قصيدة "تميم " للشاعر محمد الفارس

[عمروالندى]

سلام ياهامة مضر تميم ياربعي تميم=الأوله حنا لها والثانيه حنا لها
سلام ياسيف على الارقاب يضرب فالصميم=لاثارت الهيجا سناد طيب الله فالها
برد وسلام للرفيق وللعداء نار الجحيم=لاجا نهار الكون شبت والحطب يعبالها
حنا هل الراي الحكيم إذا كفا الراي الحكيم=وان كبرت القالات حنا ياعرب جهالها
من باب صنعاء في اليمن للشام للسور العظيم=للمغرب لتونس موريتانيا وجبالها
يادوحة في ظلها الوارف يقيم اللي يقيم=الجار هو الضيف والعاني يريف بجالها
من قال اشد الناس للدجال والهايم يهيم =من قال هم قومي وهم هامة مضر من قالها
من قال سيد اهل الوبرغير النبي المستقيم=الهادي اللي نور العتمه وفك اغلالها
يشهد لنا التاريخ بعصور الجهاله من قديم=يوم الحروب الطاحنه تسربلت سربالها
ويشهد لنا عصر النبوه عند زمزم والحطيم =ندرى عن الدين الحنيفي والعرب بافعالها
مغازي فيها من الاهوال مالله العليم =فيها يشيب الطفل والنسوه تكب عيالها
يانسل قيس ونسل عمرو ونسل الاحنف والعديم =الصارم القعقاع يوم الفرس رد افيالها
وحنا هل الدعوه على الاوثان وابليس الرجيم=لين اصلح الله شان الامه واصلح الله حالها
وكل القبايل فيهم الطيب حشيم من حشيم=تستاهل البيضاء على روس الرجوم رجالها
ماهي هداريس الظلام ولاسواليف الحريم=فيها علوم تقعد الغافين من عقالها
والا الردي ماني كفيل له على الفعل الذميم=اللي جبين الحر لا منه لحظ يندا لها
يالله تعز الدين والاسلام والشرع الحكيم =وتصون دولتنا وترفع يالولي منزالها
وحكامنا يرفعون السيف والشرع القويم=اللي يردو اللعدا بافعالها وبالها
وانك تهين الكفر واللي زاد واطغاه النعيم=والنملة السوده تريش لاقترب زواله
ماجيت افاخر غير بسلوم القبيله ياتميم =ياراس مالي لفتخر غير بروس اموالها

للشاعر محمد بن عبالرحمن الفارس - روضة سدير

[راع الاوله]

كما تعودنا منك اخوووي عمرو الندى مبدع فى كل شى واختيارك للشاعر الفارس دليل على ذوقك الراقى

ويعطيك الف عافيه ونتمنا منك المزيد

اخوك سداح تميم

[المسور بن عباد]

شكرا ياعمرو الندى على هذه القصيده وعلى اثرائك للمنتدى بماهو جديد ونافع ولقد سمعتها من نفس الشاعر وكان رائع في الالقاء ولاعجب فقد كتن يملك رصيد لاينضب من المفاخرات

[تركي]

الصراحة الشاعر محمد بن فارس البوسعيدي مخفي نفسه عن جمهور متعطش وشريحة كبيرة من شباب تميم .


بودي لو كان معنا في هالمنتدى وأثرانا بجديده كما هو الشاعر المبدع علي بن عينين العبدلي .

[صقر تميم]

لأزيد على كلام الأخوان سوى أنك رااااائع في أختياراتك للشعراء الكبار وذوقك الرائع وشكرا لك ولأخفي شوقي أن أرى الشاعر محمد الفارس في هذا المنتدى كما قال أخي تركي...

[عمروالندى]

الاخ سداح تميم : شكرا لك على كلماتك الرقيقه

الاخ المسور بن عباد : لاشك ان الالقاء له دور في ايصال القصيده بالصوره التي يريدها كاتبها ...شكرا لك

الاخ تركي : اشاركك الامنيه بأن يكون معنا ...شكرا لك

الاخ صقر تميم :شكرا لك على مشاركتك وتشجيعك

[تركي]

يرفع للاعطال التي حصلت .

[الناصري التميمي]

صح السانك ولسان قايلها يابوماضي
قصيده رائعه لشاعر مميز نتمنى ان نراه دائما
المبدع محمد الفارس المزروعي التميمي امنيه ان نراه يشارك معنا ويطرح جديده
الف شكر على القصيده الجزله

[أحمد البكر"]

لاهنت يا أخوي عمرو الندى
وصح لسان أخونا الفارس

[راعي سميراء]

شكرا لك عمرو الندى صح اختيارك..
وصح لسان الشاعر ...
بما اني عضو اصوت للقصيدة للتثبيت ....
دمـــــــــــــــــتم

[سطام الشبرمي]

الغالي ..عمرو الندى

نقل رائع للشاعر .. محمد بن عبالرحمن الفارس

وسلمت يمينك


تحياتي

[محروم]

صح لسان ابن فارس..

فارس الشعر..

قصيده جزله ورائعه..

لشاعر متمكن..

ومشكور ياعمرو الندى..

على النقل والتواصل..

أجمل تحيه..

[اديب الناصري]

صح لسانك وصح لسان قايلها

تحياتي

[ثار التميميه]

صح لسانك ولسان شاعرها

[تمام التميمي]

صح لسانك ولسان شاعرها

[نجديه]

قصيده ولا أروع لشاعرنا الفارس

ولاهنت ياعمرو الندى على هالاختيار

[المساور]

من يفيدني عن أسباب عدم ظهو ر القصيدة
وله مني الدعاء