مساعده في بلوتوث الكمبيوتر

[خالد الشبرمي]

السلام عليكم ورحمة الله وبركاته

مساءا لخير جميعاً


ياليت أحد يفيدني حيث أنني إشتريت جهاز محمول وبه بلوتوث لكن لم أستطع أن ارسل من الكمبيوتر إلى الجوال

ارجو التوضيح كيفية الطريقة بالتفصيل الممل ولو إني أتعبتكم معاي


وتقبلوا تحياتي

[تميمي سدير]

يا هلا اخوي .. خالد الشبرمي !!

أن شاء الله بخير ..

طريقه انك ترسل .. من المحمول الى الجوال و العكس .. هي كالتالي !!

------------ ------------

أكيد الوصله اللي في المحمول وصله ليز يعني ir .. هذي اخوي ما يبغا له لا برامج و لا اعدادات !!

( فأذا كان جوالك .. البانداا ) >>> فهذه هي الطريقه !

فقط شغل وصله ir اللي بالجوال حقك .. و حطه بجانب وصله المحمول .. و سوف يطلع لك بسطح المكتب برنامج اسمه ( إرسال الملفات إلى كمبيوتر آخر ) !!

تقدر بها البرنامج ترسل الى الجوال ملفات .. اما اذا بغيت ترسل من الجوال الى الجهاز فما عليك الا انك ترووح للملف و تضغط عليه و اختر ارسال عبر ir و طبعاً تحط الجهاز يم الوصله حقت الكمبيوتر و هو راح يرسله على طووول !

أمـــا ( أذا كان جوالك من الجوالات الجديده الفارس و طقتها ) >>> فهذه هي الطريقه !

بها الجوالات ما فيه وصله ir يعني لازم و صله سلك و هذي الوصله دائماً تجي مع الجوال هي و cd تعريف !!

و ها الجولات شغلتها شغله . فأذا كان جوالك منها عطني خبر انزلك الشرح بالصور افضل !!

[~لـيــــل~]

ياطويل العمرر

فيه بعض اللاب توب فيها بلوتوث موجود وهذا يتيح لك عدم
شراء الوصله الخاصه في البلوتوث الي تترواح قيمها مابين 75 الى 110 ريال ..

وطريقة التشغيل في الجهاز
هي تروح الى اي ملف بترسله لجوالك وتفتح البلوتووث ..
وبعدين تضغط عليه بالماوس الايمن وبعدين تروح الى ارسال الى ..
وتحصل ايقونه البلوتوث الزرقااااء تفتح عليها ويطلع لك مربع
فيه البحث عن اجهزه او غيرها من الكلام .

تبحث ويطلع لك الاجهزه الي موجوده وبعدها تسوي انت ارسال او نيكست
وتضيف رقم على اساس يفتح للشخص الثاني كارقم 1 او اي رقم تختاره
او بدون رقم ترسل على طول ..

وهذى هي طريقته ..

اذا حاب تغير مسار الملفات المنقوله او المستقبله للجهاز عن طريق البلوتوث
تروح الى لوحة التحكم وتفتح البلوتوث وتغير ..

او تحصلها تحت في شريط البدء على اليسار وتضغط بالماوس الايمن عليها
وتغير كل شي تبيه عنها حتى الاسم ..

وهذا اعتقد كل شي ...

اما اذا كان ما عندك بلوتوث في اللاب توب لابد ماتشتري الوصله ..وتشبك عليها
وترسل عن طريقها ..

وبعض اللاب توب يوجد فيها برنامج البلوتوث ولكن مايرسل ولا شي
وهذا مجررد ان البرنامج السيت اب حقته او الاعدادات محمله عندك بالجهازز .
وهذا لازم لها وصلة البلوتوث ..

لكن اذا جهازك فيه بلوتوث خلاص نفس الطريقه الي ذكرتها وبس ..

وهلا فيك

[خالد الشبرمي]

يتعذر إكمال معالج نقل الملفات لـ bluetooth
لم تنجح عملية نقل الملفات

انا جهازي فيه بلوتوث واضغط على الملف اللي أبي ارسله يمين ثم أختار إرسال إلى جهاز بلوتوث وأسوي بحث ويطلع رمز جوالي بالبلوتوث

لكن تظهر لي الرساله المدونة أعلاه


وش الحل ياأهل الخير


ومشكورين على تواصلكم وماقصرتوا


وتقبلوا تحياتي

[محروم]

هلا أبو وليد قبلك أنا..

عقدني البلوتوث بجهازي..

لين رحت لشبكه الكمبيوتر وحلو لي المشكله..

بس اذا الدمعه في وصله آير أستخدمها لين يفرجها ربي..

أجمل تحيه..

[عبـدالرحمن]

السلام عليكم

اخوي خالد والاخوان

انا صار معي نفس كلامك ورفض انه ينقل لي مجلدات من جهاز الي جهاز ثاني

الي سويته

اني دخلت جوى الملف وسويت تحديد الكل ثم كلك يمين وارسل الي بلوتوث سواء جهاز ثاني او جوال
وانحلت المشكله وارسلها

يعني مجلد كامل ما يرسل

هذا والله اعلم

[خالد الشبرمي]

يعطيكم العافيه

انا مارسل مجلد ارسل الملفات فقط اللي جوا

والظاهر زي ماقال محروم لازم اودي الجهاز لمحل الكمبيوتر


وتقبلوا تحياتي

[Saad Rajhi]

أخي العزيز:

جرب أن تعرف الجهازين على بعض أولاً (غير مطلوب في الأحوال العامة ولكن في حالة تعثر الإرسالات يفيد أحياناً)

Try coupling your mobile with your Laptop

Go to My Bluetooth Places

Select Find Bluetooth Devices

You'll find your mobile, then double click and you'll (mostly) be asked to select a pin code

After selecting the code, your mobile will ask you for the code

Your done


الآن تستطيع مشاهدة الملفات التي بجوالك وسحب أي شئ منها أو إرسال أي شئ

الطريقة أعلاه للربط بين الجهازين (المفروض إمكانية الإرسال بدون ذلك ولكن ربما يحل ذلك مشكلتك)

[خالد الشبرمي]

السلام عليكم

يعطيك العافيه أخي سعد والحمد لله وديت الجهاز للمحل اللي شريته وضبطه لي والآن ارسل


وتقبل تحياتي