شاعر قبيله بني تميم الشاعر الكبير الشيخ/ عبدالله بن علي بن صقيه التميمي

[راعي الخطامه]

الشاعر الكبير الشيخ / عبدالله بن علي الصقيه التميمي

اسمه ونسبه /

هو عبدالله بن علي بن عبد الله بن علي بن ابراهيم بن محمد بن احمد بن علي بن صقيه وال صقيه من ال بسام بن عساكر بن بسام بن عقبه بن ريس رن زاخر بن محمد بن علوي بن وهيب بن قاسم بن موسى بن مسعود بن عقبه بن سنيع بن نهشل بن شداد بن زهير بن شهاب بن ربيعه بن ابي سود بن مالك بن حنظله بن مالك بن زيد مناه بن تميم بن مر بن اد بن عمرو بن الياس بن مضر بن نزار بن معد بن عدنان

والشيخ عبدالله بن علي التميمي هو من الوهبه من ال بسام من قبيله تميم
ولد عام 1356هـ ببلده الصفرات بمنطقه المحمل في بلاد نجد
بداء ينظم الشعر الشعبي عام 1372هـ وصدر له اول ديوان عام 88هـ

والشيخ له المام بعلم النسب ويحفظ المطولات من عيون الشعر الشعبي ولا يزال يتحف مستمعيه عن طريق الاذاعه (برنامج من الباديه ) ويتحفهم من شعره

وعمله رئيس هيئه الامر بلمعروف والنهي عن المنكر في بلده الصفرات

وسوف اطرح في هذا الموضوع بعض قصائده واتمنى ان تعينوني بذلك لان قصائده كثيره

[راعي الخطامه]

قصيدة للشاعر الكبيـر عبـدالله بـن علـي بـن صقيـه : التميميـه


لـي لابـة لاهـل العقـول هبـال= بحـر غزيـر داخلـه يهتـال
ان جنـدوا بجنودهـم يـم ديـرة= تقـول حـل بربعهـا زلــزال
ماهوب جمع اللي يريـب يريبهـم = يرسـون مثـل مقنفـات جبـال
باسبابهم امشي لحالي بلا عصا=ولانـي مـن الجعـر المجمـع ذال
ياناشـد عنـي ترانـي بـوادي= علـى طريـق مطـرق نــزال
اضرب بسيف ماقطع في قضابـه = لظهـور مرويـن القنـا فصـال
سيفي تميـم بكـل قصـر ومدينـة = جمـع يضيـع حيلـة المحتـال
هداة الظلام اعني سلايل محمد = يشهد لهـم غيـري بـدون اشكـال
فطاحل آل الشيخ بالعلم والتقـى = الاول علـى دربـه يسيـر التـال
وبسدير من ذروة بني عمرو لابة = الماضي اللـي للضعيـف ظـلال
شيالة الحمل الثقيل ان بركت = به الحشـو والـدرب المريـب طـال
يشيلون مالا شال واف من الزمل =ولا كل من قـرب لحمـل شـال
سقى دارهم من ناشيات المخايـل = نـوّ علـى وادي الفقـي هطـال
تعبر السبعين بالصيف والوسـم = مـن عبرهـا مايتصـل بـه سـال
سقاها على شان اهلهـا هـل النـدا = رجـال مرثهـم قديـم رجـال
هم الماضي الماضين بالاسم والفعل = والغيـر تقليـد لهـم لـو قـال
من قـال ذولا مثـل ذولا فهـذا = مايفـرق الرجلـي مـن الخيـال
وهل عشيرة اولاد المنيعي هل الصخا = صفوة بني عمي مهمب حثال
وهل تمير لى من السنين اشلهبت =للضيف واللاجـي سحـاب هـال
واللي بالوشم ربع تنومس علومهم = بني سعد لى شان الزمـان ومـال
عناقر شبوا وشابوا على الوفا = تفرح بهـم لـى ضـك جـال جـال
ولا تنس اصحاب المناقير باللقا = لى مال عن طرق الهدى مـن مـال
وهل الحوطة اللي في بريك افتخر بهم = للارشية ركبت على المحـال
هم اللي فعايلهـم تبيـض وجيههـم = فيهـا جديـدات وفيهـا اسمـال
وضراغم الدوحة ذرا مـن لجابهـم = مضيفهـم تشبـع بـه الهشـال
الثاني اللي متعبتهـم جدودهـم =بنـو حنظلـة لـى كـل فـي زال
قصر بحامي القيظ يـذري ظلالـه = للمحتـري فـي ربعتـه مقيـال
مأسس من يوم اسس على العزا = ولا ظنتـي ليـن الحشـر ينهـال
وجماعة حديد اهل اشيقر رفاقتي= لى كـل سـردال نطـح سـردال
يوم ان ابو زيد الهلالي مكـر بهـم =خلـوه لهـزال الدبـش عمـال
تحيـل بهـم ووهيـب مـرث مغفـل=افعالـهـم للعالمـيـن دوال
او مقاديم هايجة الحروب المعامرة=لـى قلـدن الموجفـات اشيـال
سعدية لى قيل روحوا وراكـم= قالـوا هـل البـاس الشديـد محـال
مقرين هشال الخلا بالمساغـب=عسـى لهـم فـال السعـادة فـال
وبعنيزة البسام وابنا القواضي=علـى المعـادي لا اعتـدى غربـال
والبوعليـان الـذي ببريـدة=ريـف الركـاب الـى لفـن هــزال
وبعرقة الرواف والسالـم اللـذي=طلـع لهـم مـن بعدهـم انجـال
رجال تلقاهم الى اعصوصب الزمن=حازوا من افعال الجميل خصال
واهل الخطامه والحريق واثيثيه=وقوم ابن سعـدى الخيـر الخيـال
ونا الشبانة من رجـال المجمعـة =ومنـا العصامـى للعـدا سـلال
ومنا المبارك بالحسا ريف من لفا=من فوق مايدنـي بعيـد الـلال
واهل قفار معدلة كل مايـل= لـى صـاب قلـب المستريـب جفـال
وبالمستجدة والغزالة وغيرهـن=جبـل طـي ثلثينـه لهـم منـزال
والشبرمي بالقل راعـي سميـرا= اللـي لصعبـات المراجـل نـال
وفي مطير مروين الهنادي ضحى الوغا=جبلان لى جا بالزمان اشكال
ولي بالعراق اللي يسمون السفـل= جنـد لمشبـوك الشـرك حـلال
على راس شيخ من شيـوخ قديمـة =راعـي صيـان تلقّـى وادلال
لى جوامع البيدا يحثـون جيشهـم=صبيـان حـرب عقلهـم ميـال
بهش وناباهم على البعد مرحبا=ومـر خادمـه يكسـر لهـم فنجـال
فنجال ينسي حاضر الهجس هاجسه= في بيـت مـن للنايبـة حمـال
وقت العشا يلقون عرب ونجـادا=يسفـك عليهـن السمـن بسحـال
تراه السهيلي شوق ملهوفة الحشا =بنـت الرجـال معربيـن الخـال
فنـا المـال لـى شحـت وجيـه الثعالـة=اراذل ماينفقـون ريـال
ولي بالصعيد بمصر جند مجرب=مزاريع تنطـح بالقسـا مـن عـال
وعمى عين من عادى تميم النواصر=اللي لهم في الطايلـه مدخـال
وذرية الخير حويط بـن سالـم=عـذاب المهـار الفـرس الابطـال
وياما وياما غير ماذكرعشاير=منهـم طويـق الـى اعتـزوا يجتـال
لو بي نعدد كمل الحبر والورق=وعابت يـد الكاتـب مـن الامثـال
حنا الى كـل تنومـس بفعلـه= ترانـا اثقـل امـة علـى الدجـال
لين الحشر يحشر بها الله من خلق=حنا سنـام المجـد ليـس اذيـال
والناس كل دون حقه ماأذمهـم =مـن حـاول الكيـل بيمينـه كـال
تمت وصلى الله على سيد البشر = مالاح بـرق فـي مخيـف خيـال

[راعي الخطامه]

***قصيدة لشاعر تميم عبدالله بن علي بن صقيه التميمي***
***في مدح حكام قطر آل ثاني***
***المعاضيد الجبال الراسيات***
*
*
الصقيهي بالليالي مستحير=راح عمره في طويل وفي قصير
مالقيت اللي من العالم خبير = مقصدي فاللي يحل المشكلات
قال لي شخص ماأعرفه وش تريد = هو مرامك من يساد ومن يسيد
أو غادي لك من العالم فقيد = أو عليل من جروح الغاويات
قلت أنا بنشدك عن ربعي تميم = قبل يغدي عظمي الصاحي رميم
وأصح عن هرج التصنع يافهيم = التصنع مايحوش الطايلات
قال أنا ماني من المتصنعين = أخذ علم شايفينه شوف عين
يشهد المعبود خير الشاهدين = مرسي الاطواد منشي الكاينات
باخبرك من مثل بحر للرجال = يقصدونه من بعيد بلا حبال
صافي عذب نقي مابه حثال = أبن ثاني بالسنين الممحلات
مثل براق المزون اللي يلوح = سيل عرم يلتطم في كل صوح
منه نبات النفل ريحه يفوح = والغروس المستظله مثمرات
لا تحسب أنه قصر من غير ساس = أو غواص البحور بلا قياس
أو غرير يستدل بكل ناس = لين يغرق بالبحور المظلمات
قلت أنا بنشدك يالنبل العريب = منهم اللي محتوين كل طيب
وينطحون الضد باليوم الصعيب = ينطحونه بالسيوف المرهفات
قال لي موج البحر لا منه راج = ماخف اللي يركبون بلوح ساج
بيتهم من حجر ماهو من زجاج = من رجال ينطحون الموجبات
هم هل الخيل النجايب واهل عوص = والكتايب جمعهم ماهم لصوص
يوم ولد اللاش عن ربعه ملوص = تشبه آل ثاني أسود واثبات
المجنا في جوانبهم يعيش = عقب قلت هيبته يغدي وحيش
وماذكر طير يطير بغير ريش = هم جناحين الطيور الطايرات
قلت له وصف قطر للي يباه = ويش دونه من بلاد ووش وراه
ودي آصل دار من ينحي عداه = وأتمشى بأرضها قبل الممات
قال مايبغى وصايف ويش فيك = سبلهم تمشي بأمان ماعليك
غير ماكتب بجبينك يبيجيك = لو تصير بوسط حصن مغلقات
لا لفيتا دار مكرمة الضيوف = مروية يوم الوغى حدب السيوف
يشهد التاريخ والخالق يشوف = المعاضيد الجبال الراسيات
مخرجين الى السعة من كل ضيق = كل من حمل بحمل مايطيق
لا برك بالقيض في عرض الطريق = ينقلون حمول كل مبركات
قلت انا تمامي أبغى الشجاع = مصلح الناس لو طال النزاع
وبالمعارك مشبع كل السباع = مايهاب من الجموع المرزيات
قال هذولا شيوخ من شيوخ = من حرار في قطر ترث فروخ
بالصحاري يلبسون ثياب جوخ = ماتتقو مرخصين بالحياة
أنحر الدوحه ولا منك لفيت = دار معضاد عن دارك سليت
ماكذبت ولا أفتريت ولا رجيت = المراجل طرقهنه بينات
***
والقصيدة أطول من ذلك ...
لكم التقدير والتحيه
أبو سالم التميمي

[راعي الخطامه]

أول ملحمة لندوة التراث الشعبي
لشاعربني تميم
الشيخ عبدالله بن علي آل صقيه الوهيبي التميمي
وقد أضاف لندوة التراث الشعبي التشريف لهم بمشاركة الشيخ عبدالله بن صقيه الوهيبي التميمي
لعام 1405هـ
الجنادرية 1
يقول فيها الشيخ عبدالله التميمي:

بديت باسمك يامزيل همومها = رب الخلايق ناصرٍ مظلومها
علام بالظاهر وما اخفاه الضمير =سبحان عازل ليلها من يومها
سامع دبيب النمل في جنح الظلام = منشي بملقحة الرياح غيومها
محصي جميع الخلق مجري الكاينات= عسى علينا نعمته يدومها
الله يعز الدين واللي له يغار= ويعز عاهلنا الفهد قيدومها
ويهدي لطرق الخير كل المسلمين= عن فتنه الدنيا وكثر صدومها
وخلاف ذا تحية للحاضرين = ماشرف السبار روس رجومها
ذي ندوةٍ يفخر بها من فيه روح=ويثنى على قايم بكل اقسومها
واختص منشينها ولد عبدالعزيز=ولي عهد المملكة زيزومها
عبدالله الضرغام شيال الحمول= مفراصها بخاصها داهومها
وسلمان لى عدوا صناديد الرجال =أمير نجد علاج صعب اسقومها
أبنا الذي لم الشمل بعد الشتات= وخلى الجزيرة يرتزق محرومها
عبدالعزيز اللي جمع دنيا ودين =خيالها حمايها ملحومها
الخيل تبي عقب فرقاه الطراد= والسيف خبي في يدين قرومها
حر تسلسل عارفينه من نزار =الله يلومك يامصقر بومها
للي مكذبني على قولي شهود=ينشد سمان الهجن وين شحومها
وينشد محناة الهنادي والرماح=والصمع عمن طاح عند خشومها
حارب وحيرب دون حكم له وابوه =صفى مشاريها وزال همومها
ياوارد بالقيظ مطوي الطوال= الصوح دلوك لايقص أوذومها
يامن حض بالحفل واللي غايبين=القدس يلحقنا جميعٍ لومها
حنا عرب ماغيرنا يذكر عريب=اجدادنا ساس السلوم سلومها(1)
عار محارمنا تولاها اليهود= وحنا جميع مهتنين بنومها
أما حصل فعلٍ يشيب بالرضيع=مايحيي المسني نفيض غيومها
عمارنا كالزرع قافيها حصاد=لاقدر الله ماتعقب حتومها
بصدقٍ هلموا ياعرب حل الجهاد=زيحو عن أرض العرب جرثومها
هذي فلسطين السليبه في عذاب= ترضون عوراتكم تزاح هدومها
برجوى صناديد العرب ضد العنيد=متى على خيرٍ يورخ يومها
تشتيت اجاويد العرب ظلم عظيم = والله مايجري ولا في حلومها
الذل مايرضاه ممرورٍ يغار= بيعو عزيز النفس بارخص سومها
مانعتبر بالبل قاسية القلوب=يحن رايمها على مريومها
ترى التترف ما يطول للعمار=والله فلا للعبد عن مسقومها
دنياً رحاها بالخلايق تستدير= ماتنتفع بالفهيم ثلومها
سود الليالي غيبها ماحدٍ قراه= طرما بعلها مايعرف علومها(2)
إلى نشدها عن مرضها ماتجيب= قبل طلوع الشمس تاضع تومها
اما تكاتفنا على الباغي جميع = وصرنا عصا وحد بقو عزومها
كلٍ طمع قينا وزاد الغيظ غيظ= قطع الخشوم ولا انقطاع رسومها
ثقال الحمول إلها اليا ثقلت جمال= تصير عليها لو تحس لحومها
شعوى الحروب الطاحنه تبغي قلوب= ماهي قلوب اللي تعض بومها
من وحد الله مايحيله مستحيل= يوري العدى وسط النهار نجومها
من مات فالجنة من المولى جزاه =والحي ياقف في نحور اخصومها
أهل الشرف والدين يرجون الثواب= من غافر الزلات يوم قدومها
هذا الصحيح وغير هذا ما يفيد=من رضى بالهونا ينال ندومها
ديار العرب كثيرها خلي خراب= ماينعمر لين الحشر مهدومها
كان اعلنوها حرب ملقحة العقيم=في وقتها ما طاوعو لرخومها
الحية الرقطا جثت من دون راس= الله يقدي بالخبيث سهومها
ياقادة الإسلام يازبن المريب= لاتنثنوا ياقاطعين خرومها
لي كبرت القاله وراعي الفكر حار= أنتم دليلة بالدجى منجومها
تفاخت الشوفات ماتنبي بخير= مرض عزيزين النفوس هضومها
وين المدرب وين لباس الدروع=وين المفادي وين هو شغمومها
سريا معرب واستعين بالله تعان =ضد الشريعة طيرو ياهومها
بمصفحات تبرد القلب الغليل= يجلى قديمات الغبون هجومها
يهجم بها شروى الحرار معربين=ماخلى على دار الأعادي حومها
ومدافع يبرى لهن مدرعات= وكتاتيب تملا فسيح حزومها
دهات الرجال خيارها بالمعضلات= ماتنثني لى صدرت مرسومها
ماهمب مثل اللي علقومه ماتثيب=ناسٍ بغر الناس كبر جرومها
بعض الدول لوعاهدت بالله تخون=ماتنعرف صدقانها من قومها
الهرج واجد والفعل مامن حصيل=يابعد رايحة النفل عن ثومها
هيهات ياعصر مضى ليته يعود=ما اهبلك ياباغي الثمر من دومها
ياجرح يا اللي مايداويه العلاج= ماجودها يشكي على معدومها
ماأدري متى بالله رحانا تستدير= على ثفال المنحرف ماهومها
الله على الدنيا وما فيها يعين= دنياً يشيب همها مفطومها
تمسخرت فيها الثعالب بالسباع= والحر شاف الهول من فيومها
ماهوب فيها اللي صريح مستريح = ناسٍ شكت من ضيمها ما لومها
الله لا يجزي ردي الناس خير = مذمومها شرهٍ على محشومها
خانك زمان ضحك لك يابوعسيب= ذبحك شومك يامنقل شومها
الصانفات العاديات المغنيات =قزاك من مساك حس رهومها
ياام الكفول ارعي ودوجي ياحلوب=أهلك تنام وروسها بكمومها
ومن بعد ذا ياأديب نرجع للتراث= ونبحث بسيرة لازم وملزومها
أحيي ركيك الشعر والجزل أهلكوه=أختارو الهزلات عن مدسومها
لولا المجامل بالأداب من كل أديب= ضاعت الشعار في ديمومها
أنخى والوم أهل الفكر وأهل العقول=تبحث وتبدي ما أدركه مفهومها
وين الفحولة اللي تحكم ماتحيف=مامون حكمها على محكومها
وين ابن حابس والعريب ابن مناة=وعامر ومازن وابن كعب زعومها
وين ابن يربوع والأضبط مع ذؤيب=والنابغة فنيوا حماة ذمومها
وذي الأصبع ومن كان له ذكر جميل= يوم القبايل زاحم ومزحومها
وين الفرزدق وين ابن عمه جرير= وين الشهم غيلان مرذي كومها
حنا هل الحكم المشرف في عكاظ= وجل المنايا من تميم سهومها
الى رقص شيطانها والضد صال=رماحنا مايعتقه مسمومها
يشهد لنا كسرى وقيصر والوفود= من كل جنس تختلف بنغومها
ذا قول من قوله الى دور صحيح= قبيلة ما ينثني مزهومها
لى قربت رخم الجموع من الجموع = أنشد عربها عن تميم ورومها
وأنشد جموع عنا بالحروب= تنبيك عن قعقاعها صارومها
أفخر بقومي مروية حدب السيوف= قومٍ صعيب ٍ بالحروب هزومها
شهد لهم فيصل وفيين الشبور =تميم وادي بريك يا مضيومها(3)
منا المجدد شيخخ الأسلام الغيور= جلا الظلام اللي بلغ حلقومها
وذريته بعده هل الدين الحنيف= عن رالشريعة ماتزل ختومها
والثاني أهل الجود من عصر الجدود= ربن وذرا من حسته سمومها(4)
وقابوس شيخ عمان فخر البوسعيد=وجده ولد عَمر الندى مرحومها
وأهل الجبل باجا وسلمى يعرفون = وبسدير والعارض ومن بوشومها
وأهل القصيم أفخر بهم عوق الخصيم = لى خايرت ذلانها وصرومها
وأهل الوفا الجبلان درعي في مطير= وعرنة تميم أعران شايل زومها
ومنا الأضبه عند حزات اللزوم= قرينية روس الرباب نتومها
وحويط بن سامي ومن يعزى عليه= فرسانها يشهد لهم مشكومها
وأهل العراق وبرفارس والخليج= ومصر وتونس والديار عمومها
وترثة عبادان آل تميم أهل إيران =يشدون لى حل القضا ملمومها
وفي حضرموت لنا جموع يرهبون= ديارهم صوب الجنوب يمومها
ولنا بفلسطين وبالأردن عزوتين= منهم شكا الطفل الرضيع يتومها
حنا مضر نصطي الى هاب الذليل= صفوة نزار ومعد ياماهومها
منا عتيبه والزعوب ابنا سليم= وهذيل لى عد الفخر ونعومها
والمالكي والباهلي زبن الدريك= والخالدي زند الحروب سقومها
واشراف مكه والعداوين وثقيف=اشعارنا جزل الشعر منظومها
نعرف إلى قرب حفيف من حفيف=لى زججت رقط اليايا سمومها
نرسي كما ترسي مرساة الجبال= جبال مرسيها الولي بخشومها
نارد على شعث النواصي مانهاب=خيل لنا طاعت قبل تعلومها
عدنان مثل طويق شم يزبنون =منا الإمام وغيرنا مأمومها
كم جاهل مغرور زم الشم طول=تاخذه قومي في وسيع حلومها
وقحطان عصمان الشوارب نسل هود=صقورٍ مراقيب العلا ترومها
وباقي القبايل مثلنا ماهمب دون= تعرف بحومات الوغى بقدومها
هذا ويا من له ينمى راس مال= انذرك عن حوت البحر لاهومها
والحكم له ثم لوسود السعود=صفوة ربيعة فرعها وجذومها(5)
ليوث العرين اللي رعاياها ليوث= شعبٍ يزور ديار جاير قومها
تمت وصلى الله على سيد الجميع =الهاشمي ضد الكفر معصومها
والآل والأصحاب موفين الذمام =ماهل وبل من سحاب وسومها

وسلامتكم

وبنهايه تقبلوا تحياتي اخوكم
ابوعبدالعزيز بن صعب الناصري الحارثي العمري التميمي

--------------------------------------
(1)المقصود جميع العرب في جميع الاقطار

(2) أي الإبل

(3)طرما : اي بكما

(4) وذالك في قول الإمام فيصل بن تركي ال سعود :


اقول ذاقولي وبارب وثاق = امدح رجالٍ من تميم مناعير
حاموا على المله وقاموا على ساق =دون المحرم والغروس المباكير

(5)المقصود هم آل ثاني حكام دولة قطر ومؤسس دولة قطر هو الشيخ قاسم بن ثاني الوهيبي التميمي

(6)أي الأسود

[سامي العرفج]

حنا الذي للشاذليه نسوي





ليا دك بي هاجوس شبيت ضوي = وحمست بن فوق جمر غضاوي

بـريــة ماحــافــهـــا كــل بــــــوي = دلالها يبــــــري لــهــا نجر ماوي

والـى لـفونـي قـاطعـة كل دوي = صفيت ماها ماطبخت الثنــاوي

حنــا الذي للـشـاذلـيه نــسـوي = اليا لوبدوا امنومين الــضحــاوي

وان هب نسناس الهبوب الشتوي = غربية تشوي وجيه الشــواوي

كثرت فيها الهــيل يشهد عدوي = الالف عندي والريال متــســاوي

والمرجــله كل بفـعلـه يــنـــوي = لاكـنـــها تكلف قــريب الـــهقــاوي

تبغي عريب مالوجـهـه يـــلــوي = قـرم عـلـى عــرضـه وسمته يلاوي

حلـحيل للسيـف المهند يروي = من لابة تعرف نهــار الـعزاوي


أطال الله بعمر أبو علي وألبسه ثوب الصحة والعافية

[سامي العرفج]

بني تميم إلى عوى الذيب سرحان



عديت في رجم طويل مسيان = ياما على روس الطويلات عديت(1)

مانيب والله يوم اعديه طربان = متضايق دايم زنيت وتناهيت(2)

ازنيت زنيت اللي من الزهد زهقان = وانهيت نهيت اللي تنهت على هيت

يا قلب يا اللي بلهواجيس غرقان = اترك كثيرات الهواجيس ياشيت(3)

لاتبحث المكنون والصدمليان = لى دك هاجوسك من النوم فزيت (4)

ذالي ثمان سنين يا حيف وجعان = لوليت تبري علت قلت ياليت

لا شك قولة ليت للرجل نقصان = اما حصل لي مطلبي مت ما ابطيت

الى انفتح للشعر بالصدر بيبان = تراسلن كالورد بيت ورا بيت

ماني على نظمي للاشعار شفقان = كثير ما الوي قافيهن لا استحسيت

انشي واعايرهن بفكر بميزان = من قول شعار العرب ما استمدتيت(5)

وان عدوا الكرمان ذربين الايمان = يما بدلوي مع هل الطيب دليت(6)

لاهين من يصير على الضيم ما اهان = اهل العطا من مدهم ما تحريت

ورزقي على الفرد الصمد عالي الشان = من غير خلاق البرايا تبريت

من يبذر المعروف بالنذل خسران = يابا ذل المعروف بالنذل ما اقديت(7)

وخلاف ذا سويت بن برسلان = وادنيت مصقول وفكرت وانشيت(8)

قم يانديبي فوق جلاي الاحزان = جمس يدني نازحات السباريت(9)

توه بحينه وارد غالي اثمان = راعيه بالمعيار ما عاير الزيت

ارفق عليه ولا حظه قدر الامكان = لاتدعس البنزين يتلفلك ما ابطيت

الخط قار راسي تقل صوان = لو تفتح الفريون بالقيظ شتيت

من الصفرة مد والصبح ما بان = من ديرة اجدادي لدرعى تنحيت(10)

علم على التسعين وانظر بالاعيان = تشوف منقاد الجبل لى تضاحيت(11)

انحر تميم مذبحه قرح الضان = اصل الكرم فرعه ليوث عناتيت(12)

ناس لهم ذكر وصيت وعنوان = يرعى بهم نزال بجوارهم هيت

لاجيت بين سلمى ورمان = عرج على السبعان ديرة هل الصيت(13)

ترثة مفيد العمروي مروي الزان = فعل عليه شهود صدق وتثبيت(14)

اهل الصخا والجود ماهنب بخلان = كسابة الطوالة وبال الطواغيت(15)

وربعي هل الروضة الى خان من خان = واهل الغزالة جمع ماهم شحاتيت(16)

اهل الجمايل من الحماضا وحمران = حريبهم بالليل نومه تفاويت(17)

وأهل الحفن والمستجده إلى حان = وقت اللزوم وعن مرابيك جليت

يسقون اعدايهم من المر كيسان = بايمانهم ما هوب خرط وسفاريت(18)

ولاتنس نسل المنقري حبس الاضعان = سعيدية تفرح بهم كان ضديت

واهل قفار موجبة كل جوعان = بغبر السنين يقدرونك الى جيت(19)

واهل السليمى لى طولن غبرالازمان = وراعي سميرا الشبرمي لى تقاصيت

ولد وهيب اللي جدوده لهم شان = ما ريته طلق حجاجه الى الفيت(20)

واهل المهاش ان صفيت غرالامزان = اهل الجمايل كل ما جيت حييت

واللي بموقق ما يذلون عيان = واللي بضرغط تعجبك لى تنخويت(21)

والقصر يسقي جوبته وبل هتان = للي بحيه ساكن ما تناسيت

واهل القصير مرويه كل عطشان = عطشى السيوف اللي بكف الصاليت

واهل جفيفا بالكرم ورث جدان = عيال من بالطيب باخباره اوحيت

ومر ال صقيه مخلصة كل ديان = ذباحة الحايل بليا تلافيت(22)

اللي بحايل قصرهم حول برزان = واللي بجنبه منوتك لى تمنيت

نعم باهل جبة سلالات كرمان = رمالات في مدحي لهم ما تزريت

والبكر والفايز منى كل عمسان = وم الجراد وحثهم لا تهقويت

ومر العوض منصى المطاليق جبلان = تمايمة في جدهم ما استشكيت

ومر الرحبين بالجوف ظفران = تفرح بهم كانك على الضيق حديت

جماعه الساطي حليف بن عرسان = في جنه الفردوس ياخليف عليت

جدك تنزح من قفار على شان = كسب العلا وانته على الجد عليت

يا العمروي يا مروي السيف دابان = ترويه من دم العدا لى تعزويت (23)

تميمي تصبر على كثر الاكوان = وعن متعلبين الجيش ما قيل صديت

بعدين يالمرسول كيفيت الاوهان = ومن شر صدفات المقادير كيفيت

مر القبور اللي بها طيور حوران = سلم على من كان فيها ولو ميت(24)

زيد الخوير وناصر بن لحيدان = يفرح بهم من ضافهم بالاواقيت

يلقي اللقيمي فوقه اذناب خرفان = وذلال ونجور رفاع الاصاويت

وراعي جفيفا مفني ضان عثمان = بن مفيد اللي بنى للفخر بيت

وتركي الى حمى الوطيس الربيعان = ابو اليتامى شايع الصيت والبيت

وعقيل مشهور القبالى بهيجان = راعي النبا الطيب عليه استدليت

والشبرمي مرشد سلايل كحيلان = بقصيص سيفه شتت الضد تشتيت(25)

واللي هزم جمع الحريب ان عفنان = دواس مسقى الضد بالحرب حلتيت

يا ويل من هوله فنا المال ديان = غلطان يااللي لابن عفنان عاديت

وسلم على ربعي كهول وشبان = لاشفت بيضان الوجيه اسفهليت

بني تميم الى عوى الذيب سرحان = تامن بهم يااللي عليهم تسميت

في مدح ربعي بالجبل نسل عدنان = عز الله اني قاصر ما تقصيت

وشمر الى رد البرا نسل قحطان = افخر بهم نعم بهم ما استبديت(26)

قحطان نعرفهم بحمير وكهلان = والله ما عمري للاجواد ذميت

الذم ما يسقط للاجواد حقان = لو قيل سقط حق الاجواد عييت

مااناب بالدنيا نبيع للاديان = عن كل ما يدني لشك تحاشيت

تكفن يا الترفات يا نجل الاعيان = شومن عن اللي غافي تقل خرتيت

يااللي هدب نجلك كما ريش غربان = في سوق بياع الذهب ما تمشيت

ياغصن موز نام وصط بستان = من اي ما هب الهوا بك تثنيت

وخد كما بدر يشعشع إلى بان = نظيف جيب للعشاشيق ما اغضيت

ابو ثمان كنها حب رمان = او قحويان في محاني سواريت(27)

شم يا حسين القد يا مطرق البان = للي الى لذت بذراهم تذريت(28)

تميم دوح المجد ممتد الاغصان = أهل الشرف في مدحهم ما تخفيت

ما ناض برق ورف طير بجنحان = على النبي سيد المخاليق صليت






-------

(1) عديت : صعديت إلى .. رجم حجارة توضع كالعمود فوق جبل او تل ليهتدي بها عابرو الطريق ... مسيان : قبيل غروب الشمس

(2) زنيت : تأوة

(3) يا شيت: تعبير يكنى به عن ذكر اسم المخاطب .وقد يلفظ أحياناً ياشين

(4)فزيت: صحوت فجأه من نومي

(5)اعايرهن : اوزنهن

(6)ذربين الايمان : المتصفون بصفات البطوله والرجوله

(7) ما اقديت : لم توفق

(8-) وخلاف ذا : تعبير كثيراً ما استعمل في الشعر العامي للانتقال من فكره الى اخرى .. برسلان: نوع من انواع الدلال للقهوه وهو مشهور

(9)السباريت :البيد

(10)الصفرة : بلد الشاعر ... مد : انطلق .. تنحيت : قصدت او ابعدت او وخرت

(11)علم على التسعين : سر بسرعه تسعين كيلو متر في الساعه . ويقصد بهذه العباره سر مسرعاً

(12)انحر : اقصد .. عناتيت : صليبين اي صلب

(13)هل الصيت : اهل الذكر المشهور المحمود

(14)ترثه : نسل ... الزان : يقصد به هنا السيف كنايه عن شجاعته

(15)كسابه الطواله: الحائزون لمعالي الشرف

(16)شحاتيت : افراد قليلون

(17)تفاويت: ليس متصلاً

(18-)خرط وسفاريت : كلام غير ثابت او غير جاد

(19)غير السنين : سنوات القحط والشده .. الى : اذا

(20)ماريته : اي علامته .. طلق الحجاج غير عبوس في الوجه في من قدم اليه بل هو طلق المحيا

(21)تنخويت : صحت بنخوتك طالباً النجده ممن يمتون لك بصله

(22)ذباحه الحايل : من يذبحون للضيف ما اكرم من الابل والغنم وخصت الحائل بالذكر للعتقاد السائد بأن لحمها اطعم من غيرها .. بليا تلافيت : بدون التفات او تردد

(23) دابان : اسم اشتهر به سيفه

(24)اللقيمي : نوع من انواع البر يجرش عاده ويطبخ فيقدم للضيوف ..فوقه اذناب خرفان : عليه ضأن مطبوخه بكاملها ... نجور : جمع نجر وهو ما يدق به الهيل والقهوه .. رفاع الاصاويت : اصواتها عاليه .. ويقصد بذالك إسماع الاخرين والماره ليأتو و يحلوا عليهم ضيوفاً

(25)سلايل كحيلان : كريم المحتد

(26)رد البرا : انتض الصلح بين الطرفين كانا متنازعين وارادو العوده الى الحرب

(27)ابو ثمان : يقصد بلاثمان الاسنان .. قحويان : نبت ابيض الزهر

(28-)شم : انظر واتجه الى .. تذريت : حصلت على ملجا امن

أطال الله بعمر أبو علي وألبسه ثوب الصحة والعافية

[سامي العرفج]

حافظ على عرضك بدرعٍ يصونه


كريم يا برقٍ بجنح الدجـى نـاض = مثـل الجبـال المستقلـة مزونـة
عساه يسقي دار قاضين الاغـراض = اللي إلى جـا ضيفهـم يكرمونـه
يا مل قلب لـه زمانيـن مغتـاض = جرحـه خفـي داكتـره يجهلونـه
ياليت قلبي مـن بلاويـه يعتـاض = يكـره مجالـس عالَـم يكرهونـه
للسد ما تلقى بهـا الوقـت حفـاظ = مـودع السـد العـرب يفضحونـه
ما همني من همهم قضب الاعراض = اللي بهـم مثـل العـذارى ليونـه
عن الدنس والعار واسباب الامراض = حافظ على عرضك بدرع يصونـه

أطال الله بعمر أبو علي وألبسه ثوب الصحة والعافية

[سامي العرفج]

هامة مضر حنا ليا زام من زام



الله يكفـي شـر ميـلات الأيــام = وليلٍ غطا الضلعان يوقـظ نيامـه
العام وسنيـن عديـده ورى العـام = موت الإهانـه صايبـاتٍ اسهامـه
سنين خلت راعـي الخلـف قـدام = الحر قـل مـن الدبـور احترامـه
وقتٍ بـه المخـدوم للخـدم خـدام = بالناس اخس الناس يسمـع كلامـه
النذل مفطـر و الأجاويـد صيـام = عصـرٍ ترقـت بالنمايـم لئـامـه
هذا زمانٍ فيـه مـن طـاح ماقـام = يهلك ظمأ والمـي موجـود أمامـه
دنياً كفا الله شرهـا كلهـا أوهـام = مسكين من طاريه هيـض غرامـه
المستحي مـن حيفهـا ورده حيـام = والمفتري تشـرب قـراح حيامـه
يادار وين مقطعة روس الأصنـام = أهل السيوف الحدب وأهل الزعامـه
أخبارهم نسمع بها مثـل الأحـلام = الكـل منهـم بالـيـاتٍ عظـامـه
وجدي عليهم وجد مضهود الأيتـام = أبـوه ميـت ومتوليـه ضـامـه
يا لايمي في ذم الانـذال مـا نـلام = اللـوم يلحـق كاسبيـن المـلامـه
خطو العرب بالمجتمع مثـل النعـام = فيهـم سخافـاتٍ وفيهـم غشامـه
تعيـف ماتلقـا للأسـرار كـتـام = دراشـمٍ كــلٍ بـدبـرة مـدامـه
يابايع الليمـون مـن كـم الاقيـام = الليـم سعـره زاد مـدري علامـه
خلايق ماعـاد تحصـى بالأرقـام = أبا العيـوب اليـوم هبـت ولامـه
الخابـر الله عالـم مـا بالارحـام = منهم رجال الحرب عنـد التحامـه
هامة مضر حنا ليـا زام مـن زام = انشـد جمـوع مسيلمـه واليمامـه
لا فللت يوم اللقا خضـر الاعـلام = ماغيرنا في مارثـة مضـر هامـه
الطاغي الباغـي ندوسـه بالأقـدام = من غـره الشيطـان حنـا كعامـه
رجالنا دايـم علـى راسـه وسـام = يومٍ كثير النـاس ضيـع وسامـه
ماهي هرابيـدٍ علـى قـرع دمـام = غنا بها المملوك يرضـي عمامـه
ياعالمٍ فـي جوهـا طيرهـا حـام = تبغي السلامه مار مامـن سلامـه
لابد مـا يحكـم عليهـا بالاعـدام = فـي ساعـةٍ كـل يلبـس خطامـه
سهيل جنح الليل نور علـى الشـام = ياخارفين الغرس قـرب صرامـه
عقب الهدير وزوم نفـسٍ ودرهـام = رغى البعير اللـي طويـلٍ سنامـه
تدبيـر خـلاقٍ لأسـرار عــلام = دار الفلك لك زرفلـي يـا نعامـه
ماطاب لـك يالادمـي ذاك مـادام = لابد مـن قبـرٍ وحيـش ظلامـه
أوسع اذراع فيها تكفن مـن الخـام = وايحاسبك مـولاك يـوم القيامـه
الـدايـم الله واحــد مـاحـد دام = كـل مـرده لـو بقـى لانعدامـه
أكبر خطا وأكبر غلط وأكبر اجـرام = خلط الحلال اللي حـلال وحرامـه
ترى الجهل لبيوت الاجـواد هـدام = يتيـه دايـم صاحبـه بالمهـامـه
كم جاهلٍِ حطـوه للسطـح مـرزام = الاتبخنـتـه لقـيـتـه فـدامــه
ياصاحبي لا يخدعك كبر الأجسـام = مافـاد بالخرتيـت كبـر الجسامـه
المشتبه صاحي تحطه لـك احـزام = محزمك شيال الفشق فـي حزامـه
تراك في وقـتٍ هلـه فيهـم هيـام = من طاح يوكل مادري بـه جلامـه
الا توطـاك الدهـر رزوا اعـلام = وحطوا على رجم التشمـت علامـه
امخادعيـه تاخـذ المكـر بالـزام = بهم علـى الدنيـا الدنيـه بحامـه
جيـلٍ بعضهـم للمفاريـد مريـام = من ركب كور العاج عاف المسامه
الحر لامن شـاف مايكرهـه شـام = والبـوم مالـه نيـةٍ عـن هدامـه
ياللي بسـوق المجـد للجـود روام = انذرك عن بيت الـردى والرخامـه
احرص على الدسمه إلاصرت سوام = والا الهلامـه ماتفيـدك هـلامـه
خلك على طرق الجزيـلات جـزام = مايكسب الهزلات من بـه شهامـه
الغرسـه المستنسلـه ذات الأكمـام = أحرص علـى تلقيحهـا ياوسامـه
تلقا نماها عنـد تنكيـس الاعـلام = إلا اختلط وبل الرصاص وعسامـه
ياعارف الحـا لاعدمنـاك والـلام = الخبز مبطـي طافـح فـي ايدامـه
يذكر كبار الحوت بالبحـر عـوام = واللي يحرس العيس غلـق دوامـه
الذيـب غـب حيافتـه للغنـم نـام = يامواسله وش جـاه طـول منامـه
ياحارس البستان عن كـل صـرام = من طاول اطول منه طويت خيامـه
حجـام سابـاطٍ تــولاه حـجـام = شهادتـه فـي دراستـه للحجامـه
ياضامر السرجوف يامرودع وشام = عليك من شـارات سـاره علامـه
ريميةٍ ترعـى نواويـر الاوسـام = بالعنـق خناقـه وبالخـد شـامـه
بالليل صور لي خيالـه بالأحـلام = عرضه نقـي مافـك زولٍ لحامـه
بنت الذي جده على الحـرب مقـدام = وأبـوه مـروي بالملاقـا حسامـه
ليثٍ بطل علـى الطوابيـر هجـام = إلاغطـا الشـم النوايـف كتـامـه
شم عن ردي الناس ياصخيف الاقدام = ياكامل الأوصاف زاهـي زمامـه
ذا قول من قيلـه ينشـف للأقـلام = من كادي اصلي ومسـك ٍ ختامـه
هذا وصلى الله علـى سيـد الأنـام = محمـد المختـار مامطـر غمامـه


أطال الله بعمر أبو علي وألبسه ثوب الصحة والعافية

[سامي العرفج]

وين انت يا خضر وينك يا حسن بصـري




البارحة مـن همومـي ضايـق صـدري = في ها الحياة الشقيـة هاجسـي حـاري
دنيـا بهـا كـل حـي ماشـي عـبـري = الرابح اللـي سلـم فيهـا مـن العـاري
يلومنـي مستـريـح غـافـي هــدري = من خلقته غـوج لا شيـور ولا شـاري
صبرت ليـن اقتصيـت وطـول الصبـر = أقـول كـود الفلـك بالصبـر يـنـدار
لي مت ما احد مساعدنـي وانـا بقبـري = ما ينفع الهرج لى منـه جـرى الجـاري
فـي عالـي الرجـم دايـم كننـي سبـر = ينساح بالي إلـى منـه عـوى ضـاري
لي عادة مثل غيـري مـا احمـل الكبـر = وادمح خطا الجار ما غثى علـى جـاري
أمشـي متـر بالوفـا للـي مشـى فتـر = بالضيـق للـي صفـا مانـيـب بــوار
ليا شاخ فـي حـي دار قاصـر الشبـر = بدلـت دار الجـفـا والــذل بـديـار
يـا الله يـا رب يـا خـلاق يـا مبـري = يا منـزل الغيـث يـا رزاق يـا بـاري
يا واحد ما لأحـد فـي دبرتـك خشـر = يـا معيـش بالعـش مختلفـات الاطيـار
تبـري عليـل وطتـه سنينهـا الغـبـر = مـا تنعـرف علتـه لـو حـط منظـار
للي ردي لو قريـب جـد مـن يشتـري = نبيـع برخيـص يـا سـوام يـا شـاري
تـرى العـرب قيظوايـا كابـع البـدري = اشتر ثياب الستـر وانستـر يـا عـاري
يا خـوخ ياتيـن يـا رمـان يـا سـدر = شرع على مـا قـراح غـب الأمطـار
احرص على زمركم يـا راعـي الزمـر = سحم الضواري ضـوت والذيـب غـدار
يا محارب المرجلـة يـا ميـت الذكـر = مالـك دلالٍ تراكـى صـفـر بـوجـار
درب المراجل على راعى الـردا عسـر = مـا يمتهنهـا سـوى الوافيـن الأخيـار
لا يفرسنـك ذيابـة نجـد يـا وبــري = دور عـن ديـار وافـيـن الشـبـر دارِ
لى هاج موج البحـر لا تقـرب البحـر = قوع البحـر فيـه حـوت وفيـه محـار
أحد صعـد فـوق واحـد دون منحـدر = لابـد مـن عقـب المسـنـاد مـحـدار
مـا همنـي خـايـع متـهـور دهــر = على الخلايـق ضعيـف العقـل زمـار
دايم مع البيـض باقصـى البيـت منثبـر = وان فـاض للسـوق جيبـه مابـه زرار
أبـا حقـب يـدرج شـره يبـا الوكـر = والوكرفوقـه نــداوي حــر غـيـار
يا ماكر البوم وش بـك تحسبـك صقـر = مـا ينقلـك فـي ليـال القنـص صقـار
يـوم الجنايـز لهـا بالمعركـة نطـري = وانتـم تـرى بيـن حـمـار وبـقـاري
تفكري وابصـري وافهمـي يـا هكـري = حتـى تعرفيـن ميـرادي ومـصـداري
يعرف عريب البـدو ومعـرب الحضـر = ما فيـه قصـر بـلا مدخـل ومظهـار
يا ساري الليـل جنـح الليـل لا تسـري = راعى المساري يتيه الـدرب يـا سـاري
كم ضـارب للمهالـك مـا درى غـدري = صاحي ترى الوقت لو لـك زان غـرار
يامـا هلـك بـه رجـال بالقسـا تـذري = علـى نصايـب مقابرهـم ذرى الـذاري
انشد عن سنين حجر وش جـرى لحجـر = عن عرشه ملكه سريـع زالـه الـزاري
امداري الناس شاب الراس مـا تجـري = كثر المدارى يعيب الرجـل يـا مـداري
عنز علـى اللـي لعبـده يكتـب الأجـر = بمـزارع الزيـف لا تغريـك الأزهـار
يا ثقل حملي بهـا الدنيـا ويـا صبـري = عـز الله انـي علـى الشطـات صبـار
أسهـر واسمـار نجـوم بالسمـا زهـر = ودمـوع عينـي كمـا همـال مــدرار
أنحب نحيب الصويب مديب مـن كسـر = مـا ينوجـد للكسـر بالـديـن جـبـار
ينـام خـال الهمـوم آمـن وأنـا سهـر = يحرم على المنـام إلـى طـرى طـاري
الى نشدني غشيـم قلـت لـه مـا ادري = أقـو للمشتبـه مـا ادري وانــا داري
واجد بها الوقـت مثـل الـدب منحشـر = كرسي موظـف إلـى مـن ديـر ينـدار
نـاس يغـارون مـن خسـار بالعـسـر = لعـل ينـزل علـى واديهـم اعـصـار
وينجـي عريـب بـداره قاصـره فجـر = آراذي ثلـث سـقـط وثـلـث مـكـار
عند الكـلاب الجعـارا عـارف قـدري = مطـول للعصـا فـي ســر وجـهـار
لو مسكنـي بالمعـزه فـي خـلا بخـدر = أحسن ولا قصرة اللـي سلكهـم عـاري
أسـأل بكـل المعانـي واحـد خـبـري = سـاس الـردا لـو تكـا لابـد ينـهـار
من شيل حمـل العناكنـي علـى جمـر = صدري من الضيق كنـه فـوق مجمـار
لعل عقـب العسـر يـا خالقـي يسـري = يـا فـارج الكـرب يـا محـاي الأوزار
يا مجري الكون يـا داري بمـا يجـري = يا مديـر الافـلاك يـا عـلام الاسـرار
هيهات هيهات لـو يرجـع لنـا عصـر = عصر مضى يفرق الصافي من الصـاري
أفطن لساس القصر يـا سكـان القصـر = ترى المراجـل ماهيـب أسـوار وأدوار
غناتـي بعـز نفـسـي تبـعـد الفـقـر = أتاجـر بعـزهـا وأفــوز وأمــاري
من شرب صافي لـزوم يشـرب الكـدر = يـا شـارب نقـع مـدرار لجـا بغـار
كـم حلـة شيـدت وابطابهـا الـوطـر = طـوق علـى رجالهـا فرسـان ومهـار
من فجر لين العصر يجـزر بهـم جـزر = بالسيـف والحضرمـيـه وأم شنـكـار
راحت دماهم ومـن غـرر بهـم هـدر = إلى استـدارت رغـا مـن كـان هـدار
عقب الرخا كنهـم فـي ساعـة الحشـر = ياشيـن عقـب المعـزه ذل الأحــرار
ما ينجلـي ضيـم عمـن ضيـم بالهـذر = إلا بمـتـر حـنـي للظـهـر بـتــار
شر يعـدل ميـل مـن كـان بـه زمـر = من كف قرم إلى من صـار مـا صـار
معـرب ساطـي لـه بالظفـر شـطـر = مـن لابـة باللقـا ترخـص بالاعـمـار
بيـض صفحاتهـم توضـي كمـا البـدر = تعـرف تواريخهـم سكـان الامـصـار
ليا صار لك عزوة تزجـر بهـم زجـر = لي قيل يا اهـل العوايـد والدخـن ثـار
واللـي حيـاة تقصـر طايـل العـمـر = يـهـدد ذيابـهـا طلـيـان مخـضـار
يـا عـادل يملهـا يـا والـي الأمــر = يسر لنـا عـن طريـق الضيـق معبـار
يا ابو جعود ضفت فـوق المتـن شقـر = يا غصن مـوز تثنـي فـوق الأشجـار
يا قايـد الريـم يـا جـذاب يـا عفـري = حكمك على اهل الهوى يا جاير اجبـاري
حسيبـك الله يـا غـرو نـوى هجـري = شيـب براسـي وفتـح فـي الانـظـار
كم هي نجوم الحيا يـا زيـد يـا عمـر = تلاشـت الماشيـه مـن كثـر الأدهـار
تغيرت حال وافـى البـاع عـن خبـري = يـا طيـر وده خبـر واجنـي بالاخبـار
أنـاس شفاتـي عريـب اجعلـه ذخـر = ما همنـي دق عـود وصـوت مزمـار
لى نـام غيـري عيونـي نومهـا نـزر = دايـم علـى وجنتينـي دمعهـا جـاري
حالـي كمـا عـود ثـن يابـس مبـري = بالمـوس باريـه بسنيـن المحـل بـاري
امشطـر مثـل عـود طايـح جــدري = يومي بقلـع المـدى لـي شـاف مـرار
وإلا غريـر بلجـات البحـر دجــري = وقـع بجنـح الدجـى والسفـن عبـاري
وين انت يا خضر وينك يا حسن بصـري = من هو قبيلي إلى مـن حـارت أفكـاري
يبصـر ببيـر لتجديـد القشـر حـفـر = انشر عـن الـذل قبـل الـذل منشـاري
الحـمـد لله والتعـظـيـم والـشـكـر = هبت هبايـب صحـاري نجـد يـا ذاري
لا والـذي نـزل الاعـراف والعـصـر = أني فلا اقصـد يمـوم الجـدي ومبـاري
من شانـت بطانتـه مـا ينغبـط عثـري = قصـاص الاثــار يقتـصـه بـالاثـار
يا جالبين التمـر فـي عاصمـة هجـري = ما احد عرف من عربكم ويش الاسعـار
نـادى المـدوه لــذود وارد عـفـري = واهتـال جـذاب دلـو الـورد واحتـار
وارزت على الحوض ترزوم وجبة الظهر = الجـل صـارت يميـن ودقهـا يـسـار
معهـا عشايـر همـل حشوانهـا قشـر = لهـا مـن الـعـام يــا سـتـار دوار
داجت وراجت وهجـت وانتـوت فجـر = اللي لهـا حـوار واللـي مالهـا حـوار


الشاعر عبد الله بن علي بن صقيه التميمي

[سامي العرفج]

ياللأسف صار الذنب بالناس راس




الله مـن عـيـن تـهـل اعبـارهـا = النـوم فـي جنـح الدجـى مازارهـا
الـى عذلـت العيـن عيـت لاتنـام = ماغيـر اعالجهـا بنظـم اشعـارهـا
حمـر محاجرهـا مـن الدمـع الغزيـر = لى هـل يسقـي مملاحـات ديارهـا
تبكي علـى فرقـا مدابيـس الظـلام = صـار العـوض بليوثهـا سنـارهـا
تغرضـت شبـه الثعالـب للنـمـور = والبوم باتت فـي وكورهـا احرارهـا
طمع-كرم من سمع-ركـاب الحميـر = بالفـارس المغـوار ســوّ مهـارهـا
يقطعك دنيـا شيبـت راس الرضيـع = اوزت كثيـر كبـارهـا لصغـارهـا
اذويت غصـون زاكيـات مثمـرات = واحيـت غصـون ماتـذاق اثمارهـا
عادتهـا دايـم علـى الطيـب تميـل = الله يكافيـنـا شــرور اخطـارهـا
تعادلـن عنـدي حياتـي والمـمـات = من يـوم عيـب الـدار جابجدارهـا
والله يلـولا شوفتـي صـفـر ادلال = بجوارجمـر فـي وسـيـع وجـارهـا
وحب اليمن ماخالطه عـذف نظيـف = وجمـع مـن الهيـل الثميـن بهارهـا
مابيتـت بالتـول يعملهـا ذريــف = حـرص عليهـا عـارف وش كارهـا
لافـر فـرة فـرخ حـر مستشيـل = واموت موتـة مـن غـرق ببحارهـا
المـوت للأحـرار خيـر مـن الحيـاة = من يـوم قرنـس نسرهـا صقارهـا
ما تلحق الشرهات مـن لالـه سلـوم = نشـره علـى كسارهـا جبـارهـا
زيزومهـا مقدامهـا يـوم الـطـراد = فكاكـهـا خيـالـهـا سـبـارهـا
لي صاح وسط الخيـل تعرفـه المهـار = طـوال الشبـور مقصـر لاشبارهـا
سبع الى مـن شافتـة كـل السبـاع = تقـول ضيـن طالـعـت جـزارهـا
في يوم يدني به حفيـف مـن حفيـف = مـن بيـن فرسـان تـدور ثـارهـا
حكيمهـا حليمهـا عنـد الخصـوم = صعـاف الاريـا مايطيـع اشوارهـا
عـد قـراح تاكـي طـول السنيـن = هداجـهـا ثجاجـهـا تـيـارهـا
راعـي بيـوت زاميـات كالهضـاب = مقري الطراقي مـن حليـب ابكارهـا
بكـار عـرب بالجـدود منتـبـات = يازين لـي انساقـت حنيـن حوارهـا
وان ريضوا يذبح لهم من حيـل سمـان = مـن لابـة مايذبـحـون جفـارهـا
تعـرف مواقفهـم عريبيـن الجـدود = الـى غطـا قحـص المهـار غبارهـا
كم شيخ قوم زارتـه شهـب النسـور = عليةخفـراتـه تـشـق سـتـارهـا
ياحبنـي لمرويـة حـدب السـيـوف = مكرنـة لـلـي نــزل بجـوارهـا
دماحـة الزلـة مسـانـدة الرفـيـق = منزحـة عـن دارهـا مـن دارهــا
ما اداني الخايب لـو انـه لـي قريـب = اقولهـا فــي سـرهـا وجهـارهـا
اشفق على الطيب ولو هو لي خصيـم = الطيبيـن اللـي تشـيـع اذكـارهـا
الرجـل مايجحـد لعـدوان جمـيـل = لعـل مثـوى اللـي جحـد نارهـا
رجـال نجـد اللـي ينتـب مايبـور = عسـى علـى نجـد تهـل امطارهـا
تسقـى صحاريهـا وعامـرة النخيـل = يشـوق بــال رجالـهـا نـوارهـا
حيث انها منتج حـلا حيـل ذحـول = مسقين مـن تـاه الطريـق امرارهـا
عزيل مـن لا لـه بنـي عـم ليـوث = والا المبـانـي ماتـفـك اسـوارهـا
ماتنفـع الخـلان خـلان السـمـاط = لى اشتد وقتـك واكتـرب مسمارهـا
ربعك مثل ماقيـل درع لـك يصـون = تشق جيـب اللـي يشـق اوزارهـا
وتفك حقـك مـن مقضبـة الحلـوق = باسيوفهـا تقـرع قيـون حمـارهـا
تخلي الصعل الصعـب يصيـر يطـوع = وتكـرس يديـن المنبطـر نكـارهـا
ضديدهـا تاطـاه بشـروك النـعـال = يمـوت غيـض دارهــا مـازارهـا
كـل ابـن عـم لاتـدور بـديـل = تلقاه لـى جـارت عليـك اشرارهـا
عدو جدك لو ضحـك لـك مايبيـك = الـى اولمـت بـه وسطـه مجمارهـا
الناس في وقت الرخـا كـل غضيـد = مار البـلا لـى قيـل ويـن اخيارهـا
وكل تنخوا واختفـى النـذل الجبـان = وقضـت علـوم المتشبـه زمـارهـا
وتحمـل القـالات شيـال الحمـول = واحتاجـت اليمنـى لفعـل يسارهـا
ماينفعـك كثـر الدراهـم بالبنـوك = لى ولعـت حمـر الحـروب انوارهـا
ما ينفعك غير الاصيل ابـن الاصيـل = منـه العـدا كـره تولـي ادبـارهـا
ياقل من تسنـد عليـه الـى ابتليـت = كثير اهـل هالوقـت مثـل بخارهـا
عليـك باللـي بالشدايـد مايـبـور = لى بـار فـي مـن بـر بـه بوارهـا
ارد العـدود اللـى مشاربهـا قـراح = انـذاك جنـب مصريـات ابيـارهـا
ورد الصرايا يـودع الصاحـي عليـل = ليـا عيونـك يطفـحـن انظـارهـا
طرق المراجـل نيلهـا نكـد صعيـب = تبغـى ضخـى مرخـص دينـارهـا
المرجلـة ماهيـب تمسيـس الثيـاب = ولا بنـايـات وكـثـر ادوارهــا
المرجلـة حيـل تقـلـط للـرجـال = لو انـت فـي خـدر بنـي باوعارهـا
ياللأسف صـار الذنـب بالنـاس راس = ركبـت مشابهـة النسـا باكـورهـا
وخافت مخيفات السباع مـن الشيـاه = فـي برهـا وبحـورهـا وامصـارهـا
ادخل على الله عن اعراض اهل السموت = الـذم لـلـي مايثـمـن عـارهـا
شيبت قبل الشيب في عصـر الشبـاب = من جـور دنيـا جايـر خشكارهـا
تزخرفت لاهـل النمايـم والصقيـط = واللـي نظرهـا فـي محـارم جارهـا
ماتومـن لـو عاهـدت لازم تخـون = ياما علـى الطيـب لـوث شنكارهـا
خوانـة بــوارة غـبـرا مـكـور = مـن عظـم بلواهـا رغـى هدارهـا
دنيا تهـول ذللـت مـروي السنيـن = عـراف شيبهـا يعـرف ابكـارهـا
بدلة تـرف تغـوي خفيفيـن العقـول = لابـد لابسهـا يـفـك ازرارهــا
خلت ضعيف العقل يدخلـة الغـرور = بقارهـا شــره عـلـى طيـارهـا
كـل مشيـح ماعليهـا مستـريـح = طريـق واردهـا علـى مصـدارهـا
رصاصها يكسـر صليبـات العظـام = اهـل الفكـر فيهـا تحيـر افكارهـا
ياليت من حدر الثـرى حـي يشـوف = وش صار فيهـا فـي جميـع اقطارهـا
تمت وصلى الله علـى طـه الشفيـع = مـالاح بـرق ومـا همـل مدرارهـا

الشاعر عبد الله بن علي بن صقيه التميمي

أطال الله بعمره

[سامي العرفج]

البارحة بالصدر ولوال



البارحة بالصدر ولوال = من هاجس شاغل بالي
بالقيظ دلوي فراها الجال = وارقاب الاصحاب ميّال
يا كثر من عرفهم غربال = يالله عسى مالهم تالي
تبيع عرفك بربع ريال = وتعرّضك لاشهب اللال
لو ان بيتك لهم مدهال = نسيوك لى صك الجال
ما كل من قيل له رجال = يحسب مع الناس رجال
أحد يقدَّ لكثرة المال = واحدٍ يقدّر بالافعال
العوشزة ما بها مقيال = خضرا ورق فيّها صالي
مطولة ربقة السروال = أحسن لها تلبس اشيال
بعض العرب نصة وعقا = لمن العقل مرّة خالي
ياوارم البطن يالغفّال = انذرك لا تاكل الحالي
ترى الحلا علّة للحال = يرّث بالاجسام سلاّل
ويل لمن طفف المكيال = والوزن وأكّال الاسبال

الشاعر عبد الله بن علي بن صقيه التميمي

أطال الله بعمره

[سامي العرفج]

عيب على الجما تناطح للاطواد




هذي قصور أهل الوفا غش الاضداد = بلاقـعٍ مـا كـن حـيٍ نزلـهـا
ولو سكنها غيرهم عـاد وش عـاد = الطيبـة يامـن جهلهـا لاهلـهـا
الحق نصدع به على روس الاشهاد = وأهل الزعل ما نشتحن من زعلهـا
من لا يقدّر طيب الناس مـا سـاد = يامن تزوم نفوسهـا مـن جهلهـا
للي يحوش الطيب كسّاب الامجـاد = وإلا الردي يحسب بحسبـة سفلهـا
له في عراض الخلق مصدر وميراد = والطيبـة مـا قـط يـومٍ فعلـهـا
عيب على الجما تناطـح الاطـواد = وهي عشا للذيب لـي جـاع اكلهـا


الشاعر عبد الله بن علي بن صقيه التميمي

أطال الله بعمره

[سامي العرفج]

بني تميم منزحيـن الخصيـم




بني تميم منزحيـن الخصيـم = يقوله اللي ماكذب فـي كلامـه
ان كانها بالمفخره مـن قديـم = مناب ذيل المجد حنـا سنامـه
فان كانها بالضيم حنـا نضيـم = وان كانها بالدين حنا زمامـه
وان كان صار في القبايل زعيم = ياما وياما صار فينـا زعامـه
كم سيد ساد الاخلايق من تميم = ولنا الردافه لين يوم القيامـه
مقامنا عند الاعـارب عظيـم = وفرساننا قبل الهلالي وعامـه
ورماحنا لى زرجـن بالعديـم = مظهارها يشدي لريع الثمامـه
نودع ضنا من يحتقرنا عديـم = شيال حمل الزوم حنـا كعامـه


الشاعر عبد الله بن علي بن صقيه التميمي

أطال الله بعمره

[ذيبة تميم .. !]

( هجينية )



يـا بـو عـيـون هدبـهـا ســود=لا تـذبــح الـنــاس بعـيـونـك
تذبـح بنـجـل وبـيـض خــدود=عجـزت اوصفـك وش لونـك
الراس فوق المتـن مرجـود=واللـون مـثـل القـمـر لـونـك
والله مـا عـن لـقـاك صــدود=لا جيت تمشي على هونك
يـا زيــن يــا خـيـرة المـاجـود=بـعــض المـخـاليـق يـفـدونـك

[* شامخة *]

قم يا وديع السين والدال واعيهـا=يا اللي طوابير المعـادي تناحيهـا
احمس من البن المنقا على الغضـى=اوصيك بالتركيد يا اللي تسويهـا
اصحى تحركهـا بيكثـر سريبهـا=ولا تجي نيـه تمـرر.. حلاويهـا
عن الجمر شطرها إلى فاح ريحهـا=يلزمك يا قـرم الولايـد تحاظيهـا
وفي نجر ما وقـدر شبريـن دقهـا=حسه يجيب اللي تكسـر عزاويهـا
لقـم ببغداديـة كـن.. عنقهـا=عنق المهـاة المستحسـة براميهـا
على بكر لقمهـا لمـن يستحقهـا=ولا تـردد للنشامـا.. ثناويـهـا
من ذي بهذي يا فتى الجـود زلهـا=كثر نظيف الهيل واقصر شمطريهـا
مع زعفران وعنبر بـدري الصـدا=عن كبد ممرور بهـا المـر شاويهـا
من ليف حلوات السمر صن سريبها=حتى يشوق البال بالصين صافيهـا
عده على اللي ينطح الضد لا اعتدا=اللي سيوف الهند بالزنـد يرويهـا
وعده على اللي يكرم الضيف لالفا=ريف الركاب اللي تخـوع بهاليهـا

[* شامخة *]

ملحمة ندوة التراث الشعبي1407هـ

وهذه ملحمة تميميه لشاعر الكبير شاعر بني تميم
الشيخ عبدالله بن علي آل صقيه آل بسام الوهيبي التميمي
وهي في مهرجان الحرس الوطني الثالت للتراث والثقافة و نرى فيها صوت وصدى عربي اصيل ينادي لتوحيد الصفوف لتحرير الأراضي المغتصبه لرفع كلمة لا إله إلا الله محمد رسول الله
الشيخ عبدالله بن صقيه التميمي شخصيه فذه يتجسد بها مثال حي لهاجس الأمة العربيه فجزاه الله عن الامه الاسلاميه خير الجزاء.

ياعيون عن طريق الحق حول





نحمد الله عـز دينـه بالرسـول=مايحكـم فـي محكمنـا جهـول
ديننـا ومملوكنـا ديـنٍ حنيـف=كل راعي دين مشبـوه مخـذول
وارثين الجود ورثٍ مـن جـدود=في مفاخرنـا جديـدات وسمـول
من خلقنـا بالجزيـرة عايشيـن=والسنين عجـاف مافيهـا قبـول
ماخدعنـا زيـف دنيـاً ماتـدوم=كل شـيٍ غيـر خالقنـا يـزول
سامعٍ جنح الدجى دبـي النمـال=جاعلٍ أرضه لمـن فيهـا ذلـول
ياكريـم ماتعيـم مـن رجــاك=من لجا بحماك من مـدك بنـول
عز من بالسيف عن دينك يـذود=أمةٍ ترثـة سبـولٍ مـن شبـول
ياعريـب ماتزعزعـك الحـروب=كلنـا عـرب بطايلتـك نـطـول
مايفك الدار غيـر أهـل الديـار=ولا يقـرب للحمـول إلا الزمـول
درعهـا فرسانهـا حـل الطـراد=كاسبين المجد ماضيـن الفعـول
ما يشد من النضا إلا كل أصيـل=ولا يعن من الحصن غير الصهول
انصف أهل الحق من نفسك تثاب=واستعن بالله ولا تسمـع لقـول
من يغر النـاس فـي حلوالكـلام=والغلو والغيظ في صدره يضـول
تقل طاووسٍ يمشكل بـه شكـوك=ماهو الصاحي ولاهوب أمهبـول
التريث واجـبٍ فـي كـل حـال=لانصر مـع مستميلينـك ميـول
فـان للأيـام ميـلٍ وإعـتـدال=الدهـر لاتامنـه غـولٍ خـتـول
لاتعيـل ولا تـراخ لمـن يعيـل=ولاتصر في كل ماتنـوى عجـول
ماعلى الدنيا صحيـحٍ مستريـح=في شقاها مديب عـاذل ومعـذول
المنايـا بعـد تدبـيـر الإلــه=كم طوت صفحات شبان وكهـول
ناظر الماطا قبل توطـا وتطيـح=في حيايا في جحورٍ فـي دحـول
وانتهض عن مقعدٍ فيـه احتقـار=مثل حرٍ شايـف بالجـول جـول
المذلـه مـا رضوهـا الطيبيـن=ما حدٍ يرضى عن العليا النـزول
الشكـر لله حنـا فـي زمــان=فيه الارنب تفترس ذيب الخلـول
ياعسى عسـر الليالـي ماتعـود=مانريد سنيـن عـازل ومعـزول
والله ان كثـر التمانـي ماتفيـد=المنايـا دون امانيـنـا تـحـول
ياعظيم الشان يامنشي السحـاب=يامعيد الريف من بعـد المحـول
عل يسقـي داركـم هتـان ديـم=ياعـرب دارٍ بقايـاهـا طـلـول
غـر قاصدهـا لماردهـا سـراب=جزيت عنها الجوازي والوعـول
مابقى إلا مثل عـش العنكبـوت=الرخـم حـل بحماهـا لا تقـول
قام يدهلها على الحـول الغـراب=والوحش منها ومن فيهـا ملـول
الفتيـات العفيـفـات ارهـبـن=في وطنهن وارهبن ذات البعـول
كل اهلها من سنيـن محاصريـن=ماحدٍ صابه مـن اجلهـا خجـول
ياعبـاد الله قومـوا باحتـسـاب=عارها يغش العرب عرضٍ وطول
استعينـوا بالمعيـن المستعـان=واتركو من كان ميلـه للخمـول
المعرب من وطـي حـده نخـاه=لاتوانـوا يـا طاطيـحٍ زحــول
كلما دارت رحـى ريـب المنـون=فانتم لهـا يافطـا حلهـا ثفـول
من نعيوج عدل بحدب السيـوف=والعقايم بالحـروب لهـا فحـول
العـرب بيناتهـم قصـرٍ مشيـد=في نهار الضيق حامل ومحمـول
يافلسطيـن السليبـه مستحيـل=مالنا عـذرٍ نقولـه وش نقـول
في علاجك مـرة حـار الطبيـب=ياعيونٍ عن طريق الحـق حـول
سيل عـرمٍ زم فـي ليـلٍ ظـلام=انحدر مـع واديٍ سيلـه يهـول
غارقٍ به غـرق مـن كـم عـام=في غثاه المرضعة تمشي ذهـول
عل من رام الوطا عمـره قصيـر=وعل من رام العلا عمـره يطـول
لى جفتك الدار يالليـث الهصـور=لاتعش بارض سهل عش بالوحول
ياعرب بالله هـل هـذي حيـاة؟؟=ضدنا من صوبنا يسـري الليـول
من رضى عيش المذلة والهـوان=استهانت به من النـاس الخبـول
انتم أهـل الملزمـه والطايـلات=الجبن ماهـو لكـم ولا الكسـول
دون كل دياركـم قومـو جميـع=قبل اعاديكـم باراضيكـم تجـول
اغلقوا بـاب الكسـل كالأوليـن=كثـرة الراحـات تفتـر للحيـول
مايفيد الهرج من خلـف الستـار=لانجى كاللي هبو مامـن صمـول
فللـوا خضـر البيـارق للجهـاد=واعتـزوا والله لنصرتنـا كفـول
واعلنوها اعلان حـرب باحتمـال=في وعرها في بحرها والسهـول
ينتخب من كل بيتٍ شبـل بيـت=شاركو عـربٍ لجرحهـا تعـول
الخيانـه حاربوهـا والـخـداع=والتنصيب بالمناصـب والكمـول
والترافـه والتطـاول والغـرور=والتساهل في المناسب والحلـول
ذا وانا بجهاد مع طيـف المنـام=كن حولي بالدجى يسرج خيـول
لى استراح اللي مريحٍ ما استراح=لا صحا جسمي ولا هوب معلـول
يابني عدنـان عـار وياقحطـان=تتركون الثار يازمـول الحمـول
بل هلمو كلنـا شيـب وشبـاب=لوعـن الدنيـا ومافيهـا نـزول
والختم صلوا على سيـد الجميـع=النبـي الهاشمـي مــازال زول




وسلامتكم