ديوان الشـاعر سالم بن محمد العبيـد

[سالم محمد العبيد التميمي]

السلام عليكم ورحمة الله وبركاته ...}~

صباح\مســـاء الخير..

أقدم لكم بعض من قصــائد وبصوتي ..

7

7

7

http://up1.m5zn.com/download-2009-2-4-08-k45es63sv.mp3


http://up1.m5zn.com/download-2009-2-4-08-er3obglzm.mp3


http://up1.m5zn.com/download-2009-2-4-08-ac316e7hf.mp3


http://up1.m5zn.com/download-2009-2-4-08-pkmpxwd13.mp3


http://up1.m5zn.com/download-2009-2-4-08-tbt1l4pkt.mp3


http://up1.m5zn.com/download-2009-2-4-09-to5049a9h.mp3




وانشالله تعجبكــم ..}~

[سالم محمد العبيد التميمي]

ياعين كذبتي وانت تشوفين
وكلن خذا يالعين قدرٍ وواجب
لا تلجئي للناس وانت تشوفين
وهذا الزمن تبي تشوفي العجايب
وان ماسألتي اسكتي لا تقولين
تحفظي به لين وقت الطلايب
ولا تحرصي ايضا وبعد لا تسجين
ولاتغلطي ارجوك في حق شايب
بحر الهواء ياما غرقبه مسيكين
حسبي على اللي كان هو السبايب
لا تشرهين الناس ماهم نصيحين
في غفلة تذرى عليهم الهبايب
مافاد نفسه كيف يفيد القريبين
انا اشهد ان هذا زمان المصايب
حذراك حذرى والبلد له قوانين
ماهوب شغلك فيه ناسٍ تراقب
وإذا سألتي احذري لا تزلين
حتلى ولو انه على اغلى الحبايب
ولاتنكرين و بالصراحه تقولين
ولاتقصرين بحق من كان غايب

وصدي وكنك عميا ما تشوفين
للكلمة اللي ماوراها مكاسب
الناس لو قالو احذري لا تقولين
خليه لين يجيه وقتٍ مناسب
والصبر ملفاه الفرج لو بعد حين
يبي يكشف الله امر صادق وكاذب
تنبان هي مثل السلا بالدكاكين
وكلن يطلع من شقاه المكاسب
وبه شي بالآلآف وبريال وبريالين
وكلن على قدره يبي هو يحاسب
وينبان لك راع العلل وابو وجهين
ويبان بين الناس طيب وخايب
اهل السوالف والحكايا الخبيثين
مكشوف امر مفرقين الحبايب
اهل الحيل وخفيفين الموازين
ماتنقبل توبته لو كان تايب

وسلامتكــم~

الشاعر/ سالم محمد التميمي

[سالم محمد العبيد التميمي]

الموت حق

الموت للإنسان سنه ومذكور
واليا دنا للأدمي مايشاور
ولا ينفعك لاجا الاجل طب دكتور
ولا يرد الميت هل العـــــباير
ولو وقفت كل العرب بحماك طابور
لو حملوا فوق المتون الذخــاير
امر كتبه الله ماعنه محظور
والله وعد بالاخره كل صــابر
النار والجنه والقبر مذكور
بكتاب ربي لاقريت التــــكاثر
هذا زمانٍ الغش والناس بتدور
تغيروا ماهم على ما انت خابر
واللي يريد الستر عساه مستور
وتجيه من رب العباد البشاير
ويا شاعر اذكر ما تكنه على الفور
عطنا من اللي ينكتب بالدفاتر
مادامتك باشعر معجب ومجبور
قل لي ترى لي بالشعر الف خاطر
وامش بصراحه راعي الخير ماجور
ماقدمت يمناه يلقاه بــــــــاكر

والموت لاجاء لك من الله مامور
اخير لك من زلة انسان غادر
وقدمت شوري كان تبي تقبل الشور
لا تحاول النسيان زور المقابر


الشاعر/ سالم محمد التميمي

[سالم محمد العبيد التميمي]

رثاء الوالد

لو يفيد الدمع في رجعة حبيب
كان ابكي الحاضره والباديه
كان ابكيهم ردا والا بطيب
هذي الدنيا رديه خايبه
يا ولد يا عبيد واعلمن مريب
رج قلبي شوف دمعي جاريه
اتصل فيني ولد عمن قريب
قال ابوك مريض ولازم تقابله
قلت انا يا حمود هو راح الطبيب
كلمتك يا حمود ما هي صايبه
قلنا يا حمود والخالق رقيب
يوم جمعه يا لله حسن الخاتمه
ولا انتهت يا حمود ما يفيد الطبيب
ولو جميع الخلق كله واقفه

[سالم محمد العبيد التميمي]

طشيت راسك

طشيت راسك في دجى الليل وش فيك
في ظلمة ما ينعرف وش مصيرك
وترى ظلام الليل بـــالمشي يحـــفيك
ولا تميز انت منهو قبـــــــــــــيلك
تضحك لك انت ايام وايام تهفيك
واكيد انك تبي تفقد شـــــــــــعورك
هي تبتسم لك يوم ويومٍ تدهويك
وفي غفلتك و زايدٍ بك غـــــــــرورك
ومن رمش عينك ينعرف كل مافيك
ويشوفه اللي عايمٍ في بـــــــحورك
تطرد ورى طيشٍ يبي هو يخليك
وش لك باللي بالمرض ما يزورك
لا هو مبرق بك ولا مفكرٍ فيك
ويا طارد الدنيا ترى جاك يومـــــــك
وقف ترى بالدرب ناسٍ تراعيك
ما هي غبيه عارفين بجذورك
ومالك ذكر يا هوه ولا فكروا فيك
وكلن يتشائم منك ساعة حضورك
ولا لك صديق ولا حدن هو مصافيك
من كثر ما ترمي عليهم شرورك
واليا هرجت ما حدن تره واثقن فيك
وشي ما عاريفك ووشي خيورك

ولا لك صديق ولا حدن قابل فيك
لين انت تنبش في يدينك قــــبورك
ومن كثر هرجك بان كل الردى فيك
ولا بارك الله بمن يبي يطيع شورك
وهرج النميمه من صغر باينه فيك
وحللتها انته مع امــــــور دينــــــك
وايضا تراني اكش لا حل طاريك
واللي مخفي بان لي فــــــي جبينك
وان كان تبغى الصدق ما افرح بطاريك
اقولها لك واضحه.. وش جــميلك؟؟
وسيفك شهر وسيوفنا تبي توفيك
وديانا اليوم نوفـــــــــــيك ديـــــنك
ولا اشره عليك ولا على اللي مربيك
وان طال هرجك والله اني لا اهينــك
ومن مجتمعنا الواجب انا بننفيك
ولا عاد تاتي يمـــنا ولا نجـــــيلك
وانا اشهد ان اليوم هو قل واليك
حتى هلك اليوم هم مـــــبغضينك
والله لايسامحك والله يجازيك
ومن القهر تضرب يديك بـجبينك
يا هوه جنبني ترى افهم مغازيك
واذا سألتك حاجه امش بســـبيلك
والذنب ذنبك وما تهمن بلاويك
وماهمني ماني مبرق بقـــــولك

كثر احتجاجاتك علي ودعاويك
وعن دربنا ياعل ربي يزيـــــــــــــــلك
ومن المحاسن فاضيه كل اياديك
ومن الشقا والبغض هو وش حصيلك؟؟؟
ولانته برب الناس اطلبك وارجيك
ولاني قريب لك ولاني زميلــــــــــــك
ومثلك ترى نقصن على منهو يشريك
وما احدن جبرك فعولك انت بيدينـــــك


الشاعر/ سالم محمد التميمي

[سالم محمد العبيد التميمي]

((ياصاحبي))

ياصاحبي صدقت ناسٍ يغروك
وشهرت بي بالعاصمه والشمالي
ناسٍ تبيعن والله الا يبيعوك
ولابد مايجري لك اللي جرى لي
هم زعلوك وزعلوني وخانوك
وماعقبوا لك غـــــير سهر الليالي
ولا ضنتي يعزوك ذولا يذلوك
وانا رجل محدٍ علــــي اليوم والي
ولا ني بلا عبدٍ ول انيب مملوك
حتى ولو انسى هلي و العيـــــالي
وعيوبنا هم لفقوها وغــــــــــــشوك
ومالوا علي زودٍ على الدهر مالي
وش شفت منهم ووش خذوا ويش اعطوك
وش عــــــاد لو انه قريبٍ وغالي
ولو هو اخوك او ولد عمك او ابوك
ولا كل كــــــلمه تنسمع هي تقالي
واحذر من الانذال عله ليا جوك
اسمع وجنــــــــب عنك قولٍ يقالي
وان طعتهم والله والله يهفوك
اهل الحســــــــــــد ياعلهم للزوالي
تراهم مثل ابليس بالهرج اغووك
تصبح كما اللي هو من العقل خالي

وان طحت والله هم تعدوا وخلوك
وكل يقول اشيل من به هبالي
وياعل منهو قال بي ضن وشكوك
ياعل مايبقى له اليوم والـــــي
وعسى عليه الهم والغبن مشبوك
ولا له صديق ولا عزيزٍ وغالي


الشاعر/ سالم محمد التميمي

[سالم محمد العبيد التميمي]

((نصيحــــه))
يا وسيم الناس ما هي مستفيده
من كلامً ما تلاقي إله تالي
ولو نقص الهرج ما نلقى نتيجه
من فلان يوجهك لشخص ثاني
و لاحدٍ سامع ولو قلنا الحقيقه
وراح راعي الحق يا لله المستعاني
جدكم يا مسندي والله فقيده
واشهد انه يا وسيم النقص باني
وقل لعمانك ترو الدنيا زهيده
مابها غير المغثه والنكادي
ويحذروا الشيطان والمفتن عضيده
ومن صديق بس صدقه باللساني
والقلوب أن ابعدت والله مصيبه
كل قلب يتوجهه المكاني
يا وسيم هرج الولايش وش نبيبه
وش لنا في هرج ما منه ثباتي
يا وسيم ادرى الكرامة والقبيله
ودونها وش فايدة هاذي الحياتي
ومن تغلى اتركه هو في سبيله
والردي لاترافقه هاذي وصاتي
ويا ولد الأوله ما هي مثل الأخيره
والحساني ما تساوي السيئاتي
والخطأ مرضاه و المخطي نهينه
ولنتهته الموت سنه بالحياتي
والمنية لكل شخص تبتجيله
من ولي عالي لاقال يافـــي
وكل ماشاه دناه بالأرض العريضه
يا ولد كله يبي يصبح شتاتي




الشاعر /سالم محمد العبيد التميمي

[سالم محمد العبيد التميمي]

((إخلاف الوعد))

عيباً على الرجال ينقض كلامه
وليا وعد ملزوم بالوعد يوفي
ومدري علام الناس هاذي علامه
ما غير ازولاً تهز الكتوفي
وما فرقوا هم في حلال وحرامه
يخطي الخطأ وتقول هو مايشوفي
وهو ليه ندفن رؤوسنا كالنعامه
هي ما تشوف وتحسبنا ما نشوفي
وبعض البشر ما منه والله سلامه
ألكلمه الوحده يزيده الاوفي
ويا عبيد قلبي زايد في هيامه
والناس مختلفين هم بالظروفي


الشاعر / سالم محمد العبيد التميمي

[سالم محمد العبيد التميمي]

يوم كلاً قام يمدح منسبه
ليه أن ما امدح بعد ربعي تميــــم
وصلنا فخرً لنا وحنا معه
وصلنا معروف تاريخه قديـــم
ومن وقف معنا نقف حنا معه
وماشين باالطريق المستقيـــم
ولا بعد كل هرجاً نسمعه
ولا علينا احنا من سين وجيــم
واالرفيق اليا وصلنا ناصله
وبذن رب العرش مايلحقه ضــيم
وموتنا والا الردى والمهزله
ما نتخلى عنه حيث انه حشـــيم
ولا بغينا الشيء قده ونوصله
بي مشيئة راعي الفضل الكـــريم
في كتاباً علم اللي يعلمه
اّية القراّن والذكر الحكــــــيم
وللحكومه نعلن الولاء ونرفعه
حيثهم ماشين بـالحكم الســــليم
حكمهم دستور الإسلام ولابه معمعه
ناصرين الدين ياعل ينصرهم الكريـم
كل ماقلنا حقيقي ولا به مطمعه
الصحيح يقال والرازق كـــــريم
والمواطن مستريح ويمشي بسعه
لا احترم نفسه ما عاد يوجد له خصيم
ولكن ابن اّدم الاقشر دوم بمطمعه
والعلم مايفيد والله بإنسان غشيم
ومن قطعنا جعل ربي يقطعه
ويا عسى مثواه في نار الجحيـم
وياالقبايل أبغى السموحه والمعذره
ولا تلوموني أنا بمدحي تميــم



الشاعر/ سالم محمد التميمي

[سالم محمد العبيد التميمي]

لا تنشحن مافيه داعي للإحراج
لا تشتكيلي جور ناسٍ هبيلـــــــه
ماديم إلا الله هو والي الأفراج
رب الملأ ومعدلٍ كل ميلـــــــــه
ترجي ظلام الليل مافيه منهاج
مافي يدي حلٍ ولا من وسيــــله
اهل الحسد كم سببو هم من إزعاج
يالله عساهم يافهد في مليلـــــــه
لا عاش من حدك على الذل واحراج
ناقف سوى والموت ماعنه حيله
العفن ماكنه على أرض الوطن داج
و بنت العفن ماحداً طلبه حلـــــيله
والله لو حطوا على رأسه التاج
أهل الردى دايم خطاهم قصيره
ايضاً وأنا أبو عبيد ماطيع هراج
وندرى كرمتنا ونفتخر باالقبيله
نرضى بلقمتنا لو هي رغيفاً على الساج
وبالطيب نمشي والردى مانجيله
وبعض البضاعه لا تغرك باالالعاج
وكلاً يبي يتبع أمر جـــــــــيله
وترى الحديد الهش لابد ينعاج
تمضي السنه وكل شيء ومديله
ولا يافهد بعض المرض ماله علاج
مال الدكاتر في علاجه وسيله
يالله عسانا يافهد مابنحتاج
لأهل الحسد واهل النفوس الرزيله
وختامها ياقابل دعوة الحاج
إنــــــــك ترجع كل خل لخــليله



الشاعر/ سالم محمد التميمي

[سالم محمد العبيد التميمي]

حظك ليا منه تردى بدنياك
تسل عنه ضمن من كان سالي
وحاسب بدربك تنحسب لك خطاياك
واصبر ولو انه جفتك الليــالي
وحكم ضميرك وبالصراحه نواياك
ولاتصدق انته في كــلامٍ يقالي
وإحذر من النمام رده ليا جاك
ماشغله الا قول قيلٍ يــــــــقالي
ولا تامنه ولو ان كبده لك اعطاك
وينهيك مايذكرك اول وتــــالي
والظاهر ان ابليس بالمال اغواك
وخلاك في دوٍ من الناس خالي
لايرغبك هذا ولايقبلك ذاك
لين انك انت اصبحت قليل والي
ومااحدن يبي شوفك ولااحدن بيدناك
ومن شاف زولك قال لك الزوالي
واليوم كلش بان حنا عرفناك
وبانت نواياكم على كل حـــــالي
ومااحدن جبرك بحبنا ولا غصبناك
وقدرك وقيمتك انت حدر النعالي
دعيتنا وحنا ترى ماطلبناك
وشيٍ يمينٍ عنك وشيٍ شــــمالي

ولو غبت عنا بغيبتك مافقدناك
ولااحدٍ عنك يسأل ولو هو سؤالي
وكلٍ يبي بعدك ويفرح بفرقاك
وش عاد لو انك بعد راس مالي
ويامدور الفرقا ابشر بفرقاك
ساعة عرفنا انك من الحب خالي
وحنا وضعنا قيمتك ووزناك
نزلت سعرك عقب ماكنت غالي
العام كنا نطلبك ونترجاك
وتقول لي ياحول فيكم هبــــــالي
واليوم تشكي انت حالك ودعواك
وتقول ياابو عبيد ارفق بحــــــالي
ماعاد عندي حل رح للي اغواك
والله ماارجع لو جفتنا اللـــــــــيالي
خذ ماجنيته ذي فعولك بيمناك
وعفت الحلال ان كان قصدك حلالي
واعطيتنا ومنيت والله عطاياك
والمعطي الله ولا عطى مايبـــــــالي
وحنا ليا بعناك ابد ماشريناك
وتراك عندي ماتساوي ريـــــــالي
ويالله ياعالم خفى كل نماك
يالواحد اللي عالم بالــــــــــحوالي
انت الذي تحقق لنا لا طلبناك
انك تذل اللي نوى شده بــــــــالي


يامعزبي تسلم لنا لاعدمناك
انته لنا يامعزبي راس مالـــــي
عيسى التميمي بالمراجل عرفناك
لك عندنا قيمه ولك قدر عــالي
وقفت وقفه صادقه عاد ماانساك
ياراعي المعروف اول وتالــي
والله ياابو عبدالله ترانا شريناك
ومعروفكم ياالقرم كبر الجبالي
تستاهل انت المدح مثلك وشرواك
وانااشهد انك انت قرم العيالي
وبالطيب ماواحد مسوي سواياك
مثلك تعلى واعتلى بالعلالــــي
معرف لامن بغينا لقيناك
وعسى عدوك انت يصلاه صالي
وياابن التميمي الله يزيدك بدنياك
واللي يحسدك جعل ماإله تالـــي
وحنا ربحنا يوم حنا شريناك
واللي يعزك عندنا حيل غالــــي


الشاعر/ سالم محمد التميمي

[سالم محمد العبيد التميمي]

((ثلاثاً ملاقيف))


يا بو خليل البحر ما هو لنا كيف
ما همنا لو كان موجه رذاذي
الكيف عند أهل القلوب المواليف
اللي لهم بالقلب حب امتيازي
شفنا على الشاطي ثلاثاً ملاقيف
ابطولهن وعرضهن امتوازي
ماجربو برد الشتاء واهج الصيف
والكل منهم يالخوي انتهازي
وان كان تبغى الكيف حنا هل الكيف
بني تميم أهل الفعول العزازي


الشاعر/ سالم محمد التميمي

[سالم محمد العبيد التميمي]

يــــــا بحــر

يا بحر أنا ما جيتك اليوم عطشان
و ايضاً ولا أنت مروي اللي يعطشون
شفت الشواطي تصطفق تقل وديان
والحوت من حولك يجون و يرحون
والسفن من فوقك يشلن الأطنان
و متحملن يا بحر صاحي وجنون
جاك التميمي ضايق الصدر طفشان
ومبلي بهم يا بحر ايضاً ومفتون

الشاعر/ سالم محمد التميمي

[سالم محمد العبيد التميمي]

ياطير يامومي الجنحان
ياللي تعليت بالعالي
ربي عطاك انت ذا الجنحان
ياطير مانته ببحلاني
ياطير سلم على الشيبان
شيباننا هم والأطفالي
سلم على اللي بحايل سكان
ابوي هو نور اللأعياني
ولاجيتهم عطهم العنوان
بيتي مقابل حلواني
في شقة كلها بيبان
والصدر ضايق وحيراني
ولاجيت في ديرة الأخوان
ارسل تغاريد وألحاني
ديرة هلي ديرة الخلان
مانيب عن ديرتي سالي
وقلهم ترى ابنكم ولهان
ضايق عليكم وشفقاني
قلبي لكم ياهلي ميدان
وميدان قلبي لفرساني
ويالله ياوالي الإحسان
يامدبرن كل الأكواني
تروف في واحدن بحلان
بالليل مابات سهراني

الشاعر/ سالم محمد التميمي

[سالم محمد العبيد التميمي]

اعوذ بالله من الشيطان

لو ينعرف بابٍ يجي من شيطان
لااريح اللي يتبعـــــــــون الشياطين
اللي بنى لإبليس قصرٍ وديوان
وابليس معميهم وهم مايشـــــــوفون
لاني بشرهانٍ على فلان وفلان
لا صار مضنونٍ نوى طرد مضنون
والله يجازي راعي الظن بـ إحسان
ماهي معيبه اطيب الناس مديــــــون
والفقر ماهو عيب حِطيت طفران
حطوه عيب وبالفقر يتمــــــــــهزون
ومالي غرض قصدي اختبر قلب ولسان
واشوف منهو له يجــــون ويروحون
لاصار عند النهر ويقول عطشان
مااشره عليه ولااقول هو ليه مااسقان
ولاني محلفكم الرجاء لا تحلفون
ولاعاد له داعي تحلفون باايمــــــــان
وانا دريت وبان لي كل مكنون
وجربت انا والتجربه خير بــــــرهان
والرزق عند الرب ياعبيد مضمون
لا اعطاك ربك لا تفكر بمــــــن كان

الشاعر/ سالم محمد التميمي

[سالم محمد العبيد التميمي]

يــاطير بـلغ طيــــور البـــــرق
لا تخاوي البرق يا طيـري
وان غــربوا غرب وجه شرق
البـــرق مامنهـــم خيـــري
والبــوم مـاهو مثـــل الــــورق
مختلفــهً بالمعـــــــــيري

.

.

.
الشاعر/ سالم محمد التميمي

[سالم محمد العبيد التميمي]

نور الشمس يظهر ظلام الليل

تبي تطلع الشمس ويبان سر الليل
ويبي ينكشف للعين كل الذي خافي
في وقتن يبي يعجز عن التعديل والتبديل
وكلن يبي ياخذ بعد حقه الكافي
ونبي نسدد اللي كالنا ونب نزيد الكيل
علشان ما واحد بعد يظلم الثاني
ترى المسأله حله بها ماتبي تحليل
ويبي ينكشف للناس خاين ومحتالي
وترى الخيل يا مبخوت ماهن نعاجن حيل
و لاني محسب كل من كان محتالي
ولا كل رجالن يبي يجيد ركب الخيل
ولا كل خيالن بينعد خيالي
وان ما يهمن كل ما في غيابي قيل
و لاني بحسب حساب كل مفتن وقتالي
ولا كل جيلن بالطبايع يشابه جيل
ولا كل شارب هو بينعد رجالــــــي
وعسى الله يعين الأرض حملن عليها ثقيل
ما تلقى مبط إبره من الجال للجــــــــــــالي

الشاعر/ سالم محمد التميمي

[سالم محمد العبيد التميمي]

((ان ضحكنا او بكينا))

ان ضحكنا او سكتنا او بكينا

ادري انه ما حدن سأل علينا

و اطلبك يالله ترحم والدينا

ونطلبك الهم ولهم حقن علينا

ويلنا ان كان حنا ما وفينا

ويلنا ان ما وفينا بوالدينا

ما خذو منا بدنينا عطونا

ولا عطينهم حشى حنا خذينا

بهذه الدنيا لنا مثل اللي علينا

بفعلنا بأطفالنا هم ذكرونا

ويا ولي الكون يارب يامعينا

ترحم الأموات يالله يا معينا



الشاعر/ سالم محمد التميمي

[سالم محمد العبيد التميمي]

يا ظلام الليل

يا ظلام الليل ياليل الدجا
ويا صباح الخير يا النور المنير
حل عنا يا ظلام الى اللقا
منت منا ايضاً ولا انته خشير
ما لنا بك دام ما عندك وفا
ورح بدربك لا جزاك الله خير
ما لنا غير المغثه والغثا
ولا كفنا الشر ما نرجيه خير
اهـ وا ويلاه وهمي انا
شايله متحمله وسط الضمير
اهـ يا دنيا التكاثر للفنا
ما تميز الصغير من الكبير
واهني اللي هو بنومه اهتنا
مستريح القلب من شياً كثير
وش اسوي راضين في حضنا
حضنا هو دايمن حباله قصير
ويا عيالي يشهد الله ربنا
مالكم والله انا بقلبي خشير
اهـ منهو لامني بحب الضنا
للمرض ومقعد منوم كسير

ومايشوف الشمس ومايشم الهوا
بين حياة وموت وانشالله خطير
الضنا ذكرن لنا بعد الفنا
هذه الدنيا لهم قدرن كبير
وبيت مابه طفل ويا بيت الوزا
اشهد ان البيت ممل ومثير
لا دخلت البيت كنك في عزا
ساعه تعود وساعه تستخير
داخله تمشي وتقل ترجع ورا
واشهد انك منحرم من السرور
الوناسه بالصغار الها حلا
وبه مزايا الورد وانواع العبير
والضنا يا الربع ما عنه غنا
ولو يغثك الضنا خيره كثير


الشاعر / سالم محمد التميمي

[سالم محمد العبيد التميمي]

ما يعذر المريــــــــض

وليه بعض الناس ما يعذر المريض
وليه هو ما يخاف من رب العبــاد
واشهد ان من مات انا اشهد هو حضيض
ويستريح من المغثه والنكــاد
وقالها ابو عبيد بالخط العريض
وقـالها في قولة صــادق وجـــاد
ويا إلهي تحرق إنسان بغيض
ولين تقضي بشرة ويصبح رمــــاد
جعل قلبن ما يحن هو للمريض
ويا عسى ها القلب يغشاه الســـــواد
وليت كل إنسان يلقى له عويض
وليت للإنسان حـــراج ومــــــزاد
و يا إلهي تشفي أنته ذا المريض
ويا إله الكـــــون يا مجيب المنــاد


الشاعر/ سالم محمد التميمي

[سالم محمد العبيد التميمي]

إحســــــــاس

الله يلعن قلب ما عنده إحساس
والله يلعن ناس هم ما يحسون
والقلب دك بداخل القلب هوجاس
والله ما همن ولو هم بينسون
وان كان ما نأخذ على الطيب نبراس
أنا أشهد أن أصابعك ما يتسون
والطيب خير والستر الف نوماس
وين الذي يا عبيد با الطيب يسعون
وين الذي يا عبيد لا قلت لا بأس
اللي علينا عمرهم ما بيقسون



الشاعر/ سالم محمد التميمي

[سالم محمد العبيد التميمي]

((با أبو محمــــــد))

يا أبو محمد لا يهمونك الناس
ولا تاخذك في هرجة الخلق ريبه
لا ياخذك هوجاس وابعد عن الناس
والرزق بيد الله ربي يجيبـــــــــه
لا تخفي الأشعار خوف من الناس
شعرك صحيح ولا بشعرك معيبه
والشعر قله ولو الحساسيد جلاس
وكلن يبيك تحاسبه قد طيبـــــــه
تاخذ مع الأشعار ياخوي مرواس
قصيدة مقرونة مع قصـــــــيده
وبيتك ليا منك بنيته على ساس
ترتاح في بيتك سنين عديــــده
وترى الذنب هو مايتساوى مع الراس
والشمس ولت واكهفت مع مغيبه
واظلم ظلام الليل وقلوب نعاس
اهل القلوب القاسيه واللهــــيده
ياابو محمد عشرتك ترفع الراس
اخذ على درب المراجل وثيقـــه
اقولها وخشوم الانجاس تنداس
اهل السوالف والحكايا العديده




الشاعر/ سالم محمد التميمي

[سالم محمد العبيد التميمي]

((مابقى للصدق صاحب))

مابقى للصدق صاحي يا عبيد
وهفوا الذمه من شان الريال
و كل يوم يجيك في وجهن جديد
راحت الدنيا نصبن واحتيال
والقلوب القاسيه هي كالحديد
وما تفيد القاسيه يا هملال
والهرج واجد ولا نلقى الاكيد
واشهد انه قلة عيال الحلال
كلن يفكر يكون له رصيد
ولا يفيد المال لو هو كالجبال
ول يالانسان هو دايم عنيد
اخذ الدنيا نزولن و رتحال
وما بي اسأل عن قريب وعن بعيد
ومجتمع فيه الشقى مع الهبال
ومن كثر هرجه تقل ساعي بريد
ومع جواله صال بالعالم وجال


الشاعر / سالم محمد التميمي

[سالم محمد العبيد التميمي]

يا صاحبي يا صاحبي ما هقينا
تطيع فينا انت ناسن خبيثين
ويا حيف تسمع من حكى الك فينا
واحذر ترى بعض العواذل لهيدين
لو كل هراجن لهرجه خذينا
نسمع نشوف اكثر الناس غاوين
وهو ليه عيوبه تلفق علينا
والمشكله لا صار من ناس غالين
وقله يواجه وبالمواجه رضينا
واللي يتعذر مننا ابو وجهين
وطق الحديد الصلب حتى يلينا
ولا حنا لبعض هروجه اليوم فاضين
ويا عبيد كل اللي يقولون فينا
من صدقه تراه ضمن المعادين
هرجن يروح وهرج توه يجينا
بمجلس سوالف ملجأن للشياطين
ويا عبيد لو هي فاصيتن يدينا
وقل لا يتحقرنا ترانا عنيدين
ونسكت ولكن لا نوينا مشينا
وماهمني لو زادو النار نارين

الشاعر/سالم محمد التميمي

[سالم محمد العبيد التميمي]

ابوفيصل

يابو فيصل مابقى بالناس طيب
ومابهم غير المغثه للعبــــــــاد
ويابو فيصل شفت لي شيئاً عجيب
يخل عقل الطفل في سن المهاد
ويخلف الانظار ذا امر مريب
والمعاند عند بعض النــاس زاد
والرفيق اللي غدا النا حريب
لوهو بكيفه ماحد والله استفــــاد
وعيبنا طول الدهر هو مايغيب
وعيبهم مستور هو ويا الفســـاد
وياابو فيصل ربنا يعلم بغيب
ويعلم الخافي بقلوب العبـــــــاد
وياابو فيصل ذا مرض ماله طبيب
وقلبي المقرود زايد بالعــــــناد
من حكايا هافيه تعمي القلوب
وزرعنا وان زان ياكله الجراد
واشهد ان مندوبكم ماله ذنوب
والمشاكل هي تجي من كل واد
وهي تجيه من الشمال ومن الجنوب
ولو ينادي ماحد مجيب المـــناد
وان مشينا صح قالوا لي كذوب
والتعب النا وهم إلهم الحصــاد
والسحاب اقبل وفرقه الهبوب
وهب في وجهه هواء صلفٍ وعاد
وياابو فيصل صارت احزاب وشعوب
مـــــــابهم غير المـــــكيده والنكاد



الشاعر/ سالم محمد التميمي

[سالم محمد العبيد التميمي]

رد على قصيدة ابراهيم التميمي اللي مطلعه يقول::

::
الله على جمسن جديدن مجهز
.................اخر موديل من الجميح احتجازي

::

وهذا ردي على قصيدته
::


الله على جيبن جديد بهزاز
ما دار مثله بالعاصمه والحجــــــازي
جديد كرت وفيه رادو وتلفاز
اوراق جمرك مسجلين الطــــــــرازي
مشحون طيبا من محلات قزاز
الراعي الجواب اللي مرسل بالجهازي
ابيات شعر جتني سريعة بانجاز
من ابو خليل القرم جت بامتيـــــــازي
قافن وقول وثقل ماعاد تنهاز
الحرف الاول واخره امــــــــــتوازي
مشى بحفظ الله كامل مجهز
مخصوص جهز للربوع العــــــزازي
يمشي السريع ويطوي البعد بانجـاز
مدفوع له تامين للاعتيـــــــــــــازي
ومر القصيم وفلل الجيب مـمتاز
ومخيرا بالقار أو بالغــــــــــــرازي
النور موزون وشمعة النور له غاز
يشبه سنا برقن نبا بارتـــــــــكازي
يلفي لحايل دار الصديق المعزاز
الصاحب اللي مايعرف المــــهازي
ابو خليل اللي ليا جيت له فز
ما هو بلا عفنن ولا بإنحيـــــــازي
سلم عليه وياخذ من الهرج ماجاز
ويترك رديين العقول العجـــــازي
قله ترى بالناس مفتن وحجاز
وترى بعضهم يالسنافي انحيـــازي
كلن رفع نفسه وتلقاه منحاز
ديكور من برى مضللين القزازي
عليهم اللعنه من الله بإنجاز
وإبليس وسط قلوبهم متــــوازي
وإبليس وسط قلوبهم حط مركاز
متمركزن لا أهل الخنا والمـخازي
وان قلت له هذا غلط عنه ماجاز
يقولي أرجوك اتركن ذا مزاجـــي
وحكم ضميرك خل عنك التنرفاز
ترى أكثر العربان والله انتهازي
ولا تستمع لرخوم يرمون الالغاز
الوجه عنده والذنب امتـــوازي
ما الوم ارض الله لوهي تهتز
و جبال نجدٍ مع جبال الحجـــازي

الظلم هو والزور قالو بينجاز
سلومٍ لفت من كل غازي ونـــــــازي
وطبايع اهل الغرب كلن لها فز
وصارت مجالسهم اجهزه مع مخازي
بعض البشر ودك تطشه بمخبز
وتصب فوقه بانزينٍ وقـــــــــــــازي
والناس يابراهيم قامت تمطعز
بانت نواياهم وفعل المهــــــــــــازي
مثل الحروف وكل حرفٍ وله رمز
سود القلوب الله الهم يجــــــــــازي
هذا زمان الغش والذم والجز
ولاحدن بفعل الخير ياخوك فــازي
وين الرجال ووينكم ياهل العز
يا أهل الفعول الطيبات الــــعزازي


الشاعر/ سالم محمد التميمي

[سالم محمد العبيد التميمي]

الحــــــــب

الحب مثل الموت ماعنه رداد
ولاشك مابه من يجيب المنـــــــــادي
وعزي لمن قلبه على الحب معتاد
كنه يحرج به بسوق الحراجـــــــــي
والقلب يطرق كن يطرقه حداد
ومن كثر طرقه له تقطع و ذابـــــــــي
و المشكله لا من نوى هو باالابعاد
كل واحد هو مشى با انفـــــــــــرادي
و اليى وعد ما يلتزم لك بميعاد
وشمس الضحى بانت على كل وادي
أرسلت له مرسول عود ولا فاد
راح وصله ولا عطاه الجــــــــوابي
قالي يقول انه يعود ولا عاد
واخذ على فرقى الحبايب عنـــادي

الشاعر/ سالم محمد التميمي

[سالم محمد العبيد التميمي]

الرد على الموتر

ياموتري عندي على الشعر مردود
ارجوك تعذرني وقدر ظروفي
حكم القدر لامن حكم غير مردود
ياتيك لو ان الخلايق وقوفي
مانيب متعمد وربنا فوق موجود
لكن عيون الناس هي لك تشوفي
حساد والحساد مامنهم فود
ياكثرهم هم بالمئا واللأوفي
والله يخلي راعي الخير موجود
راع الكرم هو مدهلن للضيوفي
عيسى التميمي اشهد انه وفى وزود
ياعل عين تحسده ماتشوفي


الشاعر/ سالم محمد التميمي

[سالم محمد العبيد التميمي]

قصيدة الموتر بأبوعبيد

ياسالم ابو عبيد وين المواعيد
خبري بكم لامن وعدت انت توفي
توفي العهد لوكان في رجلك القيد
ولا تهاب الموت لا قلت اباتي
وشفيك عيدت انت بي باول العيد
خليت كرتيلي يتشتت شتاتي
قلت آه لو حكم القدر ترده الأيد
اني اضيفك انت خامس بناتي
السوق سكر ولاحدن بالسوق موجود
صارت ظروفك هي اخس من ظروفي
لا اشري لك الكرتيل وزيتك ازيد
وواقف العربان هم لك صفوفي
انت وخويي كم بدعنا الأناشيد
وياعل عين صابتك ماتشوفي
اكيد انه لشتك عين مقرود
يالله تهلك كل نجس وحسود


الشاعر/سالم محمد التميمي

[سالم محمد العبيد التميمي]

بالمجمعه شفت لي مخلوق
............... يطير العقل من زينه
يمشي وفي مشيته برفوق
............... ياليت نأخذ عناوينــه
خوينا ياولد مطفوق
.............. ماريح القلب بشجونه
قلب التميمي تراه محروق
............. تحلحلت هي صواميلـه
وياليتني ما دخلت السوق
........... ولا شفت من ذبة الشيله
مخلوق حيره له مخلوق
............. لعبت بعقله وش الحيله
تكلمت حلوة المنطوق
............ وقالت ترى ما لنا حيله
انت أجنبي جاي يم السوق
..............خيالن مضيعن خيله


الشاعر / سالم محمد التميمي

[سالم محمد العبيد التميمي]

قصيدتي بإخواني
.
.
مامات ابويه دام الاخوان باقين
.......................اكفخ بجنحان السعد كني الطير
ياعيال ابويه يارماح المعادين
.....................يااخوان موضي جعلكم دايم بخير
وانا تميمي وافتخر بالعبيدين
....................يرزقني اللي بالسماء يرزق الطير
لاقلت قالوا كلنا مستعدين
....................ولااذكر حصل هو منهم أي تقصير
واللي بدار الغرب عنا بعيدين
.......................انا اشهد ان لهم معزه وغلا غير
والحمد لله بالضماير قريبين
...........................وقد المراجل وكلكم فيكم الخير
وافين والله يااخوتي دوم وافين
............................مادامكم في خير انا والله بخير
.
.
الشاعـــر: سالم محمد التميمي

[سالم محمد العبيد التميمي]

ماتعرف الزين ياللي شفت صورة لميس
.........................الصورة الخالعه ولاهي بمستوره
والله ماتفرق انته بين جمعه وخميس
.........................وماتعرف الزين ولاقربت لبحوره
وذولن حفاة عراة مرضيات ابليس
........................وابليس معهن معه طبله وجمهوره
والله مايقبله غير الخسيس ابن الخسيس
..........................لباسة الجنز مثل الكلب مسعوره
ترى النساء ياخبل هن يشبهن الغريس
............................فيه نخله طيبه وبه غير مقبوله

[سالم محمد العبيد التميمي]

هديت قلبي هد مبنى البيتاقون
ومبنى التجارةالحر في ظرف ساعة
واصبحت انت ارهابي مثل شارون
مالك صديق ولا رفيق وجماعة
وترى اللسان حصان للي يقولون
ثرثار والثرثار صعب(ن) علاجة
وحنا تميم ونفهم الرمز وشلون
ولكل من يسأل نجيب الأجابة
وجيراننا لوهم جفوما يضامون
ذيابـــــتن تقابلوا مع ذيابــــــة
والهرج كان الهرج ماهو بمضمون
ابعد عني تر ملنا بالطلابه
وماهمني والله مهما يقولون
كلن ترا حنى خذينا حسابه
وعفوا وشكرا ألف للي يعذرون
ومثلك حرام أنه بينطق بابه
وصبرت وتحملت ماني بمجنون
وصديقكم ماأرتاح هو في غيابه
واسرارنا في بير وانتم تعرفون
و يزين بيت العز عقب الخرابه

[سالم محمد العبيد التميمي]

تشكي الدنيا وانا قبلك شكيت
وإحذر الدنيا ترى الدنيا ضيـــاع
وهذي الدنيا أنا منها اكتفيت
والسفينه ماتســـير بلا شــــــراع
هي سوى عندي فقير او اغتنيت
وكم بذلنا لجل دنيا المستـــــطاع
وانت ياماجد ترك توك مشيت
في طريقك وكل يومٍ باإرتفـــــاع
يوم تضحك به ويومٍ به بكيت
وكل من حولك ترى فيهم اوجاع
هذا هو حظك وانا بحظي رضيت
وفيه ناسٍ جايعه وناسٍ شبـــــــاع
والقلم يكتب لنا من الشعر بيت
جنب الدنيا ووشلك بالـــــــنزاع


الشاعر/ سالم محمد التميمي

[سالم محمد العبيد التميمي]

ليه كل ربوعنا شانت علينا
وليه انا كني انا مسوي خطيـــه
والتعب ياما تعبنا وشقينا
كلها منشان هالدنيا الرديـــــــه
وينهم اجدادن هم ووالدينا
كلهم في رحمتك رب البريــــــــه
كانكم سالين عنا احنا سلينا
ارض ربي واسعه ماتضيق فيــه
والهوى وان هد عاصوفه علينا
يلعن الله شخص ماعنده حمـــيه
وويش لو حنا بعد رحنا وجينا
او سكنا كلنا بغرفه سويـــــــــــه
الصديق ان كان هو مايحس فينا
والعدو يبان ولا له مقدريـــــــــه
عارفين اصحابن واللي يبينا
يبان لك صاحبك لامنك نخيتـــــه
وعرفن بضروفنا وحوزة يدينا
ياولد والأرض مامثله لقيتــــــــه
به كرم وطيب ورحمه ولينا
ويل بعض الناس يوم ينكر جميله
دام عيسى حي والله ماعلينا
ليتنا ندري عن اللي هو اللي يريده
والله انه واحدن منا وفينا
ولونساه اهل الردى انا مانسيتــــه
وراعي المعروف له قدر مكينا
وعندنا له قيمة ماهي بسيطــــــــه
وياولد ياعبيد لو يبغى حدينا
مانقول له لا ولا نلحق جميلـــــــه


الشاعر/ سالم محمد التميمي

[سالم محمد العبيد التميمي]

{التمر والحلوى}

فيه ناسن عافت التمر والحلوى
................. وفيه ناسن يا فهد جيبهم خالي
وفيه ناسن يا فهد معنه سلوى
................. راسين لا يا فهد مثل الجبالي
وفيه ناسن لا بلاه الله بلوى
.................. يتحمل عادة شيل الاوزاني
ولكن العذال مافيهم التقوى
.................... كايدوني يا فهد وعنا حالي
ونحمد الله يا فهد كلنا نقوى
..................... ومستعدين على كل ابو حالي
نشتكي لله هو يعلم الشكوى
..................... جعل حاسدنا ما يبقاله التالي


الشاعر / سالم محمد التميمي

[سالم محمد العبيد التميمي]

الريـــــــــــــال


ويش لو عنده ملايين الريال
................. لا جلس في مجلسه كنه طبــــل
و يأخذ الدنيا نزولن ورتحال
................. طير يا قرطاس ورسى يا جبــل
وما يميز الجنوب من الشمال
.................. كنه الجاهل بعقله مـــا اكتمـــل
وفيه شخصن لو حلاله كالجبال
................. مبهين نفسه وترى عنده وصــــل
وما يتغطرس بالجهل ولا به ظلال
................. وكل شين اله مـــــبدان و اصــــل
ويا محمد يا مسندي الجال جال
................. واحذر من الجال هو ويى الوحـل
والدك مرتاح من قل الريال
................. ورزقنا المقسوم من الله بيحصــل
و ساعتن بالشمس وساعه بالظلال
................. والحمول إثقال ووالدكـــم جمـــــل
و ما علينا من اقويلن تقال
.................. من رخيص يقال مصـدره الخبـــــل


الشاعر/سالم محمد التميمي

[سالم محمد العبيد التميمي]

انا وين وانته وين ياكامل الزيـــــن
........................ بعيد الخطى وانته بعيد الخطاوي

واذا ماتشيلك الأرض تشيلك العيــن
........................ وعينن فراشـن لك وعينن غطاوي

ولا تحسب حساب القصى والادنـــين

............................ خلك معي والعمر واللـه فــاني

وترى الموت واحـــــــد ما بهاليوم موتين

........................ ومؤمن بان الموت لاجان جـاني

وانا انتظر والمنتظر بين نارين

........................... يشرب مع الايام مـرن وحــــالي
كتبت القصيده الصبح في يوم الاثنين

............................... تمتع بها ويستمتع بها كـل قـاري
وانا من تميم المـجد ربعي سلاطـين

........................... شيوخ تعلو واعتلو بالعلالــــــي


الشــــــــــــــاعـــــر / ســــالم محمد العبيـــد التميــمي

[سالم محمد العبيد التميمي]

ما يعطي الخير غير الله سبحانه

مؤمـن بإن الله هــــو يعطــي الخير
......................يوحي للعبده مثل ما وحى للنوحــــي
ويعطيك رب الناس هو رازق الطير
......................رزقك يجيك ولا لغيــــــــــــرك يروحي
ولا يا فهد هو ما حصل منك تقصير
......................وياعـــــــل أمٍ جابتــــك مــــا تنوحـــــي
وانا مريض ولا يداوين دكتور
......................وان جاني الدكتـــــور خطــرن يطيحـــي
خطرن على الدكتور يطيح مخطور
......................وهذا الصحيح ان كان تبغى الصحيحي
والادمي والله تـرى عــبد مأمـــــور
......................لسانه حــلو والقـــلب ما هو نصيحـــي
اشوف بعض الناس يلف ويدور
......................محدن بــ هالدنيـــــــا والله مريحــــــــي
ما يميزو شهر صفر هو وعاشور
......................ياليت من هو ميت ومســــــــــــتريحي

[سالم محمد العبيد التميمي]

بان الفضاء وبانت الشمسِ
...................... وظلام ليلٍ جلا نـــوره
واليوم ماهوب مثل أمسِ
.......................يومٍ مضى لاتعــــدونه
وانا تعلمت انا الدرسِ
........................شيٍ خفي ماتعرفونـــه
كم لي سنه عندكم منسي
........................ياحيف توكم تذكرونـه
الحق لابد مايرسي
........................ولابد مانتم تشوفونــه
و ياناس انا اعز انــا نفسي
........................واللي تبونه تقولونـــه
واجلس على الأرض والكرسي
........................والنفس بالعز مصيونه
وراع الخطأ لو بيندسي
........................لابد ينبان من لــــــونه



الشاعر/ سالم محمد التميمي

[سالم محمد العبيد التميمي]

السلام عليكم ورحمة الله وبركاته

.
.
اليكم قصيدتي بعنـــوان هيهات... اتمنى تنال اعجابكــم

7
7

http://up2.m5zn.com/download-2009-4-16-11-3bnjohsd9.mp3

[سالم محمد العبيد التميمي]

توكـــــل على الله...

توكل على الله واطلب الوالي المعبود
................... ترى الموت واحد والمقادير لك تاتي
ولا تقرب انت الذم واترك قليل الفود
................... ولا تتعب الأقدام روحه وجياتــــــــي
تجنب طريق الظلم ولاتتبع المقرود
..................... ولاتطرد المقفي ولو صد يبي ياتي
خاو الرجل اللي يبي يعود لك ويعود
...................... وفي بعهده مايعرف الدعايـــــاتي
صديق صادق وحقن ويبذل المجهود
......................عليه السلام الصادق المخلص الوافي


الشاعر/ سالم محمد التميمي

[سالم محمد العبيد التميمي]

يــــا قلــــب

لا والله ابعد القلب وانزاح
............... وزودً على مافيه يصلاه صالي
لوني اضحك مير ماني بمرتاح
...............مثلي تبهذل ذاق مر الليالي
كله سبب منهو كما الكلب نباح
............... يا(عبيد) وعزاه وشده بالي
وينبان ريح الطيب يا(عبيد) لافاح
...............عود البخور لا جيب بعد الدلالي
اللي يزيد القلب هو عدة اجراح
............... ويله من الله وش يبي هو بحالي
وان كان هو باالليل يرقد ويرتاح
............... لوى هنيه مادرى باللي بالي
وماكل جرحً هو يعالجه جراح
............... ولا كل عله له طبيب يداوي
يا (عبيد) انا ادري وعارفً كل فضاح
............... جربت ماابغى اجيب لو هو سؤالي
لو قال انا مزاح ماهو بمزاح
............... ينبان وجه اللي بوجهه خمالي
وغصبن عليه السد لا بد بنباح
............... لصار هو يبي يبعد اليوم غالي
يبي يعكس الضحك بصياح ونياح
............... ماهي لنا ولا نحب قيلً وقالي
دون الكرامه لو بعد دمنا ساح
............... اعز نفسي من ذل لا اجل الريالي
والفقر ماهو عيب ان جاء او راح
............... يعيرونه فيه يا هم لالي
واللي لنا مرتاح عساه مرتاح
...............عساه مايذوق مر الليالي
عساه دايم دوم في عز وافراح
............... وعساه مايذوق سهر الليالي
ولاقال ماحسب من جاء ومن راح
...............ياعل قلبه هو من الهم خالي
ويجلى ظلام الليل في فج الاصباح
............... شين يمين عنك وشين شمالي



الشاعر/ سالم محمد التميمي

[سالم محمد العبيد التميمي]

السلام عليكم ورحمة الله وبركــاته ..

.
.

اليكم القصيدهـ ياقلــــــب بصوتـي

7
7
7

http://up2.m5zn.com/download-2009-4-25-05-3gniwa28r.mp3

[سالم محمد العبيد التميمي]

لهب نسناس الهوى ..

لهب نسناس الهوى من شمالي
...................... شميت أنا يا اخوي روح المحبين
متى على الله هم يجوني عيــالي
...................... ويرتاح قلبي يوم يلفون غالين
ويا عبيد لاجيتنو يرتاح بالي
...................... وارتاح أنا لاصرتم انتم قريبين
وعزي لمن جيبه من المال خالي
...................... تكثر عيوبه لو جدوده سلاطين
نسيو عوايدهم بحب الريالي
...................... والحب والتقدير عنه مقفين
واشره على الطيب قرم العيالي
...................... والا الردي معزول من ذا المحبين
ناسً تقول الوقت يا أبوك مالي
......................الوقت هو الوقت لكن الخلق مخطين
ناسً تحب المال أول وتالي
...................... وناسً بحب المال والله بسيطين
وانتم لا أبوكم كــالذهب رأس مالي
......................اقدامكم عندي تساوي الملايين
وانتم لا أبوكم زدتو الحلو حالي
...................... والله يحفظكم من عيون الحسودين


الشاعر/ سالم محمد التميمي

[سالم محمد العبيد التميمي]

لا والله الا غــــــــدت غـــــزهـ .. }~

لا والله الا غدت غزه
........... ما غير الاشلى ودمانه
أطفال ونساء مبتزه
.......... وليه العرب مالهم خانه
حنا عرب همنا الرزه
............. نأكل ونلبس بطرانه
هذا الزمن مابه العزه
.......... مابين الاخو مع اخوانه
شوفو صواريخ في غزه
......... جتهم من الكلب واعوانه
الجيش الجيش للعزه
......... انخى ابو متعب مع اخوانه


الشاعر/سالم محمد التميمي

[سالم محمد العبيد التميمي]

بان الشعـــــاع

بان الشعاع بطلعت الشمس يا (عبيد)
................... وعين عيون أبوك لا يرقدني
ودي بفعل الخير وللخير أنا ازيد
................... بس الظروف القشر ما يسمحني
أقولها للفاهمين الاواليد
................... يعذرون لمن الظروف احكمني
ولا اشره على غلطة غريبن من بعيد
................... اشره على مخلوق قريب مني
مثلي تبهذل من كثير المواعيد
...................عين مواعيده معي يصدقني
يبغاني امشيله على اللي هو يريد
................... وش رأيك يا أجواد باللي امتحني
مرضى المذله رافع الرأس يا عبيد
................... موتي عزيز النفس هي خيرة لي
و ينعاف شين يبيجي منه تنكيد
................... مادام مابه طيب جنبه عني
طيبيً لا اجل مصلحه عساه ما يفيد
................... و ينعاف طيبن لا اجل شين يفني
و الطيب يبقى بين عيال الاجاويد
................... ومن قال كلمه لكلمة هو يثني
ويلي وعدت لا التزمت بمواعيد
................... ما اشكلت لو الدهر بتصد عني
مرحوم ياللي موتته ثاني العيد
................... ليته قبل مامت جدك دفني
يا عبيد عقبه كل الايام تنكيد
................... الوالد اللي ما اذكر انه خذلني
من عقب جدك كن في رجلي القيد
...................هم وحزن و شوف الدموع اذرفني
دمع الحزن لو قالو الناس ما يفيد
................... ادري ولكن البكاء غصب عني
و يا الله يا راعي العطاء وعالي الجيد
................... و يارب أنا الرحمه على قبر خلي
وفي جنتك ياعالي الشأن وتزيد
................... في جنتك أبوي هو بألف حلي


الشاعر/ سالم محمد التميمي

[سالم محمد العبيد التميمي]

ياقهوجي صبوا لنا الفنجال
..............والشاي الاحمر لاتجيبونه
فنجال بنٍ مع علوم رجال
..............آخير من شيءٍ تسوونه
ويالله ياللي عالمٍ باالحال
..............تحفظ الملك واللي يودونه
ابو متعب العاهل ليا من قال
..............واليا عطا محدٍ يجي حوله
وين ابو متعب طيب الافعال
..............عبدالله اللي انتم تعرفونه
عبدالله الوافي ليا من قال
..............ماهو كلام انتم تصفونه
حاكم حكيم ٍ يضرب به الامثال
..............غصبٍ على اللي هم يحسدونه
اشوف دمعه بالقصيم انهال
..............شاف اليتاما وهلت عيونه
ورحمه من الله عند هالرجال
..............نشوفها وانتم تشوفونه
بالحفل يومه قبل الاطفال
..............والله يلوم اللي هو يلومه

........
وسلامتكم

الشاعـــــر/سالم محمد التميمي

[سالم محمد العبيد التميمي]

طير القريا يامحمد فتني
................ وأنا الذي من قبل ذا الطير مفتون
والظاهر أنه ياحبيبي قتلني
................ أصبحت أنا في أسره اليوم مسجون

.
.

اخواني الشعراء والشاعرات
ابي بيت أو بيتين على وزن القصيده

[سالم محمد العبيد التميمي]

امسح دموعك بمنديل الريا
................. تر دموع الزيف بانت لي اكيد
وسر من قلبي مثل من قبلك سرى
.................. ولا سريب ابعد عن قليبي بعيد
ولاحدن يفكر فيك ولاحدن لك احترى
.................. مثلكم ينعاف مادامه لهيد

[سالم محمد العبيد التميمي]

السلام عليكم ورحمة الله وبركاته


ماحدن يقول لك لا كلن يقول ايه
.................. ولا اقفيت حطو روسهم في بعضهم
بعض الرجال يبان لي كل مافيه
................... اعــرف نوايهــم واعــرف حيلـهـم
والفرق واضح بس ماحدن نظر فيه
................... ياكثرهم وقت الرخاء في عددهـــم

[سالم محمد العبيد التميمي]

وين الحبيب اللي اليا قال لي سم
............ اللي ليمن شيف يبري الجروحي
مايطرد الدنيا ولا يسمع الذم
............ والله يستاهل ولو اعطيه روحي
اللي ليمنه وفاء لا تكلم
........... صريح لمن قال ماهو مزوحي
اللي ليمن زاد همي بيهتم
.......... يهتم بي وانا اشهد انه نصيحي
وبابن الربيعه اشهد انك ولد عم
.......... مقبول في نصحك وهرجك صحيحي
شاعر كبير ومنكم انتعلم
.......... صريح وانا احب شخصن صريحي

[سالم محمد العبيد التميمي]

(( بسم الله الرحمن الرحيم))

مالمشكله بعد الوطن لا نوينا
............. المشكله بعد القلوب الولايف
ياعذلين القلب خفو علينا
............ مهما خفى عنا له الله شايف
حنا ليمنا وعدنا وفينا
........... نوفي الوعد لو هو لحقنا الكلايف
يالله يالله تغفر لوالدينا
........... ولوالدين كل قاري وشايف
والمسلمين تغفر لهم يامعينا
........... وتلم شمل أهل القلوب الولايف

[سالم محمد العبيد التميمي]

بسم الله الرحمن الرحيم
ماكل مطرود هو ملحوق
....... والناس ماهم مريحيني
والرزق يأتي من اللي فوق
....... ويالعفن ودك ترشيني
لو جيتني بالأدب والذوق
....... تبشر ولو ما اطلبك عيني
حرام مهما الثمن ما ابوق
....... ومااخون واحد وثق فيني
(....) يا هوه لاتحسب انك فوق
....... تفخر بكثر الملاييني
ومالي ومالك علي حقوق
....... ورزقي من الله يكفيني

[سالم محمد العبيد التميمي]

بسم الله الرحمن الرحيم


يامن يبادلني وانا ادفع له الزود
........... واعطيه حظي كان حظي يفيده
هب الهوى والقلب ياناس مطرود
........... وقلبي طرد يومه تردى نصيبه
البارحه مانمت والقلب مهجود
........... والفكر مني راح يتبع حبيبيه
ياصاحبي والله ماني بمقرود
............ عذبت قلبي والسبب في حروقه
كل ما مشيت بدرب للدرب مسدود
............ حظي الردي مسكراتن دروبه

[سالم محمد العبيد التميمي]

بسم الله الرحمن الرحيم

قال التميمي يا محمد ترى الناس
............... مامنهم غير النكد والمأسي
مامنهم غير المرض ودوخة الرأس
.............. واذكرك فيهم اذا انت ناسي
وبه ناس والله سمعته ترفع الرأس
............. وبه ناس طيبه والردى امتواسي
وبه ناس يامشكاي ماعنده احساس
............. من ساس قومً كل ابوهم خساسي
وقلب التميمي ياخوك تره حساس
............ عنده عواطف ماهو انسان قاسي
الله يجازي كل مفتن وبلاس
............ أهل الردى واهل العلوم الخساسي
الله يدنيا التعاسه والافلاس
.......... اللي تعزين الرخوم الخساسي

[سالم محمد العبيد التميمي]

بسم الله الرحمن الرحيم

ياصاحبي خل الزعل والعن ابليس
........... لا تغرك الدنيا تراها ضعيفه
وايزن ضميرك في جميع المقايس
.......... وميزان عقلك لازم انته تقيسه
واحذر من الشلات هم والدنافيس
......... وترى الذي يمشي يداري طريقه
والدرس مايفهم من غير تدريس
......... لازم المدرس يشرحه ويعيده
سرك لزومن تحفظه داخل الكيس
......... ترى الردي اللي لسره يبيحه
واللي يبيح السر يصبح كما التيس
......... اما على الجزار والا نبيعه
واحذر ترى بالأرض والله نواديس
......... ترى اكثر العربان ماهي نصيحه

[سالم محمد العبيد التميمي]

بسم الله الرحمن الرحيم

يابوك يامحمد غدى الليل ليلين
......... والمنتظر يابوك هو قل صبره
وينك عني يا بوك وينك عني وين
........ وليته صدق حظي ولو بس مره
وانا انتظر والمنتظر بين نارين
........ والمنتظر هو مل وضاق صدره
اسعد انا لا صرتم انتم سعيدين
........ واللي وقف معكم طول الله عمره
يالعاصمه ويانجد لي ماتشوفين
........ خبري بكم ماتقبلن المضره
وحنا بلدنا والبلد له قوانين
........ كلنا يبي يسر الله امره
وانا متأني واكثر الناس عجلين
........ واللي بيت ايجار واللي بقصره
وبكره نموت ونترك الزين والشين
........ وكلن يبي يدفن ومترين قبره
وليه الغلط وليه الخطأ عـ المحبين
........ وراع الخطأ لا يسر الله امره
واهلاً هلا بالصادقين الوفيين
....... راع الوفا يوفي اليا طق صدره
طيب وكرم واخلاق وهم متربين
........ والله يعزه في مقامه وقدره

[سالم محمد العبيد التميمي]

يامحمد متى ودك نروحي
.......... يم حايل ديار اجدادنـا
ربعنا واخوتي تشفي جروحي
.......... والعواصم ماهي ملكً لنا
ديرتي ديرتي بلسم جروحي
..........لو هي صغيره كبيره عندنا
حبها وسط دمي هو يفوحي
.......... به قبر والدينا وجدنا
لا تلموني ولو اني انوحي
.......... ياعرب يشهد الله ربنا
ديرتن لا ذكرته ترد روحي
.......... والله انه له معزه عندنا
وزينتن في سهلها والسفوحي
.......... ودنـــا إنا نجيها ودنـــا

[سالم محمد العبيد التميمي]

بسم الله الرحمن الرحيم

وش فايده لا ماتو الناس تبكون
................ ويوم انهم حيين هم مازعجوكم
واللي من الله تضحكون وتمهزون
............... وش رايكم لو يبتلى به حديكم
وان كان قدمنا العذر ماتعذرون
.................. وانتم تبونا نبتعد مانجيكم
وماهمني والله مهما تصدون
................ ايضا ولاني والله شفقن عليكم
ويعطيني الله وماعلي لو قطعتون
......... وينعاف رزقن يبي يجي من يديكم
تعطون ساعه ثم ساعه تمنون
............. انا اشهد انه خاب من يرتجيكم
والفقر ماهو عيب به لا تمهزون
............... ولا بد هو يبي يشوفه حديكم
تكفون لاتطغون تكفون تكفون
............. وترو الفسق عقوبته سواداً عليكم
خوفو من اللي عالمً كل مكنون
.................... وجاركم عدوه كنه أخوكـم

[سالم محمد العبيد التميمي]

بسم الله الرحمن الرحيم

.
.

الله يجيب الرفيق اللي يصاحبنا
......... مايرجي الناس يرجي الله سبحانه
وسيم حنا بــ هالدنيا تبهذلنا
......... وذقنا بها المر بأشكاله وألوانه
وأصحابنا اليوم هي قامت تحاربنا
......... ورفيقنا لا نزلنا نعرف عنوانه
اللي بصدقه صحيح انه مصادقنا
......... ويعدنا مثل اولاده واخوانه
وسيم حنا عرفنا من تجاربنا
....... لا لزمة نعرف من نطق بيبانه
ومن طاب فينا ترنا به بعد طبنا
....... والله يجازيه من فضله واحسانه
ومن صد عنا عرفنا انه مطنشنا
........ حنا نبي نعلن فراقه ونسيانه
ماهو بكفون لنا يصير صاحبنا
....... وانروح في شان وهو يروح في شانه
وش عاد لو هو زعل او هو مخاصمنا
........ نمسح رقم هاتفه واسمه وعنوانه
ونفسي عزيزه واحارب من يحاربنا
......... ورزق التميمي على المعبود سبحانه
وسلام للمنتدى واللي مصادقنا
........ وتحيتة ابن التميمي هي من اعماقه

[سالم محمد العبيد التميمي]

بسم الله الرحمن الرحيم

ياهوه خل عنك الدلع والغناجه
.......... ما انته بلا زين ولا حولك زيون
ولبست جنز ومنعوي تقل عاجه
......... لا زول ولا قامه ولا نظرة عيون
يومك لبست انته لباس الخواجه
........ الوجه لوحاً والظهر تقل كرتون
عفت الستر ولبست لبس السماجه
........ اصبحت في عين العرب تقل غليون
وصحيح كل انسان هو ومزاجه
........ بس العوايد غير وانتم تعرفون
حنا تميم ولا نحب السماجه
........ ثقال العقول مربطه كل مجنون
لامن شفن بالرفيق انعواجه
........ نوقفه يرضون اوغير يرضون
والبيع حر وكلن هو وخراجه
........ اشياء تسوى ريال واشياء بمليون
ومن عز نفسه مالنا فيه حاجه
........ اشوف انا ياناس وانتم تشوفون
والثقل زين والسماجه سماجه
......... وان كان انا مخطي الرجاء لي تسمحون

الشاعر/سالم محمد التميمي

[سالم محمد العبيد التميمي]

بسم الله الرحمن الرحيم

تـقول مايرسل ولا عندنا ابراج
........... ولاهوب قابل رقمنا لا اتصلنا
وماعاد له داعي نسبب لك احراج
........... يوم اتصلنا بك ويومن وصلنا
و لمثلكم يالله عسانا مانحتاج
......... عسى سكنكم مايجاور سكانا
ولا خاب منهو يرجي وال الافراج
......... بمشيئته لمن تعبنا وصلنا
كثر الكلام اللي بسبب لنا ازعاج
.......... اشره علينا إن كان حنا اتصلنا
ولا نسمع المفتن ولا نطيع هراج
......... قبيلتن ناصل بعد من وصلنا

[سالم محمد العبيد التميمي]

بسم الله الرحمن الرحيم

أنا كتبت الشعر واتعبت الاقلام
.......... ابيات شعرن من ضميري نظمته
ومشيت انا لين اني احفيت الاقدام
........ والسر في وسط الحشا انا كتمته
ويا صاحبي لابد تخضع للايام
....... اما صدمك الوقت والا صدمته
والصبر ملفات الفرج بابن الاكرام
.......خطو الولد يعجبك لامن زهمته
وامش وتلمس لين تخبرك الايام
....... كل شيء ترى موجود في يدينك انته
ماهو صحيح اللي نشوفه بالافلام
.......تمثيل والتمثيل ليتك نسفته
وماراح بالدنيا تلقيه قدام
.......وصبرك ومخلوف التعب لاوصلته
وحبك بقلبي يشهد الله له اعوام
...... ومشكور في مجهودك اللي بذلته
وحنا على الفطره والدين الاسلام
....... ويرزقك رب الناس لامن شكرته
وتمايمه ودخيلنا ما بينضام
....... ورجالنا يعجبك لامن زهمته
صحيح ماهو بس نقشن بالاقلام
........ وان ما اتصل بي صاحبي انا وصلته

[سالم محمد العبيد التميمي]

بسم الله الرحمن الرحيم

والله لو هم زادو العشر عشرين
.......... ابوك ما يغيره زود الريالي
ومجرب الشده ومجرب اللين
.......... والمر مشروبه ماهو مثل حالي
وحنا لكم ياصاحبي مستعدين
......... واعطيك قلبي يا بعد كل غالي
والله ورب البيت ما انسى الصغيرين
.......... اللي لهم بالقلب مسكن لحالي
و لو كان ماهو عندنا ناخذه دين
.......... وانزله لو كان بالجو عالي
و حنا تميم المجد ربعي سلاطين
.......... ويا سرعهم لا قلت وين العيالي
وطيور شلوى وافين وفيين
........... ورمز الشهامه فيهم اول وتالي
وان كان هو بالدين ترنا بنا دين
........... ولا جيتنا تلقى علوم الرجالي

[سالم محمد العبيد التميمي]

الله يسامحك واحنا الله يسامحنا
.......... تمشي على فالكم وامشي على فالي
والله مامثلها لامن تصارحنا
.......... حيث ان مثلك عريب الجد والخالي
اقولها بالصراحه وانت صاحبنا
..........محبةٍ مالها اول ولا تــــالي
ونود من ودنا ويفرح بجيتنا
..........ماهو مجامل صحيح اقوال وافعالي
دنيا تجارب بها حنا تعلمنا
..........اجيال تفنا وتعلم بعدها اجيالي
وراع الردا صحبته والله تتعبنا
..........واحذر تصاحب قليل الاصل ياالغالي
وماهو معيبه ترانا لو تغربنا
..........الغربه الغربه هي لكل رجالي
ومن طاب معنا ترى حنا معه طبنا
..........ونرخص له الروح ويرخص له الغالي
.
.
وسلامتكم

[سالم محمد العبيد التميمي]

بسم الله الرحمن الرحيم

طير غداي ياوسيم الظهر عز النهار
.............. غابت علي الشمس ماعود على طيري
مدري علامه تأخر مدري ويش صار
.............. يالله عسى طيرنا يابوك في خيري
اخر الخبر به تعدى بالغمام واستدار
.............عزي لقلبي ان كانه صادفه غيري
وسيم يابوك والله شين ذا الانتظار
............. تمضي السنه كلها وعد ومعاذيري
وسيم قل لاخوتك بكره يجي الاختبار
............. وكلن يبي هو يجيب يابوك تقريري
والجو ماهو مريحنا وكله غبار
.............. من السن الناس كنه كـالمناشيري
ماوقرو لاصغير ولا قدروهم كبار
............... وبعض البشر ياولد مافيهم الخيري
ناسن تبي تروح للجنه وناس لنار
.............. ويدورون الغثاء بكثر المشاويري
وسيم انا شفت طيري عاد هو يوم طار
.............. بالجو يابوك وهو يرسل مواويلي
صوت ياطير الله عطاك اختيار
.............. اما معي او تروح لواحدن غيري
وان كان قصرت بقدم الاعتذار
............... ولكن اظن ماحصل ياطير تقصيري

[سالم محمد العبيد التميمي]

السلام عليكم ورحمة الله وبركاته

((إنا لله وإنا إليه راجعون))

انتقلت الى رحمة الله ابنتي - يوم السبت الموافق 5-11-1430هـ
عن عمر يناهز 14 سنه

ونطلب من الله العلي القدير إن يشفع فيها لوالديها وإن يرحمها الله برحمته
ونطلب من أخواني القراء والمشاهدون الدعاء لها ولي والدينا وللمسلمين اجمعين
وان لايرهم مكروهـ
.
.

الحمد لله الذي خلق فسوى وبدأ خلق البشر من مني يمنى فجعل منه الزوجين الذكر والانثى
وقدر بينهم الموت والرحيل من الدنيا ورغبهم بالتزود للدار الاخره
احمده واشكره على ما اعطى واشهد انا لا اله الاالحق الخالق للورى
واشهد ان محمد عبده المصطفى

هذه المرثيه بــ ابنتي رحمة الله عليها ..

.
.


الموت واحد والمنيـه لهـا أسبـاب
................ ولا نـرد الغالـيـه لــو بكيـنـا

يالله يامنـزل تبـارك والاحــزاب
................. عساهـ بالجـنـه هــي والديـنـا

والدمع رحمه وشين افـراق الاحبـاب
.................... وأمر القـدر ياحمـود ماهـو بدينـا

ياحمود لوينرد مـا ماتـوا أحبـاب
..................... أبـوك هـو أبــوي والمسلميـنـا

وبنتي غريره مالها ذنـب وحسـاب
.....................ولا اذكر أنهـا غثتـن لـو شوينـا

لاجيت ابسمع صوتها البد وراء الباب
.....................ولاحدن يلوم القلب لو هـو حزينـا



وسلامتكم

.
.



اللهم اسقها من حوض نبيك محمد صلى الله عليه وسلم شربة هنيئة مريئة لا تـظمأ بعدها ابـدا

[سالم محمد العبيد التميمي]

السلام عليكم ورحمة الله وبركاته _

يتقدم أبنــاء قبيـلة (بــني تمـيـم) وبالاخــص أبنــاء ( محمد العبيد التميمي _رحمه الله)
بتهنئة خــادم الحرمين الشريفين / الملك عبدالله بن عبدالعزيز حفظـه الله
وجميع الأسره المالكه ..
بقدوم ولـي العهـد الأميـر/ سلطان بن عبدالعزيز حفظه الله
للبـلاد سالمـاً معـافى

.
.

وإليــكم قصيــدتي بعـنوان

( هـل الفرح يــانجــد بقـدوم سلطــان )

أنا انتظر من قبل عيد الضحيـه
في رجعة الوالد سلايل كــــحيلان

سلطان ياراع العزوم القويـه
وياخيرنٍ تشهد لكم كل الأوطـــان

وعم الفرح ديــار نــجد العذيــه
هي رحبت والشعب رحب بسلطان

وبنـي تـمـيـم قلوبـهم لـك هديـه
وبعودتك ياسيدي الكـل فـرحــــان

حب وولاء وإخلاص مع صدق نيه
محــبةٍ مـــــادوروا فيها الأثــــمان

ويرخص لك الغالي ورب البريه
مانرجي إلا فـضـل ذا الرب سبحـان

واهلاً ياأبو خالد وسلمان حيه
اللي معك في غـربتـك ذرب الإيمـان

واهني اللي ماعلى الارض زيه
عـــبدالله الـلي فـز بقــــــدوم سلطــان

بو متعب الغالي علينا سويه
حــــنـا مـعـه بـقـــلوبـنا ويـن ماكـــان

يالله عسى سلطان مايذوق سيه
ويسلـم لنـا سلطــان مـع طـول الأزمـان

وخـتـامهـا ازكـى سـلام وتحيـه
مـن واحـدٍ عـنـده عـلـى الحـب بـرهــــان


الشاعر / سالم محمد العبيد التميمي

[سالم محمد العبيد التميمي]

بسم الله الرحمن الرحيم

بعض البشر ما ينسي لو دفناه
........................ حبه بوسط القلب بين الضلوعي
يا بوبدر يا مسندي كيف أبنساه
........................ من حكمة المعبود ماني جزوعي
في وسط قلبي له قصوراً مبناه
.............................. وقليل والله مثلها بالطبوعي
إن رحت أنا للسوق ذكرت حلياه
......................... وإن جيت يم البيت هلت دموعي
وإن رحت يم المدرسه حل طرياه
................... وهو من صباح السبت حتى الربوعي
ياخوي والله كيف أبدله وابنساه
......................... والله ترى هذي حالتي بالسبوعي
ولا شفت أخوانه تصورة روياه
........................ وذكرت أنا الشمعه بين الشموعي
بعد صلاة العصر للقبر شلناه
..................... وصلوا عليها بالراجحي هم جموعي
و عساه للجنه كل ماحل طرياه
........................... وتشفع لأبوها وأمها و الربوعي
والله خذها والله اللي عطناه
......................... وراضي بما جاني ولأني جزوعي
اللي صباح السبت حنا فقدناه
......................... وأنا أشهد أنه لاعات القلب لوعـي
ما عاد ترجع لو ننوح أو بكيناه
.......................... وراحت ولا ظنيت هي له رجوعي

[سالم محمد العبيد التميمي]

اليا مشينا على خط الرياض السريع
................................ متوجهين لــ دارً بها محبينا

والخط لا هو بلا واطي ولا هو رفيع
............................. كـ الكف متساوين والله يحمينا

وماشي على راحتي وصدر التميمي وسيع
................................ وسواقنا حر وين وده يودينا

والجوء ممطر والارض خضراء وربيع
............................ والغيم مظلم وكن الليل ممسينا

ومريت انا العصر من عند اهل المقام الرفيع
..................... المجمعه وسدير واللي به من محبينا

والغاط وبريده والرس واهدي سلامي للجميع
.............................. تحيتن صادقه من غالي لغالينا

متوجهن يم حايل له يفز الرضيع
............................... دارً بها احنا ترعرعنا وتربينا

وسلامتكم ~

[سالم محمد العبيد التميمي]

بسم الله الرحمن الرحيم

ياشوق والله لو ديارك بعيده
........................... بقلوبنا ياشوق والله قريبين

محبتك يالقلب والله اكيده
........................ ياغاليه من نسل ناسً عزيزين

وقلوبنا ياشوق حولك قريبه
............................. قريبن لو بالمساكن بعيدين

والحب والله يوم توك وليده
.......................... حبك بقلبي قبل ما أتني تسمين

لك بالحشا مسكن ولانتي غريبه
.......................... ياشوق خالك لك على ماتورين

صديقكم ياشوق خالك صديقه
............................. وعدوكم حنا له اكبر معادين

ومن هو يعايدكم هنيه بعيده
............................. والله لا ياشوق بالحيل غالين

عندي انا والناس كلن وطيبه
............................... شين عرفته عنه ماهم بدارين

وينيان بالنظره لنا هو وعيوبه
............................... كل الرداء والطيب ينشاف بالعين


"وسلامتكم هذي قصيدتي بــ بنت أختــي"

[سالم محمد العبيد التميمي]

بسم الله الرحمن الرحيم

/
/

هذي قصه في يوم من الايام أعطاني أحد الاشخاص تمر
وقال لي : وزعه على المحتاجين ولم يرد ذكر اسمه
فذهبت عند باب المسجد يوم الجمعه بتوزيع التمر
فـ اذا بأحد الاشخاص يريد شراء التمر
واتضح لي من كلامه فيه كبرياء وسخرياء
قلت التمر ماهو للبيع
خذ منه ماتريد .. فــ رفض وبعد ثواني رجع
فقلت خذ مابدى لك


فهذه البيتين :

مانبيع التمر حنا تميم المجد هيه
............... عادت أجدادي توزع تمور نخيلها
ماعليك من الدراهم خذ اللي انت تبيه
............ والمراجل لهله وانت ما أنته حولها

لعلها تحوز على رضاكم

[سالم محمد العبيد التميمي]

بسم الله الرحمن الرحيم


الذهب في لمعته طول السنين
....................... والحديد يبان سرعه بالصدأ

وماعلي من كل هراج مهين
.......................ومايهمن قال طيبن أو رداء

وماعلي مادام الله لي معين
.......................ولو تصير الناس كله لي عداء

شوف عيني عن الشمال وعن اليمين
.......................ولو بنادي محدن يجيب النداء

الله أكبر ياحلو ذيك السنين
.......................اتذكرها على وضح النقاء

مابهم حاسد ولافيهم رزين
.......................وكلهم بالطيب صافينً سواء

واشهد انه كل شخصنً له معين
.......................والشهامه والكرم كلن اقتداء

عننا اقفو لهم جردة سنين
.......................اجدادنا ياعبيد ما الهم عداء

[سالم محمد العبيد التميمي]

بسم الله الرحمن الرحيم

/
/

ياليت لي جنحان واكفخ كما الطير
.........................واصل ديارك لو وراى اللاذقيه

من العاصمه لو طولن المشاوير
........................لااحفيلك الاقدام روحه وجيه

ياصاحبي ياصاحبي دمت في خير
........................مني لكم ازكى السلام وتحيه

من سالم ابو عبيد جتك المعاذير
........................وممكن تقبلها انت في حسن نيه

ولك بالحشا عندي معزه وتقدير
........................يشهد علي الله رب البريه

هم غير وانته عندنا يالغضي غير
........................وحشتنا ياعل ماتشوف سيه

سطرت قلبي يالغضي انت تسطير
........................وخليتني تقول في مهمهيه

مدامتك في خير ياعلك يخير
........................واقولها والله بنفسن رضيه

وسلام مني عد مارفرف الطير
........................واعداد ماوطى البشر بالوطيه

وسلامتكم

[سالم محمد العبيد التميمي]

بسم الله الرحمن الرحيم


قلبي يحبك بس ماعندك احساس
............................. مات الضمير ولا بقي بك مروه

يشهد علي الله هو خالق الناس
.............................وانت الذي ودك تسويه سوه

والحب بلوى والمحبه على ساس
.............................والحب والله مايجي هو بقوه

وانا تميمي عادتي رافع الرأس
.............................فينا طهارة قلب وحسن خوه

وخذ مابدى لك والرجاء اترك الناس
.............................واترك عنك بعض الكلام المفوه

والناس يامشكاي اشكال واجناس
.............................مثل الشجر ماهو سوى في نموه

لو مانشوف القلب تراه حساس
.............................حساس قلبي خل عنك الفتوه

ضوء القمر ماهو مثل ضوء الأكباس
.............................نورن منير بالسماء شب ضوه

من عز نفسه له مع الناس نوماس
.............................ومعروف عند الناس راعي المروه

ولابد تعض اصبع يدينك بالاضراس
.............................وكثير مثلك مابقلبه مروه

خسرتك ناسك انت واعلنت الافلاس
.............................وماراح بالقوه يجي هو بقوه

[سالم محمد العبيد التميمي]

بسم الله الرحمن الرحيم

/
/

هاض القصيد وجت على كل ابو حال
.................................... قصيدتن تبي تقابل قصيده

وصغ ياقلم في دفتري زين الامثال
....................................للصاحب اللي له مزايا عديده

ابو الكرم والجود اقوال وافعال
....................................والطيب في اصله وفصله وليده

انا اشهد انه لا الثقيلات شيال
....................................قد الحمول ولاهي عليهم غريبه

شعرك وصلني ولا نسيتك على البال
....................................ابشر بسعدك واطلب اللي تريده

مثلك ترى يرخص له الحال والمال
........................................والله يقدرني على رد طيبه

الطيبين امثالك اقوال وافعال
....................................ويازينها لوفاء الصديق لصديقه

[سالم محمد العبيد التميمي]

بسم الله الرحمن الرحيم


ابوك مستخدم ترانا درينا
............ وش فايده بالمال لاصار مملوك
حنا تميم اليا مشينا مشينا
............ناطى ولو في دربنا شوك وشبوك
والموت واحد ويومنا يبي يجينا
............ والمال هو والجاه لامت متروك
حنا اليا منا وعدنا وفينا
............وانت ردي النفس بالمال غروك
ماهو مذله يوم تخطي علينا
............انا متربي واهلك هم ما ربوك
وحلوقنا مادونها الا يدينا
............ والله لاهينك يوم بانت خوافيك
شرك على نفسك ماهو علينا
............بالمال انا والجاه ابيعك واشريك
رخيص ماتسوى متحفن الطحينا
............ولا لك معزه ربعك اليوم باعوك
يادارنا انتي عزيزه علينا
............وحبك مع الاولد يادار مشروك
ويارب غفرانك لنا ولوالدينا
............ وماغيرك انت الواحد اللي بنرجيك
وللصحابنا وللمنتدى مانسينا
............ندعيلهم وكلن بدعواي مشروك
وليتهم هم يسمعون الحنينا
............حنين قلبن دك به الف داكوك
ان كان هم جو يمنا مسرعينا
............ ولبو طلبنا وكلن يقول انا اخوك
واهل الوفاء يوفون لمن وفينا
............ ولاحسبو حساب الملايين ببنوك

وسلامتكم ،،

[سالم محمد العبيد التميمي]

بسم الله الرحمن الرحيم

اللي يبينا يجينا ثم يرضينا
.............. إن كان هو عدنا حنا من أحبابه
ونحب من حبنا ومن جاء يواسينا
......... ويستأنس القلب لمن جوله أصحابه
ونميز أحبابنا أيضا وغالينا
.................... ونفز له يوم الله ربنا جابه
وأما الذي صدّ عنا ومتناسينا
..........معروف عندي وكلن حاسب حسابه
نقفي عنه ضمن من هم عنه مقفينا
............ ولا عاد نشره عليه ولا نتعزوابه
والله ربي هو اللي عنه مغنينا
............ مغنيني الله ولا لي فيه وأصحابه

وسلامتكم ..