ديوان الشاعر محمد الفارس

[محمد بن عبدالرحمن الفارس]

بسمالله الرحمن الرحيم
يسعدني ان اشارك بهذه الابيات كعربون تواصل مع منتدي نظم القوافي

سالفه

تبي تسولف قل متى ودك تسولف ثم اجيك=ياوالله الى في حضورك تبتزين السالفه
الحب قسمة والهوى ماهوب توه يحتريك=من عام الاول وانت في قلبي علومك طارفه
شفعت في قلبي ولا جالك نديد ولا شريك= والحق لك في خافقي دام انت من طوايفه
يامن حويت الزين من رأسك الى اخمص قدميك= يامن سبيت الباب وعقول الرجال النايفه
كل مابغيت اشرح جمالك واتغزل وابتديك=ذكرت بأنه ياجميله ما يعرف عارفه
من خاف سلم بكل شيء الا الهوى علمه بريك=يصطي على كل القلوب المقدمة والخايفه
ياويل قلبي من تصاديدك وياويلي عليك=منته بلي مثل العرب كل يبي ولايفه
ان رحت حدك تاصل اطراف الحنايا واحتويك=وان جيت حدك تذبح الخافق و لنت برايفه
وانا على الله جيت لعيونك شعاري ( فيك فيك )=اموت دونك لو حداني الوقت واسمك شايفة



محمد بن عبد الرحمن الفارس روضة سدير

[محمد بن عبدالرحمن الفارس]

من غدى له خمس عشرة صار له حنة ورنة=شايف زينه بعينه قبل لا غيره يشوفه
لانظرلك تقل في نظرات عين الترف منة=وان سحب هاك الرموش السود في سحبه كلوفه
وان ضحك والا تبسم والله انه والله انه=فل بيرق راعي اللقوات ثم اشهر سيوفه
وان حكالك ماعذب حروف الهجا بطراف سنه=كنه اللي ماحروف الناس ابتشبه حروفه
الوكاد ان الحروف حروف بس الفرق فنه=لاتكلم صرت اذان صاغية توحي شغوفة
الثياب وهي ثيابه خطر والله ينهبنه=والكفوف ان صافحتها ودها تسبي كفوفه
مهرة في حدها لا قيد لا سرج واعنه=ماله الا غايته لو هي بالاخطار محفوفه
كل شي فيه ناهي كل زين من مغنه=زين مدري ملح مدري خف دم او ظروفه
شوفتي له فرض عين وشوفتي للغير سنه=يالله انك لا توردني وانا سالك حتوفه
الغضي لوهو على موتي ومر ماخلفت ظنه=مير هو يامر طويل العمر واشوف معروفه

[محمد بن عبدالرحمن الفارس]

بسم الله الرحمن الرحيم
هذه القصيدة قلتها في مناسبة تكريم المتفوقين علميا في مدينة اشيقر والذي رعته اسرة الخراشي الكريمة


المراجل كسب والعليا نهابه=والحظوظ البيض من ربي وهايب
والزمن لا شك ميله وانقلابه=عند خلاق السما مجري الهبايب
العلا ما هازها غير الذيابه=والمساري مالها غير النجايب
وكل رجل ما تعلم في شبابه=تقمح علومه اليا من صار شايب
جيت لاشيقر ومالى بالخطابه=مير حدتني على الوقفه سبايب
الوطن والعلم واشبال النجابه=والحميه للبنيخي والقرايب
في ديار من على عصر الصحابه=وارثين العلم من خير الحبايب
دار علم ودار حكم ودار لابه=من تميم الشم في صلب وترايب
يوم عصر الهوش والدنيا حرابه=كاسرين الضد ملعون الصلايب
ياحصون المجد ياقصر الرحابه=من نصاك ينوبه من العز نايب
فيك شيخ القوم مهيوب جنابه=في مناخه برك الضيف الركايب
وفيك عود فاتح للجود بابه=والعيال تسد الى من صار غايب
دللوك اهلك ولا فيها غرابه=انتي اشيقر معانقة السحايب
ماتشابهك الديار ولو تشابه=القصور العامره عندك خرايب

[محمد بن عبدالرحمن الفارس]

احدى القصائد التى ارجوا ان ترقى الى اذواقكم مع التحية والتقدير .



خـذ فرحتي يافرحتي كان ترضيك=خـذها تـرى مـاعندي الاحلالك
واحرق ضمير(ن) ياعزيزي يداريك=خـله دخـونك طـيب الله فـالك
اسـرف الين دموع عيني تقهويك=ولا تــزل ولا تـبـهر دلالـك
خـذ راحـتك مـادامني ميت فيك=انـام واصـحى واتـذكر خـيالك
يـاعزوتي عـند الـليال المحاليك=تـراي مـن يـمناك حتى iiشمالك
لـك مـني الطاعة ولانيب عاصيك=مـادام ربـي حـدني يـم iiجالك
واسج لاجالي مع الناس طاريك=واحنا الله اعلم ماطرينا ببالك

كـانه تـغلى جـايز(ن) لي تغليك=ويـاشيب عيني كنك تشوف حالك

[محمد بن عبدالرحمن الفارس]

حسافه ياهوى بالي ماذيب اتلى علومي فيك = حسافة مابغيناها كذا مير الله الهادي
الا يا نور عيني كان طول الوقت مايصغيك = توسدت الجروح اللي ثمنها جاك عدادي
وكان ان الوفا يصبح ثمنه الظن والتشكيك =زبنت العلم الاول لو غلاكم كسر شدادي
انا شوف انها من غيرك احسن جعلني مابكيك=قوية منك ولا غيرك اخطا وقلت له عادي
سلام الله على هاك الغلا ولا انت وش يدريك = غلا(ن) له في ترابيع المحاني قوم وقعادي

[محمد بن عبدالرحمن الفارس]

في زيارة من صاحب السمو الامير سلطان بن محمد بن سعود الكبير الى مدينتي روضة سدير لرعاية (جائزة روضة سدير للتفوق العلمي )يوم الخميس الماضي قام سموه بزيارة الى نادي الاعتماد بروضة سدير والذي يتولى رئاسته خالد الماضي . واتولى فيه منصب نائب الرئيس فكان لزاما ان نرحب به فكانت هذه البيتين التي القاها احد اشبال النادي .










هللت روضة سدير وكبرت روضة سدير = وانتشت من عقب تشريفك وربي زانها

مرحبا سلطان بن محمد بن سعود الكبير = ياهلا والشاذلية عانقت فنجانها

النسايم في حضورك خالطت ورد وعبير = واستثار العود الازرق ثم عج وزانها

يالامير اللي ورثت الطيب منهاك الامير = جعل ربي يسكن المرحوم وسط جنانها

ياولد شقران راع الطيب يالحر الخطير = المراجل في سموك شرعت بيبانها

كل شبر في ثرى الروضة وفي وادي سدير = جا يعانق صفحة الامجاد يا عنوانها