طلباتكم توضع هنا

[الهلالي]

السلام عليكم ورحمة الله وبركاته هلا وغلا فيكم اخواني على سيراميكه وبدون مقدمات حطيت هالموضوع لتلبية أي طلب من طلبات الاعضاء من برامج ونغمات وثيمات خاصه بهم واي مشاكل قد تصادفه في الجوال وطبعا الموضوع ليس قصراً علي بل المساعده من الجميع ويلا لا يردكم الا كيبوردكم

[تركي]

هلا بالهلالي :ـ


أنا جوالي المملكة شوف ايش يصلح لي ...


شوي وراجع لك ...

[صقر تميم]

ماتقصر يالهلالي

والله يجزاك خير

ألف تحية لك

[دواس البراهيم]

يعطيك العافيه اخوي الهلالي

ماقصرت

والف شكر لك يالغالي

تقبل شكري

[السـعدي التميمي]

مشكور على المبادرة ابن عمي ومابتقصر

[الهلالي]

مشكورين على مروركم ويعطيكم الف عافيه

تركي المملكه من جد أنك قديم :) انا اشوف انك تبيعه لي اقساط وتشتري لك الباندا او الزعيم :)

[الفارس]

هلا بالبناخي جيت وجابك الله

اذا تعرف بالفيروسات ولا عليك كلافه

جوالي الباندا ودخل علي فيروس عن طريق البلوتوث


وهو CARIBE.SIS

وآثر على البطاريه وقد تثبت بالجهاز

مادري لك في فك هالفيروس ولا لا

دمت سالما

[الهلالي]

أخوي الفارس هلا وغلا فيك

بالنسبه لفيروس الكاربي فيوجد برنامج لألغائه ارفقته لك في المرفقات حمله ثم ثبته على جهازك لا تنسى تثبته على ذاكرة الهاتف

اسم البرنامج F-Cabir
صورة البرنامج بعد التثبيت

http://members.lycos.co.uk/arabpic1/pic/F-Cabir.jpg

الحجم : 14 kb


ثبت البرنامج على ذاكرة الهاتف


اول ما تفتح البرنامج اضغط
1-الخيارات (options)
2 - scan

اذا موجود الفايروس راح يسألك حذف الفايروس ؟ اضغط yes (اشرايك!!)
وان شاء الله أكون افدتك

[المزروعي]

مشكور اخوي ماجد على المبادرة الممتازة

وشكرا ايضا على برنامج الغاء الفايروس

[الفارس]

بارك الله فيك أخوي ماجد

البرنامج جدا مفيد وانحلت مشكلتي

فعلا انت جنتلمان المنتدى

دمت بعز

[الهلالي]

الفارس في الخدمه اخوي واشكرك على اطرائك وشهاده اعتز بها ويعطيك الف عافيه

[الجليد1000]

دمتم سالمين نغمة اغنية الجسمي لمسلسل هدوء وعواصف




واكون شاكر لك وممتن اخوك الجليد1000


al_galeed1000@msn.com

[عمروالندى]

الاخ العزيز الهلالي : ماهي اسهل طريقه لنقل الصور من الجوال الى الكمبيوتر؟؟

[الهلالي]

هلا وغلا بأبو ماضي والله منور القسم بطلتك

---------------------------------------------------------------------

بالنسبة لنقل الصور من الجوال للكمبيوتر فيوجد ثلاثة طرق

الأولى :
عن طريق ir الاشعة تحت الحمراء ان كان جهاز الجوال يدعم هالخاصية ويشترط ايضا ان يكون الكمبيوتر فيه هالخاصية واذا مافي الكمبيوتر اتوقع تلقاه بالسوق بحدود الاربعين ريال طبعا اذا كان في الجوال اشعة تحت حمراء كل ما عليك هو ان تواجهها بالاشعة تحت الحمراء حقت الكمبيوتر راح تطلع لك بالونة في الكمبيوتر مكتوب فيها نوع الجهاز وموديله وهذا يأكد ان الجوال ارتبط بالكمبيوتر وقتها تروح لصوره وتختار ارسال عن طريق الـــ ir ولازم يكون اشعة الاجهزه متقابله في حدود مسافة متر راح يطلع لك اختيار في الكمبيوتر هل تريد الاستقبال تضغط نعم وراح يطلع لك نافذه تشوف فيها زي الاشعه تنرسل وهذا يعني ان شغلك مضبوط ومن بعدين اذا انتهى تلقاه على سطح الكمبيوتر

الطريقه الثانيه :
عن طريق البلوتوث اذا كان الجوال يدعم هالخاصية وكذلك الكمبيوتر واذا الكمبيوتر مافيه بلوتوث ورغبت في انك تشتريها راح تلقاه بالسوق بحدود 70 ريال تستخدم نفس الطريقة السابقه بس ما يشترط ان تكون مواجه الاجهزه مع بعضها ويكون حدود الارسال ما بين العشرة متر تختار الصور ثم ارسال عن طريق البلوتوث بيقوم الهاتف يبحث عن اجهزة البلوتوث القريبه منه وبيطلع لك اسم جهازك على حسب الاسم الي تحطه في اعدادات البلوتوث عند تنصيبه على جهاز الكمبيوتر تختار ثم تضغط موافق من الجوال وقتها راح يستقبل الكمبيوتر من غير طلب الموافقه منك اما اذا كان عندك ويندز اكس بي سيرفس باك تو فما يحتاج تنصب برنامج البلوتوث لانه يجي مع اعدادات الويندز طبعا بعد ما يخلص الارسال تلقى الصوره موجوده في ملف اسمه ‎Bluetooth Exchange Folder

الطريقة الثالثة :
عن طريق الكيبل وهذا ياطويل العمر تلقاه يجي مع الجهاز اذا كان جهاز نوكيا الدمعه 7610 او الزعيم 6630 او الدمعه مطور يجي معهم كيبل ضمن الكرتون ويجي مع الكرتون سيدي الجوال تركبه بالكمبيوتر وتسوي له انستل طبعا تكون مركب الكيبل الطرف الاول في الجوال والطرف الثاني منفذ يو اس بي في الكمبيوتر وتحط السيدي وتثبت البرنامج الي ينقل ويسحب الصور من والى الجوال وبعد تثبيت البرنامج بيقوم الكمبيوتر بتعريف وصلة الكيبل وبرضوه عن طريق السي دي بعد التثبيت تروح لجهاز الكمبيوتر وتلقى اضيف في نفس القائمة فلودر باسم nokia phone browser تضغط عليه وبيفتح معك وراح تلقى رسمة جوال وتحت رقم موديل الجهاز تفتحه تلقى فيه ملفين ذاكرة الهاتف او الميموري كارد عاد انت على حسب وين حافظ الصور تفتح الملف وتسوي نسخ ولصق على الكمبيوتر

وان شاء الله اني اكون وفقت ولو بالقليل في الشرح لك اخوي ومعلمي ابو ماضي

ولك مني جزيل الشكر على اطلالتك

هذا والله اعلم

[خالد الشبرمي]

السلام عليكم
الأخ ماجد التميمي أشكرك على مجهودك وتميزك
وانا اريد اسئلك عن اسم البرنامج لتركيب المقاطع في الأجهزة الباندا والدمعه وغيره
مع وصلة بلوتوث

واذا موجود عندك البرنامج ياليت تحمله


وتقبل فائق تحياتي

[عمروالندى]

الاخ الكريم الهلالي : شكرا لك على الرد الوافي

[عبدالله ابن الحلاحل]

اخي الكريم ابو فهد ... اتمنى لو توضح لنا كيفية نقل المقاطع من وإلى جهاز الكمبيوتر والشبكة !!

[الهلالي]

هلا وغلا فيك اخو ي عبدالله ابشر بسعدك اخوي بس ياليت توضح لي اكثر

قصدك نقل المقاطع من الكمبيوتر للمنتدى او لاي موقع والعكس

وانا في انتظارك

[عبدالله ابن الحلاحل]

نعم هذا الذي اقصدة .. وبارك الله في جهودك

[أحـمــد]

يسعد اوقاتك اخوي الهلالي

ويعطيك العافية على خدماتك الطيبه

وأسمح لنا نطمع في كرمك بأستفسار

سؤالي

وش افضل برامج صنع الثيمات

وياليت اذا كان فيه موقع يشرح الطريقه تزودنا فيه

وإذا كان لكل نوع من الأجهزه برنامج معين

فجهازي Nokia 6630







ولك
كل التقدير

[الهلالي]

هلا وغلا فيك أخوي هذا برنامج Theme Editor 6600 لصنع الثيمات ويضبط على جميع الجوالات الذكية لنوكيا ومع الكراك أيضاً


للتحميـــــل أضغط هنا (http://www.mobile4arab.com/Uploader/Uploaded//1090648849.zip)

واي استفسار انا بالخدمة

[أحـمــد]

يعطيك الف عافيه يالغالي

والف شكر على استجابتك السريعه

بس أعتقد فيه مشكله بالموقع الي عليه رابط البرنامج

نعود له في وقت لاحق





ولك
جزيل الشكر

[الهلالي]

هلا فيك اخوي أحمد انا توني مجرب الرابط وشغال ميه بالميه جرب مره ثانيه اذا مافاد بشوف لك رابط ثاني

واي استفسار بالخدمة

[أحـمــد]

جاري التحميل...



لاهنت يالغالي

[هند التميمي]

طيب يا أبو فهد أبي تدلني على أحسن كاميرا رقمية موجودة عندنا بشرط يكون حجمها صغير



وياليت سعرها بعد:)


تحياتي

[الهلالي]

هلا وغلا تميمة حوطية شوفي يالغاليه بالنسبه للكاميرا الفوتوغرافيه احسن نوع فيها كانون هي متخصصه في هالمجال يعني اذا تبي تشتري روح لأي محال قول ابي كاميرا كانون عاد انت عنده شوووف المميزات الي تعجبك وطبعا السعر راح يفرق بحسب الميغا بكسل يعني وضوح الصوره والزوم كل ما كبر وزاد زادت القيمة للكاميرا

أما اذا انت تبحث عن كاميرا فيديو عليك بسوني فهي متربعه على عرش الكاميرات الفيديو بسبب جودة الصوره والنقاوووه وصغر الحجم انا عندي كاميرا سوني الاخيره الهاند كام بصراحه مره صغير وادائها قمة في الرووووعه وتشمل كاميرا فيديو وفوتوغرافي

وان شاء الله قدرت ابين لك ولو القليل

واي استفسار انا بالخدمه

ولك مني جزيل الشكر

[هند التميمي]

هلا وغلا تميمة حوطية شوفي يالغاليه بالنسبه للكاميرا الفوتوغرافيه احسن نوع فيها كانون هي متخصصه في هالمجال يعني اذا تبي تشتري روح لأي محال قول ابي كاميرا كانون عاد انت عنده شوووف المميزات الي تعجبك وطبعا السعر راح يفرق بحسب الميغا بكسل يعني وضوح الصوره والزوم كل ما كبر وزاد زادت القيمة للكاميرا

أما اذا انت تبحث عن كاميرا فيديو عليك بسوني فهي متربعه على عرش الكاميرات الفيديو بسبب جودة الصوره والنقاوووه وصغر الحجم انا عندي كاميرا سوني الاخيره الهاند كام بصراحه مره صغير وادائها قمة في الرووووعه وتشمل كاميرا فيديو وفوتوغرافي

وان شاء الله قدرت ابين لك ولو القليل

واي استفسار انا بالخدمه

ولك مني جزيل الشكر

تسلم على التوضيح أصلا أمس رحت وشريت كاميرا سوني الهاند كام

صادق مرة روعة

تحياتي:)

[بنت اسودالعنقري]

مرحبا ابو فهد

جيتك بالطلبات جهز نفسك للتعب ^_^ وما عليك امر


ابغي برنامج ريموت كنترول للجوال وياريت يتوافق مع جوال 6670 نوكيا اما غيره مابغي .

ملحوظة: ركبت اكثر من برنامج ريموت كنترول وجربت كلهم لكن ولا واحد كان متوافق مع الجهاز !يعني يابوفهد جربلي او على الاقل تكون متاكد بانه يركب على هالموديل اللي ذكرته .


وشاكرتلك مجهوداتك :)

لي عودة بطلبات اخرى !

[الهلالي]

http://www.nokiamena.com/english/enhancement_images/6670/pm_6670_cs.jpg

نوكيا 6670

هلا وغلا فيك بنت العنقري أول برنامج الريموت كنترول الي تبيه مايشتغل على الجوال الي قلته لأن برنامج الريموت كنترول يشترط وجود (IR) اشعه تحت الحمراء لكي يستطيع ارسال اشاره للجهاز المراد التحكم فيه وهذا الشي يفتقر لوجوده نوكيا 6670 والي يقول لك غير هالكلام ماعليك منه خذ العلم مني والي يقول فيه طريقه عن طريق البلوتوث برضو ماعليك منه لان البلوتوث موجات راديو قصيرة المدى والريموت اشعه تحت حمراء فماراح يستقبلها اي جهاز

وأي برنامج ثاني في الخدمه أنت تأمر أمر

ولك مني جزيل الشكر

[بنت اسودالعنقري]

شكرااااااااااااااااااااااااااا ريحتني بتوضيحك ^_____^

راح اغير جوالي ابغي اشغل التلفزيون هههه

طيب برنامج ثاني

برنامج لقفل اي شيء في التليفون عن الملاقيف :) وخاصة الصور لانه البوم صوري وهلي كلهم فيه ههه

ما اوصيك ابغيه مجرب مو يومين يشتغل وبعدين يوقف يقول انه منتهي وماعرف ايش :(


طبعا >>>>http://www.nokiamena.com/english/enhancement_images/6670/pm_6670_cs.jpg

[بنت اسودالعنقري]

وينك يابوفهد !؟

سؤال صغير ابغي اعرف هذا البرنامجAdvanced Call Manager v2.00 متوافق مع 6670 او لا ؟!


الله يعينك

[الهلالي]

وينك يابوفهد !؟

سؤال صغير ابغي اعرف هذا البرنامجAdvanced Call Manager v2.00 متوافق مع 6670 او لا ؟!


الله يعينك

هلا وغلا بنت العنقري واسف على التأخر بالرد

بالنسبه للبرنامجAdvanced Call Manager v2.00 اي نعم يشتغل على نوكيا 6670 بس ما ادري الي عندك مكرك والا لا لانه بيشتغل فتره ثم بيقفل معك

وبصراحه هالبرنامج انا اشوف انه من اهم البرامج الرئيسيه في اي جوال

ولك مني جزيل الشكر

[الهلالي]

برنامج لقفل اي شيء في التليفون عن الملاقيف :) وخاصة الصور لانه البوم صوري وهلي كلهم فيه ههه

ما اوصيك ابغيه مجرب مو يومين يشتغل وبعدين يوقف يقول انه منتهي وماعرف ايش :(

http://www.nokiamena.com/english/enhancement_images/6670/pm_6670_cs.jpg

هلا وغلا فيك بنت العنقري

هذا البرنامج HandyPhotoSafe لحماية صورك الشخصية برقم سري أنت تختارينه وان شاء الله يعجبك متوافق معا 6670 وشغال على طول مايحتاج لك كرك

وانت ثبتيه على جهازك وطريقته سهله وان ماعرفت تستخدمه عطني خبر وانا بسوي لك شرح له

للتحميـــــل أضغط هنا (http://drr.cc/up8/HandyPhotoSafe.zip)

وانا الي اعرفه انه متوافق معا نوكيا 6670 بس اعذريني ماجربته عليه لانه ماعندي الجهاز هذا

ولك مني جزيل الشــــكر

[بنت اسودالعنقري]

مافي داعي الاسف ^_^

وماني مستعجلة حسب ظروفك (نرعاك) :)

طيب دام يتوافق حلو وابغي منك تجيبلي البرنامج لانه ماعندي ^_*

اما البرنامج الثاني ممتاز ... شكرا جزيلا

جزاك الله خير وسلمت يداك يابوفهد.

[الهلالي]

هلا وغلا بنت العنقري وهذا هو برنامج Advanced Call Manager 2.00

للتحمــــــيل أضغط هنا (http://drr.cc/up9/Advanced Call Manager 2.00.zip)

وأي أستفسار أنا بالخدمه

[بنت اسودالعنقري]

شكرا جزيلا يابوفهد http://www.asmilies.com/smiliespic/3dsmilies/36_1_39[1].gif (http://www.asmilies.com)http://www.asmilies.com/smiliespic/3dsmilies/36_3_11[1].gif (http://www.asmilies.com)

ماتقصر ... جزاك الله خير

[بنت اسودالعنقري]

بس يابوفهد اي رقم ومن وين لازم اجيبه واحطه في المكان المخصص !!!

فيه كود اي ام اي ماعرف وش بس رقم تحت !!!؟

[الهلالي]

Imei

كذا يعطيك يعني

طيب جرب تضغط اوكى او موافق وشوف وش راح يصير لان البرنامج هذا مكرك جاهز

في انتظار ردك ....!!!

[الهلالي]

هلا وغلا بنت العنقري

هذا أصدار اخر للبرنامج وان شاء الله يشتغل معك

Advanced Call Manager

http://www.handango.com/include/pictures/346021/acm_s60_anim.gif

للتحميـــــل أضغط هنا (http://drr.cc/up9/1119998966.zip)

وظيفته ...؟

1- استقبال جميع المكالمات
2- رفض استقبال كل المكالمات
3- استقبال المكالمات المحفوظة في قائمة الاسماء
4- انشاء قائمة سوادء لارقام معينة
5- انشاء قائمة قبول لارقام معينة
6- رفض المكالمة مع ارسالة رسالة
7- رد برسالة صوتية على المكالمات
8- التحكم بالمكالمات

متوافق مع :

6260/6600/6620/6630/6670/7610

كيفية تثبيت البرنامج ...؟

في المرفقات يوجد ملفين

1- ثبت الملف ACM_Looking_for_register_serial_code اولا على جهازك
2- افتح البرنامج سيظهر رقم
3- احفظ الرقم
4- ثبت ACM_v1.05_S60_7.0s ثانية على جهازك
5- افتح البرنامج
6-ضع الرقم في خانة التسجيل
7- البرنامج اصبح كامل

وأن شاء الله يضبط معك هالمره

وأي استفسار أنا بالخدمه

ولكم مني جزيل الشكر

[{ تميمي }]

ماشاء الله..

جزاكم الله خير على جهودكم الطيبة..

جعلها الله في موازين أعمالكم.

[بنت اسودالعنقري]

Imei

كذا يعطيك يعني

طيب جرب تضغط اوكى او موافق وشوف وش راح يصير لان البرنامج هذا مكرك جاهز

في انتظار ردك ....!!!

ايه صح يعطيني كذا وتحته رقم وخانة ثانية ويطلب رقم
ضغطت موافق يقول نجح التسجيل لكن لما ابي ادخل البرنامج ما يفتح ويطلب رقم .

اما الطريقة الثانية الحين بجربه وبرد عليك :)

[بنت اسودالعنقري]

خلاااااااااااااااااااااص يا بوفهد اشتغل الاولي مع ريستارت


هذا انت بعد ما سمعت الخبر انه الرابط الاولي شغال 100 في المية>>> http://www.asmilies.com/smiliespic/ksm/63_asmilies-com.gif (http://www.asmilies.com)

والله ما كنت اعرف يبيله ريستارت ولا انت خبرتني عموما بس كذا سويت ريستارت عشان امسح البرنامج ما كان راضي ينمسح سويت ريستارت رجعت امسحه شفته صار كامل وفتح ^____________________^ <<< فرحانه

اشكرك على شرح البرنامج لاني ما كنت اعرف وضائفة كلها بالظبط .

والسموحة ان تعبتك معي :)

يعطيك العافية ربي

[* شامخة *]

الله يعطيكم العافية

[م ش ر ف]

بسم الله الرحمن الرحيم


طلب ان شاء الله يكون سهل هو شوي صعب بس الله يعينك
برامج لجوال سوني اركسون k750i الي تخزن على الجوال كذلك لاننسى الثيميز



شاكرين لكم حسن تعاملكم


والسلام خير ختام

[قزلان الصعود]

طيب ياأبو فهد عندي فايروس اسمه cwoutcast ماغير يعيد تشغيل الجوال تقريبا كل 4-5 دقائق



وش السواة


تكفى بأسرع وقت لاهنت


...

[الهلالي]

هلا وغلا فيك أخوي م ش ر ف

أن شاء الله راح تكون بين يديك في أقرب فرصه بس أعذروني على التأخير لأنشغالي هذي الأيام

[الهلالي]

هلا وغلا فيك أخوي قزلان

بالنسبه للفيروس على الجوال والا الكمبيوتر

ياليت توضح

وأسف على التأخير

[الحازم]

هلا والله بولد العم ابوفهد
والله يعطيك الصحه والعافيه

عاااد الله لا يهينك جوالي نوكيا 6880
وابي برنامج الماسنجر حق الجوالات.

لاهنت يالقرم

[كحيلان القصيم]

ولد عمي ابو فهد

كثيرين قالو لي تقدر تسوي فورمات لجهازك N70
كذا *3770# بس ماعرفت؟؟ طيب كتبت الرقم وبعدين ماعرف وش اسوي
صحيح ولا لا ؟؟؟؟؟؟ابغاك تقول لي صحيح ولا
وإلا تقدر تعطيني طريقة احسن الله يرضى عليك

[الهلالي]

هلا وغلا فيك اخوي كحيلان

الطريقه الي قلته غير صحيحه

وهذي كانت تستخدم من قبل على الجوالات القديمة

اما بالنسبة للجوالات الذكية فتستطيع ان تسوي اعادة ضبط المصنع

وراج يرجع معك كل شي زي اول

واي استفسار انا بالخدمة

[تسنيم]

وليحذر بعض من يراهم الناس قدوة من الرجال والنساء من استعمال هذا الهاتف؛ الذي أصبح في أعين الناس لا يستعمله إلا متّهم ؛ليحذروا أن يفتحوا للناس باب العذر؛ويفتحوا عليهم باب الشبهة :أن فلانة (المستورة) تستعمله؛وفلان (القدوة) يتعامل به؛فلا يكونوا بوابةً لولوج الناس في الباطل؛ولا يقولوا :نحن نستعمله استعمالا حسنا0 فأي استعمال حسن ؟!؛كل المسألة تصوير في تصوير؛فلندع السخافة!!
ما أقبحَ الصورة وأنت ترى من تزيَّت بزي الصالحات ؛وهاتفها معلق في شنطتها؛
على الأقل استتري عن أعين الناس.
أين الحياء والعيب؟ وأين الولي الذي يزعم الرجولة..؟! ألا ترى ..؟!!
ويقولون: استعمال حسن إن هذا مما يُضحك الثكلى!!

http://saaid.net/Minute/97.htm

[نمر الوهيبي]

أخوي الهلالي جوالي E60

ابغى له 1 / القران الكريم .
2/ القصص عندي أو الرويات تفتح اذا حملتها بس بلغة عجيبه غريبة !! وش الطريقة او البرنامج اللي ممكن يساعدني على قراءتها زي العالم والناس ؟

وشكرا لك مقدما .

[ولد عبهول]

نبغى رسايل على الجوال عن اخبار تميم واجتماعاتهم

[marwaend22]

السلام عليكم:
انا كنت محتاج رقم سري بتاع نسخة windows vista لانني لاسف نزلتها وبعدين اكتشف انها مفهاش السريل بتاعها فيارت ياجماعة لو حد عنده اي سريال يبعتهولي ادربه
جازاكم الله كل خير

[(( ذيب وراط ))]

يعطيك العافيه يا ولد عمي ....

ابغى برنامج الحارس الذكي بــــــكوده او اي برنامج له نفس النظام (( الاخفاء ))...

بس للجوال N73

[محمد بن فهد]

نريد ثيمات و برامج حديثه