ديوان الأمير محمد العلي العرفج ( أبو زيد )

[سامي العرفج]

بسم الله الرحمن الرحيم


العرفجي


ـ فــارس بريدة وأميرها وشاعرها ـ

حظي الأمير الشاعر الفارس محمد بن علي العرفج بشهرة كبيرة في جزيرة العرب , واحترام من قبل معاصريه والعارفين بسيرته , فهو أمير مقدام , وفارس جسور , وشاعر مبدع , وكريم غيداق .. وقد أثنى على بعض صفاته هذه عدد من الشعراء , من بينهم عدوان الهربيد في قصيدته الشهيرة التي عدد بها الشعراء الشجعان التي مطلعها :


***
المجلس الي به اسماعيل وسعيد=ينعاف لو قربه على الكبد غالي
***


ومن ضمنها يذكر العرفج :


***
والعرفجي هو التميمي أبـو زيـد=وساجر بيوم الحرب راعي الفعالي
***


وهذا أيضاً الشاعر أبو جري يشير إلى العرفج في قصيدته التي بعثها إلى جزاع بن عجل من شيوخ شمر قائلاً :


ياجري دن لي القلم كان تشفين=قلبي على قرب الاجاويد عـاوي
هات الدواة وهات لي من يحاكين=ما دام بالـي للتماثيـل نـاوي
نقول قـولٍ للشيـوخ القديميـن=بريك هو و العرفجي والفـراوي


ولد الأمير و الشاعر الفارس محمد بن علي العرفج في بريدة سنة 1191 هـ تقريباً – وتوفي رحمه الله سنة 1258 هـ , حيث عاش ما يقرب من سبعين سنه , ولما بلغ مرحلة الرشد ذاع صيته , واشتهر بين البدو والحضر , ليس في الجزيرة العربية وحدها , بل في أجزاء كثيرة من الوطن العربي في ذلك الوقت , وكان البدو يلقبونه بـ العرفجي اختصارا , أما الحضر فيلقبونه بـ ( أبو زيد ) و ( أبو علي ) وهو من أسرة ( آل أبو عليّـان ) – من تميم – التي حكمت بريدة لفترة تزيد على ثلاثة قرون متوالية .

أما أخواله فهم آل هذال , وقد أشار إلى ذلك الشاعر عبد الله بن ربيعة في قصيدة مدح بها العرفج قائلاً :



حرٍ تسلسل بين عرفج وهذّال = جا من سلالة جوز عمّه وخاله



|
/
\
/
\

يقول الأميـر محمد بن علي العرفج في أحد قصائدة :




ياعين من فرقـا المحبيـن هلـي=دمع كما جمر الخـلاص أشتعالـه
نوحي وهلي وأرعدي وأستهلـي=من ناظر ولا من حقـوق خيالـه
وامن الولع وامصارم الوجد تلـي=من حاير المكنون فضـي مجالـه
هاتي وهلي ماذخرتي على اللـي=بدر الدجى مالـه يشابـه جمالـه
ذباح ينعش وأن تبسم رضا لـي=وأن صد وأقفا حرق الجفن جالـه
نفـاح رز هـوا لـي هـوا لـي=والقلب يألف من وصالـه دلالـه
للروح يسبي سيد جيله ويسلـي=بالشف لو حالي حوت لام حالـه
أبرد غليل الروح وأنهـل وأعلـي=من مبسم ماكـدر أشفـاه والـه
كدور غرامي ذبلـه وحيـر للـي=ماله بطـرد الغـي والقـاه قالـه
حبـه سجنـي بيـن دق وجلـي=إن قلت حيـه رد منـوال حالـه
رحب وحيا مثـل مانـي بهلـي=فان رمت حاله قال يـاذا محالـه
الله لحـد رزن اللحـد مافطنلـي=حي رحوم يرعوي حالـي ذالـه
عذبت لا ميـت بالأجـداث خلـي=ولا حي يرجى حـي لا ماوصالـه
مجمول مقبول الظـرف والتغلـي=مدلول معسـول أيفطـر خيالـه
وضاح فضـاح الستيـر المحلـي=مـزاح طيـاح التهـادي سلالـه
عجاب لعـاب الحشـا بالتحلـي=لعاب شعاب الهـوى لـه كمالـه
زين أضا زين حوى لزيـن جلـي=من صوره يقـدر عزيـز جلالـه
نور أضا نور مـع الحـور خلـي=برق أبتسامه طمس شمس الدلاله
فلي تخنطـل نـور حيـه بدلـي=ويسحب الثياب الغنى مشي الرفاله
سل الضماير سيد الأتراب سلـي=وابداحه المشتـاق بالـه عدالـه
غدنان ريان الغصن طربـة لـي=حاوي ثلاث أخصال تمن خصالـه
غرو عن المطعون هرجه يسلـي=ويبهج حشا الضامي أمعسل أزلاله
وأخلاف ذا ماجاش بالجاش خلـي=زفر طفر يهتاش من مـا جرالـه
من هجر هجـار النياصـح ذلـي=فريت العين الله رجا مـن شكالـه
ميـر الشكايـا يامـلا ثـم للـي=مثل الشهد عذب سعد من لجالـه
وسم ولو شان الدهر وأشفحلـي=زاد الندى عـرق النـدا بالندالـه
غبط الرسا للضيف ريف المحلـي=من جاه قبـل يـراه قـدم هلالـه
الليث أخو طرفا عن الشمس ظلي=منه النيا من سـاق درب النيالـه
عمال بتـال الهواجيـس باللـي=حاز القباله والرضـا والسهالـه
واجران فاه إن جر قلبي رجالـي=يجعل بهـن العـز سالـه تنالـه
لمن وليت أسفـارة الحـي خلـي=مشتاق وأحيانـي معانـي قبالـه
أعفر عفر بدر الدجا يسـر اللـي=عقب السهالـه بـادرن بالجبالـه
سمح المحيا لـو يـراه المصلـي=يامسندي عقـب الديانـه بدالـه
أريا مع أريـا لـو تجلـد يزلـي=يامنتهى الشكوى ياراعى جلالـه
يامسندي ياروح الأجسـاد كلـي=أعزم وزم أمـر الشقـا مابقالـه
من حاله اللـي غلهـا زاد غلـي=قم سر يا فرز الوغـى بالدوالـه
خيتك لبيب اللي تداوي عزا لـي=حب سبا عذب النبـا روح بالـه
فان قيل ياعيـد المراميـل ذالـي=للفرج هجـر يالقطامـي حلالـه
يامن بطيحات الدهر مسنـد لـي=تم الجواب ونظـم رائـي تلالـه
وأزكا صلاة مع سلام على اللـي=حن الحجر من صفوتـه ياملالـه

[سامي العرفج]

مني سلام عد ما الغيث سالا=أو عد ما عد على القاع سالا
وما سعا للبيت حافين الأقدام=أو سار مستلم اليماني يسالا
سلام احلا من عسل صافي سال=والذ واغلى من تراشيف سلسال
وابهج من اللي فوق نقر نضا سال=من نايض رايح ابروقه تلالا
يهدا لمن نهده كما صنع فنجال=وامجدله عن ناب الأرداف ينجال
زين النبا كامل حلاياه بوصال=فان صد واقفا هل دمعي وسالا
سبحان من صور نوابي اردوفه=عذب النبا كامل حلايا اوصوفه
فالى لبس مجمول زاهي اشنوفه=عني جميع الغيظ و الهم زالا
زاه الجمال بزين جيد ومجدول=والخد لا ورد ولا لون مصقول
والأنف مسلوب كما حد مسلول=والعين عين اللي على الصيد مالا
مال العزابي والصبر راح وابديت=دمع على فقد المحبين هليت
هطال مسكوب على الخد ياليت=من هو بعينه شاف شوقه ونالا
ناله ورص شفاي بشفاه وانساح=باله من كاس اشفته شرب ينساح
فالى صحا سيدي والأرياق تنساح=ما بيننا مالي خداد ارتحالا
هو شف بالي من هوا خرد العين=لو سيد حيه لي بحسناه يدعين
إلى ناموا الحساد بالليل هجعين=زرته ومن لي حي ينبه يسالا
مالي هوا إلا به وللغير مابي=طفل بعينه قاد سهم والهوى بي
وجدي وجد من طاح صايبه مابي=وإلا طريح خلف ربعه يشالا
بالله ياناهب قلوب العشاشيق=يامن جذب جبه بتوت المعاليق
ياشمعة الخفرات هل كيف اباطيق=صبر وجاشي جاش فيه اشتعالا
تالي نهار السبت واسبوعنا ذاك***ما ذقت انا ريقك ولا ذقت انا ذاك
لا تحسب اني يا اتلع الجيد بنساك=لا والذي سير حقوق الخيالا
انك على بالي ولو في سجودي=ياهايف الخصرين زم النهودي
إلى من تلالت شفته لي عقودي=كالبرق لا من شع صوب الخيالا
يابو ثمان كاللولو لواميع=واملجلجات كن فيهن لواميع
حطيت في قلبي سهوم لواميع=شليت قلبي يا المتركا شلالا
ليتك تحط اشفاك يازين بشفاي=ولا تدوس بخمص الأقدام بحشاي
يامن طعم ريقه كما الدر بالشاي=سليت قلبي يالمتركا سلالا
سليتني يا ادعج العين سلي=يا اللي لنا من حلو نطقه يسلي
سليتني واودعت حالي عسا اللي=سواك يقبل من جنابي سؤالا

[سامي العرفج]

باح العزا مني وضاقت سدودي = مسكين انا ياحظ قلبي نيايا
والصبر عن وادي فؤادي شردوي = والحال ينهش من حشاها حيايا
والعين ذاله عن لذيذ الرقودي = عامين عن لذة كراها تعايا
ياحول ياقلب غدا ياودودي = مثل الشبح لعيون عذب السجايا
بلوا بليت بحب تلعا عنودي = فالشمس من طلعة جبينه تهايا
لولا من اللولو بحلقه عقودي = لقول به من حور عدن حلايا
فاضح ظبي الضاح جيد وجودي = صافي الدجا من نور خده تظايا
عمهوجة ما وقفت للكرودي = مصيونة من حر لفح الرزايا
عسلوجة وابها القرايض انقودي = رعبوبة هرجه يداوي الشكايا
سكرانة بالغي غضٍ عنودي = عمهوجة من واضحات الثنايا
محلا دلوله يوم يقبل ينودي = ومن اليدق ينفح بعصم الروايا
ينساح له قلبي إلى جا يعودي = طاغي بزينه سيد حم الشفايا
يومه تبسم حين صح الرعودي = سكرت انا وياه قبل انتحايا
ياعنبر جامع اتجار الهنودي = يادرة ما قلبوها الشرايا
يدعج بغنج شف من حالي بدودي = وامن اللحم دونك عظامي عرايا
عليه سيل الدمع قرح خدودي = عاين عيوني من بكاها عمايا
يا اهل الهوى عندي ذا شهودي = كل العذارا عند زينه رزايا
بدر الزواهر بالدجا له يرودي = عندي ولا ادري عن جميع البرايا
والخشم حد امصقلات الهنودي = في كف شغموم يحل الخطايا
واعيون تسحر بالزهاهير سودي = نجل تهاوا به سهوم المنايا
ياسيدي لا تمحني بالصدودي = يرث صدودك في ضميري هوايا
ولا تطالع بي نمايم حسودي = ياسيد جيله دع هوانا هوايا
بين النواهد والحشا والعضودي = رصن عساي احيا كما انك دوايا
عقب القرايض منك حزة ازنودي = عنقه تهايف له خشوف الرزايا
اشقيتني وادعيتني تقل عودي = وازيتني واجزيتني عن كرايا
هقوتك لهموم الضماير اتزودي = لولامني من لامني ياشقايا
يازين دعنا بالطرب والسعودي = لنسج بالدنيا وخيره حكايا
ياسيد جيله ياظليل الجعودي = يازين ياسلطان تلع الصبايا
قم بالرضا لي ياعنيد النقودي = مادام في قلبي لحبك بقايا
لو في يدي مال العجم والكرودي = والشام والبصرة وملك الصرايا
سقته لمن يبرا معي في سجودي = وعروق روحي منه هافت زوايا
يالايمي تبلا برمي الركودي = كسر السلاما والصبايا حمايا
فصلين وتم القاف نظم العقودي = فصل على دال وفصل على يا

[سامي العرفج]

آه و اعزاه لمن جفنه جفاه=جرّ هدى النوم عن جلد الصريم
جاك عقلي و اجتهدت و قمت الوج=اتقلب و اجتلد كني كصيم
ذكرن برد الشتا و عصر مضى=جنة الدنيا و لذات النعيم
لوعتن الشبط و احمر السما=عند اهلنا كنه أيام الحميم
آه لا واعبرتي واغربتي=مثل عبرة يونس أو غربة تميم
الى تخلبص وقتنا ذا فارتج اللي=بالمناجا و العطا جزل رحيم
لي مع الويلان هوجا فاطر لي=من سكرها تصطفج فودا هميم
ما حلا زمة امزبر وركها=للرديف امحصره دوشك حشيم
و المرافق و العضود و زورها=ذا لذا عن ذا و ذا عنذا جريم
ما ينوش امعذره راس العصا=صيعرية مغرمه نعم النديم
كن عينيه يوم عين الشمس تبدي=ثم تقلبها كما عين العديم
كنها ذيب الى احدا من جريب=طالع الشاوي والى الشاوي غشيم
أصل ابوها من عمان و امها=وسمها المغزل على فخذه يتيم
شتت الصمان و افياض الحجر=و العروق و ربعة بأرض القصيم
و فيضت و اقفا الربيع و قيضت=من حما دخنه الى وادي النعيم
*يوم جتني شبهرو به و أعجبتني=عذتها بالله من عين الرجيم
نضوة لي يوم تبدي حاجة لي=مثل هذا اليوم و الطارش فهيم
استعن بالله ثورها وسم=و ارحمه ياقاك و اياها الرحيم
كن زوله من شفا روس الطعوس=كنها تاطا على شوك الصريم
قوطرت تشبه فحل شرشاح جل=نهضة جنحانها مثل الظليم
اركبه يومين و الثالث عساك=عند أهل جبه و لو عقب العتيم
و الضحا باكر و فيد تلتفت له=من ورا منبوز وركيها مجيم
و العشا عقبه بديرة عزوة لي=مبرمين ابتوت نقاضة بريم
حي هاك الدار جاره ما يذار=من خلاص النار ذكرة ذا الفهيم
دارنا و ابها ندلل جارنا=جالها من لجالها وحش وهيم
هي شرفنا و اصلنا و هي عزنا= مرجلة رجالنا لو هو ذميم
درها ما حلا ذبول شربها=و امنا يا جعل من عقه يهيم
درانا و اجدودنا من قبلنا=رسومها و شموخها من جديم
كم تعشوا من دونها روس قوم=وادعوا البلدان لعيونه هديم
جعل من عاداه في قل و ذل =او عما ما يوحي الداعي صميم
عمهم لي بالسلام و قل لهم=حاير بالجوف و المرعا و خيم
حار فكري من بكم يا عزوتي=لولبي الراي و لما بي حكيم
يبتصر بالحال عمن زارني=بايت و اصبحت واعزا سقيم
بكرة لي عندكم وضحا خلوج=عذبتني و اشغلتني بالرزيم
حرة وركينها وركي صهات=من حليب الشول و ارقاب الزميم
يوسفي الزين حوري الشباب=تارس العضدين بلهيلا اسيم
اللحظ و الجيد منها و النفس=ما يدروا إلا بشراب النسيم
و العواتق و اللواحظ و الجعد=نور صبح ناشع الليل البهيم
و المكالي هاضمات و الدروف امزبرات=و القرون امذيرات ما ينوشن البريم
و الثنايا لغر در ذبل و الريق در=و النهود من القدر ما لطمهن الفطيم
هل ترا صلب العزوم لو جمع سمت و زوم=اردكه ظبي الحزوم يسفهه لو هو حليم
والتحلطم والدعي والتلطم و النعي=والتمني والتجنّي والتوجد للحريم
و بداوين العرب عبرة لمن اغترب=كل من لا يجل ذل و كلمن لا ظام ظيم
هذا و ذا علم ضمان ثابت فيذا الزمان=من صبر واجلد ايعان و ان بلى بأمر عظيم
ثم صلى الله على سيدا سادات الملا=دليلنا الهادي الما يرضي الكريم

[سامي العرفج]

قال الشاعر الكبير محمد العبدالله القاضي التميمي يسند على الشاعر محمد العلي العرفج التميمي :


البارحة يـوم المخاليـق ضلـوا=نيام والهاجـوس بالقلـب فاجـا
أركبت ربعٍ فوق الانضـا تعلـوا=عيرات يطون موحشات الزراجـا
من جورة الفيحا بليـل استقلـوا=والصبح عند الليث سفر الحجاجا
ابو زيد مقدمهـم لا غابـوا اللـوا=وقربت خطى ربعه وكثر المناجـا
يثني خلاف الربع إلى ما استذلوا=ربعه إلى ثار الدخـن والعجاجـا
عيد الهجافا ريفهـم وان تحلـوا=زوله عقب قطع الخرم والفجاجـا
عد يجونـه مـن بعيـدٍ وملـوا=صملانهم لانش حطـوا لهماجـا
عطوه خطي واسمعـوا لا تملـوا=وقولوا عشيرك فيه مثل الخلاجـا
على الذي بيـن المعاليـق ذلـوا=وبدر البها في غرتـه كالسراجـا
ونهـود كالرمـان للثـوب قلـوا=وبدر الدجا له بالحجـاج التعاجـا
ولفه محين داخل القلـب خلـوا=رمح الهوى من بين الأضلاع لاجا
ياما انهلوا زرعٍ بقلبـي وعلـوا=ويامـا دهانـي بالمعايـا ولاجـا
وياما خطف قلب الهواوي وشلوا=جيش الشقا والهجر وقل المراجا
للروح ياريـف المراميـل سلـوا=بالعون جافينـي ظبـي الزراجـا
يابو علـي حبـان قلبـي تغلـوا=وتبدلوا بالصـد عقـب المعاجـا
ولاقط فينـا يانهـا السـد جلـوا=ولا ايحم المجمول من له تلاجـا
مصيونـةٍ كـل الملامـا تحلـوا=زوله ولا يوم على الشين عاجـا
دونه شغاميـمٍ عصـاتٍ وسلـوا=حدبٍ مضاريبـه لهـن انثجاجـا
افزع لمشغـوفٍ قواديـه ضلـوا=وانا امتحنت وصاحبـي باتهاجـا
جرحي عنه كل الدخاتيـر كلـوا=وانـت لجـرح قلبـي عـلاجـا
افزع لمن له يافتى الجود خلـوا=قلبـه لميـدان العـذارى مداجـا







فردّ عليه ابو زيد مرتجلاً هذه الابيات :



حي الجواب وحي من عوسر اللوا=حيه عدد ما سـاج باليـم ساجـا
أو عد ما هلـت مـزون وهلـوا=اهل السخا والجود بالضيف لي جا
ترحيب احلى من حليـب وتلـوا=سكر نبات ذوب شاهـي وكاجـا
وابها من العنبر مع اللـي تفلـوا=والـذ مـن در البكـار العساجـا
عذب النبا كان النشاشيـد كلـوا=عسار للقيفان مـا كـان عاجـا
عدل الغرايب من ضميـر تحلـوا=مثل المطر بامر الولي باندراجـا
عينيك باللي يوم جا الـب هلـوا=ولا خير باللي ما يهلي إلـى جـا
عسلوجة مامنه الادحـاش علـوا=فعد انهوده مثل بيـض الدجاجـا
إن كان اهل عدم الوصايف تغلوا=سقنا لهم ما كان ناجد ومـا جـا
فان كان مالك يافتى الجود اجلـوا=ابشـر بصبيـان امنـاه العلاجـا
إلى ثار مثلوث الـدوا واستقلـوا=كم راس شيخ عن علابيه ما جـا
كم اطلقوا من عيطموس وخلـوا=شوقه عليه امسلهب الريش راجا
ما قل دل وما كثـر منـه ملـوا=والهرج كثره يالقطامـي سماجـا

[سامي العرفج]

يا دار



يادار ليت الزمل تقوى تشيلك = عن ديرةِ يادار انا جزت منها
القط بالمسحاة ما يستوي لك = والبيع ما كلٍ يدرك ثمنها

[سامي العرفج]

فراق غالي




الله من جفن عن النوم ذاره = سو البلا والبين بفراق غاليه
وامن الوزا هدبه تغير سماره = وانهل من طرف الشقاوي دواليه
واضحيت من هجر النيا والعزاره = حيران مدري وش يرمي الدهر فيه
مسكين ما بي فطنه واعتباره = حرقان قلبي حرقتني تمانيه
والهم والهوجاس به شب ناره = والويل والولوال عن مال يسقيه
مستاسر عقب العيا والحساره = يحول حال الساق وانعاق نابيه
ثور إلى ما الصبح شع انفجاره = من ذروة العارض سقا الله واديه
والعصر من دار الندا والنعاره = ملفاك ابن مسعود شهر تقاويه
تسبق على الجودا يمينه يساره = منا هي عون عادته عون راعيه
منها الحسب عينه سوات الشراره = وان حال من ضرب المنايا عدا فيه
يامنتها من صفقته العزاره = واتعوس بقعا كل يوم تفاجيه
عشيرك اللي للمها صار شاره = ياحول جاته علته من مداويه
صار السبب لي عقبما القلب كاره = زعج القوافي والطرب مع قراجيه
غرو دقاق الزين والملح كاره = سكران حبه سفه القلب تسفيه
به من تهايا بنت عمران شاره = والدر والجواهر والاشهاد في فيه
مع حسن يوسف خالطه حسن ساره = والموت لحظه إلى برقت لواليه
سكران به من خرد العين شاره = براق خده شمس مظلم لياليه
لانضاح نوره وانكشف عن خداره = بدر تجلا بالسما بامر واليه
سلطان جيله عنه عيني سقاره = كامل حلايا الحور غر التشابيه
قال العشاره ياصبي والبشاره = لك والغريض اللي بقلبك نوافيه
قلت اعذر وسامح ما عليه اقتداره = ياروح روحي خايف من قوافيه
وامبرمه كالرخ بدلا داره = وابريم كالدال في صفح صافيه
الصاحب اللي قد هزعنا جداره = اللي جنا لامي وانا مغرم فيه
ضب سمى اصويحبي به جباره = وافصيص ياقوت صما لام صاميه
ساعة تملا من جوابي احضاره = قم ياسعد في رد عجل بنا فيه
عجل قضا نظم رمينا اجماره = وعزم وحزم كفا فيه ما فيه

[سامي العرفج]

طاب الكرى




بالطيف خلي يالسنافي لفاني = العفو ما اطول خطوته ظبي الاقفار
جا من كثيب الرمل يازيد عاني = جنح الدجا به سار يامسندي سار
قلت السبب قال الله المستعاني = تلومني بي سم ناب الحنش سار
لولا السواعد والضلوع المحاني = باح العزا والقلب يامهجتي سار
ساعة جرى المكتوب والخط جاني = علمك فجاني وأنت يا متلفي قار
لو أن فيك أو بك ربع ما قراني = عندك وأنا بي ناب غلث النيا جار
ياذا لساني لو عذلته عصاني = والقلب عياني وأنا ادور الأقطار
مثل الوحش يكفخ بيد مغرماني = والا الشبيلي طار من كف صقار
ياروح روحي ياعريب المجاني = أنا برجوا شايف الذر بالغار
يجمع بلاما من بلا وابتلاني = سار المقدر والقدر بالقلم سار
لو دونه الوادي ونفذ العداني = خضنا النقا عمداً ولو كان مصقار
واطوايق نكبناه مربا السماني = والفجر سهمنا على دار من دار
على قبل اليوم سحرا اعماني = وامن العجايب ياهلي وقت الأسحار
ساعة تناوشته بروس البناني = اصحا وطاب لي الكرى واستوا الكار
لما سقيته من ثماني سقاني = وحييت وبحاير روض الحيا دار
عليت وانهل من ثمانية ثماني = مقدار معشار لما بيننا دار
اقطف ثمر بعض النهود امتجاني = خمسة آلاف ياعلي يطلب الثار
فللهوا يازين محد لفاني = عقب العبث والدل بدل بالأنكار
مالي ومالك ياظبي المجاني = ياخزندار الزين ياسيد الأعفار
يازين ياجنديل خرمس مكاني = ياشمعة الدهليز جذوة هل الدار
توري بلين مطلق الخيزراني = نور زها نور يشرق بالأنوار
عليه من طرق اليدق ديدحاني = وحزيم مثل النقا غب الأمطار
كن الجعد بالزيت والزعفراني = بين العواتق واللحظ فكرنا حار
برق تلالا بالدجا مرحباني = منها ابتسم وأحيا ورق ميت الاشجار
لا لولو ياشوق يزهي بياني = صبح يسوق الليل بأمر الولي سار
إلا ان صفايا شوق شانك وشاني = لا رز رايات الفرح يم الأقطار
ياصخيف الأقدام نجم اليماني = تقول انا وياك ماصه ومسمار
هذي دواكيك الفكر والتماني = وإلا مع اطفال المها جتك الأنذار
شبنا وتبنا أحمد اللي هداني = واسعودنا ذعذع ونور السعد ثار
من ترك الشهوة وللنفس هاني = واستن باثار النبي يطلب الثار
هذا جزا من يامن المودماني = إلا ان اسيود راس ياناس مكار
الجاعدة لولا إن ذا اخر زماني = كان استدل بقول بيطار الأشعار
راعي الحساني ينجزي بالحساني = وامقابله بالصد عند العرب عار
يابو ضواحك لازهر قحوياني = خمسة تخاميس عليه الحيا دار
لواحظ طالت فنون الزراني = عن الهوا والشوق يلعون مندار
ياظبي شم واشتف وله بزرقاني = من طلعته ما ذير يوم ولا ذار
وإلا فلو ان ربع ما بي فباني = ذاب الصفا من ولب عطبين الاذكار
كم طوعوا من فرز قوم حصاني = راسه يفوح من السكر تقل خمار
ازلجوا دماغه بالرسن والعناني = وامساك فولاد وحجلين واهجار
رفيقهم يسقونه النقرحاني = وحريبهم يشرب قواطيع الأمرار
كم ميمر قدره جهام السناني = مفيد ومتلاف عديم ومغوار
حربه وحطوه النشاما عراني = ذلقه وردوه المناعير قنطار
امطر عليه ابمرهش له مثاني = ومجيب الشبيلي رعدها إلى ثار
نثره سو الموت المصفا عباني = ولما كفاها الله ميلات الأقدار
ياضي لميع بروقه الهندواني = ربابه الرايات وابكار وامهار
حقت ولا بقت قد ومرمهاني = بمدردح القصدير قصاف الأعمار
اركب عليهم بالعنا والهواني = وصب الغضب من فوقهم صب الامطار
اذهب جياد الخيل بالديدحاني = واللي سلم خلي على دمنة الدار
حاكمهم اللي طول ذا مكلماني = جلى وخلي قاعد يقرع الطار
واعمان هان ولان اقصى دواني = وامام مسكت جا على حسن ما صار
صفاق عمل الراي حر الظماني = مطفى الهيجا للأرقاب جزار
لموده الين من دمث رحرحاني = وللضد أقسا من شخانيب سنجار
نمر الضواري للنشاما اعراني = فهد الزراج ولرقط الريش نثار
ادخل على الباري عن الشقلباني = وعن عين غيار حسود وعيار
الماهر الجضعي رقيق اللساني = الساحر الملاق بالوجه قمار
يوري نقا صاحب وهو بيزواني = للشر جلاب وللسب بذار
جربي اروغ من ثنى الحصاني = جواظ مشفوح من الغش جوار
بالمسمعة والدرسعة iiهوذلاني = يركض لذا ولذاك جربوعة الدار
انجس من الخنزير والبيزواني = مركى بعرض الغافل القار منشار
مالوم قلبي لو غدا بهلواني = ولا لوم جفني لو جزا تقل نطار
يازيد زاد الويل والحيل واني = ويش الحول يازيد في خمسة اسطار
أول سطر فلح الشفاوي غشاني = وثاني سطر صب الثميدي على النار
وثالث سطر يازيد صالح كواني = واركا على رمانة القلب مسمار
له قدرة وإلا فنا مسلماني = واشفق عليهم من تواعيس الأقدار
على النقا يازيد نمشي بياني = ولا الخيانة ولا علام الأسرار
تم الجواب وتم جزل المعاني = بازكى صلاة الله على خير الأبرار

[سامي العرفج]

قال الذي قيله توالا على لا=كالحص والفيروز عذب تلالا
صرف بعرفٍ داخل الفاظ ما فاض=عذب تحادا من لبيب تلالا
نضد نهض عجل عجيب تلولوا=يافيض فان الفيض علا تلولوا
ابيات مبريات نضات لولو=كالدر يسكر به حلا ما تحالا
بامر الولي مثل الهماليل تالي=خص المبادي عاجزات المتالي
احلا من السكر بدر المقالي=عذب تلالا من ضميري تتالا
لطايف يشتاقهن من تعلا=غرايب طافت على ما تعلا
وانوج من العنبر على من تعلا=كلايف من حاذق آلا
يهدا لضرغام إلى جار قتال=وانهل مثل البارق الغارق التال
له هدةٍ يضرب بها البارق التال=عذب السجايا للسبايا جفالا
عبدالله اللي باللقا يالف الشال*=ضار زجر ضاري لمن صال فشال
ربيع إن جو وقت الامحال هشال=جزل تسلسل من نضايض اجزالا
غيث الملا وان قل در المعاسيل=والخد من شد الغرابيل ماسيل
ثنا عن السايل عن الزاد ما سيل=محى الندا والطيب زاكي الفعالا
رسم بنا بيت الكرم بعد ما زيل=واحيا الندا عيد المراميل لا زيل
لبق جنابه ترتجيه النزازيل=وعلى العدا اقسى من رواسي الجبالا
عن الوطن وحماه كن الرجل جل=فرز الوغى ان صارت عيونه تجلجل
كم دايخ لجلج بيمن الحجل جل=بين العريني وادهم للعرف لالا
يامن نهار الكون لا عاش من سج=يامن عن اشوار العدا والهمج سج
ابوك يالنادر لعلمي سمج سج=كيف الحول يامرهج الصد الا
يافارس الهيجا إلى الضد ما هيش=ياملتجا اللاجي بجاش النماهيش
انا ان حكيت الصدق قالن ما هيش=وان قلت له فكر بلا قالي لا
يامن نهار الكون ماهاس منهاش=أبوك شب وشاب ما شاف منهاش
لو كذبن واهتال ماهاش منهاش=من عذرنا لمن ابتلانا جالا
يامن نهار الكون للدم نثار=يامن المشهور المناعير عثار
إن طنب العرزوه فيها مع الثار=كم راس شيخ من علابيه مالا
من كف أخو طرفه ضحى السام لوما=لوما السبايا يامروي حسام لوما
ياشيخ يامن عاش ما داس لوما=يامن نهار الكون للقرم يالا
يامصطم الصبيان ياذيب الايتام=يامن تلوذ به الضعايف والايتام
مادام راسك ياحما التال لي تام=فانا بزين مايق ما ينالا
ياريف هشال تلافوا تلافا=والسيل من غير الدهر ما تلافا
والزاد شحشح والقوافل تلافا=على الفهد غابي قريض العيالا
يامرتجي الشاكي حجا اللاج لاهين=أبوك يالملات لاهين لاهين
يامرجف الغارات ذا لحين لاهين=والا ينوح من العباير بدالا
أبوك يالنادر عن الدار عزان=يامن على ميلات الاقدار عزان
ياشيخ يامروي شبا ذراع الزان=ابصر بروعي ياحما الجار حالا
ما عنك انا ياشايع الصيت خفيت=ياظل راسي لو تلزيت خفيت
يامن عن اكدار الدهر ما تخفيت=لامر ياهجر السبايا قتالا
ياشيخ ياوالي حزوم خوالي=أبوك ألا واعزاتالي خوالي
شورك على ما قال اول خوالي=ربع احباب لي بحال ومالا
أبوك بجزلات الصنايع لزبني=وبجاه عطرات الفعايل هزبني
عادة خوالي بالمراميل زبني=والي الدهر من عقب الامجال مالا
يامن نهار الكون من تاه بركاه=نميت راس الضيف إلى زل مركاه
الذ للاجي من الدر بالكاه=ولجاره احلا من غدير الزلالا
ثبت يالمنعور وارساك مولاك=يامن تعدل من تمت يدك لولاك
والله يامن جان ياشيخ لولاك=لاطلاه ثم ابراه بري الخلالا
والله يامن جال لولا اداريك=لأرويك ياشيخ نظم تداريك
شي سمع دان غريب المداريك=عندي دوام ياشقا الخيل عالا
والله ياعز القرايب احجا الجان=يمشي خسيس للبرايا نعالا
وحياة من انزل تبارك مع الطور=لولا نداري من ضحا الروع مسطور
لادعي العباير به من الشام للطور=تذكر وتحكي في اليمين والشمالا
يامن بطرفه لانتخا راج الأمراج=يامن إلى راج العفو راج الأمراج
كم غارق من هدته يرجي الافراج=إن عاد جرح والركايب هزالا
ياشيخ عفن عن كثر المطاليب=وافزع معي ياليث فرز الوغى ليب
ياجازيا ياناطح اوجيه المغاليب=يافادي الناصي بحالا ومالا
عفن ودفن إلى شفتني جاي=بهلا وترحيب وقم لي وقل جاي
يامن على ميلات الاقدارملجاي=بني بعلم الصاع كاف ودالا
قل يافتى لبيه ياشاكي وفه=لي وفت بالظاهر عن السد والخفه
يامن عليه الركن واعتزالي خفه=لي عن وهج لفح السمايم ظلالا
تم الجواب بهجر نجر ملالا=مني توافا مع مياله ملالا
الب والطف من ابني خرد العين=جواهر لمة على يا ملالا

[سامي العرفج]

بالله يا ركب



بالله ياركب ان نويتو تمدون=يا اللي على نسج المساجي تردون
تكفون في روس المتايه تونون=بالهون لا هنتو عسالي تردون
روس النضالي لا عديتوا مرادي=مفجوع يامترحلين مرادي
تحملوا مسكوب غاية مرادي=مهلا عسى من سو الاشرار تنجون
بالله عليكم ساعة يا نجاجيب=عوجوا بالايدي لي ارقاب المناجيب
اصحو فلاتنحون ما دمت اناجيب=منظوم مرتكب النبا لا تعجلون
ياركب مهلا ما عليكم فواتي=ردوا معاذر هرب كالغواتي
هذاني دنيت القلم والدواتي=وادنيت كاغد روم وابديت مكنون
اكتب سلام عد ما شد منقود=أو ما بيامين الملا عد منقود
يهدا لجيد ما وطا حد منقود=فرز التغازي عنه الابطال ينحون
بزكا سلام عد ما ورد ماعد=جار جرا لولا الوراريد ما عد
من لب قلب عد ما ورد ما عد=اوعد ما الرحمن فرج لمديون
أو ما مشا الوادي ورعين الانفال=وماحدا الحادي وقيلن الامثال
أو خلاف الفرض جرين الانفال=أو ما جرا باللوح كاين ومكيون
سلام أغلى من قماش النواشي=والذ واحلا من زلال النواشي
لفح الذعاذع له توازن نواشي=ابمقر لجا عن واهج القيظ مصيون
أخن واحلا من حريم الحوالح=وافخر من العنبر شميم الروايح
وابها من النوار عقب الروايح=طيب وترحيب تعلا عن الدون
لطف لجا من قلب صافي لصافي=كالروح جت من قلب صافي لصافي
عذب عذاها عدل زاج بصافي=أو ما تعروا بالمحارم يلبون
لمن استطاع القادة الروم واحياه=حاش المراجل كلها والندا احياه
سقم العدا من لاح بالكون محياه=ورمحه لمشهور المناعير مقرون
مطفي لظى الهيجا اذعار المداريع=مسدى سدا الجودا اسناد المفاريع
مهفي مقام الترك روس المهاليع=جزل العطا ذيب السبايا ضحا الكون
عنوى عمر علت اعيون الجواري=احق واندا من حقوق السواري
للضد وحش من ضروم الضواري=والحاره الجا من ظنين لمظنون
يامن لعمارة عما الراي دمار=يامن على رسم الثنا ثار عمار
لك اشتكي من عارض فارع مار=واجادني بغزال عينيه بلعون
اجا دني عجل بنجل بهن صرف=واوزا بحالي من تعوس النيا صرف
لا طايع عذل بقتلي ولا صرف=بالله سلطان الجوازي جرا العون
عطاف لقلوب الزهاهيف خطاف=عفرا بغر خدودها تفنن الطاف
بالي لها لو بالحرم كنت انا اطاف=وان ما منيت اليوم بمناي فنعون
إلا إن جلا الباري عن الهم بينه=وادنا بعيد الشمل بيني وبينه
والا فلالي عن لقا الموت عينه=إلا ان نووا يسعون بالعلج فدعون
عساني انظر سيد خمص المساعي=واعل وانهل من لماها عساعي
يامن بلاما المتسحجين ساعي=يالليث يامروي شبا كل مسنون
بدر الدجا الكامل ادقاق الجمالي=ما ارضاه يامحي الندا كل مالي
ويش أنت تعشق ياحما كل تالي=يامن احجاه بها المجلين يلجون
نور الغضى لا شمس لا صبح منضاح=والعين من وضاح لا مشرق الضاح
لا خشف لا لا ولا ريم ضاح=واحجاجها لا عين لا صاد لا نون
لا كاس لا سكر ابيض ذبابل=معسولته لا رد عرب لا بابل
واحسرتي به موت به من سحر بابل=غطروف عن جسرين الاولاد مصيون
نهدين نابيات ما قط مزن=كالدر ما من شبت العمر مزن
فيها الضماير وان تلزن تمزن=واعزتا لي منه ابا موت مفتون
عن من عنالي عنوة عيد الاضحا=حور التماري حسرة العين وضحا
تلعا لها غر بدجا الليل وضحا=بالتيه تفضح من تدنخر على الهون
صافي البها غدنان ريان فتر=الوسط مسلوب والاجفان فتر
وقفت عنده حاير قال فتر=شوف الحبايب ما جلن غل مفتون
صفقت من فرقاه خمسي بخمسي=وحبه لحا حالي سوا اصبح سوا امسي
مسن عسا ذا لساع نوك سوا امسي=قوا السبب لي يافنا الضان بصحون
ياهيبة العوجا وعلة حريبه=ياشيخ ياهجر السبايا وذيبه
ما تنفع الشكوك لمن لا تثيبه=والعرف ما يعرض على اللي يعرفون
يامن على الدقمان زم المصاعيب=يامن مشا في سنين القصاعيب
ويش انت عاشق يامهدي المصاعيب=مادام بالي ياحما التال مشطون
منما اتورا ياثقل كل مطعون=يامن لك العيال بالكون يطعون
ضاقت مناهج حيلتي يا حجا الجار=يامن لك بختمك تد الارقاب وطعون

[سامي العرفج]

يا ملّ قلب




يامل قلب بيح الولف سده=بيتني لعداي واشمت فيا
ياقلب ياللي شيب الراس حده=بالك تكون المن جفاك ارقبيا
ياقلب من قاضا جميك بصده=لا تقبله لو كان حسن تزيا
عنذاك باب الوصل ياقلب سده=شمل العلا ولشموخ نجم الثريا
الصاحب اللي هج باب الموده=لك ما صفا لحذاك ياقلب عيا
سلطان حور الدور انا ان قلت خده=بدر تجلا ما زرا احد عليا
ضافي الجعد غض النهد يوم اشده=يغر لغصنه ينهصر في يديا
مالي فدا له لولي أموال جده=حيثه لي الجا من حدا والديا
وإن غبت يوم قال ذا ليوم وده=والاعي الورقا ونومي اشويا
وافي حشاه انسان شد الأشده=وسلاني عن رفقة أخو كل حيا
للحد ورب البيت ما ريت قده=والزين من عذب الثمان شرفيا
وإن نقض مجدوله وكده ورده=واقبل يغطر فلى بهيو وعيا
خميت عنقه وانهصر زاد وده=وارويت من سكر نباته ضميا
وادعيت خده ماينول المخده=وامن السكر بي ماعن الله كميا
لولا اثويبه شد نهده وقده=وامنجم بالوسط زاويه زيا
واذويب والعيستين بخده=واذبلتين كان انا اقول ذيا
عفر غريب الدل مجمول بده=كنه على زمة شبابه اطبيا
الجى على اللي ترتجي الناس مده=محى النما بالما رجا كل حيا
يجعل صفات اقلوبنا بجرهده=ومودة تلجي بلطف خفيا

[سامي العرفج]

هيض الغرام






قالها الشاعر بعد مغادرته لبريدة :





هيض الغرام و باح ما كنت كامي= ومن العباير هاض ما كان مكتوم
و التجّ جاش الجاش و ابدا غرامي= و التجّ في لاجي دجا الروح مردوم
و امن العنا يا ناس هيض كلامي=حيف و لا يصبر على الحيف شغموم
شم لا تحامي يا جليل الرحامي=عن درة ضليت برياه مكعوم
دار جفت عيانها و القطامي=يوطا بها وطي الوطا كل محجوم
يا دار عيانك غدوبك ارمامي=ام الذهب ياما غدوا فيك من يوم
و اللي عليك بدار حيك يحامي=يوطا و يودع يقذف المرّ والزوم
سادوا بك القابات و اهل اللقامي=و اهل الثنا و الكار يا دار لك قوم
فيك المار وا لغاد يا دار نامي=و اهل الثنا رجالهم تقل مسموم
دار بها الداشر غداله سنامي=ياخذ عليها منعم الراي معلوم
شريرة يا شمّ النشامى الحشامي=و الدر بالسكر مع الهضم زقوم
في ديرة الغربة غريب نرامي=وامن العباير ذربها اليوم مدقوم
رجالنا كنه من الهم رامي= و الا عليل مسته سقوة الروم
لعزاك يا دار الندا داك دامي= و لعداك الذ من الشهد يومك اليوم
من يوم شفت ابها الجفا من عمامي=بعت الرجا بالياس منها عن اللوم
امشي بها و اتلي العصا تقل عامي=و شر السبب محظر ياما وقع دوم
*لا شك ما تنجي الحذارة مدامي=و الذلّ يا صبيان ما فكّ ميشوم
بار العتيق و كل حد الحسامي=و استنعش الميشوم و استفرس البوم
ان سلتني يا شيخ عما جرى لي فتراي مهضوم و لانيب مرحوم
قلت الشريعة يا ربيع اليتامى=قال ايه يا ظالم النفس معدوم
وقفوا بي العانة و داروا احزامي=و لما قسى عن لمتي عزبا اصوم
و عذره و سيع يوم دهمك اعظامي=قال ان غدا النار مع مدرج الحوم
ترعا بها العربان نبت العدامي=ترعا بأخو طرفه حجا كل مضيوم
لا شبت الهيجا و ثار الكتامي=و ارمي على عجل التواثيب ملهوم
لا اوما على الشران و الموت حامي=كم راس شيخ عن علابيه مزموم
يا له ربيع للنشاما الحشامي=و بدكته حقّ للاجواد مرسوم
ريف الضيوف الى تلافو اعيامي=الى شحشح الرعاد و الزاد معدوم
فلبت من فوق عراين اهمامي=نذكر محاسنكم على الذل كسوم
هوارب دوارب كالنعامي=علاكم جن من صماصيم علكوم
يرمن بنا في دورة ما ترامي=عنها ردي الخال جاد و مفهوم
اما جليت الهم هو و الهيامي=و احييت ذكر بأول العمر مرسوم
و جليت مر في دجا الكبد طامي=و لا طعمت يالقادي ايمام و ميموم
و الا فالراحة و جنة مقامي=و العمر صيوره و لو طال مقصوم
حل الرحيل و باح ما كنت كامي=بزكا صلاة للي عن اللوم معصوم

[سامي العرفج]

قصيدة أرسلها الى الشاعر عبدالله بن ربيعه (شاعر الزبير) ، الذي امتدح ابو زيد و كان لهما مراسلات شعريه



نفس غدت به قايد الريم شاها=اللي رشوش قرونه الشقر شاها
يسقين كاس فيه مثل البرد صين=كالجوهر الصافي على رسم شاها
شاهدت برق غرة الشهر منشاه=و احيا معاليق البساتين و انشاه
سبحان رب صور الحور و انشاه=من تربة الجنة و طيبه و ماها
ما لي احذاه من العذارى مشاهي=اغلى على وجه الوطا من مشاهي
اللي لبوسه دايم الرنق شاهي=رد السلام بجاه عمّا و طـــهَ
طه طراي طاري الهم بحشاي=و افراقهم صارت من اسباب وحشاي
بفياض بهجات التماني رتع شاهي=يرعا جنا جنات ناعم جناها
ينمي نبات احشاي بعد انتشايه=و اخضر عودي بعد كشف الغشايه
اغشى الحشا طفل تغشى بشايه=شغل العجم للشوق زري سداها
أسدا سدا المقلوب يوري اوحاشه=يوري بلين ثم يوري اوحاشه
عجل بقبري و الكفن و الوحاشه=روحي و ناله ما قصى من قصاها
اقصيت من قلبه ببحر الهوا داش=شاه الخشب به بين الامواج منداش
خلي بميدان الملابيس منداش=للخيل ذمة هيبته في احذاها
اجذيت صاع الزوم زماط ببلاش=اللي هروجه تبلش الخاطر ببلاش
دنيا غدا به ضاري الهور ببلاش= و البوم و الغربان لحقن هواها
هواي غرو في لقاه اهتماشي=ما برد الشر به بطيب و ماشي
حيران من فرقاه و العقل ماشي=و الروح كلت من امزايم شقاها
اشقا و عند الناس بلواي ما هيش=يزري على اللي الا هاش ما هيش
ور ربا في جال فدان ما هيش=يرعا خراص من شجرها و ماها
ما وبل مزن الضيف يسقي الظوامي=بيني و بين اوصال خلي مظامي
يالليث ياللي خاطرك ما يظامي=احشاي ضاق وضيم بقعا فضاها
فضاه و لا لي بالدنيا من يساعد=بالعز سقيته بزند و ساعد
باح العزا هبت ارياح المساعد=للبيض اخذوا منعكم من ضباها
ظبي ظريف عذبن باجتواله=عليه في جنح الدجا نحت واله
آمين جعل بحق ياسين و آله=تسكن بلابيل الهوى عن اغناها
اغناها تطرب له طيور المعاليق=الضيم بيّد مهجتي و ارتماها
ارمي و رميي بالعماهيج خاطي=وشقن شق بالحشا ما يخاطي
يا زين فعلك في مصافيك خاطي=ارفق ترا الدنيا سريع قضاها
تفضي و كنك ما تهنيت ساعه و ساعه=و لا بديوان الفرح بتّ ساعه
يا ما عفى الله كم ساعه و ساعه=تجري دواليب الفرج من سماها
سميت انا باسم من نزل الطور=و انشى دياجير الدجي و اشرق النور
سبحان ربّ صور الحور من نور=كالبدر نصف الشهر يوضي سناها

[سامي العرفج]

بالطيف خلي يالسنافي لفاني=العفو ما اطول خطوته ظبي الاقفار
جا من كثيب الرمل يازيد عاني=جنح الدجا به سار يامسندي سار
قلت السبب قال الله المستعاني=تلومني بي سم ناب الحنش سار
لولا السواعد والضلوع المحاني=باح العزا والقلب يامهجتي سار
ساعة جرى المكتوب والخط جاني=علمك فجاني وأنت يا متلفي قار
لو أن فيك أو بك ربع ما قراني=عندك وأنا بي ناب غلث النيا جار
ياذا لساني لو عذلته iiعصاني=والقلب عياني وأنا ادور الأقطار
مثل الوحش يكفخ بيد مغرماني=والا الشبيلي طار من كف صقار
ياروح روحي ياعريب المجاني=أنا برجوا شايف الذر بالغار
يجمع بلاما من بلا وابتلاني=سار المقدر والقدر بالقلم سار
لو دونه الوادي ونفذ العداني=خضنا النقا عمداً ولو كان مصقار
واطوايق نكبناه مربا السماني=والفجر سهمنا على دار من دار
على قبل اليوم سحرا اعماني=وامن العجايب ياهلي وقت الأسحار
ساعة تناوشته بروس البناني=اصحا وطاب لي الكرى واستوا الكار
لما سقيته من ثماني سقاني=وحييت وبحاير روض الحيا دار
عليت وانهل من ثمانية ثماني=مقدار معشار لما بيننا iiدار
اقطف ثمر بعض النهود امتجاني=خمسة آلاف ياعلي يطلب الثار
فللهوا يازين محد لفاني=عقب العبث والدل بدل بالأنكار
مالي ومالك ياظبي المجاني=ياخزندار الزين ياسيد الأعفار
يازين ياجنديل خرمس مكاني=ياشمعة الدهليز جذوة هل الدار
توري بلين مطلق الخيزراني=نور زها نور يشرق بالأنوار
عليه من طرق اليدق ديدحاني=وحزيم مثل النقا غب الأمطار
كن الجعد بالزيت والزعفراني=بين العواتق واللحظ فكرنا حار
برق تلالا بالدجا مرحباني=منها ابتسم وأحيا ورق ميت الاشجار
لا لولو ياشوق يزهي بياني=صبح يسوق الليل بأمر الولي سار
إلا ان صفايا شوق شانك وشاني=لا رز رايات الفرح يم الأقطار
ياصخيف الأقدام نجم اليماني=تقول انا وياك ماصه ومسمار
هذي دواكيك الفكر والتماني=وإلا مع اطفال المها جتك الأنذار
شبنا وتبنا أحمد اللي هداني=واسعودنا ذعذع ونور السعد ثار
من ترك الشهوة وللنفس هاني=واستن باثار النبي يطلب الثار
هذا جزا من يامن المودماني=إلا ان اسيود راس ياناس مكار
الجاعدة لولا إن ذا اخر زماني=كان استدل بقول بيطار الأشعار
راعي الحساني ينجزي بالحساني=وامقابله بالصد عند العرب عار
يابو ضواحك لازهر قحوياني=خمسة تخاميس عليه الحيا دار
لواحظ طالت فنون الزراني=عن الهوا والشوق يلعون مندار
ياظبي شم واشتف وله بزرقاني=من طلعته ما ذير يوم ولا ذار
وإلا فلو ان ربع ما بي فباني=ذاب الصفا من ولب عطبين الاذكار
كم طوعوا من فرز قوم حصاني=راسه يفوح من السكر تقل خمار
ازلجوا دماغه بالرسن والعناني=وامساك فولاد وحجلين واهجار
رفيقهم يسقونه النقرحاني=وحريبهم يشرب قواطيع الأمرار
كم ميمر قدره جهام السناني=مفيد ومتلاف عديم ومغوار
حربه وحطوه النشاما عراني=ذلقه وردوه المناعير قنطار
امطر عليه ابمرهش له مثاني=ومجيب الشبيلي رعدها إلى ثار
نثره سو الموت المصفا عباني=ولما كفاها الله ميلات الأقدار
ياضي لميع بروقه الهندواني=ربابه الرايات وابكار وامهار
حقت ولا بقت قد ومرمهاني=بمدردح القصدير قصاف الأعمار
اركب عليهم بالعنا والهواني=وصب الغضب من فوقهم صب الامطار
اذهب جياد الخيل بالديدحاني=واللي سلم خلي على دمنة الدار
حاكمهم اللي طول ذا مكلماني=جلى وخلي قاعد يقرع الطار
واعمان هان ولان اقصى دواني=وامام مسكت جا على حسن ما صار
صفاق عمل الراي حر الظماني=مطفى الهيجا للأرقاب جزار
لموده الين من دمث رحرحاني=وللضد أقسا من شخانيب سنجار
نمر الضواري للنشاما اعراني=فهد الزراج ولرقط الريش نثار
ادخل على الباري عن الشقلباني=وعن عين غيار حسود وعيار
الماهر الجضعي رقيق اللساني=الساحر الملاق بالوجه قمار
يوري نقا صاحب وهو بيزواني=للشر جلاب وللسب بذار
جربي اروغ من ثنى الحصاني=جواظ مشفوح من الغش جوار
بالمسمعة والدرسعة هوذلاني=يركض لذا ولذاك جربوعة الدار
انجس من الخنزير والبيزواني=مركى بعرض الغافل القار منشار
مالوم قلبي لو غدا بهلواني=ولا لوم جفني لو جزا تقل نطار
يازيد زاد الويل والحيل واني=ويش الحول يازيد في خمسة اسطار
أول سطر فلح الشفاوي غشاني=وثاني سطر صب الثميدي على النار
وثالث سطر يازيد صالح كواني=واركا على رمانة القلب مسمار
له قدرة وإلا فنا مسلماني=واشفق عليهم من تواعيس الأقدار

[سامي العرفج]

قصيدته بعد وقعة بقعاء سنة 1257هـ و التي هزم فيها أهل القصيم لأسباب تطرق اليها
الشاعر رحمة الله عليه .




آه من همٍّ مكسّر بالضلوع=مدويٍ بالقلب يا مشكاي جاش
احترق جفني و عاف من الهجوع= عاج دمع العين عن موقه و شاش
جت على حدّ العلامة زود بوع=في ثمرة القلب ما عنها محاش
من تدابيره مصانيم الدورع=خيلهم عقب السهل تاطا العفاش
ذا قدر والي القدر ماله منوع=ما كتب باللوحمل مل عنه انحياش
مير حكم اللي عبيده له خضوع=عالم الجهرا و لا عنه اختفاش
يا منجي السفن من غبّ الطبوع=لا تنجي من علي شاش النشاش
تفّ يا قومٍ يبارون النجوع=رايهم مع بدوهم ما قطّ عاش
خصّ (بن مجلاد) و البوّ و الهموع=بدلوا ذاك المنافش بالفشاش
ركب ابو سرّه على الصفرا اللموع=قال يالقصمان مافيها مهاش
قال شفوا ربكم راحوا منوع=هيه يالقصمان ما منهم بقاش
دلبحت شيخانهم ما به ارجوع= ما بهم من ردّ للساقه و هاش
في اركونه مثل براق اللموع=و انقلب بالهند و الميدان شاش
خليت شيخانهم طرحى صروع=في نهارٍ حلّ تفريط الكباش
و اقبلوا شمر يجرّون الفزوع=مثل صولات الدباوان جاك ماش
مشهرينٍ فوق حسنات الطبوع=في نهارٍ من بغا الشوشات شاش
مردفينٍ كل عسلوجٍ فروع=كنهم وصف المها بيضٍ نشاش
ردّوا الفتنه لزينات الطبوع=ورّدوهن وردة الذود العطاش
و الحقوهن قفلن عقب جوع=و زيّدوا باكيال زينات الحشاش
ذي بحافتها و اخرى بالضلوع=ان قذفنا السن ما جن بجراش
ذاوفي قلبي من الفرقا صدوع=تحسبون الشيخ مسبورٍ بلاش
آه و اويلاه ذا سابع اسبوع=لا تبيّن لي ولاعني خفاش
ما حسبت انه يجي ردّ السبوع=و جن في الهيّة جراش
ياهل العادات ذا وقت النفوع=شيخكم في وسطكم ينخى النشاش
افزعوا للشيخ في وسط الجموع=واجعدوا راسه بسلات النماش
كيف عقب الشيخ و اجواد الربوع=تشربون الما لو كنتم عطاش
كيف عقب اللي لكم لطفٍ وروع=تاكلون الزاد لو زان المعاش
تحسبون الهرج في وسط الجموع=هرجةٍ من فوق زينات الفراش
او تحسبون التفاخر بالزروع=او تصاريف الذهب،وش ذا القماش
التفاخر خصّ في حدب الضلوع=لا تحسبونه تبي تصفي بلاش
التحلطم و التلطّم و الدموع= للحريم و مثلهن ذاك الخشاش
و الرجال اللي كما وصف الطلوع=يبردون القلب عن مافيه جاش
يقتضون بكل هنديٍ بلموع=عن صدى المكنون يجلون الغشاش
ليتهم و البيض حسنات الطبوع=في هواهم كان ما من ذا جراش
و لا بقا واولافهم لوهن وضوع=من يلايمهم على طيب الفراش
و ان جبرتوا كسرهم عقب الفجوع=رشّشن جيوبكم في عطر شاش
جمعن في عطرهن من كل نوع=خمّرنّه للذوايب بالفراش
ثم و صلى الله على سيد الجموع=ما هما نوٍّ من الوسمي طشاش