مريح الفرحان
11-20-04, 02:33 PM
البارحه نومي لعيني خصيمي == مادقت حلو النوم من عظم الاهوال
اقوم واقعد طول ليلي مهيمي == والدمع من عيني على الخد همال
ياناشد عني تراني سقيمي == والفكر مني دايم الدوم شغال
اللـه هو اللي في حوالي عليمي == يدري عن اللي راح واللي بالاقبال
من شاف حالي قال حالك سليمي == وانا العليل وداخل القلب سلال
الهجس والتفكير دايم نديمي == ياطول ليل المبتلي يابن شلال
الهم فيما فات هم عظيمي == ولا تنفع الحسرات في بعض الاحوال
وقت مضالي في حياتي وسيمي == لاقاصر جاهي ولا قاصر مال
والحمد للمعبود جدي تميمي == من روس قوم تعتلي راس ماطال
لا شك ماطاوعت شور الفهيمي ==اللي يعلمني خفيات الامثال
راحت علي لو كان ماني غشيمي == وضيعتها ولا طرتلي على البال
ادرى عيال يكعمون الخصيمي == من شانهم خليت من خاطره مال
على سعادتهم تركت الحشيمي == واخترت راحتهم على كل الاشكال
واليوم خلوني برجوى الكريمي == الواحد اللي عالم خافي الحال
ضاعت هقاوينا بريح النسيمي == الكل منهم صار للعود غربال
ياليتني كثرتها يالبهيمي == واخترت من بين العوائل والازوال
يوم ان حظي عند ربعي هميمي == يجوز يظهر لي مع الخيل خيال
اخر حياتي عشت كني يتيمي == الشكوى للـه تقل ناعتدي اعيال
اقوم واقعد طول ليلي مهيمي == والدمع من عيني على الخد همال
ياناشد عني تراني سقيمي == والفكر مني دايم الدوم شغال
اللـه هو اللي في حوالي عليمي == يدري عن اللي راح واللي بالاقبال
من شاف حالي قال حالك سليمي == وانا العليل وداخل القلب سلال
الهجس والتفكير دايم نديمي == ياطول ليل المبتلي يابن شلال
الهم فيما فات هم عظيمي == ولا تنفع الحسرات في بعض الاحوال
وقت مضالي في حياتي وسيمي == لاقاصر جاهي ولا قاصر مال
والحمد للمعبود جدي تميمي == من روس قوم تعتلي راس ماطال
لا شك ماطاوعت شور الفهيمي ==اللي يعلمني خفيات الامثال
راحت علي لو كان ماني غشيمي == وضيعتها ولا طرتلي على البال
ادرى عيال يكعمون الخصيمي == من شانهم خليت من خاطره مال
على سعادتهم تركت الحشيمي == واخترت راحتهم على كل الاشكال
واليوم خلوني برجوى الكريمي == الواحد اللي عالم خافي الحال
ضاعت هقاوينا بريح النسيمي == الكل منهم صار للعود غربال
ياليتني كثرتها يالبهيمي == واخترت من بين العوائل والازوال
يوم ان حظي عند ربعي هميمي == يجوز يظهر لي مع الخيل خيال
اخر حياتي عشت كني يتيمي == الشكوى للـه تقل ناعتدي اعيال