الوهابي
06-09-04, 03:16 AM
يالله حي الربع والجماعه ..
هذا موضوع عن ( عروس ) نجد .. أشيقر ..
هذي البلدة اللي تقع في منطقة الوشم في هضبة نجد .. لها تاريخ عظيم جدا وكانت تسمى بـ ( عكل ) ..
وهذي قصائد جديده وحديثه عنها .. اخيكم معها ..
هذي قصيده قالها الشاعر ابراهيم بن عبدالرحمن المفدى- عنوانها ((ضلع جنينه)) قالها بتاريخ 25\12\1419 هـ تكلم فيها عن رقيته للضلع وكان قبل لايسوون فيه المشروع تفضلو اقروها:
رقيت ضلع الجنينه والتفت للجنوب = أناظر لديرة بالوشم وش زينها
أناظر لديرة مرسومة بالقلوب = وبارواحنا عن سموم الشر حامينها
ديرة هلي يابعد مابنى شرق وغروب = مامثلها في الجزيره دار مغلينها
وجلست في مجلس للطيبين محسوب = مواكر صقور بالتعليم غاذينها
جلسات عز وعنهن الهداما ينوب = من سامي افكار اهلها اللي مسوينها
ياضلع كم انت غال عندنا ومحبوب = جلساتنا فيك يالمحبوب هاوينها
بغيت أطول ولكن خفت قلبي يذوب = ولا انحن ولو طالت الجلسات موفينها
وشيقر ليا ذعذت فيها ندي الهبوب = مسمينها جنينه الله وينك وينها
عاد القصيده طويله ومنها-----
والله يحمي وشيقر من جميع الكروب = قولوا معي يستجيب الله بامينها
دار الكرم والطرب والعز من كل صوب = دار على العز اهلها قبل بانيها
لو تبت عن كل شيء عن هواها ما اتوب = ريفي وريف النشاما اللي محبينها
وللشاعر محمد بن حمد الوشمي القصيده التاليه قالها بتاريخ 12\5\1420 هـ
ركبت جمس جديد ما بعد مرن = توه من الباخره ما دار دولابه
ركبت قبل الفجر ما اذن ولا مذن = مع طلعه الشمس عند الشيخ واصحابه
الباب مفتوح والمفاتيح ماسنن = في كل وقت تجيه مبطل بابه
ركبت من عندهم ماشن ومخلن = سكه غزيه ووادي عذيق وشعابه
جبت الثنيه وشفت اشجار قد صفن = خط مزفلت وكل قام يرقابه
نشدت وش صار ويش اللي بعد بين = خبري بضلع الجنينه مسكن ذيابه
قام الدركتر يحن وكلهن هجن = وأصبح مظاليل واشجار نتتقابه
جماعتي كلهم من صافي المعدن = اهل وشيقر لكل الخير طلابه
يشهد على افعالهم اصحاح ومجنن = ضلع الجنينه تشوفه كنه الغابه
يا الله وأنا أطالبك نو الى دندن = يسقي وشيقر ويملا السد وهضابه
أما هذي قصيده للشاعر سعود عبدالرحمن اليوسف يعاررض فيها قصيده للشاعر محمد الوشمي يقول فيها
الله يحييك ياراعي الهوى والفن = في ديره وهيب وامثالك يهلابه
اركب على جسمك اللي ما بعد مرن = واصعد به الضلع واشرف فوق مرقابه
تلقى سما صافي ونجومه يضون = الى انطلق نجم منه اتشوف مشهابه
وعاد هالقصيده طويله ... اذا بغيتوها قولولي
وهذي قصيده صغنونه للشاعر محمد بن عبدالعزيز الخنيفر يوصف فيها الضلع بعد قيام المشروع
يقول
ياضلع اللي شفته اليوم مزيون = ماحلى جمالك كلن اليوم ناصيه
الضلع الأشقر شوفوا اليوم شلون = ومنول مهجور ولاحد مشى فيه
ضلع جنينه ضاعت سنين مدفون = واليوم دره واخضر اللون كاسيه
فيه الجمال اللي على الكيف تلقون = لا واهني اللي تمشى بارضيه
فيه استراحات على ماتحبون = ومرمقات زاهيات مبانيه
لين قال:
ومن فوق راس الضلع يا ما تشوفون = منظر وشيقر بين حاضر وماضيه
خلفه جنود من هل الطيب يبنون = ما قصروا وافعالهم فيه مواريه
اتمنى ان هالكوكتيل اعجبكم .. وتحياتي لكم .. :)
هذا موضوع عن ( عروس ) نجد .. أشيقر ..
هذي البلدة اللي تقع في منطقة الوشم في هضبة نجد .. لها تاريخ عظيم جدا وكانت تسمى بـ ( عكل ) ..
وهذي قصائد جديده وحديثه عنها .. اخيكم معها ..
هذي قصيده قالها الشاعر ابراهيم بن عبدالرحمن المفدى- عنوانها ((ضلع جنينه)) قالها بتاريخ 25\12\1419 هـ تكلم فيها عن رقيته للضلع وكان قبل لايسوون فيه المشروع تفضلو اقروها:
رقيت ضلع الجنينه والتفت للجنوب = أناظر لديرة بالوشم وش زينها
أناظر لديرة مرسومة بالقلوب = وبارواحنا عن سموم الشر حامينها
ديرة هلي يابعد مابنى شرق وغروب = مامثلها في الجزيره دار مغلينها
وجلست في مجلس للطيبين محسوب = مواكر صقور بالتعليم غاذينها
جلسات عز وعنهن الهداما ينوب = من سامي افكار اهلها اللي مسوينها
ياضلع كم انت غال عندنا ومحبوب = جلساتنا فيك يالمحبوب هاوينها
بغيت أطول ولكن خفت قلبي يذوب = ولا انحن ولو طالت الجلسات موفينها
وشيقر ليا ذعذت فيها ندي الهبوب = مسمينها جنينه الله وينك وينها
عاد القصيده طويله ومنها-----
والله يحمي وشيقر من جميع الكروب = قولوا معي يستجيب الله بامينها
دار الكرم والطرب والعز من كل صوب = دار على العز اهلها قبل بانيها
لو تبت عن كل شيء عن هواها ما اتوب = ريفي وريف النشاما اللي محبينها
وللشاعر محمد بن حمد الوشمي القصيده التاليه قالها بتاريخ 12\5\1420 هـ
ركبت جمس جديد ما بعد مرن = توه من الباخره ما دار دولابه
ركبت قبل الفجر ما اذن ولا مذن = مع طلعه الشمس عند الشيخ واصحابه
الباب مفتوح والمفاتيح ماسنن = في كل وقت تجيه مبطل بابه
ركبت من عندهم ماشن ومخلن = سكه غزيه ووادي عذيق وشعابه
جبت الثنيه وشفت اشجار قد صفن = خط مزفلت وكل قام يرقابه
نشدت وش صار ويش اللي بعد بين = خبري بضلع الجنينه مسكن ذيابه
قام الدركتر يحن وكلهن هجن = وأصبح مظاليل واشجار نتتقابه
جماعتي كلهم من صافي المعدن = اهل وشيقر لكل الخير طلابه
يشهد على افعالهم اصحاح ومجنن = ضلع الجنينه تشوفه كنه الغابه
يا الله وأنا أطالبك نو الى دندن = يسقي وشيقر ويملا السد وهضابه
أما هذي قصيده للشاعر سعود عبدالرحمن اليوسف يعاررض فيها قصيده للشاعر محمد الوشمي يقول فيها
الله يحييك ياراعي الهوى والفن = في ديره وهيب وامثالك يهلابه
اركب على جسمك اللي ما بعد مرن = واصعد به الضلع واشرف فوق مرقابه
تلقى سما صافي ونجومه يضون = الى انطلق نجم منه اتشوف مشهابه
وعاد هالقصيده طويله ... اذا بغيتوها قولولي
وهذي قصيده صغنونه للشاعر محمد بن عبدالعزيز الخنيفر يوصف فيها الضلع بعد قيام المشروع
يقول
ياضلع اللي شفته اليوم مزيون = ماحلى جمالك كلن اليوم ناصيه
الضلع الأشقر شوفوا اليوم شلون = ومنول مهجور ولاحد مشى فيه
ضلع جنينه ضاعت سنين مدفون = واليوم دره واخضر اللون كاسيه
فيه الجمال اللي على الكيف تلقون = لا واهني اللي تمشى بارضيه
فيه استراحات على ماتحبون = ومرمقات زاهيات مبانيه
لين قال:
ومن فوق راس الضلع يا ما تشوفون = منظر وشيقر بين حاضر وماضيه
خلفه جنود من هل الطيب يبنون = ما قصروا وافعالهم فيه مواريه
اتمنى ان هالكوكتيل اعجبكم .. وتحياتي لكم .. :)