

خليلي ولو ياطا على قبر ميت= بامر الولي حاكاه حين وطاه

خليلي ولو يزرع زريعٍ سقيته = بالدمع لا شح السحاب بماه

الا قفا جزا الا قفا ولا خير في فتى = يتبع هوى من لايريد هواه

عظيت باطراف النواجد أناملي = قلت آه من حر المصيبه جاه

فلو ان قولت آه تبري لعلتي = رددتها آهٍ تلتها....آه

تحياتي لك

ابو ظبي

11-12-05, 01:07 AM

ياااا ملا العافية يبو عبدالرحمن

موضوع مميز ،،، وصور روووعه

راع الاوله

11-12-05, 01:59 AM

موضوع جميل يالعنقري

الله لايهينك على النقل الجميل

تحياتي لك...

هلا ومسهلا

الاجمل هو مرورك يالذيبان

راع الاوله

11-12-05, 02:07 AM

عساك على القوة أخوي راع الاوله خاصة الصورة الاولى

روعة وتهيض الواحد ^_^

لك أطيب التحايا ,,,

الدانة

الله يقويك اختي دانة

والصوره الاولى تهيض حيل خاصه وقفت الكروزر :)

وجودك انار متصفحي

راع الاوله

11-12-05, 02:10 AM

الله عليك ياراعي الأوله

والله من جد هيضتني الأخيره أحس ودي أمسك ورقه وقلم وأرقى عليه وأكتب لين أفضي اللي بخاطري

من جد جو شاعري

يبيلنا يوم ناصله

تحياتي
ولدالعبادل
ع.س

لا هنت يالغالي على المرور

وجود انار متصفحي

راع الاوله

11-12-05, 02:13 AM

الدخول إليها من طريق ام عشر على طريق رفحاء (الشمال) وهي وسط بين ام عشرا وفياض البسيتينات جنوب (قبه)

لكن صور رائعه وعلى الطبيعه احلا

تسلم يمينك يابو داحم

لا هنت يابو احمد

طيب لا هنت لو توصف لنا مدخله بالتفصيل

راع الاوله

11-12-05, 02:28 AM

لا هنت ياخوي عبدالرحمن

وفي الحقيقه اسم النقا اشتهر على اسم , عبدالرحمن التميمي المعروف بالمطوع

والابيات التي ذكرتها تصنف من اجمل الابيات ومن اعجزها

ولكن هذا الذي تواردونه , والبعض قيل بانه دفن قرب اشيقر والبعض قال في الدهنا

والله العالم

لا هنت يالغالي على المشاركه الاكثر من رائعه

..تميم..

11-12-05, 01:57 PM

.

.

(.. وعند صعود نقا المطوع ترى العجب العجاب يعجز اللسان عن وصف المنظر الجميل ..)

.

.

لا أدري لم استوقفتني هذه العبارة ..

قد تكون مشاهدتي لذلكم المنظر هو الداعي ..

.

.

رجعت بذاكرتي للوراء .. بعد تصفحي لموضوعك أخي .. فتذكرت صوراً قد احتفظت بها .. من ذلكم النقى ..

أحببت أشارككم إياها ..

http://www.n0f.net/uploads/11-12-05~NeGa2.jpg

.
.

http://www.n0f.net/uploads/11-12-05~NeGa1.jpg

.
.

http://www.n0f.net/uploads/11-12-05~NeGa3.jpg

.
.

أخوكم
..تميم..

علي آل عبدالله

11-12-05, 07:05 PM

الله على الصور الجميله ياتميم

تسلملي عيونك يالغالي

..تميم..

11-13-05, 01:13 PM

.

.

الله مير يسلمك يا ابن العم ..

حروفك غالية وعزيزة علينا ..

راع الاوله

11-13-05, 08:37 PM

من طول الغيبات جاب الغنايم

الله الله

على الصور يا (( تميم))

لا هنت ياذيبان

صور ولا اروع

وياليت لا هنت اذا عندك منها زود تتحفنا

لا تحرمنا تواجدك العذب

راعِ المنقيه

11-14-05, 08:11 PM

راع الاوله

11-15-05, 09:28 PM

المدخل طال عمرك ونت طبعا جاي من الشرقيه على طريق الحفر يجيك الطريق المختصر حق القاعده . اللى يشبك بطريق الحفر والمجمعه

ونت متجه يم ام الجماجم والارطاويه والمجمعه تجيك محطه البطحانيه على اليمين اتركه تجيك محطه ام رقيبه بعد اتركه تجيك لوحه صغيره على اليمين ( مشذوبه ) ادخل من عنده طبعا صحراء تقريبا 60 كيلو تجيك الهجره اذا وصلته دخل الاحداثيه

ولا اذا وصلت ارق اطول طعس وتشوفها ..

ولا ونت بام رقيبه سو احداثيه

لا هنت يابو احمد

كفو يالذيبان , لا اجل اقرب لي اجيه من الصمان , لو بمسك الطريق السريع لازم اطلع مع طريق الحفر وانزل من مفرق الدبيه لين اصل ام الجماجم, ومن المفرق لام الجماج 500 كيلو تقريبا :(

اجل عطنا شورك , انزله من الصمان , اسلك درب المنشرحه نزول , اكون اختصرت المسافه , ولا وش رايك ..؟؟

الروح

11-16-05, 04:42 AM

صوور رائعه جداا

ماقصرتوو والله يا الغاليـَـن

تحيـَــاتي

نادرالوجود

11-16-05, 06:31 AM

والله هاذ البر

سلمتو يالذيابه

راعي الخطامه

11-16-05, 12:30 PM

مشكوررررررررررر يابو عبدالرحمن

راع الاوله

11-16-05, 08:04 PM

صوور رائعه جداا

ماقصرتوو والله يا الغاليـَـن

تحيـَــاتي

الاروع تواجدك ياوهيب

ماقصرت على المرور الاكثر من عذب

دمت بعز يالغالي

راع الاوله

11-16-05, 08:08 PM

والله هاذ البر

سلمتو يالذيابه

لا هنت على المرووووووور يالطفي

تواجد انار متصفحي

صقر تميم

11-16-05, 10:46 PM

http://www.w6w.net/upload2/09-11-2005/w6w_2005110908421190f8018a.JPG

الله لايعيده من يوم يوم فكرت أني أشوف المنظر من أعلى الطعس ..

لكن الحمد لله على كل حال :D

مشكور أبو عبدالرحمن

ألف تحيه

..تميم..

11-17-05, 11:37 AM

.
.

.. راعي الاوله ..

لا هنت يالقرم ..

وأشكر لك هالمرور ..

وأبشر باللي يسرك إن شاء الله ..

لهالطعس هذا اللي عندي ..

ولغيرهـ فيه ..

أكرر شكري واحترامي ..

راع الاوله

11-19-05, 02:42 AM

صقر تميم

ولا انت يالغالي , ومشكور على المرور العذب

تميم

ولا انت يالغالي

ولا تحرمنا جديدك

مشكور على مرورك العذب

دمت بعز

سيف الناصري

11-28-05, 09:45 AM

صور روعه ،،

راع الاوله

12-06-05, 05:26 AM

صور روعه ،،

انت الااروع يالغالي

مشكور على مرورك العذب

~لـيــــل~

12-06-05, 08:56 AM

صقر تميم

خخخخخخخخخخخ ليه وش صاير ..

وتسلم على الصوره .