هل انت جذاب

[احساس الدوحة]

هل انت جذاب؟؟؟؟؟؟؟؟

قد تكون شخصيتك جذابه.. وقد تكون جاذبيتك منخفضه هذه الأيام

لايشعر بها الآخرون ...

** الاختبار التالي يقدر لك مدى جاذبيتك في الفترة الأخيرة **

جاوب على الاسئلة واحسب النقاط

الأسئلة

1 *بماذا تشعر اذا لاحظت أن انظار الكثيرين مركزة عليك؟؟

ببعض الحرج .. نقطه واحده

بطرافة الموقف .. نقطتان

بلذة و سعاده ... ثلاث نقاط

2* هل تلبس عادة مايلفت الأنظار ؟؟

نعم دائما .. ثلاث نقط ..

في مناسبات معينه فقط .. نقطه واحده .

أبــــداً .. نقطتان ..


3* حينما تكون في مكان عام هل تنحو لأن تتحدث بصوت منخفض ؟؟

نعم واحيانا أضطر لأن أكرر كلامي ليسمع .. نقطه واحده .

لا -- لماذا يجب أن نتكلم بصوت منخفض.. ثلاث نقط .

نــادرا .. نقطتان .



4* هل تدرك أحيانا أنك محط اهتمام الناس وتحت مراقبتهم ؟؟

نعم أحيانا .. ثلاث نقط .

أبـــدا .. نقطتان ..

نادرا ما الاحظ هذا .. نقطه واحده ..


5* بماذا تشعر عادة حينما تكون وحيدا ؟؟

بالوحدة الثقيله .. نقطه واحده ..

الهدوء والراحه .. ثلاث نقط ..

الحريه .. نقطتان ..



الإجابات


هل حسبت مجموع النقاط التي حصلت عليها من اجاباتك على الاسئله ...؟؟؟

اقرأ إذن دلالة مجموعك ...

** 5 أو 6 نقاط **

تدل نتائج الاختبار أنك تمر بمرحلة جاذبيتك فيها ضحله ضعيفه لكنها ستتغير..

فالجاذبية ارتفاعات وانخفاضات ...المهم هو الا تعمل على تنفير الناس منك ..



** 7 نقاط و 8 نقاط **

أنت عاطفي جدا ,, تحتاج الى ملا نهايه له من الحنان لكن غير راض تماما لانك تشعر

أنه ليس عندك امكانبه ابراز مواهبك ومناياك ..ثابر ولا تستسلم ولا تتشاءم وتيأس



** 9 الى 11 نقطه ..

بالنسبة لك الواقع شدي الجديه ويتطلب التزاما كاملا ...اعط اهتماما

كبيرا لمظهرك .وعلاقاتك بالناس وتعلم أن تحسن استغلال الفرص ومواهبك ..


** 12 الى 13 نقطه **

عندك جاذبية جسمانيه وروحيه ايضا ..غامضه غير واضحه المعالم ..الخطر الوحيد

هو ان تبخس تقييم نفسك ولا تقدر بحق مدى جاذبيتك للناس .


** 14 الى 15 **

جاذبيتك قويه , وانت حر من المخاوف والعقد ...تستطيع أ تؤثر على الآخرين

وأن تجذبهم اليك بحرية تامه ...الخوف الوحيد همو أن تبدو غير مقنع تماما..

اتمنى تختبرون نفسكم ونشوف منهو فينا الجذاب..

[عمروالندى]

الاخت احساس الدوحه : لو احتفظتي بالنتائج حتى نهاية المشاركات لكي لايغش من يدخل للموضوع :) ...تحياتي

[احساس الدوحة]

اخي عمرو الندى..

هذا الاختبار للشخص كي يعرف شخصيته ولو غش بيكون يغش على نفسه..

هذه ليست مسابقه والا اختبار .. انا اعتبرها تسليه لذلك وضعت النتائج..

اشكر مرورك..

بس ماقلت لي انت طلعت جذاب؟؟

[تركي]

يسلمو على الموضوع الحلو والشيق


بس طلعت معي 15 يعني جذاب صح ولا لا .

[احساس الدوحة]

عزيزي لقيط بن زرارة

"بس طلعت معي 15 يعني جذاب صح ولا لا "

14 الى 15 **

جاذبيتك قويه , وانت حر من المخاوف والعقد ...تستطيع أ تؤثر على الآخرين

وأن تجذبهم اليك بحرية تامه ...الخوف الوحيد همو أن تبدو غير مقنع تماما..
ما نقدر جاذبيتك قويه..

[عمروالندى]

الاخت احساس الدوحه : حصلت على 12 يعني جيد جدا تقريبا .

[احساس الدوحة]

عزيزي عمرو الندى.

"عندك جاذبية جسمانيه وروحيه ايضا ..غامضه غير واضحه المعالم "

من قدك جاذبيتك غامضة..

اشكر مرورك

[تركي]

عز الله جبتيها عمرو الندى تحبه مدري ليه .


تسلمين على الموضوع الحلو .

[احساس الدوحة]

عزيزي لقيط بن زرارة

" عمرو الندى تحبه مدري ليه "

المحبه من الله.. بس ما قلت لي انت طلعت جذاب والا؟؟؟

[السفير]

الاخت احساس الدوحه : حصلت على 12

[عمروالندى]

الاخ لقيط بن زراره : ما تدري ليه ؟! ..هذي سبه والا مدحه ؟! :) (تراي امزح )

[راعِ المنقيه]

تصدقون ان انتيجه طلعت 8 نقاط معي

كم مره حسبت ولاكن هي هي النتيجه ما تزود
احاول انه تزود بس ماقدرت
بس الحمد لله راضي بنصيبي ومؤمن بالقدر

[~*فـتاة تـميم*~]

اهلين احساس


طلع معي 13




سلام....

[تركي]

انا طلعت معي 14 ومره تطلع 15 يعني مامثلي اخبص .


وبعدين عمرو الندى وراعي المنقية عطونا الصحيح .

عمرو الندى مسوي جذاب .
وراعي المنقيه غاش بالنسبه بس شكلك مبتلي في دنياك
لا شوفوا فتاة تميم مسويه متواضعة يعني 13 يعني .

[احساس الدوحة]

اشكركم جميعا عالمشاركة ..

بدون لف ودوران اللي مو جذاب يقول... ترى موعيب..

يعطيكم العافيه

[راعِ المنقيه]

انا اقولها ماني جذاااااب
لان انتيجه طلعت 8 نقاط

وبعدين يالقيط مسوي نفسك جذاب ايييه ماقدر اقولك شي اخاف منك

تشوتني برا ونا مقدر على الفرقى لان قلبي تولع بذا المنتدى مدري ليش

[بـن مــعــمــر]

أول شي مشكوره على الموضوع
ثاني شي جمعت النقاط طلعت (8)

[احساس الدوحة]

راعي المنقيه

" انا اقولها ماني جذاااااب "

متواضع وايد ياراعي المنقيه.. من اللي يشوتك برع.. مسكين انت ..والله ما عاش اللي يشوتك..

واشكر تفاعلك مع الموضوع..:D

[احساس الدوحة]

عزيزي بن معمر..

اشكر مرورك .. اتمنى تكون استمتعت بالموضوع..

[~*فـتاة تـميم*~]

هههههههووووواااااااااااةةةةةةةةةة

اخوي لقيط :mad:

ليش محتر مني علشان طلع معي ثلاث طعش:D

عزيزتي احساس .... :)

الحمد لله انا واثقة من نفسي مو مثل بعض

الناس اللي يخبصون شوي 14 وشوي 15





لاتزعلون مني مجرد مزحة:D

[تركي]

اشوف المنتدى ناوي فيني نيه :ـ

عمرو الندى مسوي تحالف مع الأعضاء والله ماينفعونك خصوصا :ـ

راعي المنقيه وبن معمر وفتاة تميم .

عندي احساس ـ مو احساس الدوحة ـ انهم عند اول طقه يهجون ويخلونك تقاسي الألام وحدك ـ بس حلوه الألام ـ تصلح فلم هندي .


عموما موضوع جميل جدا .

[~*فـتاة تـميم*~]

اخوي احنا تمايمه مو سهلين ===> ناوية على شر

وماعاش اللي يخذل عمرو الندى وحنا موجودين=====> هذا التحالف ولابلاش

لان الخيانة موووو من عاداتنا

[احساس الدوحة]

اقول بس بس لا تتهاوشون ..:mad:

كلكم جذابين وتجننون ..:)

يا فتاة تميم .. لا تسوينها سالفه .. ترى الشباب لو قاموا علينا مشكله لنا احنا الحريم..:D

اشكر تفاعلكم مع الموضوع واشكر الجميع المرور

[راعِ المنقيه]

اشوف اسمي طاير بالعجه وش السالفه

وبعدين يالقيط وش سالفتك انت

ترا موعدك قريب ان شاء الله لا تنتظر واجد ونا قولي فعل :D

ماعاش من يقوم عليكم ونا خشمي يشم الهوى :mad: :mad:

[احساس الدوحة]

هذا العشم فيك ياراعي المنقيه..

[تركي]

ايوه سويتو فريق .


على فكرة الموضوع الحين يصلح لمنتدى الطرائف ولا ايش رايكم .


قلب الموضوع ضحك .

[أم البنين]

هل يصح هذا الجمع


تمايمه

[احساس الدوحة]

اخوي لقيط..

حتى لو سوينا فريق انت ليش محتر.. قاعد لنا قعده..

ام البنين..

لا مايصح التمايمه.. التميميون او التماميه او التميمييييين او ... ما اعرف ..

[تركي]

لا يصلح جمع بني تميم على عدة جموع منها :ـ

تمايمه ووردت في بيت لبن صقيه .

ومنها تميمات ووردت في بيت لحميربن عيادة .

ومنها التماميم ووردت في بيت لبن صقيه وتطلق ايضا على فخذ من العبادل سكان المزاحمية .

ومنها التميميون جمع مذكر سالم .

وكان فيه زود مدري .

هذا بالنسبة لكلام ام البنين .

[تركي]

إحساس الدوحة انتي وهالفريق ماني محتر منه .


بس انا اقول لا تجبروني اكون مليشية خاصة لي واغزي عليكم ترى والله اسويها .

[راعِ المنقيه]

ايش قال
قال مليشيه على هونك راس مالك نائب مشرف تعرف ايش معنات نائب مشرف
ولا تبين اقولك او خليها يارجال
اسمع انت ومليشيك هالكلام اللى يصلك ويتعداك ترى الغزو من طبايعنا ويومك الاسود جاي بس خله يجتمع ذا الفريق ووريك

المرسل

راعي المنقيه بن عنتر بن شداد

ههههه

[صقر تميم]

أنا طلع معي 102 >>> نصااااااااب :D

لا تبون الجد بس أخاف تقولون نصاب بعد 14 ك ك ك ك

تحياتي :D

[احساس الدوحة]

الحق علينا ياراعي المنقيه ..يبي يسوي ميايشيات.. والله اني خفت وراح اضطر اقفل هالموضوع..

من هل انت جذاب لين الميليشيات..

خلونا في لب الموضوع..

واهم شي انكم كلكم جذابين ولا تزعلون..

[احساس الدوحة]

اخوي صقر ..

اشكر تفاعلك و مشاركتك..

لكن نصاب ..؟؟

ماعاش اللي يقولها حتى لوقلت المجموع 250..

[صقر تميم]

تسلمين ياحساس الدوحة

وان شاء الله 14 حلووة تصدقين ماقريتها الا اللحين

تحياتي

[تركي]

والله اني لوريكم اجل بتقفلون الموضوع .



عموما انا قايلك يا إحساس الدوحة انتي تعنزتي على ناس زي راعي المنقيه وبن معمر وفتاة تميم وبنشوف مين اللي بينتصر في الأخير .

[صقر تميم]

طيب سؤال يالقيط

الميليشيات جذابين ولا لا ؟

هههههههههه

تحياتي

[راعِ المنقيه]

ولو شكل تهديدي ما فاد يا لقيط

شكلك ما عزفتن زين ‍‍‍‍! لا وجاي تحرض على


اقول ياشباب وشابات ترى لقيط عزيز علينا ولا يهون علينا زعله

فهمتو الخطه زين ;)

صقر اعتقد انهم جذابين تدري ليش لانهم ربع واحد حلو ومزيون ههههه
يالله اجحده :D

[احساس الدوحة]

عزيز لقيط..

"عموما انا قايلك يا إحساس الدوحة انتي تعنزتي على ناس زي راعي المنقيه وبن معمر وفتاة تميم وبنشوف مين اللي بينتصر في الأخير "

هي معركه وفيها اللي يخسر وينتصر؟؟ كل شي ولا زعلك حتى انت عزيز وغالي..;)

اشكر مروروك وتفاعلك معنا ومشاركتك لنا في السوالف والغشمره..