اهدي بسمي هذه الكريمه لكل ام

[سيف الطنايا]

الســلام عليكــم ورحمــة اللــه وبــركــاتــه

اول مشــاركــه واول قصيــده لــي بمنتــداكــم

اتمنــى انهــا تحــوز علــى رضــا الجميـــع





وين القـصيد اللي تجمّل معــــــانيه=بـكـتب قـصـيـده مـاتـلتهـا قـصيـده
بكتب قــصيدٍ بحـــره المــــوق والتيه=وأعزف من خيول القوافي عنيده
الله عـلى شـعــرٍ جــزالٍ مــعـــانيه=فيه الجـمال وبــه بـحـورٍ جـديـده
أبـغى قـصـيـدٍ عـــالـياتٍ روابــيه=وله مـنـزلٍ فـوق الـنـجـوم البعيـده
أبـغى قـصـيـدٍ ما رسى في مراسيه=غـيـري ولامـن جـاه غـيري يكيده
كـله لأجـل مـن نـور عـيني فـداويه=الــغـالي الـلي لـه حـياتي زهيـده
اللي سـكـن بأقصى الضماير وأحييه=وأحس روحي دون شوفه شريده
وإن قيل من تسكن حروفك أراضيه=من غيرها يـستاهل أحلى نـشيـده
أمي غــلا عـمـرٍ مـضـى مع تـواليه=نـور العـيـون وبهجة العمر عيده
يمّه هـــلا بـك والغــلا مــايـكـفـيه=لـو يرخي الشـاعر للأبيات قـيـده
يمّه غــلاك يـفـوق مـا كنت ابـحـكيه=وانا افـتـخـر بـه ليت ربي يـزيـده
غـلاك نـبـض الـروح والروح تغليه=غــلاك دمي والـمـشـاعر وريـده
لو أقـدر آخـذ عـمـري ولعـمـرك أهديه=أهـديت لك عـمـري بنفسٍ سعيـده
الله يـديـمـك عــــز ويـعــزني فــيــه=هــذا كــلامي واقـبلي هـالقـصيـده
وســلامتكــم تقبلــو تحيــاتــي اخيكــم محــب الجميــع

(( أبــو أمــل ))

[مجنى حميد]

لو أقـدر آخـذ عـمـري ولعـمـرك أهديه

أهـديت لك عـمـري بنفسٍ سعيـده

صح لسانك و سلم بنانك.

والله تستاهل حبة راس على هالابداع يابو أمل. والذي لا شك فيه انك مكسب كبير لمنتدانا الحبيب. الى الامام و مزيدا من الابداع.

[تركي]

صح لسانك وسلم بنانك يابو أمل ...


قاف جزل من شاعر جزل ...

[راعي السبعان]

صح لسانك

ودام بنانك

قصيده رائعه

وقصيده جزله

ومن رأس جزل

دمت شاعراً مبدعاً

وقلماً اكثر ابداعاً

نتمنى ان نراك قلماً يشهد له بالبنان

دمت بعز وصفاء نفس

[ناصر البكر]

صح لسانك
يالخال
ابيات روعه
ومعاني بغاية الجمال

[راعِ المنقيه]

صح لسانك يا ابو امل

ولا هنت

قصيده رائعه ودلت على طيب معدنك

[سيف الطنايا]

اخي الاسيدي صح بدنك وسلم راسك واشكرك على هذا المرور

دام مرورك المشرق تحياتي وكل الاحترام اخيك محب الجميع

(( أبــــو أمـــــل ))

[سيف الطنايا]

اخي تركي صح بدنك وبيض الله وجهك على هذا الرد

دام مرورك مشرق بصفحاتي المتواضعه تحياتي لك وكل الاحترام

اخيك محب الجميع

(( أبـــو أمـــــل ))

[سيف الطنايا]

اخي راعي السبعان صح بدنك واشكرك على هذا المرور

دام مرورك مشرق على صفحاتي التواضعه تحياتي وكل الاحترام

اخيك محب الجميع

(( أبــــو أمــــل ))

[سيف الطنايا]

اخي ناصر وشاعرنا القدير صح بدنك واشكرك على هذا المرور

دام مرورك تحياتي وكل الاحترام اخيك محب الجميع

(( أبــــو أمــــل ))

[الراشدية]

صح اللسانك يا سيف الطنايا
قصيدتك حلوة وكلماتها احلى

[سيف الطنايا]

الراشديه صح بدنك واشكرك على هذا المرور

والجمال هو هذا المرور دام مرورك مشع بنوره

تقبلي تحياتي وكل الاحترام اخيك محب الجميع

(( أبـــو أمــــل ))