ابن تميم
11-10-04, 08:22 AM
هو الشاعر محمد بن راشد بن عمــار
من أهالي ثــــادق......اصيب بعلّه في عقله ورحل الى حائل..وكان يسمى بها...
......................
ألفية ابن عمـــار.. أجمل ما سمعت من الألفيات على الاطلاق.. لدقة وصف الشاعر لحالته الصعبه التي يعيشها بعيدا عن صحيبته..ولجمال ودقـــــــة وصفه لشكل وجسم صحيبته..
يعني باختصار منــــــــتهى الروووووعه.........
واتوقع ان الكل يوافقني على هذا الرأي............. واسألو الشيبــــــان((عاد الشيبان يحبون ذا السوالف..ردوفه ثقلنّه نهوده شلعنّه..))
.....................
وكما هو معروف فقد شدا بهذه الالفية الفنان الشعبي الكبير ســـــــالم الحــــــــويل-رحمه الله- الذي اجادها كـــل الاجاده وعرف كيف يجيبها..وزاد من روعتها روعه..ومن قوتها قوة..
وانا جمعت الكلمات من خلال تسجيلين مختلفين لهالاغنية ومن كتاب ثادق..وكانت هناك اختلافات فيما بينهم.. فاخترت بدروي الافضل فيما بينهم ....
وارجو اني اكوت وفّقت في الاختيار واني ما اكون قد وقعت في خطأ في الكلمات............
بصراحه متعوب عليها بس تستاهلووووون
..................
وياليت لو احد منكم يالرجال يحط لنا تسجيل للألفية (ريل بلاير)..عشان تكتمل هاللوحه الفنيّه
.............
اترككم مع الالفية ..لأني طولت الهذره شوي
:
الـــفٍ اولّـف من كلام(ن) نظيفي .... ودموع عيني فوق خـــدي ذريفي
يالايم(ن) في حب ذاك الوليفي .... دقاق رمش العين سيد الخواندات
خواندات ياللي ما بعد عاشـرنه .... قلّـه تراهن بالهـوا يـذبـحنـه
قلبــي وقلـبـك يالمولـع خذنّه .... عزي لمن مثلي تعرض للآفـــــات
البـا بليت بحــب خلّي على ماش .... ولاحصـل لي منه مايبرد الجــاش
غـديت انا وياه طاســه ومنقاش .... بالـوصف كني للمـعزي سلامـــات
سلامــــــات للذي هم يذكرونــه .... يبي السلامـه منه ويا المعونـه
يقول طيـب ,, وهي لي مهونـــه .... سبب ولدكم واحد(ن) صابه ومـات
التـا تليت الزين والزين مقفي .... امشي وحتفي ناقـله فوق كتــفـي
لاشفـت مجدول(ن) وكتف(ن) وردفي .... مااقوى التفت لوطوحولي بالاصوات
اصـوات من قالو سـفـيه وســايح .... طرد المقفـي يالمـشقى فضايـــح
ماطعت انـا شور اهل النصــايح .... مثل المـطر فوق السحال المكفاة
الثـا ثمانه حب رمان طايــف .... او قحويان في ريــــاض(ن) عطايف
متنفل(ن) بالزين سيـد العفايف .... عمهوجة فيها من الحـــور شارات
شـارات فيها من ظبي الحمــادي .... هـي لـذّة الدنيا وغـايـة مرادي
من يوم فارقني الغضي من بـلادي .... عليه جاوبت الحمامه بالأصـــوات
الجيـم جاني من عشيري سلامـي .... ولالقينا من يرد الكــلامــــــي
علـيه زرع القلــب حايف وظامي .... مالي فـداه الا البكـا والتنهات
أنـهت على مافاتني من زمــاني .... يوم الحبـيّـب زارني في مكــاني
وراي ما خذت القضـا يوم جاني .... وانـا ادري ان البيض فيهن غرات
الحــا حليّه بالوطن مالقيته .... عـذلـت نفـسي عنـه ولا قويـتــه
ولوهـو بيذكر لم مــكـه نصيته .... انصاه لو دونه بحار ومسافـــات
مسافـــات لوهي ببحور الظـلامِ .... او وسـط سنـبـوك(ن) حداه الولامِ
واذا تهيا لي بلوغ المـــــرامِ .... انصاه لو هو ببحور الظلامــــات
الخــا خليلي صار عندي قريبي .... جعلي نصيب(ن) له وهو من نصيبي
ودي اواجه نور عيني حـبـيبــي .... مار الوحيد لهيد مافيه نوهـات
نوهات نوهات غدت من غثا البال .... طول النهار أمـــشي عمال بطال
وانا ارتجي كل حال(ن) الى حال .... دنياك هذي يااريش العين نشبات
الــدال دامي ما مسكت الذوايب .... لو قيل طيب ,,قلت فلاني بطايب
دنو سداد القــبر دنو النصــايب .... ودنو دوات الحبر ابكتب سجــلات
سجـــــلات اريد اكتب لاهلي وصاتي .... عمــري قضـى ياوجد اهـلي علـيَّ
قولـو لصــافــي اللون يعطف عليَّ .... غديه يرجع ويتحسف بما فــــات
الــذال ذالي عنه مدة ليالــي .... الا قيل طيب قلت انا ابخص بحالي
واللـــه ما يطري على شـف بالـي .... الا انت ياراعي الثمان الرهيفات
رهيــــــفات فيها للمشقى طرابه .... مجمــول مدلــول ولا به طنابـه
ياليــــت من يدخل معه في ثيابه .... وأســج انا وياه فالعمر سجــات
الــرا ردوف صويحبي ثقلنه .... ونــهـــوده للثوب الحمر شلعنه
ولباسها مااحلــى بياضه وفــنّه .... من فوق جسم(ن) فيه من عرق الارطات
ارطـــات غرمول ذرتـه الذواري .... والله لولا اني على الترف اداري
لاظوي عليها مثل ذيــب الغداري .... جـايـع وبالغابه عياله مـجيعات
الــزا زماني شفت منه الهوايل .... ماعاد حظي بالغنادير مايـــــل
الزيــن لولا الزين قاصـر وطايـل .... لكن وين العقــل ,,هيهات هيهات
هيهات لو في العقل ياذيب لبــه .... ما كان يتبع واحد(ن) مايحـــبه
لا صــــــار هرجه لي خريط بدبه .... وش لك بشوفه يالعيون المشقـــات
السيـن سقنا من الدراهم معيّا .... واللي نبي من صاحبي مـاتهيّـــا
يقول والله لو تحب الثريّـــــا .... اني على السنه تشوفه طرابـــات
طرابات ينسنّــك جميع الدروبــي .... اغــديك في باقي حياتك تجوبــي
واودع محلك بين جلــــدي وثوبي .... وتشوف فرقى ((السمر))فيهن لذات
الشـن شاب الراس يا عذب الانياب .... واللي بطاريه توبة كان قد تاب
لي حاجة يازيــن بس افتح الباب .... يرحمني اللي عالم(ن) بالخفيات
يرحمني اني فيك يازين مفتـــون .... من حبك اسهر والخلايق ينامـــون
ألهيتني عن مذهب اللي يصلــــون .... ماعرف أميز لو يقرالي التحيات
الصــاد صيدي يوم ألايم غريمي .... شفق(ن) على الحب ورمس البريني
مهب صيــدي قلـــةٍ في الحريمي .... لكن كلن له مع الناس مشهــــات
مشهــات مشهاتي ظبي الفريــدي .... حــب العرب ينقص وحبـــه يزيدي
لاشفته هذاك هو يوم عيـــــدي .... تصبح بساتين الضماير مريفـــات
الضــاد ضدّ(ن) حال بيني وبـنه .... يقول هذا صانـــع(ن) لاتبيــنـه
جعل الوجــع يشقيه بصبي عينـه .... يسهر ولا يمرح من الليــل ساعات
ساعــــات جعله مايشوف الجـدارِ .... ولايـــعرف الليـــل هو من نهاري
عساه يوم الحشــر يبعث حمــاري .... ويحملونه حمل الاسـراف سيـــرات
الطــا طويت اليــاس والسد باحي .... وماعاد لي شف(ن) بظبي الضواحـي
ياعلها هبّــت خفـــوق الجناحــي .... اللــي سبقوه فوق رجله مطــوات
مطوات طار وراح في يــوم هبّه .... راعيـه لو رز الطــــعم ما ينبه
قضيب او فــرخ الحبارى غــدن به .... يبغى العشا من بين فخذ(ن) وثندات
الظــا ظماني من تـــولع بالاثنين .... لازم تخلــي عشرته يالمسيكين
ماخبر يجمــع بالمرابط حصانيــن .... يجي لهن هز(ن) دز(ن) وصقــلات
صقــلات صقــلات الى أدنا طعامه .... يجي لهن من المعوشه بــحامه
افهم كلامي يالهبيـــل الفدامه .... اذا جمعت الحصن فالحصن خطرات
العــين عن من ينقل الهرج حذراك .... تراك كنك ناقل(ن) داك برداك
اذا سمع له هرجتن من حكايـــــات .... يحطها كبر القصور المبنــاة
مبناة يبني كبر خشــم الغرابـــه .... ويقدر المشروب عقب الطرابــه
وهو يشــادي بومة(ن) في خــرابه .... لاناقل(ن) هرجه ولا هو كفو هرجات
الغين غاب العقل بأول شبابي .... وادمين من عض النواجذ ابهامي
واليوم شاب الراس والكيف طابي .... ماني على الغايب كثير الحسوفات
حسوفات لاتحزن على اللي مضى منك .... ايضا ولاتفرح علىالي يجي لـــك
مدراك موجب سبب صدته عنـــك .... ناهيك والي العرش رب السماوات
الفـــا فؤادك لاتوليه حساد .... واحذر يجي لك مع اهل الشر مقعاد
اضحك وكنك عن جميع العرب صــاد .... ثم اعتبر بالذيــب يضوي بغفلات
يضوي بغفلات وهم مادرو عنه .... واللي يوقف بالمحاري هقو بـــه
كم واحد(ن) وقف ولا قففى بنوبه .... يهوي الا شاف اللحم كنه حدات
القــاف قل للي يريد النوامــيس .... اللي يريد طرد الهوى يرخي الكيس
الابذلت النفس والكيس وابليس .... يطيح ناس(ن) يدعون الديــانات
ديانات صارت للخلايــق علاجــه .... ياللي تبي بهم يهل الهوى حاجه
الا نثرت الحب جتك الدجاجــــه .... راحت وباضت لو تبي عشر بيضات
الكــاف كن السد في كل الاحوال .... واحفظ لسانك لا يقولون ذا قال
حتى تجي عند العرب خوش رجال .... لاجيت بالمجلس نواظرك صقـرات
صقرات لا تجلس مع اللي يشاكيك .... هو داء دواك وتحسب انه يداويك
ياذيب كان الله على الرشد هاديك .... اكتم كلامك بالصدور المحنــاه
الــلام ليت العمر ينكس لحله .... قيمة ثلاثين السنه في محلــه
الرجل قبل الشيب ياحلو دلــه .... وان لاح فيه الشيب مافيه لذات
مافيه لذات ولا يقبلونــــه .... لو حط له ردن(ن) وكــحل عيونه
أهل الهوى عقب الغــلا ينكرونه .... لو كان قد صافوه في فايت(ن) فات
الميــم ماغيري من الناس جرب .... ولاهو مثلي احدن في حياته تطرب
لاويت انا صافي اللون فوق المظرّب .... كن العدو عني عيونه مدارات
مدارات ماوده يجي لي عباره .... واللي مصد(ن) عنك وش لك بكاره
الحــذر ما ياطى بوسط الخباره .... لازم يجي فيها عقــارب وحيـات
النــون نام الحظ ولافيه حيله .... عيّا يباريني وانا ازريت اشيله
من يوم فارقني عــريـض الجديـله .... قام يتعبّر في حشا الصدر عبرات
عبرات ضاقت به حنايا ضلوعــي .... عليك ياخلــي حسين الطبوعــي
والله دين القطع ماجفت دموعي .... دايم عيوني في مراعاك سهـرات
الــها هواي السابعه يالفطيني .... والثامنه ياللي تعرف الرطيني
والتاسعه ماتحصي اعداد الاموات .... (.................)
اموات مات القلب من كــثر همـي .... واشكي عليك الحال ياولــد عمي
حيثك عضيدي و انت لحمي ودمــي .... ترضى يجفاني ولانيب بمجفـــات
الواو وا ويل اهل الهوى من هواهم .... كان اللي وطى حالي هوّ وطاهم
كم ليلةٍ يصبح غبيب(ن) عشاهم .... الا لقيمات مع الحلق مــرّات
مرّات لين اقضي من الترف شفي .... واوسّده عضدي وزندي وكفـــي
واكشف عن اللي غابي(ن) ومتغبي .... تمن يجي للزاد والشــرب لذاات
اليــا ينوب الحظ وانا به اتلف .... ولو بيطلب عليَّ كان اقول السف
حيثه صديق(ن) من قديم على ولف .... ولافي غيره لو يبي عشر بيزات
بيزات ما افلها لغيره بــلاشي .... من جنس راس الظبي ما ابي عراشي
الا لمن قلبي معــاه ماشي .... هذاك من يمّه فلوسي رخييصااات
=======================
اخوكم/ابن تميم
من أهالي ثــــادق......اصيب بعلّه في عقله ورحل الى حائل..وكان يسمى بها...
......................
ألفية ابن عمـــار.. أجمل ما سمعت من الألفيات على الاطلاق.. لدقة وصف الشاعر لحالته الصعبه التي يعيشها بعيدا عن صحيبته..ولجمال ودقـــــــة وصفه لشكل وجسم صحيبته..
يعني باختصار منــــــــتهى الروووووعه.........
واتوقع ان الكل يوافقني على هذا الرأي............. واسألو الشيبــــــان((عاد الشيبان يحبون ذا السوالف..ردوفه ثقلنّه نهوده شلعنّه..))
.....................
وكما هو معروف فقد شدا بهذه الالفية الفنان الشعبي الكبير ســـــــالم الحــــــــويل-رحمه الله- الذي اجادها كـــل الاجاده وعرف كيف يجيبها..وزاد من روعتها روعه..ومن قوتها قوة..
وانا جمعت الكلمات من خلال تسجيلين مختلفين لهالاغنية ومن كتاب ثادق..وكانت هناك اختلافات فيما بينهم.. فاخترت بدروي الافضل فيما بينهم ....
وارجو اني اكوت وفّقت في الاختيار واني ما اكون قد وقعت في خطأ في الكلمات............
بصراحه متعوب عليها بس تستاهلووووون
..................
وياليت لو احد منكم يالرجال يحط لنا تسجيل للألفية (ريل بلاير)..عشان تكتمل هاللوحه الفنيّه
.............
اترككم مع الالفية ..لأني طولت الهذره شوي
:
الـــفٍ اولّـف من كلام(ن) نظيفي .... ودموع عيني فوق خـــدي ذريفي
يالايم(ن) في حب ذاك الوليفي .... دقاق رمش العين سيد الخواندات
خواندات ياللي ما بعد عاشـرنه .... قلّـه تراهن بالهـوا يـذبـحنـه
قلبــي وقلـبـك يالمولـع خذنّه .... عزي لمن مثلي تعرض للآفـــــات
البـا بليت بحــب خلّي على ماش .... ولاحصـل لي منه مايبرد الجــاش
غـديت انا وياه طاســه ومنقاش .... بالـوصف كني للمـعزي سلامـــات
سلامــــــات للذي هم يذكرونــه .... يبي السلامـه منه ويا المعونـه
يقول طيـب ,, وهي لي مهونـــه .... سبب ولدكم واحد(ن) صابه ومـات
التـا تليت الزين والزين مقفي .... امشي وحتفي ناقـله فوق كتــفـي
لاشفـت مجدول(ن) وكتف(ن) وردفي .... مااقوى التفت لوطوحولي بالاصوات
اصـوات من قالو سـفـيه وســايح .... طرد المقفـي يالمـشقى فضايـــح
ماطعت انـا شور اهل النصــايح .... مثل المـطر فوق السحال المكفاة
الثـا ثمانه حب رمان طايــف .... او قحويان في ريــــاض(ن) عطايف
متنفل(ن) بالزين سيـد العفايف .... عمهوجة فيها من الحـــور شارات
شـارات فيها من ظبي الحمــادي .... هـي لـذّة الدنيا وغـايـة مرادي
من يوم فارقني الغضي من بـلادي .... عليه جاوبت الحمامه بالأصـــوات
الجيـم جاني من عشيري سلامـي .... ولالقينا من يرد الكــلامــــــي
علـيه زرع القلــب حايف وظامي .... مالي فـداه الا البكـا والتنهات
أنـهت على مافاتني من زمــاني .... يوم الحبـيّـب زارني في مكــاني
وراي ما خذت القضـا يوم جاني .... وانـا ادري ان البيض فيهن غرات
الحــا حليّه بالوطن مالقيته .... عـذلـت نفـسي عنـه ولا قويـتــه
ولوهـو بيذكر لم مــكـه نصيته .... انصاه لو دونه بحار ومسافـــات
مسافـــات لوهي ببحور الظـلامِ .... او وسـط سنـبـوك(ن) حداه الولامِ
واذا تهيا لي بلوغ المـــــرامِ .... انصاه لو هو ببحور الظلامــــات
الخــا خليلي صار عندي قريبي .... جعلي نصيب(ن) له وهو من نصيبي
ودي اواجه نور عيني حـبـيبــي .... مار الوحيد لهيد مافيه نوهـات
نوهات نوهات غدت من غثا البال .... طول النهار أمـــشي عمال بطال
وانا ارتجي كل حال(ن) الى حال .... دنياك هذي يااريش العين نشبات
الــدال دامي ما مسكت الذوايب .... لو قيل طيب ,,قلت فلاني بطايب
دنو سداد القــبر دنو النصــايب .... ودنو دوات الحبر ابكتب سجــلات
سجـــــلات اريد اكتب لاهلي وصاتي .... عمــري قضـى ياوجد اهـلي علـيَّ
قولـو لصــافــي اللون يعطف عليَّ .... غديه يرجع ويتحسف بما فــــات
الــذال ذالي عنه مدة ليالــي .... الا قيل طيب قلت انا ابخص بحالي
واللـــه ما يطري على شـف بالـي .... الا انت ياراعي الثمان الرهيفات
رهيــــــفات فيها للمشقى طرابه .... مجمــول مدلــول ولا به طنابـه
ياليــــت من يدخل معه في ثيابه .... وأســج انا وياه فالعمر سجــات
الــرا ردوف صويحبي ثقلنه .... ونــهـــوده للثوب الحمر شلعنه
ولباسها مااحلــى بياضه وفــنّه .... من فوق جسم(ن) فيه من عرق الارطات
ارطـــات غرمول ذرتـه الذواري .... والله لولا اني على الترف اداري
لاظوي عليها مثل ذيــب الغداري .... جـايـع وبالغابه عياله مـجيعات
الــزا زماني شفت منه الهوايل .... ماعاد حظي بالغنادير مايـــــل
الزيــن لولا الزين قاصـر وطايـل .... لكن وين العقــل ,,هيهات هيهات
هيهات لو في العقل ياذيب لبــه .... ما كان يتبع واحد(ن) مايحـــبه
لا صــــــار هرجه لي خريط بدبه .... وش لك بشوفه يالعيون المشقـــات
السيـن سقنا من الدراهم معيّا .... واللي نبي من صاحبي مـاتهيّـــا
يقول والله لو تحب الثريّـــــا .... اني على السنه تشوفه طرابـــات
طرابات ينسنّــك جميع الدروبــي .... اغــديك في باقي حياتك تجوبــي
واودع محلك بين جلــــدي وثوبي .... وتشوف فرقى ((السمر))فيهن لذات
الشـن شاب الراس يا عذب الانياب .... واللي بطاريه توبة كان قد تاب
لي حاجة يازيــن بس افتح الباب .... يرحمني اللي عالم(ن) بالخفيات
يرحمني اني فيك يازين مفتـــون .... من حبك اسهر والخلايق ينامـــون
ألهيتني عن مذهب اللي يصلــــون .... ماعرف أميز لو يقرالي التحيات
الصــاد صيدي يوم ألايم غريمي .... شفق(ن) على الحب ورمس البريني
مهب صيــدي قلـــةٍ في الحريمي .... لكن كلن له مع الناس مشهــــات
مشهــات مشهاتي ظبي الفريــدي .... حــب العرب ينقص وحبـــه يزيدي
لاشفته هذاك هو يوم عيـــــدي .... تصبح بساتين الضماير مريفـــات
الضــاد ضدّ(ن) حال بيني وبـنه .... يقول هذا صانـــع(ن) لاتبيــنـه
جعل الوجــع يشقيه بصبي عينـه .... يسهر ولا يمرح من الليــل ساعات
ساعــــات جعله مايشوف الجـدارِ .... ولايـــعرف الليـــل هو من نهاري
عساه يوم الحشــر يبعث حمــاري .... ويحملونه حمل الاسـراف سيـــرات
الطــا طويت اليــاس والسد باحي .... وماعاد لي شف(ن) بظبي الضواحـي
ياعلها هبّــت خفـــوق الجناحــي .... اللــي سبقوه فوق رجله مطــوات
مطوات طار وراح في يــوم هبّه .... راعيـه لو رز الطــــعم ما ينبه
قضيب او فــرخ الحبارى غــدن به .... يبغى العشا من بين فخذ(ن) وثندات
الظــا ظماني من تـــولع بالاثنين .... لازم تخلــي عشرته يالمسيكين
ماخبر يجمــع بالمرابط حصانيــن .... يجي لهن هز(ن) دز(ن) وصقــلات
صقــلات صقــلات الى أدنا طعامه .... يجي لهن من المعوشه بــحامه
افهم كلامي يالهبيـــل الفدامه .... اذا جمعت الحصن فالحصن خطرات
العــين عن من ينقل الهرج حذراك .... تراك كنك ناقل(ن) داك برداك
اذا سمع له هرجتن من حكايـــــات .... يحطها كبر القصور المبنــاة
مبناة يبني كبر خشــم الغرابـــه .... ويقدر المشروب عقب الطرابــه
وهو يشــادي بومة(ن) في خــرابه .... لاناقل(ن) هرجه ولا هو كفو هرجات
الغين غاب العقل بأول شبابي .... وادمين من عض النواجذ ابهامي
واليوم شاب الراس والكيف طابي .... ماني على الغايب كثير الحسوفات
حسوفات لاتحزن على اللي مضى منك .... ايضا ولاتفرح علىالي يجي لـــك
مدراك موجب سبب صدته عنـــك .... ناهيك والي العرش رب السماوات
الفـــا فؤادك لاتوليه حساد .... واحذر يجي لك مع اهل الشر مقعاد
اضحك وكنك عن جميع العرب صــاد .... ثم اعتبر بالذيــب يضوي بغفلات
يضوي بغفلات وهم مادرو عنه .... واللي يوقف بالمحاري هقو بـــه
كم واحد(ن) وقف ولا قففى بنوبه .... يهوي الا شاف اللحم كنه حدات
القــاف قل للي يريد النوامــيس .... اللي يريد طرد الهوى يرخي الكيس
الابذلت النفس والكيس وابليس .... يطيح ناس(ن) يدعون الديــانات
ديانات صارت للخلايــق علاجــه .... ياللي تبي بهم يهل الهوى حاجه
الا نثرت الحب جتك الدجاجــــه .... راحت وباضت لو تبي عشر بيضات
الكــاف كن السد في كل الاحوال .... واحفظ لسانك لا يقولون ذا قال
حتى تجي عند العرب خوش رجال .... لاجيت بالمجلس نواظرك صقـرات
صقرات لا تجلس مع اللي يشاكيك .... هو داء دواك وتحسب انه يداويك
ياذيب كان الله على الرشد هاديك .... اكتم كلامك بالصدور المحنــاه
الــلام ليت العمر ينكس لحله .... قيمة ثلاثين السنه في محلــه
الرجل قبل الشيب ياحلو دلــه .... وان لاح فيه الشيب مافيه لذات
مافيه لذات ولا يقبلونــــه .... لو حط له ردن(ن) وكــحل عيونه
أهل الهوى عقب الغــلا ينكرونه .... لو كان قد صافوه في فايت(ن) فات
الميــم ماغيري من الناس جرب .... ولاهو مثلي احدن في حياته تطرب
لاويت انا صافي اللون فوق المظرّب .... كن العدو عني عيونه مدارات
مدارات ماوده يجي لي عباره .... واللي مصد(ن) عنك وش لك بكاره
الحــذر ما ياطى بوسط الخباره .... لازم يجي فيها عقــارب وحيـات
النــون نام الحظ ولافيه حيله .... عيّا يباريني وانا ازريت اشيله
من يوم فارقني عــريـض الجديـله .... قام يتعبّر في حشا الصدر عبرات
عبرات ضاقت به حنايا ضلوعــي .... عليك ياخلــي حسين الطبوعــي
والله دين القطع ماجفت دموعي .... دايم عيوني في مراعاك سهـرات
الــها هواي السابعه يالفطيني .... والثامنه ياللي تعرف الرطيني
والتاسعه ماتحصي اعداد الاموات .... (.................)
اموات مات القلب من كــثر همـي .... واشكي عليك الحال ياولــد عمي
حيثك عضيدي و انت لحمي ودمــي .... ترضى يجفاني ولانيب بمجفـــات
الواو وا ويل اهل الهوى من هواهم .... كان اللي وطى حالي هوّ وطاهم
كم ليلةٍ يصبح غبيب(ن) عشاهم .... الا لقيمات مع الحلق مــرّات
مرّات لين اقضي من الترف شفي .... واوسّده عضدي وزندي وكفـــي
واكشف عن اللي غابي(ن) ومتغبي .... تمن يجي للزاد والشــرب لذاات
اليــا ينوب الحظ وانا به اتلف .... ولو بيطلب عليَّ كان اقول السف
حيثه صديق(ن) من قديم على ولف .... ولافي غيره لو يبي عشر بيزات
بيزات ما افلها لغيره بــلاشي .... من جنس راس الظبي ما ابي عراشي
الا لمن قلبي معــاه ماشي .... هذاك من يمّه فلوسي رخييصااات
=======================
اخوكم/ابن تميم