الا يا وجودي وجد عود عليه ديون

[الصنديد]

الا يا وجودي وجد عود عليه ديون ............... ولا له على الدنيا رفيق عضيد له
يشد العزم ما ود ان العرب يوحون ................ وهو والله انه بالحشا ينس العله
سريع القرا للضيف ماهوب يرضى الهون.........لكن الزمان الشقلبي صار ضدله
وجودي وجوده يوم فكرت في ذا الكون ...........وشفت اختلاف الاوضاع مختله
تذكرت وقت للبداوه على قانون ...................قوانين بدو تشفي الصدر من غله
لهم صوله وجوله وكل العرب يدرون ..........ولا منهم اللي عاش بالغبن والذله
يا جعل يسقى يوم عاد البدو يردون...............على العد والوراد يسقي بدلوله
نشوف العذارى بالمقانع والمقرون...............وقدر تحويله على الراس وتشله
وياجعل يسقى يوم عاد البدو يندون..............بروس المضامي في حميض وفي خله
ولا يذكر الراعي ولا سقس ابوغليون...........بداوه بداوه رغبت القلب ودوى له
وياجعل يسقى قبل وسط القرى يبنون ...........قبل مانعرف مخطط السور والفله
ويا جعل يسقى يوم بيت الشعر مصيون........كبير الرفاف اللي زها الحجب والخله
تغير وبدل عقب ما هو عديم اللون..............وحطو كارافانن على سطحته سله

الشاعر:فالح الخنفري.............

[الضبــــــي]

وجودي وجوده يوم فكرت في ذا الكون ......وشفت اختلاف الاوضاع مختله
تذكرت وقت للبداوه على قانون ..............قوانين بدو تشفي الصدر من غله
***********
فعلا في هذا الزمان ذهب التكاتف بين افراد الاسره الواحده

فما بالك بالمجتمع ..الله المستعان

أخوي الصنديد

فعلا كلمات معبره بوركت

تقبل تحياتي

[السفير]

صح لسانك ويعطيك العافيه

[صقر تميم]

صح لسانك

ونتتظر ابداعاتك الشعرية في الشعر الخاص

تحياتي لك

[تركي]

صح لسانك يالسنافي يالقرم .


قصيدة جزلة وقاف قوي تسلم على الإختيار ياعبدالله .