ناصرال بوعينين
09-15-08, 08:51 AM
بسم الله الرحمن الرحيم
السلام عليكم ورحمة الله وبركاته
شلونكم عساكم بخير
احب اقدم لكم هذا الديوان لولد العم الشاعر عبدالعزيز بن عبدالرحمن بن عبدالكريم الرقراق الوهيبي التميمي (مشرف الاقسام الشعرية)
ويتكون من 14قصيدة
نبدا
بسم الله الرحمن الرحيم
لي بندقن ماحاشها أيّات حواش @ الذايره ما تعوقها و الجفوله
يامن نشد عن حالي حالي ترى ماش = الحال ضايق والنفوس إملعوله
كثرت همومٍ صابت الجسم بارعاش = تكسر ظهور اللي ثقيله حموله
ياطيبن راسه ومن طيبته شاش= لو طاب فعلك لا يابن الحموله
ماعاش راع الفعل هالوقت ماعاش = لو قل زلاته ووصل الرجوله
من عقب كون و كور جيشن وشوباش = ذلت ذيابن من صغار الثعوله
هذا زمانن عز قينن مع لاش = وكلن حسب كاشه تحسب فعوله
لا واحلا السجه وبجونا رشاش = والغيم يزبر ويتداعم هطوله
والقوبعه تسمع لها بين الأحشاش = صوتن يعلل مسمعك في حلوله
وريح النفل يجيش في صدري جياش = يشب راسن ليّمته الكهوله
في خايعن مانبشه اي نباش = ولا به طريقن ولا مهدو له
من فوقه اللي كنه الذيب نهاش = يضرب على درب الوعر و السهوله
وارد جميح اللي الى ارسل بمطراش = يبهرك لاخايلت عرضه وطوله
مشري من المعرض ومدفوع له كاش = ماهي قسوط الي ليا حال حوله
اليا اشتغل أدهش من حوله ادهاش = من هيبته اليااشتغل صفقوله
واليا ضرب خط ينغمش تنغماش = كنه مليكن والحشم وقفوا له
حوضه مغطى بشد جيشي مع قماش = وخزّان زايد زدّ هم رهموله
لقشر اللوازم وشعبان الاوحاش = وللدروب القشر هم جهزوله
راعيه لا منّه عطى البنص الانعاش = يحتاج له مهبط ويعلن وصوله
وفي خوة اللي لاحمر الفشق نتاش =من وارد ال كلاش نعم الحموله
لاثارت الهيّه وناش من ناش = يرمي اللحم غلاّب في كل جوله
رشاش لا من قالوا سلاح رشاش = يطربك حسه كل ماافلكوله
مع بندقن ماحاشها أيّات حواش = الذايره ما تعوقها و الجفوله
برنو وابوها مايوشوش توشواش =يازين حكيه لو منــا عرف قوله
قدها نشت في دارة الصرب واحراش = دار الكفر ميتمين الطفوله
اطرد ورى اللي زبنته من ورى خشاش= متوزين بين الشمع من ذهوله
او الذي شلّع بجنحانه انحاش = لااقبل طيور الخلا حولوله
ومن غير صيدي لا حشى مااتعشاش = لو انقطع عنه عمري بطوله
هذا مرامي هيض اللي به الجاش = اجهش وقلنا يا عسانا نطوله
ماهناك شاوي(ن) اليا صرنا ذياب = كلنا شيخان وبليّا فخر
قصيدة عرضه
دوك علمن مايدّرس بالكتاب = من عصر جدي الى هذا العصر
دوك الصحيح الصامل العذب الصواب = جعل من يجحده يصهاه الجمر
ماهناك شاوي(ن) اليا صرنا ذياب = كلنا شيخان وبليا وفخر
لاثار بارودن نكشر بالنياب = كل رجل مننا جنه حضر
نلطم العايل ونقريه التراب = من عالنا لقبور ربعه يحفر
حنا تميم المجد صلفين الجناب = ذباحة الرومان داحرة الكفر
ماكل ذي مخلب صقر ماكل ذي نابٍ سبع && من لامعه قلبٍ قوي وشوله يشيل السلاح
طرقن على خشم الظروف اللي انا منها شبع = تحيين يانفسي وانا احيا من فلاح اليا فلاح
كان الوفا والجود والاحسان ماهم لي طبع = لويش عازة غيرهن عليش يانفس الكفاح
ملعون ابو ساس الردى والذل مثلوث وتبع = الذل يسلم به ذليل مايبي غير السماح
ماكل ذي مخلب صقر ما كل ذي نابن سبع = من لامعه قلبن قوي وشوله يشيل السلاح
الذيب يلبي للقنيب بيوم يذل إبه الضبع = لا مايتساوى ذيبها مع ضبعها وراع النباح
وانا ليا من جات عندي ما اقنع بثلث وربع = اما احوز المجد كله ولا جعل المجد راح
طبعي كذا معروف طبعي بين منهم لي ربع = أموت وأحيا حر وجدودي هم طيور الفلاح
الوضع سئ في صريح العبارا @@ دنيا كفا الله شرها مابها خير
البارحه و مزون فكري تبارى = من هاجسي هلت قصيدي تباشير
حيث إنني شاعر وأخوض الغمارا = واداحم بشعري كثير الشواعير
اقدح شرار الفكر واشب نارا = وبالمعاني لعبتي والتعابير
بعض الشعر ياتي ثقيل العيارا = جزلن يهز طويق ثهلان والنير
والبعض الاخر سم حالي دمارا = لا يطرب صغير(ن) ولا يطرب كبير
وقفل المثل حنا نجيبه زخارا = مثل الذهب يزهى بعنق الغنادير
سبكن وحبكن والقوافي غزارى = ماهي علوم اقلام والا دساتير
قم يانديبي فوق صنع النصارى = لاصنع نودلهي ولا صنع كشمير
عليه من وسم المريكي امارا = وارد جميح اللي بلوحه وتصدير
اليا نطحته تقل ناطح جدارا = مابه فيابر لا ولا به قصادير
واليا قفيته قلت سفن البخارى = قبطانها مضمون ومنظم السير
عليه من جمر الغضا الاحمرارا = ولا ماحصل من صانعه اي تقصير
اليا اشتغل كن الضياغم زئارا = او مثل غال النفط لا فاض من بير
صوت المكينه تقل دوي انفجارا = او مثل رعادن اليا ارعد به عصير
وحي البساتم شغلها مايجارى = واليا تراخت نوب يفزع لها السير
كنداسته تزفر سعير الشرارا = اليا مشى تنشي غبار وعوافير
ولا ديس بنص الجمس غصب استدارى = من مما بجوفه من زلازل واعاصير
واليا ضرب خط ولو به مدارى = راسي ولا يهتز مع كثرة السير
واليا نصى الضلعان سهل ووعارى = يكفخ كما الشيهان والا كما الجير
يبطي عليه اهل السبق مايجارى = لا دبل السواق واستفتزع القير
ماساقه الا اهل الطنخ والنعارى = ياكود اهل مكشات والا صقاقير
ياسايقه من عندنا لا توارى = من عند هجرن دار صلف المناعير
وجه شمالن بعدها اهزع يسارى = لأهل الحزم وجه بلزم المشاوير
ملفاك ابن عمي حشيم الجوارى = العرفجي سامي زبون المخاسير
نسل الرجال اللي تعسف المهارا = اهل العدد واهل السيوف البواتير
الاد علي(ن) في نهار المثارا = سيل العرام اللي يهدم الطوابير
رجل ولا حّزت يجي في الصدارا = المحزم المليان منصى المسايير
من صلب عودن له بالامجاد كارا = تميم جدي مشبع الذيب والطير
عطه البيوت الزاخرات البكارا = من راسي لراسه يجنه مظاهير
قله ابن عمك فقيع المرارا = همومه تطابخ داخل الجوف وتثير
الحال كل ماله ردى وانحدارا = ومؤشر الاجواد وضعه محادير
الوضع سئ في صريح العبارا = دنيا كفا الله شرها مابها خير
دنياَ تذل قرومها والحرارى = دنيا تعز رخومها زوير وعوير
من كان مسكانه بعالي نمارا = دارت عليه وصار مسكنه بجحير
ومن كان في وقته يمسك خفارا = اصبح له قصورن عليها خوافير
وآعود ياللي غارسٍ لك ثمارى = من طيب غرسن لك جنيت المخاسير
ماعادت عذوقك نماها الندارى = واليا اانتجت نادر تجي نكهته غير
كم شيخن مطنخ عياله طفارى = طفرت مراجل ماش طفرت دنانير
وش قول منهم يحتمون العشارى ؟ = في وقتنا اللي به جهلنا التفاسير
رديه بين بن ضيدان وعبدالعزيز الرقراق
يقول بن ضيدان
ابريل لاجا يجي نيسان
منحولة الخصر في عمـان = جيعانـة البطـن حوريّـه
ملعون جده علـى العمـان = ما جنبونـي .. حراويّـه
حسبي عليهم وأنا وجعـان = عسلوجهـم زود الكـيّـه
قديم انا والعطـش خـلان = ماتفرق الخي عـن خيّـه
تعبان حظي وأنـا تعبـان = من كثـر مانرقـب التيّـه
أبريل لاجاء يجي نيسـان = والذيـب يآتـي بطاآريّـه
يابوكريم ماهـي بأكـوان = وإلا... لأفزعـك للهيــه
السالفه... ضامر(ن) فتان = مآبه لـو شـوي ماويـه
يذبحك ثم يطرق السلـوان = لو مت مالـك تـرى ديّـه
هوشركسي هقوتي يافـلان = ومن العرب فيـه ماريـه
لولاي من عزوة الشيخـان = ومن لابـة نارهـم حيـه
تميم جدي وأبـي ضيـدان = لأفعالهـم تصفـي النيّـه
ولولا مخافة عظيم الشـآن = من قبلهم كان يـا.. ويّـه
كان أنهبه وأزبن بليهـان = لذّاع حامـي ثـرى غبيّـه
بس العزاء عندي القيفـان = وأسـج والـروح نجديّـه
ياغزيّل اضف على الأوجان = خليهـن اسـرار مخفيّـه
وأنا.. أنا .. التايه.. بعمّان = رحت أطلب الطـب لعنيّـه
طابن وجاء قايد الغـزلان = حقق على القلـب مرثيّـه
وهذا رد عبدالعزيز الرقراق
فرعون تشكي على هامان
منحولة الخصر غصن البـان = بالهـون بشويـش يابنـيّـه
أبك ارحمي بنـدر الضيـدان = عليلـن وحالـتـه سـيّـه
ذيبٍ عوى من جهـة عمـان = جـر اللـحـون الهجينـيّـه
يشكي على عاشق ٍ مرضـان = العشـق سـيـد بـلاويّـه
فرعون ! تشكي على هامان ؟ = وكلـن يقـول البلـى فيّـه
أعـور ومشكـاه.. للعميـان = مايـدري ان حالتـه زيّــه
والله لو هو رمـي وطعـان = فـي ليـل تكثـر عـزاويّـه
إبشر بنـا نحضـر الاكـوان = علـى المواتـر ورجلـيّـه
مثولـث ومحزمـي مليـان = رشّـاش وفـردن وجنبـيّـه
وعلى المتن نحمـل الاكفـان = منـي لـك الـروح عانيّـه
وان جيت لك عندنـا مزبـان = تفـداك غبـيّـه وراعـيّـه
بس البلى ( غاية ) ؟ الولهان = شمحوطـة الجسـم ريميّـه
الجادل اللـي لهـا شفقـان = وبأسبابهـا العيـن مشقيّـه
اليا اقبلت تجـذب الاعيـان = مـن شوفهـا تجيـك جنيّـه
واليا حكت تبطـي الالحـان = تطربك في قـول ( ياحيّـه )
وجه كما البدر يومـه بـان = بليـل النسانيـس غربـيّـه
والشعر كالليـل عالضلعـان = اليـا حلـك عميـت عنيّـه
والعيـن بحـرٍ بـه الربـان = سهـى وضـيّـع موانـيـه
من الحيـاء الخـد كالريـان = أنــا دخـيـل الحيـاويّـه
والانف حده كمـا الشامـان = في وسـط حـربٍ مجوسيـه
لا والثغـر حاجـزه مرجـان = ولون الجمـر زايـد شويّـه
صف ٍ كما عسكـر بميـدان = عنـد البيـارق وصـاريّـه
بستان ريح الغضـي بستـان = يـازيـن ورده وجـوريّــه
وش بنت شركس واهل لبنان = ماتشبـهـه أي شـامـيّـه
مهره أصيله وبنـت حصـان = مـن لابتـن نارهـم حيّـه
فإن كنت يامعـرب الجـدان = تذبحـك ريــمٍ فرنجـيّـه
فانا قتيل الهوى إمن أزمـان = وكـل العلـل فـيّ نجـديّـه
الرجاء عدم الرد الا بعد الانتهاء من القصائد كلها
السلام عليكم ورحمة الله وبركاته
شلونكم عساكم بخير
احب اقدم لكم هذا الديوان لولد العم الشاعر عبدالعزيز بن عبدالرحمن بن عبدالكريم الرقراق الوهيبي التميمي (مشرف الاقسام الشعرية)
ويتكون من 14قصيدة
نبدا
بسم الله الرحمن الرحيم
لي بندقن ماحاشها أيّات حواش @ الذايره ما تعوقها و الجفوله
يامن نشد عن حالي حالي ترى ماش = الحال ضايق والنفوس إملعوله
كثرت همومٍ صابت الجسم بارعاش = تكسر ظهور اللي ثقيله حموله
ياطيبن راسه ومن طيبته شاش= لو طاب فعلك لا يابن الحموله
ماعاش راع الفعل هالوقت ماعاش = لو قل زلاته ووصل الرجوله
من عقب كون و كور جيشن وشوباش = ذلت ذيابن من صغار الثعوله
هذا زمانن عز قينن مع لاش = وكلن حسب كاشه تحسب فعوله
لا واحلا السجه وبجونا رشاش = والغيم يزبر ويتداعم هطوله
والقوبعه تسمع لها بين الأحشاش = صوتن يعلل مسمعك في حلوله
وريح النفل يجيش في صدري جياش = يشب راسن ليّمته الكهوله
في خايعن مانبشه اي نباش = ولا به طريقن ولا مهدو له
من فوقه اللي كنه الذيب نهاش = يضرب على درب الوعر و السهوله
وارد جميح اللي الى ارسل بمطراش = يبهرك لاخايلت عرضه وطوله
مشري من المعرض ومدفوع له كاش = ماهي قسوط الي ليا حال حوله
اليا اشتغل أدهش من حوله ادهاش = من هيبته اليااشتغل صفقوله
واليا ضرب خط ينغمش تنغماش = كنه مليكن والحشم وقفوا له
حوضه مغطى بشد جيشي مع قماش = وخزّان زايد زدّ هم رهموله
لقشر اللوازم وشعبان الاوحاش = وللدروب القشر هم جهزوله
راعيه لا منّه عطى البنص الانعاش = يحتاج له مهبط ويعلن وصوله
وفي خوة اللي لاحمر الفشق نتاش =من وارد ال كلاش نعم الحموله
لاثارت الهيّه وناش من ناش = يرمي اللحم غلاّب في كل جوله
رشاش لا من قالوا سلاح رشاش = يطربك حسه كل ماافلكوله
مع بندقن ماحاشها أيّات حواش = الذايره ما تعوقها و الجفوله
برنو وابوها مايوشوش توشواش =يازين حكيه لو منــا عرف قوله
قدها نشت في دارة الصرب واحراش = دار الكفر ميتمين الطفوله
اطرد ورى اللي زبنته من ورى خشاش= متوزين بين الشمع من ذهوله
او الذي شلّع بجنحانه انحاش = لااقبل طيور الخلا حولوله
ومن غير صيدي لا حشى مااتعشاش = لو انقطع عنه عمري بطوله
هذا مرامي هيض اللي به الجاش = اجهش وقلنا يا عسانا نطوله
ماهناك شاوي(ن) اليا صرنا ذياب = كلنا شيخان وبليّا فخر
قصيدة عرضه
دوك علمن مايدّرس بالكتاب = من عصر جدي الى هذا العصر
دوك الصحيح الصامل العذب الصواب = جعل من يجحده يصهاه الجمر
ماهناك شاوي(ن) اليا صرنا ذياب = كلنا شيخان وبليا وفخر
لاثار بارودن نكشر بالنياب = كل رجل مننا جنه حضر
نلطم العايل ونقريه التراب = من عالنا لقبور ربعه يحفر
حنا تميم المجد صلفين الجناب = ذباحة الرومان داحرة الكفر
ماكل ذي مخلب صقر ماكل ذي نابٍ سبع && من لامعه قلبٍ قوي وشوله يشيل السلاح
طرقن على خشم الظروف اللي انا منها شبع = تحيين يانفسي وانا احيا من فلاح اليا فلاح
كان الوفا والجود والاحسان ماهم لي طبع = لويش عازة غيرهن عليش يانفس الكفاح
ملعون ابو ساس الردى والذل مثلوث وتبع = الذل يسلم به ذليل مايبي غير السماح
ماكل ذي مخلب صقر ما كل ذي نابن سبع = من لامعه قلبن قوي وشوله يشيل السلاح
الذيب يلبي للقنيب بيوم يذل إبه الضبع = لا مايتساوى ذيبها مع ضبعها وراع النباح
وانا ليا من جات عندي ما اقنع بثلث وربع = اما احوز المجد كله ولا جعل المجد راح
طبعي كذا معروف طبعي بين منهم لي ربع = أموت وأحيا حر وجدودي هم طيور الفلاح
الوضع سئ في صريح العبارا @@ دنيا كفا الله شرها مابها خير
البارحه و مزون فكري تبارى = من هاجسي هلت قصيدي تباشير
حيث إنني شاعر وأخوض الغمارا = واداحم بشعري كثير الشواعير
اقدح شرار الفكر واشب نارا = وبالمعاني لعبتي والتعابير
بعض الشعر ياتي ثقيل العيارا = جزلن يهز طويق ثهلان والنير
والبعض الاخر سم حالي دمارا = لا يطرب صغير(ن) ولا يطرب كبير
وقفل المثل حنا نجيبه زخارا = مثل الذهب يزهى بعنق الغنادير
سبكن وحبكن والقوافي غزارى = ماهي علوم اقلام والا دساتير
قم يانديبي فوق صنع النصارى = لاصنع نودلهي ولا صنع كشمير
عليه من وسم المريكي امارا = وارد جميح اللي بلوحه وتصدير
اليا نطحته تقل ناطح جدارا = مابه فيابر لا ولا به قصادير
واليا قفيته قلت سفن البخارى = قبطانها مضمون ومنظم السير
عليه من جمر الغضا الاحمرارا = ولا ماحصل من صانعه اي تقصير
اليا اشتغل كن الضياغم زئارا = او مثل غال النفط لا فاض من بير
صوت المكينه تقل دوي انفجارا = او مثل رعادن اليا ارعد به عصير
وحي البساتم شغلها مايجارى = واليا تراخت نوب يفزع لها السير
كنداسته تزفر سعير الشرارا = اليا مشى تنشي غبار وعوافير
ولا ديس بنص الجمس غصب استدارى = من مما بجوفه من زلازل واعاصير
واليا ضرب خط ولو به مدارى = راسي ولا يهتز مع كثرة السير
واليا نصى الضلعان سهل ووعارى = يكفخ كما الشيهان والا كما الجير
يبطي عليه اهل السبق مايجارى = لا دبل السواق واستفتزع القير
ماساقه الا اهل الطنخ والنعارى = ياكود اهل مكشات والا صقاقير
ياسايقه من عندنا لا توارى = من عند هجرن دار صلف المناعير
وجه شمالن بعدها اهزع يسارى = لأهل الحزم وجه بلزم المشاوير
ملفاك ابن عمي حشيم الجوارى = العرفجي سامي زبون المخاسير
نسل الرجال اللي تعسف المهارا = اهل العدد واهل السيوف البواتير
الاد علي(ن) في نهار المثارا = سيل العرام اللي يهدم الطوابير
رجل ولا حّزت يجي في الصدارا = المحزم المليان منصى المسايير
من صلب عودن له بالامجاد كارا = تميم جدي مشبع الذيب والطير
عطه البيوت الزاخرات البكارا = من راسي لراسه يجنه مظاهير
قله ابن عمك فقيع المرارا = همومه تطابخ داخل الجوف وتثير
الحال كل ماله ردى وانحدارا = ومؤشر الاجواد وضعه محادير
الوضع سئ في صريح العبارا = دنيا كفا الله شرها مابها خير
دنياَ تذل قرومها والحرارى = دنيا تعز رخومها زوير وعوير
من كان مسكانه بعالي نمارا = دارت عليه وصار مسكنه بجحير
ومن كان في وقته يمسك خفارا = اصبح له قصورن عليها خوافير
وآعود ياللي غارسٍ لك ثمارى = من طيب غرسن لك جنيت المخاسير
ماعادت عذوقك نماها الندارى = واليا اانتجت نادر تجي نكهته غير
كم شيخن مطنخ عياله طفارى = طفرت مراجل ماش طفرت دنانير
وش قول منهم يحتمون العشارى ؟ = في وقتنا اللي به جهلنا التفاسير
رديه بين بن ضيدان وعبدالعزيز الرقراق
يقول بن ضيدان
ابريل لاجا يجي نيسان
منحولة الخصر في عمـان = جيعانـة البطـن حوريّـه
ملعون جده علـى العمـان = ما جنبونـي .. حراويّـه
حسبي عليهم وأنا وجعـان = عسلوجهـم زود الكـيّـه
قديم انا والعطـش خـلان = ماتفرق الخي عـن خيّـه
تعبان حظي وأنـا تعبـان = من كثـر مانرقـب التيّـه
أبريل لاجاء يجي نيسـان = والذيـب يآتـي بطاآريّـه
يابوكريم ماهـي بأكـوان = وإلا... لأفزعـك للهيــه
السالفه... ضامر(ن) فتان = مآبه لـو شـوي ماويـه
يذبحك ثم يطرق السلـوان = لو مت مالـك تـرى ديّـه
هوشركسي هقوتي يافـلان = ومن العرب فيـه ماريـه
لولاي من عزوة الشيخـان = ومن لابـة نارهـم حيـه
تميم جدي وأبـي ضيـدان = لأفعالهـم تصفـي النيّـه
ولولا مخافة عظيم الشـآن = من قبلهم كان يـا.. ويّـه
كان أنهبه وأزبن بليهـان = لذّاع حامـي ثـرى غبيّـه
بس العزاء عندي القيفـان = وأسـج والـروح نجديّـه
ياغزيّل اضف على الأوجان = خليهـن اسـرار مخفيّـه
وأنا.. أنا .. التايه.. بعمّان = رحت أطلب الطـب لعنيّـه
طابن وجاء قايد الغـزلان = حقق على القلـب مرثيّـه
وهذا رد عبدالعزيز الرقراق
فرعون تشكي على هامان
منحولة الخصر غصن البـان = بالهـون بشويـش يابنـيّـه
أبك ارحمي بنـدر الضيـدان = عليلـن وحالـتـه سـيّـه
ذيبٍ عوى من جهـة عمـان = جـر اللـحـون الهجينـيّـه
يشكي على عاشق ٍ مرضـان = العشـق سـيـد بـلاويّـه
فرعون ! تشكي على هامان ؟ = وكلـن يقـول البلـى فيّـه
أعـور ومشكـاه.. للعميـان = مايـدري ان حالتـه زيّــه
والله لو هو رمـي وطعـان = فـي ليـل تكثـر عـزاويّـه
إبشر بنـا نحضـر الاكـوان = علـى المواتـر ورجلـيّـه
مثولـث ومحزمـي مليـان = رشّـاش وفـردن وجنبـيّـه
وعلى المتن نحمـل الاكفـان = منـي لـك الـروح عانيّـه
وان جيت لك عندنـا مزبـان = تفـداك غبـيّـه وراعـيّـه
بس البلى ( غاية ) ؟ الولهان = شمحوطـة الجسـم ريميّـه
الجادل اللـي لهـا شفقـان = وبأسبابهـا العيـن مشقيّـه
اليا اقبلت تجـذب الاعيـان = مـن شوفهـا تجيـك جنيّـه
واليا حكت تبطـي الالحـان = تطربك في قـول ( ياحيّـه )
وجه كما البدر يومـه بـان = بليـل النسانيـس غربـيّـه
والشعر كالليـل عالضلعـان = اليـا حلـك عميـت عنيّـه
والعيـن بحـرٍ بـه الربـان = سهـى وضـيّـع موانـيـه
من الحيـاء الخـد كالريـان = أنــا دخـيـل الحيـاويّـه
والانف حده كمـا الشامـان = في وسـط حـربٍ مجوسيـه
لا والثغـر حاجـزه مرجـان = ولون الجمـر زايـد شويّـه
صف ٍ كما عسكـر بميـدان = عنـد البيـارق وصـاريّـه
بستان ريح الغضـي بستـان = يـازيـن ورده وجـوريّــه
وش بنت شركس واهل لبنان = ماتشبـهـه أي شـامـيّـه
مهره أصيله وبنـت حصـان = مـن لابتـن نارهـم حيّـه
فإن كنت يامعـرب الجـدان = تذبحـك ريــمٍ فرنجـيّـه
فانا قتيل الهوى إمن أزمـان = وكـل العلـل فـيّ نجـديّـه
الرجاء عدم الرد الا بعد الانتهاء من القصائد كلها