ياويل قلبي

[بدر بن عصاي]

الأخوان في المنتدى مشرفين وأعضاء وزوار
بعد التحيه
اليكم هذه
القصيده
اتمنى ان تنال استحسانكم

ياويل قلبي من الفرقـى وياصبـره
وياصبر قلبي على الفرقى وياويلـه
ياشين وقتي ووجه الحـظ ياغبـره
اليا زهمتـه لقيتـه بـاردٍ حيلـه
يامسبب الجرح جرح القلب ياكبره
وانا أحسبك ترحمه واثرك ناويلـه
بيدك قتلته وبيـدك حافـرٍ قبـره
ومن قسوتك شيعه ويدينك تشيله
العظـم لوينكسرتعديلـه بجبـره
الموت كسر المشاعر صعب تعديله
وان كان جف القلم مااسعفني بحبره
بدلته بدمـع يحكيلـك وتحكيلـه
والياتماديت بالتجريـح باعتبـره
دورٍكشفته ولو تبـدع بتمثيلـه
لأن قلبي كسب من وقته الخبـره
مايلتفـت للمقفـي لويناديـلـه
واليا جفاني زماني وشهي الدبـره
يحط جفواه مـع ضحكـة مهابيلـه
من عاشقك كل عاشق يآخذ العبره
مدام عاشقك ماجفـت مناديلـه
والحزن ينسى ليامن جفت العبـره
أنساه لـو انـي اغنـي مواويلـه
والثوب لامن لبسته مانفع شبـره
لاصار ماتشبـره قـدام تفصيلـه
بدر بن نايف بن عصاي