جسر (السعوديه) @ (مصر)

[غيمة العارض]

ستشهد المملكة العربية السعودية
خلال الشهر القادم
اكبر مشروع يربط بين بلدين
شقيقين وهما السعودية ومصر

عبر الجسر المتوقع وضع حجر
اساسه خلال الشهر القادم في مدينة تبوك

بحضور الملك عبدالله بن عبدالعزيز

وسيشهد وضع حجر الرئيس المصري حسني مبارك

وملك الاردن عبدالله الثاني

وعدد كبير من رجال الاعمال والمهتمين

ويبلغ طول الجسر نحو 23 كلم

ويختصر زمن الرحلة بين مصر ودول
شمال إفريقيا وبين دول شرق خليج العقبة السعودية
ودول الخليج جميعا وسورية والعراق والاردن

إلى 20 دقيقة فقط

[همس الورد]

:dunno: معليه غيومه

بس هالخبريه ضيقت صدري
وفيني حساسيه من شي اسمه الشمال الافريقي
مصر ضاقت الدنيا ياريبه :sadwalk:

[~لـيــــل~]

اجل 20 دقيقه خخخخخخخخخخخ

اذا البحرين نجلس ساعتين مرات وهو 25 بنجلس كم هناك يوم.

بس حلوو صراحه يفتحون وبكره يفتحون ويحطون جسر
لاستراليا وتصير السعوديه كلها جسور في البحرر..

خخخخخخخخخخخخ

[راع الاوله]

ممتاز بس ماتزال الطياره اقرب
واسهل بالف مره

عشان اصل تبووك يبيلي يومين

مشكوووره ياغيمة

[غيمة العارض]

همووسه
ممكن هالجسور تخليهم
عرب متحد
ومايختلفوون
شكرا عيووني

[المعثم]

الحين الي عندنا بلشانين فيهم ونبي نخففهم
يجون ويحطون جسر
صراحة ماله اي قيمة

[أبو رهف التميمي]

ليش مايكون بين جده والاسكندرية موب افضل عادي ميزانيتنا واجد !!

[نجديه]

الله يعيننا هل سيكون في صالحنا؟؟ الله اعلم

[غيمة العارض]

ليل
انا زيك مستغربه
المده مره قريبه
شكرا لك،

[غيمة العارض]

راعي الاوله
من جد
تبووك هذي مدري وين
موقعها على الخريطه

[غيمة العارض]

المعثم
خدمات تيسيره
ماقصرت الحكومه

[غيمة العارض]

ابو رهف
انا احس انها من جده
الى الاسكندريه الطف
واكشخ شوي
ليه المشوره البعيده

[ليان تميم]

من صالح مصر هالجسر ..


يعني الحين السعوديين كاشتين بمصر بدون جسر .. الله العالم بعد الجسر يبون يعششون هناك خخخ


يسلمووو ع الخبريه ..


والله يخلي الطيارات ..

[غيمة العارض]

شكرا غاده حبيبتي

[أبو تميـم]

بصراحه وبكل امانه لن افرح بهذا المشروع الذي سوف يتم وضع حجر اساسه
حيث ان هذا الجسر لن يفيدنا كا سعودييون بالعكس سوف يزيد ضياع الشباب السعودي اذا وجدو سهوله في التنقل الى هناك .
كما هو الحاصل بعد انشاء جسر الملك فهد (جسر البحرين) والله اغلب من انحرف هوا من تلك الجسر الذي افسد اغلب الشباب وضيع بيوت كانت مستقره انتهت بالخلافات والطلاق ووووالخ
أتدرون كم سياره سعودية تغادر السعوديه في كل يوم اربعاء خلال ايام السنه ثمانية ألاف سياره يقل او يزيد قليلاً

ولكن اتمنى إن يكون الخبر غير صحيح عن جسر السعودية ومصر .

هذا من وجهت نظري الخاصة

تقبلوا تحياتي

[غيمة العارض]

اصيل
اشكر مشاركتك
وان شاءالله
مايصير
الا الخير

[شعيب المهاش]

ان شاء الله يتنفذ ويكون جسر خير يجب ان ننظر للجوانب الايجابيه والخير في كل بلد وليته من جده الى الشاطئ المقابل يكون اسرع للوصول بدلا من تبوك والا يكون جسر في كل موقع

[عبدالله الوهيبي]

:) :) :)

الله يبشرك بالخير أحسن خبر سمعته بس عساه مايطول
خلونا نفتك من روعه الطياره كل سنه

[عهود التميمي]

انا اقول ليتهم يحطون جسر من جيزان لجيبوتي على الاقل تروح المساعدات

والتبرعات بشكل اسهل واوفر:sad_1: وبعد اللي يبي يوسع صدره

يمدحونها ترى:harhar1:

عز الله طاح سوق البحرين اللي 25 كيلو واللي 23 كيلو .....

راحو فيها شبابنا عز الله ...ودي اكون متفائله ..لكن هذا اللي بيصير

[الحازم]

وش الفااائده منه...

ميناء ضبا يفي بالغرض...
وموقعه متميز...
منتصف ساحل المملكه الغربي...


بس تظل الحكوومه ابخص...

[بنت العناقر]

فيهم خير افتحوا لنا تلفريك لباريس

<<<<< برااااااااا

[غيمة العارض]

اخ شعيب
مشكور

[غيمة العارض]

عبدالله
شكرا لك

[غيمة العارض]

شكرا عهوود
تحيتي لك،

[غيمة العارض]

فتى تميم
اشكرك عزيزي

[غيمة العارض]

بنت العنااقر
شكرا

[ولدالعبادل]

الله يكثر الطيران الاقتصادي الدولي ...


ويحطون مقاعد مجانيه لاول عشرة مسافرين واطلع منهم <<< خخخخ



تحياتي
ولدالعبادل
ع.س

[غيمة العارض]

ان شاءالله تكون
منهم ولد العبادل
شكرا لك،

[أبو تمام]

خلونا ناصل تبوك الحين

والباقي يهون