ليش مانعلم بناتنا حمل السلاح وندربهم عليه ؟!!

[أبو رهف التميمي]

بسم الله الرحمن الرحيم


لايخفى عليكم ياإخواني الإعزاء عن نعمة الأمن والأمان في بلدنا الطاهر اللهم لك الحمد .
أنا ولله الحمد متأكد من كل واحد إنه يعرف يمسك السلاح ويعرف يصوب ويرمي وكيف ينظفه وكيف يملأ السلاح بالرصاص وكيف يفرغه ومن هالعلوم هذي , وبإذن الله إنه معروف الواحد مايمسك السلاح عندنا هنا ياأما للصيد أو الدفاع عن النفس , حبيت أطرح عليكم فكره ولو إني أدري إني ملقوف شوي لكن : هل فيها شي لو علمت زوجتك أو أختك أو قريبتك بحمل السلاح ؟

يعني تعلمها على حمل السلاح وكيف ترمي وتصوب وتعبي الرصاص , ماتدري يمكن يجي يوم تحتاجها فيه وتفيدك وتدافع عن نفسها وعن عيالها وأنت منت موجود إما بالبيت أو إذا تعطلت السياره أو أي موقف يستدعي إنها يكون معاها السلاح .
اللي أبغى أتوصل له صراحه يجب علينا إننا نعلم حريمنا وبناتنا حمل السلاح .

ولكم خالص تحياتي:bye1:

[أبو الهنوف]

خخخخخخخخخخخخخخخخخخخخ

ابو رهف لا تتهور :no:

ماله داعي تتفلت عليك رهف :harhar1:

ثم تتعلم عليك

الله يستر بس :msn-wink:

خخخخخخخخخخخخخخخخخخ

تحياتي لك

[نمر الوهيبي]

معك أخوي 100 % ..

بالعكس احس المرأة تحتاجها أكثر من الرجال .. الرجال يمكن يقدر يدافع عن نفسه بما وهبه الله من قوة فطرية بعكس المرأة فبنيتها لا تساعدها !!
والقصص اللي قاعدين نسمعها هالايام تخلي الواحد يفكر في الموضوع تفكير جدي ..


أخوك / نمر

[ليان تميم]

ياليت


لكن اخاف اذا زعلت اتهور وافرغه فيهم خخخخ

[شموخ سدير]

انا اقووووووووووووووووووووووووووووووول

المفروض نتعلم ويعلمونا اهلنا ....

بس المشكله :: الصوت لان صوت الطلقه يفجر الاذان <<< متدربه على الرشاش هههههه لاتشرهون والا اذا طق في الكتف اعوذ بالله شوي وينكسر

وبالنسبه للساكتون ودي اجرب اطلق منه بس عيوا يقولون ماينفع لييييييييييييييييييييييييييييييييييييييييييييييييي ييييييييه ؟؟؟
وبالنسبه لنا فيه البعض مننا دواماتهم خارج الرياض ( في القرى )

هذولي يكفيهم بس مصايب الطريق والاشياء اللي يتعرضون لها وبصراحه يستوجب انه يكون معهم سلاح اي سلاح ولو يعطونهم الربع بس اهم شي
انهم يرتاحون على الاقل نفسيا ...
وحتى احسن يكون معهم ولو انهم راكبين مع سواق مهوب سكين ..
اخيتكم ::: شموخ سدير

[ذيبة تميم .. !]

إي والله ياليت ..
أنا ما عرف غير للساكتون :bigsmile:
ومرة كانوا أخواني وأبوي فالبر ..
وجتنا حرمة مدري وش سنعها طرارة لكن تروع شوي :smurf:
المهم شكينا في وضعها لإنها راحت ورجعت ونشبت لنا
وكنا فرحانين بالساكتون انا وأختي :showoff: ههخخخخ
المهم قالت أمي أنا بفتح قالت أختي روحي وأنا بحميتس :flex: ..
مطلعة الساكتون من المجلس ومصوبة على الطرارة أشوى إنها ساكتون ولا مع الروعة والتنافض الله يستر على أميمتي :D
ويوم جا أبوي قعدنا نتفاخر بأفعالنا قال لوكم رامينها ما جاهااااا شي :evil_lol:
قلنا وشلوووون ؟ والرصاص والتصويب والدنيا :tears: ..
قال الساكتون ما تدزدتل قطوة :D
أشوى إنها صارت بريئة و إلا كان وا فشيلتااااااااه ..

[راع الاوله]

لااااااااااااااااااااااااا

وين يابو رهف , في احد يروح للموت برجلينه ..!!!

يارجال والله ماتشوووف وحده الا مثوره في رجلها ..؟؟
وان سالتها ليــش ..؟؟
قالت : حقه وماجاه , تصدق الاثول عيا يوديني (( السووق)) ..؟؟

++++++++++

لابغيت الجد يابو رهف
الوضع الحين يخوف , واي امن وامان اللى تقول عنه ..!!
اتحدى وحده تاخذ لفه على بيتهم , الا هي منخطفه الله يكفينا الشر ..!!
وان جينا للجد , المفروض انهن يتعلمون وشلون يستخدمونه , خاصه للي يدرسون خارج المدن يعني في القراء ولا الاماكن البعيده عن اهلهم ..؟؟

ولا هنت يالغالي

[ابو هلا]

ابو رهف عزالله انك صادق

ويجب علينا ذلك ........ وترا السلاح يزيد الرجال هيبه ويرفع عن المره الخيبه

شكرك لك يا ابو رهف وتقبل تحياتي

[أبو رهف التميمي]

الشكر موصول لكم ياأعزاء

والله أنا عن نفسي صراحه اللي عندي ماشاء الله عليهم ماينخاف عليهم مابقى الا الجثري وعيار 50 وخلاص وإن بغوا يكملون ويواصلون ويتعلمون على دبابه بعد والله لأدعمهم .

الله يوفقكم يالله

شموخ & ذيبة = شكلكن تصيدن حمام ودخل وقمري في المزرعه , لايكون أنتن من هل اللي عندهن نبيطات بعد ويطردن القطاوه بالحارات ههههههههههههههه

[أبو رهف التميمي]

8
8
8


أيام زمان يعني أيام الطفولة

[./.تميميهـ./.]

هههههههههههه

والللللللللله فكره

انا اعرف للشوزن حطيت حيلي بعلبه بيبسي عجنت والديه...<<< خطيره

لو معي الحين كان جربت في ماراح اقول مين تراه مايوجع خخخخخخخخخ

من قالك تقول دربوهم <<<<< قليلة خاتمه

لا لا سوري والله اسفه ........
انتم دربونا ويصير خير

[عهود التميمي]

انا ولله الحمد ماناقص الا اتعلم عالهاون والآر بي جي :icon30: :santa_1:

والا الباقي امره هين ..

شوزن ..خرازه..اعرف استخدمها دايماً اتعلم في البر وابشركم زد صدت بها قمريتين :showoff:

والا الساكتون هذي حقت لعبنا اذا بغينا نتراجم :D :blow:

الرشاش مره طلقت به فشق شباب ماردني الا باب السياره :tears:

ماتوقعته كذا قوي ... ماسموه رشاش عبث خخخخخخ

بس بصراحه...جداً ضرووووري تعليم البنت للسلاح والقياده...

ماتدري عن الظروف اللي ممكن تحصل....

انا شخصياً فالبر اول مره ابوي يقول لي امسكي السلاح كنا مخيمين لحالنا وجت سياره امرها غريب عجيب مليانه شباب شكلهم مو صاحين:icon1366: وينادون ابوي ويضحكون ضحك هستيري ابوي على طول قالي شيلي السلاح وافتحي شباك الخيمه فتحه صغيره وانا بروح اشوف وش يبون..!!!
والله وقتها بموت من الخوف لكن سويت نفسي طبيعي وقلت له ازهلها يابوي والحمدلله عدت على خير:tears:

[حلم غااافي]

:busted_red:


:busted_red:


إرهــــــــاب :eek:





والله مو سهلات البنات عندهم خبره

عهووود عجيييييبه إنني كذا:icon30:

أجل تتراجمون بـ الساكتون :)

<< خكررريه وخوااااافه لو تقطعوني ما مسكتها :eek:

ما أنكر إنها ضروريه بهالوقت وفكره ذكيه منك يا بو رهف وتستاهل التفكير فيها بصوره جديه بس اللي يخاف يقربهن وش يسوووي .. ؟؟


ضيقتوا صدري :( الله يعين بس ..


/

/

حلم غااافي

[فيلسوف الرياض]

أقوووووووووول يالذيابه توكلوا على الله وعلموهن :)

أخوكم في الله فيلسوف معلم خواته وأمه وكل العائلة الكريمة :) بداية حرب العراق ياولد خفنا على حريمنا قلنا الأمريكان بيجونا والله ونراجع معهم التعليم الي علمناهم من أول ...

بس يالربع .. أقول بس خلوا عنكم أني أحمد ربي ليل ونهار أني من قوم أشد الناس على المسيح الدجال لهذا لازم بناتنا يكونن شديدات :)

على كل أنا اهلي يعرفون يسوقون السيارة ويرمون بالسلاح .. ولو جاء الصفويين :) حنا جاهزين بحول الله والله أن نوريك فيهم هم وعباد الصليب الله يحفظ البلاد والعباد :)

تحيتي الطيبة العطرة

[غيمة العارض]

البنت لازم تتعلم كل شي
للاحتياط
كل شي (كل شي) حطو تحتها الف خط
شكرا ابو رهف

[المعثم]

الحين خل الرجال يتعلمون بعدين حول على النسا

[أبو تمام]

أما بالنسبه لي الحمد لله علمتهم على السلاح
وكل كشته لازم يرمون من الزوجه الى الطفل
والله يستر انشالله

[شموخ سدير]

شموخ & ذيبة = شكلكن تصيدن حمام ودخل وقمري في المزرعه , لايكون أنتن من هل اللي عندهن نبيطات بعد ويطردن القطاوه بالحارات ههههههههههههههه

كني شامةن احد يتطنز علينا ؟؟؟؟؟

ابو رهف الله لايهينك واذا صدنا حماااااااااااااام ؟؟؟
ترى طعمه خطييييييييييييييييييييييييييييييييييييييييير <<< يالتسذوبه

المهم انا هالحين عرفة انهم لاعبين علي اهئ اهئ اهئ اهئ اهئ اهئ اهئ

وبعدين فيلسووووووووووف بلا ترويع زياده
وان شاءالله محدن جاينا ولاش ..

ابو رهيف لاعاد تطنز علينا هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ه
امزح عاد لاتصدق ..
<<<<<<<<<<<<<< تصدقون وشو ؟؟؟ انهجي يالبثره هههههههههههه

انا دايم ومن زمان وهالحين اكثر اجمع كل الرجاجيل واحطهم في الحوش
همن اصفهم همن اجيب الرشاش وافرغه فيهم ..
والله امنيه وياليت تتحقق هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه

[المعثم]

انا دايم ومن زمان وهالحين اكثر اجمع كل الرجاجيل واحطهم في الحوش
همن اصفهم همن اجيب الرشاش وافرغه فيهم ..
والله امنيه وياليت تتحقق هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه

الله يكفينا شرتس

[فريح بن رباح الحميضي]

أتمنى

(( الثقل شوي من (( ابناء)) العم))

[المعثم]

أتمنى

(( الثقل شوي من (( ابناء)) العم))

ترى الأمور مزح
وليتك تتمنى الثقل من بنات العم أيضا

[./.تميميهـ./.]

هدوووووء اذا ممكن...

ترا المنتدى احرف تكتب .......لاصوت ولا صوره طالعه..

والمزح بالحدود الاسلاميه مو حرام ولا عيب...

اتمنى يكون بالموقع روح مرح لاني لاحظت كم رد فيه تشدد من قبل كم شخص ....

لكن اسلوب الاخ فريح بن رباح الحميضي كان لطيف فشكرا لك ...
دمتم بخير

[فريح بن رباح الحميضي]

ترى الأمور مزح
وليتك تتمنى الثقل من بنات العم أيضا

شرهتنا على الرجال !!! نشره على عصمان الشوارب

ليتك مستخير يابعدحي قبل هالرد

[المعثم]

شرهتنا على الرجال !!! نشره على عصمان الشوارب

ليتك مستخير يابعدحي قبل هالرد

ما أستخير على هالأمور:shiny:
شكلك تستخير قبل كل رد بالمنتدى:p

[الهلالي]

أنا أؤيد ومعكم في تعليم بناتنا حمل السلاح

وان شاء الله انهم مايحتاجونه بس شي اصبح من الضروريات

والله يستر علينا وعليكم وعلى بنات المسلمين أجمعين

اللهم أمين

[فريح بن رباح الحميضي]

ما أستخير على هالأمور:shiny:
شكلك تستخير قبل كل رد بالمنتدى:p

بذمتي مابالهدوم أحد !!

[المعثم]

بذمتي مابالهدوم أحد !!

تبي اطق الكام توكد؟؟!

[Rose]

تعليم البنت للسلاح مو شي غلط
بالعكس بحس انو بوئتنا هاد وصلنا لمرحلة لازم الكبير والصغير والبنت والشب يتعلموا هالشي هاد
واذا ما اعتزناه مابكون ضار يعني لو كان تحت انظمة وقواعد واساسيات

بسوريا ..
كانوا طلاب المدارس طالبات وطلاب اللي من صف التاسع تقريبا من عمر 15 سنة كان في معسكرات ودورات فتوة اللي هية فيها تعليم عالسلاح طبعا ماكانت الزامية للكل بس كان شي متاح ومتوفر

حاليا التغى هالشي ( بالعكس بنمشي لما لازم بيلتغي !!! )

بس ماشا الله عليكم هون الكل مسلح ومو نائصو شي محصنين يعني :D

[ديــم]

ماشاءالله عليكم زين والله

اجل مانحتاج ماتعلمين والله الاهل ماقصرو

هاااا بس انتبهوا تعلمونهم ويقلبون عليكم

وتكونوا خبر كان (( بعدين ماينفع الصوت لا فات الفوت))

اخاف البنات ياجيهم خلال في العقليات وتضرب الموازين عندهم

وترحون فيها أنتم

او في واحده تكون حاقده عليكم وتفرغها في روسكم

هاااا انتبهوااا نصيحه ترى

[Abu Abdullah]

خل نعلم شبابنا بعدين نفكر بالبنات مشكور

[( أصيلة )]

التعلم والله ضروري جداً هالأيام ...

على الأقل الرشاش والمسدس .. ولو ودنا نتعلم على اشياء أكثر بعد ..

تشكرااتي لكـ أخوي على طرح الموضوع

[المسك والعنبر]

,
’
ولله الحمد والمنه هذة الامور تعلمناها منذُ الصغر

حفظ الله والدي ورعاه وامد الله في عمرة

ومااجمل ان تكون المراء شجاعه خاصه في هذا الزمن

نقلت لكم هذا الموضوع من العربيه تأكيدا على اهميه تعلم حمل السلاح

سعوديات يطلبن تراخيص حمل السلاح لحماية أنفسهن من المعاكسات
وقد التقت "العربية. نت" عددا من السعوديات من اللواتي أصبح السلاح يحتل موقعاً مميزاً في حقائبهن اليدوية بجوار أدوات الزينة.

تقول فايزة الغامدي، 25 عاما، وتعمل معلمة، انها ابتاعت السلاح من نوع "مسدس ربع" من صديقتها، وذلك عن طريق شقيقها بمبلغ 400 دولار، وانها لجأت إلى حمل السلاح لأنها تعمل معلمة في مدرسة تبعد نحو 158 كيلومترا عن منزلها في الرياض، مما يتطلب منها الخروج من منزلها الساعة 5 فجرا برفقة سائقها الاجنبي وزوجته، وبصحبة مجموعة من زميلاتها في العمل في طريق تمر به شاحنات.

ويصادف ان تتعطل السيارة في بعض الأوقات، مما يجعلهن على جنبات الطريق لمدة تزيد على الساعتين، حتى يقمن بالاتصال بالمدرسة، التي تقوم بدورها بإرسال مندوب مع سيارة من اجل نقلهن او ايصالهن للمدرسة. و لا توجد في المنطقة غير نقطة تفتيش واحدة يصادفنها عند الخروج من الرياض، أما باقي الطريق فهو خال من مراكز الشرطة، حسب قولها.

واشارت الى انها لم تتعرض لأي أذى أثناء ذهابها للعمل باستثناء بعض المضايقات من قبل بعض الشباب الذي يطلب من السائق التوقف والادعاء ان معهم سيدة يرغبون في إيصالها معهم، وبمجرد ان تظهر نيته الحقيقية تشهر السلاح في وجهه فيتوارى عن الأنظار فوراً.

وأكدت فايزة الغامدي انها تدربت على استخدام السلاح كثيرا، وتجيد استخدامه، وتقوم عادة بإخفائه داخل ملابسها، غير ان العديد من زميلاتها يحملن السلاح ويخبئنه في انحاء مختلفة من الجسم، ويضطر البعض منهن الى لبس الجوارب لإخفاء المسدس فيها.

أما سعدية محمد، 40 عاما، فتؤكد انها تعلمت حمل السلاح وتدربت على استخدامه منذ نعومة اظفارها من والدها، وانها تحمله فقط عندما تقوم بالانتقال من منطقة الى اخرى، مشيرة الى انها تقوم الآن بتدريب بناتها على كيفية استخدامه واستعماله الآمن.
المزيد
http://www.alarabiya.net/Articles/2006/10/04/28007.htm


,
’

[أصايل تميم]

مراااااحب...

مشكور على هالموضوع..

والله ياليت ..
بس كل اللي اعرف استخدم حقت الصيد بس ..وبعد الشكل القديم ..
اما عن الاسلحه الصغار مره شفتهم مع اخوي وحطهم بوجهي رحت فيها من الروعه ؟؟؟؟؟؟؟؟

بس والله ياليت ..

تحياتي

[سيف الناصري]

امممم

اذا رجالها ما يعرفون يحملونه ،،

وحرييمهم ما بعد ساقو ،، تبي تعلم بناتهم سلاح ؟

كأني اشوفها بكره تذبح اخوها علشان تطلع مع خويها ،،

[,,وحده غيرر,,]

حلوووه الفكره<<تبي تجرررب على احد

وعشان اهدد اخوي ان ماوداني السوق<<يعرف بعدها يقول(لا)

[عهود التميمي]

كأني اشوفها بكره تذبح اخوها علشان تطلع مع خويها ،،

ياساتر يارب ..!!! ليش هالنظره اللهم ياكافي ؟؟

ليش ماقلت تبي تتعلمه عشان تدافع عن نفسها في حال الخطر ؟؟؟

[نجديه]

التعليم ضروري مايدري الواحد عن الدنيا واحوالها

خصوصا المدرسات اللي يروحون مسافات بعيده صارت لهم مواقف

لو الوحده معها سلاح دافعت عن نفسها