الفارس
09-30-04, 03:11 PM
هذه القصيدة للشاعر جحيش بن مهاوش قالها في عياله حيث انه دعا عليهم إن الله ما يرزقهم الأولاد , واستجاب الله دعاه حيث قيل إنهم تزوجوا مرة وثنتين وثلاث وما رزقهم الله بالأولاد وانقطعت من ذلك الوقت ديارهم وأخبارهم بدعوة أبوهم عليهم.
بدت القصة يوم ماتت أمهم وتوهم صغار، وقام والدهم جحيش بتربيتهم ورعايتهم إلين ما كبروا وكان لهم مثل الأم والأب يسهر الليالي على تربيتهم وراحتهم وفي النهار يسعى عشان يجلب لهم الزاد وكان في ذلك الوقت صعب الحصول على الطعام إلا بشق الأنفس وكان يترك عياله عند خوالهم أو عند الجيران وعند الأكل كان يحرم نفسه نصيبه إن كان الأكل شوي ويكتفي بشربة ماء وينام وهو جايع ومن حرصه على عياله انه ما تزوج بعد ما ماتت أمهم لأنه خايف إنها تكون قاسية عليهم وتكفل بالحنان والتربية لهم.
ومرت السنين والسنين وكبروا عياله وتزوجوا واحد وراء الثاني وبعد كل اللي سواه لهم ما لقي من عياله إلا الجحود والنقص في معاملتهم له، ولا عاد أحد منهم يبي يخدمه أو يقضي لزومه بعد ما حل عليه الشيب وكل هذا عشان زوجاتهم اللي أصبحن يتوذن من خدمته حتى إن كل واحد منهم صار يطرده من بيته ويصك الباب من دونه.
ويوم شاف هذي الطريقة منهم قال قصيدته المشهورة وبعدها راح يسكن بأحد الخربات ولا عاد يقوا على القومه والمشي وضعف بصره وسمعه إلين الله توفاه
والقصيدة تقول:
قال الذي يقرا بليا مكاتيب
ياللي تقرون العمى من عناكم
ياعيال ياللي تشرفون المراقيب
تريثوا لي واكثروا من خطاكم
خذوا كلام جحيش ما به تكاذيب
مثل السند مضمون للي وراكم
ياعيال وان صرتوا ضيوف ومعازيب
ترا الكلام الزين ملحه قراكم
ترا البلاسة من كبار العذاريب
ترا البلاسة ما تطول لحاكم
يصير بعيون الرفاقه تقل شيب
إلى منه اقبل قيل هذا بلاكم
المذهب المذهب ترا المذهب الطيب
ترا ردى المذهب يبور مساكم
ياعيال ما سرحتكم للمعازيب
ياعيال ما عمر المعزب ولاكم
ياعيال ما ضربتكم بالمشاعيب
ولا سمعوا الجيران لجة بكاكم
ياما تمسعرت الخلايق تقل ذيب
من خوفتي يقصر عليكم عشاكم
أحفيت رجليني بحامي اللواهيب
وخليت لحم الريم يخالط غداكم
واليوم شوفوا لحيتي كلها شيب
وشوفوا محلة خوضعي في ذراكم
قمت اوكا فوق عوجا المصاليب
قصرت خطاي يوم طالت خطاكم
ياعيال ياعيال عليكم مطاليب
عطوني القربة جزا ما جاكم
خوالكم ياعيال هم ماكلي الطيب
يا عيال مدري ها الردا منين جاكم
ياعيال ياعيال الخنا كلكم عيب
ياللي على الوالد كثير لغاكم
قصيتكم واسندت وادي السلاحيب
ولقيت في الصبخا مدافيق ماكم
يا عيال بعتوني بصغر العراقيب
ماهي حقيقة سود الله قراكم
اطلب عسى نسوانكم ماتحمل ولا تجيب
تغيب شمس الصبح وتغتم سماكم
ولابد ما هو عاوي دوني الذيب
بالقبر مفرق طيبكم من رداكم
**** وسلامتكم ****
المرجع / شريط (( وسم )) بصوت الأستاذ / محمدعبالله الفريح
بدت القصة يوم ماتت أمهم وتوهم صغار، وقام والدهم جحيش بتربيتهم ورعايتهم إلين ما كبروا وكان لهم مثل الأم والأب يسهر الليالي على تربيتهم وراحتهم وفي النهار يسعى عشان يجلب لهم الزاد وكان في ذلك الوقت صعب الحصول على الطعام إلا بشق الأنفس وكان يترك عياله عند خوالهم أو عند الجيران وعند الأكل كان يحرم نفسه نصيبه إن كان الأكل شوي ويكتفي بشربة ماء وينام وهو جايع ومن حرصه على عياله انه ما تزوج بعد ما ماتت أمهم لأنه خايف إنها تكون قاسية عليهم وتكفل بالحنان والتربية لهم.
ومرت السنين والسنين وكبروا عياله وتزوجوا واحد وراء الثاني وبعد كل اللي سواه لهم ما لقي من عياله إلا الجحود والنقص في معاملتهم له، ولا عاد أحد منهم يبي يخدمه أو يقضي لزومه بعد ما حل عليه الشيب وكل هذا عشان زوجاتهم اللي أصبحن يتوذن من خدمته حتى إن كل واحد منهم صار يطرده من بيته ويصك الباب من دونه.
ويوم شاف هذي الطريقة منهم قال قصيدته المشهورة وبعدها راح يسكن بأحد الخربات ولا عاد يقوا على القومه والمشي وضعف بصره وسمعه إلين الله توفاه
والقصيدة تقول:
قال الذي يقرا بليا مكاتيب
ياللي تقرون العمى من عناكم
ياعيال ياللي تشرفون المراقيب
تريثوا لي واكثروا من خطاكم
خذوا كلام جحيش ما به تكاذيب
مثل السند مضمون للي وراكم
ياعيال وان صرتوا ضيوف ومعازيب
ترا الكلام الزين ملحه قراكم
ترا البلاسة من كبار العذاريب
ترا البلاسة ما تطول لحاكم
يصير بعيون الرفاقه تقل شيب
إلى منه اقبل قيل هذا بلاكم
المذهب المذهب ترا المذهب الطيب
ترا ردى المذهب يبور مساكم
ياعيال ما سرحتكم للمعازيب
ياعيال ما عمر المعزب ولاكم
ياعيال ما ضربتكم بالمشاعيب
ولا سمعوا الجيران لجة بكاكم
ياما تمسعرت الخلايق تقل ذيب
من خوفتي يقصر عليكم عشاكم
أحفيت رجليني بحامي اللواهيب
وخليت لحم الريم يخالط غداكم
واليوم شوفوا لحيتي كلها شيب
وشوفوا محلة خوضعي في ذراكم
قمت اوكا فوق عوجا المصاليب
قصرت خطاي يوم طالت خطاكم
ياعيال ياعيال عليكم مطاليب
عطوني القربة جزا ما جاكم
خوالكم ياعيال هم ماكلي الطيب
يا عيال مدري ها الردا منين جاكم
ياعيال ياعيال الخنا كلكم عيب
ياللي على الوالد كثير لغاكم
قصيتكم واسندت وادي السلاحيب
ولقيت في الصبخا مدافيق ماكم
يا عيال بعتوني بصغر العراقيب
ماهي حقيقة سود الله قراكم
اطلب عسى نسوانكم ماتحمل ولا تجيب
تغيب شمس الصبح وتغتم سماكم
ولابد ما هو عاوي دوني الذيب
بالقبر مفرق طيبكم من رداكم
**** وسلامتكم ****
المرجع / شريط (( وسم )) بصوت الأستاذ / محمدعبالله الفريح