ديوان الشاعر علي آل بوعينين

[علي آل بوعينين]

السلام عليكم ورحمة الله وبركاته

في البدايه احب انا اشكر الاخوه القائمين على هذا المنتدى وبيض الله وجيهكم وماقصرتوا على المجهود الكبير الذي قدم وعسى ان تعم الفائده بأذن الله تعالي.
وثانيا احب ان اقدم هذه القصيده المتواضعه في مدح قبيلة بني تميم التي مهما كتبت لها لم ولن اوفيها القليل من حقها



لي لابتن لاجيهت الناس بالناس"="سباقتن ترقى عسير الطوايل
اهل المهانيد الطغيه بالانفاس"="دم(ن) مراويها تجود النكايل
لحطت الدنيا على الناس مقياس"="كاهل مضر لو يفخرن القبايل
قبيلتن بين العرب حلها راس"="عطبن مضاربها على كل عايل
طيبن مع الطيب وباسن مع الباس"="وحدامها له احمر الدم سايل
ذيبانها لامن رقوا متن الافراس="عدوهم تسخط عليه الفعايل
جفالة افيال العجم دون الاجناس"="وقت العرب حالت عليها الفعايل
طولاتهم ربعي على المجد نبراس"="بالخيل ورهاف الوغى والنبايل
اهل الفعل يوم النشايب والامراس"="واهل الكرم يوم الرخا والجمايل

[علي آل بوعينين]

اناالي لك فرشت القلب حروف الحب تزهنه=تدوسينه دوى همه غدالك لا تردينه
الايابنت في هجرك عذابن يجرحك فنه=الا ياعيني الضميا كفا دمعن تهدينه
انا ضحيت في حبك وقلبي يجزع المنه=ورضيتي بالغلا وسمن على حبن تودينه
وظني لاهوى قلبي ضميرك بالهوى حنه=عذاب القلب بك لاخاب على الفرقا تحدينه
الايازين قبل الصد سبيق النومك لي ونه=عشيق ما هقيت انك صفا قلبي تندينه
خطا مني ولامنك اذاعفت الوصل ثنه=جزاة الصد لجل الصد على غيري تبدينه
رجاي اصله يعاف الذل وعزي لاغنى عنه=اذا حبل الوصل فيني على الرجوى تشدينه
خسى راسن خضع مادون خليق النار والجنه=ولاني من بديد الخلق صبين لك تعدينه


الشاعر / علي بن محمد بن على البوعينين التميمي

[علي آل بوعينين]

احمد الله ربي الــي علم جموع الكلــــم=غافر عـــظــام الكبـاير والصغاير اجمـعا

خالقي روحن ودمن قبلها ساسي عدم=محيي العبد ومميته مهرمه بعد ارضــعــــا

منزلن ســورة تبــارك والتـكــاثر والقــلــم=مشرق الشمــس وتـــلاها بالمغارب تطلـــعا

فارض الخمس الوجايب الفجر مثنا وتم=ثم ثـــــــــلاث المغربيه والبقيه اربعــــــــــــــــــا

هاضني طولات ربعي ياربوعي بالــقــدم=ومن زلال المجد نفسي للزيازم تجرعـــا

ساس عزرات الصدايم والجمايل والــكــرم=يامضى اكثم والاحنف يازمان الاقرعـــــــا

وصايد الفرسان حينن بالعدا ضرب وســم=للعدا علـــمـــه عســــيرن بالقايــا يردعــــا

وبن عمرو القادسية مروي الفرس الحمـم=وقيس ابن عاصم وحاجب رهنه الي نسمعا

دارمــيــن لاتـــفـــاخر لابتــن واو لاد عــــم=عزوتن لا من نخيت وفزعتن لو تهرعـا

ندهم عينــه يــفــارق جفنها نــوم العتــم=لارهيف له شفيع ولاعيونن تدمــعـــــــا

حن فناة العايلينــا مــن يحاشينا ســلــم=حن على الدجال عزرن قبل حل المصرعا

كم حكمنا كم علينا راس شرفات القمـم=كــــــم امرنا كم نهينا ولله الــــرب ا خضـــــعـــــا

حن سناة التايهينا للهدى عقـب الـظلـم=منـــنـــا يـــوم الرذيله للرذايل يــــقـــطــــعـــــــا

فضـل ربي ثــم شيخن عـــزه الله للامــم=جدد الدعـــــوه وعادت كلمة الله ترفــــــعـــــا

مغفلت عنه العروبه ولاغفلت عنه العجم=نصرته للحق دومـــن للفضيـــــله يـــتـــــبــــعــــا

اوهبين حنظلين في سمــا العالم علـم=من تميم المجد ساسه صافيــــن له مرجــعـــا

لابتي ياتاج راسي وسندي يـــوم اللـزم=يوم كلن راد عــــــــزه والمنايا تـــــشــــــرعــــــا

مجدنا يسمى الثريا عاجزن عنه القلــم=وذا قصيدي ما يـــــوفــــي لابــتي لو ابــــــدعـــــا

وهاضني طولات ربعي ياربوعي بالقـدم=ومن زلال المجد نفسي لــــلــــزيــــــازم تجرعــــــا



الشاعر / علي بن محمد بن علي بن محمد البوحسون الناصر آل بوعينين التميمي

[علي آل بوعينين]

علمنا بالكون يوم انه بدا=من تميم الجد عزن سربله
حن هل الطولات ياساس الندا=حن سنام المجد محنا باسفله
في مضر هامه وكاهل نعتدا=لابتي لاحل ذكر المرجله
شيخنا عاد البريه للهدى=عقب مالتوحيد خلقن تجهله
جدد الدعوه وزال الي غدا=جعله الفردوس شرفن منزله
ياتميم المجد ياسم العدا=يالرباب وسعد وعمرو وحنظله
ويله الدجال لامنه حدا=من مناعيرن تثيب المصقله
من سلايل لاحملت ماتركدا=فعلهم عطب المضارب يجفله
ضربنا لاصاب ضيع المرقدا=وكن دما من صيب وبلن مهطله
خيلنا بالحرب كرن ترعدا=ولضماة الحدهدرن تنهله
ولحياض الموت قدمن توردا=جاعلين الضد عزه لارذله
حن هل الطولات ياساس الندى=وحن سنام المجد محنا باسفله





الشاعر / علي بن محمد بن علي البوحسون آل بوعينين التميمي

[علي آل بوعينين]

هذه القصيدة في ابن العم الغالي عتاب بن هرمي ( تركي بن عدوان )


يقوله اللي لابته دارميه = اللي بهم لا درج القول صوّاب
يالحر يا راعي الكرم والحميه = يا من شهد له فزعة الخي والباب
بابٍ شريعه للقروم السميه = ما دنسه ميلٍ ولا جاه كذّاب
دار الوفي حل الوجيه النديه = ابن الوفي معرب الجد عتاب
سيف الخوي لا غاب عنه خويه = عزه على زين التوالي والانشاب
قدره رفيع ما وطى للدنيه = راس ليا عد العلايا والاذناب
كم جانيٍ لا راودته المنيّه = بآلاد عزاز ليا حل ما خاب
ربعه عزاعيز تعز الظميه = تشفي بلا من ثار شره ولا طاب
يا لابتةٍ عن كل قاف غنيه = يا هل الردافه ذكر الامجاد ما غاب
يوم النصايا للجسايد بريه = يربوع يا حد لنصا الند ضراب
وذا قولة اللي لابته دارميه = اللي بهم لا درج القول صواب
الشاعر / علي بن محمد بن علي البوحسون آل بوعينين التميمي

[عتاب بن هرمي]

هذا الرد يالبناخي الغالي علي البوعينين التميمي .


لاهنت يامن لك على الجود ضيه % عز ٍ قديم مايوارى بالاكتاب

من راس بن عدوان تاتيك ذيه % ابيات رد ٍ لك ياعز الاصحاب

حشتوا المراجل والسواعد قويه % يوم العرب تنهب وتوخذ بالاسلاب

نعم القرايب و اليا قلت هيه % تنخى رجال ٍ رقوا شامخ الناب

مزبنة الدخايل بالسنين العتية % الاد دارم مطوعة كل غلاب

نهشل وعبدله هم والمجاشعيه % نعم القبايل نجمهم مابعد غاب

وربعك مروية السيوف الضمية % نسل عينين لاجا طالب وطلاب

(تميم ) عزي وان فرعنا البنيه % مثل السما لا غابت عنها الاسحاب

( تميم ) اهل الجود والطيب ويه % ذباحة المردم ومحرقة الاطياب

( تميم ) هل الهيجآ الى الضد عيه % مركاضهم يشبع به الطير ثواب

( تميم ) اخذوا الطيب ومابقى شيه % نعمة ٍ حلها لنا رب الارباب

وسلامتكم

[علي آل بوعينين]

حنا تميم لاشبا الكون دخان=تنكر حرايبنا علايا رعدها
حنا هل الطولات لاكان ماكان=عمرو ورباب وحنظله مع سعدها
للضيف ضان وللدخيلين مزبان=وللند حدن بالهداير وردها
فينا فضايل ماتفضل بها انسان=فضايلن يم التميمي وجدها
حنا تميمن لين دجالها بان=اشد الامه والنبي من فردها
مجددين الي على روس الاديان=يوم النصايب كثر منهو عبدها
قوم النبي ربعي محادير عدنان=وشعاد ملزوم الفخر من بعدها
واوطاننا عزن ليا عد الاوطان=لاخاب بتلاة العنا من قصدها
نولى قطر يابادع القاف وعمان=وديارنا عسرن عليه عددها
حنا تميم ولاعلى الغير نقصان=اهل السما وقت المفاخر حشدها
صغت القصيد ولازم القاف برهان=من شاعرن دل القوافي رشدها
قاله ولد دارم على حل مازان=والنفس ماتمكد لمن لامكدها
الشاعر / علي بن محمد بن علي البوحسون آل بوعينين التميمي

[علي آل بوعينين]

انا الي لك فرشت القلب حروف الحب تزهنه=تدوسينه دواهمه غدالك لاتردينه
الا يابنت في هجرك عذابن يجرحك فنه=الا ياعيني الضميا كفا دمعن تهدينه
الا يابنت عقب الصد سبيق النوم لي ونه=عذابي مادريت انك صفا قلبي تندينه
انا ضحيت في حبك وقلبي يجزع المنه=ورضيتي بالغلا وسمن على حبن تودينه
وظني لاهوى قلبي ضميرك بالهوى حنه=عذاب القلب بك لاخاب على الفرقا تحدينه
خطا مني ولامنك اذا عفت الوصل ثنه=جزاة الصد لاجل الصد على غيري تبدينه
رجاي اصله يعاف الذل وعزي لاغنى عنه=اذا حبل الوصل فيني على الرجوى تشدينه
خسى راسن خضع مادون خليق النار والجنه=ولاني من بديد الخلق صبين لك تعدينه


الشاعر / علي بن محمد بن علي البوحسون آل بوعينين

[علي آل بوعينين]

ياساكن الديره عصا القلب ماذاد=وسهوم عينك في حشايه ركاما
حالي صويبن كن ماحل بزناد=مسراك يادمي سقاه الغراما
غزال اشوفه تالي اليل برقاد=واليوم عديبه يهل السلاما
انعس وكنه من جزا النوم بعناد=اريش ولي في دعج عينه هياما
عزاه ياجفنن ليا رد بركاد=اكحل ومرسوم الكحل به حراما
ابيض لعوبن راوين زم الانهاد=ياخمته لولاحشيد المقاما
والردف لاخطى عنا القلب وقاد=وله مشيتن منها يغار الحماما
ناهيك شوفه حالي الريق مافاد=يامن يبادل مع شفاه الكلاما
ذبلن حمرها يبري الحال كالكاد=لاذل من شافه نهار الزحاما
يامزهن يغنيني الشرب والزاد=حالن عليه يومهن لي مراما
ياليتني لاحلت اليل بسهاد=شين عليها لومصيري ظلاما
آه واعذابي لاتمنيت ماكاد=هويت ومن ذاق الهوى مايلاما


الشاعر / علي آل بوعينين

[علي آل بوعينين]

انا في صدك الثاني خذيت من الحيا عنوان=قضاه ان الحياة الي تذلك لاتسايرها
ابا بالخافق الهاوي يقاسمك الغلا انسان=وابت نفسي على قربك بعد ماثار ثايرها
قتلتي فرحتي يومي على ذاك الطلب ولهان=وداعيتي غليتيها وانا ماكنت جايرها
هواي الي على قلبي يزيح من الضمير احزان=حياة القلب ماتجحد حشا لو صار صايرها
غدت في غمضة عيوني حكم في واحة الحرمان=تصالح حزني الماضي على ذرفة محاجرها
حشا ماقوى على هجرك ولكن عزة الانسان=تقول ان الحياة الي تذلك لاتسايرها



الشاعر/علي بن محمد بن علي البوحسون آل بوعينين التميمي

[علي آل بوعينين]

شاعرٍ قلبه على ربعه ملي = بالثنا في لابته هد القصيد
ربعي دناة البطا لو يعتلي = ربعي حماة التلا ند الضديد
مجدنا مقرون الأول بالتلي = والشدايد ما لها غير الشديد
حن تميم المجد حينٍ و أولي = حن عنا الدجال باليوم الوعيد
ساسنا راس السما ما يجهلي = حايش الطولات ما جا به نقيد
حنظليٍ دارميٍ عبدلي = حن ضنى من كان في هجرٍ يسيد
لابتي يا آلاد عيوني ياهلي= عزوتي نعم القبيلة والعضيد
النواصر والمحمد و العلي = عزها الماضي و تاليها المجيد
بالقصايب و الركايب تصهلي = لا هنا ضرابها لو نه مريد
حن سلايل تروي الضد الصلي = حن هل الرايات لا صلّ الحديد
بالوغى ربعي شبوبٍ تشعلي = تردي شداد العدى مردى الهجيد
بالرهايف للدمايا ننهلي = ولا عتلى البارود ما نخطي نصيد
كم عدوٍ من لقانا مبتلي = يافجيع ٍ او على البيدا مديد
حن هل الطولات والله الولي = وما يبدّى غيره العلم الوكيد


علي آل بوعينين

[علي آل بوعينين]

الف(ن)الا ياعزوتي بالشدايد=عز الوفي مطوعيين الضدايد
قدم(ن)على حياض المنيه ورايد=لاطرق العايل نفاه اللطاما
البا بديت بعزوتلي وابنها=بالي ليا صاح المنادي رهنها
ذرايتن لاذل حرن زبنها=ند الضديد قرآن شرف الزماما
التا تلقاه الفنا من رمانا=عزه خطا وادنى الوطا له مكانا
من شط فارس حد ساحل عمانا=ذي لابتي بين القبايل سناما
الثا ثناة الذل رووس الطويله=جيب الندا رد العدا بالصقيله
اهل الظفر يوم النصايا ضليله=وقتن يحل السيف علم(ن) حراما
الجيم جرنا روس منذر حمايا=في حلنا حد الحايا نمايا
وربعي عليهم من سنين(ن) مضايا=اهل الردافه مربعين القساما
الحا حماة الدار اهل الوقاره=اهل البيوت العامرات المناره
بيت العرب فينا محله زراره=مجد(ن)مضا وفي تالي العهد داما
الخا خطينا ما على الراس يعلا=منطوقنا لاهده الحر فعلا
حن لابتن لو تعتم الدار شعلا =نرو الصقل دم(ن) وزاده عظاما
الدال دولات القروم الابيه=ربعي ذراها لو تحل البليه
نولى قطر وعمان حنا وليه=وديارنا لاماحصاها الكلاما
الذال ذا حنا وهل المجد منا=ولامن غدينا بين الاجيال كنا
تميم وان حل المعادي وطنا=يسمى على عينه لذيذ المناما
الرا رهيفات الوغى لامتطينا=يشهد لها شام(ن) ودون(ن) وصينا
والغرب ياما من صفاها روينا=ونجد(ن)لنا فيها زمان ومقاما
الزا زلازلها بخيل(ن) تكرا=ارض الوغى وقت الفوارس تجرا
ربعي على العيال شر(ن)وضرا=فرسانها لاهاج هيج الحداما
السين سدنا بالمضايا وقدنا=لليوم لاباكر وربي عبدنا
بالعز كنا دام حنا وجدنا=اهل الثنا والجود عز المضاما
الشين شر(ن) لوتحل البلاوي=عدونا يجهل عفاه المداوي
كاهل مضر للضاميات المراوي=هامة مضر بالجامعات الكراما
الصاد صياد الفوارس عتيبه=كم فارس(ن)هاب الوغى من ضريبه
واكثم والاحنف والقروم الصعيبه=وامير خندف للضديد الهداما
الضاد ضاريها وغى القادسيه=بن عمرو وقوم للعدا طامسيه
حنا تميم(ن) كانها الفارسيه=علاية الرايات يوم الزحاما
الطا طاغوت الخطا هادمينه=بشيخ(ن) عسى رب البشرلايهينه
جدد رسالة من سكن بالمدينه=محمد نبي الله سيد الاناما
الظا ظماة الحد برق(ن)رهايف=بهام العدا نحمي بها كل خايف
تميم ياساس(ن)يفوق النوايف=اسم(ن)تعلا بأشرف المجد هاما
العين عادت للقروم النجايب=اشد الامه يوم حل الضرايب
على المسيح وغاويين الخرايب=قول النبي يامن غواه الملاما
الغين غيم الجود كف التميمي=عز الضعيف وللمعادي جحيمي
كلمه تعلت ياعرب من قديمي=حنا هل الطولات حرب وسلاما
الفا فلا هجر وسماها وماها=كله مع البحرين بالي تلاها
مليكها المنذر حمي(ن) حماها=قبل السنا لينه تجلا الظلاما
القاف قهر(ن)للعقايد تحلا=الجاير المضيوم فيهم يظلا
لا والله الي في ذراهم يعلا=في عزوت(ن) للجار جند(ن) تحاما
الكاف كل(ن) في ربوعه تعزوا=ولي عزوتن فعالتن لاتهزوا
عز الكريم وللمعادين جزوا=ترديه من عقب البصر للعداما
اللام لعيون الحسايد عماها=والمعتدي يدنا ولو في سماها
الفرس تشهد يامسايل دماها=والترك من ربعي غشاهم عتاما
الميم منا من قديم الصحابه=فرسان حرب وبالقضا والخطابه
حنا تميم بعد الامجاد لابه=ماروثها شراف النزيل الشهاما
النون نار الحرب حنا شبوبه=نهوي على هام المعادي عقوبه
حد(ن)شطير(ن) بالمراق مشروبه=اهل الظفر حنا رواة الحساما
الها هل الفزعات شكل الرجالي=حماية التالي قصار العوالي
حرار(ن) تعالت بالشرف والمعالي=اهل الحميه عزوتي يالنشاما
الواو والين القضا والزمامي=وعكاظ يشهد حكمهم كل عامي
اهل الفعول الطيبات الكرامي=الي لهم بالكون عز(ن) تساما
اليا يديم الله عز الجماعه=ويجمع شملها في ثبات(ن)وطاعه
وصلاة ربي عد مالضي شاعه=على النبي الهاشمي الاماما


الشاعر / علي بن محمد بن علي البوحسون آل بوعينين التميمي

http://myweb.saudi.net.sa/mahgeet/v44.gif

[علي آل بوعينين]

بعض البشر من سالف المجد ينهل=يجعل من اجداد(ن) مضوا حاضريه
افعالهم في ذهن الاجيال ما زل=يبقا بقا ورث السلوف الابيه
وبعض البشر ما قول انا البعض بل جل=قالوا ليا قيل النسب عنصريه
تحده الذله هل الطيب يجهل=يوازي رفاع القدر بالدنيه
يامن يساوي عالي الغيم باسفل=لا لا ينادي لابته بالرديه
ثلاثتن لو نالها الحر ماذل=تنشله لو حل الدنا للسميه
دين الولي ومخالف ابليس لاحل=والثالثه عز الفتى بالحميه
شاعر وقولي ياهل الجود ما ضل=ساس الندى ياهل الوجيه النديه
من كان عارضني على كل ما هل=فالود ما يفسد له اية قضيه
عينين بك قوم(ن) على الضد جحفل=للدين عز وللمعادي ضريه
كم عايل(ن) حاله غدا شين واعتل= من فعلهم ذاق البلا والخطيه
صبينا لاحامه الذل نهشل=يطوّع عجاز الزمان العصيه
اما عزيز وباب الاكرام يدهل=ولاّ على العزه ينال المنيه
ويوم الرخا كل المحاقيد ترحل=بمجالس(ن) للهم الاعظم شفيه
للضيف حقه والمواقيد تشعل=لونه عدو له حشمته والتحيه
حنا النواصر يوم الاعقاد تنحل=وحنا العلي يوم العلايا وطيه
وحنا المحمد يوم الاتواه تندل=ثلاثت(ن) هم عزها بالبليه
ياهيه كانك عن هل الجود تسأل= لي عزوت(ن) يوم اللقا عبدليه
ذي لابتي راس التميمات تحتل=ياجاهل(ن) جتك العلوم الوفيه
دوارم(ن) يوم احدب السيف ينسل=جن(ن) ترانا للضديد الشقيه
فرز الوغى من فعل الافذاذ يذهل=ويوم الطعان احرار تروا الضميه
اهل الظفر يوم اصفن الخيل تصهل=والهام يجنا بالصقل والرميه
البيت فينا حن هل العقد والحل= اشرافها اعلامها بالبريه
هجر حكمنا لاعلى قولتي فل= وعكاظ الاقرع به يقود السريه
وحاجب رهين القوس يوم الفلا غل=رمز الوفا يومه يسوق الرعيه
ومن قال في مجد(ن) بنيناه ياعل=يجرع من شرور الزمان الصليه
وصلاة ربي عد مالكون هلل=على شفيع الخلق عقب الفنيه


الشاعر / علي بن محمد بن علي البوحسون آل بوعينين

[علي آل بوعينين]

بسم الله الرحمن الرحيم


هذه قصيدة مناسبتها أن بعض الزملاء كانوا يتحدثون عن امجاد وفضائل القبائل العربيه و عندما فرغوا من هذا

الحديث تحدثت عن قبيلتي تميم

وفي اثناء الكلام قاطعني بعضهم بهذا البيت المعروف :


ابي الاسلام لا ابا لي سواه=اذا افتخروا بقيس او تميم
فكأن المقصود من كلامهم ان دينهم واباهم هو الاسلام اما من خاطبهم فكأن دينه قبيلة تميم وليس الاسلام... ولا عجبا فأن كل ذو نعمة محسود

فثارت قريحتي بعد سماع هذا البيت و قلت هذه القصيده :



كن ديني بيني وبينه خصـــــــام=والسبب جمع (ن) ليا قالو سـقيــم

لو اتى ذكر التميمي في كـــــلام=ساسهم قالوا لي الدين القويــــــم

كننا نصّار للــدرب الــــحــــــــرام=ما دروا من جدد الدرب السليــــــــم

جهلن لو قلت للجاهل ســــــــــلام=يقهرك ذا القول والله العـــظــيــــم

لا عدا للدين ذا حال السنــــــــــام=سالفٍ ساسي ولا هو بالرميــــــــم

إن فخرت أطري مناعيرٍ كــــــرام=قدوةٍ للعاقل الفذ الفهـــــــــيـــــم

الذي لا مات له جدٍ يـــــــــــــــدام=بالذكر يبقى وغيــره كالهشــــيـم

الحميه شمس لو زاد الغمــــــــــام=ما حجبها لوّه العالم يغـــــيـــــــــم

وش حجبها عند الأحرار الكـــــرام=تنحجب للناقص الضر اللئيــــــــــــم

الذي في نظرة العاقل يـــــــــلام=غارق(ن) في طبع الأرذال الذميــــم

دين ربي عندنا بأول مقـــــــــام=من رفض ذا القول ملعونٍ غشــيـــم

ثم لي حقٍ على صلب العــــــمام=عزنا بالدين واللابة تــــــميـــــــــم

من هل العينين ظفران الزحـــــام=لاخليج العز لطّام الخصـــــــــيــــم

وحوطة الأمجاد عزٍ ما يضـــــــام=للوشم وسدير وديار القصيــــــــــم

للرياض وحايل(ن) و أرض الشوام=للعراق ودار الأهواز القديـــــــــــــــم

وبديار الكرد ما حنا عـــــــــدام=لين فارس دارهم ربي يــــــــديـــــم

ذي ديار العز وأمجاد العظـــــــام=بالشرف نسما ليا قالوا تمــــــــيم

حن شعاع الشمس ونجوم الظلام=ماجهلـــنا يا هل الطولة كريــــــــم

لابتي للطارق الصافي ســـــلام=يامصير اللي يعاديها جحيــــــــم

والصلاة اعلى النبي مسك الختام=عد ماكــــان بعباد الله رحـــــــــيم



الشاعر / علي بن محمد بن علي البوحسون آل بوعينين التميمي

[علي آل بوعينين]

المدخن الي شاله ولمي=ياليتني ضيــــــــــانه وعـــــــوده

شقر الذوايب فلها يمــــــي=فوق المتون البيض مســــــــنوده

مكياجه من الرب ماخمـــــي=فيه الحلا قد جاد ماجـــــــوده

ابيض عطير ٍ بأحمر الدمـــي=لونه كما والورد بخــــــــدوده

نعس ٍ عيونه بالسحر ترمــي=أدعج كحيل العين يـــــاروده

ذبل الشفا نزاحة الهمــــــي=حمر الجمر يازيــــــــن ماروده

غض النهد منه الحشا يدمي=صدق الحلا ماينقض عهـــــــوده

والردف يوم ان الحلا تمــــي=قشط ٍ تلاين حزة قعــــــــوده

يامن تحلا فمــــه بـفمـــــي=وايدي فوق العنق مـــــمدوده

والطيب تطرب ريحته شمــي=وصدري قرين بدافي نهــوده

وآضم حالي الريق انا ضمـي=وابقى نديمه حالة سهــــوده

واطرد عليق الهم والغمـــــي=وادعي زمان الضيق ماعوده

اصله رفيع ٍ للسما همـــــــي=معروفتن ماغابت جـــــدوده

لاهوب لاطرش ٍ ولاهتمــــــي=لاصاب ساس الزين منقــووده

فوق الحلم لاقلت انا حلمــي=والله قسم ماشفت بــــحدوده

شفي معه لحم ٍِ على عظمي=ويبشر ورب الكون بســعوده

يا غربته ولعينه آهمـــــــي=عل الوصل من هدها قـــيوده

ليت الشمل بالحال يلتمــــي=وذاك الزمان يجد ونــــــعوده

ياصاحبي درب الهوى لزمي=من صار ولا بالقبـــــــر دوده

لبست انا بدار العشق حزمي=بغزي حنانك واظفـــر ردوده

ولا الجفا لاجزيه بالسمــــي=لآجندله بالحال وجـــــــــنوده

واجهز على عاليه وآتمـــي=واجعل سماة الحب مخلــــوده

جازم ولا من خر له جزمـــي=وكاني صمت ! الموت ولحوده

دونك تراني عايفه قسمـي=عمري بعيد ٍ عنك وشفـــــوده

انت البدايه مثلها الختمــــي=وكل الحلا ياروحي تســـــوده




الشاعــــــر / عـــــلــــي بــن مــــحــــمـــد بـــن عـــلـــي الــبــوحــســون آل بـوعـــيـــنـــيـــن

[علي آل بوعينين]

وين انت غايب ياهوى بالي=جوف الحشا طالت مجاديبه
لا الدار تسوى يابرى حالي=والحال رب الكون داريبه
لامن ذكرتك دمعها سالي=وسم على خدي تساحيبه
ابكيك لاهليت انا غالي=يامن عتم دنياي تاضيبه
انت الهوى والروح والمالي=دونك لذيذ العيش ماليبه
ياعاذلين الحال جهالي=قلبي عظيم الوجد ضاريبه
وجدي على من راح ولاجالي=كدر على صفوي مشاريبه
وجد الذي عاش الدهر خالي=لاحتاج مايظهر مطاليبه
اهوو عليه من التهم صالي=زج السجن من فايض الطيبه
دمعه شراة الغيث همالي=وقيد القهر جرح عراقيبه
اطرق حزن للزين موالي=بأسمه شفا لاقمت اناديبه
يخطر علي الاول التالي=ياشيب راسي منه ياشيبه
ياكل ماسري طيفه قبالي=حتى بحلاة النوم اهاذيبه
فيه الحلا لاصال ولا جالي=مهبول من دورعذاريبه
فوق الردايف سود الاجدالي=يامن قرب دومن يهليبه
وياغرتن للصلب ميالي=والخد سحر البيض ياويبه
والعين لايخطيك فنجالي=انعس كما والنوم حاديبه
وله مبسم ٍ اعظام واهوالي=مثل الجمر يوقد تلاهيبه
والعنق بالذهبات هلالي=ودي وشوف الزين شافيبه
ونهوده الرمان يختالي=برز ٍ وضيق الثوب تزهيبه
وردوفه ان غضيت يعصالي=وقتن مشى تذبح تلاعيبه
وجسم ٍ كما رسلان الدلالي=عمري فدا تامر وتنهيبه
يامن روى من ريقه الحالي=عاف البشر حتى مقاريبه
انا اشهد ان فرقاه سلالي=قلبي رداة الحظ تشقيبه
حمل الجبل قلب العنا شالي=والنوم ماجاد بمواجيبه
زينه عجيب الوصف واخيالي=فيه الحلا يبدى وينهيبه
الحب ذا ماراف رجالي=ليل ٍ قريب الخل ساريبه
اما الوحيد الي كما حالي=يصبر وعل الرب ياتيبه
ليه العشق ياناس حيالي=غدار وان كنا معازيبه
حالي كسير ٍ عايش الحالي= لاياقدر من غاب لي جيبه


الشاعر / علي بن محمد بن علي البوحسون آل بوعينين التميمي

[علي آل بوعينين]

وين انت غايب ياهوى بالي=جوف الحشا طالت مجاديبه
لا الدار تسوى يابرى حالي=والحال رب الكون داريبه
لامن ذكرتك دمعها سالي=وسم على خدي تساحيبه
ابكيك لاهليت انا غالي=يامن عتم دنياي تاضيبه
انت الهوى والروح والمالي=دونك لذيذ العيش ماليبه
ياعاذلين الحال جهالي=قلبي عظيم الوجد ضاريبه
وجدي على من راح ولاجالي=كدر على صفوي مشاريبه
وجد الذي عاش الدهر خالي=لاحتاج مايظهر مطاليبه
اهوو عليه من التهم صالي=زج السجن من فايض الطيبه
دمعه شراة الغيث همالي=وقيد القهر جرح عراقيبه
اطرق حزن للزين موالي=بأسمه شفا لاقمت اناديبه
يخطر علي الاول التالي=ياشيب راسي منه ياشيبه
ياكل ماسري طيفه قبالي=حتى بحلاة النوم اهاذيبه
فيه الحلا لاصال ولا جالي=مهبول من دورعذاريبه
فوق الردايف سود الاجدالي=يامن قرب دومن يهليبه
وياغرتن للصلب ميالي=والخد سحر البيض ياويبه
والعين لايخطيك فنجالي=انعس كما والنوم حاديبه
وله مبسم ٍ اعظام واهوالي=مثل الجمر يوقد تلاهيبه
والعنق بالذهبات هلالي=ودي وشوف الزين شافيبه
ونهوده الرمان يختالي=برز ٍ وضيق الثوب تزهيبه
وردوفه ان غضيت يعصالي=وقتن مشى تذبح تلاعيبه
وجسم ٍ كما رسلان الدلالي=عمري فدا تامر وتنهيبه
يامن روى من ريقه الحالي=عاف البشر حتى مقاريبه
انا اشهد ان فرقاه سلالي=قلبي رداة الحظ تشقيبه
حمل الجبل قلب العنا شالي=والنوم ماجاد بمواجيبه
زينه عجيب الوصف واخيالي=فيه الحلا يبدى وينهيبه
الحب ذا ماراف رجالي=ليل ٍ قريب الخل ساريبه
اما الوحيد الي كما حالي=يصبر وعل الرب ياتيبه
ليه العشق ياناس حيالي=غدار وان كنا معازيبه
حالي كسير ٍ عايش الحالي= لاياقدر من غاب لي جيبه


الشاعر / علي بن محمد بن علي البوحسون آل بوعينين التميمي

[علي آل بوعينين]

حنا تميم ٍ نسلنا ذياب وفهود=زيازم حروب ٍ شقا من عدانا
مانرضي الذله ولو دونها سود=للعز ولارفوع المنايا فدانا
حن لابتن تاطا على كل معقود=وعدونا لونه شديد ٍ يلانا
كم من زعيم ٍ حل في جوفه الدود=بطعون ربع ٍ للحرايب رهانا
ربعي ليا شب الوغى لضوه وقود=ردادة ديون السيوف السنانا
صبيان ورشود ومشاديد وجعود=بسيوفهم يبصر عدانا البيانا
يوم النباج وثيتل وحزة جدود=وجموع مذحج يوم جار الزمانا
فارس مضاها يشهد الويل بلحود=وتمثال ابن عمرو التميمي وفانا
يصعب علي اعد الايام تعدود =وايامنا عد الرمل في خلانا
دجال لاراد الولي حله نكود=اشد خلقه في حديث ٍ طرانا
قول النبي ومسمع الدوسي شهود=افضل مخاليقه لفا به نبانا
من الجاهليه وعزنا لحيننا عود=قروم ٍ مناعير ٍ خلاة الجبانا
نشرب زلال وندنا يشرب الزود=ومال الحسود الا سبيل الهوانا
كاهل مضر والهام عز ٍ ومقصود=مجد ٍ وجيد ٍ ثم بعيد ٍ وكانا
نمسي على عز ٍ ونفزع ليا نود= ومن هو نخانا فزعته لانخانا
وقت الشدايد ماعلا فعلنا زود=وحين الرخا حي الرخا من رخانا
كثر ٍ مناطقنا وحنا لها جنود=والضيف بكرام اللحى لايهانا
كم بالملا حنا له نسود ونقود=نامر وننهى دون رب ٍ برانا
وديارنا فخر بها الخير مشهود=دولة قطر منها ودولة عمانا
تميم من لامك تعلاه منقود=خايب رجا ماله طريق ٍ وهانا
ساس ٍ لنا وعاداتنا الطيب والجود=اهل الثنا في كل حين ومكانا



الشاعر / علي بن محمد بن علي البوحسون آل بوعينين

[علي آل بوعينين]

حنا تميم ٍ نسلنا ذياب وفهود=زيازم حروب ٍ شقا من عدانا
مانرضي الذله ولو دونها سود=للعز ولارفوع المنايا فدانا
حن لابتن تاطا على كل معقود=وعدونا لونه شديد ٍ يلانا
كم من زعيم ٍ حل في جوفه الدود=بطعون ربع ٍ للحرايب رهانا
ربعي ليا شب الوغى لضوه وقود=ردادة ديون السيوف السنانا
صبيان ورشود ومشاديد وجعود=بسيوفهم يبصر عدانا البيانا
يوم النباج وثيتل وحزة جدود=وجموع مذحج يوم جار الزمانا
فارس مضاها يشهد الويل بلحود=وتمثال ابن عمرو التميمي وفانا
يصعب علي اعد الايام تعدود =وايامنا عد الرمل في خلانا
دجال لاراد الولي حله نكود=اشد خلقه في حديث ٍ طرانا
قول النبي ومسمع الدوسي شهود=افضل مخاليقه لفا به نبانا
من الجاهليه وعزنا لحيننا عود=قروم ٍ مناعير ٍ خلاة الجبانا
نشرب زلال وندنا يشرب الزود=ومال الحسود الا سبيل الهوانا
كاهل مضر والهام عز ٍ ومقصود=مجد ٍ وجيد ٍ ثم بعيد ٍ وكانا
نمسي على عز ٍ ونفزع ليا نود= ومن هو نخانا فزعته لانخانا
وقت الشدايد ماعلا فعلنا زود=وحين الرخا حي الرخا من رخانا
كثر ٍ مناطقنا وحنا لها جنود=والضيف بكرام اللحى لايهانا
كم بالملا حنا له نسود ونقود=نامر وننهى دون رب ٍ برانا
وديارنا فخر بها الخير مشهود=دولة قطر منها ودولة عمانا
تميم من لامك تعلاه منقود=خايب رجا ماله طريق ٍ وهانا
ساس ٍ لنا وعاداتنا الطيب والجود=اهل الثنا في كل حين ومكانا



الشاعر / علي بن محمد بن علي البوحسون آل بوعينين

[علي آل بوعينين]

إن تمنيت البــلا تبـــــت يدي ========== صافي النيه وربي يشهــــــــــدا

بالنبي سيد البرايا أقتــــــدي ========== و جل جلال الخالق الله أعبـــــدا

مسلم ٍ اركع وأقوم وأسجدي ========== ما جفت رجلي طريق المسجدا

بالتحزب فودكم يامسنــــدي ========== إهجرو شر ٍ على الشينه غــــدا

من رغب عن لمة اللابه ردي ========== وش ردي إلا دريـــك ٍ بــــالـــردا

العدو ماهو غريـــم ٍ يعــــتدي ========== العدو منــهـــو على ربعه عــــدا

لعبة ٍ كل من علينا يحقــدي ========== راح يفتح للقبيله مـــنـــــتــــــدا

البقا للي به الوجه النـــــدي ========== مستحيز الأوله عمرو النـــــــــدا

دايم الحق لمحل المبتـــدي========== والخبر ماصار عمره مبــتـــــــــــدا

والحقيقه بينه لانجحـــــــدي ========== من عرفت الصوت سباق الصــدا



علي آل بوعينين

[علي آل بوعينين]

ليلي امضى سواده لين بان السفـر=ساهر ٍ يوم كل ٍفـي منامـه قريـر
لاونين ٍ دعانـي او فـؤاد ٍ خضـر=مير وقت ٍ تقفى في فواتـه سهيـر
جاد عقلي كنينـه بالقـروم افتكـر=مرشدين البرايـا للسبيـل المنيـر
حق وربعي تميم المجد هامة مضـر=سادة العز منجا من نصاهم ذعيـر
مكرمين اللوافـي بالزمـان الغبـر=حايزين المعالي ماعليهـم قصيـر
لابتي بالفعايـل لاستصـك الدهـر=خلتهم كالضواري داحريـن المغيـر
كم بغي ٍ عصاهـم انطـواه القهـر=لابتـي سندولـه بالقنـا والشطيـر
العدولونـه ارض لابتـي كالمطـر=حزة العلم الأوكد مابهم مـن يبيـر
باسطيـن العقايـد آبييـن الـنـزر=نصرة ٍ للمعنـى لا عنـا مستجيـر
كم عليهم تغنـى وامتـدح وافتخـر=الفرزدق بشعره وابن عمـه جريـر
من قديـمٍ وعلمـك ياتميـم ٍعمـر=ان طريته بالأول ماحبكـت الوخيـر
سعد والعمرويه وحنظله لـي ظهـر=وربي الله ونبيـي البشيـر النذيـر
القسم لـو نتنهـا مايضـر البشـر=والتواضع سبيل المسلم المستخيـر
لأصدع القول منا حين يفخـر نفـر=تعجز حداد الالسن كان مثله تصيـر
النبي في حديثه عزوتـي قـد ذكـر=سيد الناس قومه قالها بنـا جهيـر
ودامنا اشد الأمة بالمسيح ان ظهـر=دون هذا وربي كـل عسـرٍ يسيـر
كـم منـا وفينـا للرفايـع حصـر=كالسدانة وحكم ٍفي عكـاظ الشهيـر
دانييـن النصايـا لله الـي فـطـر=ناصرين الحقايق بالزمـان الاخيـر
احمد الله و ساسي بالفضايل زخـر=عالـيٍ والثريـا ترتقيلـه عسيـر
شاعر ٍ ساسه الي هيضه وافتخـر=اجزل القاف لاقصد ينحنيله سخيـر
لاغرور ٍ حدانـي ساقنـي منحـدر=ولاني الي تعلى بالنقيصـه غريـر
مير قومي سماة ٍ بالخفـا والجهـر=حيننـا وبزمـان ٍ خالـي مستديـر
حنظلي آتحدر مـن سلايـل بحـر=دارم الساس الاكرم لويحل الفخيـر
عبدلـي ٍ وقومـي امـة ٍ لاتــذر=للكريم الكرامة وللضديـد السعيـر
جدنا من سبق له حاكم ٍ في هجـر=الملك جاهليه ليـن جـاد السفيـر
ترثة خليد منه كـل قومـي حـدر=قايد الحرب موقد للقـدوم الصفيـر
ماضي له تولى ديـن ربـه نصـر=انتخى في قـروم ٍ عزهـا بالبتيـر
و شعلة الحرب هبت وقدها واستعر=بين ربعي تميم ٍ والمجوس النكيـر
كم راس ٍ تهادى عن علاتـه وخـر=وقادة الفرس هانت فوق رمل ٍ نثير
مابه الا بـروق ٍ تستهيـج النظـر=حدها مع صليل ٍ بالطشايـر خشيـر
ثم نصرهم و قايد هم خليد انتصـر=وفارس ادنى سماها بالمواطي حشير
الفلا قد تسربل مـن دماهـم حمـر=وتاه جيش الاعادي مستـذل ٍفريـر
لابتي مايهـزك غيـر علـم القـدر=ولا تعدى مقامك كود نـذل ٍ حقيـر
آل بوعينين ربعي صامليـن الظفـر=روس قومٍ عطاهم بالفضايل وفيـر
ذروة ٍبالعلايـا نيلهـا قـد عسـر=دوحة ٍمادناهـا غيـر حـرٍ نديـر
العلي والنواصـر والمحمـد ذخـر=للقبيله وانا اشهد من عداهم خسيـر
من نخاهم لقاهم لـه بخيـر وشـر=لابتة ٍ دارمية عـز منهـو يشيـر
هم هلاك المعادي رادعيـن الخطـر=جارعين الصوافي مروييـن الكديـر
من تعدى حماهـم بالمنيـة سكـر=ينطرح دون حله للرفايـف حكيـر
لابتي من لقاهـا بالشدايـد خسـر=هم هبـاة المنايـا للعـدو الفجيـر
ايه افاخر وغيري في ربوعه فخـر=واستشق الجزيله من نشاة الضمير
القهر لاتفاخـر منهـو دون الفخـر=والبشر كل حي ٍ دون حقـه يصيـر
يالله ارجي نعيمـك كاملـي لاقتبـر=والثبات ان اتاني منكرٍ مـع نكيـر
والصواب ان سبيلي دلني يـم ضـر=علني آتوخا اعـن السبيـل العثيـر
وجنة ٍ لك وفيهـا استطيـب البصـر=راجيك لاتخيب ظـن عبـدٍ شكيـر
علي آل بوعينين

[علي آل بوعينين]

لاطـاب لـي زاد ٍ ولالـذ لـي نـوم=حتى السقـا ضـام َ الحشـا مايبلـه
جاني قـدوم ٍ يلعـن فـلان ويلـوم=طـوع ٍ قبـض حبـل الغبينـه يتلـه
لاهانـت وقومـي مناعيـر وقـروم=وإنـا علـى دارم نجـوم ٍ مطـلـه
قومي هـل العينيـن للعايـل كعـوم=مجـد ٍ لهـم ماقبلهـم مـن وصلـه
فزيت له فزت هـل الحـرب للقـوم=حينه شكـا عفـت العمـر فازعلـه
ياروح بالشدات مرخصك بك السـوم=فـدوَ العيـون الـي خزنهـا تهلـه
أقبل خذيل ٍ يطلـب العـون مضيـوم=وأدبـر عزيـز ٍ جـادع الهـم كلـه
خاويتـه بطيبـي ولانيـب مـلـزوم=لينـه تمكـن مـن فـؤادي وتـلـه
زينه ندر يخسى حلا الفرس والـروم=مـع كـل ذا وانـي أخـا ً لـه بالله
ومن عقب ذا مالي على الطيب مقسوم=عود على الـي مـن قديـم ٍ يملـه
عينـه قويـه ابصـره يصحبـه دوم=لابـوه خـل ٍ ينكـر أفعـال خـلـه
عام ٍ قضى من حزة الصوم للصـوم=وقلبـي يسميـه البـلا فـي سجلـه
عزاه يادنيـا ً بهـا صـرت محـروم=يامنهـا قلبـي بـه ألفيـن عـلـه
سبحانـه الـي بـدل العلـم بعلـوم=ماكنـه الـي قـد حصلـه حصلـه
الـي يذمـه صايـر ٍ يمـه الـيـوم=والـي يعـزه صايـر ٍ فـي محلـه


علي آل بوعينين

[علي آل بوعينين]

لاإلـه ٍ للمـلا انـس ٍ وجنـا=غيره الرحمـن رب العالمينـا
يالله إني وكل مابـي إستعنـا=بك ولاغيرك حد ٍ به نستعينـا
عادة أحوال القـدر ماتمهلنـا=لاوقع منصاي مـارده حنينـا
ياجهول ٍ في حياته قـد تغنـا=لاربح من لاجمع دنيا ً ودينـا
هذي الدنيا تسير ابنـا وحنـا=عن خفاياهـا ترانـا جاهلينـا
من بصرت الحي في عمره تهنا=ساعة ٍ تاتيه في قبـره دفينـا
وإن بغينا والمـلا كلـه تمنـا=مالنا غير الذي يكتـب علينـا
فودي إن ودعت عاصي يازمنا=هل ليا دنتك بعد موتي تدينـا ؟
يالله إني عابـدك ماقـد تسنـا=راغب ٍ زجتك بأصحاب اليمينـا
الرخا ذقنـاه والشـدات جنـا=والعبر تمضي وحنـا غافلينـا
الله أكبـر ياليـال قـد مضنـا=تو قدرك ياعنـا قلبـي يبينـا
تصدر القيفان من قلب ٍ تعنـا=في حياته ياعسى ربـي يعينـا

عـــلـــي آل بـــوعـــيـــنـــيـــن

[علي آل بوعينين]

حر ٍ وقاصر حظـي الـي تـردا=حاير وشفي من شفاة الغضي رد
عـزاه يادنيـا ً بلاهـا تـحـدا=من اين اولي ماخلت وجهتي سـد
عم البشر من جور الايـام عـدا=لأ بقى وانا الي راجي ٍ بالصبر غد
لي عنوة ٍ كـل الوصايـل يسـدا=عيني ترى وقصر ٍ عرى طايل اليد
كم مرة ٍ حجتـه وعنـي يصـدا= مقواه قلـب ٍ يبـدل الـود بالصـد
المال يهبـى كانـه بيـوم حـدا=وان هو على زينه فانا حيل محتد
دهر ٍ سمك بين المحبيـن سـدا=اشقـاه ضيـاع المزاييـن لانـد
ولت حياتي بيـن جـزر ٍ ومـدا=اشد يرخ وكـل مارخيتلـه شـد
واصبر على شانه ليامـن تعـدا=واعد صداته على اصابعـي عـد
هو شمعة الدنيـا ولا منـه بـدا=ودونه وسيع الكون خالـي بلاحـد

علي آل بوعينين

[علي آل بوعينين]

التفـرق والتخـلـي مهلـكـه=والتكاتف يودي لخيـر المصيـر
احذر المجهول خـي ٍ تشركـه=وان قريبك يترك بغيظه نفير
تنهكه حـال ِ الضرايـر تنهكـه=لاسمعت الخي في خيـه يغيـر
معضدك قاربـك يـوم ٍ تتركـه=ماحـد ٍ ينفعـك باليـم الغزيـر
لوتريـد العـز وحـدك تدركـه=بس ماتلقى على ذلـك نصيـر
احرص بطيبـك رديـك تملكـه=عله بنورك على الطيبه يسيـر
لاتقـول الشـر حتـم يمسكـه=ماعليه غيـره رجـال ٍ كثيـر
وان ابى هدي المكارم يسلكـه=اتركه واقصر عدوه لـو يجيـر
جرحك ان علك فهو منك ادركه=ذا قريبك ان ترك امـر ٍ خطيـر
قلة ٍ بالخلق مـن فيـه بركـه=وكثرة ٍ منهم عسى ربي يجيـر
بأمتي لاقيـل يقضـي منسكـه=وبأمتي مـن صـام لله الكبيـر
وبأمتـي دم المعـادي نسفكـه=معتلين بعصمة الديـن المنيـر
وبأمتـي ذل وفسـاد وصعلكـه=داخل ٍ منه الحشا حسر ٍ ضريـر
يوم اشوف الستر بنت ٍ تفتكـه=وتبرز النهدين بالبـس السفيـر
كن حضيض الكون بدل بفلكـه=والدما في داخل عروقي سعيـر
آتعجـب هـو تطـور تحبكـه=وتاخذ الحشمه لها ماض ٍ مرير
او ذراها ذل وعيشـه مضنكـه=والستر صارت به العالم تعيـر؟
والشباب اعنى زمانـه بأحلكـه=بعضهم اترف من العذرى يصير
كم من المعدن نفيـس ٍ يسبكـه=في يده والبس ملبوس الحريـر
عابـد اللـذات ربـه تـاركـه=ماتهنا من عليك الله هجير
غاوي ٍ درب الرذيلـه يسلكـه=كن جهنم مابهـا نفـح وزفيـر
من مسك دينه حشا مايربكه=يبصره بالحق والعلـم الفجيـر
البلا مـن ديـن ربـه تاركـه=جاهل ٍ عمره طويـل ٍ او قصيـر
وحال من يرضى الوذى والتهلكه=عزكم ربي كما حـال الحميـر

علي آل بوعينين

[علي آل بوعينين]

الخوي اسم ٍ وجد يوم الرخـا=لك ذخر يشفيك حزات اللـزوم
لك رفيق ٍ لك عضيد ٍ لك اخـا=ماسلك بالضيق جرات الرخوم
فزعتك لا صاح حسك وانتخـا=وان حداه الضيم رد ٍ له تقـوم
يامثيله دهرك الفانـي سخـا=او تخير وحدتك بين القسـوم
كالنداوي لاتوحد يكفخا=مايسلي وحدته وز ٍ وبوم
من رضا سربال جده يفصخـا=وارتدى غرب العوايد والسلوم
داني ٍ وان صار عزه يشمخـا=مارفع قـدره دنيـات العلـوم
يقطع الي من تناديـه ارتخـا=وبالرخا ياتيك دغس ٍمايقـوم
حزة اليسرات صـدره ينفخـا=وان نباه الحق عن ربعه يشوم
والردي لونك تنادي اصمخـا=مايهمه لو يلومه مـن يلـوم


علي آل بوعينين

[علي آل بوعينين]

هفا ظني وفيه الظن خابا=شراته من على الدنيا يعابا
نصيته ضامي ٍ يومه بعيدي=وأثاري مانصيت الا السرابا
جمع لأغراضه الشينه جموعه=عزمني جيت ولابي مايرابا
تبسم يوحي بنفس ٍ بريه=وجوفه بأدنس النيه مصابا
تقهويت وخذا ينعق نعيقه=هقيته حر وأقبل لي غرابا
نطق بالمجد ولايطري ربوعي=يكذبني وأنا علمي صوابا
خسا ثم خسا جمعه عليه=سلام لمثلهم ضم الكتابا
نقايص لاطرونا بالنقيصه=رخوم ٍ تفتقر حسن الخطابا
هبوا عن حنظله أهل الطيب قومي=وعن عمرو ٍ وسعد ٍ والربابا
صماصيم اللقا هد الشدادي=مقاديم الظفر عند النشابا
صفا وإن هاجت الروعات جنا=مواقيد الوغى شيب وشبابا
ذكرنا بالشريعه لاسواها=شرك بالشهد مسموم الشرابا
نسى أهل السيف فصل الكون ربعي=نهار جزوته جز الرقابا
نسى أكثم ذرا القوم ابن صيفي=سديد الراي في يوم الكلابا
وفي المَد ري الحَد علمه=عليه النِد لامن هِد خابا
نسى بأهل الوبر سيدهم الي=دعاه المصطفى بين الصحابا
بريز الشان لين الحرب شبت=عصا طعن رماه إنه يطابا
نسى حاجب رهين القوس فعله=نصا كسرى رهن قوسه وجابا
مضى لأرض ٍ كساها الله نعيما=حدر قومه له وقومه مطابا
وفابه والوفا منا وفينا=وفعله مضرب ٍ جال الركابا
نسى حاقد خليد الحر جدي=بطاوس ساعته هد الصعابا
ينادي ياتميم المجد لبُّوا=وهبَّوا مثل هبَّات العقابا
دما فارس على الذله تنثر=من قروم رواة ٍ للنصابا
حذاري من تميم لو تضدا=ترا ماريد بك غصب ٍ يجابا
حشا مخطا جرير ٍ في مقاله=وقومي عدهم عد الترابا
إذا غضبت عليك بنو تميم ٍ=حسبت الناس كلهم غضابا
بخست القول وإن جدت المثايل=بنا نبع الفعل عصو النضابا
الا كيف أحصي الأمجاد قلي=وتميم ٍ مجدها بالعد يابا
إذا طرفك غضي إعن المعارك=وعن فعل به العايل يهابا
هبيت إن كان سامحتك تغضه=عن الدجال بالقول الصوابا
حديث ٍ ماجهتله اقصى الحسايد=غناني عن مكابرة الدوابا
أبد ماطابهم حر ٍ وعنِّي=فلا ضر السما نبح الكلابا

علي آل بوعينين

[علي آل بوعينين]

يوم صارت جزوة العشق الغرور

ماني اللي بالتمادي يصبرا



إفعلي ما قد بدالك يابدور

خاينه دمتي وهذا ما ارا



كنت احبك يوم مامنك قصور

وقت عيني لاطريتي تسهرا



انخدعت وقلت دام إني صبور

آتحمل في حياتي ماجرا



ثم عرفت ان الخيانه بك تدور

اثر من مثلك رخيص المشترا



من شراني بالهوى جاه السرور

ومن يبيع الحب بعناه بخرا



العشق ما ابعده عن قلب ٍ غدور

احلف بربي ولاعنك درا



ياهواي الي لها قلبي ثبور

بنت داري ماهي دارك ابحرا



يمها شفت السعاده والسرور

عيش عز ولا حياة المسخرا



مهرة ٍ بيضا كما الثلج الحدور

ماهي مثلك يالغدور الاسمرا



طيبها الكادي مع اندار العطور

وريقها الحالي زلال ٍ سكرا



وعينها ادنا مزاياها فتور

والله اكبر رمشها لاسكرا



والخشم حده كما راس البتور

والشفايف مثل توتٍ احمرا



الله الي صور الزين البهور

يابشر سبحانه اللي صورا



وزود عن هذا فأنا لعمري ازور

وانتي صورة مارضيتي تحضرا



حي شهر ٍ بالغلا فاق الشهور

به هناي وفقد علم الجيكرا



احلمي ان قابلك مني حضور

من مقابلتك تراني اكبرا



صج وعدتك ووعدي لامايبور

اكبر ان كان الصغيره تصغرا



الاصيل ان طال عمره مايجور

والردي من طبع ساسه يغدرا



حبك الكفر الحقيقي به فجور

يامعاذ الخالق اني اكفرا



وان حصل رقمك به ايديه تدور

عل يدي كان دقت تكسرا


علي آل بوعينين

[علي آل بوعينين]

للقبيله موقع ٍ ضم القريب والبعيد

حين تزعم من يديره عصبة ٍ منا شباب



للنظر من كان تقرا ناصحك ياهيه عيد

مجلس اللابه تمقل كاتب بركنه خطاب



ياشديد ٍ بالخفا وينك عن الظاهر شريد

عذب ماك أشكل عليه ماهقيت إنه سراب



لاتقول إني عطيت من الهذى علم ٍ سديد

به تريد الصلح وإنته فاتح للشر باب



لاتريد ولا أريد الله يفعل مايريد

عل في ذمتك كانه حق لايوم الحساب




علي آل بوعينين

[علي آل بوعينين]

حن هامة الحمرا ضخام الهام

وإنا دوارم هامة الهامه


دارم جبل عن كل نوف ٍ زام

وسبحانه الله ماحد ٍ زامه


ربعي بني عمي ذرى المنضام

ريف الشكا للند لطَّامه


وقت النشب إني لهم صمصام

على كنين الشر مقطامه


ودام ان هل العينين لي حزام

فأنا أشهد إبهم ناصب القامه


قوم ٍ ليا درج نهار دام

ياندهم ماياصل أرحامه


عز الهنادي مرويين السام

غطارف ٍ للنيف هدامه


ترثة خليد القايد الضرغام

إبن المليك الي سنا عامه


في طاوس أفنى هاين الأسلام

باد العدو وحطم أصنامه


وياناشد الوكره ديار كرام

سيسانها بالقوم قوامه


ويوم الطويله لوثوها حطام

وجيش ٍ لفاهم جاله حطامه


والروس منا عافت الايام

لأسد تميم الشيخ خدامه


المجد حنا له ووثوق زمام

حنا بداة المجد واختامه


والحق بيِّن والفعول جسام

وذا الوقت كل ٍ خابر اعلامه



علي آل بوعينين

[علي آل بوعينين]

أضمر الكامن واظهره بجزول=وآقد النيران برداة احطبي
أعلم إن الحلم مركاة الزحول=ولايهيج لهافي ٍ الا غبي
وأعلم إن المجد دام إن له مثول=خير من مجد ٍ تغطيه العبي
وأعجب لمن ينقض أقوال ٍ يقول=تارة ٍ يطرا وتاره يعتبي
ويخزي اللي لارجى المجد الكمول=من رداته مجد غيره ينهبي
والحميه ماغدا فيها قبول=للذي يخذل قريبه لأجنبي
ومن شهد غيظ ٍ على هذي مهبول=وذاك يهذي شاهدي مايكذبي
كاذبين ٍ حلفهم لوه يطول=سالف الامثال فيهم تضربي
قيل بالحصين من شاهدك قول=قال رده للنواشيد اذنبي

علي آل بوعينين

[علي آل بوعينين]

السلام عليكم ورحمة الله وبركاته


مساكم الله بالخير جميعا


واعتذر عن هذا الانقطاع الخارج عن الارادة

والشكر موصول لكل من سأل عني في هذه الفتره

واضع بين ايديكم هذه المتواضعة التي اتمنى ان تحوز على اعجابكم


يكرم النوماس عن نول هذاره=من قدم يومين ماله دراويه
منهم جانا جحا ً طبعه حماره=حشمته لا ردت عني سلاويه
جا نصوح ٍ والنحر عاقد زراره=كاشخ ٍ ماكن به واحد ٍ زيه
طيبه أعطن من حذا مسجد الحاره=لا ويشخب بالنعال الزبيريه
بالنصايح يرنع بحلنا طاره=ذيخ يجهل بالحرار النداويه
ثارني والنفس بالسو أماره=للحميه ردني لعنبو حيه
علم بال الباب ماجاه نجاره=قلتها له حينما مت في غيه
قال من طال العلا زانت أخباره=والنصيحه ياعلي مابها سيه
قلت تنصح من على الطيب حداره=لا قويت الحمل ياطامن النيه
ناصح ٍ بالطيب ربعي عُظُم عاره=كنه جلاًّب التمر للحساويه
مالفا قومي غريب ترك داره=غير به من ذروة الطيب ماريه
هم يمدح عندنا كل من زاره=ضامر الاحقاد شين الطبع ليه
قال بيت فلان ماتنطفي ناره=المقاهي قلت له نارهم حيه
قال ليه الشر ابا عرف مختاره؟=ماورا ذا الدرب ياخوك ماويه
قلت علم الحقد ماتجدع أضراره=قال ياذيك الندى بالسناويه؟
قلت مايُوذَى من الطيب وأنصاره=كود رخو ٍ راسيات ٍ بلاويه
لكن العتبه على حاصد ٍ كاره=دون بذر ٍ ينثرونه مجانيه
ياحجيج ٍ يرفع الناس بأذكاره=مافطن لربوعه أدنى حكاويه
إقصر الهرجه وإصغ قولي وداره=زال مغزاك الندى دوك مابيه
الندى قصر ٍ جهم ربعي انواره=يقتبس من ضيهم جمعكم ضيه
وكل حي ٍ له مع الناس مقداره=ولا بخس بالروس غير الدناويهعلي آل بوعينين

[الروح]

بسم الله الرحمن الرحيم

\\

يشرفني ويسعدني أن اضع لكم قصائد الشاعر علي آل بوعينين في قسم ديوان بني تميم .. وأتمنى لكم مشاهدهـ رائعه



فمان الله