يا جماعة الخير وش سالفة بني تميم والحرارة

[راعي النقاير]

بسم الله الرحمن الرحيم

أولا السلام عليكم جميعا يا عيال العم
معكم تميمي من المذنب بالقصيم- من النواصر فرع بني عمرو

الزبدة أشوف سوالف عن جدّي الله يرحمة ويرحم اموات االمسلمين ما تصدّق
من زود الحرارة((العصبيّة)) تراوة جدّي الخامس بس سواليفة ما يحتاج كل الجماعة يذكرونه

ذكرت هالكلام لأحد الأخوان من وهبة وقال معروفين بني تميم بالحرارة

أبعطيكم كم قصة من سوالف المرحوم وانتوا احكمو

1- يوم كان شاب كان يحطب وبنيتة قويّة الزبدة بدو الحطّابة اللي معة يتشكون من وضعهم ومن أمير البلد فب تلك الأيام وانة مقصّر بحق الناس وصغير سن
ولاهي عن مصالحهم -------والله يرحم جدّي ساكت طول الطريق
ويوم وصلو المذنب جدع الحطب وراح ركضة على بيت الامير
نسيت اقول لكم كانو الناس يبون من الامير يترك الامارة لمن هو اجدر منة
ما لكم بالطويلة
جدي دخل بيت الامير ويدفر الخادم ويدور علية
يوم شافة الامير قال : وش يبي هالخبل
شالة الله يرحمة جدي وطلع بة للسطح وعلقة برجلية وهو يصيح علية((انت ياجدّي))
طلّق الامارة والا تراي ابجدعك على راسك-- وفعلا طلق الامارة الامير والناس تفرج تحت
وهم يقولون مالة الا الوليدة اللي خلصنا منة
عاد استلم الامارة الظاهر الجارالله................................


السالفة الثانية لنفس جدّي
كان يبيع ملح وهو تقريبا بسن ال50 على حمار وحاط لة عربية
المهم كان الموزع الوحيد القرية تسمى قرية الحسو موجودة الآن جنوب المذنب
ويوم من الايام اهل الحسو أو اللي ياخذون الملح وبعدين يوزعونة
قالو خلونا نكسرة((يعني ما نشري حمولتة الا بريالين فرانسي وهي تسوى خمسة فرانسي

يوم شاف الدعوى رحمة الله علية
قال: والله ما تحطونة بقدوركم
وراح وقلب ((كب)) الحمولة بالقليب حق القرية
الشاهد عرف امير الحسو وجمع الشريطيّة وهاوشهم قال لو ما يجيب لكم ملح من اللي يجيبة

واعتذر من جدي وعطاه اجرة حمولتين وقال جب لنا وحدة ثانية

---------
الاخيرة ------ رحمة الله علية عندة مناسبة عشا((ضيوف))
نادوة الحريم قالو تعال نزل القدر من النار-- جاء الله يرحمة فازع يوم نهض القدر من النار واثرة حار يطبخ ولمس ساقة وكواة بعد (((كب العشا الله يرحمة من الحرارة




السؤال هل صحيح في بني تميم رجال بهذة الصفاة واذا ممكن تذكرون لنا بعض القصص


وشكرا للجميع



الله يرحمة

[ذيب تميم]

اقتباس :
شالة الله يرحمة جدي وطلع بة للسطح وعلقة برجلية وهو يصيح علية((انت ياجدّي))
طلّق الامارة والا تراي ابجدعك على راسك-- وفعلا طلق الامارة الامير والناس تفرج تحت
وهم يقولون مالة الا الوليدة اللي خلصنا منة
0000000000000000000000000
حشا صار دواجن الوطنيهتعليق بالرجلي ههههههههههههههاايالله يرحمه
=======================================
الحراره في تميم وغير تميم الله سبحانه مفرق الشجاعه والطيب على كل القبائل ...
اذكرلك سالفه ايضا من شيباننا الاولين ولد عم ابوي
معرووف ولد عم ابو بالشجاعه المتانهيه وكان سااااااااااااااااامت قليل الكلام من سكان حائل وكبير البنيه وجبر الى ان اهل الحي يخافوونه لقوتته ودهائه وكان بواردي بندقه ما تنزل من كتفه ابد . ومعروفين حائل بالعياره وكان حي يغص في بعض الصناع .. وكان اذا جاء مع مغيب الشمس يجيب معه صيد ويستقبلوونه ابناء عمه واخوانه لياخذو منه الصيد كان يوجد صنانيع بدوئو العياره عليه قاام عليهم وحشرهم كلهم حشر وصاد لهم غربان وحصاني واكلهم اياها بالقووه .. وله هيبه لا توصف لكل من عرفه وسالت عنه قال لا يمكن ان يوجهه احد الى حد انه ينزل راسه اذا مر من قائد خشبه معترضه في الممر او الشارع ..من طووله وجبارت جسمه . ومعروف لابني تميم انهم لا يقبلون الضيم والاهانه . واعتقد ان بيت ابن رشيد اللي يقول : يذكر جراد في حينا ساد ***هذا يخسسبه وهذا ينسويه انه فيه . حقيقه الحراره فيهم ..

[عمروالندى]

الاخ راعي النقاير : بل على العكس بني تميم اشتهروا بالحلم واحلم العرب منهم مثل قيس بن عاصم والاحنف بن قيس وقد وصفهم ابن رشيد بالحلم حين قال ان فتنة (غضب) التميمي في رجليه وتمشي رويدا حتى تصل الى رأسه فإذا وصلت رأسه فابتعد عن طريقه وقد سمعت قصة حدثت في الرياض قديما عندما كان الناس يسقون من ابار وهي :انه كان هناك بضعة افراد من احد القبائل يحجرون الناس عن البئر فجاء احد التمايمه وانزل دلوه بيد وهو يكافحهم باليد الاخرى ولكنه بدأ يضربونه بشده وعندما احس بالالم قال : اثره طق صج ( صدق) ثم تفرغ لهم وكان اذا ضرب الواحد سقط دون حراك ثم بعد ان سدحهم سقى لنفسه وذهب وترك الناس تسقى
وطبعا اختلاف الطباع بين البشر معروف ....,الله اعلم

[تركي]

وقد سمعت قصة حدثت في الرياض قديما عندما كان الناس يسقون من ابار وهي :انه كان هناك بضعة افراد من احد القبائل يحجرونالناس عن البئر فجاء احد التمايميى وانزل دلوه بيد وهو يكافحهم باليد الاخرى ولكنه بدأ يضربونه بشده وعندما احس باللالم قال : اثره طق صج ( صدق) ثم تفرغ لهم وكان اذا ضرب الواحد سقط دون حراك ثم بعد ان سدحهم سقى لنفسه وذهب وترك الناس تسقى
وطبعا اختلاف الطباع بين البشر معروف ....,الله اعلم



كلام في الصميم ...



قصص رائعة من الاخوان عموما ....

[مجنى حميد]

يا شباب لاتنسون ان بني عمرو بن تميم الذين منهم النواصر يسمون الأحلمين!

تحياتي لكم.

[صقرتميم]

السلام عليكم ورحمة الله وبركاته

أما في هالموضوع أسديت والله أني وأهلي وجماعتي ضيان تروع أثر الدعوى وراثه والغريب أن

أكثر اللي أعرفهم من القبائل الثانيه باردين جابولي القرحه والقولون لكن ماأقول الا (الحي يحييك

والميت يزيدك غبن) وتسلموووونundefined

[راعي قفــــــار]

اخبر سالفه قالها لي الوالد خال ابوي الي هو فهد خلف الصقيه من اهل جبه كان من كبار اهل جبة وكانو يهابونه ويبجلونه ويغلونه ويضربون له الف حساب وكان رحمة الله عليه جبر الا ضخم حتى ان بعضهم قال انه كان لا جاء من العراق بالتجارة نص الطريق يشيل الناقة والنص الثاني هو يشيله مالكم بالطويل لما كان له من واحترام ومكانه كانو الطراقي لاجو مايروحون لامير جبه كانو يجون عنده وكان الامير مايقدر يسوي شي بهالخصوص وشال عليه يوم توفى (تدرون شلون كان يرعى بالذود يوم هاج فحل وهج سبقه خالي وهو يطرحه من زود ماهو جبر ويوم طرحه انشق قلبه وانقطع نفسه) عاد الامير يوم توفى حط الحره بجدي الي هو خلف لانه زي ماقلت كان الحقد مالي قلبه علعموم قصته مشهورة ب جبــــة وهي واحة شمال حايل بالنفود

[راعي العبله]

هههههههههههههههههه

وسعتوصدورنا بهالسوالف الزينه يابني عمي وخصوصا سالفة خالك يابوصقيه الله يوسع صدوركم ..

أما العصبيه والشجاعه والصلافه والخشونه والشراسه وكبر القطع فيه زايدتن في تميم بالذات ..

..

[العنبري العنبري]

ترنامالام ياابناالعم لانا ماخذين من البدو الخشونة والحدة والشجاعة والقوة ومن الحضر الدين جعلنا اللة وأيكم من اهل التوحيد

[أحمد البكر"]

أخوي راعي النقاير
وأخوي الثاني بن جراد
وأخوي الثالث والموأسس لهذا المنتدأ أبو ماضي
لا هنتو على المعلومات الطيبه والجميله التي يفخر بها الرجل
والي بنفس الوقت تقطعت البطن من جريات الشيبان