جرحي الشرقي ..

[التميمي ولد نجد]

هاج جرحي الشرقي لين ضيق خاطري
والتفت لدرب القى فيه جرحي وادفنه

ما لقيت الا بقايا حلم يسكن ناظري
من بقايا صوت باقي من بقايا ازمنه

آه ليت الحب حرف في العيون وينقري
واقدر اقرا في عيون الناس شي تبطنه

كان والله ما هدرت العمر ركض وجري
بين ناس تاخذ الطير الطليق وتحبسه

كل ماوسدت حرف العشق راحة دفتري
لجت حروفي حنايا كل قلب تدخله

من هذيك اللي سبتني يوم انا عودي طري
لين ماضيعت معها رحلتي يوم بسنه

علموها اني عطيت ايامها السود ظهري
وجيت ابي فرقا الجروح ودربها اللي تسكنه

دامني لاطبت تعلن طيبتي وانا بري
خلها لاغبت عنها تلعن اللي تلعنه

[ضـــاري]

آه ليت الحب حرف في العيـون وينقـري
واقدر اقرا في عيون النـاس شـي تبطنـه

\
\
\

صح لسانك يالغالي

ابيات وقصيد جزلة

يعطيك العافية

وتسلم يمينك

\
\
\

دمت لامعاً

[راعي الخطامه]

صح لسانك يالبناخي ويعطيك العافيه

[فواز البوعينين]

علموها اني عطيت ايامها السـود ظهـري
.............................وجيت ابي فرقا الجروح ودربها اللي تسكنه



الله الله

جزله وقوية

صح لسانك وبيانك وانا أخوك



كل ماوسدت حرف العشق راحـة دفتـري
...............................لجت حروفـي حنايـا كـل قلـب تدخلـه



الصراحه أن التشبيه هنا أجمل من الجمال


لك مني أرق وأجمل تحيه

[التميمي ولد نجد]

صحت ابدانكم ياابناء العم جميعاً


الجميل هو حضوركم احبتي ,,,


دمتم سالميــن ...


ولد نجد

[عز العرب]

انا اشهد انك تعبت بكتابة هالقصيده ..... لأن كل حرف يتكلم عن نفسه
صح لسانك واخوي ولاهنت على هلابيااااات

[التميمي ولد نجد]

صح بدنــك ولاندمت يا عز العرب

لك اعبق التحايا ,,,

[دواس البراهيم]

التميمي ولد نجد


صح الله لسانك

ويعطيك العافيه

وتسلم يمينك يالغالي

ابيات جزله من راس جزل

ياهلا والف غلا


تحيتي

[التميمي ولد نجد]

صح بدنك اخوي راعي السبعان


حضورك اسعدني

ودمت لمن تحب ,,,