مجاراة قصيدة رخـتـر رصـدهـا [الأرشيف]

مشاهدة نسخة كاملة : مجاراة قصيدة رخـتـر رصـدهـا

علي آل بوعينين

11-09-04, 05:59 PM

حنا تميم لاشبا الكون دخان=تنكر حرايبنا علايا رعدها
حنا هل الطولات لاكان ماكان=عمرو ورباب وحنظله مع سعدها
للضيف ضان وللدخيلين مزبان=وللند حدن بالهداير وردها
فينا فضايل ماتفضل بها انسان=فضايلن يم التميمي وجدها
حنا تميمن لين دجالها بان=اشد الامه والنبي من فردها
مجددين الي على روس الاديان=يوم النصايب كثر منهو عبدها
قوم النبي ربعي محادير عدنان=وشعاد ملزوم الفخر من بعدها
واوطاننا عزن ليا عد الاوطان=لاخاب بتلاة العنا من قصدها
نولى قطر يابادع القاف وعمان=وديارنا عسرن عليه عددها
حنا تميم ولاعلى الغير نقصان=اهل السما وقت المفاخر حشدها
صغت القصيد ولازم القاف برهان=من شاعرن دل القوافي رشدها
قاله ولد دارم على حل مازان=والنفس ماتمكد لمن لامكدها
الشاعر / علي بن محمد بن علي البوحسون آل بوعينين التميمي

عتاب بن هرمي

11-09-04, 07:17 PM

سطام الشبرمي

11-10-04, 06:38 AM

حنا تميم ولاعلى الغير نقصـان***اهل السما وقت المفاخر حشدهـا

صح لسانك ولاهنت على الرد يالبناخي
قصيده رائعة بروعة قائلهاااااااااا
تحياتي لك

علي آل بوعينين

11-10-04, 07:05 AM

وراسك يالذيب

وصح الله بدنك والله لايهينك

وبيض الله وجهك يابو عدوان على مرورك الكريم

وعساك على القوة

اخوك / علي آل بوعينين التميمي

علي آل بوعينين

11-10-04, 07:08 AM

صح بدنك حفيد شقران

والله لايهينك على مرورك الكريم

ويعطيك العافيه يبن العم

وعساك على القوة

اخوك علي آل بوعينين التميمي

بن سويط

11-10-04, 11:02 AM

و نعم ببني تميم ولا عليهم خلاف

اجواد عيال اجواد و لهم بالتاريخ صفحات لا تنسى

لكن عتبي عليك اخي في حاجتين

الاولة: في ردك هذا و كانك تقول ان القصيده اللي انا كاتبها كانت موجهه لتميمي و يعلم الله ان المكتوبه به القصيده يرفعون عنه اجواد العرب كلهم

الثانيه: لو انها على سبيل المداعبه لقصيدتي انا لم اجد لك حتى رد على قصيدتي يبيّن حسن النية او صفاء قلب

فيا ليت توضح الامر اخي اذا كان في خاطرك شي علي و ترا سوالف اللي زي كذا تبي لها رويه

واذا انت شايف الظفير ماهي جديرة بهالقصيده فهذا شي راجع لشخصك انت لكن اسمح لي اقول لك اسلوبك هذا غلط

انا ماني عاجز ارد بقصيده او ما شابه لكني فاهم ان هالسوالف بتطول بيكثر كلام حنا بغنى عنه

اتمنى ان تكون لك نظره ثاقبه في هذا الامر

تحية لك من القلب

و دمت

عبـدالرحمن

11-10-04, 05:36 PM

حنا تميمن ليـن دجالهـا بـان ... اشد الامه والنبـي مـن فردهـا
مجددين الي على روس الاديـان ... يوم النصايب كثر منهو عبدهـا

على ال بو عينين

صح اللسانك
وتسلم يمينك

محروم

11-10-04, 08:57 PM

صغت القصيد ولازم القاف برهان***من شاعرن دل القوافي رشدهـا
عز الله كفيت ووفيت
تسلم يالبنااااخي
على هالقصيده الاكثر من رائعه
تنم عن روعه قاااائلهاااااااااااااا
تحيه عطره من محروووووووم

راعي السبعان

11-10-04, 11:26 PM

صح لسانك

ولاهنت ياعلي

وسلم راسك يالقرم

ابيات تفوق وصف الخيال

لاهنت ولاهان راسك

جعلك ذخر لتميم يالغالي

واعجز عن الكلام

وخانني التعبير يالغالي

عمروالندى

11-11-04, 12:19 PM

الاخ على ال بوعينين : قصيدة رائعه وجميله تنم عن شاعريه قويه

الاخ ابن سويط : لا اظن ان الاخ علي كان قصده سيئا عندما رد على قصيدتك ولكن الشاعر احيانا تعجبه قصيده فيتحرك عنده الالهام وتخرج الابيات منه وبارك الله فيك على ايراد هذه القصيده التي حركت قريحتة ...وكلاكما اجدتما وكلا القبيلتين تستاهل هذا المدح واكثر

علي آل بوعينين

11-12-04, 01:01 AM

يا ابن سويط انا عاتب عليك في حاجتين

الأولى : عند كتابة قصيدتك لم توجِد مناسبة لها إلا تعريف بقبيلتك .. والكلام كانه موجه لأي واحد يقرأ القصيدة .. فعندها وجب علي الرد .

اما العتب الثاني : كيف تبيني اداعبك في قصيده اذكر فيها فضائل وامجاد قبيلتي ( تميم )
واذا كان مدح تميم مزعلك , فهذا شي راجع لك انت , و مهما قلت في تميم لم ولن اوفيها حقها سواء بردي على قصيدة او بدون رد
وشكرا

تسلم يا الدكتاتور تركي على حذف بيتي اللي يقول

علم النهد يا ولد الاجواد بك شان = وكان المراجل! فعل ربعي حشدها

شكله عاجبك طاري النهد بتوقيع بن سويط , وما عجبك يوم اني انصحه بعدم ذكر طاريه في قصيدته لانه شين انه يذكر هذه الاشياء , وكانها موجهه لمن يقرأها .

ويسلم الدكتاتور تركي ايضاً على تعديل عنوان القصيدة من ( الرد على رختر رصدها ) إلى ( مجاراة )
فانا لم اجاريه ابدا ولكن اخذتني الحمية على قبيلتي ( تميم ) مثل ما هو افتخر بقبيلته ( الظفير )

ويسلم الدكتاتور ايضا على الرسالة الخاصة التي نصها :

(( السلام عليكم ...

المنتدى شاعرنا الفاضل لا يستطيع تحمل أخطأ تصدر من شخص بمثل مكانتك ...

اتمنى انك تحترم شاعريتك وجمهورك من بني تميم وتبتعد عن أي شيء يسيء إليك أو إلى قبيلتك ...

قصيدتك تم تعديلها وحذف الأبيات التي أساءت للظفير وهذه تعتبر المرة الأخيرة فالشعر قوي ويسير بين الناس إذا تكررت سأضطر لإيقاف عضويتك ...

دمت بود ...))

اي اسائة الي انت تتكلم عنها ؟
فانا لم اذكر الظفير في هذه القصيدة ابدا , بل ذكرت امجاد وفضائل قبيلتي ( تميم ) والتي لا احد يستطيع ان يمنعني من هذا الشي , واذا انت تشوفه خطأ فهذا راجع لك انت .

المرة الأخيرة ... هههه
يا اخي المنتدى لبني تميم و عيب والله هالاشياء تطلع منك يا تركي
واذا على العضوية لي الشرف اذا كانت موقوفة عشان مدحي لتميم

و شكراً

علي آل بوعينين التميمي

علي آل بوعينين

11-12-04, 01:06 AM

صح بدنك يالحميضي
يعطيك الف عافية على مرورك الكريم
عساك على القوة
اخوك / علي آل بوعينين التميمي

علي آل بوعينين

11-12-04, 01:08 AM

صح بدنك يا محروم
يعطيك الف عافية على مرورك الكريم
عساك على القوة
اخوك / علي آل بوعينين التميمي

علي آل بوعينين

11-12-04, 01:09 AM

صح بدنك يا راعي السبعان
يعطيك الف عافية على مرورك الكريم
وبيض الله وجهك وما قصرت
و عساك على القوة
اخوك / علي آل بوعينين التميمي

علي آل بوعينين

11-12-04, 01:10 AM

صح بدنك يا عمرو الندى
يعطيك الف عافية على مرورك الكريم
عساك على القوة
اخوك / علي آل بوعينين التميمي

عتاب بن هرمي

11-12-04, 01:19 AM

تركي اجل بتخليه عكاظ ، مسوي الاقرع بن حابس على غفلة الحين انت مزعلن ابن اخيك

التميمي ومرضي الظفيري ، عزالله اللي مافلحت يالمحنك الخطير ، اقول تميم مهيب

لك يابوي وما امداك تصير مشرف الا وانت تحذف وتحوس .

علي يسلم راسك على هالقصيد لاهنت

سعد آل بوعينين

11-12-04, 01:55 AM

صح لسانك يا علي ..
ويسلم راسك يالعزوة ..

والمفروض من الاخ تركي .. انه ما يلعب في القصيد على كيفه ..
اشوفه غيّر والاّ عدل في قصيدة ابن سويط .. مع انها واضحة للعيان استنقاص لغيره وخاصة في بيته اللي يقول

حنا شربنا المرجلة بسط فنجـان = يوم انت عند امك و ترضع نهدها

والمترنم فيه بكل مشاركة في توقيعه ...
أرى أن هذا البيت لم يثر حفيظة المحترم ( تركي ) .. لكن أثاره بيت علي يوم قال ..

علم النهد يا بن الاجواد بك شان = وكان المراجل فعل ربعي حصدها
وهو البيت المحذوف من قصيدة علي ... مع ان علي عاب على ابن سويط ذكر النهد فقط .
ولم يتعرض لشخصه ولم يقل لابن سويط ( يوم انت عندك امك وترضع نهدها ) .. فهذا فيه من قلة الادب ما فيه .
و أحيي هذه الروح فيك أخ تركي والمتذوقة للشعر :)

وقد كان الأولى بابن سويط ذكر مناسبة القصيدة .. لا ذكرها هكذا بدون مناسبة .. إلا انها تعريف بقبيلته .. فهذا فيه من التنقيص بالقارئ الشئ الكثير ..
لان القصيدة اصبحت موجهة لكل من يقرأها لقول ابن سويط ( هذا تعريف بي وبقبيلتي ) .
وهذا ما لا نرضاه .

و انا الي مستغرب منه .. وين الإسائة التي في قصيدة علي ؟!!

قرأتها أكثر من مرة ولم أجد أي إسائة لأحد أبداً !!!

سوى انها رد على احدى القصائد والتي شعر بتنقيص كاتبها لكل من يقرأها .. فثارت قريحة الشاعر بهذه الأبيات .. ولا نستغربها من علي لانه ذو حمية شديدة على تميم .

وكذلك الاستاذ الفاضل تركي حين غيّر عنوان الموضوع .. فكان الاحرى به عدم تغييرها .. وتركها الرد .. وليس مجاراة ..
ولكن
مع احترامي .. تعود مقص الرقيب على القص فصار يقص ( الاكو والماكو ) السليم والعليل :)

عكاظ اجل ... هههههههاه :)

بن سويط

11-12-04, 09:31 AM

الغالي الدارمي

انا في البيت اشرت للشخص اشاره

لم اجمع و لم اشمل الجميع بل قلت ( انت) قاصدا بها الشخص ذاته و لم اقل ( انتم ) لاقصد به لابته على سبيل المثال

ثانيا

لما قال الاخ علي بيته

بيته لم يكن في خلل لكن الخلل في توجيه الكلام و كأن المخاطب في قصيدتي هو شخصه او قريبه

القصيدتان عندما يتم ذكرهما سوف يقال ( ظفيري تناشب مع تميمي و صار كيت و كيت)

هل هذا ما تريده؟؟!!

و لا اظنك تحب ان تتولد كراهية بين طرفين من لا شيء انما لمجرد سوء فهم من الاخ علي او منك

اما بالنسبه لذكر النهد

فقرأ قصيده ( بنت غافل الزعبي) فهي بيت شيخ و من اجواد العرب و مرت شيخ من اجواد من شيوخ الدواسر ... و ذكرت النهد فيها وهي موجوده في منتدى القبائل

فهل هي قليلة ادب؟؟؟

.................................................. ...................

اما بالنسبه لطريقه عرضي للقصيده بقولي تعريفي بنفسي و قبيلتي

فاعلم ان من سمه الاجواد تصحيح الخطأ اذا وجدوه و اعلامه ليس ان يؤخذ عليه ( ان كان هناك خطأ)

( يعني هل تتكلف والا ينزل من قدرك انك تقول...

صح لسانك الغالي و نعم فيك...لكن عتبي على ما بدأت به القصيده و ما يتخللها من حيث كيت و كيت)

و يكون ردي ( ابشر الغالي والمعذره جل من لا يسهو ...و لكن ما قصد به الا كل خير و ابشر باللي يسرك)

هل هذا صعب؟

ام هو قلة ادب؟

اما بنعتي بقليل الادب ..فلا احب ان ( انفخ في قربه مخرومه )

اسلوب التطاول و هجاء الناس من قبل النقاش ففيه ما يكفي من ما ذكرت

لكن والله يا الاجواد هالكلام ما يصلح

انا اقدر اتكلم بالطريقه اللي قلت فيها و لاني عاجز والله

لكن الكلمه الطيبه لها وقعها بقلوب الطيبين

والله اعلم عن النوايا

.............................

و انا اتمنى اسمع رد علي على ما اقول قبل اسمع ردك..لانه هو المعني بالكلام
و اذا كان يحب الردود خله يقول لي و يبشر نلعب المحاوره و نجر مواويلها اذا وده

.................................................

لكن رجاءا اخي العزيز رجاءا لا تتمادى في كلامك بالكلام الشين .... و شوم بنفسك عن هالسوالف

و كل عام وانتم بخير

سعد آل بوعينين

11-12-04, 01:21 PM

اخوي الظفيري ..

تحية طيبة وبعد ..

صحيح انت لم تشمل وتجمع .. وكل الكلام ( انت ) .. لكن ( انت ) هذه توحي للقارئ أنها لكل شخص يقرأ القصيدة . وهنا الكلام ..

واقرأ كلامي فوق .. اعتقد اني شرحت .

وبالنسبة لطاري النهد ... انا ما اقصد طاريه مطلقاً .. لكن انت طريته بشكل محدد .. وقلت ..
( يوم انت عند امك وترضع نهدها )

وليتك أخي تقرأ كلامي في الأعلى بتمعن مرة ثانية .. لاني ما غلطت عليك فيه . سوى اني اوضحت المآخذ .

وبالنسبة لكلام علي .. بإمكانك العودة إلى الصفحة الأولى ففيها ردّه .

وتقبل الله منا ومنكم صالح الأعمال ..
وكل عام وانتم بخيـــر

عمروالندى

11-12-04, 04:57 PM

اخواني الكرام : ترى المساله ما تستاهل كله سوء تفاهم بسيط , بس انتم وحدوا الله وادحروا الشيطان , الظفيري كل ردوده كانت حكيمه ومافيها ما يعاب عليه وقد سألته عن القصيده وقال انها كانت بسبب حادثه معينه وآل سويط نعم الاسره وهم اهل خير وسلوم ويعرفون الاصول وانتم يابناء العم لاتنسون انه ضيف عليكم وكان بامكانه التسجيل في اي منتدى آخر ولم يختاركم الا لمحبته لقبيلتكم , اما الاخ علي فانت ابن عم غالي ووجودك في المنتدى شرف له واتمنى ان لا يأخذ الموضوع اكبر من حجمه ....تقبل الله منكم ومنا صالح الاعمال وكل عام وانتم بخير

بن سويط

11-12-04, 06:55 PM

يا الدارمي

ان فهم القاريء القصيده على غير منوالها فهو خطأ القارئ

الابيات وااضحه لا تشوبها شائبه

و كيف ما غلطت علي و انت قايل ( قلة ادب)

الغالي حنا نعرف الادب و حنا نخاطب فيه مثل ماانت شايف

اذا كنت ما غلطت علي في هذا الكلام ..وش تفسر قولة ( قلة ادب)

مدحه؟

نوماس؟

اذا هي عندك مدحه ...فهذا امر ثاني؟

كلام علي مردود عليه في ردي السابق لكن تمنيت انه يستمر النقاش ( الهادف) معه

و بالنسبه لفزعة تركي لظفيري و الا غيره فالامر ماهي غاره ولاهي معركه عشان يتم فيها فزعات و راضي فلان والا فلان

حنا اخوان ... و اذا وجودي يزعجكم ابشروا باللي ما يطب المنتدى مره ثانيه بس انتم قولوها

لا هنت

تركي

11-12-04, 07:02 PM

بن سويط اتمنى ان يكون بينك وبين علي البوعينين اتصال ...

حتى تاخذ وتعطي معه على انفراد ...

تحياتي لك يالظفيري وللمره الثانيه مزبنة الحثربي يوم عجزت الناس تزبنه واللي كل علمهم غانم ...

تحياتي لك يابن سويط ...

تركي

11-12-04, 07:18 PM

إاذا تعدى الموضوع حدود اللباقة فأنا مضطر اضطرار أتدخل بإسلوب ما راح يعجب احد ..

لذلك نومسونا بالقصايد وخلوا عنا وجع الراس وكسرت منتدى الشعر وهو لسى جديد ...

تحياتي لكل لبق يعرف حدود الأدب وان المجالس بالأمانات .......

بودعيج

01-31-05, 12:04 PM

السلام عليكم ورحمة الله وبركاته
شكراً لك اخي الكريم على هذا القصيد
صح لسانك يا علي
والى الامام دائما ً ..

اخوك
خليفه بن محمد بن خليفه بن سعد الغنام المحمد البوعينين الدارمي التميمي