أين أجد شجرة بني تميم

[عبدالعزيز الحامد]

أخواني..

بدون مقدمات..

سمعت عن شجرة (عوائل) بني تميم..

أين أجد هذه الشجرة و أريدها مطبوعة و جاهزة..


من عنده معلومة..

يضيفيني على هالإيميل.




يمنع وضع الإيميلات والروابط لمواقع أخرى



شكرا لكم

[علي آل عبدالله]

تجد طلبك هناء

http://www.banitamim.net/forum/showthread.php?t=20305

[عبدالعزيز الحامد]

شكرا استاذ علي

لكن أنا سمعت عن شجرة جاهزة و مطبوعة

هذي مسودة و لا أعلم هل انتهى منها أم لا..

[سطيح]

يا ليت والله تنزل باسرع وقت

[ابراهيم اليحيا بن مريح]

نعم يالربع عندي مطبوعه لاكن افتقر الخبره لارسالها عبرالنت افيدوني بالطريقه

[عبدالعزيز الحامد]

أخوي بالنت..

لازم سكنر.. و هذي أنا ما أعرف الطريقة بالضبط

بس اذا أنت من سكان الرياض.. يا ليت تعلمني تكفى

أجيك أصورها

[ابراهيم اليحيا بن مريح]

عبدالعزيزالحامد انتهت المشكله اباارسلها من الدوادمي مع النقل الجماعي واكتب تسلم لعبدالعزيز الحامد واذا فيه شخص آخرحدد لي اسمه وستكون بمكتب النقل بالرياض خلال ساعات رد لي وانامستعد في حينه

[شجاع النواصر]

عندي شجره الاستاذ ناصر البكر
اذا تبيها ابشر:bye1:

[عبدالعزيز الحامد]

تسلم والله

ما قصرت أخوي

بس وين مكتب النقل الجماعي

و متى بتوصل..

[ابراهيم اليحيا بن مريح]

للجميع ارسلت الشجره الى الرياض وستكون بعديومين موجوده لدى هذاالعنوان
طريق الخرج اشارة الاسمنت ثاني محطه على اليمين خلفها مؤسسة ناصرالحسيني لموادالبنا اللوحات واضحه وكبيره الرجل اللي ارسلتهامعه لديه دوام لن يتمكن من ايصلها الابعديومين

[عبدالعزيز الحامد]

يا ليت تعطيني رقم جوال الرجال..


لإني بسافر اليوم ان شاء الله القصيم

عشان أكلمه و نتفاهم معه

[ابراهيم اليحيا بن مريح]

عبدالعزيز الحامد الشجره ارسلتهاالبارح ووضحت العنوان لديك علم ولا

[ابراهيم اليحيا بن مريح]

تقصدني انا ابشر

[عبدالعزيز الحامد]

يابو مريح

لا هنت.. أنا بروح القصيم ان شاء الله..

ما يمديني.. أروح للمكان اللي قلته..

عطني رقم الرجال اللي انت ارسلته معه

عشان اذا جيت أنا بعد يومين ان شاء الله..

أكلمه و أنسق معه..

يمنع وضع الارقام


يا ليت ترسل لي رقم الرجال.. لإني ما أقدر أدخل المنتدى الا اذا جيت من القصيم

اشغلتك.. بس تحملني الله لا يهينك و يجزاك خير

[ابراهيم اليحيا بن مريح]

عبدالعزيزالحامد
رقم الرجال اذامافي وضعه اي مخالفهلنضام المنتدى سجلته الان

[عبدالعزيز الحامد]

أرسله لي عالخاص

هذا ما اعتقد فيه اي مخالفة

و قل للرجال اني بدق عليه ان شاء الله


(معليش اخوي.. تعبتك بس تحملني شوي)

[محمدونا]

مشكوررررررررررررررررررررررررررررررررر

[عبدالعزيز الحامد]

مشكور على أيش..!!

أتمنى أنك تكون فاهم وش الموضوع قبل ما ترد

أو بس عشان تكثر المشاركات..!!


الله يهديك..

[سيف الناصري]

ههههههههههههه


حلوه مشكور على ايش


انا بعد ابيها


ياليت اذا وصلت للاحد فيكم تنزلونها با النت ،،