(((((ديوان الشاعر/حمدعبدالرحمن علي المغامس المشرفي الوهبي التميمي))))) الوردي

[راعي الخطامه]

نبذه عن الشاعر/

هو الشاعر/حمد بن عبد الرحمن بن علي بن عبدالرحمن بن عبدالعزيز بن حمد بن مغامس من ال مشرف بن عمر بن معضاد بن ريس بن زاخر بن محمد بن علوي بن وهيب التميمي , ال مغامس عشيره , المشرف فخذاً , الوهبي بطناً , التميمي قبيله

الميلاد /خطامة سدير عام 1371هـ
العمل /معلم

سيرته الشعرية /

عضو لبرنامج البادية والخيمه الشعبيه بإذاعة الرياض ,قصيده (سلام الله على من شب ناره في ظلام الليل ) مثل بها التراث السعودي في اليابان (طوكيو) حصل على المركز الأول في مهرجان أبها عام 1422هـ لأفضل قصيده سياحية , له مشاركات عديدة في المجلات والصحف والقنوات الشعريه والعامه مثل(قناة المجد-الساحه-الواحه-الدانه-تلفزيون الكويت),وكذلك له عدة مشاركات قويه في الاجتماعات القبليه والعامه كاجتماع قبيلة بني تميم وقبيلة المشارفه واسرة ال مغامس ومزايين ام رقيبه ومزاين قبيلة حرب ومزايين قبيلة قحطان واحتفالات اهالي الخطامه واغلب مناطق سدير والوشم وكذلك له عدة امسيات نذكر البعض منها(أمسية العيينة-أمسية حائل-أمسية في فندق الخزامى بالرياض-امسية النبهانيه- أمسية عنيزه- مهرجان عين دار-أمسية الزلفي- ملتقى البابطين في روضة سدير- أحيا أمسية آل سعيد) كما تم اصدار ديوان صوتي للشاعر ويوجد بالاسواق الان باسم (الوردي)

بعض من المقابلات للشاعر

* جريدة الجزيره تستضيف الشاعر
http://suhuf.net/100348/hi2d.htm
* مقابله خاصه على قناة المجد
*مقابله خاصه باذاعة الرياض
* مقابله بتلفزيون دولة الكويت
*مقابله خاصه بالخيمه الشعبيه
*له عدة قصائد بجريده الرياض
*له عدة قصائد بجريده الجزيره

[راعي الخطامه]

قصيدة الشاعر باجتماع قبيلة بني تميم بديرة السبعان


قالوا علامك تفتخر رافع الراس=متعالي بالحيل حيثك تميمي
ماكن به بين القبايل لك اجناس=غيرك حسبهم مع نسبهم عديمي
قلت النعم بالكل مع ساير الناس=والكل عندي له معزه وحشيمي
يالايمي علمك غيور وحساس=ولاتندفع بالحيل خلك حكيمي
لانيب لا واشي ولانيب بلاس= اش دخلك يومك تجي لي خصيمي
إن كان بي زود بنيته على ساس= قبيلتي معروفة من قديمي
إنشد عن اللي عندهم قوه الباس=لاولعة والروس صارت هشيمي
في وقعه قشرا والارياق يباس=مضرابهم للخصم وسط الصميمي
ماحدٍ يثمن للعواقب بمقياس=فى وقتها مافيه عاقل حليمي
والخيل تصهل كنها قرع الاجراس=من الفجر لاحد وقت العتيمي
خيالها ياما لدرب الخطر داس=ياويل من هو للتميمي غريمي
وقت مضى يوم الامن فيه محتاس=عصر الجهاله وافتهم يافهيمي
ذي لابتي اللي بعيدين الارماس=اقولها والله فوقي عليمي
اللي صيانيهم بالارزاق تراس= فيها الحشو ويا هرافى النعيمي
اللي مجالسهم بها دوم جلاس=ماهوب خالي مجلس اللي كريمي
اهل الدلال الصفر ونجر ومحماس=اللي لهم بالجود شان عظيمي
فنجالها يجلي هموم مع عماس=مدراجها صنعا جنوب البريمي
وحليب ابكار برغوته حط بطياس= من كل علات خفيه سليمي
يشهد لنا التاريخ بحبر وقرطاس=يقراه من هو بالقبايل غشيمي
واليوم حنا للوطن درع وحراس= بدبره ملكنا عل عزه يدومي
رجالنا يفعل ولاهوبهلاس=والبادي اظلم وارتكى له ظليمي
كل تهول بضرب اخماس واسداس=واللاش يحسب مع حساب الحريمي
وصلاه ربي عد مايثمر اغراس=واعدادما نسنس هبوب النسيمي
على نب للمخاليق نبراس= سرنا معه في دربه المستقيمي

[راعي الخطامه]

هذي القصيده بمناسبه اجتماع المشارفه من بني تميم عن ال عقيل في قصر ال عقيل بالقصيم يوم الخميس25/10/1427هـ


سلام يا أهل الظفر والجود والسفره=تعداد مارايح روح مع بروقه
وعداد من زار مكه حج با العمره=واعداد ما أزهر نبات وبان زملوقه
أقولها بالقصر والنفس مستره=قصر هله للمراجل غير مسبوقه
قصر حشى مادخله الخصم بالمره=من هيبته مانهب ضينه ولا نوقه
وقت الجهل والعرب من ضيق وحسره= قصر ال عقيل حشى ماتظرب طروقه
مايقربه كود ضيف لا وصل مره= والضيف عند ال عقيل ياخذ حقوقه
يلقى الصياني من الانعام منهصره=والتمر من غرسهم مجذوذ بعذوقه
من وقت الاول وهذا اليوم مع بكره=بيبانهم ماتسكر دوم مسلوقه
كم واحد جالهم يشكي من الفقره=مداتهم جزله يطلق بها عوقه
المرجله ماتجي بتشخيص بالغتره=مع ثوب أبيض جديد فيه غالوقه
ذباحه الحشو ماهو تيس او جفره=هذي حقيقه ماهيب اقوال مسروقه
بأفعالهم ركدو من راكبه نعره= اللابه العاليه ماهيب ملحوقه
رجالهم بالمراجل كاسب خبره=زود على ذا الحميه فيه مطبوقه
وحنا ال مشرف عدلنا مضيع الجره=اللي مع ابليس يمشي معه ويسوقه
قبل يجي شيخنا والدين به كسره=شيخ له الفضل بعلم وحسن منطوقه
جاهد وكافح وخلى المنحرف عبره=الدعوه اللي دعاها همه وشوقه
صحا الأوادم وهي من قبل مغتره=عن خمس الاركان منحرفه ومصفوقه
حنا هل الدين من فضل الولي جبره=هذي حقيقه بوسط الكتب موثوقه
واليوم حنا علينا الناس تتشره=حذرا دروب الخنا والزود و الموقه
والرزق ابي ناصله لوه ورى البصره=نكسبه بأمر الذي ماواحد فوقه
وإن كانها بالتفاخر هي والشهره=تميم بين القبايل حيل مرموقه
من وقت الاقرع زمان أول لها طفره=بالجاهليه وبعد الدين وشروقه
للخصم عله نحرر لا زاد به وشره=مر العذابين منا لازم يذوقه
خصيمنا مادرى انه حافر حفره= طاح وتكرفس بها ثم كثرة فلوقه
من طاح وسط الجمر في وقتها حره= ماعاد يلقى دوا يشفى له حروقه
من غيرنا بالملاقى عندهم جسره= في وقتها عيالنا مرجج ومطفوقه
من قبل ياتي صورايخ لها شفره = ظرباتها لا اضربت قشرا ومموحقه
والجار نعطيه حقه وافي بكثره= جار السعد مانتردى به ولا نبوقه
وحنا هل النوق والحشوان والبكره=وعكاض حنا نتحكم دايم بسوقه
قبل امس فزنا وبعض الناس محتره= بمزايين إبل جهم بالزين مطروقه
عبدالله اعرض مجاهيم لها نظره= من شافها اهتال منها ودق خافوقه
من ال مشرف وجمال على الفطره=درع التفوق خذه من وسط صندوقه
واليوم وضع الوطن من شاهده سره=أمن وأمان وخيرات على ذوقه
بعد الفهد قادها اللي ما انحرف شعره=بسياسه حطها الخالق بمخلوقه
عبدالله اللي ليا جا شاكي بره=حب الوطن والمواطن داخل عروقه
يجزاه عنا ولي يدفع الاجره=هو نورنا هو شعاع الصبح وشروقه
بذل جهوده وذاق الحلو والمره=لامن نوى نيه فلا شي يعوقه
من الموحد خذ الخبرات والعبره=شبل الأسد خطوته بالحيل ماثوقه
دامه ولى الامر بيرمد الجمره=لو ماترمد تصير الدار محروقه
وسلطان إلى جا الملاقى وثارت الغبره=يضرب خصيمه على جوفه ومعلوقه
لاعطى الاوامرلجيشه وأعلن النفره=صفوف جيشه حشا ماهيب مخروقه
من فعلهم يظهر لنا بجونا كدره=تلقى فلول الخصم تنحاش مليوقه
وقت الرخا من عنا له سليم وشره= مشاعره تنفتح ماهيب مغلوقه
يقولها شاعر بالشعر له قدره=قصايده تنحفظ بالجود مفروقه
الوردي اللي كسب عشره على عشره=يقول زين الشعر ويشيل طاروقه
ابن مغامس مع الشعار له حضره= ماقال باب المعاني صعب من ضوقه
لو غلط غلطه فهي محسوبة عثره=يخاف من لسعة السباب ورشوقه
وختامها عد طير ناح بالصفره=بذكر الذي ايته ليله مع شفوقه
رب كسى الارض بالانهار والخضره= اللي من النار بأمره خلق معتوقه
مخرج نباته عقب غيثه من البذره=من رايح وسطه البراق وصعوقه

[راعي الخطامه]

قصيدة الشاعر باجتماع قبيله بني تميم بضيافة اسرة ال مغامس يوم الخميس الموافق 24/3/1427هـ

يابوعلي أستاذنك لاتقل لا= عطني إذن ياشيخنا لاتأخر
عن ال مغامس مرحبا والف سهلا= باللي حضر عاني لنا ما تاخر
تعداد من زار الحرم فيه وصلى= للواحد المعبود هلل وكبر
ومحلنا ماحلاه دامه تحلى=بعيال عمي وضيفنا يوم سير
اللي يوجبنا بلا شك يغلى=وله شكرنا يستاهله بعد واكثر
حنا هدفنا نجتمع ونتسلى= والدين عن هجر القرابات حذر
نمشى على السنه ولا أحد تخلى= والى نظيف القلب لادعى قدر
على النقا وغيره بها لوقت ولى= في مملكتنا وعزنا ماتكدر
بقيادة اللي بالعلالي تعلى=في دبرته وقت الخى ويوم اقشر
عبدالله اللي به وقار تجلى=كا تحت دبرته ماهو مدبر
طبع التميم لاقبل الضيف هلا=لاجل التجمل يرخص المال يخسر
يلقى الصياني بالنعم له تملى=غير الكرامه عود وفنجال اشقر
راع الصخا له مجلس مايملا=مثله وجنسه بي يقدر ويشكر
دروبه من الهيبه غصيبه تخلى=والجار مايوم بواجبه قصر
ويركع اللي به قشر ويتبلى=لا زاد حجمه يضغطه لين يصغر
ماياخذ من الصيد ضفعه وهزلا=يشهد له التاريخ باليوم الاغبر
ورفيقنا ما نبخسه حق كلا=ناقف معه مايوم منه نتذمر
كم واحد مضيوم ثم اسفهلا=عقب الغبن من فعلنا وجهه اسفر
لاجا نهار فيه نقص وفتلى=حريبنا عود خلافه ودبر
وان كان بعض الناس غاوي وظلا=فالشيخ منا ولا بته حيل تفخر
من جاهد لدينه فذا ويش خلا=كم واحد عميان بالدين وابصر
تمت بذكر اللي عزيز تولى=تعداد مانو نشى بمزته وامطر

[راعي الخطامه]

قصيدة الشاعربحفل بني تميم بضيافة اسرة ال الشيخ في 3/3/1428هــ


دكتورنا يا ماكر الجود والطيـب =عبداللطيـف إلـي هنيـا دعانـي
أقولها وأجهر بها حيثني مصيب= واللي بقلبـي قالـه لكـم لسانـي
خصايل جاته مـن الله مواهيـب= حكمـه وراي وهرجـه بإتزانـي
وإن شانه الأنفس تحسبه تريحيب= ماعاد به عطـف ولابـه حنانـي
من يمدح آل شيخ مايلحقه عيب = أهل الصخى والعف وموضوع ثاني
اللابه اللي ينطحون المواجيب =في وقتنا الحاضـر وقـدم الزمانـي
هم كاسبين العلم وقت الكتتاتيب =قبل المدارس يعـرف لهـا مبانـي
في وقت فيه الشاة توكل من الذيب = وإمامنا اللي فـاز بالإمتحانـي
طاعة ولي العرش هي المكاسيب = وألاترى المخلـوق لابـد فانـي
من شيخنا محمد عضات وتجاريب = درب العقيده جدده ليـن زانـي
جهال علمهم برغبة وترهيب =حارب هل البدعـه جهـار وعلانـي
يجزاه عنا واحـد يعلـم الغيـب = رب غفـور ويرحـم المودمانـي
عن سيرته لوى مؤرخ أباجبيب =في وقتنـا هـذا وقديـم الزمانـي
للمنحرف كايد عطيب المضاريب=لو كان قاسي عودبالغصـب لانـي
صفى له ابن سعود كدر المشاريب =الحاكم اللي عز من جاه عانـي
نصره حقيقيه بلا شـك وريـب =إ ثنينهـم يـا علهـم لجنـا نـي
يومه طلب جيرته ماقال ما نيب = خصيمهـم عشـره غـدت ثمانـي
وللي حضر معنا تحيه ترحيـب =ومكـان آل الشيـخ هـوه مكانـي
منهم وفيهم كل ابونا معازيـب =بقدومكـم نفـرح نـزف التهانـي
ترحيبة من دون شك ولا ريـب =تعـداد ماحـدر مسيـل لطمانـي
لبني تميم مخلصين النواشيب = أهل السيـوف المرهفـات المحانـي
حافظهم الله عن جميع العذاريب = إمقلطين الحيـل فـوق الصيانـي
وكل وهبه الله هيبة بها هيب = مـن القبايـل قاصـي لـي ودانـي
ويحفظ الي لنا حكام ماهم مناصيب = نسل الملوك اللي لهم فعل بانـي
عبدالله اللي فوق روس المراقيب = نجم سطع كنـه سهيـل اليمانـي
من حنكته مافيه كايد ولا صعيب = والمشكلـه يحلهـا إبـلا توانـي
من طلعته لما غزا راسه الشيب =ياخذ ويعطي كـل شـي بإتمانـي
يقوله اللي رتب القاف ترتيـب =شهـادة منـي ولا أحـد حدانـي
وختامها تعداد ماشمسنا تغيب =بذكر الولـى رب جزيـل الحسانـي
تمت ولا عندي لما لقلت تعقيب =أرجى السموحه كان به شي خفاني

[راعي الخطامه]

قصيده وطنيه
هذه القصيده بمناسبة استعداد المملكه العربيه السعوديه للحج وما تقدمه حكومة خادم الحرمين الشريفين لحجاج بيت الله الحرام من خدمات جليله


المملكه تستقبـل اليـوم دفعـات=من جا يزور البيت ماحـد يـرده
بامرك ياابو فيصل جميع الوزارات=حجاج بيـت الله لهـا مستعـده
حطو لجان عامله كـل الاوقـات=متحمليـن الجـو حـره وبـرده
شرق وشمال معسكر واستراحات=من دون مكه والمدينـه وجـده
حالة تاهب بالبحـر والمطـارت=واللي على حدود الوطن زاد جهده
وسعت بيت الله وحطيت ساحـات=وانفاق ضخمه للحـرم مستجـده
ومراكز للطب تصرف علاجـات=مع موتر جاهز للاسعاف نجـده
وكشافه وجنود عنـد الممـرات=واللي يبي مرشد يلاقيـه عنـده
وخيام ضخمه شامله كل ميـزات=تتحمل النيـران والحـرق ضـده
والما يوزع بـارد مـن مبـرات=في كل موقع من بغا الشرب ورده
حتى الطرق سيدين بعدة مسارات=وباصات ضخمه بالمواقف تكـده
الله يمد بعمـر جـزل العطيـات=من يخـدم البيتيـن كـل يـوده
ويحفظ ولي العهد ساس المروات=والنايـب الثانـي بفضلـه يمـده
ونايف سديد الراي رجل المهمات=اللي يتابع كـل نقـص ويسـده
كل الدول تشكر وترسل شهـادات=مجهود يبذل زايـد فـوق حـده
هذي حقيقه مادخلهـا محابـات=من شاف بعيونه بها بـاح سـده
يالله يالمعـبـود رب البـريـات=عـن مملكتنـا كـل شـر تلـده
ومن حج بيتك تغفرلـه خطيـات=وتحميه من نفس تغار وتحسـده
وختامها صلوا على كـل حـزات=على نبـي الله رسولـه وعبـده

[راعي الخطامه]

هذ قصيده بمناسبة اليوم الوطني لمكافحة الارهاب


يالله المعبود علام السريره=عالم اسرار الخبيث المخبثي
تهدي الاشرار عامين البصيره=قبل سيف العدل يسنن ويعثي
العبث بالأمن ذي حاله خطيره=وشلة الارهاب تقطع وتخسي
شرهم عم البشر في كل ديره=زمرة تمشي بدبرة فسفسي
غاسل مخه على كيفه يديره=بايع روحه كبيل مقييدي
مستغل عقول ورعان صغيره=عاطلين وفاشلين وحقدي
عله بنار توهج بالسعيره=اعدام اجواد لتهجد سجدي
حاقد على الوطن مافيه غيره=بدبرة الشيطان يركض ويعدي
والدينه عينو منه الضريره=هرجهم يافلان ماشفت ولدي
مالقوا منه صله ولابريره=مالقوا غير الهموم تنكدي
من عقب ماابوه يرسم له مسيره=صار صيده للخباث القردي
كيف مسلم يعدمه رمي بذخيره=ماشي بفتوى خشاش هلسي
لاخرج عن ملته يحكم ضميره=لسمعة الاسلام شوره ودنسي
ماأكتفى بالغربشمل شبه الجزيره=ماعرفنا غايته واللي يبي
جاهل وفتح له ابواب كثيره=شف سلاح الغرب فينا يجربي
مثله وشرواه معروف مصيره=ولادرينا عنه يقطع ويهبي
الوطن ياأهل الوطن مافيه غيره=نانقطع روس كل مخربي
لاعصا علاج العضو ويالجبيره=كل عضو فاسد له مانبي
نرفع الرايه مع سيوف شطيره=راية التوحيد وضحها النبي
مع فهدنا عل مولانا يجيره=خادم البيتين وربي يشهدي
وذخرنا حلالها لوهي عسيره=لاأظلمت نمشي على نور الجدي
مع ولي العهد حكيم يستشيره=عينه اللي ساهره ماترقدي
وابوخالد نعرفه مافيه غيره=درعنا بالجطيش ضد المعتدي
تمت بذكر الله اللي نستخيره=الواحد اللي عن عبيده مغتني

[راعي الخطامه]

قصيده وطنيه

ياهل العوجى نبي صوت رفيع = من بيوت قالها الشاعر حمد
كلنا معكم نبي نشارك جميع = رافعين الصوت شيبان وولد
طاعة الله ثم ابو متعب نطيع = خادم البيتين من عقب الفهد
من مشا وياه ما والله يضيع = نعلن البيعه ونعطيه العهد
حاكم متمكن باله وسيه = ربي اللي واهبه صبر وجلد
مثل عبدالله لنا حصن منيع = نسل ابو تركي مؤسس هالبلد
كل غيث بأمر ربي له ربيع = كل مسلم يشكر الله ما جحد
وابوخالد يعرفه حتى الرضيع = مدته صعبه علينا بالعدد
كم مريض راجعه وهو وجيع = كف عنه الله همومه والنكد
نجمنا اللي ساطع يلمع لميع = هو ولي العهد لعبدالله سند
تمت وصلوا على منهو شفيع = عد من صلى لمولاه وسجد

[راعي الخطامه]

قصيده

عل السحاب اللي تبين سواده = تظفي هماليلة على نجد كله
ياخذ شهر وايام بليا زياده = سحب من الوسمي ودايم تعله
ودياننا بسدير تمشي بركاده = وحلالنا يربع وهو في محله
والبعل ياخذ من تلاعه سداده = والغرس عذقه يالله انك تشيله
وفلاحنا يرتاح عقب القراده = لا جيت له نفسيته مستهله
وسط العريش اللي يشوقك براده = من خير ربي لك سماط يفله
وتخضر ريضان تجيب السعاده = غدير وعشب منظره ما تمله
وخيمه بوسط الشاص بكامل عتاده = يمشي مع الوردي وقدمه يدله
اما شعيب وراط والا الحماده = والا الكسر لا من طرت لي نتله
والشوكي والتنهات ذي لي عاده = مثلي وجنسي مدهل له
وريضان بالصمان غاية مراده = والا عروق النفد وده وخله
وخريم ونوره والحقاقه زياده = وشعبان محارق مع شجرها المظله
مع نقوة عيال وفيهم جلاده = والعود الازرق مع بريق ودله
نلقى مشب النار بين رماده = ومن جمر الارطا قرص جمر نمله
والنوق حولك والفحل به قياده = حليبهن يشفيك من كل عله

[راعي الخطامه]

هذه الابيات تحث على طاعة الله اولاً ثم السعي الى طلب الرزق وعدم اليأس من رحمة الله


الرزق عند الله يبي فعل الاسباب = ورزقك يجي يمك بيوم وليله
ماكل من يبغى الدراهم لها جاب = لو كان راعي راي وبخص وحيله
كم واحد يرمي للاهداف ما صاب = ماهوب صايب دام الحظ ميله
يفتح مشاريع ويخسر ولا تاب = لا فشل مشروع بدا في بديله
من يعتدل حظه للاموال كساب = ويعرف طريق البنك يودع حصيله
ومن طاع ربه ينفتح له مية باب = واللي كتب له رزق لازم يجيله
الرابح اللي زهد وعنده كتاب = يحفظ كلام الله ودايم يشيله
دامه شباب باول العمر ما شاب = ماقل شوفه وطاح منهد حيله
بالخير يذكر عند ربعه والاجناب = وان جا لزوم للربع يرتكي له
ما ينقل الهرجه ولاهوب سباب = ماهوب ناقص راي هرجه فشيله
ربعه يودونه شباب وشياب = ونفسه بها خفه ولاهي ثقيله
ولا يسمع اللي للمخاليق يغتاب = دايم بحاله ما يجي منه عيله
مثل العمود اللي مثبت بالاطناب = يثبت ولو جاه الهوى ما يزيله
لجل الكرم يصرف ولا يحسب حساب = جزل ولد جزل ونفسه جزيله
لا سمع صوت الضيف هلا بترحاب = يمد له فنجال مازون هيله
يقدم الميسور ماهوب نصاب = مثل الذي يكرم ليا جا عميله
ماهوب دعبول تقل بعض الاذناب = يضحك بسنه والدواخل عليله
مابه ثقه متقلب ماله اصحاب = ما يعرف الا حرمته مع عديله
حذرى تجالس واحد منه ترتاب = اجلس مع الطيب وخل الحثيله
تمت بذكر لله عدد غافل تاب = رب كريم كلنا نلتجيله

[راعي الخطامه]

مرثية الشاعر في وفاة امه رحمها الله موضي بنت حمد البرخيل


علم لفاني هزنـي ليـل الاثنيـن=من سبّته عيّـت عيونـي تنامـي
هلّت دموع العين والناس ممسيـن=كني صغير السن وقت الفطامـي
أول نجي للدار بالحيـن والهيـن=الوالده تاخـذ وتعطـي كلامـي
واليوم صار البيت كلّـه معزيـن=على عزيز راح عالـي مقامـي
عقب الظهر بالقبر والناس لاهين=أون أنا ونـهّ كسيـر العظامـي
قلبي مع امي والعمر حول خمسين=ومن فارق امه ياعرب مايلامـي
لاشك أهل البيت ياخـوي غاليـن=هي بينهم نـورٍ يزيـل الظلامـي
البارحه بالحلـم عنـدي تصليـن=صـلاه وتـرٍ كاملـه بالتمامـي
ماقدر المعبـود نقبلـه راضيـن=والموت حقٍ ماحمى عنه حامـي
جعل القبر يصبح رياض وبساتين=يفوح به ريح النفـل والخزامـى
وبجنه الفردوس علّـك تفوزيـن=والحور من حولك ترد السلامـي
ادعي ويدعولك ضعوف مساكيـن=صارو عقب فرقاك دون إهتمامي
وختمها صلوا على خير النبييـن=صلاه رب البيت مسك الختامـي

[راعي الخطامه]

قصيده


يا لله يا معبـود يـا الفـرد الصمـد =تجيب دعوة داعـي لآمـن دعـاك
عبـد يعبـدك للشهـادة مـا جحـد =مدي حقوقك كلهـا يرجـى رضـاك
إلي سكن ها لمملكـه شيـب وولـد= يا ربنا إلـي كلنـا تحـت رجـاك
تديـم هـذا العـز بقـيـادة فـهـد =والي نوانا بشـر تعطيـه الهـلاك
في عهـده الميمـون ماشفنـا النكـد =ما بقى إلا الغيث ينزل مـن سمـاك
مليكنـا المحبـوب طـور هـا لبلـد =ومما عطاه الله بـلا منـه عطـاك
حكم الشر يعه مطبقـه حتـى ركـد= والنور شفته عقب ما انته في عماك
تشـوف بعيونـك مشاريـع جــدد =حتى البحر حـلاه لـك ثـم سقـاك
يا علنا نسلـم مـن عيـون الحسـد =كم أجنبـي منوتـه ساكنها معـاك
نبـي نجـدد لـه ولانـا والعـهـد =محظوظ يالي مثل أبو فيصـل ورآك
يكفي فخر انـه ولـد طيـر السعـد= عبد العزيز إلي بعـد ربـي حمـاك
ورآه عبـد الله عضيـد لـه سـنـد =لاجيت له في مكتبه بأمـر شفنـاك
بالليـل يسهرماهتنـى بنومـه رقـد= يدرس مواضيع لها سياسـه تحـاك
فيه الورع والدين واضح مـع زهـد =وريس حرس خصمه يبي منه الفكاك
سلطان يلي عندك اخـلاص وجلـد= يلقى الفرج عقب الولى منهو نصاك
عدونـا مـن هيبـتـك ذل وهـجـد =يلقاك ابو فيصل الـى منـه نخـاك
ونايف لـه فضـول كثيـرات العـدد =قيد يدين اللي يتسبـب فـي شقـاك
ضيف على الحاقـد ليـا منـه بـرد =لـولاه بعـد الله بسلاحـه رمـاك
البيت ما شالـه ياكـود اربـع عمـد =وانته بوسط البيت عايش في رخاك
وختامها عـداد مـن صلـى وسجـد =صلو على منهو على دينـك هـداك
محمـد اللي باشفـاعـه انـفـرد =في يوم باعمالك تبي تاخـذ جـزاك
اماتعيـش بجـنـة فيـهـا رغــد =وتنزل مع الاخيـار وهـذا منتهـاك
هذي بيـوت قالهـا الشاعـر حمـد =ابن مغامس فرصتـه يومـه لقـاك
من اجـل حكامـه نظمهـا واجتهـد =لوما وفى في حقوقهم ما شي حقاك

[راعي الخطامه]

قصيده نصح



المال نقص عند بعـض الرجاجيـل=لا ودعـه بالبنـك وأهمـل زكاتـه
وراعيه ماينفـق طمـع فيه وبخيـل=كلمة هلا مـا قالهـا فـي حياتـه
ما يعرف أسعار العويدي ولا الهيـل=ولا حقـوق الجـار مـع واجباتـه
ما شب ناره فـي نهـار ولا ليـل=دايـم بوسـط البيـت ويـا بناتـه
يعرف دجاج يصلته وسـط برميـل=غطـاه فـوق الجمـر بمتبـلاتـه
حتيش لو زادت عليـه المحاصيـل=محروم والمحـروم فعلـه شماتـه
مشغول بين الناس بالقـال والقيـل=يلعب به الهاجوس لو فـي صلاتـه
ما هوب راعي راي بالحيل حلحيـل=لو تكربه بالهـرج حميـت حصاتـه
ولا غثته بقعاء وشـاف الغرابيـل=محسوب كنه وحـدةٍ مـن خواتـه
يستاهله من يذبح الحشـو والحيـل=للضيف مـا كـلٍ يسـوي سواتـه
متسلسل من لابـة تعسـف الخيـل=أفعـال جدانـه قـبـل سابقـاتـه
ومجهـز للقنـص طيـر ودربيـل=مـع موتـر فيـه الدبـل بكفراتـه
يطرد ورى طيره بوسـط الغراميـل=لا صاد له صيد نـزل قـال هاتـه
والى ضواه الليـل حـط المعاميـل=ركـب عشـاه ودلتـه مـع تلاتـه
والجسم صاحي ما يبيلـه تحاليـل=ومراجعـة دكـتـور ومعالجـاتـه
وزهر النبات مشكل الأرض تشكيـل=فيـه الخزامـا بزهرهـا مجملاتـه
نور القمـر يكفيـه متعلـل الليـل=مع واحـد كـل المراجـل صفاتـه
في وسط عرق باسفله ناقع السيـل=في خبـة فيهـا الضبـا وارداتـه
وعلى الفرايض دايمٍ حرص بالحيـل=ما يوم عن فـرض تأخـر وفاتـه
حافـظ كـلام الله يرتلـه ترتـيـل=يطلب رضى المعبود ويـا حسناتـه
والفجر إلى صـلاه سبـح بتهليـل=وقرص الجمر سواه وسط جمراتـه
ياخذ ويعطي حق ما يعـرف الميـل=جنـًب عـن الطمـاع ومغالطاتـه
ومن جاه في موضوع يلقى التساهيل=ما يطلـع إلا حاجتـه منـه جاتـه
تمت بذكـر مكمـل الديـن تكميـل=رب يغفـر الذنـب مـع سيئـاتـه

[راعي الخطامه]

قصيده


زرت النخل يا زين مع بيته الطيـن=كتمت سـري والدمـوع أحرجنـي
البيت يشكـي يـوم عنـه تغابيـن=والغرس ها مـل عقبكـم ومتثنـي
من عقب مابه ريح طيب ورياحيـن=أصبح خرابـه والغـرف يوحشنـي
يا عمير وين اللي سكن به من سنين=الجادل اللـي بالوصالـه غمرنـي
اول ليا من جيـت عانـي يحييـن=والحين غض العود شـد وهجرنـي
شد ورحل ما ادري انا يمتـه ويـن=الله عليـم بحالتـي مـن تركنـي
الوردي ويالبيت والغـرس حزنيـن=قمنـا نتمنـا ولا يفيـد التمـنـي
ياعمري تدري عن ظروف المحبين=لو اشتكى لغيرك حشا مـا نفعنـي
في وقتها عمره ثلاثـه وعشريـن=مصنف من اللي بزينهـن يذبحنـي
ما كننا بالحـزم ماغيرنـا اثنيـن=يمشي معي مشية دلـع مـع تثنـي
بنور القمر نسمر والاجواد ممسيـن=وخده يعكس النور لـي وجهرنـي

[راعي الخطامه]

قصيده


قالو تحرك ياحمد واجمـع فلـوس=بيتـك لياجينـاه مفـتـوح بـابـه
نلقا جيوب موقف حولهـا جمـوس=وفي مجلسك نلقى جميـع القرابـه
قلت الدخل معروف والصرف مقيوس=لكـل علـى قـده يفصـل ثيـابـه
وجدي على روض لياهب نسنـوس=اشم ريحـه والغـدا والعشـاء بـه
واللي يحدالروض صيهد به طعوس=حدره غديـر نـازل مـن سحابـه
والى رفعنا الشوف نلمح لنا سقوس=في وسط ذود منظـره لـه مهابـه
يرعاه رجل بالضحى يعطـي دروس=لاجـاه ضيـف قـال يامرحبـابـه
والى نصينا الضلع نلقى به ونوس=لقى الحبارى والمها وسـط غابـه
ماهـوب مدهـول ولكـن مانـوس=كلـه خضـار ولا نعايـن تـرابـه
زاهـد ولا بالبـال هـم وهاجـوس=ولانيب طـلاب ولا راعـي طلابـه
واعمل ليوم تبـي تشيـب الـروس=كل يبي يجـزا علـى مـا سعابـه
علي افوز بحـور جنـات فـردوس=وانزل مع الاخيار هـم والصحابـه
تمت وصلو عدمـا يثمـر غـروس=على النبـي اللـي مفسـر كتابـه

[راعي الخطامه]

قصيده الالفيه


الف اولـف شعـر وانظـم ابيـات=ياكود بعض الناس يسمع وياعـي
والبا بلاي اليوم انا شفت حاجـات=هي السبب في ضيقتـي والتياعـي
والتا ترى اللى ما يجي منـه زلات=محبوب عند الناس وامره يطاعـي
والثا ثلاث اشيا ماهيـب صعبـات=خلك وفـي ومخلـص واجتماعـي
والخا خويك لو يجي منـه خمـلات=هرج القفا بالسـب مافيـه داعـي
والجيم جاهد نفسك بكـل الاوقـات=كم والحد طاوع لهـا ثـم ضاعـي
والحا حلالك لايجـي بـه مرابـات=خله نزيه من الدلـس والخداعـي
والدال دبر من طلب منـك فزعـات=من جاك عاني يلزمك لـه تراعـي
والذال ذاكر كـان تبغـي شهـادات=متسلـح بالعلـم فاهـم وواعــي
والرا راعي السو ينشبـك ساعـات=درب الردى يجذبك لـه باندفاعـي
والزا زمـان فـات كلـه مـروات=يوم العرب في قـل دايـم جياعـي
والسين سرك تحفظه دوم بسكـات=لاتكشفه للنـاس يظهـر يشاعـي
والشين شف لك وقت خله زيـارات=من صد عن ربعه يصيرانقطاعـي
والصاد صدك عن هلك بين شـلات=مثل الحلال الـي تـرك للسباعـي
والطا طريق تعرفه بـه مسافـات=امسكه لـو بـه نزلـة وارتفاعـي
والظا ظلام الليل ساس المتاهـات=لو كنت صاحي راس جاك انصداعي
والعين عش مرتاح وانس الذي فات=خلك غني النفـس فيـك اقتناعـي
والغين غير مجلـس فيـه خمـات=اجلس مع الطيب طويـل الذراعـي
والفا فرج ربـي يزيـل الكرابـات=والرجل يصبر لايصيـر انجزاعـي
والقاف قم صل الوتر عشر ركعات=واللي رقد ماقـام وقتـه ضياعـي
والكاف كف وخـل عنـك علاقـات=بين الربع محبوب بالخيـر ساعـي
واللام لاكبر الرجل والعمـر فـات=يصبح كما طفل بسـن الرضاعـي
والميم مال الرجل نقص الى مـات=النقـد يقسـم والعمايـر تباعـي
والنون نفسـك غذهـا بالقـراءات=بالكتب لك رغبة ومعـك اطلاعـي
والها هداك الله على كـل طاعـت=قبل العمر يفنـي يحيـن الوداعـي
والواو وص بثلـث مالـك مبـرات=مشـروع خيـري دايـم مايباعـي
واليا ياعـل الله يغفـر الخطيـات=يالله عسى ربـي لعبـده يراعـي
تمت وصلوا عـد وبـل المخيـلات=على النبي الهاشمي خيـر داعـي

[راعي الخطامه]

قصيده الشاعر لابنه/عبدالرحمن عندما سافر خارج المملكه


ابـدا بذكراللـي خلقنـا ولنـا رب=رب صلاة العبد لـه مـع صيامـه
للمعرفه والعلم كـل ضـرب درب=يبي يحقـق رغبتـه مـع مرامـه
يابو حمد اوصيك في ديرة الغـرب=حتـى تعـود للوطـن بالسلامـه
لوكنت ضابـط فاهـم قـد تـدرب=اعرف ترى مثلك عليـه الملامـه
الرجل الى من راح بعيـد وتغـرب=مارفـق الا طيـب بـه شهـامـه
المنحرف حذرى تجي لـه تقـرب=جنب طريقه واتركه مـع خمامـه
يقولـه اللـى راح قبلـك وجـرب=واللي مجرب لزوم تسمـع كلامـه
احرص على الدوره حذرى تهـرب=خلـك بهـا متمـيـز بالعـلامـه
بالي معك مشغول بالحيل يالـذرب=ابوك يهوجس بك ترى في منامـه
مدة غيابـك يالسنافـي المعـرب=نسلى بها بيـن الربـع بالخطامـه
احرص على لينا وحذرا من الضرب=عطها مطالبهـا ومعهـا ابتسامـه
وحمد سمي جده له القلب يطـرب=حبه بوسط الجوف بانـي خيامـه
تمت بذكر اللي لنا يفـرج الكـرب=رب خلق عبـده وكـون عظامـه

[راعي الخطامه]

قصيده


لسدير اروح ودايم فيه موجود=واللي عنا يم الخطامه لقاني
بين الجماعه ماكر الطيب والجود=الطيب فيهم من قديم الزماني
فيهم كرم للضيف ماهوب محدود=يلقى الصياني بها الهرافا السماني
والمبخره فيها الجمر وازرق العود=نعرف حقوق الضيف لا صار عاني
باب القصر مفتوح ماهوب مردود=من فعل ربعي قلت زين المعاني
عندي على قولي مواثيق وشهود=فعل النشاما للقصايد حداني
مابينهم غيره وحاسد ومحسود=الكل جنب عن طريق الطماني
والدين فيهم وارثينه من جدود=منهم تعلمنا وخذنا امتحاني
يرجون فضل اللي كريم ومعبود=رب رحيم ونشكره باءمتناني
نقوة رجال جنبو كل منقود=من لا يحسب حساب للعيب باني
والهرج مازون ولاعندهم زود=رجالهم عاقل وسيع البطاني
نتحمل الزلات لكن بحدود=بعض الامور الها يجي علم ثاني
يوم السلاح اول مقمع وبارود=خصيمهم عشره تعود ثماني
شعيبهم بالغصب ماهوب مارود=دونه رجال سيفهم صيرماني
تمت بذكر اللي خلق كل مولود=رب يغفر الذنب للمودماني
رب يحشر الخلق في يوم ماعود=يوم الجزا للسيئه والحساني

[راعي الخطامه]

هذي القصيده قالها الشاعر عندما غرق ابن عمه في البحر وانقذه الله من الموت المحقق


هاج البحر والموج يضرب على الجال=غطا على السباح طول ارتفاعه
وهق ولد عمي وله سلم الحال =واومت به الامواج في وسط قاعه
صوت على ابراهيم حمال الاثقال =طير السعد يعجبك قو اندفاعه
انا اشهد انك ياحمد جبت رجال = في الخير والقوه والشجاعه
جاه المدد والعون من سيد الابطال = ولد علي احمد قبل ربع ساعه
خطو الولد يشفيك فعله الى صال = مثل الاسد لا جاك رافع ذراعه
حيث الغريق اللي غرق ماله امثال = و راح كان انهد ركن الجماعه
له مجلس مفتوح للضيف مدهال = وفيه الظفر والطيب ويا اللكاعه
مير البحر معروف يخدع ويحتال = به قوة تقلب بواخر بضاعه
الوذ بك يارب يا علام الاجال = من صيحة الغفلات والانفجاعه
تمت وصلوا عد ما وادي سال = على النبي المنفرد بالشفاعه

[راعي الخطامه]

قصيدة بمناسبة احتفال اهالي جلاجل بسدير بعيد الفطرالمبارك


سلام مني لاهـل الطيـب والكـار=اللي حضرنا حفلهـم ثالـث العيـد
نبي نشارك مع طويليـن الاعمـار=نجي لهم لو فيـه سابـق مواعيـد
لامن دعونـا مانعتـذر بالاعـذار=لاهل الصخا والجود من غير تحديد
ربعي هل جلاجل حلاحيل واخيـار=شهادة منـي ولاأنقـص ولاأزيـد
اللي مجالسهـم بهـا دلال ووجـار=مدهال للضيفان لا جو مـن بعيـد
من جا لهم يلقـى معـزه ومقـدار=اللابـه اللـي بالملاقـا صناديـد
يلقى الدلال الصفرتركى على النـار=ووجار فيه الجمر مثـل الجلاميـد
امقلطين الحيـل بصحـونٍ كبـار=وإلا من الحشـوان نقـوة مفاريـد
سلم لهم ماشي على صغار وكبـار=من عهد الاول عهد حاتم وابا زيـد
وخصيمهم من فعلهـم دوم محتـار=ماعندهم غير اشهب الـلال والقيـد
شجعان الى جا يوم به صار ماصار=لاولعة مـن فعـل نـاس مقاريـد
رجالهـم عاقـل حليـم وصبـار=ما عندهـم باالهـرج زود وترديـد
اديارهم ياعلهـا مـزن الامطـار=والما يحيربهـا وتصبـح مواريـد
والغرس الى وقع به الطير ماطـار=في ظلها يلعـب بزيـن التغاريـد
تمت بذكر اللي خلـق جنـه ونـار=تعداد ماتثمـر غـروس الكواديـد

[راعي الخطامه]

قصيده من الشاعر /حمدالمغامس الى الشاعر /ناصر السعيد بمناسبه فوزه بالانتخابات


ياناصر آل سعيد هالفـوز مبـروك=أثنين من ربعي أنـا اللـي كسبوهـا
أنشهـد إنـك قدهـا يـوم بـدّوك=مثلـك يبـدّا يـوم قـرر نـواهـا
من طيب فعلك يا أصبح الوجه حبوك=والناس صعب اليوم تكسب رضاهـا
ما أنسى الفرح يوم أعلنوها وعدوك=لله در اللـي بـجـداره خـذوهـا
مثبت وجودك بيـن نـاسٍ تحـدوك=لوهي بدراهم كـان نـاسٍ شروهـا
جلاجل عقب ماهو لمجلسـه ولـوك=بجهودكـم يـا يرتقـي مستـواهـا
تعمل بجد ومخلصٍ مابـك شكـوك=ولك سطوةٍ ماكل شخـص سطاهـا
الطيب في جدك ومن قبلـك ابـوك=سلـم المراجـل واصـلٍ منتهاهـا
ربعك يودونك وباصـوات زكـوك=واللي ربوعـه دون ذا مـا قواهـا
وصلاة ربي عد ماالفرض نـادوك=علـى نبـيٍ لأمتـه جـا وهداهـا

[راعي الخطامه]

قصيده


يالله المعبود علام السريره = عالم اسرار الخبيث المخبثي
تهدي الاشرار عامين البصيره = قبل سيف العدل يسنن ويعثي
العبث بالامن ذي حالة خطيره = وشله الارهاب تقطع وتخسي
شرهم عم البشر في كل ديره = زمرة تمشى بدبرة فسفسي
غاسل مخه على كيفه يديره = بايع روحه كبيل مقيدي
مستغل عقول ورعان صغيره = عاطلين وفاشلين وحقدي
عله بنار توهج بالسعيره = اعدم اجواد تهجد سجدي
حاقد على الوطن ما فيه غيره = بدبرة الشيطان يركض ويعدي
والدينه عينوا منه الضريره = هرجهم يافلان ما شفت ولدي
مالقوا منه صله ولا بريره = مالقوا غير الهموم تنكدي
من عقب ما أبوه يرسم له مسيره = صار صيده للخباث القردي
كيف مسلم يعدمه رمي بذخيره = ماشي بفتوى خشاش هلسي
لاخرج عن ملته يحكم ضميره = لسمعة الاسلام يشوه ودنسي
ما اكتفى بالغرب شمل شبه الجزيرة = ما علافنا غايته واللي يبي
جاهل وفتح له ابواب كثيره = شف سلاح الغرب فينا يجربي
مثله وشرواه معروف مصيره = ولا درينا عنه يقطع ويهبي
الوطن يأهل الوطن مافيه غيره = نانقطع روس كل مخربي
لا عصا علاج العضو ويا الجبيره = كل عضوا فاسد له ما نبي
نرفع الرايه مع سيوف شطيره = راية التوحيد وضحها النبي
مع ملكنا عل مولانا يجيره = خادم البيتين وربي يشهدي
ذخرنا حلالها لو هي عسيره = لا اظلمت نمشي على نور الجدي
مع ولي عهد حكيم يستشيره = درعنا بالجيش ضد المعتدي
ونايف اللي نعرفه مافيه غيره = عينه اللي ساهرة ماترقدي
تمت بذكر الله اللي نستخيره = الواحد اللي عن عبيده مغتني

[راعي الخطامه]

القصيدة التالية كتبها الشاعر حمد المغامس، عندما زار الشاعر الصيفي بن محمد بن جريس، فوجد الباب (مصكوك) على غير العادة.. حيث كان أبو محمد يرقد في المستشفى العسكري بعد إجراء عملية بسيطة تكللت بالنجاح وقد غادر المستشفى مطلع هذا الأسبوع بعد أن اطمأن الأطباء على صحته بعد العملية:


يا أهل القصر وش علمه الباب مردود=الصيفي بن جريس بالله وينه
هاتو خبر يالربع صبري له حدود=قلبي يتراجف مثل رجف المكينه
إن كان هو بالبر عازب مع الذود=نبي نروح اليوم ذا قاصدينه
قالو رفيقك به قريب وموجود=بالعسكري جناح له حاجزينه
وأبشر تراه بخير وصحته في زود=وعنده دكاتر بالدوا متابعينه
الكل ما قصر بذل كل مجهود=الشيخ من جاهم وهم عارفينه
وجهت له من دون غاية ومقصود=وسألت عن دور به امنومينه
شفته بخير ويبتسم حوله ورود=وعقب الزمل حسيت أنا بالسكينة
أبو محمد ماكر الطيب والجود=ضاق الجناح من الربع زايرينه
راع الصخا والجود لا شك محسود=واللي تعلا فوق ذا حاسدينه
شاعر كريم ورث شعره من العود=ينظم من القيفان صافي رزينه
الدوسري ذا نبخصه زين يا سعود=شيخ ولد شيخ وذربه يمينه
المدح بالأشعار ما منه منقود=والوردي وغيره ترى مجربينه
تمت بذكر اللي خلقنا ومعبود=رب كريم وكلنا عابدينه

رابط الموضوع/
http://www.suhuf.net.sa/cgi-bin/dail...keyword=الوردي

[راعي الخطامه]

قصيده


سلام الله على من شب ناره في ظلام الليل=على مجمار جنب الروض فيه دلال مركيه
على خدٍ رفيع منزله جنب طريق السيل=ذبح له هرفي علقه في شنكار سجيه
إلى منه طلع بالنفد كنه فوق نهر النيل=رياض خضر من فضل الولي بالسيل ممليه
معه نقوة رجال ما تعرف القول والقيل=وخيمة جنبها جيب علاماته خليجيه
وعنده عدة القناص من شوزن الى الدربيل=يعس الخد والوديان يقنص كل عصريه
على يمناه ابن عناز من قوم تعسف الخيـل=فهد ولد العقيلـي خوتـه بالحيـل نشريـه
ومن قحطان ابوخالد وسيف مذبحين الحيل=وابوتركي وعايض من بني مفلح وفهديـه
يقوله شاعر شعره عدال ولا يجيه الميـل=من آهل سدير شاعر يعتز عـزوة تميمـه

[راعي الخطامه]

قصيده


من حرف الشعر ياناس يلدي = يقرى القصايد يحرف في قوافيها
هبت هبوب السماد وجابت البردي = هبوب أقشر سماده ريحته فيها
شعف بها فرها ليه وجت عندي = غصب عليه وأنا يا عمير ما أبغيها
مخزيه ربي كبار السن يوذيها = من قرد حظه تبين لي متحدي
شيطانها اللي بها ما يعرف الوردي = مثله وجنسه تعرقى به علابيها
لو كان رجال يخسى مايجي قدي = مثله علابيه بالرجلين اوطيها
ترى الأسد مايصنف منزلة قردي = اكالت الموز لو جاها يدميها
وقت تغير وبه ما ادري وش نبدي = لكن نجامل خشاش من اجل اهاليها
وللي ملكع يعرف اليوم أنا قصدي = ون سلم راشي مع الأيام اوريها
جرب تحكحك واظن الجرب ما يجدي = كل واحد أقيده بقياد منفردي
لابد زرنيخ به ياعمير نطليها = من لامني قلت له من شان اداويها
الينه للدوى بالحيل بالجلدي = ومن صالحه علته به ما نخليها
ومن حر مايونسه يصرخ ويستجدي = ماحر داوا وللعلات يشفيها
ياكود يشفيه ربي خالق العبدي = ماعاد نخشى على غيره يعاديها

[راعي الخطامه]

قصيده


الناس في ذا الوقت اشكال والوان = والحر يعرف مقصدي بالاشاره
وقت مضى والرجل للطيب عنوان = لا جاه ضيف قلطه شب ناره
فيهم طبايع حضر مع طبع بدوان = درب المراجل عارفين مساره
وفيهم ترابط كلهم ربع واخوان = عن طاعة الله ما شغلهم تجاره
الشعر لو تقراه في كل ديوان = يحرص على الطيب ويرفع وقاره
يوم الجهل والناس قوم وعدوان = فعل الفتى معروف في كل غاره
ما تستوي بأفعالها طيور حوران = كم واحد زاد الحمل حمل جاره
واليوم صار العلم بيدين نسوان = بعض الرجال اليوم نقص وخساره
مدهال للنسوان وقت الزياره = لو حط وسط البيت مجلس وصيوان
من له قرابه بالمره صار موان = ياخذ ويعطي علم حسب اختياره
نسوان خلت بعض الازاج عوران = ينظر يمين ولا يناظر يساره
وختامها طالبك يارب الاموان = تهدي رجال غيرتها الحضارة

[راعي الخطامه]

قصيده نصيحه


بالمجالس لا تسب ولاتذمي = ومن يقصر في لزومك سد بابه
ومن فعل بعض الاوادم فار دمي = سهمته فلان مني ولد عمي
عنصري والدين ما يحسب حسابه = كم قريب لك فزعته لك ما تتمي
وان بدا لك لازم ما ينغزى به = والمودة ما تحددها القرابة
جاهل وماسون من دون علمي = منافق يوم رفيق ويوم خصمي
ضاري بعلم الردى باول شبابه = وده ان الربع دايم في طلابه
ما يميز بين لا وبين قرمي = ومن عنا له قال لي ويش جابه
للقرابة والربع ما شال همي = النعم لله مثله ما حظى به
مارد مجهول ناشف ما يجمي = مابه الاحنظل مغطي ترابه
مثله وشر واسلمه غير سلمي = مثل جو يخدعك منظر سرابه
غير راعي المصلحة له ما يخدمي = جنس هذا يالربع ايش امغابه
شاعر شعره يخص ولا يعمي = حيث شعره لا نشر كل درا به
فيه من هو جيد وقوي عزمي = فيه نخوة للربع زايد ذرابه
مع رفيقه جيد بالحيل نشمي = لا عناله قال له يا مرحبا به
يرتكي له دايم لساقته يحمي = ذيب ماخذ قسمته بين الذيابه
راجح بالعقل عنده زود حلمي = بالمحاضر لا حضر خصمه يهابه
بالمراجل فايز ماهوب دقمي = محصل مطلبه الى منه سعى به
ياخذ ويعطي معك ماهوب حرمي = غير ذا بين الربع فيه الحبابه
مخلص للود يبني ما يهدمي = هو عمار المجلس اليا من لغى به
جلسة وياه تجلي كل غمي = تفقده بالحيل في حالة غيابه
وان حضر له مادبه لازم يعزمي = الكرم والجود طبع ضرى به

[راعي الخطامه]

قصيدة الشاعر عندما سافر ابنه خالد هو وعائلة خارج الوطن


سافر حمد ياشين بيتي بلياه = ما يدري ان جده ذرف دمعتيني
يفز قلبي كلما اوحيت طرياه = يوم السفر ماذاقت النوم عيني
اسمع صدى صوته ليا قال ياباه = بالحلم تالي الليل دايم يجيني
اول ليا منا بغيناه نلقاه = واليوم حال البعد بينه وبيني
يابو حمد عطوه أي شي يبغاه = وزيدوا عليه بعطفكم والحنيني
متعود جده ليا صاح وداه = صوب البقالة ما بغى مشتريني
لا من بكى ذا الحين انا ما اسمع بكاه = وعينه تدور لي يبكي يبيني
متعود لاصاح اجي واتراضاه = اضحك معه وادور به دورتيني
بالجيب نمشي خاطره ما كسرناه = واللي يبيهم كلهم راكبيني
ياليت خالد ماخذه معه خلاه = وبشوفته صبح ومسى مهتنيني
ديروا عليه البال يالله ياقاه = يا علكم في هالسفر غانميني
عشرة شهور وذى شهر ما رجيناه = نصبر بها والله لعبدة يعيني
وان زادت المدة عنينا وزرناه = في طائرة بوينج له قاصديني
يالله ياللي كل خلقه ترجاه = ترد عيالي كلهم سالميني
وختامها صلو على من تبعناه = سيد البشر هو خاتم المرسليني

[راعي الخطامه]

قصيده نصيحه


دور على خبير للأخيار طمام = من لابه معروف عالي مقامه
متخرج بالطيب للربع حشام = مهيوب عند الناس ماهو فدامه
تلقاه في وقت به عناد وخصام = من غرته نفسه كرب له خطامه
عن صاحبه ما صد خلاه ينظام = خلاه في هم يكدر منامه
رجل ليا منه برك للحمل قام = ذرب يعرف المرجله والشهامه
دايم عشر مابه وساويس واوهام = ترتاح في مجلسه وتلقى كرامه
نفسه عزيزة عن هروج القفا شام = رجل يحسب حساب لاية ملامه
ذليل مع ربعه وللخصم لطام = ماهوب سهل من تهقواه ضامه
الطيب فايز به على مر الايام = يعرف مواجيبه ويعرف نظامه
جزل ولا عنده حساب للاقيام = ماجاز له بالسوق شافه وسامه
روضة المسجد مع الصف قدام = في وقت الفرايض حاضر قبل امامه
والفجر ما خلاه في مرقده نام = انفاتته ما يهتني في منامه
الرجل بامر الله تكون بالارحام = احد يجي مكسب والاخر ندامه
احد تحسبه متبع دين الاسلام = وطبعه يخالف دينه مع كلامه
ياما توهقنا مع انذال وخمام = منهم نبي مخلاص ويا السلامه
فيمه ضعيف النفس تبل ونمام = سهمته بين الناس نقل النمامه
نقص ليا جالجد ماهوب جزام = عند النوايب ما تشيله عظامه
طيب ليا من صار مكشات وخيام = والمسألة ساعة صدر وابتسامه
ليت الردى يوسم على الوجه بوسام = حتى نعرفه لا لمحنا العلامة
ماننخدع بالشكل مع كبار الاجسام = نحسبه رجال ولابه غشامه
تمت وصلوا عد ما صايم صام = على نبي الله لشعري ختامه
من قدرك قدره بالك تخليه = الدين عن قل الترابط نهانا
من وجب الدعوه نعزه ونغليه = ما نتركه بعدين لا من دعانا
نمشي مثل ممشاه لازم نجاريه = نعطيه قدره مثل ماهو عطانا
مثله نرحب به ليا جا نحييه = خلى ارتباطه جالنا من غلانا
حيثه رفيق ما نبيعه ونشريه = نحرص عليه ولا بغانا لقانا
نحرص على شوفه ودايم نداريه = ونقول له ارحب ليا من لفانا
ناخذ علومه كل ما حل طاريه = ماننشغل عن واحد ما نسانا
واللي يجافينا ترانا نجافيه = ما همنا لو راح عنا وجفانا
ماله حقوق عندنا مع مشاريه = حتيش لو قفا ولا عاد جانا
هذا رفيق المصلحة ما ندانيه = نقص علنا كلنا وارفقانا
ناقص مراجل ما وقف دون عانيه = يسمع كلام وينقله من ورانا
نفسه عليله والحسد واضح فيه = من شوفته ياضح لنا ما خفانا
والقصد واضح بينات معانيه = لو نطلبه فزعه حشا ما شفانا

[راعي الخطامه]

مزاين الابل بام رقيبه


يم المزايين جيت اشوف المغاتير = والشعل ويا الصفر هن والمجاهيم
يا زينهن يا سيف لا مرن عصير = يمشن ورى الركبي بربيع المواسيم
مع كل خلفه ماشيه حاشي صغير = وارقابهن مرقمه بالتواسيم
والسقس يتبعهن وهو مهدي السير = قدمه فحل بيديه قيد بملازيم
يا حلو مظهرهن وهنه مناثير = في جو غايم لطفه رش من غيم
نقوه منقيها رجال مناعير = خويهم لله ما يعرف الضيم
غز لراعيهن ولا هن مخاسير = في محكم القرآن ذكر بتعظيم
وقت مضى مافيه أم الجنازير = هن جيشنا برجالهن الصواريم
يا ما قطعت هي من بعيد المشاوير = عراض المواطي تلطم الخد تلطيم
لا من تمطاها رجال مغاوير = بسيوفهم والشلف شدو المحازيم
لو كنت بسكاكا ونيتك خرخير = تمشي ولا تحتاج زيت وبنزين
ما بينهن فاطر ولابه معاشير = كحلن نواظرهن ولاهن مقاطيم
وعقب الفجر توي مسبح بتكبير = لا فطرت اعس الخد بعالي المراجيم
في قدرة الخالق ندير التفاكير = وندعيه لانفسنا بحسن الخواتيم
ولتميم ربعي جيت ضمن المسايير = القى الوناسة والمعزة وتكريم
في صيهد بين الوجيه المسافير = عند الحلال مريح البال ومقيم
والنجر يلعلع تقل صوت المزامير = في مخيم اللي ينطحون الملازيم
فنجال ودلة والسطول المزابير = حليب ابكار راعيه دون تطعيم
مرباعهن والعشب ما تاكل شعير= عشب من الوسمي وقد عله الديم
اسلومهم للضيف حشمة وتقدير = مايشغلك بالهرج والسين والجيم
يذبح الحشو ويا الهرافا مشاهير = = هل المواقف منفذين الغراريم
وبعد النتايج هي وفرز التقارير = سلم لهم مشعل ظروف مخاتيم
صاحب سمو نعرفه كلنا امير= جمال فطره باخص حيل وفهيم
الله عطاه الراي وصرفه وتدبير = من آل سعود وله معزه وتحشيم
ابوه من حام الجزيرة كما الطير = بسيف سنين الحد ما به تثاليم

[راعي الخطامه]

قصيده وطنيه


بقدوم ابو تركي دفعنا التباشير = انقد بشرع الله كل المظاليم
قبله قبايل دينها ضعيف وتغير = كل بنا المرقاب باعلى الخواشيم
فعله نعرفه ما يبيله تفاسير = يجزاه رب يغفر الذنب ورحيم
خلف لنا حكامنا ها المغاوير = دستورهم واضح ولا فيه تعتيم
ابن مغامس مجتهد بالتعابير = ابيات شعر قالها لكم بتنظيم
شاعر ولا ينظم شعر دون تبرير = الوردي المعروف بسدير ابو دحيم
ونودع الاخيار بلقيا على خير = في موعد بالطيب ولا بتحريم
ونمشي بشاص به سلوقي مع طير = وصقار متدرب على القنص وفهيم
مشيك على زيت المكينة مع القير = لا من دعسته سرعته تسبق الريم
بالنفد نمشي هب طلوع وتحدير = زود على رفعه مزود بترهيم
مركب له من عراض التواوير = يشمخ براس الطعس من دون تنسيم
مجهز بماجلان وكنود له اسبير = مفصل على المطلوب ضمن التصاميم
معي ولد قحطان شوق الغنادير = من عيال مفلح للمعادي مكاعيم
راعي سنا اليا لفينا خطاطير = ثور برشاشه تحية وتسليم
وقرص الجمر سواه لي دون قصدير = سواه راس من الرجال الشغاميم
ونلقى القيري ما ندور عصافير = لا لعلعن بذنك سواة التناغيم
وايضا الزبيدي مزمر دون تحفير = نهديه ما ينباع لو مننا سيم
مسقيه رب البيت ما شرب من بير = بالقاع من كبره تحسبه مراسيم
ولا منقضى المقناص عودت لسدير = لاهل المراجل من سنين مقاديم
أهل المواقف بالليالي المعاسير = ومن يمدح الاهيار لاشك ماليم
زحول الرجال مخرجين الدنانير = اشهد لهم من دون حيف وتضخيم
وختامها بالعذر عن كل تقصير = ماحد كمل من دون نقد وتعاليم
وصلوا على منهو دعانا بتحذير = تعداد وبل طاح ومشى المرازيم
عن يوم ابي ناقف سويه طوابير = ياعلنها بها اليوم نطلع غوانيم
في يوم ما به تاجر ولابه فقير = نرجي رضى جزل العطيات وكريم

[راعي الخطامه]

قصيده الشاعر باللواء/صالح بن عبدالعزيز ال الشيخ


أبتدي باسم الولي رب خلقنا = خلق خلقه وخلقه يعبدونه
نبذل المجهود كله ما ذخرنا = والشعر لأهل الوفا يستاهلونه
وانظم بيوت قوية ما اتانا = اشكر بها واحد بي تعرفونه
منسبه معروف وحنا ما جهلنا = مشرفي تميمي ما تاصلونه
من سلالة شيخ به ياما فخرنا = عن حقوق الله ما جته المهونة
يوم شفته قلت ذا فينا ومنا = وحده اللي كلكم تعرفونه
الإمام اللي عن البدعة عدلنا = منهجه بين المناهج تدرسونه
بعد ربي له فضل فيه اعترفنا = مثله وشرواه فضله تفهمونه
ذي شهادة حق وحنا ما جحدنا = ومن يقول الحق قوله تقبلونه
وصالح آل الشيخ هو محقق طلبنا = مثل ضلع طويق للي يزبنونه
يوم جينا مكتبه عنده دخلنا = قال تم للي حضرتوا تطلبونه
مثل هذا بالحمية ما خبرنا = اشهد انه للوفا رمز ونمونه
مثله وشرواه بيحقق املنا = للوفا سباق ماهم يسبقونه
شيخنا قيدو منا مهما مدحنا = مثله الشعار غصب يمدحونه
للصخا والجود صحونه تثنا = حاتم الطائي وذا له نمونه
تحتها السفره وفيها ما تمنى = العرب من جاد فعله يذكرونه
والمباخر جمرها عوده عمسنا = ينتقون الزين وفيها يجدعونه
ربعي آل الشيخ والله واجهتنا = من يجاريهم حشا بي يتعبونه
بالشعر لامثالهم مهما قصدنا = فعلهم كايد ونقصر غصب دونه
حظنا اللي قدنا لمثله عرفنا = بمجلس الاخيار يوم هم يكرمونه
ساعة مبروكة فيها حضرنا = مع وجيه رجال من جا يقدرونه
والختم صلوا على خاتم رسلنا = عد ما نور برق هلت مزونه
المصطفى اللي لدعوته حنا استجبنا = مرسله ربي لخلقه يعبدونه

[راعي الخطامه]

الشاعر/ عبد الرحمن الرميح(الراوي)



انا بنشدك يالوردي = وخبرني بكل وضوح
ياحيثك تفهم الوجدي = وقلبك بالهوى مجروح
عن اللي بيح الدي = بيب زاد في الفوح
الى من شفته معدي = تحير الرجل وين تروح
اشوفه بين الصدي = وهو مابه لنا مصلوح
تراني واصلٍ حدي = زهقت من البكا والنوح
انا وضحت ما عندي = وخبرني بكل وضوح

[راعي الخطامه]

الشاعر/ حمد بن عبدالرحمن المغامس



لكم يالراوي أبا اهدي = طريقة تكسب المملوح
يا حيثك شاعر قدي = وكل شي بيننا مسموح
اذا زهم وردي الخدي = تكلم جد بدون مزوح
خذه باللين والشدي = وتأكد وين هو يروح
الى من شفته مهدي = فقله يا حبيب الروح
تفضل نضبط المندي = بشوفك خاطري مشروح
حذارى من هل الحسدي = ومن عذال ومن مشفوح

[راعي الخطامه]

الشاعر/ عبد الرحمن الرميح (الراوي)


سلام الله على الوردي سلام ما يشيله جموس = من اقصى القلب اهلي به واحب اسمع ترانيمه
كريم وشاعر حساس مرهف واضح كالشمس = يحب اهل الوفى والجود والتقدير والشيمه
على كبد الرفيق احلى من الفنجال للي عمس = وعلى قلب العدو احر من صواريمه
الى منه عطاك العلم كنه قاضبه بالخمس = طلامه ثابت ما فيه ترجيعه وتقديمه
اعرفه من زمان فات ماهي معرفة قبل امس = وافاخر في رفاقة صاحبي جعل الله يديمه
عسى من يكرهه يطمس على قلبه وفكره طمس = مع العربان يمشي بالشوارع كنه بهيمه

[راعي الخطامه]

الشاعر/ حمد بن عبدالرحمن المغامس (الوردي)



تحية خالصة مني عدد حب نثر للحمس = نوديها الى الراوي ومعها الف تسليمه
يا حيثه مرهف بوصفه نا عم الملمس = بيوت الشعر ينظمها تهامل كنها الديمه
حبيب عاقل نا يعرف الهمزات ويالهمس = نجيه بدكته بالصيف والى جا البرد بالخيمة
يحب مجالس الخير ولا يعطي وجه للنمس = ليا جاله مسير دايم يفرح بتكريمه
عسى من يبغضه في سمن فايح بالقدر يغمس = يا حيثه خايس مايعرف اهل القدر والشيمه
وسدك لا وصل له يكتمه لك كتمه الترمس = ويحبونه جميع الربع وله مقدار مع قيمه

[راعي الخطامه]

قصيده في صاحب السمو الملكي الامير/عبدالعزيز ابن فهد ال سعود


يا مرحبا باللي لفى الغاط زوار = عبد العزيز اللي حضر باختياره
اميرنا المحبوب قيدوم الاخيار = جده ابو تركي موحد دياره
وابوه دايم للوطن دره وستار = من غرته نفسه كرب له عياره
في عهده الميمون كل الرخا صار = وخدمة بيوت الله هدفه وشعاره
جزل ولد جزل مشاريعه كبار = لجل الوطن سهران ليل ونهاره
خلف عيال علهم طول الاعمار = في خدمته يمشون رهن الاشاره
يا اميرنا ياللي من طويلين الاشبار = الله عطاك اسلوب لطف ومهاره
يحميك رب البيت من كل الاقدار = فضلك شمل في كل حي وحاره
حتى المريض تزيل همه والاكدار = ونفسيته ترتاح عقب انهياره
يمناك لاجل الخير مداتها كثار = كريم سبلا زايد عنه شاره
كم واحد يشكي الحال محتار = باذن الولي علاجه تصدر قراره
ما هي كثيرة منك يا نسل الاحرار = مثلك وجنسك للوطن هم عمارة
حر ولد حر كريم وصبار = صاحب سمو ما تغير مساره
نبي نقول الحق لو كان اسرار = ننصف بها اللي ما يحسب خساره
اللي له افعال تجي عنه الاخبار = مثل المطر لا طاح بين خضاره
نبي نعبر عن فرحنا بالاشعار = لعبد العزيز بن فهد بالزياره
ونعلن فرحنا كلنا كبار وصغار = ونمسك ضفوف اللعب لا طق طاره
هذي مشاعر قلتها سر وجهار = لاميرنا المحبوب ساس الاماره
تمت بذكر اللي قهر كل الاشرار = تعداد من صلى ببيته وزاره

[راعي الخطامه]

قصيده


لأهل الزلفي تحية وتقدير = اقولها ما دام جالي مجالي
لامن دعوني ماتهم المشاوير = الكل منهم له معزة وغالي
نجيب دعوة هالوجيه المسافير = اهل الوفا والجود روس الرجالي
العود الأزرق عندهم بالمباخير = وبهار وعويدي بصفر الدلالي
لاجل الكرم ما حسبوا للمخاسير = ولجل المراجل مرخصين الريالي
ولا عندهم في واجب الضيف تقصير = كل يحسب حساب لاية خمالي
قطاعة الفرجة بوقت المغاتير = رجاله يدوى جنوب وشمالي
من جى لهم في لازم له لقى خير = ومن جى يبي فزعات ياهم لالي
وان جى مجال العلم منهم مشاهير = ماكر حرار منزله دوم عالي
وان جى مجال الفعل منهم مناعير = خصيمهم يلقى الغثا والوبالي
يشهد لهم شاعر لفاهم من سدير = افعالهم تعرف من اول وتالي
في مركز صيفي رسم خطة السير = نشاطهم مدروس فيه اعتدالي
ادارته نقوه وغلطت على الغير = بالجد والاخلاص مضرب الجلالي
شهادة الله من غير تزوير = ويشهد على ما اقول رب الجلالي
وختامها تعداد ما غرد الطير = صلوا على من حارب اهل الظلالي

[راعي الخطامه]

قصيده


شاعر مع الشعار ينظم له ابيات = لا جا مجامل الجد صارت قويه
يابن عزب عندي بيوت عذيات = باهل الصخا والجود ويا الحميه
لاهل الكويت اهدي سلام وتحيات = تعداد من زار الحرم بالضحيه
يشهد علي اللي يعلم الخفيات = الواحد المعبود رب البريه
اخوان مريم كاسبين الطويلات = ذكري محاسنهم صعبة عليه
من غير جابر يا يحل الصعيبات = خلى الكويت اليوم تصبح غنيه
حبه لها ما فيه شك وريبات = غيره ينام وعبن جابر شقيه
لاجل الوطن مشغول بروحه وجيات = همه يبي شعبه حياته هنيه
رايه سديد وفاهم بالسياسات = مثله وجنسه يايحل القضية
وقت مضى يوم الموارد قليلات = لكويت يردونه ولو بالمطيه
فيهم رجال مذبحين السمينات = ما قلطوا للضيف وحدة رديه
يجزاهم المعبود رب البريات = اللي يعلم اشيا علينا خفيه
وختامها مني تحية منقات = للي سمع شعري شكر مع تحيه

[راعي الخطامه]

قصيده الشاعربمزايين ابل قحطان مخيم القوافله يوم الثلاثاء 7/4/1428هـ


شاعر وأقول الشعر مادام ربي عطان= والمدح تستاهله كل القبايل عموم
ماني من اللي مع الشعار به يستهان= ابيات شعري تتالى مثل مزن الغيوم
لكن رضا الناس ماني ضامنه ضمان=والادمي من الخطا لاشك ماهو معصوم
وأنا تميمي مع الشعار عند قحطان= من سدير عاني لحفل اليوم هذا معزوم
أقولها دام وقت المدح بالشعر حان=أمدح طوال الشوارب مامدحت الرخوم
وأقول ياطيبهم من دون مأذكر فلان= أهل الصخا والمراجل طيبين السلوم
اللي لهم فعل بين من قديم الزمان= بالجله ضيف الرفيعه مكرم ومحشوم
سنام يشهد لهم شهادة للعيان=هم الفهر ال قويفل متعبين الخصوم
خصيمهم قدمهم عشره تعود ثمان= ماياخذ الا حقوقه بعد حب الخشوم
شف فعلهم واضح اليوم في هالمكان=عند المزاين صواوين بنوها القروم
لاجل المسير ولاجل الضيف لاوصل عان=وخيام مبنيه ومجهزه له ينوم
لا قام صلى الفجر والصبح بالنور بان= عود على مجلس ياخذ ويعطي علوم
مباخر وعود ودلال صفر ريسلان= والنار مشبوبة لوك بعز السموم
وفنجال اشقر وهيله زيد بالزعفران=في مجلس اللي يدوس القرش ماهو محروم
وغداه حشو بصياني مه هرافا سمان= أنا اشهد جنسهم هالوقت تقل معدوم
شفنا المجاهيم فجا لنحرشرف الاذان=رسم عليها دخيل للقوافل رسوم
ابل منقاة لاجل العرض جهم حسان=من شافها يذكر الله ثم ينسى الهموم
هم عزوة اللي عليه الوقت بالحيل شان=من وقفو له هل الطولات هذا مخدوم
وقت الجهل يومها خير خيل وشلف سنان=من طاح من طعنهم ماعاد يقدر يقوم
ماعاد به وقتها عاقل وسيع البطان= مافيه غير القشر وابليس حوله يحوم
في يوم اقشر غبر فعل الرجل فيه بان=كل بزنده ولاحد بالخطايا يلوم
مع النسا ماجلس ياكود رجل جبان=ما يارد الموت كود اللي قوي العزوم
انا اشهد ان القوافل جالهم في شان= والذكر ذا الحين ماينفع ولا له لزوم
والشر قفا وروح والله المستعان=من عقب صقر الجزيره كل شي محسوم
هالوقت من فضل ربي صار أمن وأمان=في ظل حكم الملك ياعل عزه يدوم
بحكم الشريعه تغير كل شي وزان=بالعدل كل عن الزلات نفسه تشوم
عبدالله اللي حكمها جود لها العنان=الحاكم اللي لتقوى الله نفسه تروم
وسلطان ابو خالد اللي كل قلبه حنان=خيره كما السيل لامن فاض غطى الحزوم
يقولها شاعر شعره تعلى الطمان=ابن مغامس حمد بيته يجيك محكوم
وختامها عد من زار الحرم برمضان=بذكر الولي واحد لاجله نصلي ونصوم

[راعي الخطامه]

قصيده



يا ما حلا السوزو الي عند عبدالله = ثمان وتسعين ابيض تقل غرنوق
بجلاجل ملبقه في بايكة فله = ماقد مسك طارته سواق مطفوق
غمارتين ليا غرز يبي يتله = قير دبل صممه مهندس بذوقي
صوت المكينة يالمشتاق تطرب له = بالخط الى من دعس ماهوب ملحوقي
بوراط انا وانت في ودايه نشهد له = بالطلعة اللي تشابه طلعة الطوقي
لا من بغيناه ياقف كود نشرله = حنا اسفل الظلع والسوزو وطلع فوقي
وراعيه الى جا مجال المرجله خله = عند ابن سلمان حق الضيف مطبوقي
بين الربع كلهم ما شفت انا مثله = غير انت يابن سعيد بحسن منطوقي
شباب فاهم يحسب حساب للزله = بدرب الصخا اثنينكم ماهوب مسبوقي
الشعر يا ربعنا ننظمه في حله = مع النشاما لزوم نوفي حقوقي

[راعي الخطامه]

قصيده


لامن عزمنا على المقناص = خذنا المعاميل والدله
ونيسان وفكسار مهعن شاص = وعيال ستة من الشله
واربع طيور وطير خاص = للوردي يتبعه مخصص له
نمشي بيمه ماهوب خراص = شرق الرمياه نوجه له
في خبه نمسك المفراص = والظبي نمسكه ونتله
وطير الهدد مخلبه لا غاص = بالصيد قمنا نهرول له
والزين وربعه بوسط الباص = خلف المعزب ويتبع به
سواقهن ماهر وقصاص = عشر ولا يعرف الزله
ادلال صفر وتمر خلاص = مع جادل ما يجي مثله
يدعج غنج يلعب ورقاص = بالشعر الاشقر ليا فله
والنهد ما مصه المصاص = وقف بحجمه على حله
يجذبك له مثل جذب الماص = بالهرج ودك تسمع له
لقلب المشقا تقل رصاص = يركد معه ويتجاوب له
ونرجع بحمل على القلاص = هديه له تقدم له

[راعي الخطامه]

قصيده


الى منا طلعنا الطعس شب النارلي ياسيف = نبي دله على الكيفي وكيفك يابن قحطاني
بجو معتدل زل الشتى واقبل علينا الصيف = وفنجال اشقر تضبطه لي ياطير حوراني
تحت نورالقمرنسمر مع اللي يكرمون الضيف = رجال تازن الهرجة بلا زود ونقصاني
ابو تركي وابو خالد وخاله سالم ابن هيف = وابو عبدالعزيز ابن عقيلي ذرب الايماني
وابومحسن خفيف الدم عايض مايبي تعريف = يشيل القاف ويلحنه باشكال والواني

[راعي الخطامه]

قصيده


العود نازل جوار مطير = في مجلسه فاتح بابه
رجل كريم ويحب الخير = يا سعد منهو تعزوا به
لا من نوى القنص حط الطير = بالجيب ودربيل بجرابه
مع نقة عينوه امير = يأمر على الربع وأحبابه
مع الفجر لا تعدى تمير = العصر نجران صلى به
يبي عروق ورى الخرخير = ما هوب طلح بحطابه
بالعرق تسمع صرير السير = غيره حشا ما تهقوا به
عشق دبل يسند به القير = والعرق الأوسط تعشى به
ولا من رجع سالم لسدير = قسم الربع يمهم جابه
في عبلة نحتريه عصير = والوردي رحب وهلا به

[راعي الخطامه]

قصيده


من عذي الوافي قايم يخرف = يا زن البيت بالكسرات والهمزة
من بحور الشعر ذا اليوم ابي نغرف = وظيفنا لا وصل نفز له فزه
مرحبا يالوزير اللي حضر شرف = له قدر عندنا بالحيل ونعزه
شيخنا اللي لفانا جده نشرف = نور تمير ومجزل الى خزه
جده اللي لدينه قام وتصرف = حارب اهل البدع عنا الجهل كزه
لاحظ ان العقيدة كنها تحرف = عدل اللي رضخ لبليس الى غزه
ساقه الله لحاكم نجد وتعرف = كل عاصي معاند سيفه يجزه
كل متفوق بالعلم يتشرف = يسلمه جايزه تدعمه وتحفزه
من تمتم النسب ما هوب متطرف = كنه طويق الى جا الريح ما هزه
مجلسه فاتحه والباب ما طرف = من بحور المعرفه نظحه ونزه
ما تجي لك وجاهة وانت متعجرف = مثل صالح عن اللي قلت متنزه
لاجل دينه خصص البند والمصرف = الفهد وكله يا عله بعزه
وكل فايز لمحنه ظرفه مظرف = من ابن سلطان جابه للحفل دزه
اشهد انه حرار وانتهض رفرف = كل علم غانم عينه تخزه
مانلومه الى منه خسر واسرف = يده بيضى ولا به زمره ورزه

[راعي الخطامه]

قصيده في المعلمين مربين الاجيال


المعلم زاد قدره مع وقاره = الدول وشعوبها له مكرمين
علم الاجيال واكسبهم مهاره = واصبحوا عقب الجهل متعلمين
الامانه بالعمل دايم شعاره = بالمدارس قدوه له مقتدين
همه الطلاب ليله مع نهاره = مثله وشرواه ربي له يعين
هو اساس العلم قيدم الحضاره = خرج الدكتور ويا الصانعين
ما يفكر بالدراهم والتجاره = عاده اهل العلم دايم زاهدين
تربوي متعلم عارف مساره = له علينا فضل حنا شاكرين
ما احد حقق طموحه بالشطاره = يلزمه تعليم عند معلمين
والفهد ما قصر وطور دياره = بالمدارس من شمال ومن يمين
خادم البيتين ما همه خساره = في سبيل العلم مفعوله يبين
والشكر منا لمسؤول الاداره = المعيلي والرجال المخلصين
والبقية كلهم فيهم جداره = فاهمين للعمل به عارفين
تمت عدد رمي الحجاره = للنبي اللي ختام المرسلين

[راعي الخطامه]

قصيده


شيك على الجكسار بالزيت يا عمير = ومل التوانك كلها بانزيني
قبل طلوع الشمس حرك من سدير = يم المزاين صوب ذرب اليميني
عده عن الميه ولا تهدي السير = خذنا رقم واحد وبه فايزيني
تميم حامة بالسما حومة الطير = في وقتنا الحاضر وقدم السنيني
يقولها الوردي وساق التباشير = يجر صوته يسمع السامعيني
شاعر كبير ينعرف ماهو صغير = حضر مع للي للحفل حاضريني
بارك لابن عمه بزين التعابير = ومهما نقوله كلنا مقصريني
عبدالله آل الشيخ راس المشاهير = ابن مشرف له فعول تبيني
له شهرة غطت على سالم الزير = الله يفكه من حسد حاسديني
نسل الامام اللي جمعنا على الخير = لدرب العقيدة وجه الجاهليني
القصد واضح مايبي له تفاسير = بعهد الفهد صرنا بدنيا وديني
يابو محمد جوك الوجيه المسافير = في مجلسك حولك يسار ويميني
شفنا مجاهيمك تتالى طوابير = بوسم لنا بارقابهن جاهميني
في زينهن قمنا ندير التفاكير = خلاقهن رب البشر اجمعيني
سبحان رب صور البل تصوير = ثم ذكرها بالكتاب المبيني
فيهن مجاهيم وشعل ومغاتير = وحنا لمجاهيم الحفل كاسبيني
انجاز للتاريخ بدون تسطير = وسط المكاتب بدرب الدرابيني
يا مقلط الحشوان لجل المسايير = روس الرجال اللي لك مسيريني
ياللي رفعت العود وشعر المباخير = مثلك وجنسك للكرم مرتكيني
خذت الزعامة منفرد ما معك غير = من القوم قوله والربع قايليني
شهادة من غير شك وتزوير = من شاعر هرجه قوي قايليني

[راعي الخطامه]

الشاعر/ ناصر عبدالله السعيد

حنا الرفيق اللي نوده ونغليه = اصبح يشح بجيته ما يسير
ياريح منا لبو دحيم وش فيه = انشده قله وش علامه تغير
هذا الزمان ما عرفنا تواليه = لا والله اللي صرت منه متحير
اللي تمكن من ضميري مبانيه = اشره عليه ونلحق اللوم خير
حتى سلام العيد ما عاد يديه = وهو يعرف الحق والحق نير
يا ابن مغامس عندنا رضاك نشريه = صيحة مهداة لك ما تحير
احذر من اللي يخدعك في حكاويه = يضحك وهو ذيب عليك متدير
لابد وقتك ما تبين خوافيه = والعبد في دبرة وليه مسير
جرح جرحته لازم انك تداويه = والا نروح الشرع وانتا مخير
ياقلب ياللي زايدات مكاويه = بالك تشائم من ربوعك تطير
ملزوم تدمح زلة اللي تراعيه = لاجل الغلا يصبح غلاهم صغير

[راعي الخطامه]

الشاعر/ حمد بن عبدالرحمن المغامس (الوردي)

يا ناصر آل سعيد هذا الزعل ليه = جيتك مع الوادي تركت المقير
مثلك وجنسك شاعر ما نخله = جهز لنا الدلة وشاهي مسير
في ملكك اللي دايم به تواليه = شرق شمال من شعيب الحوير
رفيقي افخر به ليا حل طاريه = شرهتك ذي اظن به تعير
راعي الهروج الفاضية ما نخاويه = مانيب انا لشرواه جدار قصير
وراع الصلة بالعيد مانيب لاقيه = مع لابته صغير هم وكبير
رفيقنا كانه زعل حق نرضيه = احكم ونرضى رايكم دون نير
اللي تحكم به لازم ناديه = حنا هدفنا رضاك وطب وتخير
صاحبك يم الشرع حذرا تمشيه = عن جلسة وياك عنها تذير
وانت الحكيم اللي مكمله واليه = بسلم المراجل مثلكم ما تحير

[راعي الخطامه]

قصيده مدح


يا عل روض خريم تسقيه الامطار = طير السعد نازله باختياره
اميرنا المحبوب قيدوم الاخيار = جده ابو تركي موحد دياره
نسل الملوك طويلين الاشبار = ماجد عطاه الله لطف ومهاره
وابوه عبدالله لنا دره وستار = من غرته نفسه كرب له عياره
حر ولد حر كريم وصبار = صاحب سمو ما تغير مساره
يمناه لاجل الخير مداتها كثار = كريم سبلا زايد عنه شاره
يحميه رب البيت من كل الاقدار = فضله شمل في كل حي وحاره
ما هي كثيرة منه يا نسل الاحرار = مثله وجنسه للوطن هم عمارة
كم واحد يشكي له الحال محتار = باذن الولي علاجه يصدر قراره
حتى المريض يزيل همه والاكدار = ونفسيته ترتاح عقب انهياره
نبي نقول الحق لو كان اسرار = ننصف بها اللي ما يحسب خساره
اللي له افعال تجي عنه الاخبار = مثل المطر لا طاح بين خضاره
تشهد له المملكة من اللي بها صار = من سبته لبست ثياب الحضاره
اللي سكن فيها من كبار وصغار = ومشروع جبار موقه قراره
هذي مشاعر قلتها سر وجهار = لاميرنا المحبوب ساس الاماره
تمت بذكر اللي قهر كل الاشرار = تعداد من صلى ببيته وزاره

[راعي الخطامه]

قصيده نصيحه


كثر الحكي والهرج لاشك ننفاه = لا صار في بعض الرجال المناعير
لا جاك نمام فحذرى تلقاه = مكروه عند الناس من يومه صغير
متشبع بالخبث ساسه ومجناه = يشذب عروض الناس شذب المناشير
هماز نماز خبيث بممشاه = كم واحد من رفقته ما لقى خير
من هرجته درب المشاكل عرفناه = ينقل كلام فيه كذب وتزوير
لو نعرف اهادفه حشى ما سمعناه = يعطيك علم وينقل العلم للغير
يرتاح الى جت له على ما تمناه = خبيث طبع يدور الشر تدوير
المجلس اللي فيه لجله تركناه = نمشي ولو طالت علينا المشاوير
نمشي لرجل حاش طيبه بيمناه = رجل كريم ولا يحسب المخاسير
القصر ظله حدده رفع مبناه = والقصد واضح ما يبيله تفاسير
نسمع تراحيبه بنا لا وصلناه = في مجلس مفتوح لجل المسايير
رجل الى منا نخيناه نلقاه = نلقاه في وقت الليالي المعاسير
نرتاح الى منا حضرنا وشفناه = حق الضيافة قام به دون تقصير
جنسه ليا منا فقدناه زرناه = له عندنا جاه ومعزة وتقدير
وان زاد حملع عنه حنا نقلناه = نقضي لزوم اهل الوجيه المسافير
مانهرج بشي طلبه وعطيناه = العلم ما يطلع ومحفوض في بير
رايه سديد لا بغينا استشرناه = له هيبة مع منطق وتعبير
تمت وصلوا عد برق لمحناه = على نبي جالنا بالتباشير

[راعي الخطامه]

قصيده مدح

سلام مني عدد ما همل همالي = للشاعر اللي على الساحة تعرفونه
عبدالله اللي عزيز وعندنا غالي = يم القراين لزوم له تودونه
حيث ابن عمار نادر ماله امثالي = ضيفان ويا الربع لا جوه يلقونه
لجل المراجل كريم ويرخص المالي = الخرفان ويا الحشو تلقاه بصحونه
حر تعلى نزله منزل عالي = ممشاه صعب بهذا الوقت يمشونه
يحرسه من كل شر ربنا الوالي = يقولها واحد من اللي يودونه
هذي مشاعر مودة جت على بالي = من كل شك وريبة حيل مصيونه

[راعي الخطامه]

مرثية الملك فهد ال سعود


مرحوم ياللي رحل عنا وخلانا = خلا القيادة لعبدالله وسلطاني
يالله يالرب البريه تقبل دعانا = ترحم ملكنا فهد يا رب الاكواني
حنا عياله على ملتك ربانا = دستوره الشرع داحل كل شيطاني
الموت حق ولكن موته ابكانا = عشرين مليون صغار السن وشيباني
نذرف دموع الحزن تقول يتمانا = من حبنا له تهل دموع الاعياني
ما عاد نلقاه يامرنا وينهانا = الحزن عقبه على وجيه البشر باني
يبكيه يتمان ورمل وكل وجعانا = ويبكيه منهو عليه ديون غرقاني
حتى البحر شال ملحه منه واسقانا = وراع الدخل رغم قله للسكن باني
على التسامح وحسن الخلق مشانا = قبايل كلنا جيران واخواني
وعلى الامن والعقيدة حيل وصانا = يجزاه بالخير عنا عالي الشاني
وصحاري عمرت مدن بسكانا = مع خدمة لاجلها باشكال والواني
كل حي به مركز صحي لمرضانا = مع مدرسة للبني واخرى لولداني
حتى الزراعة بعهده جالها شانا = للمملكة سمعة في كل الاوطاني
ياعل قبره خضار مد الاعيانا = يشم به ريحة الكادي وريحاني
جنات عدن ثمرها بين الاغصانا = بأنهارها اللي شجرها منه روياني
وبجنة الخلد الى جينا يلقانا = من عقب يوم جميع الخلق به فاني
يا ربنا اللي نعبدك انت رجوانا = تجزي ملكنا فهد عنا بالاحساني
وتغفر لنا كلنا وجميع موتانا = يالواحد اللي نعدك ما معك ثاني
وصلو عد ماتهل السحب بأمزانا = وعداد شقر الرمل في طعس حمراني
على النبي القريشي نسل عدنانا = نبينا محمد اللي هدانا لدين رحماني

[راعي الخطامه]

واليكم القصائد الغزليه

*تم حذف الابيات الصريحه

[راعي الخطامه]

الابيات الغزليه الصريحه تم حذفها

[راعي الخطامه]

الحب ما يشرى ولا هوب ينباع = بامر الولي وصله يجي بين قلبين
والا قليل المال في وقتنا ضاع = تصير كل البيض لاهل الملايين
احد يحقق رغبته واحد ملتاع = وقلوبهم وحدة تحب المزايين
الذيب يفرس دايم كل ما جاع = وذيابنا هالوقت بالحيل خطرين
كان الظبي للفرس سهل ومطواع = ياياكله والناس ماهم بدارين
يقوله الوردي خبير بالاطباع = ذيب مسالم بس يلعب بحبلين
شاعر خفيف الدم له بالغزل باع = كل يقول امره على الراس والعين

[راعي الخطامه]

ارحبوا يا بنات البدو والحضر = خضره وما زادت بوجه حسن
شوفكم يجلي الهم والكدر = أي خدمه لكم دامنا حاضرين
ما حلا الروض لا صار لونه خضر = والغنادير وسطه يسار ويمين
والهبوب يتغنى بصوت ظهر = جرله صوته يطرب السامعين
الوردي بحضوركم تو شاف السفر = خص ياللي جلستوا لنا قريبين
الجادل اللي مشابه لضبي عفر = العبي شوي يا بنت لا تستحين
الهوى زاد قومي وفلي الشعر = والعصر ياحلو ما يجي ساعتين
لو لعبتي معك يبي يلعب بشر = لطفي الجو بالله لا تبخلين
يا شبيه القمر ليلة خمسة عشر = البني وقت اليوم ذا فاهمين
شعر اشقر وطول العيون بحر = وخصر ملهوف عوده غضيض يلين
وخد ابيض ومبسم بروج حمر = هزي الارض بالله لا ترفقين
من يجيب السعادة يلقى الاجر = ونس ربعك اللي معك كاشتين
وان سهرتي سهرنا لاذان الفجر = نكحل عيوننا قبل ما ترقدين

[راعي الخطامه]

بداية عام ألف وأربعميه وأربعـه وعشريـن =ترى الوردي سمح خاطره من حب المزاييني
ياحيثه من ثلاث أيام عمره بـادي الخمسيـن= قصد فيهن يرقصهن وهو يلعـب بحبلينـي
بني ذا الوقت بالمكياج والقصـات مغروريـن =تعدل من ملامحها بأمـور تخلـف الدينـي
مع الجوال والانتر طوال الليل هـن سهريـن =كبار بسنهـن وعقولهـن مثـل البزارينـي
والى من جالها الخطيب قالت لامهـا بعديـن =أبدرس مـع زميلاتـي وشوفتهـن تسليـن
وأبـي شغالـة وسيـارة مديلهـا ألفـيـن =وزوج دايـم عنـدي ولا يطلـع يخلـيـن
وغدايه مع عشايه من مطاعم شارع الستيـن =إذا ماهو بيتزا جاهزة مـن مطعـم صينـي
أقول واعرف إن إلي سمعني منهـن زعليـن =ولكن لا عرفن قصدي عليه هـن راضينـي

[راعي الخطامه]

يابنت ياللي معك جوال=بروضة خريم تمشيني
اشوف بالخمخمه سلسال=لمحتها دون تدريني
وبالخد الابيض حبة خال=ياليت ماشافته عيني
والطول زايد ثلاث اقفال=ان كان ماهوب متريني
والشعر لونه ثلاث اشكال=غطا على حاجب العيني
والساق فوق كعبه خلخال=رفعت ثوبك توريني
قربت عندك وجاك جفال=والبيض هالوقت سمحيني
ماانيب اغازل ولا محتال=قلبي يحب المزايني
شايب كبير وعندي عيال=والزين ماهوب باغيني
ياأبن قويفل شكيت الحال=صوبه بجيبك موديني
انت الجمل والحمول ثقال=دبره لي كان تغليني
ان كان قربه يجي بالمال=اشره ولو بالملاييني
حيثك عريب وطيب فال=ولااظن مثلك يخليني

[راعي الخطامه]

العذارى وقفن في روض نوره=خمس فانات وجيب فكس ارا
شفت منهن نقوه بترنق كوره=فرقتين ياحمد قدامي تبارا
فيهن الكبتن عنود ومغروره=لعبت بقلبي لها تالي نهارا
خلت الوردي مريض به حروره=وازعجت شباب ثادق والتمارا
من لمحها غصب يخرج عن شعوره=من الجري خده تبين به حمارا
قلت يالمملوح مانتيب معذوره=شاعر مفتون في حب العذارا
وقفي بالله باخذ لك صوره=جامليني لا تزرين الزرارا
احتفظ فيها ولامنها خطوره=قلبي المقرود به عينه خضارا
قد نصحني مخلص ماطعت شوره=النظر لاترفعه فيها حذارا
جادل معطيه ربي وصف حوره=البني مما عطاه الله غيارا

[راعي الخطامه]

الزين شفته بسوق حجاب = عقب العصر يوم الاثنيني
متبرقع وفي يده اخضاب = ليته بحناه محنيني
سواقها يفتح لها الباب = رعبوب ماله وراعيني
من شفت زوله وانا منصاب = الوجه يعطيك لونيني
العين يا حمد عين عقاب = والرمش الى حاجب العيني
ميل عليه وهو مرتاب = صوت على اسمي يناديني
يقول شفتك شمال حراب = في جيب تسعة وتسعيني
يالوردي خل الشعر ينساب = وانظم بيوت الغزل فيني
عجل ودور على كتاب = ابغيك كان انت تبغيني
ياما حلا جمعة الاحباب = على النقا وسنة الديني

[راعي الخطامه]

الوردي من اللي شاف ذا العصر مجروح = من اربع بنات عيبهن البياضي
قالن ذا نعرفه بالشعر مفضوح = قلبن يرفرف واسفل البطن فاضي
لا شاف زول زين بالحيل مشلوح = بسدير يوضفنا وهو غير راضي
نبي نتصدر عنه يا كود يروح = عن كحله عيونه ما هو متغاض
لا نبتلش وياه في شعر ومزوح = ياشينها بأسبابنا كان هاضي
ما دام باب العشق ماهوب مفتوح = كانه تركنا وراح حنا حضاضي
ياقلب ياللي كل ما شفت مملوح = الشيب في راسه من العام ماضي
فضحتني عند العرب دون مصلوح = ترجف والى جا الجد جاك انخفاضي
لولا الحيا والله لاصيح وانوح = والبيض حولك كاشته بالرياضي

[راعي الخطامه]

ارسلت لك وردة بظرف الرساله = ورسمت خلف الكرت يا زين قلبين
لا تقولي الوردي انا من عياله = السن ما هو شرط بين المحبين
القلب يقدر يجذبه من سعى له = وانا معي يابنت للقنص حبلين
متعلم وفاهم واحب الشكاله = شاعر غزل لو كلمك ما تهابين
رعبوب يجفل يرتجف من ضلاله = يخاف من لدغات بعض الثعابين
محرجه عند الناس نسبة جماله = وشعر طويل شاف منه العذابين
والكحل حق العين ما ينشرى له = ارموشها مع حورها فيه عيبين
ازهم على الجوال في الصبح والليل = من كثر ما ازهم عورتني يديه
رديت بي ويلك من الله ياويل = وش عاد لو سولفت معكم شويه
نسيت يوم العيد هاك التعاليل = نعلن فرحنا سامرين سويه
ياحلو جاملني قبل يطفح الكيل = لا شفت رقمي ليه تقفل عليه
طريقتك هذي مهانه وتذليل = ترد بي من دون ذنب وخطيه
انا ادري ان بيني وبينك عواذيل = حسيبهم ربي ورب البريه
يسعون بين الناس بالقال والقيل = ياعلهم مثلي تجيهم اذيه
كودك تعدل من طبوعك عن الميل = تروف بالي منك حاله شقيه
صحيح خدك فيه لمعة من سهيل = ولون الثنايا بيض تقل برديه
خزيتني بعيون هذب مظاليل = والعنق عنق الريم بأرض خليه
مع ابتسامه تنعش القلب بالحيل = ملحك حشى بسدير ما فيه زيه
ياليتني وياك معنى المعاميل = تهرج وانا اسمع والسوالف عذيه
نظبط عشانا مقلقل من لحم حيل = لا زانة الجلسة حكرنا الشويه
في ليلة قمرى ودله بها الهيل = الكل منا شفق بشوفه خويه
لاجلك يا عل سدير يربع من السيل = واقطف لك زهور الخزامى هديه
وختامها تعداد وبل المخاييل = للي سمع صوتي شكر مع تحيه

[راعي الخطامه]

يا عامر ابن سعد حذرا تخليني = نفسي عليلة يا عل الرب يشفيها
من عقب يومك تكلمني تناديني = اظنها خطه ليه مسويها
حقي عليك انت يومك تعنيني = ورزق الاوادم يجي من عند واليها
عل رغبة حاير بها السيل حوليني = يا حيث زين الوصايف نازل فيها
جيتك صدفة لمحته داعج العيني = عند استراحه بها الاشجار يسقيها
طلبت قربه وعيا لا يحاكيني = بالشرع ابيها يا عل الله يهديها
ودي مثل ما سقى الاشجار يسقيني = حرارة بالحشا مثله يطفيها
قبل اصلك صابني والله بسهميني = وقلبي تولع بها عيا يخليها
عمره صغير واظنه حول عشريني = من الزين كله ولي العرش معطيها
خفيف دم ولا صالا بزاريني = مشغول مع قذلة شقرا يغذيها
ان قال كم العمر لا تقول خمسيني = الصبغ كل شعره بيضا يخفيها
ما يشرطه داعج العين راضيني = حورية مثلها لازم نداريها
ابيه في سدير في قصري يسليني = لا نيب رايح ولا نيب متعديها
شاعر غزل ومتوله بالمزاييني = امشي على كيفها بالجيب اوديها
والى كسبناه علمه صار بيديني = لو غيرت رايها ما عاد يمديها

[راعي الخطامه]

يا شبيه القمر ليلة خمسة عشر = أي خدمة نخدمك دامنا حاضرين
انت يا بو شعر اشقر وعين بحور = وخصر ملهوف عوده به غضاض ويلين
وخد ابيض ومبسم فيه روج حمر = خضره وما نكملها بوجه حسين
جادل جابه الله تقل ضبي عفر = لطف الجو حسنه واسعد الكاشتين
الهبوب يتغنى لك بصوته ظهر = جرله صوت لاجلك يطرب السامعين
الهوى زاد قومي والعبي بالشعر = والعصر ياحلو كله ترى ساعتين
ان لعبتي معك بيقوم يلعب بشر = هزي الارض يا حلوة ولا تستحين
من يجيب السعادة له ثواب واجر = لاجلنا جاملي وبالله لا تبخلين
الوردي من شاف زولك زل عنه الكدر = والغنادير حوله يسار ويمين
ان سهرتي سهرنا لين اذان الفجر = نكحل عيوننا من قبل ما ترقدين
ما حلا الروض لا صار لونه خضر = ومثلكم يا ربيع القلب به ترقصين
نجتمه به سويه بدونا مع حضر = تحت نور يلالي كلنا ساهرين

[راعي الخطامه]

يا زين ياللي عليك دسوس = ويديك ربي محليها
الجو خالي من الناموس = وعني لا تغطيها
الملح ما هوب بالملبوس = ان كان كل يسويها
بالوجه مع دمك المحموس = وعيون برموش توذيها
والطوق بين الشعر مغروس = من طولها لك مساويها
وصدر لونه تقل فانوس = بسكال بك من مواريها
مانيب اختلك ولا جاسوس = البيض انا مولع فيها
بالقنص ماهر وعندي دروس = القى الضبا في مغاليها
ان كان هن لي نقضن الروس = فرصة عمر ما نخليها
كانك تبيع الهوى بفلوس = هات البضاعة لشاريها

[راعي الخطامه]

ياراعي الجيب الابيض وين رايح له = اباتبعك وين ما تمشيه قدامي
الجادل اللي معك مملوح له قذله = ما ادري سعوديه والا من الشامي
من شاف زوله صحا لو كان به عله = محليه ربي بلا مكياج وزمامي
ابو عيون هدبها سود ومظله = ومبيسم من الدلع غطاه بلثامي
محظوظ مثلك حسين الدل ذا خله = ما هوب لاقي حليه لو بالاحلامي
حاسدك انا لا تكشف والشعر فله = من سبته عن جميع البيض هو شامي
واهج نحرها على خدك كما المله = وانسته كما اللي ورد حوض وهو ضامي
يدعج غنج لا هرج ودك تسمع له = لا حمى جسمك معك بالحيل هو حامي
مثله وجنسه قوي الباس يرضخ له = يصير مثل الجمل مربوط بخطامي
يقوله الوردي اللي مالقا مثله = في غرفة لا حظنته سلهم ونامي

[راعي الخطامه]

يا دحيم قلبي في عماه = من العشق ما احد مانعه
ابوك معروف بلاه = من اللي نقابه جادعه
غر وتسبب في شقاه = تمشي وهيه فارعه
في سوق بعنيزة رماه = بعيون نعس طالعه
والشعر الاشقر من وراه = لفه ببكله سابعه
والخد برق في سماه = والنهد محد راضعه
به شامة زادة حلاه = سبحان من هو لاذعه
ومسحه خفيفه بالشفاه = تعطيك نظرة لامعه
انا اشهد ان ربي عطاه = والزين كله جامعه
مريض ما جبتو دواه = ينعى ولا احد سامعه
جاه البلا وقلبه خذاه = اقرو عليه القارعة

[راعي الخطامه]

يابو فهد قل لنا بالله وش السوات = شفت الحلو راكب في وسط فرت جديد
يوم التفت لي انا وعيونه مسلهمات = يضحك وباليد يشرلي وهو من بعيد
سن الذهب بينة لمعته تحت الشفات = بيض الثنايا يلالي تقل لون الجليد
والشعر منقوض ما خلاه تحت العبات = ناعم ملايمه له ابع مشابك حديد
شفته وانا طالع اشوف سيل فلات = ليته يجيني بطوعه نفعل الما نريد
مثله وجنسه لنا لذات في هالحياة = الى حصل مثل ذا قولوا لنا وش نريد
اش فايدة اذا غزانا الشيب والعمر فات = قمنا نتوجد ولو انه لنا ما يفيد
يقوله اللي تولع في حسين البنات = لا شف له زول ينظم في جماله قصيد

[راعي الخطامه]

هبت هبوب الجنوب وجابت الكادي = والكادي اللي نشمه من جبل فيفا
من قبل ازور الجبل والوضع لي عادي = جوالحين قلبي تولع في هوى هيفا
غروٍ عسى الله يفكه عين حسادي = مثل الظبي مختفي بحماه ما شيفا
جيته وقلت اسالك بالله انا غادي = وصف لي الدرب ياحلو التواصيفا
جذب شعوري زيادة صوته الهادي = وانا تماديت معها باسواليفا
ياليت منهو جلس مع بنت الاجوادي = تحت الصنوبر على روس المشاريفا
ويقول انا اليوم ممسايه مع رقادي = ضيف عليكم ولا عنده مصاريفا
ثم اطلب القرب من مركوز الانهادي = وكانه حصل ما حسبنا للتكاليفا

[راعي الخطامه]

نصف القمر زرته وشفت الغرابيل = ياليتني ما دجت به يا ابن فوزان
لمحة زول فيه يوم اقبل الليل = من سبته ليلي سرا فيه سهران
خده بياضه تقل برق المخاييل = وعيونها شقر كما عيونم غزلان
مع مبسم مملوح والله بالحيل = محليه سنون كنها حب رمان
عوده وسط لا هوب زايد ولا نحيل = والشعر نصفه من تحت طرحته بان
والساق مدموج بكعبه خلاخيل = دمه خفيف ويتدلع وغسقان
اللي حصل لي قلت لك بالتفاصيل = شاعر تهيض ولا تقولون غلطان

[راعي الخطامه]

من البيض مالي شف يا كود بنجود = الجادل اللي ما لقينا حليه
راعي الهوى والعشق بالحيل مقرود = روضتني للعشق غصب عليه
دور على كاتب وحضر لنا شهود = اكتب لكم يا زين قلبي هديه
باب الهوى من غيركم مردود = خلك معي وافي سدودك قويه
عطني وانا باعطيك عهد مع قيود = ما واحد منا يجنب خويه
واعرف ترى من الغنادير محسود = كل من الوردي يبي عطيه
درب الهوى والحب ما فيه منقود = على النقا ما به علوم رديه
هذي مشاعر قلتها ما بها زود = رفعتها لا تعتبر لي خطيه

[راعي الخطامه]

مل القلب كل ما شاف مزيوني = زاد له يا حميد عن دقته دقه
للعذارى الكاشته لا تودوني = يالهبوب الوردي توكله علقه
شاعر حساس لازم تعذروني = والبني فيهن حلا زايد فسقه
لا اعرفن جيبي وجن لي يحيوني = صرت مثل الذيب الى صيد بالحقه
وان رفعت الصوت بالشعر سمعوني = ومن عطاني وجه ابا صير له لزقه
مثلي اللي بالغنادير مفتوني = ينتعش بالحيل الى من لقى رزقه
خايف لو رحت حصلت فتوني = تنحرج يا حيثها لشوفتي شفقه
قد طلبت القرب منها ولدوني = كسبها غيري وجهز لها الشقه
لو مهرها شاص مع نصف مليوني = وفله فخمة فلا هوب ذا حقه
صغر سن ووجه ورموش وعيوني = والنحر سحاب ليل كشح برقه
ما عليه لو ربعي يلوموني = ابرك من ريال نكسبه في صفقه
ختامها بالله لالا تمروني = لا يتل القلب منا الغضي درقه

[راعي الخطامه]

صدفه وأنا في طريق سدير= نوره على الفان بوزاني
من دون ما شعر لطمت القير =من خزته لي بالا عياني
سـواق بالله هـد السـيـرِ =ارحم مولع وشفقانـي
وقفه سريعـة بـلا تأخيـر =أعطيه رقمي وعنواني
نوره حنون وتحـب الخيـر =ما تترك أحميد وجعاني
أنا مريض ومعـي تقريـر =إن حب نـوره تبلانـي
ظميان والماء بوسط البيـر= إما شرب منه هلكا ني
ليتك تياسر معـي لسديـر =البيت أنا فيه وحدانـي
ترتاح عنـدي تعيـن خيـر =واسمعه زين الالحانـي
نبي نتغـدى لحمـة أبعيـر =لا سوته هي صحانـي
ولازلت الشمس تالي عصير= ودعتها بقلب ولهانـي

[راعي الخطامه]

تكشف يشرب الشاهي ونور الشمس في خده =مع السواق في فرت حمر يمشي على هونه
ألا يا ليتني يا سيف ما مريـت مـن عنـده =ولا شفت الحلا في خدها والرمش وعيونه
عنود جالس بالخلف ورأسه يلمـس التنـده =عليه الله من الحساد من ملحه يحسدونـه
ترى المزيون واضح نعرف انه زين من زنده =هل الخبره من الشعار من شكله يعرفونـه
يعرف المملكـة والفيصليـة وزايـد بنـده =مدلع لا بغا حاجـه لمـا قلتـه يودونـه
وشعر مثلـج وأشقـر وناعـم لومـا كـده =تحت طرحته بين كاسي الأرداف ومتونـه
يا ليته من هل الديرة من هل سدير والبـده =لياجا شايب مثلـي يخطبـه مـا يلدونـه
بغيت أغلط بدون شعور أذب الجيب واحـده =وأقول الشاعر الوردي يبي يقلط تقهوونـه
ليا من قلطه مثلـك حلـو يقلـط ولا عنـده =يهمه جلسته وياك وغيـرك مـا يهمونـه

[راعي الخطامه]

أنا قررت لأجل البيض امدد زود عشر سنين =لأجل خاطرك لاتزعل على يا قرة العينـي
وقلبي قال يا الوردي تأخر وانتظـر بعديـن =تراك أخطيت في حقي وحق اللي يسلينـي
ترانا بدونهن نسبة سعادتنـا تجـي صفريـن =من محرم لياها الحين أنا ويـاك مرضينـي
بني ها لوقت ماهن قشر والله يا حميد سمحين =ستر وخلاق لو سلمن من رجال شياطينـي
بوسط البيت مشغولات وبعض رجالهن لاهين =مع الشلات ولاكن جاملن لأجل الوراعينـي
معاهن فكر واعي يا ولـد ماهنـه بسهليـن =وترى الرجال من دون المره شاف العذابيني
ماهن مثل الرجال لآمن تمكن حط له ثنتيـن =ليا منه جمع له قرش يجيب لها عمى العيني
نسى شهر العسل معها وهم ما غيرهم اثنيـن =ليا من صد واحدهم على الجمعات شفقينـي
قريد الحظ من توهـق وصـار لـه بيتيـن =وقدره قل عند أحبابه اللـي معـه وافينـي
أنا والعذارى باعتـذاري كالعسـل صافيـن =لمدة عشر كان الله كتبهـا لـي متصافينـي

[راعي الخطامه]

يا معذب الـوردي علامـك تبرقعـت =غاب القمر عنا ولا عـاد بـه نـور
ليتك عـن أحـدود التبرقـع تأخـرت =مثلك وجنسك يا أريش العين معـذور
ما عاد أشـوف امبيسمـك لا تبسمـت =يالي جمالك فيه دقـه مـن الحـور
أنا شهـد انـك زيـن لومـا تزينـت =من ملح ربي ما حصل عندك اقصور
على جميع البيـض فـزت وتروسـت =من شاف جنسك يرتجف من مبهـور
يفـز قلبـي لالمحـتـك وسلهـمـت =والشعر الأشقر فوق الأمتان منثـور
يومك صغير السـن لاجيـت سلمـت =مانته على الصدات مرغم ومجبـور
والحين يوم انـك كبـرت وتحشمـت =جيتك أبـي قربـك مـن الله مأمـور
حذراتقول اليـوم يـا حميـد شيبـت =لاجلك صبغت الشيب واصبحت مغرور
وان ماكفاك الصبـغ بالمـوس حلقـت =واصير لك مطواع ماظهر من الشور

[راعي الخطامه]

من سدير الى الصمان حنـا تبعنـاك =نمشى ورى الصالون مانتاب داري
في روضة ام اقرين يازين شفنـاك =ماريتـك عليـك جنـز سمـاوي
بالجيب يومنك تمشـى اعترضنـاك =الوردى الى معه سوبـر سفـاري
ماريـد منـك الا تسلـم بيمـنـاك =قدام ربعـى افتخربـك وامـاري
اقهر بك الهبوب انـا لاعـد منـاك =لاشاف زولك يايشـوف العـزاري
خله معى فـى كـل يـوم يتمنـاك =قلبه على حب المزاييـن ضـاري
ون كان ماودك تـرى ماغصبنـاك =ماكـل قنـاص يصيـد الحبـاري
حقك علينـا يـوم حنـا عرفنـاك =نصبر ولو حبك مع الـدم سـاري

[راعي الخطامه]

دربلت صوب الكواشيت=العصر فوق الرفاعـه
قريب منهـم تخفيـت=قزيتهم نصف ساعـة
لمحـت زولٍ وونَيـت=ونات ذيـب المجاعـه
سلهم بعينه وسميَـت=الضعط زاد ارتفاعـه
مريـت مسيرتقهويـت=وخليت قلبـي وداعـه
بغيـت اسلـم وذليـت=انجود ومعها جماعـه
قام يتمشـى وحسيـت=جامل وبيـن اذراعـه
عزمني ابـوه بالبيـت=وقلت سمـعاً وطاعـه
جت لي على ما تمنيت=والرزق جاني بساعـه
قالـت انـا ماتغليـت=والسر خلـه وداعـه
يامرحبا كـل ماجيـت=الحب رفرف شراعـه
يالوردي اللي تمنيـت=شاعر وعنـده لكاعـه

[راعي الخطامه]

ياليت ما وقفت انـا بالمحطـه=محطةاعشيره ولا شفت لي زول
وجه حسين وجمل الخـد نقطـه=خلت جماله شي ماهوب معقـول
مثله وجنسه بالغناديـر لقطـه=لا وهني من داعب الزين بوصول
له مبسم ما يوم به روج حطـه=لونه طبيعي ما يركب بمحلـول
ياللي كسبت الزيـن بالله غطـه=لا يلسعه بالعين حساد مجهـول
اللي فرق بالملـح كـل يغبطـه=يقوله الوردي وهو منه مذهـول
والى طلب مبلغ فسلمـه ربطـه=لا ينكسر خاطره ويقول ياحـول
لامن تكشف خذت ويـاه غطـه=متوسد خـد حسيـن ومجمـول
في مامن منتاب واقـع بورطـه=في غرفة بالبيت والباب مقفـول

[راعي الخطامه]

الزين شفته يسوق الشاص=الفين واثنين ياباني
عيني بعينه وحنا حراص=اشرت له ثم حياني
بالمجمعه عن طريقي حاص=في غفلة راح خلاني
ياليتني للاثر قصاص=اتبعه ياكود يهواني
يصير ليه وليف خاص=غيري حشا مايبي ثاني
مملوح لاهل الهوى قناص=ومفصله رب الاكواني
قلبي حديد وجذبه الماص=مابين رمش وحجاني
ياسيف دور لنا مخلاص=من قبل لااطيح وجعاني

[راعي الخطامه]

ياهيه يالمملوح يا كامل الزين = متشيك ومشخص بالمرايات
حرام مثلك ينتظر له لموزين = ممنوع انا اجيلك كل الاوقات
اسوق لك في جيب تسعة وتسعين = وارهمه لك لا يجي به مطبات
لا من ركبتي فاكشفي لا تغطين = سواقك الوردي يجب البنيات
مامون جانب والعمر فوق خمسين = حيسب حساب للغلط والخطيات
مما عطاه الله له لا تحرمين = مثله وجنسه يستحق المكافات
يا ماحلا جمع الشمل للمحبين = بالشهر مرة مانبي كل حزات
مالك عذر يا بنت مهما تقولين = والزين مثلك عادته به مروفات

[راعي الخطامه]

يا محلا عذرى على الكيف يا سيف = رعبوبه والوردي اللي كسبها
غضة غضيضة كاملة بالتواصيف = وعيون دعج مستصح بدنها
لا هو متمدن ولا من هل الريف = بيت الشعر بالبر دايم سكنها
ماتعرف المكياج وغرفة وتكييف = في فله والباب مقفول عنها
ضاري على الريضان وروس المشاريف = من سدير الى الصمان هذا وطنها
جلسه هواويه ولا به تكاليف = متولع فيها وحبه فتنها
في راس طعس ساهر باول الصيف = يلعب مع المملوح ويده بيدها
وقتها مضى ما بين ضحك وسواليف = ولا غشية من الضحك قام وحضنها
نور القمر كافيه ولا به ملاقيف = في كل ساعة لا طرت له طلبها
في ليلة محد درابه ولا شيف = تطفي لواهيبه ويطفي لهبها

[راعي الخطامه]

ياليتني ما دخلت السوق = برويضة العرض ما شفته
ماشفت مثله حشى مخلوق = مقرود انا يوم هرجته
يقول وش بك تقل مطفوق = والشيب في عارضك شفته
قلت السبب من يالغرنوق = شاف الحلا فيك واخلفته
خفيف دم وكلك ذوق = والكحل بالعين داعجته
من الدلع ثوبك مشقوق = لين الركب ليه موسعته
والشعر مثلج عليه الطوق = ناعم ومن الخلف ناثرته
غطى الخصر والردف من فوق = بالمسك وريحان ماشطته
ملح البني ماخذه مطبوق = كم جادل زين قاهرته
يا بنت انا لي عليك حقوق = شاعر غزل وانت هيضته
سلم على شايب ماثوق = وش عاد لو جيت صافحته

[راعي الخطامه]

الزين شفته انا مسيان = بنفد الغضا يوم نكشت به
في طعس مغرز بنيسان = زمل وهو واقف جنبه
يقول ليه وهو خجلان = قرب لنا الجيب نسحبه
قال انت ياللي علي شفقان = نعطيك مطلبك بالخبه
واظنك الشاعر الفنان = الوردي اللي انا اسمع به
قلبك خضر بالهوى غرقان = صدفه لقى علاجه وطبه
لا تكشف السر للعربان = ومثلك وجنسك نرحب به
ابشر برقمي مع العنوان = العبد له رزق مع ربه
طموح من واحد وجعان = ما اطفى مشبه الى شبه
وان كنت مثله بعد تعبان = درب الهوى يا ولد كبه

[راعي الخطامه]

الزين شفته انا يا حميد = عند المحطة وهو لحاله
بتمير ثالث نهار العيد = واللي تكى للحمل شاله
عيونه عيون المها بالبيد = كاشف يكلم بجواله
انا اشهد انه على ما اريد = مطرود وعينه على عياله
من شفتها والجروح تزيد = قلبي معه دوم يبراله
مرباه حولك ماهوب بعيد = والوردي يشكي لكم حاله
يالذيب كودك تحل القيد = حيك مقره ومنزاله

[راعي الخطامه]

امس الضحا وقفت ابا اشتري جريدة = من مركز توه جديد ومفتوح
في مدخله قابلت عذرا عنيده = بانت محاسنها وانا صرت مشفوح
اقفت تبسم لي وتضحك سعيدة = وانا من اسبابه عليل وجروح
شكله وطبعه من ديار بعيدة = كشف الصدر عنده مع الوجه مسموح
به شامة بالخد حسنه تزيده = مع مبسم مملوح بالروج ممسوح
وكتفه وردفه جى على ما يريده = غطاه شعره منثر طيبه يفوح
يا سعد من جت له بحكم العقيده = انا اشهد انه ما خسر دون مصلوح
شهر العسل كله ليالي سعيده = يقضيه مع غض النهد لعب ومزوح
وصعب علي احط وحدة جديده = ماني كبير السن لكن ملفوح
انشب ويظهر لي مشاكل عديده = وام العيال تجنب البيت وتروح
غض البصر لا شك عادة حميده = يحميك من كثر التوجد مع النوح
هذي مشاعر قلتها في قصيدة = حيث الشعر عنه الغلط دوم مدموح

[راعي الخطامه]

الدلع ويا الحلا في الصيدليه = شافها الوردي وهي تصرف علاجه
يا حمد سبحان خالق هالبنيه = من العرب لكن به دم الخواجه
خزني بالعين ناويني بنيه = صادني يا حيثي داخل في مزاجه
قلت متزوج ولا تخطي خطيه = قال كل يا رجل تعرف خراجه
في حدود الشرع مع سنة نبيه = عاشق ومعشوق مع قضيان حاجه
اعرفك بالحيل انا ماني غبيه = خل عنك اللف ودروب العواجه
اشتري لك دبلة مني هديه = حدد الموعد لنا فيه انتواجه
اطلب من الله خلاق البريه = نجتمع في خير بليا سماجه

[راعي الخطامه]

مرنا لو ساعة عقب الاخير = نكحل العينين مما الله عطاك
الشاعر الوردي ترى عمره كبير = مايسوي حاجة بليا رضاك
لا ترقصني ترى ماني غدير = اتركك واصد لو انك ملاك
انت سجاني وانا عندك اسير = وان لزم لجنيف مسجونك شكاك
قلبي المقرود عميان وضرير = غصب عني جا لحدك وابتلاك
للعذارى ليه ما ترشح سفير = بالعرب ما اظن ابي نلقى حلاك
خف دم وملح مع عمر صغير = والجدايل للكعب تلعب وراك
وجه اصبح تقل بدر مستدير = من لمح زولك تورط في هواك
الهوى معروف موضوعه خطير = وانت عارف زين ماشي خفاك

[راعي الخطامه]

يا راعي الضلع ليتك شايف اللكزز = جيب سماوي ولوحاته عمانيه
عقب العصر واقف وياه بالمركز = مركز لامن الطرق قبل القويعيه
شكله مفصل يا بو عزيز ومكتز = تعطيه من منظره ميه على ميه
شفت الجمال الخليجي فيه متمركز = رعبوبة يالهواوي تقل حوريه
على الشعر ولانحر يالجراح انا مركز = جراح سبحان خالق ذا السنافيه
يالراوي لو شافها شايب يتعكز = يجيه ما جى ابو محيسن ونسريه
يقوله الوردي اللي على الشعر يتكز = شاعر غزل شاف يالشعبي له بنيه

[راعي الخطامه]

يا حميد جر الصوت لا جا مجاله = صوتك ينعش لابسات الخلاخيل
يا مسند اللي من عذبه شكاله = شهرين وخمس ايام شفت البهاذيل
ما دام غض العود جالس لحاله = ذكره باللي قال من دون تعديل
يقول رقمي ياصلك في رساله = وصندوقنا ما جاه منها مراسيل
ان كان هو مع غيرنا اليوم داله = انا ما نيب من الرجال العواذيل
ما انا ولد عمه ولا ولد خاله = غريب عنه ومنه شفت الغرابيل
قل اترك الوردي وخله بفاله = حتى ايش لو من شاف زول الرجاجيل
زود على ملحه يحب الشكاله = يمشي مع الموضة على كل موديل
يشبه لريم عايش في جباله = لاجله عسى عنيزة حقوق المخابيل
خفيف دم وحظ منهو صفاله = ابو عيون سود وهدب مظاليل
من صد عن عيني ذبحني خياله = حبه خفى ولا طلع بالتحاليل
ياراحم المخلوق لامن لجاله = يالله عسانا منك نلقى التساهيل

[راعي الخطامه]

يا حمد قم شغل الكنود = نوره على الخط تسمعنا
عقب العصر ما احد يرقد = كود الولي معه يجمعنا
من قبل لا موتره يبعد = يضعف ارساله ويتركنا
بدونه يبي صوتنا يهجد = حيثه وجنسه يشجعنا
ابو جديل الى من كد = غطى على الردف والمثنى
مع قصة جمل بها الخد = والكف منقوش بالحنا
والعنق والصدر ويا النهد = متبصر فيه خالقنا
مزاح وجدي ليا جا الجد = على الغلط ما يساعدنا
بالهرج يراوغك ما يركد = لكيع يعرف يصرفنا
يقول لي مزحنا له حد = يالوردي ما نتاب واصلنا
وان سلم راسي لا احده حد = استدرجه لين يعشقنا
ويقول يا حمد حذرا الصد = وازهم هبوبك يطربنا

[راعي الخطامه]

نوره على صالون الفين واثنين = في مفرق حنا وقفنا وزينه
اشرت للسواق عن يمته وين = جاوبني المملوح بنظرات عينه
فك النقاب وقال تضحك على مين = يالوردي اللي كلنا عارفينه
خل التفاهم ياحمد معك بعدين = الحب صعب وكلنا مجربينه
نسق مع الذيب ولو بعد شهرين = في موقع محدد نجي قاصدينه
خله يشوف الوجه والرمش والعين = حتى يجر ابيات شعر حسينه
يايرتبش لا شاف بالصدر نهدين = في حجم تفاح لانضج قاطفينه
والخصر ملهوف محليه ردفين = لاهي دقاقة عود ولاهي متينه
انا اعرف ان اهل الهوى حيل شرهين = ما يقنصون الا العذارى الحسينه
وقلبي تولع في هوى كل الاثنين = الذيب والوردي عسى الله يعينه

[راعي الخطامه]

لي ثلاث شهور انا ما شفت خلي = انقطع عني وانا مدري علامه
يالهبوب ان كان تدري عنه قلي = لا تهاون ثم يلحقكم ملامه
يذكر انه بالكويت وفي حولي = واحد يقول شفته بالمنامه
وابن برغش قال لي عنك متغلي = ومن تغلى يا يخلا بلا ندامه
منك يالوردي حسين الدل ملي = صاده الجراح وشابك في غرامه
بالجهاز اسمعه الى سمعه يهلي = كل كلمة منه يقابلها ابتسامه
عندهم جرح الزمن خفيف ظلي = يازن الالحان ويجذبها كلامه
الهواوي قال خله يولي = عز نفسك عنه وخله في مرامه
لكن الراوي يقول ان فيه حلي = تقنع الجراح بسلو الشهامه
عارف وضعي انا لو ما حصل لي = مشكلتنا يايواليها اهتمامه

[راعي الخطامه]

ليت منهو نازل في بر ثادق = حول خله نازل بأرض خليه
داله وياه بالنفد سابق = لا اتعبت بالحيل خمتها يديه
في نهار وليل دايم ما نتفارق = لا طرت لي قلت بالله الحذيه
عند ابو خد يشعشع تقل بارق = والثنايا ياحمد لون برديه
جادل مملوح فيه الزين فارق = مكمله بالملح خلاق البريه
في هوى الوردي مولع حيل غارق = لا لمح حبيبي يجي يسلم عليه
لا التقى بالليل معشوق وعاشق = بليلة قمرا يحلون القضيه
شاعر قلبه خضر للبيض لايق = منه يالراوي انا شفت الاذيه
بس الى جا الجد مانيب صادق = مرتدع بالشرع مع سنة نبيه

[راعي الخطامه]

لا قلت انا الوردي فقم وافتح الباب = من ---- يا زين ابا ابرد غليلي
لو شفتني شايب ترى القلب ما شاب = لا شاف غض العود صوبه يميلي
يبي عيون سود كحلها سود الاهداب = وينشط ليا منك نقضت الجديلي
وعود غضيض يلتوي كنه الداب = يجدد شبابه عقب ما هو هزيلي
غر وصغير السن مملوح وجذاب = لا خزني بالعين شديت حيلي
الى اجتمع فلتة زمانه ومن تاب = يصير لك مطوع دايم ذليلي
ان كان عشقك جد ما انتاب لعاب = نسق معي اجيك ولا تجي لي
يا ما حلا بالليل جمعات الاحباب = في حكم شرع الله سوى كل ليلي

[راعي الخطامه]

كشف عن الوجه السموح وابتسم لي = وحسيت انا ياذيب بالقشعريره
ومبيسم مملوح به روج كحلي = و---- غضه بالصدر مستديره
خجلان مني واحسبنه تغلي = وانا زمل من غلطة لي كبيره
قالت انت وش بك يابعد ما مل = ان كانك الوردي تراني منيره
الجادل اللي في محبتك مبلي = شايب رزقه الله عنود صغيره
جيتك مادامك ما تجي لي عجلي = كل على شفه يدور عشيره
خلك حذر بالحيل بالك تزلي = كل شي ماشي غير حاجه خطيره
المسأله حيرة خواطر تسلي = واللي تبي مني عليه عسيره
لو كان غيرك ما نجي له تدلي = لكن مثلك بالهوى نستشيره
يالشاعر الفنان بالله قلي = انا تراني بالمحبه عريره
انا ادري ان جلسه معك ما تملي = تضحك وقلبك فيه مثل السعيره

[راعي الخطامه]

لا تقولين هو مستحيه = الحيا خليه مع ثاني
شاعر معروف يا بنيه = من دياره جالكم عاني
طالبك باسلوم شرعيه = كود قلبك حن يبغاني
من لقى في نجد حوريه = ما بغى بسكال لبناني
بنت عم له تميميه = عوته ذربين الايماني
لا يدور له جنوبيه = من هل الباحة وضبياني
يطلع بها كل عصريه = بالطبيعة بين ظلعاني
طول رمشه فيه ماريه = والخصر ما هوب ملياني
وان تهيا له حجازيه = رابية في حي بقشاني
له ثنيان بيض مجليه = كنها لولو ومرجاني
والعيون وساع كحليه = يوزع البسمات فسقاني
معه شاهيه وزوليه = مقابله مدعوج الاعياني
جادل بالزين مبليه = من عيون الناس خجلاني
وان تهيا له شماليه = جاه ما جا الشيخ خيطاني
شعرها خمسة عشر ليه = والثنايا حب رماني
وجه اصبح تقل سوريه = ياخذه لبحور عماني
وان تهيا له حساويه = جالها بالحيل شفقاني
عودها ريان ممليه = تزعج الاصوات بالحاني
راعية طاعة وسنيه = ما اقواها كل شيطاني

[راعي الخطامه]

قلت الرقم وقلت معطي رقوم = منغر من زينك تغلى عليه
لا تحسب الوردي من الحب محروم = يبي يوفقه الولي بجوديه
ان كان جنسك في محاريك معدوم = بجده مع الطايف وابها البهيه
اعرف ترى في نجد حلياك بالكوم = مع البدو بالبر والا حضرية
وانا على الاحراج ما نيب ملزوم = كلن على ليلاه ويا خويه
انا ادري ان الحب دروب وسلوم = ولا كل جمال يعسف المطيه
اقولها والقصد واضح ومفهوم = ان كان به عاقل يحل القضيه
راعي الهوى والعشق ما هوب مليوم = كم عاشق من العشق شاف الاذيه
العشق من وقت مضى لين اليوم = انشد عن العشاق وقت الجاهليه
حياتهم راحت توجد مع هموم = مع الحضران والا بدويه

[راعي الخطامه]

شفت انا الاسعاف قدام تمريه = فيه ابو كحله ومع ممرضاتي
كنت انا وياه نمشي بالسويه = بالهوى قلبه خضر سوى سواتي
ما تعودت الغزل مع اجنبيه = شفتهن خلف الستاير جالساتي
خذت لي مده وانا افرك يديه = لين شفت البيض وهن مفرعاتي
قلت له وقف نبي نهرج شويه = من سبب مملوح مالبس العباتي
ادحر الشيطان لا تسوي قضية = قال حنا في عمل ومناوباتي
والسموحه كان جا مني خطيه = وانت عاقل ما انت راعي مخاصماتي
لوه الهبوب ما يشره عليه = شاعر قلبه مولع بالبناتي
هو حمد وانا حمد مثله سميه = حب نوره ورده حوض المماتي

[راعي الخطامه]

شاعر ولي خاطر حساس = يفز قلبي لا شاف مزيونه
لمحت غروٍ نقض للراس = غطا على الردف ومتونه
متكشف ما عليه لباس = ماهمه اللي يشوفونه
في ساحلٍ في بحر تكساس = غير العرب ما يهمونه
يسبح معي ماهر وغطاس = ماهوب يسبح على هونه
ويديه فيها الذهب والماس = حسب الطلب له يجيبونه
يا سيف مثله قليل اجناس = وابوه وامه يدارونه
ساعه لمحته وانا محتاس = صوب لي القلب بعيونه
وعيونه السود فيها نعاس = ماهيب بالكحل مدهونه
وزمة ن--ا لها مقياس = حجمه كما حجم ليمونه

[راعي الخطامه]

سافر ابن ---- وخذ عدة ايام = يبي يدور بالبني مثل نوره
لرومانيا اللي دينهم غير الاسلام = ما يدري ان الستر هو ملح نوره
شاف البنات اللي لهم شعر واجسام = الا انهن ما طابقن حسن نوره
رغم الجمال اللي مكمل بالاوشام = قالت لك ان الزين في وجه نوره
لو رحت يم دبي وقابلت اريام = نسبة حلاوتهن تجي نصف نوره
وبسكال ونجوى مع حسينات الاشوام = قالت حقيقة ما نجي ربع نوره
وان رحت للبحرين لزينب واحلام = بأرض السعودية يجي جنس نوره
دور مع اللي غطن الوجه بلثام = مع جادل تدعج غنج جنس نوره
كودك تداوي علتك هي والاوهام = لكنهن بأوصافهن غير نوره
تمت بذكر اللي للارزاق قسام = رب رزق عبده وولاه نوره

[راعي الخطامه]

خفيت معكم وانا من قبل اعرفك ثقيل = من العام الى الحين ماانظم كود شعر الغزل
زود على ذا ترى قلبي من اجلك عليل = اما تماكنتني تبي تزيد العلل
حاولت ادور بدالك كود يوجد بديل = في نجد كله ولكن مثلكم ما حصل
الوردي كانك تبي تجفاه ذا مستحيل = خلك صدوق معه واترك كلام الهزل
مانيب واصفك حيثك صعب مالك مثيل = اللي يحوشك ومنك ما يجيه الملل
ياليت منهو معك لامن نقضت الجديل = يشوف وجهه حسين وبان فيه الخجل
حقق هدفنا وعجل عل عمرك طويل = من دش بحر الهوى للي يريده ما وصل

[راعي الخطامه]

جيتك على موعدك لي آخر الليل = وادور حول البيت الى طلعة الشمس
جهزت بالموتر ستاير وتظليل = والشاعر الوردي عرفها وبها حس
من قبل اعرفك كنت راس الرجاجيل = خايف من عيون المشافيح والنمس
الضيف ارحب به واقلط له الحيل = ولا جيت ادوركم على موتر جمس
خلك معي وافي قبل يطفح الكيل = مانيب اهوجس خاطري دايم عمس
لا يكثر بنا الهرج والقال والقيل = قلبي معك بالذات انا منحمس حمس
من قبل نبلش في فحوص وتحاليل = يالجادل اللي شفتها بروضة الخفس
قمت اتغزل بك واجر المواويل = بعله خفيه جابها مرهف الحس
من خزته بالعين لي شفت انا الويل = ياليت ماشفتك بالروض قبل امس
نظرة دلع فيها لكاعة وتأويل = عن البني يا حلو لقنتني درس

[راعي الخطامه]

قلبي اللي معي للبيع من يشتريه = واشرط انه عنيد ماله الا هواه
صاحبه مل منه وعارضه مايبيه = كل ماشاف زول زين يطرد وراه
لا لمح له سواد عن طريقه يتيه = والطبيب المعالج عجز يلقى دواه
الوردي من ما حصل له منه شره عليه = ايتوجد لو جاه الظبي ما قواه
مع مرور الزمن يا كود ربي يهديه = يرضخ ويقتنع باللي على مستواه
يقتنع بالذي عنده تحوشه يديه = الذيب لامن عوى ما يفيده عواه

[راعي الخطامه]

صبحكم الله بالخيرات يابناء العم

اتمنى اضافت الديوان مكان السابق لاهنتوا

[عبدالله الدخيل]

ماقصرت يابن العم مجهود كبير يابو حمد
والشاعر الوردي علم من اعلام الشعر
انا شخصيا من المتابعين لقصائده
بيض الله وجهك علي العرض المميز


http://www.arb-up.com/get-6-2007-ae597jg6.gif (http://www.arb-up.com)