لغز ســــــــــــــــــــــــــــــــداح .......... ياهل الالغاز

[راع الاوله]

بنشدك عن ومضً مهوب مصباح
................................. ومضاً ايامه نعـــــــدها تعدادي
الياء اقبل زهب القناص الســــــلاح
............................... ويفرش القرناس جنحانه للهدادي

سداح تميم

[السفير]

صقر

[راع الاوله]

مالك لولا اخوي الغالي السفيــــــــــــــــــر............


حاول مره ثانيه ........................

وعجل فيـــــــــــه قبل لا يسبقك المسعد .... تراه ان سير على اللغز احلف انه بيحله ........


مشكور على المشاركه

[الضبــــــي]

الصيف أو وقت الصيد



تقبل تحياتي

[~*فـتاة تـميم*~]

يمكن يكون الصبح او الشمس



وسلامتكم

[راع الاوله]

الاخ الغاليه الضبي ............. مالك لولا .... الحل خطاء بس تراك قربتي


الغاليـــه فتاة تميم ...... الحل حظاء

وركزي على البيت الاول والثاني وحاولى تربطينهم .......


اللغز مافيه لف ودوران ..... ركزوا شوى وتلقون الجواب

تقبل ارق واعذب تحيه

سداح تميم

[راعِ المنقيه]

اعتقد انه وقت الشتاء ؟
وقت الامطار


اخوك
راعي المنقيه

[راع الاوله]

مالك لولا اخوي الغالي راعى المنقيه

بس ابشرك انت قريب جدا ..................... بس حاول تربط الابيات

[عمروالندى]

الاخ سداح : في بالي الوسم او ايام الربيع , هاه وش قلت ؟ عجل قبل لا يدخل الاخ المسعد!

[راع الاوله]

الاخ الغالي عمروالندى .........................

انت قررررررررررررررريب مره بس حاول تربط البيت الاول مع الجواب اللى انت طلعته .... وبتعرف الحل

[تركي]

ماهو نجم سهيل .

[راع الاوله]

جبتها يالذيبان .................. والحل صحيح

الدور عليك الحين ياذيبان......... نبي لغز منك ............. وياليت من نظمك

[تركي]

انا حاط لغز ولا احد رد عليه

وعموما ماهو من نظمي لاني ماني شاعر شويعرات .

[راعِ المنقيه]

على طاري نجم سهيل

يقولون لا دخل اسهيل تلمس التمر باليل

وقريبا يظهر