وش قصة تحديد المواقع

[التميمي(2005)]

السلام عليكم:

انا تفاجاة امس ان جوالي طالع اسم المنطقة الي انا فيها وش هذي الخدمة مع العلم لم اشترك فيها

[الهلالي]

اخوي وين طلع لك عشان اقدر اخدمك اذا كان جوالك من الهواتف الذكية ففيه برنامج يجي معها اسمه الموقع هذا يتم فيه تحديد الموقع من قبل الشخص الي يتصل بك او تتصل عليه وهذي خدمه تطلبها من قبل شركة الاتصالات بس الي اعرفه ما اشتغلت الى الان


يعني الواحد الي يقول لاهله رايح مكه اعتمر ومن هناك مسافر برا بواسطة خدمة الموقع يقدرون الاهل يكفشونك يعني وين بتروح :)

[Saad Rajhi]

أخي العزيز:

حسب علمي لا يجب أن يكون جوالك من الهواتف الذكية وهذه الخدمة تعمل وإن كنت لا تجري مكالمات.


المبدأ يعتمد على خلايا الجوال فالجوال كما تعلمون نظام خلوي يتألف من خلايا كل خلية لها برج أساسي (base station) يتحكم بالجهاز ويوجه له المكالمات أو الرسائل كما يراقب موقعه بإرسال رسائل صغيرة كل فترة (ضع جوالك بجانب شاشة الحاسب ولاحظ ما يجري بعد عدة دقائق) كما يتحكم البرج بنقل التحكم (في حالة خروج الجوال عن نطاق البرج) إلى برج آخر (handoff) فبذلك تستطيع شركة الإتصالات تحديد موقعك بمعرفة البرج الذي يخدمك



ولمزيد من الدقة (عدة أمتار) ولكن مع بعض التعقيد التقني تستخدم الموجات الصادرة من الجوال لتحديد موقعه الدقيق (غالباً في بعدين فقط)


اتوقع أن تحديد المواقع الحالي بالطريقة البسيطة (معرفة البرج الذي يخدمك) والموقع يظهر في جهازك مكان (الشبكة: KSA Al JAWWAL)

هذا والله الموفق...

[~لـيــــل~]

هذي الخدمه اطلقتها الاتصالات السعوديه
وهي تخدم الاشخاص الي يتواجدون في اي منطقة ولا يعرفون اسمها .

او اي شخص قادم للرياض يطلع له رساله صغيره تبين له انه في الحي الفلاني ..

وهذي الخدمه الان متوفره في بعض مناطق الرياض .

وهي لما تكون في اي حي او برج وقامت الاتصالات ببرمجته باسم الحي
يطلع لك باللغه العربيه والانجليزي .... حي المرسلات وبجنبها الكلام بالانجليزي .

وهذي هي الخدمه . طبعا هي خدمه حلوه .

لكن الي اشين انه احتمال يطبقون خدمة تحديد المواقع
والي لما يتصل عليك احد يبين له انك في المكان الفلاني ..

ومثل ماقالوا فوق لو تسافر برى وتقول ان في مكه والا جده مثل العاده
يقولون ايه كثر منها ..

وهذا وكل شي

[غيمة العارض]

حلوه هالخدمه انا طالعه عندي من ثلاث اساابيع
واول ماشفتها خفت حسيت ان احد عرف وين انا ههههههه
بس الخدمه مميزه وبتخدم الناس الي ماتعرف وين الله حاطها

[راع الاوله]

شي جميل والله


بس الغريبه انه ما اعلنوا عنها



طيب هل هي لاجهزه معينه


وكيف الاشتراك فيها ؟؟؟


وانا نوع جهازي نوكيا " الباندا"


اقدر اشغل ذى الخدمه ؟؟؟ولا لا

:)