.. مناصبنا إلى أين؟ ..

[..تميم..]

قبل أن أراجع دائرة حكومية أدعوا ربي ألا أواجه تميمياً ..!

بهذه الكلمة أستفتح مقالي .. موقناً عارفاً لمعناها .. عالماً أنها ستسثثير كثير وسيشره علي كثير ..!

لكن الواقع خير شاهد ..

فنحن تميم نملأ المكاتب .. ونحتل أرقى المناصب .. فلا تخلو دائرة من تميمي .. ولا موقعاً من تميمي ..

لكم أخوتي أن تتصحفوا موضوع مشاهير بني تميم لتعرفوا الحقيقة ..

لكن..!

تبقى الحيرة ..

بدل أن أذهب مختالاً بوجود ابن عم لي .. كان هو الغصة ..

بدل أن أروح مأملاً أعود وكلي خيبة أمل ..

أستفزع بذاك التميمي ولا جدوى .. وإذا بذاك ابن القبيلة الأخرى يدخل منادياً ( وين آلـ.....) فما تلبث إلا وقد اهتز المكان نشوة كل يريد الفزعة .. أما يحق لي أن أموت غبطة ..

أولاد تميم من قعد على المكاتب ..

أولاد تميم من احتل أعلى المناصب ..

كثير منهم من ذهب ولم يحقق من تلكم المناصب إلا ذماً بل دناءة ..

لم يقدر الرجال .. ولم يضفي إلى رصيدة كلمة مدح ..

وين نفعه لقبيلتهـ ..؟ وين نفعه لعيال عمه ..؟ بل وين نفعه لقريبه ..؟ بل وين نفعه لعيالهـ ؟

أولاد عمي ..
تميم تلك القبيلة الشامخة .. وين عزها ومجدها وفخرها ..

وينها عن يوم قايلها يقول إذا استفزعتـ .. إلخ

وينها بعد ما اعتلت .. هذي هي في قمة الانحدار ..

وين ترابطها .. وين وين وين ..

ويبقى بصيص الأمل ذاك القادم ..

ذاك الذي بدأت أشعته الذهبية تلامسنا ..

بدأت لاروح تدب .. لكن تحتاج إلى من يقومها ..





أكتب هذا وقلبي يعتصر ألماً ..

أكتب هذا وكلماتي تنهار عاجزة عن التعبير ..

في موضوع طويل يحتاج لنا أن نبثه ..

لكن يبقى سؤال ..!

أنا لا أدري هذا من رداة الحظ ولا من ردانا ..؟

[دواس البراهيم]

هلا والف غلا بتميم

لقد وقعت على الجرح

واتيت على موضوع ضروري ومهم

نحن لانقول كل تميمي يتربع على منصب في الدوله هو ردي والا ماينفع

لا

بعضهم بل اغلبهم قد تأتيه من كلام القبيله وانا ابن عمك وانا وانا وانا

ولكن قد يفزع لك واحد ليس من قبيلتك فقد لأنه تأثر بما قلت لأبن قبيلتك الذي لم ينفع فيه الكلام

هناك من تميم من فيهم الخير والبركه وماسكين مناصب وينفعون عيال عمهم

ولكن الاغلب والاكثر لاينفع

موضوع جيّد ومفيد ومهم

تسلم ياتميم وجعلك ذخر

أتمنى نقاش الموضوع بكل ماهو مفيد للقبيله وابناءها

تحيتي

[تميم قطر]

كلامك صحيح الى حدا ما ........ يابن عمي ..... صراحة في ناس ممسوحة وجيهم بمرقة
لايهمه بن عم اوغير الي يهمه مصلحته وبس........

وفيه ناس نلتمس له العذر ( كيف ) منصبة حساس والعين علية ..او موضوعك فيه مضرة
للمصلحة العامة ... او تطالب بأشياء مستحيلة..

بس الي نبية من اصحاب الكراسي ... تسريع اجراءت قانونية لاغير وبيض الله وجهه..

ولايخلي بن عمة رايح جاي على شي بصيط .. وفاضي ...

[علي آل بوعينين]

كلامك مردود عليه ياتميم


وهذي وجهة نظري وانت الان تسيئ الى تميم كلها بكلامك وهذا اكبر خطأ ان يقال الكلام هنا

وياليتك ماكتبت هالكلام الي يضيق الصدر وتميم يالغالي وقت الشدايد ومو معناه اذا واحد او اثنين مانفعوا تعمهم كلهم

فزعاتهم تغني عن شهادتي وشهادة غيري


اما ان والله هذا تميمي مانفعني اجل اتمنى اني مالقى ولا تميمي كلام خطا

وفي كل قبيله يوجد الطيب والردي واتمنى لك التوفيق يالغالي


اخوك / علي بن محمد آل بوعينين التميمي

[عتيبه بن مرداس]

ابن عمي تميم

كلامك مقبول بس يعني فيه امور كثيره غلط
ترا مافيه رجال قبيله مثل بني تميم له اماكن حساسه و مناصب عاليه ونفوذ كبير هذا كله تلقاه في بني تميم فقط
ومع هذا تبي يكون فيه حميه تميميه بينهم مستحيل
إلا إذا سوينا نفور عام وهذا مستحيل بعد

ولو ان في اغلب بني تميم حريص و متتبع لعيال عمه لما وصلنا للأماكن الحساسه يعني اخذنا شي وفيه مقابل
وجداننا يرددون انا اخو من طاع الله ونفتخر فيها وهذا ما حنا عليه بفضل الله ثم بهم

ولا تخاف وكلامك كله ما له داعي
ترانا بخير وافضل مليون مره من غيرنا وكل شي ترا لازم له مقابل
وما ينقصنا إلا شي واحد
النفير التميمي العام والشامل وهذي دونها السلطان هههه شفت شلون .
تحياتي لك
القائد المسلح للقوات التميميه
عتيبه بن مرادس العمري التميمي

[..تميم..]

حقيقة أنا لا أنكر أن هناك من لا ينفع ..

نعم هناك من شهد له التاريخ .. وسيق له وسام في عيون الناس ..

لكن كقبيلة عريقة له مكانتها وقلها يبقى لزاماً عليها أن يكون أبناءها خير من يشاد له ..

بالله عليكم ..

انظروا إلى فلان وبني فلان ..

لا تجد أحداً منهم في منصب إلى وقد جمع بينه وحوله جماعة من ربعه وأقاربه ..

فلا يرحل إلا وقد جعل مكان الواحد الكثير ..

يبقى هذا غبنة علينا ..

أنا في حقيقة الأمر كنت أنكر أن تتحول الإدارات إلى محسوبيات .. بل كل يأخذ حقه مهما كان ..

لكن الوضع يلزم ذلك ..

فإن كان ولا بد .. لماذا لا يكون لنا موقعاً في الإعراب ..




شاعرنا الغالي علي آل بو عينين

تميم وقت الشدايد هذا المفروض ..

وهذا اللي نبغاه يكون ..

لكن ما شفناهم وقت الشدايد ..

أي قليل وتلك المناصب التي ملأت لم يذكر أحد منهم بالنفع ..

أي قليل ومنهم من كان غصة على أبناء عمه ..

أي قليل وكل شي يشهد .. وما نراه واقعاً ملموساً يضيق صدورنا أكثر وأكثر ..

لك أن تراجع دوائر حكومية لتسكتشف من ينفع تجد غيض من فيض ..

من بحر تميم تلك القبيلة العريقة ..



ابن العم قائد القوات *-*

لماذا ننظر إلى من هم أسفل منا ..

نحن تميم همنا فوق السحاب ..

ننطح روس العوالي ..

ولا نبغى نقعد نقول حنا بخير ..

وأحسن من غيرنا ..

ولا نبغى الرقي والارتقاء ..

حنا تميم يجب أن نكون قي القمة كما كان أسلفنا ..

أما نبقى حنا أفضل من غير .. ونمشي بسلام .. فيه ناس غيرنا أفضل منا ..

لماذا لا ننظر إليهم ..

عيب على قبيلة مثل تميم أن تبقى مكتفة اليد تنظر إلى الأسفل لا تنظر إلى هام السحاب ..

نحن نريد عندما يرانا الغير يقول تلك تميم فمن لنا بمثلها ..



.. والخلاف في الرأي لا يفسد للود قضية ..



ولد تميم
.. تميم ..

[أحمد البكر"]

هلا بذيابه كلهم
أسمعو الكلام الوكاد
والله في ناس لا شافتك نقزت من محله تبي تساعد وفي ناس لا شافتك ومن نفس الجلده تصدد صح ولا لااااااااااااا
أغلب أبناء عمنا لا مسك منصب مو مايرد عليك
ما يطالعلك أصلاََ
ولا فيه ذيابه تنحطه على الجرح ويبرا شرواء هل وجيه الطيبه

[الزبرقان بن بدر]

والله ياكلام ابن العم تميم في محله وصدق بكل كلمه قالها
بلاش نكابر
والاشكال الي ذكرها اخوي تميم هي الاغلب

[راعي الخطامه]

تميم وجميع الاعضاء ((( اخواني الواسطه لها اصول)))

والله العظيم عاشرت اغلب القبائل اذا ماكان جميعهم ووالله العظيم ثم والله العظيم التميمي مهما كان في منصب عااااااااااااااالي وانتخيته وقلت انا ولد عمك والله ينهي موضوعك بس وش لون:

شفوا اخواني الواسطه لها اصول بعض الناس ماودك تنفعه من قله ادبه وقله حياءه يبغى الشي ينجز في هاللحظه ولايقدر الرجال اللي هو ناصيه مايدري ان ابن عمه اللي جاه عنده مليون واحد غيره جاينيه بس اذا تبغون الرجال يطير او يقاعد من مكانه فسوف يلبي طلباتكم على الفور0000 الراكد يعجبني وادري انه بينهي موضوعي اما راعي البربره والكلام الزايد ادري والله ان ماعنده سالفه انا ابغا رجال راكد وثقيل بس ينهي موضوعي وهذا الدارج عندنا ياتميم0

بعض السوالف اللي نسمعها من الشباب يقول والله نخيت ابن عمي لي وطار بي وراح معي وظبط اموري (((ماشاء الله وش لون))) بعد اسبوع يقول رفض المعامله المدير العام وين ولد عمك ((( طلع ماعنده سالفه ويقعد يشرشح فيه)))

لكن حنا ياتميم وش يقول((( والله مادري عنه قال يصير خير ان شاء الله وشكله مايعرف ولد عم وهالخرابيط والله مادري عنه شكله ماينفع بشوف لي واحد غيره ماتعرفون احد ياشباب))) وبعد اسبوع وهو يراجع علشان المعامله يقولون له امورك تمام ويلحقونه صغار الموظفين يقولون له تعرف فلان اللي هو التميمي ((( لان رج الدائره علشانه )))

نحن كبار ومسئولونا كبار اللي يطامر معك وابشر هؤلاء صغار الموظفين وماعندهم سالفه اذا لقحت والا ماضرها الفحل0000000اما الكبار ينجز امورك ويسنعك اسالوا مجرب ولا تسئلوا طبيب0

انا اقسم بالله جربت خمسه من المناصب الكبار لا اعرفهم ولا يعرفون احد منا ونصيتهم وكلهم سنعنوني وانجزوا موضوعي بكسر النظام لكن بدون هلمه وزبرقه وكلمه ابشر واعتبر موضوعك منتهي لا كلامهم كله ((( يصير خير =ان شاء الله)))

كل الكلام اللي قلته لكم هو من واقع ماحدث معي خلال زيارتي لهؤلاء وانهاء اموري فراعي البربره مهيب لنا ربعنا ثقيلين وينهون امروك 000

احمد الله واشكره اني تميم

اللي يقولوا ان تميم ماينفعون اقول له لاتحكم على شخص واحد فربما انت المخطئ واسلوبك وطريقه تعاملك بعض الناس مايعرف يتعامل مع الناس الكبار ياخي اخوك اذا صار وزير ماعاد يعطيك وجه وشلون عيال الناس فالواسطه فن واسلوب فلا نكون من الناس العجلين والا اللي مايفهمون تقول داخل بقاله مهوب داخل على مسئول(((المغزى في بطن الشاعر)))

في النهايه يابناء العم وبكل ثقه واقولها باعلى صوتي


احمد الله واشكره اني تميمي