طريقة غسل الصحون في البر بدون صابون

[عبدالرحمن اليحي]

بسم الله الرحمن الرحيم

احبتي و بني عمي

السلام عليكم ورحمة الله وبركاته

موضوع كتبته قديما

وحبيت اعيد كتابته عندكم





اخواني وخواتي لو مالكن فالسالفه بس اخاف يجي يوم وتنافسنا على طلعات البر ...................

الامنك ضربت فالكبسه لين يضيع دليلك وبقا شغل المغثه غسل الصحون والقدور والما قليل ونت في البر والموارد بعيده

اولا:اجلس وثن رجلك اليسرى ومد اليمنا ونكانك اشول العكس

ثانيآ:حط مقدار بيالتين ماء في الصحن والا القدر الي نويته بالغسل

ثالثآ:حط على الماء حفنه ولا حفنتين من الرمل الناعم ون حصل رمل نفود فهو الدوا

رابعآ:افرك القدر ولا الصحن فركآ جيد لين ينضف من بواقي الأكل

خامسآ:فرغ الصحن من الرمل ومامعه

سادسآ:ضع رمل ناشف ودعك الصحن دعكآ جيدآ

سابعآ:كرر الخطوه السادسه حتى تتأكد ان الصحن او القدر نشف

ثامنآ:حت الصحن من الرمل وحطه فالعزبه

تاسعآ:لاتنسى تغسله قبل الأستخدام بقليلآ من الماء.

والدليل على قدرة الرمل في التنضيف قول المصطفى صلى الله عليه وسلم(اذا ولغ الكلب في إناء احدكم فاليغسله سبعآ احداهن بالتراب)....................


التراب نضافه تدوووووم و تدوم

[راع الاوله]

طريقة رائعه وجميله

ومعروفه وسهله وتوفر في الماء , ونظيفه بنفس الوقت , بس المشكله اذا مالقيت الرمل :( يعني كشت لك في احد الفياض عاد ماحولك الا صمعه


بس فيه مساله ماتنفع معها الرمل , اذا كان قدرك بقى فيه قرارة الرز , صعبه تنظفه او شبه مستحيله. مالك الا انكتنظفه بالماء .وعندي لك طريقه سهله وتوفر في الماء شوي ...

اولا جب لك علبة الماء ام خمسه لتر , وخلها لذا النوع من الغسيل فقط, وخذ غطى العلبه وشقها ثلاث شقوق صغيره او شق واحد في النص ... او (( اذا ماكان ودك بذي الطريقه)) ركب على راس المغسله قطعة التوفير الماء اللي ام فتاحت صغيره واللي منتشره بالاسواق , وذي توفر لك شوي في الماء , وخلها على ذا النوع من الغسيل ...


ومشكور اخوي على الموضوع الرائع
والعذر والسموحه اذا كان ردي مب واضح بس كتبته في عجله :(

[غيمة العارض]

من جد حالتكم حاله
جيبو فلبيني وريحو انفسكم
اتذكر اخوي يوم راح مع ربعه
تبهذل وكل شوي مكلم امي يبي يعرف عن حاجه
موضوع حلو وشيق

[عزيزة النفس]

يا حليلكم خبرات من الحياة :)
يعطيك العافية أخوي عبدالرحمن على الموضوع



تحيتي لك

[راعِ المنقيه]

يا دريحم والله انك وليده

تسلم على هيك حركات


ياراع الاوله عنديلك طريقه مريحه جدا .. اذا كان القدر (كاتم ). حط ربعه ماء واغلقه جيدا وخله لين الطبخه الجايه .. راح تتخمر القراره (الحكاكه) ثم تنطلق من الكاتم بسهوله ومن دون صابون ...

[رائد الشبرمي]

يعطيك العافيه على الموضوع الجميل

عاد جاء وقت البر وناســـــــه

أخوك رائد الشبرمي

[ابو ظبي]

يعطيك الف عافية على هلمواضيع الحلوه

بعدين ياياسر بغيت ارد عليك بس سبقني فيها راع المنقية

[العلم الغانم]

الله يعطيكم العافية
عندي مداخلة بسيطة

إذا كان الواحد ناكب غداه أو عشاه وهو مستعجل بيمشي والقدر فيه (حكاكة) يتبع الآتي:
1_ بعد ما ينكب الكبسة يضع في القدر قليلا من الماء .
2_ يضع القدر على نار منخفضة .
3_ بعد أن ينتهي من الأكل يذهب مباشرة إلى القدر ويحرك بالملاس قاع القدر وجوانبه الداخلية ستلاحظ (الحكاكة) تخرج بسهولة تامة . ( طبعا هذا بعد التبريد بأي طريقة لا أحد يكويه القدر ثم ننشب به ).
وشكرا للجميع .

[راع الاوله]

يا دريحم والله انك وليده

تسلم على هيك حركات


ياراع الاوله عنديلك طريقه مريحه جدا .. اذا كان القدر (كاتم ). حط ربعه ماء واغلقه جيدا وخله لين الطبخه الجايه .. راح تتخمر القراره (الحكاكه) ثم تنطلق من الكاتم بسهوله ومن دون صابون ...

لا هنت يابو احمد

بس خبرك ذي ماتجي الا مع الكاتم , من تالي يابعدي , قمنا نجيب القدر ونحط اقل من ربعه ماء ونغليه ثم نتركه للاستخدام الجاي , بس عيبه يابو احمد تمسك بالقدر نكه تاثر على الطبخه الجايه تعرف , مالها داعي النكبات :(

[الروح]

بـَـارك الله فيكم


شكرا لكم


تحيــَـاتي

[راع الاوله]

إذا كان الواحد ناكب غداه أو عشاه وهو مستعجل بيمشي والقدر فيه (حكاكة) يتبع الآتي:
.[/size][/align]


والله يابعدهم اذا كنت باشد وارجع للبيت , حطينا قدورنا وصحونا بكيس ...
ولا منا وصلنا , قطيناهن على الحريـــــم , ولا وش فايدتهن هم :)

[نادرالوجود]

طيور يابو


تسلم يالذيب


اجل انت على باب يمين

ابيك تخاوين

وش رايك

[راعي الخطامه]

اكتشاف رهيب

[العلم الغانم]

الله يحيييييييييييك يا راع الأوله

أولا : مهوب معنى كلامي (( اللي مستعجل بيمشي)) يعني بيروح البيت لا ، لكن بيغير ((( المحل ))) .
ثانيا : طال عمرك إذا بغى الواحد يمشي لبيتهم وخلا قدوره ما غسلت .... مع احترامي له مهوب حق ( كشتات ولا بران ) ولو انه جاي من (( الرملة )).
وشكرا

[راع الاوله]

الله يحيييييييييييك يا راع الأوله

أولا : مهوب معنى كلامي (( اللي مستعجل بيمشي)) يعني بيروح البيت لا ، لكن بيغير ((( المحل ))) .
ثانيا : طال عمرك إذا بغى الواحد يمشي لبيتهم وخلا قدوره ما غسلت .... مع احترامي له مهوب حق ( كشتات ولا بران ) ولو انه جاي من (( الرملة )).
وشكرا

:)
حي الله العلم الغااانم
معك حق ياذيبان , والنظافه من الايمان , بس كانت من باب المزح وتلطيف الجو:) , ولا اللي هانت عليه طول الكشته بتتعبه غسلهن في يوم ....

طيب ذا بالنسبه للقدور , والصحون وباقي المواعين , لها حل غير التراب ....
اخر العام طلع لنا واحد من العيال بطريقه جديده :) بيني وبينك جازتلنا حيل , وهي ياطويل العمر , خذ لك اي قارورة ماء وركب عليها راس رشاش الماء او (( بخاخ الماء)) , او انك اشتر لك رشاش ماء كامل ....

ورش الماء على الصحون والمواعين , ونظفهن بالصابون ...
وفرنا بالماء من عرفنا ذي الطريقه اكثر من النص , لانه لو بتكشت في مقطعه وماهنا محل قريب منك , بتتعب في تحميل التوانك الماء , خاصه لامنه مامعكم حوض يحمل التوانكي ...

[تميمي مايهاب]

اللــــــــــــــــــــــــــــه يعطيك العافيه


على الموضــــــــــــــــــــــــوع


ومشكور و ماقصرت


أخوك في الأسلام ...

تيمي مايهاب%

[عبدالرحمن اليحي]

راع الاوله

هلا والف هلا

تشرف التصفح بردك

[عبدالرحمن اليحي]

من جد حالتكم حاله
جيبو فلبيني وريحو انفسكم
اتذكر اخوي يوم راح مع ربعه
تبهذل وكل شوي مكلم امي يبي يعرف عن حاجه
موضوع حلو وشيق

فلبيي مرة وحده

قولي بنقالي والا هندي


الله يرحم ايام من تطلع الين ترجع والمكالمات ماتطري لك على بال


شكرا لك

[عبدالرحمن اليحي]

يا حليلكم خبرات من الحياة :)
يعطيك العافية أخوي عبدالرحمن على الموضوع
تحيتي لك

في الطبخ والنفخ( في البر ) نتحداكم يابنيات اليوم

والا بنات امس وقبل امس ماناكل معهن عيش

ولك تحيتي

[عبدالرحمن اليحي]

يا دريحم والله انك وليده

تسلم على هيك حركات


ياراع الاوله عنديلك طريقه مريحه جدا .. اذا كان القدر (كاتم ). حط ربعه ماء واغلقه جيدا وخله لين الطبخه الجايه .. راح تتخمر القراره (الحكاكه) ثم تنطلق من الكاتم بسهوله ومن دون صابون ...


يا دريحم والله انك وليده <<<< من هو دريحم

<<<< يسمونه دحيم ابو داحم لاباس دريحم اول مرة تمر عليه


اذا كان القدر (كاتم ). حط ربعه ماء <<<<< مسرف في استعمال الماء ياراعي المنقيه

للقدر لكاتم بيالتين من الماء اكثر من كافي ومثل ما قلت

راعي المنقيه شكرا لهذا المرور الاكثر من رائع

[عبدالرحمن اليحي]

يعطيك العافيه على الموضوع الجميل

عاد جاء وقت البر وناســـــــه

أخوك رائد الشبرمي

الله يعافيك اخوي رائد الشبرمي


تشرفت بمرورك لاعدمتك

[عبدالرحمن اليحي]

يعطيك الف عافية على هلمواضيع الحلوه

بعدين ياياسر بغيت ارد عليك بس سبقني فيها راع المنقية


ولك مثل مااعطيت على هالرديد

دمت بخير

[عبدالرحمن اليحي]

الله يعطيكم العافية
عندي مداخلة بسيطة

إذا كان الواحد ناكب غداه أو عشاه وهو مستعجل بيمشي والقدر فيه (حكاكة) يتبع الآتي:
1_ بعد ما ينكب الكبسة يضع في القدر قليلا من الماء .
2_ يضع القدر على نار منخفضة .
3_ بعد أن ينتهي من الأكل يذهب مباشرة إلى القدر ويحرك بالملاس قاع القدر وجوانبه الداخلية ستلاحظ (الحكاكة) تخرج بسهولة تامة . ( طبعا هذا بعد التبريد بأي طريقة لا أحد يكويه القدر ثم ننشب به ).
وشكرا للجميع .

شكرا للمداخله

من مثلي من مثلكم يستفيد


تحياتي وتقديري لك

[~لـيــــل~]

ابو ابراهيم

ماشاءالله عليك عاد انت راعيها والخبره مايحتاج تعرف مكانها ..

الله يطول بعمررك ويسلمك على الموضوع ..

[اسد النواصر]

اللــــــــــــــــــــــــــــه يعطيك العافيه


على الموضــــــــــــــــــــــــوع


ومشكور و ما قصرت يا بناخي



اخوكم اسد النواصر

[ذيب نجد]

وله يا بنت العارض ما في البر خبازات ،،،،،


ليش انت طالع البر عشان تبي من يخدك ما لك الا انك تخدم نفسك


و اشكرك يا اخوي عبدالرحمن علي هذا الموضوع ، واحب اقولك ان لمل تطلع للبر لازم يكون معك مويه كافيه او اكثر.

[سيف الناصري]

الله يعطيك العافيه شكرا لك ،،

[عبدالرحمن اليحي]

بسم الله الرحمن الرحيم


al-roo7
هلا وغلا

مرحبا بك في محلك

[عبدالرحمن اليحي]

طيور يابو


تسلم يالذيب


اجل انت على باب يمين

ابيك تخاوين

وش رايك


ابو البندري

يشرفني اخاويك طال عمرك

[عبدالرحمن اليحي]

بسم الله الرحمن الرحيم

راعي الخطامه


شكرا لمرورك الكريم

[عبدالرحمن اليحي]

بسم الله الرحمن الرحيم

~ليـ ـ ــل~ ماجد

حياك الله

لك كل الود

[~لـيــــل~]

ابو ابراهيم

الى الان ماخلصتوا غسيل الصحون من ذاك اليوم ..

والله لو انكم تغسلون صحون اهل الشعراء كلهم ان كان خصلتوا ..

[عبدالرحمن اليحي]

اللــــــــــــــــــــــــــــه يعطيك العافيه


على الموضــــــــــــــــــــــــوع


ومشكور و ما قصرت يا بناخي



اخوكم اسد النواصر

الله يعافيك

شكرا لتشريفك هذا المتصفح البسيط

دمتبخير

[عبدالرحمن اليحي]

وله يا بنت العارض ما في البر خبازات ،،،،،


ليش انت طالع البر عشان تبي من يخدك ما لك الا انك تخدم نفسك


و اشكرك يا اخوي عبدالرحمن علي هذا الموضوع ، واحب اقولك ان لمل تطلع للبر لازم يكون معك مويه كافيه او اكثر.


صدقت مافي البر خبازات

اذا كان الطلعه طويله لازم تقتصد في الماء

وفيه حديث صحيح

‏حدثنا ‏ ‏قتيبة بن سعيد ‏ ‏حدثنا ‏ ‏ابن لهيعة ‏ ‏عن ‏ ‏حيي بن عبد الله ‏ ‏عن ‏ ‏أبي عبد الرحمن الحبلي ‏ ‏عن ‏ ‏عبد الله بن عمرو بن العاص ‏
‏أن النبي ‏ ‏صلى الله عليه وسلم ‏ ‏مر ‏ ‏بسعد ‏ ‏وهو يتوضأ فقال ‏ ‏ما هذا السرف يا ‏ ‏سعد ‏ ‏قال أفي الوضوء سرف قال نعم وإن كنت على نهر ‏‏ جار


شكرا لتواجدك هنا

[عبدالرحمن اليحي]

الله يعطيك العافيه شكرا لك ،،


الله يعافيك

اشرق المتصفح بنور مرورك

على الرحب والسعة

[الحازم]

الله يعطيكم العافية على هذا الموضوع .

الله يجيب الخير وتربع الاراضي ونسفهل في عطلت الحج