بن عشري التميمي
05-06-05, 11:02 PM
سلام عليكم :
وهلا والله ومسهلا.... ومرحبا...
بعيال عمي..
وصلب جدي..
حياكم الله..
يالقروم...
يشرفني ان اضع بين يديكم هذا الموضوع..
وهي .. ..
بعض القصائد الخالدة ..
وهي بمناسبة أجتماع قبيلتنا العظيمة ( تميم ) في السبعان عند أبناء عمومتهم ال مفيد من بني عمرو بن تميم .
وذلك عام 1410هــ .
والقيت في ذلك الاجتماع الكبير والعظيم بعض القصائد لبعض الشعراء من ال مفيد .
ويسرني ان اضع هذه القصائد بين يديكم الكريمة .
====================================
------ ------ ------ ------ ------ ------ ------ ------
الشاعر : علي بن محسن العلي البراهيم ال مفيد التميمي .
أشرقت بقدومكم شمس ألهنا=نورها يطرد مساحات الظلام
يا هلا ترحيب من قلب أهتنا=وعن هل السبعان ربعي بالتمام
يا هلا باللي من دياره عنا=يا هلا أعداد برق في غمام
يا هلا باللي يشارك فرحنا=نغمة الفرحة يغنيها الحمام
نحمد الله يوم تم جمعنا=البنيخي شوفهم يجلى الغمام
ذي حلاة الوقت يجمع شملنا=ساعة تسوى لها عشرين عام
في وجود اللي لهم قلبي دنا=عيال عم لي عزيزين المقام
علمكم بالطيب نار له سنا=مثل نار فوق عالي في جهام
من خلقت اسمع بكم فخر لنا=يا كبر حظي لفوا عيال العمام
المفيد كبار وإصغار وضنا=كلهم فرحة وترحيب وسلام
يحمدون الله في شكر وثنا=يوم لبيتوا لدعواهم شمام
شوفه الغالين عيد عندنا=عيدنا الثالث عسى يبتل دوام
جدنا أسس لنا مجد وبنا=صرح بالطولات يصعب ما يرام
من قديم الوقت هذا نهجنا=يشهد التاريخ في صدق العلام
مع الصحابة بالمعارك ذكرنا=عن ذروة الإسلام قالوا ما يضام
أعظم فتوحات العرب تشهد لنا=والخيل والسيف المهند والحسام
بواحة الدنيا المراجل كنزنا=ولا لنا بزخارف الدنيا اهتمام
ولو نبي نحصي مآثر مجدنا=جفت الأقلام من وحي الكلام
من حماة الدين يشهد ربنا=راية التوحيد وفرضه والقيام
محمد آل الشيخ ابن عمنا=مجدد الدعوة وراعيها الإمام
التميمي الأصل محمود الثنا=له مكانه في حشا كل الأنام
القبايل كلها تشهد لنا=فعلنا مشهود في وقت الزحام
فعلنا وطيبنا طيب أصلنا=لنا في كل المجالات ازدحام
بالشجاعة والبتاعة فعلنا=مضرب الأمثال لا حل الخصام
العدو نسقيه من كاس الضنا=وينهزم قلبه مثل قلب النعام
العهد هو والوفا منا بنا=ذي سمعتنا بالعهد فعل وكلام
لا سرقنا ولا نقضنا عهدنا=ما تجي منا الخيانة لا حرام
ما ندنس بالرذايل عرضنا=لا نأخذ الرشوة ولا نفعل حرام
بالصخا والطيب وافي مدنا=تجود لا شحة مقاديم الرخام
الطيب ورث من سلايل جدنا=مجودينه ما نبيعه لو يسام
وأهل السبعان ما جاوب وثنا=جارهم وجار جيرانه حشام
عيبهم للظيف تقليط القنا=وجدع راس الشاة وصحون الطعام
وحنا تميم المجد وافي علمنا=ما يدنس عرض واحدنا ملام
فوق رايات المعالي همنا=خدمة الدين وملكنا والسلام
تحت ظل حامي حمانا كلنا=الفهد لا قال قلنا تمام
عز أبو فيصل وعد له ضمنا=كل شعبة اهتنى ونال المرام
وكانت هذه القصيدة في يوم 23/51410هــ .
------ ------ ------ ------ ------ ------ ------ ------
الشاعر : محمد بن فريح العفنان ال مفيد التميمي .
يا مزنة غرا سريع هطلها=تسقي ديار مدلهين اليتاما
ريف الطراقي والمراجل عطلها=لا جت مع البيدا ركاب تواما
ما يرتكي لحمولها الا جطلها=ماهي سواليف الولع والغراما
هذي هي السبعان ما حد جهلها=ديرة هلي وجدودنا والعماما
الأرض اليا رويت كفاها بللها=يا مرحبا يا ربوعنا يالنشاما
يا مرحبا واعداد ما خضر سهلها=واثني تحية خاطري والسلاما
بال المعمر يا حرار بجبلها=ياما انذبح باكوانهم من غلاما
وشاعر تميم اللي بيوته عدلها=تسرى مع العربان في كل عاما
واللي حضر عند المفيد بحفلها=نور على الحفلة ولاهو ظلاما
نحمي جديد علومنا مع سطلها=ياهيه ياللي جاهل بالهواما
العرب تدرا تميم وزعلها=قولة جرير بماضيات العواما
ولاحد يلوم الناس في حب أهلها=ياكود منهم تايهين طغاما
ماهمنا هرج العفون وزللها=غوارب ما هي سواة السناما
------ ------ ------ ------ ------ ------ ------ ------
الشاعر : فهيد بن محمد القعل البراهيم ال مفيد التميمي .
أهلاً هلا ما غرد الورق بالحان=في حفلة آل مفيد واللي حضرها
تحية من قلب مخلص وشفقان=وساعة لقاكم قالها ما ذخرها
تفوح فوح الورد من كل بستان=وتبث أطيب ريح عصرٍ غمرها
بقدومكم غنى لنا الطير نشوان=والأرض حتى عبرت ما عسرها
الروض مخضر من بعد ماضى كان=وبعد العواصف طالعوا في شجرها
بقدومكم هبت لنا الريح ريحان=وثلاثة أعياد السنه نعتبرها
عيدين معروفه على مر الأزمان=وفرحة لقانا اليوم عيد بثرها
لبني تميم أقول شجعان شجعان=وماني لوحدي شاهدٍ في ظفرها
يشهد لها التاريخ من عصر عدنان=وفي كل وقت تفتخر من فخرها
يوم أن عصر الحرب في كل ميدان=لها شهادة عز كلٍ خبرها
وبشعرهم قالوا من الشعر مازان=شوف الفرزدق كم بيوتٍ ذكرها
وعندك جرير وعندك فلان وفلان=ما عدي ألا نقطهٍ في بحرها
وان جيت لهل الدين لكم فيهم إيمان=الدعوة اللي بالجزيرة نشرها
وفيهم كرم وإخلاص وأخوه وفرسان=من فعلهم الخيل ما يقف شعرها
وكل القبايل بالمعارك لهم شان=لاشك في حب الحدث نختصرها
واليوم بين اليوم والأمس شتان=في ظل أبو فيصل بحكمه عمرها
الأمن ساد وشئ واضح بلاعيان=والمجرمين بحكم فهد احتقرها
وسلام ما هلت من المزن هتان=في كف عذرا والذهب في نحرها
------ ------ ------ ------ ------ ------ ------ ------
الشاعر : فهيد بن سلطان البراهيم ال مفيد التميمي .
اهدي سلامي للرجال المشاكيل=بني تميم أهل الكرم والشجاعة
اللي يشيلون الحمول المثاقيل=وضد الجهل حطوا حصون ومناعة
شبابهم ذخر السنين المقابيل=أهل شرف وأهل وفا وأهل طاعة
للضيف ترخص غاليات المحاصيل=من أهل المدن وأهل القرى والزراعة
أهل الشهامة من كبار الرجاجيل=واللي يناسبهم يزود ارتفاعة
ناس ترحب بالضيوف المقابيل=جود وكرم ما هو مجرد إشاعة
أيضا ولا عاشو صغار مذاليل=رجال الشرف ما يعرفون المياعة
نيرانهم وسط المجالس شعاليل=أهل الكرم يوم الفقر والمجاعة
هل الدلال مونسين المعاميل=وكل واحد منهم حسينه طباعة
على دارهم جعله تهل المخاييل=دار الشرف دار الوفاء والبراعة
تشهد على غاراتهم سبق الخيل=مثل الأسود الجايعة بندفاعة
لعقيدة الإسلام ماهم مجاهيل=ما يعرفون النخولة واللكاعة
ولا يعرفون أهل البدع والأباطيل=أهل عقيدة فخرهم بالطواعة
تاريخهم سجل بالأوراق تسجيل=ومحمد الهادى مشوا بالتباعة
عجزت اعبر عن وفاهم بتفصيل=تاريخهم باقي وصعب ضياعة
وعيال القبايل كلهم ما بهم ميل=كل يبحر الجود مبحر شراعة
------ ------ ------ ------ ------ ------ ------ ------
وهذه قصيدة للشاعر : محمد بن علي الرشيدي .
وقد القاها عند ال مفيد في اجتماع بني تميم حيث مدح واثناء على بني تميم...
يا مرحبا وألف هلا وألف مرحبا= عداد ما هلت صدوق المخايل
حياكم الله يوم زرت ربعكم=حياكم الله يا رجال الحمايل
حياكم الله عند راع البدايع=أهل البدايع كاملين الخصايل
بني تميم اللي لها المجد والثناء=بني تميم مطوعة كل عايل
ليا حلت الهيجاء ووارت رحاها=ليا طارت وقت الكون وستر الحلايل
قبل التعارف عارفين فعولهم=فعولهم جزلات ما هن هزايل
اسأل كبير السن يا جاهل بهم=فعولهم تشفى الكبود الغلايل
واللي سأل ما ضاع عن فعل ما مضى=رجال تأخذ من رجال دلايل
فعل الخوير وفعل عثمان باقي=بقت فعول الطيب والعمر زايل
وابن لحيدان كما قيل قبلي=لسواق صنعا شد طوع الرحايل
والله يعز اللي ربينا بظلهم=أمين يا كاسي العظام الهزايل
قول الرشيدي تم يا سامعينه=وأبا أتعذر من جميع القبايل
احد يقع بزلة مادرابها=والفكر ما يحكم بشتى الوسايل
وصلاة ربي عد ما خاض بارق=وأعداد ما هلت صدوق المخايل
=======================================
------ ------ ------ ------ ------ ------ ------ ------
اعذروني على التقصير ...
ولد عمكم ...
ابن عشري بن مانع التميمي
وهلا والله ومسهلا.... ومرحبا...
بعيال عمي..
وصلب جدي..
حياكم الله..
يالقروم...
يشرفني ان اضع بين يديكم هذا الموضوع..
وهي .. ..
بعض القصائد الخالدة ..
وهي بمناسبة أجتماع قبيلتنا العظيمة ( تميم ) في السبعان عند أبناء عمومتهم ال مفيد من بني عمرو بن تميم .
وذلك عام 1410هــ .
والقيت في ذلك الاجتماع الكبير والعظيم بعض القصائد لبعض الشعراء من ال مفيد .
ويسرني ان اضع هذه القصائد بين يديكم الكريمة .
====================================
------ ------ ------ ------ ------ ------ ------ ------
الشاعر : علي بن محسن العلي البراهيم ال مفيد التميمي .
أشرقت بقدومكم شمس ألهنا=نورها يطرد مساحات الظلام
يا هلا ترحيب من قلب أهتنا=وعن هل السبعان ربعي بالتمام
يا هلا باللي من دياره عنا=يا هلا أعداد برق في غمام
يا هلا باللي يشارك فرحنا=نغمة الفرحة يغنيها الحمام
نحمد الله يوم تم جمعنا=البنيخي شوفهم يجلى الغمام
ذي حلاة الوقت يجمع شملنا=ساعة تسوى لها عشرين عام
في وجود اللي لهم قلبي دنا=عيال عم لي عزيزين المقام
علمكم بالطيب نار له سنا=مثل نار فوق عالي في جهام
من خلقت اسمع بكم فخر لنا=يا كبر حظي لفوا عيال العمام
المفيد كبار وإصغار وضنا=كلهم فرحة وترحيب وسلام
يحمدون الله في شكر وثنا=يوم لبيتوا لدعواهم شمام
شوفه الغالين عيد عندنا=عيدنا الثالث عسى يبتل دوام
جدنا أسس لنا مجد وبنا=صرح بالطولات يصعب ما يرام
من قديم الوقت هذا نهجنا=يشهد التاريخ في صدق العلام
مع الصحابة بالمعارك ذكرنا=عن ذروة الإسلام قالوا ما يضام
أعظم فتوحات العرب تشهد لنا=والخيل والسيف المهند والحسام
بواحة الدنيا المراجل كنزنا=ولا لنا بزخارف الدنيا اهتمام
ولو نبي نحصي مآثر مجدنا=جفت الأقلام من وحي الكلام
من حماة الدين يشهد ربنا=راية التوحيد وفرضه والقيام
محمد آل الشيخ ابن عمنا=مجدد الدعوة وراعيها الإمام
التميمي الأصل محمود الثنا=له مكانه في حشا كل الأنام
القبايل كلها تشهد لنا=فعلنا مشهود في وقت الزحام
فعلنا وطيبنا طيب أصلنا=لنا في كل المجالات ازدحام
بالشجاعة والبتاعة فعلنا=مضرب الأمثال لا حل الخصام
العدو نسقيه من كاس الضنا=وينهزم قلبه مثل قلب النعام
العهد هو والوفا منا بنا=ذي سمعتنا بالعهد فعل وكلام
لا سرقنا ولا نقضنا عهدنا=ما تجي منا الخيانة لا حرام
ما ندنس بالرذايل عرضنا=لا نأخذ الرشوة ولا نفعل حرام
بالصخا والطيب وافي مدنا=تجود لا شحة مقاديم الرخام
الطيب ورث من سلايل جدنا=مجودينه ما نبيعه لو يسام
وأهل السبعان ما جاوب وثنا=جارهم وجار جيرانه حشام
عيبهم للظيف تقليط القنا=وجدع راس الشاة وصحون الطعام
وحنا تميم المجد وافي علمنا=ما يدنس عرض واحدنا ملام
فوق رايات المعالي همنا=خدمة الدين وملكنا والسلام
تحت ظل حامي حمانا كلنا=الفهد لا قال قلنا تمام
عز أبو فيصل وعد له ضمنا=كل شعبة اهتنى ونال المرام
وكانت هذه القصيدة في يوم 23/51410هــ .
------ ------ ------ ------ ------ ------ ------ ------
الشاعر : محمد بن فريح العفنان ال مفيد التميمي .
يا مزنة غرا سريع هطلها=تسقي ديار مدلهين اليتاما
ريف الطراقي والمراجل عطلها=لا جت مع البيدا ركاب تواما
ما يرتكي لحمولها الا جطلها=ماهي سواليف الولع والغراما
هذي هي السبعان ما حد جهلها=ديرة هلي وجدودنا والعماما
الأرض اليا رويت كفاها بللها=يا مرحبا يا ربوعنا يالنشاما
يا مرحبا واعداد ما خضر سهلها=واثني تحية خاطري والسلاما
بال المعمر يا حرار بجبلها=ياما انذبح باكوانهم من غلاما
وشاعر تميم اللي بيوته عدلها=تسرى مع العربان في كل عاما
واللي حضر عند المفيد بحفلها=نور على الحفلة ولاهو ظلاما
نحمي جديد علومنا مع سطلها=ياهيه ياللي جاهل بالهواما
العرب تدرا تميم وزعلها=قولة جرير بماضيات العواما
ولاحد يلوم الناس في حب أهلها=ياكود منهم تايهين طغاما
ماهمنا هرج العفون وزللها=غوارب ما هي سواة السناما
------ ------ ------ ------ ------ ------ ------ ------
الشاعر : فهيد بن محمد القعل البراهيم ال مفيد التميمي .
أهلاً هلا ما غرد الورق بالحان=في حفلة آل مفيد واللي حضرها
تحية من قلب مخلص وشفقان=وساعة لقاكم قالها ما ذخرها
تفوح فوح الورد من كل بستان=وتبث أطيب ريح عصرٍ غمرها
بقدومكم غنى لنا الطير نشوان=والأرض حتى عبرت ما عسرها
الروض مخضر من بعد ماضى كان=وبعد العواصف طالعوا في شجرها
بقدومكم هبت لنا الريح ريحان=وثلاثة أعياد السنه نعتبرها
عيدين معروفه على مر الأزمان=وفرحة لقانا اليوم عيد بثرها
لبني تميم أقول شجعان شجعان=وماني لوحدي شاهدٍ في ظفرها
يشهد لها التاريخ من عصر عدنان=وفي كل وقت تفتخر من فخرها
يوم أن عصر الحرب في كل ميدان=لها شهادة عز كلٍ خبرها
وبشعرهم قالوا من الشعر مازان=شوف الفرزدق كم بيوتٍ ذكرها
وعندك جرير وعندك فلان وفلان=ما عدي ألا نقطهٍ في بحرها
وان جيت لهل الدين لكم فيهم إيمان=الدعوة اللي بالجزيرة نشرها
وفيهم كرم وإخلاص وأخوه وفرسان=من فعلهم الخيل ما يقف شعرها
وكل القبايل بالمعارك لهم شان=لاشك في حب الحدث نختصرها
واليوم بين اليوم والأمس شتان=في ظل أبو فيصل بحكمه عمرها
الأمن ساد وشئ واضح بلاعيان=والمجرمين بحكم فهد احتقرها
وسلام ما هلت من المزن هتان=في كف عذرا والذهب في نحرها
------ ------ ------ ------ ------ ------ ------ ------
الشاعر : فهيد بن سلطان البراهيم ال مفيد التميمي .
اهدي سلامي للرجال المشاكيل=بني تميم أهل الكرم والشجاعة
اللي يشيلون الحمول المثاقيل=وضد الجهل حطوا حصون ومناعة
شبابهم ذخر السنين المقابيل=أهل شرف وأهل وفا وأهل طاعة
للضيف ترخص غاليات المحاصيل=من أهل المدن وأهل القرى والزراعة
أهل الشهامة من كبار الرجاجيل=واللي يناسبهم يزود ارتفاعة
ناس ترحب بالضيوف المقابيل=جود وكرم ما هو مجرد إشاعة
أيضا ولا عاشو صغار مذاليل=رجال الشرف ما يعرفون المياعة
نيرانهم وسط المجالس شعاليل=أهل الكرم يوم الفقر والمجاعة
هل الدلال مونسين المعاميل=وكل واحد منهم حسينه طباعة
على دارهم جعله تهل المخاييل=دار الشرف دار الوفاء والبراعة
تشهد على غاراتهم سبق الخيل=مثل الأسود الجايعة بندفاعة
لعقيدة الإسلام ماهم مجاهيل=ما يعرفون النخولة واللكاعة
ولا يعرفون أهل البدع والأباطيل=أهل عقيدة فخرهم بالطواعة
تاريخهم سجل بالأوراق تسجيل=ومحمد الهادى مشوا بالتباعة
عجزت اعبر عن وفاهم بتفصيل=تاريخهم باقي وصعب ضياعة
وعيال القبايل كلهم ما بهم ميل=كل يبحر الجود مبحر شراعة
------ ------ ------ ------ ------ ------ ------ ------
وهذه قصيدة للشاعر : محمد بن علي الرشيدي .
وقد القاها عند ال مفيد في اجتماع بني تميم حيث مدح واثناء على بني تميم...
يا مرحبا وألف هلا وألف مرحبا= عداد ما هلت صدوق المخايل
حياكم الله يوم زرت ربعكم=حياكم الله يا رجال الحمايل
حياكم الله عند راع البدايع=أهل البدايع كاملين الخصايل
بني تميم اللي لها المجد والثناء=بني تميم مطوعة كل عايل
ليا حلت الهيجاء ووارت رحاها=ليا طارت وقت الكون وستر الحلايل
قبل التعارف عارفين فعولهم=فعولهم جزلات ما هن هزايل
اسأل كبير السن يا جاهل بهم=فعولهم تشفى الكبود الغلايل
واللي سأل ما ضاع عن فعل ما مضى=رجال تأخذ من رجال دلايل
فعل الخوير وفعل عثمان باقي=بقت فعول الطيب والعمر زايل
وابن لحيدان كما قيل قبلي=لسواق صنعا شد طوع الرحايل
والله يعز اللي ربينا بظلهم=أمين يا كاسي العظام الهزايل
قول الرشيدي تم يا سامعينه=وأبا أتعذر من جميع القبايل
احد يقع بزلة مادرابها=والفكر ما يحكم بشتى الوسايل
وصلاة ربي عد ما خاض بارق=وأعداد ما هلت صدوق المخايل
=======================================
------ ------ ------ ------ ------ ------ ------ ------
اعذروني على التقصير ...
ولد عمكم ...
ابن عشري بن مانع التميمي