محاورة بيني وبين الشاعر عقاب النهار ( الاشدف ) حبيت انكم تقرونها ...

[تركي]

مساكم الله بالخير حبيت العب مع ابو ضاري شوي


ياهلا بك يا بو ضاري ياهلا=خذ تراحيبٍ في ذا الخاطر تجول
كود ترحيبي لحايل يوصلا=خايف الارسال تضعفه السيول

[تركي]

هلابك وغلا يالغالى



وابشر باللى تبى



واستلم



مرحبا بك عد نجمٍ اعتـــــــــــلا=وعد من ساروا على الضلع وسهول
جانى المرسول وعن همى جلا=كل ما بالقلب من شىٍ يهـــــــــــول

[تركي]

شوف يالأشدف انا لك بسئلا=كان مشكلتي لها حل فقول
ويش حل اللي عيونه تهملا=وايده اليمنى قصيرة ما تطول

[تركي]

ماشكى رجلٍ لعب فيه الغلا=وعادة اللى حب شايل للحمول
كود من حبيت شخصٍ يجهلا=اتركه من قبل ماتشكى الذهول

[تركي]

هذا خلي فـي دواوينـي تـلا=ماهو جاهل بالمحبه وش تقول؟
مار جايز لـه غلانـا والهـلا=قام يلعب بالعواطـف والميـول

[تركي]

مالعبك مثل خلى بالحــــلا=عنق ريم ودايم بطبعه جفــــــــول
ان لفيته قال مرحب مسهلا=وان تركته جانى فى طبعه عجول

[المرقب العالي]

صح لسااانك ولسااان ابوضاري


ولله دركم ولا يحرمنا منكم

تحياااتي

[تركي]

اخبـرك انكـم ساكنيـن بالخـلا=وتكرهون اللي على الصيده يصول
وش بـلا حالـك تبـدل وانجـلا=صـرت للخفـرات ذبـاحٍ قتـول

[تركي]

ابدوى لاحب ابحبه ماسلا=ماعرف للهاتف او رقم بزجول
لاتولع فى حبيبه وابتلا=عن حبيبه مايحول اولا يــجول

[تركي]

بان عرفك صاير لي تعـذلا=شوف تشبيهك لخلي بالفتول
عاد وش قولك بخلٍ عنـدلا=بنت شيخ كل حاجه له رسول

[تركي]

الف نعمٍ ماتعرضته ولا=قلت فيها شى مانى بمهبول
بس غير قولتك بى واعدلا=عينى للعالى ولا احب العذول

[تركي]

كيف اغير والفضيحة بالمـلا=وصلت الصين وتعدت سيـول
هذا خلـي بالضمايـر ينـزلا=مسمح انك تاخذه مزح وهزول

[تركي]

من يقول انى هويته مخبلا=اولنا بالحب به شف او قبــــول
ما نحب الا الحبــــيب الأولا=موسوس ولالى على حبه ميول

[تركي]

صح لسان ابو ضاري وسلم بنانه ولا هان جعل عمره طويل ...

[بنوتة تميم]

سلمتوا

محاوره شعريه جميـله وممتعه اسعدتني قراءتها

دمتوا بود

[راعِ المنقيه]

صح لسانك يا تركي

وصح لسان الاشدف ابو ضاري
ومحاوره شيقه وممتعه

لا عدمناكم

[الهلالي]

صح لسانك يا ولد العم وصح لسان ابو ضاري

[ناصر البكر]

روعه
وربي روعه
ومدام معاك الاشدف
اكيد بتصير روعه

[راعي السبعان]

صح لسانك ياتركي

وصح لسان الاشدف


ولاهنتوووو

الفكره رائعه

والمحاوره اروع


تسلم ويسلم الاشدف

[تركي]

انا داخلٍ بالله...ياتركى اليامريت=تشوف العنا والهم...وابى الحل ياخالى
انا لى حبيبٍ...وسط قلبى بنا له بيت=واذا غاب زاد الويل ....او يالخال ولوالى

[تركي]

ألا وا شيب عيني يابو ضاري مماطريت=هيضت قلب ( ن ) صابه الحب بهزالي
أنا لا طرى علي خلي طحـت وتلويـت=قمت اصفق اليمنى من ايديي بشمالـي

[تركي]

انا وان دعانى صاحبى...قمت له لبيت=عليه الامر فينى...وانا اطيع بالحالى
اذا غاب عنى ...بالمجالس ترى سجيت=والى لامن حضر ذكره...ترى القلب يصفالى

[تركي]

انا من سبايب خلـي للجيـب شقيـت=قمت اصرخ بونه وارفع الصوت بالعالي
ألا واعنا عيني من اللـي بنالـه بيـت=وسط الضماير في بزرة القلـب نزالـي

[تركي]

انا جيت لك عانى...وابشكى لكم وابديت=همومٍ على قلبى ...كبيرات وثقالى
تقوم انت لى تشكى...وانا ما بعد ونــيت=الا كيف لو تدرى.....بشىٍ تهيالـــــــــــــى

[تركي]

هذي سبايب صاحب ( ن ) عالي الصيت=كل ماسمعت باكي ( ن ) للدمع همالي
يطري علي اللـي عجيـب التساميـت=عطبول مزيون ( ن ) للعيـن كحالـي

[محروم]

محاوره شعريه راااائعه بروعه قائليهاااااااا
صح لساااااااااانك ولسان أبو ضاري
ولاعدمنااااااااااكم
تحيه عطره من محروووووووووووم

[بنوتة تميم]

صح لسانك ولسان الاشدف

ابدااع في ابدااع ماشالله عليكم ننتظر المحاورة القادمه

لكم ارق تحيه

[تركي]

المرقب العالي مشكور على المرور ...

[ظبيانية]

صح لسانك يا تركي وصح لسان الاشدف

ومحاوره شعريه في قمة الروعه

تسلم اخوي تركي على انك امتعتني بقرائتها

[تركي]

انا وان دعانى الشوق....اقول ااااه او لو او ليت=يناجينى المحبوب..وانا اقول يالغالى
ترى لا نت ولا غيرك.مثل حبنا حبيت=او لو قلت لى ماقلت.فلا خش فى بالـــــــــــــــى

[تركي]

أنا خابر إنك من ضنينك تبليـت=قد جاك منه ما يشغل السالـي
والله لو صاحبك مثلنا وصيـت=راح ابو ضاري في رحمة الوالي

[تركي]

انا اقول انك غافلٍ ليتى لك صحيت=على شان تفهم كل ويلى او وولوالى
انا مابلانى كود حبه ولامليــــــــت=انا بالهوا لى درب طعمه بيحلالــــــى

[تركي]

ليتك لخصال حبيبك اليوم عديـت=حتى نشوف اللي زايده بخصالـي
عطني وصوفه يالأشدف بالتناهيت=ودي اهيض قلبك اليوم بعوالـي

[تركي]

انا لو بوصف صاحبى صعب له وفيت=جميع العذارا تحت وهو منزله عالى
حسينٍ جميلٍ والوفا فيه ماشكيــــت=وثمانه اليا اتبسم بها السكر الحالى

[تركي]

أنا ما شفت زود للحين فيما حطيـت=بوصوف خل ( ن ) صابك منه سلالي
عطنا وصوف اللي في حبها اشتطيت=ابو ثمـان بيـض كالريـم جفالـي

[تركي]

ترى الخصر ناحل مع ردوفه الياراعيت=وخدوده شعق برقٍ بها المزن هطالـــــى
واذا سلهمت عن عينها ضنتى صديـــت=وعلى الصدر بان ثنين على حجم فنجالى

[تركي]

هذي وصوف ( ن ) يالاشدف تحيي الميت=لولا الكفر لا اقـول قـول مـا ينقالـي
حيرتنـي بخلـك يابـن بنتنـا وأزريـت=عدد وصـوف اللـي رموشـه ظلالـي

[تركي]

حبيبى الى من مر انا قمت به حييت=يسلهم بعينٍ حاجبه كنه اهلالى
انا ليتنى يا ليتنى بوصفها مطريت=اخاف ابجماله يذكرونه بالامثالى

[تركي]

أنا من وصوفك يالأشدف استديت=ذكرتني من فرني فـر محالـي
أنا بطلب الله صايم لـه صليـت=عسى خليلي في حبه يصفالـي

[بنوتة تميم]

ابيات رائعه وردود جميله

ارى ان المحاورة تستحق التثبيت

دمتوا بود

[مجنى حميد]

صح لسانك يا تركي و لسان الاشدف على هالمحاورة الممتعة.

[المزروعي]

صح لسانك ياتركي

وصح لسان ابو ضاري


محاورات ممتعه