ديوان الشاعر خليل بن ابراهيم الشبرمي

[سطام الشبرمي]

الشاعر خليل الشبرمي التميمي

[سطام الشبرمي]

القصيده موجهة من الشاعر خليل بن ابراهيم الشبرمي الى اللواء متقاعد عبدالعزيز اليوسف
ريس الجنة القبول بالكليات العسكريه سابقا ومناسبتها هي ان الشاعر ذهب لمقابلة اللواء في
موضوع لاحد ابناء عموته ولكنه لم يستطيع مقابلته اكثر من مرة فكتب هذه القصيدة علمابان بينهما سابق معرفه جيران وهذه القصه عام *1416هـ



ياواحد مادون بابك خفارات=ياسامع اللي بالدجاء لك ينادي

يالله سالتك يااله البريات=عفوك وسترك والهدا والرشادي

ومن بعدذا يامحزمي بالمهمات=اللازمات الملزمات الشدادي

ياماكر الصلولات نسل التميمات=يامعرب الجدين سقم الاعادي

حاولت اشوفك بس هيهات هيهات=انا بوادي وانت عني بوادي

والجندي الماخوذ مابه مروفات=يهوشني ويقول وين انت غادي

واهل المشالح والرتب الرفيعات=ماوقفوابالباب صفرالايادي

والعلم مابه يالبناخي مراوات=جاك الوكاد ورد علم وكادي

والطيب كايد بس للطيب حزات=والفعل صمله والدوادي دوادي

واديم الله ماتدوم المقصات =تمسي لوتصبح انسان عادي

والشر له بوجيه الاشرار شارات=والجود باهل الجود بين بادي

وغيري يجيب من الامير اعتمادات=واناعلى رب العباد اعتمادي

يقوله اللي مايخون الامانات=ولايجحد المعروف عنده مبادي

وصلو على مبعوث رب السموات= شفيعنا يوم الحشر والتنادي

[عمروالندى]

وغيري يجيب من الامير اعتمادات =واناعلـى رب العبـاد اعتمـادي


ما اجملها من قصيده , سلمت اخي الكريم وصح لسان قائلها

[مجنى حميد]

أخي حفيد شقران تسلم على ايراد القصيدة الرائعة.

و بالنسبة لتنسيق القصيدة، ضع علامة يساوي "=" بين كل شطرين عشان يكتمل رونقها.

تحياتي لك.

[السـعدي التميمي]

صح لسان القايل والله يسلم يداك

[سطام الشبرمي]

~*¤ô§ô¤*~*¤ô§ô¤*~الاخ عمرو الندى ومن قال يسلم
شكرا على المرور وبارك الله فيك ~*¤ô§ô¤*~*¤ô§ô¤*~

[سطام الشبرمي]

الاخ الاسيدي شكرا على المرور
وبارك الله فيك ومرحب مليار

[سطام الشبرمي]

الاخ العناقره ومن قال يسلم شكرا
على المرور وبارك الله فيك

[سطام الشبرمي]

قلت حق وقال لابالله زيف=قلت عندي مايبرر موقفي
قال كيف وقلت انا له كيف كيف=بعد ذا المده تقول انك وفي
زل صيف وزل صيف وزل صيف=من ثلاث سنين وينك مختفي
رحت أدور عنك من بيش لطريف=ودجت نجد من الهفوف ليا نفي
كنت طيف وجيت طيف ورحت طيف=والامل لا طال شمعه ينطفي
قال احبك قلت حبك حب حيف=مااقبله لو كان حسنك يوسفي
مامعي للحرب لاحربه وسيف=من غرابيل الليالي مكتفي
وعطر باريسي وساعة من جنيف=ماتفيد ولا تغير موقفي

[راعي السبعان]

صح لسان الشاعر خليل

قصيده رائعه

وجزله


تسلم اخوي على طرحها هنا


دمت بعز

[سطام الشبرمي]

وانت اروع اخي راعي السبعان
لاهنت ولا عد مناك
شكرا لك




الشبرمي ليانخي داس الاخطار=وبه الحميه واللوازم وكيده

[راعِ المنقيه]

لا هنت ياحفيد شقران
على وضع القصيده

وصح لسان الشاعر ابو اديب

[بن مـغـامـس]

صح لسان ابواديب وتسلم على النقل


ودمت بسلام

[السـعدي التميمي]

حفيد شقران
صح لسانك يالغالي

[سطام الشبرمي]

الاخ العناقره ومن قال يسلم


شكرا على المرور ..وبارك الله فيك





الشبرمي ليانخي داس الاخطار**وبه الحميه واللوازم وكيده

[سطام الشبرمي]

اخي العزيز راعي المنقيه


الف..الف..شكر

علىهذا المرور الجميل
على هذا الكلام اللطيف


وكل عام وانتم بخير



الشبرمي ليانخي داس الاخطار**وبه الحميه واللوازم وكيده

[سطام الشبرمي]

اخــــــــي العزيز بن مغامس


الف ...الف ...شكر


على هذا المرور الجميل

وهذا الكلام اللطيف

وكل عام وانتم بخير


الشبرمي ليا نخي داس الاخطار**وبه الحميه واللوازم وكيده

[سطام الشبرمي]

هذه القصيدة للشاعر
خليل الشبرمي التميمي
وهي من أجمل قصائده الغزلية






ياكاغد القرطاس خل الزاج
ينثر شعوري وآخر انتاجي
دام المتيم موج بوحه هاج
وعسعس عليه الليل وانساجي
خلّه يفضفض لو لِحِقْه احراج
وسره تعدى ظَلْم وسواجي
حندس ظلام ارهق فتيل سراج
يرجي شعاع الصبح ينباجي
ودمع الحزين ان هل هل ازواج
من معصرات الهم ثجاجي
بيّح سدودي مترفٍ مغناج
وصفه يعجّز كل هراجي
حلو النبا حبّوب طلق حجاج
عذب اللمى والخد لعّاجي
وشمس النهار بوجهه الوهّاج
وليل الدجى مجدوله الداجي
وخنجر ( ذياب ) وقسوة ( الحجاج )
وحكمة ( اياس ) بطرفه الساجي
وجنه ونار وجلنار وعاج
وملحٍ فرات وعذبٍ اجاجي
والقيروان وقابس وقرطاج
ومهد الذهب وعيون الافلاجي
والجمر والجمّار والديباج
بين الجبين وجيده العاجي
قلعة جمال محصّنه بابراج
فيها يهاب ويامن اللاجي
وعرش الجمال اليوسفي والتاج
حاشه بلا تصويت واحراجي
له نوق شوقي زرفلن افواج
كلي ظما والزين هداجي
والعمر ساعة والدروب فجاج
والله يحقق ما رجا الراجي
لولا الرجا ماحجوا الحجاج
ولافكّر المسجون بافراجي
والحرب كر وفر واستدراج
والحب حربٍ مابها ناجي
وش خج قلب فهيد بن مجماج
وخلا خليل يهيم ويناجي
الزين يذبح يالله المخراج
وصدّ الحبايب موتٍ مفاجي
والوضع مايحتاج لاستنتاج
شوفه شفاي ووصله علاجي
اقول .. والا اقول .. مايحتاج
احسن لي اسكت وارجع ادراجي



وسلامتكم

[عتاب بن هرمي]

يسلم راسك يالبناخي والشاعر الفحل خليل الشبرمي لايستغرب منه هذه الدرر

[سطام الشبرمي]

الاخ عتــــــاب بن هرمي

ومن قال يســـــــــلم


شكرا على المرور.....وبارك الله فيك


الشبرمي ليا نخي داس الاخطار**وبه الحميه واللوازم وكيده

[راعِ المنقيه]

قصيده جميله

ونقل موفق

وصح لسان الشاعر خليل الشبرمي التميمي

[سطام الشبرمي]

اخـــــــــــــــي العزيـــــــــــــــــز راعـــــــــــي المنقيــــــــــه


حيـــــــــــــاك الله ....وبـــــــــــــارك الله فيـــــــــــــــــــــــــــــــك


وشــــــــــــــكرا على هــــــــذا المرور اللطيـــــــــــــــــــــــــــــــف



الشبرمي ليانخي داس الاخطار **وبه الحميه واللوازم وكيده

[راعي السبعان]

صح لسان ابو اديب


ولاهان ولا هان راسه

والشاعر ابو اديب

دائماً يتحفنا بجديده

ادامه الله ذخراً لتميم

سلمت اياديك اخي حفيد شقران

على النقل الرائع والقلم الناصع

دمت بعز

[سطام الشبرمي]

اخـــــــــــــــــــــــــي العزيـــــــــــــــــــز

راعــــــــــــــــــــــي السبعـــــــــــــــــــان

الـــــــــــــف...الــــــــــــــــــف...شكــرا

علــــــــى المـــــــــرور الجمـــــــــــــيـــــــــــلوهـــــــــذا الكــــــــلام اللطيـــــــــــــــــــــــــــف
وكــــــل عــــــام وانتــــــــــــــــــم بخيـــــــــــــــر
الشبرمي ليانخي داس الاخطار**وبه الحميه واللوازم وكيده

[محروم]

قال أحبك قلت حبك حب حيف *** ماقبله لو كان حسنك يوسفيأناااااااااااااااااا أشهد
صح لسااااااااااان أبو أديب
وسلمت ياااااااااخوي على النقل الاكثر من رااائع
وننتظر المزيد من قصاااااائد ابو أديب

[محروم]

واديـم الله ماتـدوم المقـصـات *** تمسي لوتصبـح انسـان عـادي
صح لسااااانك ولسان أبو أديب
قصيده رااائعه بروعه قائلهاااااا
كل الشكر ياحفيد شقران على النقل
تحياااتي لك

[محروم]

الـزيـن يـذبـح يالله المـخـراج *** وصـدّ الحبايـب مـوتٍ مفـاجـي
صح لساااااااااان شاعرهااااااا القرم
ونقلك الموفق واتمنى اتحافنا بالمزيد
والى الامام
تحيه عطره بماء الورد لك على النقل

[سطام الشبرمي]

اخــــــــــــــــــــــــــــي العــــــــــزيـــــــز محـــــــروم

حيــــــــــــــــاك الله ...وبـــــــــــارك الله فيــــــــــــــــــكوشكـــــــــــرا على هذا المرور اللطـــــــــــــــــــيف

الشبرمي ليانخي داس الاخطار**وبه الحميه واللوازم وكيده

[سطام الشبرمي]

اخـــــــــــــــــــي العزيــــــــــــز محـــــــــروم

الــــــــــــــف..الــــــــــــــــف..شـــــــــ ــكر

على هــــــــــــــذا المــــــــــرور اللطيــــــف

وهـــــــذا الكـــــــــــــــــلام اللطيــــــــــــــف

وكــــــــــــل عــــــــــــام انتـــــــــــــم بخيــــــر
الشبرمي ليانخي داس الاخظار**وبه الحميه واللوازم وكيده

[سطام الشبرمي]

اخـــــــــــــــــي العزيـــــــــــز محــــــــروم

الـــــــــــف..الـــــــــــــف..شكــــــــــر

على هـــــــــذا المـــــــرور اللطيــــــــــــــــف

وهـــــــــذا الـــــكلام اللطيـــــــــــــــــف

وكـــــــــــــــل عـــــــــــــام وانتــــــــــم بخير


الشبرمي ليانخي داس الاخطار**وبه الحميه واللوازم وكيده

[سطام الشبرمي]

http://w30w.com/files/5505.gif

http://thlooj.jeeran.com/f1.gif

واونتاه اللي من العام للحين =وافوح كبدي.. وآآآآه.. وعزتالي

وابري حالي كل ما قلت بتزين =عيت تزين وصحت وابري حالي

البارحة مامسيت والناس ممسين = عيني قزت والقلب يصلاه صالي

يرجف ورجفه كنه عيار خمسين =مع هيلعٍ عند اللقا ما يبالي

وانس بكبدي مثل طعن السكاكين =ولا حدٍ فطن ياخوك للي جرالي

تخالفن ياخوك كل الموازين = والحمل كايد واحتملته لحالي

ان اشهد ان الموت ضيم الموالين= والغدر امره من رفيقٍ موالي

والخدش كبه لو رصيده ملايين = وانص الولد لو ما بجيبه ريالي

تمقلي ياعين دامك تشوفين = وتوكدي حرام والا حلالي

السيل سال وشال روس وكراعين = والله يثبت راسيات الجبالي

وحنا على درب المقادير ماشين =ولا حدٍ درى عن غيب سود الليالي

يا من ترى وتشوف وتروف وتعين = أبطلبك يامن عليك اتكالي

انك على درب السلامة تقدين=وتلطف بحالي يا عزيز الجلالي

الشاعر..خليل ابراهيم ناصر الشبرمي التميمي

http://thlooj.jeeran.com/ff3.jpg

[سطام الشبرمي]

بعد التحية والسلام


الليالي توْدِع العاقل هبيل=والامور اليوم سلّم ياسلام
راح جيل ومقبلٍ ياخوك جيل=يالله اني طالبك حسن الختام
العزيز يذل ويعز الذليل=والسباع تباع في سوق النعام
ودفتر الشيكات في مخبا البخيل=ماظهر في حرب والا في سلام
واللبن والزبد في بطن الصميل=ما اطعم الجايع ولا فطر صيام
وش يجيب (الدوم) لغروس النخيل=فرقهن فرق الكرام من اللئام
ومن جلب لاهل الحسا تمرٍ حويل=علموه ان الهزيله ماتسام
حسبنا المولى وهو نعم الوكيل=عالم النيات خلاق الأنام
مانبي منهم كثير ولا قليل=ولا لنا مقصد ولا غاية مرام
والحظيظ اللي يحسّب للرحيل=باكر ليا لف في مترين خام
مايفيده لا خوي ولا زميل=ولايفيده لاخوال ولاعمام
فانيه والادمي عابر سبيل=اترك اللي فات وانظر للأمام
والمهايط والحكي ماله ذبيل=مارفع طامن ولاطمن سنام
والشعير يكال بشوال و زبيل=والذهب محسوب بالملي جرام
والكلام احيان احد من الصقيل=يتلف الارواح ويقص العظام
والصبر طيب لو انه حنظليل=والعفو والصفح من طبع الكرام
استغلوا فرصة الشهر الفضيل=افتحوا صفحة محبه وانسجام

الشاعر خليل الشبرمي

[سطام الشبرمي]

حرام.. يا باشـة الغيـد=واحلف.. بـرب البريّـه

لولاي أهـاب المناقيـد=واللـوم والهـرج فيّـه

لا أشق ثوبي ضحى العيد=وادنّـهـا هاشـمـيّـه

وانخى جميع الأجاويـد=تكفون ياهـل الحميّـه

راع الهـوى يالاواليـد=شيلـوه فـي مروحيّـه

لاحركـت هـزّت البيـد=تـرزم رزيـم بـرديّـه

ودوّه يـم اتلـع الجيـد=تكفـون قبـل المنـيّـه

ولا تكثـرون التناشيـد=بالحيـل حالـه رديّـه

عيـده عـذاب وتناهيـد=وجـروح قلبـه طريّـه

وشفا العيون المراميـد=شوفـة رهيـف الثنيّـه

ماجت على كيف ماريـد=مير الوعـد بالضحيّـه

يا مخلفيـن المواعيـد=من غير ذنـب وخطيّـه

وما ودي انقص ولا ازيد=واكشـف امـورٍ خفيّـه

محروم من فرحة العيـد=مـن ذاق فرقـا خويّـه

[سطام الشبرمي]

http://thlooj.jeeran.com/salam2.gif


لا يا حمد لا تبحث الأسباب=والوقت لا تامن عواقيبه

وان كانها تحقيق واستجواب=سجل ودون كل مادلي به

الحب بلوى والهوى غلاب=وويل من طب بغياهيبه

ويا والله اللي ما حسبت حساب=رجلي طريق الحب تمشي به

وانا ادري ان الحب حرب اعصاب=والمسعد اللي سَلْم ما بلي به

ليما بليت بمترفٍ جذاب=ما غير اهوجس به واهذريبه

غرو لك الله يسلب الألباب=بالسلهمة والملح والطيبه

ماكنه الا والغزال اقراب=من دون لا شكٍ ولا ريبه

عاشق عيونه في عيونه ذاب=ذوب الذهب وان سلهم غدي به

رمشه كتيبه والعيون كتاب=تاصلك لاسلكي مكاتيبه

شلفا ذياب وفي يمين ذياب=ياعنك ما يبرى من تصيبه

تصوب العاشق بعكش اهداب=وبنظره توديه وتجي به

اهواه واهوى ليله المنساب=واسري معه واضيع واسري به

واهيم وادخل جوه الخلاب=واطرب واغني له واغني به

واعيش جو انشودة السياب=واغيب واصحي به ولا اصحي به

وان مر طيفه سيد الأحباب=وانا بنومي قمت اهلي به

افز به وافز له باعجاب=ضيفٍ تهلي به معازيبه

لاوعي لا تمييز لا استيعاب=الزين ما سمع به ولا اوحي به

عاشق عيونه يا حمد منصاب=والموت كانه مات مادري به

يا دمعتين ونظرتين عتاب=للجادل اللي صده مصيبه

اتلى العهد به في اغسطس آب=الفين وخمسه ذاك علمي به

أسهر وقلبي يا حمد من غاب=والهم يقبل به ويقفي به

ابا اتمنى والبخت جلاب=يا الله عسى الاقدار تومي به

يلملم شتات الهايب المرتاب=ويبعثره ويعيد ترتيبه

ويمد لي من بعد طول غياب=فنجال واقدع من مذانيبه

http://thlooj.jeeran.com/9.gif

[سطام الشبرمي]

http://bnitamem.jeeran.com/klel.gif

قالهافي اجتماع بني تميم في حوطة بني تميم وفي ضيافة

الشيخ / حسن بن إبراهيم آل حوتان التميمي

يوم الخميس ليلة الجمعة الموافق 6 من شوال 1425هـ

ذروة تميم

بديت بسم السميع الواحد اللي بالسراير عليم=الحي محيي هشيم الصفصف القاع ورميم العظام

اللي دحر بالبحر فرعون وجنوده واعز الكليم=وانطق لسان ابن مريم بالمهَد عيسى عليه السلام

يارب لطفك وحلمك ياحليم ورحمتك يارحيم=والعفو والستر والغفران ياغافر ذنوب الانام

ومن بعد ذا مرحباً واهلاً هلا ماهل همال ديم=وعداد مالاح برق وسومها بخشوم سود الغمام

عند البنيخي هل الحوطه هل المجد القديم العظيم=واهل القويع وهل الحلوه زحازيح الرجال الكرام

رمز الكرم والصخا والطيب والطولات ذروة تميم=أهل الوفا والظفر والباس لاثار الدخن والعسام

أهل الندا والنقا فرز الوغا ومنزحين الخصيم=دون الغروس الظليله والحما محمي بحد الحسام

عوق العدا والمنايا ياردون حياضها ورد هيم=وجيوش الاتراك تشهد يوم ولّت والمدافع حطام

وانتم هل الدين وانصار الشريعة والهدى من قديم=وانتم حماة العقيدة قالها الامام نسل الامام

والحمد للواحد اللي لاوهب يجزل وان اعطا كريم=تميم من روسيا لاسبانيا في عز واشرف مقام

وكل القبايل على ماقيل فيها حقها يافهيم=كلمة وفا والوفا لاهل الوفا فرضٍ وتركه حرام

وعداد ماعاد عيد وعدّ ما هز الجرايد نسيم=على النبيّ الأبيّ الهاشميّ ازكى صلاة وسلام

[سطام الشبرمي]

بديت بسم الله اللي لادعته الناس لبـى واجـاب
ربٍ عطوفٍ يشوف ظروفها ويـروف بحوالهـا
أوي الله الله وسيع المغرفه .. والله شديد العقاب
سبحانه مقسّم ارزاق البشـر ومقـدّر آجالهـا




..................








رجواي باللي عليـه المتكـل والاعتمـادي
وماخاب عبد(ن) على رب المخاليق اعتماده
رحيم يحيي هشيم القاع من وبل الغـوادي
وحكيم فيما حكـم واراد لـه حكمـه واراده
سبحانه اللي رفع سبع السموات الشـدادي
اللي دحر بالبحر فرعون وجنـوده وابـاده

[سطام الشبرمي]

من الوسمي سحاب(ن) ساقه الرحمن ومفاجات=تزبّر وارتهش وارهش وهـل وبيّـح سـدوده

ترزم وارتكم وابهل على الروضه ونوّه بـات=يقود ونوض براقه يقيـد وترجـس رعـوده

ردوم(ن) هل ماها من سماها والبـرد زخـات=وغثير السيل من يوحي هديره زادت سعـوده

ربابه لاانفهق واقفى مثل ذود(ن) من الخلفات=تتالى واقفت ركابـه عقـب مانـزّل شنـوده

كساه العشب والنوار الاصفـر كنـه جنيهـات=وقال الروض غني يا ام سالم باعذب انشـوده

يطيب الكيف والدله على جمر الغضا مركـات=بروض(ن) لااومت فنوده يفوح الطيب مع نوده



ويلك من الله تماديت يا اسمـر يـا نحيـل=وش جرى لي من سبايبك من شهر اثنعـش
ذا وحبك ساكـن(ن) فـي معاليقـي نزيـل=معشش(ن) بالقلب من يوم عمرك بالطعـش
حالف(ن) ما انسى ولا اسلى غرامك يا جميل=لين اودّع دنيتـي ميـت(ن) فـوق النعـش

[سطام الشبرمي]

يازين انا من ثمان سنين=مجنون يازيـن بعيونـك

والشاهد الله الى ذا الحين=لازلـت لليـوم مجنونـك

خفّف على قلبي المسكين=وارفق على قلب مظنونك

ماهو بحبحب على السكين=اطعن ولكن على هونـك

ـــــــــــــــــــــــــــــــــــــــــــ

البوم ينزل بالخرابـه والقليـب=وطيور شلوى عالي(ن) منزالها

والحق حق ودوم شمسه ماتغيب=والمخزيه خزي(ن) على عمّالها

لاتامن الدنيا تطيب ولا تطيـب=ما تنومـن باقفاياهـا واقبالهـا

ــــــــــــــــــــــــــــــــــــــــــــــــــ ـ


من زود مابي يالغضي ترخت=يوم الوعد هجـري وميـلادي

ومن لهفتي ياسيّـدي دوخـت=رزنامتـي ياثالـث اعيـادي

لاشك ما ادري وش بلاك افخت=ياباشـة الغـزلان ميـعـادي

يا حيلة الله فـي رداة البخـت=حظي معك بالوصل ماجـادي

الله يجيبك يا غـرور اليخـت=الموج ماهو دايـم(ن) هـادي

[الروح]

الله الله عليَــك يا سطام وينك من مبطـي يا ولد عمـي كل هذا الابداع كان في حائل ولا شفناهـ الا قبل فترهـ .. اخي سطام نحن بـأنتظـأر ابداعات ابو اديـب وقصائدهـ الرائعه لا تحرمنا من ديوانـه ومن قصائده المرصَــعه بـ الألمـاس
فمَـان الله
الَــروح
يـانون وش لـي بـ ع ـد ظلمـَـه تبقَـى
B

[سطام الشبرمي]

عيوني عيوني عن خطـاك معصوبـه
مخلص(ن) لك بحبي والليالـي عصيبـه
ليه ماترحم اللـي منـك يمـك هروبـه
ومـن عذابـك لذيـذ مـا يهتنـي بــه
بعدك اقسى عذاب وقربك اعذب عذوبـه
ووصلك اكبر نعيم وصدك اكبر مصيبـه
وصمت اعظم عقاب وهمسك اجزل مثوبه
وانت طب الجروح المبطيـه والعطيبـه
سقت جيش العتب لاشك واجه صعوبـه
وانسحـب مـن ميادينـك كتيبـه كتيبـه
تـدري ان المحبـه ياحبيبـي عقـوبـه
وادري المحبـه طـوع ماهـي غصيبـه
وادري ان الدقايـق والعمـار محسوبـه
حسبي الله على حظـي وربـي حسيبـه

[~لـيــــل~]

الله يعافيك ابن العم وعسااااااك سالم وقواك الله

ماقصرت في طررح قصائد مبدعنااااا الكبيرر خليل الشبرمي.

ومشكوررين

[الروح]

بسم الله الرحمن الرحيم
عزيزي الغالي سطـام سبق واعجبني موضـوعك وجيت ووضعت لـي مرور والأن زاد اعجابي وهـا انا مره اخرى اتواجد ابداع يا الغالي وشكرا يا الغالي تقبل مروري
فمان الله
الروح
B

[ذيبة تميم .. !]

الله لايهينك يا سطام .

روائع يندر وجود مثلها ...

لا تحرمنا جديده

[عبدالعزيز الرقراق]

لله درك يا سطام على ايراد روائع ابو اديب لاهنت وصح احساسك ولسانه

[ابن قزلان التميمي]

الله يعطيك الف عافية يا سطام

وبالتوفيق لداهيتنا ابو اديب

تحياتي

[الحنظلية]

سلمت أناملكـ


وعذرا لطرح النص



قصيدة : حائل


الـتـميمي تـهـيّض وابـتـدى الـقـيفان بـسم الله الـرحماني
الـحـليم الـرحـيم الـواحـد الـلـي كـلـنا فــي رجــا غـفرانه

وبـعد ذا مـرحباً مـا داعـبت عـود الـحبق نـسمة مـسياني
وعـدّ مـا غـرد القمري على حدب الجريد وسجع بالحانه

جـيـت اغـنـي بـحايل واتـغزل فـي هـواها وابـث اشـجاني
يـا شـخانيب اجـا نـاجاك قـلب انـسان والـترجمان لـسانه

وقـبـلي الـقـاضي مـحمد وابـن لـعبون وبـديوي الـوقداني
كــــلٍ بــديـرتـه مــفـتـون والـشـعـار بـاوطـانـها هـيـمـانه

فضفضي يا حروفي عن شعور الشاعر المغرم الولهاني
سـفح اجـا الـليله مـعزب وانـا والـوزن والقافيه ضيفانه

هـمت فـي حـب حـايل مـثل مـا هـام بهيا محسن الهزاني
اتـوب عـن حـب حـايل ؟ قـلت: لا لا حـبها راجـح ميزانه

وصيف حايل لحاله صيف كايف صيف ما له ولا له ثاني
الله الــلـي وهـبـها الـشـاعريه والـحـلا والـبـها سـبـحانه

وجـو حـايل طـبيعي والـحراره حـسْب نشرة حسن كراني
طـقـس حـايـل بـديـع ومـعـتدل وانـسـامها بـالـندى ريـانـه

كــل مــا اقـبـلت يــا حـايل وشـفتك شـلت يـالاح يـاليحاني
سـاحـره فـاتـنه بـيـن الـنـفود وبـين ضـلعان اجـا كـالدانه

انـتـي ام الـكرم نـشهد ويـشهد لـك بـعيد الـعرب والـداني
وانـتي ام الـصخا وقـت الـشدايد والـرخا من قديم ازمانه




الحنظليـــــــــــــة

[محمد الربيعه]

اشكرك يا ابن العم على النقل الرائع والمتميز

لشاعر المليون وحامل البيرق

والله يبيض وجيهكم يالشبارمه فالمفاخر فيكم لا تنتهي بدايتن بمرشد راعي قصقيص وانتهائا بخليل راعي البيرق




تحياتي

[سطام الشبرمي]

من جديد الشاعـر .. خليل الشـبرمـي


//
//
//



جابر وأنا أخيك دوك العلم يا جابـر
ما عاد لي حيلةٍ وأحتـال يالعذبـه

ما هي على ما أنت هاقيها ولا خابر
لا عاد ترسل رسايل طالبـك طلبـه

مرت سنه وأسنتين وصاحبك صابر
ولليوم حالت خليل الشبرمي صعبه

صابر وساكت على بلـواي وأثابـر
وحبال الآمال مرتخيـه ومكتربـه

عابر سبيل أبسبيلي مبعـد وعابـر
ولا زالت جروح قلبي نيه ورطبـه

أخفي صوابي سحا وأحـاول أكابـر
وأجحد وأكابر وأنا من نكبه أبنكبـه

ما غيرت وقتي الماخـوذ والغابـر
تغييرت الثوب والبسبورت والسكبه

عوقي نصيبي وحظي دايمـا ثابـر
رابض ولا قام لا رغبه ولا رهبـه

ومهما جرى يا عريب الجد يا جابر
أنسى ولا أنسى جمايل راعي الوجبه


:
:
:




خليل الشـبرمي