عزيز
02-01-05, 09:34 PM
إخواني وأخواتي أعضاء المنتدى الكرام
تحية ود وتقدير
يسرني أن أقدم لكم هاتين القصيدتين إحداهما غزلية لمحبي الغزل وعشاقه
والأخرى هزلية لمحبي هذا النوع من القصائد . أرجو أن تنال رضاكم .
وكل يختار اللي يعجبه ويخلي اللي مايعجبه .
أخوكم : عزيز
( 1 )
إلى الشمس التي أرهقت النجوم ، إلى من كانت حقيقة واستحالت ذكرى ، إليها
أهدي هذه القصيدة .
عزيز
والله أحـبـك
لا والله اللي صـار بعـدك حقيقـة *=* وأنا الذي كنت أحسبه هرج ومـزوح
قلتـي فمـان الله كـل وطريـقـه *=* رح يحفظك ربي وأنا عنك أبـاروح
أببتعد من قبل مـا أصبـح غريقـة *=* في حبك الطاغي والآهـات والنـوح
قبلك وأنا في الكـون حـرّة طليقـة *=* واليوم في حبك غدا القلب مطـروح
رح خلنـي للهم عقبـك عشيـقـة *=* الهم يأخذ بعض الأوقـات ويـروح
البعـد مـر وكلنـا مـا نطيـقـه *=* بس إنكتـب حـبٍ رعينـاه مذبـوح
كـلٍ يــودع ياحبيـبـي رفيـقـه *=* وما يندرى وش كاتب الرب في اللوح
وإنسى كلامـي والعهـود الوثيقـة *=* وأرجوك سامحني تراك أنت مسموح
يومـي بغيـت أرد قلتـي دقيـقـة *=* تعبت مما أخْفي ولابـد مـا أبـوح
وانسابـت الكلمـات منّـك رقيقـة *=* " والله أحبك " بس ما فيه مصلـوح
وفي لفتتك سمعـت آهـه عميقـة *=* وقلتي بصوتٍ فيه عبـرة ومبحـوح
رح في طريقك خلنـي فـي حريقـة *=* وأرجوك لا تسأل ولا تنقض جـروح
ورحتي وخِلّكْ وقتها نشـف ريقـه *=* يناظرك تقفيـن والدمـع مسفـوح
يـوم إبتعدتـي توهـا مستفيـقـه *=* حروف مني صدهـا منّـكْ جمـوح
ليتك علي يـا بنـت كنتـي شفيقـة *=* ليتك تركتينـي أبيّـن لـك البـوح
حبي وحبك وإن حصـل مـا يعيقـه *=* باب الأمل يا غاية النفـس مفتـوح
من غيبتك جتنـي همـومٍ وضيقـة *=* واستوطنت صدري وهو قبل مشروح
وإذا سأل من هـو يهمـه صديقـه *=* سر الهوى خافي ولا هوب مفضوح
وبقيت من الذكرى معي لك وريقـة *=* والله لأحفظها إلـى طلعـة الـروح
وعهدٍ علي ياأجمل جميـع الخليقـة *=* والله فلا أهوى عقبك اليوم مملـوح
كلمات : عزيز
( 2 )
وبعد الغزل .. جاء دور الهزل ، وهذه إحدى القصائد الهزلية وإن كان لا يمكن أن
يطلق عليها قصيدة بل هي إحدى الخنفشاريات أحببت مداعبتكم بها والترويح عن
أنفسكم التي أرهقها الوجد والغرام ، فإن استحسنتموها تابعت موافاتكم بالبقية
من هذه السلسلة الطويلة ، وإن لم تكن كذلك توقفت .
والأمر بين أيديكم ، فماذا تختارون أيها الأحبة ؟
أخوكم : عزيز
كسير الحميري
ياونتـي ونـة كسيـر الحميـري*=*صكه عراوي وانسدح يوم صكـه
أو ونة اللي وسط شارع يسيـري*=*غافل وطاحت فوق رأسـه بلكـه
أو ونة اللاعب سعـود الكريـري*=*يومه أصيب بركبتـه سمـع تكـه
والا كمـا ونـة بزيـرٍ غريـري*=*كـخ القطـو عليـه ليـلٍ بسكـه
والا موظـف قاعـدٍ لـه مديـري*=*يبـي يترقـى بـس عيـا وركـه
والا ذروقٍ طاح له مـع دشيـري*=*في مضاربة ولا لقى مـن يفكـه
والا وحيدٍ فـي فراشـه كسيـري*=*أمجبـرٍ كلـه وظـهـره يحـكـه
أو ونة اللي شاف فرق القميـري*=*بس السلاح اللي معه جـاه لكـه
والا بخيـلٍ عايـشٍ كالفقـيـري*=*قالوا له انهج عـد مالـك وزكـه
أو واحدٍ جاه السدد في المصيـري*=*أكل مفطح وألحقـه نصـف عكـه
أو حرمةٍ في الصوم جاها الخريري*=*في وسط عمرتهـا نهـارٍ بمكـه
والا كمـا لاعـب بلـوتٍ قديـري*=*بيده ثلاث إكات وفي السفـره إكـه
يومه شرى صنٍ وإلى هن نثيـري*=*كوش خويه قـال مافيـه صكـه
أو حرمةٍ أعرس عليها العشيـري*=*من بعد عشرة هالعمر قـال فكـه
أخذ عليهـا بنـت بكـرٍ صغيـري*=*يقضي معاها الليل لعـبٍ وضكـه
تسمع وهي سهره صرير السريري*=*ومما تسمّع صار في الصدر تكـه
ولا صار ليلتها سمعت الشخيـري*=*نايم وهـي ماغيـر ديـدٍ وككـه
أو واحدٍ كاشت بوقـت الهجيـري*=*يومه تشطـر للخـلاء داب شكـه
والمشكله قرص بمحـلٍ ستيـري*=*ونادى خويـه إجرحـه ثـم مكـه
وعيـا خويـه قـال دور لغيـري*=*تموت ولا أصبح بين ربعي مهكـه
أو عاقلٍ قالوا شـراب الشعيـري*=*زين لكلاك وصـار واحـد يزكـه
وخذ كأس من هذا دواء الزمهريري*=*أشرب بلا ثلجٍ على طـول سكـه
هذا ترى معـروف وارد سميـري*=*يدفيك لـو تقعـد مفصـخ بدكـه
وخذ لك زقارة كيف لف الخبيـري*=*هم ولعوها له وأخـذ كـم مكـه
يوم إن عقله طار جاهـم خفيـري*=*وألقوا عليه القبض وهـو يتفكـه
والا كما واحـد بمنصـب وزيـري*=*ما جددوا له بـس مـاراح شكـه
يقـول يمكـن عينونـي سفيـري*=*أو مستشار وكـل معضـل أفكـه
يوم إنه أبطى عنه صوت البشيري*=*دلى يتمقرص والهواجـس تدكـه
وش لون أبفقد منصبي هالشهيري*=*واللي يهج البـاب وثانـي يصكـه
وناس على بابـي تـدور لخيـري*=*في مكتبي والبيت هالنـاس ضكـه
هو مـادرى إن الفلـك يستديـري*=*وماطاب لك مادام والعمـر سكـه
ولو سألتونـي ونينـي الكثيـري*=*عليش ؟ أجاوبكـم بقـول مفكـه
على الذي يزهاه لبـس الحريـري*=*ياليت من هـو يـم بيتـه يعكـه
كلمات : عزيز
تحية ود وتقدير
يسرني أن أقدم لكم هاتين القصيدتين إحداهما غزلية لمحبي الغزل وعشاقه
والأخرى هزلية لمحبي هذا النوع من القصائد . أرجو أن تنال رضاكم .
وكل يختار اللي يعجبه ويخلي اللي مايعجبه .
أخوكم : عزيز
( 1 )
إلى الشمس التي أرهقت النجوم ، إلى من كانت حقيقة واستحالت ذكرى ، إليها
أهدي هذه القصيدة .
عزيز
والله أحـبـك
لا والله اللي صـار بعـدك حقيقـة *=* وأنا الذي كنت أحسبه هرج ومـزوح
قلتـي فمـان الله كـل وطريـقـه *=* رح يحفظك ربي وأنا عنك أبـاروح
أببتعد من قبل مـا أصبـح غريقـة *=* في حبك الطاغي والآهـات والنـوح
قبلك وأنا في الكـون حـرّة طليقـة *=* واليوم في حبك غدا القلب مطـروح
رح خلنـي للهم عقبـك عشيـقـة *=* الهم يأخذ بعض الأوقـات ويـروح
البعـد مـر وكلنـا مـا نطيـقـه *=* بس إنكتـب حـبٍ رعينـاه مذبـوح
كـلٍ يــودع ياحبيـبـي رفيـقـه *=* وما يندرى وش كاتب الرب في اللوح
وإنسى كلامـي والعهـود الوثيقـة *=* وأرجوك سامحني تراك أنت مسموح
يومـي بغيـت أرد قلتـي دقيـقـة *=* تعبت مما أخْفي ولابـد مـا أبـوح
وانسابـت الكلمـات منّـك رقيقـة *=* " والله أحبك " بس ما فيه مصلـوح
وفي لفتتك سمعـت آهـه عميقـة *=* وقلتي بصوتٍ فيه عبـرة ومبحـوح
رح في طريقك خلنـي فـي حريقـة *=* وأرجوك لا تسأل ولا تنقض جـروح
ورحتي وخِلّكْ وقتها نشـف ريقـه *=* يناظرك تقفيـن والدمـع مسفـوح
يـوم إبتعدتـي توهـا مستفيـقـه *=* حروف مني صدهـا منّـكْ جمـوح
ليتك علي يـا بنـت كنتـي شفيقـة *=* ليتك تركتينـي أبيّـن لـك البـوح
حبي وحبك وإن حصـل مـا يعيقـه *=* باب الأمل يا غاية النفـس مفتـوح
من غيبتك جتنـي همـومٍ وضيقـة *=* واستوطنت صدري وهو قبل مشروح
وإذا سأل من هـو يهمـه صديقـه *=* سر الهوى خافي ولا هوب مفضوح
وبقيت من الذكرى معي لك وريقـة *=* والله لأحفظها إلـى طلعـة الـروح
وعهدٍ علي ياأجمل جميـع الخليقـة *=* والله فلا أهوى عقبك اليوم مملـوح
كلمات : عزيز
( 2 )
وبعد الغزل .. جاء دور الهزل ، وهذه إحدى القصائد الهزلية وإن كان لا يمكن أن
يطلق عليها قصيدة بل هي إحدى الخنفشاريات أحببت مداعبتكم بها والترويح عن
أنفسكم التي أرهقها الوجد والغرام ، فإن استحسنتموها تابعت موافاتكم بالبقية
من هذه السلسلة الطويلة ، وإن لم تكن كذلك توقفت .
والأمر بين أيديكم ، فماذا تختارون أيها الأحبة ؟
أخوكم : عزيز
كسير الحميري
ياونتـي ونـة كسيـر الحميـري*=*صكه عراوي وانسدح يوم صكـه
أو ونة اللي وسط شارع يسيـري*=*غافل وطاحت فوق رأسـه بلكـه
أو ونة اللاعب سعـود الكريـري*=*يومه أصيب بركبتـه سمـع تكـه
والا كمـا ونـة بزيـرٍ غريـري*=*كـخ القطـو عليـه ليـلٍ بسكـه
والا موظـف قاعـدٍ لـه مديـري*=*يبـي يترقـى بـس عيـا وركـه
والا ذروقٍ طاح له مـع دشيـري*=*في مضاربة ولا لقى مـن يفكـه
والا وحيدٍ فـي فراشـه كسيـري*=*أمجبـرٍ كلـه وظـهـره يحـكـه
أو ونة اللي شاف فرق القميـري*=*بس السلاح اللي معه جـاه لكـه
والا بخيـلٍ عايـشٍ كالفقـيـري*=*قالوا له انهج عـد مالـك وزكـه
أو واحدٍ جاه السدد في المصيـري*=*أكل مفطح وألحقـه نصـف عكـه
أو حرمةٍ في الصوم جاها الخريري*=*في وسط عمرتهـا نهـارٍ بمكـه
والا كمـا لاعـب بلـوتٍ قديـري*=*بيده ثلاث إكات وفي السفـره إكـه
يومه شرى صنٍ وإلى هن نثيـري*=*كوش خويه قـال مافيـه صكـه
أو حرمةٍ أعرس عليها العشيـري*=*من بعد عشرة هالعمر قـال فكـه
أخذ عليهـا بنـت بكـرٍ صغيـري*=*يقضي معاها الليل لعـبٍ وضكـه
تسمع وهي سهره صرير السريري*=*ومما تسمّع صار في الصدر تكـه
ولا صار ليلتها سمعت الشخيـري*=*نايم وهـي ماغيـر ديـدٍ وككـه
أو واحدٍ كاشت بوقـت الهجيـري*=*يومه تشطـر للخـلاء داب شكـه
والمشكله قرص بمحـلٍ ستيـري*=*ونادى خويـه إجرحـه ثـم مكـه
وعيـا خويـه قـال دور لغيـري*=*تموت ولا أصبح بين ربعي مهكـه
أو عاقلٍ قالوا شـراب الشعيـري*=*زين لكلاك وصـار واحـد يزكـه
وخذ كأس من هذا دواء الزمهريري*=*أشرب بلا ثلجٍ على طـول سكـه
هذا ترى معـروف وارد سميـري*=*يدفيك لـو تقعـد مفصـخ بدكـه
وخذ لك زقارة كيف لف الخبيـري*=*هم ولعوها له وأخـذ كـم مكـه
يوم إن عقله طار جاهـم خفيـري*=*وألقوا عليه القبض وهـو يتفكـه
والا كما واحـد بمنصـب وزيـري*=*ما جددوا له بـس مـاراح شكـه
يقـول يمكـن عينونـي سفيـري*=*أو مستشار وكـل معضـل أفكـه
يوم إنه أبطى عنه صوت البشيري*=*دلى يتمقرص والهواجـس تدكـه
وش لون أبفقد منصبي هالشهيري*=*واللي يهج البـاب وثانـي يصكـه
وناس على بابـي تـدور لخيـري*=*في مكتبي والبيت هالنـاس ضكـه
هو مـادرى إن الفلـك يستديـري*=*وماطاب لك مادام والعمـر سكـه
ولو سألتونـي ونينـي الكثيـري*=*عليش ؟ أجاوبكـم بقـول مفكـه
على الذي يزهاه لبـس الحريـري*=*ياليت من هـو يـم بيتـه يعكـه
كلمات : عزيز