حرام احبك

[احساس الدوحة]

انا ماكنت ابي عطرك .... ولاني للخطا عشــقان
انا ماكنت ابي الا احس انك تحبـــيـــــــنـــــي

وهبتك اجمل احساسي وجيت من الوله عطشان
لقيتك يابعد عمري حسافه ماتحســـــــــيــنـي

كتبتك اعذب حروفي .. ( قصيده) وزنها ديــــوان
قريتيها .. رميتيه ا.. ابد ماكنها سنيـــــــــــنـي

تجين من الفجر كذبه وعيـنـك تخـــفي العـنوان
واشوفك في سواد الليل على الكذبه تمسيني

انا جابتني الصدفه وهذي منة الرحــمـــــــــــن
اشوفـك تاصفي لغيري صفات الي وصفـتـيني

حبيبي يكفي اسلوبك انا يكفيني البرهــــــــــان
انا مااصدق ليـش ولكن شافـتك عـــــيـني

سكت وداخلي صرخه تردد صمتها الجــدران
حسافه طاوعك قلبك بلا ذنبٍ تـبـيعـيــــــــــني

الومك .. مــاالومك .. لاالومه وقتي الخوان
عطيــــتك الف معنى حــب وهذا الي تجازيني

انا ماأملك الا قـلب .. لكن للاسف تعــبــــان
كفاني منبع الاحزان تفجر به شرايـيــــــــنـي

احبك؟!.. ليه احبك ليه واتوه بعالمي حيران
واشوف الناس من حولك تشوفيهم وتنسيني

احاول اكرهك لكن فؤادي ماكـــره انســان
غريبه كيف هذا القلب يحب الي جرح فــيني

حبيبي داخلي كلمه عساها تشفي الوجدان
حبيبي ما اقول الا حرام انك عرفتيني

اتمنى تعجبكم هذه الخاطره مثل ما عجتني ونقلتها لكم

[راعِ المنقيه]

انا يكفيني اني كنت اول واصل من الأعضاء .


خاطرة حلوه اختي احساس الدوحة ولو انها منقوله ولكن الإختيار حلو جدا .

[تركي]

احساس الدوحة

لم تخيبي ظني فيك فكل مشاركة احلى من اللي قبلها .


يسلموووووووووو على النقل الرائع والإنتقاء الحلو .

[احساس الدوحة]

صحيح انها منقوله .. لكن الكلام الحلو الواحد غصبا عنه يحب ينشره..

اتمنى تعجبكم قراءاتي.. واشكر مروركم..

[راعي البعيجاء]

خاطره جميله

مشكور عليها

وبذل جهدك

[راع الاوله]

احاول اكرهك لكن فؤادي ماكـــره انســان
....................................غريبه كيف هذا القلب يحب الي جرح فــيني

حبيبي داخلي كلمه عساها تشفي الوجدان
......................................حبيبي ما اقول الا حرام انك عرفتيني

الغاليــــــــــه احساس الدوحه مشكوره على النقل الرائع ........... وبصراحه من افضل القصايد الى قريتها ....... فالمعنى فيها صارخ وسلاسه الكلمات وسهولتها .... يعطيك العافيه اختنا الغاليه ونتظر جديدك

ومن هنا ياليت لو تسمحيلى لو اطلب طلب من الاخ الغالي عمرو الندى لو يجعل هذا المنتدى للخواطر الادبيه وابداعات اعضاء المنتدى ............ وشكرا



اخوك
سداح تميم

[احساس الدوحة]

اشكر مروركم ..

واتمنى مشاركاتي تنال اعجابكم..

[ناصر البكر]

شكرا على هذا النقل الفذ
وأرى انها مقفاة فهي
في خضم الشعر النبطي
ودمتي

[احساس الدوحة]

عزيزي ناصر

اشكر مرورك ...

وكلك ذوق..