الى كل ابدوي على وجه الارض

[شيحان العيسى]

الى كل من يعتز با البداو ويقول ابدوي بفخر واعتزاز بغض النضر عن الحسب والنسب
الى كل ابدوي على وجه الارض اقدم هذه المتواضعة


اشهد ان بنزيك قهـوة ٍ مره=ينحرق هيلها على نارحمـره


واشهد ان ديرتك بـلاد حـره=نعـشـق ترابـهـا ذرةٍ ذره


حي اصل ابـدوي زاد ذكـره=الكرم والطيـب معـه سره



لين قال ما يعيد القـول مره=وان تعاديه ...يكفيـك شـره


الحرب يعـرف كـره وفـره=والعشق سيده ويزيده مسـره


شديد البـاس بعيـد النضـره=ينتخي لا حس ان بك مضره


خفيف الضل ماعنـده الكبـره=بسلوم العرب له فـن ٍ خبـره


اجودي من الاجاويـد يشـره=وعن الوجيه الخبيثة ما يّتحره



احمد الله ان لوني با الفطـره=اسمر ٍ من فعل اللي عنّها نذره

[محروم]

واشهد ان ديرتك بـلاد حـره نعـشـق ترابـهـا ذرةٍ ذره

صح لسانك..
أنا أشهد..
كفيت ووفيت..
متواضعه أكثر من رااائعه..
فائق أحترامي..

[سطام الشبرمي]

اخي العزيز .. شيحان العيسى

لله درك
صح الله لسانك على هذه القصيده الجميله

تمنياتي لك بالتوفيق
تقبل خالص تحياتي

[عز العرب]

صح لسان اخوي شيحان

[تركي]

صح لساااااااااااانك ياشيحان ...


قمة في الوفاء والصدق مع الذات تجده في هذه القصيدة ...



تسلم ياشيحان ولا يسلم ردي العزايم ...

[غيمة العارض]

بدوي..
بس عايش بالمدينه..
عنده أوراق وقلم..
وذكريات له حزينه..
غاب عن أهله وناسه..
إشتكى من قل باسه..
حس انه شخص ثاني..
ضايع بشكله..
لباسه..
واختنق منها مدينه..
.................
في بداياته..
كره مربى الطفوله..
مل يسمعها..
حكايات البطوله..
مل أرضه..
مل داره..
مل يتأمل جداره..
مل هالقريه البسيطه..
واتخذ وأعلن قراره..
وده يسافر.. يجرب..
عرض هالعالم وطوله..
ولملم ثيابه وسافر..
واتجه..
يم المدينه..
.............
فطرته تفرض عليه..
ونخوته..
علموه أهله وربعه..
واخوته..
الرجوله والشرف..
هم راس مالك..
لا تقصرلك طرف..
لو كنت هالك..
وان هالدنيا بخير..
صاحب وعاشر وجرب..
كل طير..
ما دروا ان هالمدينه..
مابها ناس أمينه..
وابتدى درب..
المدينه..


كلمات الشاعر ابو سعود

صح الله لسانك على هذه القصيده الجميله

[فواز البوعينين]

صح لسانك وانا اخوك


وتميم فيها الحضر والبدو ونعم فيهم كلهم




تسلم لنا يا شيحان

[ناصر البكر]

ابيااات
جميلة
ومعاني
متألقة
0
0
صح الله
لسااانك
يالغالي

[شيحان العيسى]

اشكر الجميع دون استثناء المرور اللطيف

والكلمات الرقيقة

اشكر تواصلكم

واتنمى استمرار هذا التواصل


اخوكم الصغير (شيحان العيسى)

[شيحان العيسى]

اشكر الجميع دون استثناء المرور اللطيف


والكلمات الرقيقة


اشكر تواصلكم


واتنمى استمرار هذا التواصل



اخوكم الصغير (شيحان العيسى)

[راعي الخطامه]

صح لسانك والله يعطيك العافيه

[شيحان العيسى]

وآتميماه

صح بدنك يا الغالي

لاهنت ولاهان راسك

اشكر مرورك اللطيف والى ان نلتقي

دمت بخير

تحياتي

[ضـــاري]

صح لسانك اخي شيحان

ابيات وقصيدة بقمة الروعه

يعطيك العافية

\
/
\
/

دمت بحفظ الله ورعايته

http://home.no.net/anyas/anyahorse134.gif

[شيحان العيسى]

ضاري

صح بدنك يا الغالي ولاهنت

اشكر تواصلك معي واتمنى هذا التواصل

تقبل شكري واحتارمي

دمت بخير