ديوان الشاعر/عبدالله الخضيري التميمي

[راعي الخطامه]

نبذه عن الشاعر سوافيكم بها لاحقا


سوف اقوم بنقل قصائد الشاعر من منتدى سدير

[راعي الخطامه]

قالو علامك تنثر اليوم عبرات


قالو علامك تنثر اليـوم عبـرات=قلـت السبـب ياليتكـم عارفينـه
امسح دموعي والحشى فيه حـرات=اكثر مـن اللـي زود الهـم دينـه
اربع ليالي يصبح الصبح مابـات=واربع ليالـي فاتـحٍ جفـن عينـه
ياليت وقتٍ كنت ويـاه مـا فـات=يوم اسفهل لاشفـت غـرة جبينـه
واليوم يامجمول هيهـات هيهـات=اللي بلاه الحـب راحـت سنينـه
ياليت من ياخذ مع الزين سجـات=وما حال حظ الياس بينـي وبينـه
هذا القدر والحب لاشـك لوعـات=اللـي تولـع بالهـوىالله يعينـه
يازين لك من معجبٍ بك تحيـات=واغلى سلام القلب لـك مرسلينـه
راحت علوم اقصار وجتنا طويلات=والوقت يخلف مع قساتـه ولينـه
ارحم رحمك اللي سمك للسمـاوات=مبعد وقلبـي مـا توانـا حنينـه
يازيـن حبـك مظهرٍللخفـيـات=واليا كتمـت الحـب والله غبينـه
ماهمني من قال مافات قـد مـات=اذنٍ بها طينه والاخـرى عجينـه
راح العمر ما بين روحه وجيـات=النفس خفت عقب ماهـي رزينـه
ياهيه قلبي يشتكي فيـه حسـرات=وش عقب وقتٍ فايـتٍ صابرينـه
اطلب تدلل كـل آذانـي صغيـات=ماهمني لرضـاك حاجـه ثميتـه
ما غيبك عنـي بعيـد المسافـات=صورك ما بين الضلـوع الدفينـه
في وحدتـي اداعبـك بالخيـالات=والزين ساجنـي بداخـل كمينـه


عبدالله الخضيري

[راعي الخطامه]

والله ياانك تسحر اللـي يلاقيـك=واللي رزين العقل شوفك يضيعه
يصبح سواة الظل جنبك يباريـك=وقلبه معك ماخذه ماهي وديعـه
كل مااتغزل فيك يكثـر تغليـك=وترمي على قلبي سيوف قطيعـه
اصبح غرورك والكبرواضح فيك=حيثك عنا قلب المعنـى وربيعـه
ارفق عليّه جعل ربـي يخليـك=لو التغلي فـي سواتـك طبيعـه
انا تراني كـل لحظـه احييـك=وقصور حبك شامخـات رفيعـه
والله احبك واسفهل عند طاريـك=واذني على مارد صوتك سميعـه
انتَ سوات الشمس بين المفاليـك=تغاب من نورك نجـوم سطيعـه
لاحام هاجوس المشاعر يدنيـك=حتى يلامس للجـروح الوجيعـه
ياسيدي ياسيـدي لـك مماليـك=عبـد يحبـك تشتريـه وتبيعـه
اطلب تدلل وش يريـده معاليـك=الجوف كله من غرامـك وليعـه
ماني من اللي حب هاذي وهاذيك=ولاني من اللي حب خله يذيعـه
محبتي لـك ماتجيبـه محاريـك=وماتاخذه كل الفجـاج الوسيعـه
وماتختلف لوصارفالشمس تشكيك=غابت ضحى يومٍ نراها شريعـه

[راعي الخطامه]

عودتني وصلك واناصـرت معتـاد=ساعه وصالك يالغضى كنهـا عيـد
كلما تأخـر يصبـح القلـب وقـاد=ونار الهوى تكبر الى شفتـك بعيـد
داويت بعدك بالصور بـس مافـاد=وضميتها فوق الحشى كـوده يفيـد
واصبحت أقلّب صورتك والأسى زاد=طرد السراب لضامي الريق بيزيـد
يامقشر اللي جاعـلٍ قربـك بعـاد=ماجتني الدنيا علـى كيـف ماريـد
كل مانهيت القلب عن حيكـم عـاد=وكل مانويت الرجل تقفي بهـا قيـد
كانك تظن الحب ضحـكٍ ومقعـاد=والا كـلامٍ بيننـا فـيـه تـرديـد
فالحب جمرٍ يتقـد وسـط الاكبـاد=ومن الهوى ناحـو وغنّـو بتغريـد
ماكنت افكـر قاسـي القلـب ينقـاد=وقدته بحبل الـود والعـام صنديـد
من عقبكم عن لـذة العيـش زهـاد=رضاك يرضيني ولانيـب جحّيـد
واختامها يحماك مـن كـل حسّـاد=رب المـلا يكفيـك شـر المقاريـد




الشاعر/ عبدالله الخضيري

[راعي الخطامه]

سلم سلام العيد مع جملـة النـاس=وانـا تمنـى يـوم سلـم لحالـه
وعقب اللقاء خيم على قلبي اليـاس=ياحظي اللي طاح ماطـاب فالـه
اقفيت مدري والحشا فيـه مقبـاس=ياقلب خل الحـب مالـك ومالـه
واشّر حبيبي قال لي قلت محتـاس=مدري حبيب القلـب والا ضلالـه
قال السلام اليا اختلينا له احسـاس=نغاب عن عيـن الحسـد والنذالـه
سلامكم ياصاحبي يصمد الـراس=وقلب المعنا يـوم شافـك دوا لـه
حياك ياعيدٍ ولافـرح الاعـراس=يـوم المعنّـا زان بالعيـد حالـه
عيدي معك ماله حدودٍ ولاقيـاس=شوفـك عيـدٍ ياحسيـن المقالـه
لاغبت كن العيد في داج الاغلاس=ارجيـك ياعيـدٍ جمعلـي دلالـه
ارجيك مثل اللي رجا ينع الاغراس=لاتقاطع اللي صورتك في خيالـه
عين تشوف العين عـزٍ ونومـاس=ماهوب في الهاتف وكتب الرساله
كلش يهون ولجلكـم دوم ينـداس=بيّنـت ماكنّيـت ماهـي حيالـه





الشاعر/عبدالله محمد الخضيري

[راعي الخطامه]

جيت المنازل خاليه والقـدم حـار=وقفت اطالـع وش توالـي عبرهـا
وجيت باب البيت ما خـف مـرار=جيت اشوفـك تفتحـه يـا قمرهـا
وهيضت ما بالقلب والدمـع نثـار=وظنيت دمع العين يمسـح نظرهـا
وصوت بعالي الصوت يادار يادار=وعيني من الذكرى تهامل مطرهـا
اطلالها في داخـل القلـب مسمـار=يا حيف ربع القلب خلـت ديرهـا
وجلست فوق الحيل منسي و محتار=احباب قلبي مـا بقـى الا سيرهـا
يا قلب لو تعلم تصاريـف الاقـدار=ان كـان تاخـذ لليالـي حـذرهـا
ارعى السواقي كاد القى لهـا اثـار=يا قسيها مـن يـوم غبـت اثرهـا
يا طير يا خفاق لا صـرت طيـار=رد السـلام لـدار خـل عمـرهـا
وانثر عبير الشوق مع عبيرالازهار=كاده يشمـه مـا نداهـا ومطرهـا
قله حبيبك فـي محلـه لـه اعبـار=لو هلها في وسـط دارك غمرهـا
يا دارهم ردي على صاحـب بـار=بره بخله فـي المحاسـن ضمرهـا
يـا دار خلـي حدثينـي بالاخبـار=النفس ملهوفه علـى اللـي اسرهـا
هاك الليالي يوم الاحبـاب سمـار=انا و غيري مـع حبيبـي سمرهـا
هذا ليالي الوقت حلـو مـع حـرار=تقفي وتقبل عسرهـا مـع يسرهـا
الحـب مثـل النبـت زهرونـوار=نسقيه بواد القلب ونقطـف ثمرهـا
يا شبه ريـم كـل مـا يلتفـت ذار=تومي بقلبي يـوم تومـي بشعرهـا
ابو خـدود لونهـا لـون محمـار=يفلق جبينـه مثـل فلقـه سفرهـا
يا ما حلى هاك النحر مثل الابـدار=و عود كما مـوز جذبهـا ثمرهـا
مانيب مظهر وصفها خوف الاشرار=تدري بهـا وقـول منـه ومرهـا
عساك ما تبلى بحـب لـه اسـرار=الحب مثل النـار تاكـل خضرهـا
توي عرفت فراقهم صايـر حـار=يومي اطالـع واتخيـل اصورهـا
يا دار عيني تنثـر الدمـع مـدرار=صارت خوالي عقب عز حضرهـا
قولي عن اللي قد قضينا وش صار=مدري تـوري بطنهـا او ظهرهـا
ما كنهم عاشوا بها صغار وكبـار=اقفـوا وخلوهـا هشيـم شجرهـا
وين البيوت العامـره ويـن الادوار=اللـي رواشنهـا كثـار اسفـرهـا
وين الدلال الصفـر داخـل وجـار=وين المساقـي ويـن لـذة اقربهـا
باقي من المجمـول ذكـراه تـذار=لاشفت باقي الدار وباقـي حجرهـا




الشاعر/عبدالله محمد الخضيري

[راعي الخطامه]

دن القلم واكتب تماثيـل وسطـور=يقولهـا اللـي بالتماثيـل هـاوي
احدٍ بهالدنيا على كيـف وسـرور=واحدٍ من الحسـرات ذاق البـلاوي
واحدٍ على كثر الغرابيـل ماسـور=واحدٍ غريـر وضيّعتـه الهقـاوي
واحدٍ سرى في عسعس الليل مجبور=وسط الفيافي مالقـى لـه مخـاوي
واحدٍ غشاه الهـم والديـن وفقـور=الموت عنـده والحيـاة متسـاوي
اليوم عنده صايرٍ قطعـة شهـور=اصبح طريح الحيل ماهوب قـاوي
واحدٍ بليس الخلق هـاذاك مدحـور=هرجه على الوجهين للشـر نـاوي
يضحك بوجهك والقفى فيه ناشـور=يالله عسى بالخلق مالـه عـراوي
واحدٍ غشيم وينطبق قولتـك ثـور=وان قلت هالخرتيت جبت الحراوي
واحدٍ يطاير كنه طيـار عصفـور=والا كما الخاطوف قبلـه عنـاوي
يركض وكنه ماسك وسط خنبـور=ولاخالط الرعيان عصر الشـواوي
واحدٍ يحب الخير للخيـر مامـور=يشفيك راع الطير طيـر النـداوي
لاشاف وقتك جارحك جرحة الزور=جالـك طبيبـك ماتعـذر يـداوي
يشفيك راع الطيب بالطيب مخبور=طلـق حجاجـه ماتربـى فـداوي
ولد الردي حذراك وان قيل دكتور=ماينفعك ولد الضراوي ضـراوي
ماينغزى به هايث النفـس ثرثـور=فعله قليل وكـل هرجـه رهـاوي
واحدٍ لقوف وماخـذٍ زود ناظـور=كنـه وكيـل ادم تشوفـه يـلاوي
يالله عسى بين المخاليـق مثبـور=يصبح عليل وكل عمـره عمـاوي
واحدٍ يحب الجـار ديـنٍ ومقـدور=لامن دعاه الجـار مـد الخطـاوي
واحدٍ على جاره غرابيـل وقهـور=يسب جـاره والمشاكـل شهـاوي
واحدٍ على ربعه كما ريف وزهور=ذرى هبوب القيظ لاهـب شـاوي
واحدٍ عديم المنفعـه قبلـه عـذور=لو جوله الاخوان بـدّى الدعـاوي
واحدٍ تجيه الناس في صف طابور=يكرم لماله كـل عمـره قهـاوي
لو كان مابه ديـن لابـد مذكـور=ماهيب تدري والبـلاوي غطـاوي
ولابد مال للحي وان عاش مقبـور=الرابح اللـي مايطيـع الشهـاوي




الشاعر/ عبدالله الخضيري

[راعي الخطامه]

ياخادم البيتيـن لابـاس لابـاس=ياتاج شعـب المملكـه ياسعدهـا
فرحة شفى فيها وفا مالها قيـاس=شعبك تهنى بصحتـك ياعمدهـا
شعبك جسد وانت على متنه الراس=في قلوب شعبك يانظرها ويدهـا
عليك من رب المخاليق حـراس=تحفظك من شر البرايا وحسدهـا
انت الأبو انت على جملة النـاس=خيرك مغطي للنجـوم وعددهـا
انت الرحوم اللي على الكل حساس=الله يحفـظ للسعـودي فهـدهـا
العافيه يافهدنا فـوق كـل بـاس=نعمة عوافي كـل مسلـم حمدهـا
ياغيث يامروي هشيـمٍ ويبـاس=مدّات كفـك كـل حـيٍ شهدهـا



الشاعر عبدالله محمد الخضيري

[راعي الخطامه]

دون الوطن ناقف ولو صار ماصار=الناس ترخص روحها في وطنهـا
سقنا على شان الوطن غال الاعمار=روح السعـودي فاللـوازم رهنهـا
من شان عز بلادنا ناطا الاخطـار=اجسادنـا تربـة وطنّـا كفنـهـا
نرفع علمنا عالـيٍ فـوق الاقطـار=شعـب وفـيٍ رايتـة احتضنـهـا
نارد حياظ الموت في الموقف الحار=سقنا حياة الروح في الـذود عنهـا
دونه رجـالٍ والفهـد ابنـه البـار=حب الفهد كـل الضمايـر سكنهـا


الشاعر / عبدالله الخضيري

[راعي الخطامه]

بيني وبينك صارت اكبر قضيه=ان كان ودك نبحث اللـي دفنـاه
اقرب ونار الحب في الجوف حيه=بعنا هوى غيرك وحبك شرينـاه
حكمك رضيته لو ماجبت سيـه=وقصدك عرفته لاتفكر نسينـاه
احسنت ظني واحسن الظن فيـه=الجمر من شانك لك الله وطينـاه
لو جبت مال الكون لم في يديـه=وعليه قلبي قلت لي مارضينـاه
عطني خيوط الدرب لاتروح بيه=عسر المراقي لجل عينك رقينـاه

[راعي الخطامه]

تهيّضت والعبرات من محجـري تنهـل=على اللي يحول الياس من دوني ودونـه
وانا كان خلي جاني افـرش لـه الـزل=وارمي الزهر بالخد يمسـح بـه ردونـه
والى من سحب ردنه عليه الحشـا ينتـل=اتـل ويتـل ومعـه نــاسٍ يتلـونـه
تذكّرت هاك الوقت من عصرنا اللي زل=واناارجيك رجوى البدو في صادق مزونه
وانا خايل البرّاق وبـرق الحيـا ماهـل=عليه الدمـوع تهـل مـن زلّـة حتونـه
الا واعنايـه والحشـا بيـن فتـل وفـل=وقلبي على خلّي كمـا اللـي يعصرونـه
حبيـب رحيـبٍ شوفتـه دوم ماتـمّـل=هنـي اللـي دومٍ عنـد خلـي يشوفونـه
نهـارٍ قفـاه الليـل مظـلـم ومنـفـل=يضيّع رزيـن العقـل لاسلهـم عيونـه
وعقلي على ماشفت من صاحبي مختـل=وانا قبل اعرفه عاقل وصـرت مجنونـه
تجيك الشكاوي ردّهـا يالغظـي بالحـل=وهي مـن كريـم المستحـقٍ تعرفونـه

[راعي الخطامه]

لاينزعج خاطرك مامنـك زلـه=حتى ولو صار الخطى منك حالي
يكوي حشايه كـل دمـع تهلـه=وان شفت بالك ضايق ضاق بالي
راحت ثلاث سنين في شرب دله=ماشفت منك الاالعلـوم الجزالـي
ياطولها ياسرعهـا فـي الاهلـه=تمضي دقايقها ليا صرت حالـي
ياصاحبي هجس يعـاودك خلـه=إشرب ليا منك لقيـت الزلالـي
وقت مضى ماعـاد ودي تفلـه=ولاتنشد الاعـن رفيـق يسالـي
الدرب واضح وانت مثلك يدلـه=وبالك تحسف في عسير المنالـي
واللـي عزيـز ماتجيـه المذلـه=يحرص على درب مشوه الرجالي
واللي تبين بالردى اليـوم خلـه=السالفه ماهيب ضحـك ودلالـي
كم واحد يضحك ليا صـار فلـه=وليا بدالك لازم صـرت خالـي
لاتقرب المعلـول تشبـاك علـه=لاتنخدع باللـي يجيلـك موالـي
ومن لايفدر جيتـك فـي محلـه=خلك كما السرحان وسط العوالي
وحبل الوفا من صاحبك لاتتلـه=لاشدفاقـرب لاتمـس الحبالـي
وحتى الخطا من صاحبك لاتشله=من واخذ الغالي جلس دون غالي
والله ياهـرج معـك مانمـلـه=كني على بساط النفل والزوالـي
خليت دق العلم واعطيـك جلـه=من شان لك بالنفس درج المحالي
اغليك غـلا مابعدهـا لليـوم لله=مااغليت به قبلك ولااغليت تالـي
هذا من الله والحكـي حـل حلـه=مااختلـف لواخلفتـك الليـالـي




الشاعر/ عبدالله الخضيري

[راعي الخطامه]

الله من وقـتٍ لـك الله قضينـاه=تالي نهار السبـت قبـل المغيبـي
غروٍ يسل الروح من زينة احكـاه=اقـرب ويبعـد قاصـدٍ اتعذيبـي
ياليتنـي ياصاحبـي ماعرفـنـاه=يومه بلاني بالهوى وش يبي بـي
امبيسـمٍ فيـه السعـاده تمـنّـاه=حور العيون اليا نظرت اتغديبـي
اصبحت مثل اللي تقل داه بـرداه=جرحٍ يطيب وجرح عيـا يطيبـي
وجرح يداوى وجرح مايعرف دواه=وشيٍ يصيـر وتحسبنّـه غريبـي
قـدام عينـي واتلـوى عـلـى اه=والمشتكـى لله هــذا نصيـبـي
ياصاحبي لـوّك تحالـى حلايـاه=خـده كمـا دمٍ خلـط فالحليـبـي

[راعي الخطامه]

ياليت هاك الوقـت منه=ـو يعيـدهيـومٍ عمـري ماتعـدى لعشريـن
يامـا سلينـا فالليالـي السعـيـده=نصبح ونمسي عن عنا الوقت سالين
بـس التوجـد للشقـي مايفـيـده=لوّه يفيـده كـان وجـده ملاييـن
لـو الله الا العمـر محـدٍ يزيـده=كان مايبقـى بهـا الا السلاطيـن
ابتخـيـل للسنـيـن البـعـيـده=واعيش بالذكرى ولو هي تخاميـم
ياحلوها حلـواه لـو هـي شديـده=يوم العمر في شبّتـه لـه ورقتيـن
اليـوم ياخـلاّفِ اقفـى رصيـده=ماباقيٍ كثر الـذي فـات يالعيـن
اللـي مقيّـد للجمـل شـد قـيـده=يفتـل لقيـدٍ للحشـو والمقيمـيـن
الزرع مسرع تم واقبـل حصيـده=والورد يعسى العود وسط البساتيـن
يالورق ياللي فوق خضر الجريـده=بالـك تهيّضنـا وحنـا مقفّـيـن
كل ماسمعتك شـب قلبـي وقيـده=واهزراسي واشكي الهـم والبيـن
ابطلـب اللـي مايخيّـب عبـيـده=يجعل ختام العمر مسك ورياحيـن

الشاعر/عبدالله محمد الخضيري

[راعي الخطامه]

هذه قصيده رثاء في فقيد الرياضه الاميرعبدالرحمن بن سعودرحمه الله في يوم الخميس الموافق12/6/1425هـ



البارحـه حـيٍ وكلـن يشـوفـه=واليوم ابو خالد مع اعداد الامـوات
يامـا قرينـا واتحفتنـا حروفـه=وياما هِتف له فالملاعب بالاصوات
في رحمة الله ياللي كلـك مروفـه=عليك من كـل الملاييـن عبـرات
نفسك حبيبـه والسجايـا معروفـه=رجل المواقف والعـزوم القويـات
شمس الرياضه ماتجلّـى كسوفـه=من عقب فيصل يابوخالد بلوعـات
نفسك بدرب المكرمـات معسوفـه=كم كربةٍ فرّجتها عقـب ضيقـات
الله يفـرج لـك بيـومٍ نصـوفـه=يجزاك عنّا ياابيض الوجه جنّـات
يـومٍ طويـلٍ للخلايـق وقـوفـه=وانت يضلّك والي العرش رحمات
الله يجبـر بالتعـازي مخلـوفـه=ويعيضنا فاللـي تعلّـى للرفيعـات
يارب تقبل من رفـع لـك كفوفـه=يصير قبره مد شوفه وروضـات

الشاعر/عبدالله محمد الخضيري

[راعي الخطامه]

اقفيت واقفى ودمعتـه فـوق خـده=وانا مخفي دمعتـي يـوم احاكيـه
الكـل منـا بيـح الشـوق ســده=نزل عبير الشوق من حاجـة فيـه
فرقا حبيب الروح مـا هيـب وده=من لوعة الفرقا ترى القلب يكويـه
عند الموادع كـف الاحـزان مـده=جمر الغضى في داخل الجوف يكوبه
الرجل حارت كلش ٍِ صـار ضـده=ياالله دخيلك كل مـا حـل طاريـه
يا قلـب قلـي صاحبـك ويشحـده=يومه يجازي باالهجر مـن يداريـه
العام اعـد الشـوف خلـي يعـده=هاك المواصل وين راحت حراويـه

الشاعر/ عبد الله محمد الخضيري

[عبدالله ابن الحلاحل]

يامرقبٍ شاهـدٍ مامـر بالديـره
الله مـن ليلـةٍ عـدّاك رقّـابـي

في مامضى جيّتك ماهيب تسييره
ينصاك منهُ شكى لوعات الاحبابي

اليا تعلاّك زاد الشـوق تفكيـره
يطيب جرح الزمن والحب ماطابي

يشوف مضنون عيني كنّه النيـره
كل ماتهزّع يخج القلب بحرابـي

الحب والمرقب ادري ويش تفسيره
الكل منهم يطول العمـر ماشابـي

اثر الهوى بمرقبي ياحلو تعطيره
كلما تعدّاه كن القلـب منصابـي

الود لو مرقبي يقـول تصويـره
يوم الزمن منه دار وقفّل البابـي

بس الزمن كدّره ماعِرف تعبيـره
اطالعه صامتٍ والدمـع سكّابـي

فهمت لوّه صموت وزاد تقديـره
ياعنك واثر الغظي خلاّه مجنابـي

يامرقبٍ من حبيبي شالتـه غِيـره
يحب راع الرهاف البيض وعذابي


الشاعر/عبدالله محمد الخضيري

[عبدالله ابن الحلاحل]

سجلت عاشق في سجل المحبين
اللي لهم في صفحة الحب ابتسامه


حبٍ تفتّح مثل زهر البساتين

كبرت اغصونه عقب رش الغمامه
ظلل عليه الغيم همّاله اسنين

فيه الزهر متخالفٍ في كمامه
والحب ماهو عيب للي عفيفين

حبٍ يشرّف فالضماير غرامه
ياقلب خذلك مع هوى الروح صوتين

صوتٍ يطوّح مثل صوت الحمامه
مادام محبوبك يفوق الملايين

مايلحقك فاللي تحبه ملامه
غظروفة سطّر لها فالدواوين

انعم من الديباج وريش النعامه
شدّت لها الافكار والقلب والعين

في حسنها قلبي تزايد اهيامه
لاغبت عنها كن فالقلب سكين

والفكر سج الجو عشقي وحامه
كنه ولويومين فالحب عامين

ضاقت عليه الارض والوقت ضامه
عذبة نبا تزيد فالوجد تمكين

من حسنها مالثمتها اللثامه
بالحب ترجح في جميع الموازين

مريومةٍ للعشق والعشق رامه
محبوبتي ماتحتمل ضرب قولين

وماتقبل اللي مايعز العمامه
محبوبتي تجللت بأكمل الزين

عمهوجة الزين شدّة الجامه
إلها انتسب وافخر بكل الميادين

تروّست بالمجد ذروة سنامه
عشرين حرف وفوقهن زود حرفين

اسم الحبيبه تاج راسي وهامه
راياتها مرفوعةٍ يوم حطّين

سيفين والنخله عليها علامه
لو قلت روحي افداك ماقلت موفين

ولوقلت وعيالي تقدم كرامه
ولو قلت لك نذرٍ علينا وفيين

نرفعك ماترفع امتونٍ اعظامه
ولو قلت لك ماننقسم يوم قسمين

الا ان تجي بيروت شرقي تهامه
الصف واحد ماتهزّه براكين

والدين واحد لين يوم القيامه
هذا الوطن واغلى وطن منبع الدين

مركزٍ وسط الضماير خيامه
طير السعد فوقه يرف الجناحين

والله رفع بالدين عالي مقامه
يسلم وطنا وادعو الله امين

يكفيه طاغوتٍ يدوّر هدامه
فيه الملوك الصيد نسل السلاطين

من هازهم بالشر حنا عدامه
روس الشيوخ اهل الفعل والبراهين

العز والتمجيد معهم زمامه
حكامنا ظل الضعوف المساكين

اللي رسمت بين الشفاة ابتسامه
اهل العدل والدين نعم الميامين

واهل النما واهل الوفا والكرامه
واهل الشدايد والعوايد وسمحين

خطلان الايدي مورّثين الامامه
لأهل القسا قاسين وللسمح سمحين

للشر شر وللسلامه سلامه
شوس الليوث اللي على الطيب ضارين

رجالهم فعله يتوّج كلامه
حنا رجال الدار في العسر واللين

حريبنا يطق كف الندامه
يوم المنايا بين سود الدخاخين

يومٍ عبوسٍ قمطريرٍ عسامه
نفز فزّة مطلقات الشياهين

حط المشوّك يبترم في حزامه
واللي نوو بالشر بالحيل غاوين

اغواهم الشيطان صارو اعمامه
إضعاف الانفس مثل حمر الثعابين

راع الخزي والعار افحل اجرامه
متلوّنٍ يلبس مع الناس ثوبين

خفاش ليلٍ دورته في ظلامه
يفعل له افعالٍ على غير تثمين

مدفوع من ناسٍ تحلل حرامه
سود الوجيه اللي على الدار باغين

صوّب على داره وربعه اسهامه
عقوق دارٍ شممتهم رياحين

من عقبها يبشر بقوّة خزامه
ياللي غديت مثل طعم الشياطين

وابليس حطك في شداد الحسامه
مع شلة الارهاب ترمي القريبين

يتّمت طفلٍ قبل ساعة فطامه
تسعى على التخريب بك حقدٍ دفين

افكار منحرفه ولابك شهامه
نذرٍ علينا تنظر الموت بالعين

واللي دفعكم مايتهنى بمنامه
حنا على الميثاق حنا سعوديين
ماعاش منا من تربى فدامه

وحنا على عهد الجدود القديمين
فأرقابنا بيعه ونوفي تمامه

وحنا زبون اللي بلاهم مخلّين
نشق جمعٍ مايوصّف زحامه

بالله ثم بولاتنا كل تأمين
ويدوم عز الدار ولله دوامه

نلتف عليهم مثل لف الحويزين
سترٍ لنا مايستر الجسم خامه

وصلاة ربي مع ركوع المصلين
على شفيع الخلق بأحسن ختامه

الشاعر/عبدالله بن محمد الخضيري التميمي

[عبدالله ابن الحلاحل]

رسالتك دقت لهـا فالحشـى افـروح
دقـت دفـوف العيـد يـوم استهـلا

يامرحبا بك عـد مـا قيـل مملـوح
واعـداد منـه مـن عشيـره تحـلا

لك خافق في خاطري دايـم االنـوح
الـذ مــن در المبـاكـر يــزلا

صدق المشاعر ماتجي ضحك ومزوح
الحـب مثـل النـور يـوم ايتجـلا

عل السعد يبراك من وين ما اتـروح
عـل السعـد والعـز فــرشٍ وزلا

لوالفـلا ينقـاس بقيـاس مفـتـوح
انكـان عـن مقيـاس حبـك يكـلا

يفداك من ياطى الوطى نابض الروح
ياللي دخلـت القلـب والقلـب هـلا

القلب لك في كـل الأوقـات مفتـوح
سجلت لك بااقصى الضماير سجـلا

عبد الله الخضيري

[راعي الخطامه]

حاول وحاول حل ماحال من حول=عندك حلولٍ مع حلولـي تحلـي
حاولتها بالحل والحـل بالطـول=واحكمتها بالحـل والحـل فلـي
حلي وحل الحلو لاحـل معقـول=تطبق حلوله مع حلولـي ابمحلـي
الحلو مايبغى نجي لـه بمرسـول=لانحل مـا فالقلـب كـلٍ يهلـي
ترا الجفى يازين ماهوب مقبـول=بين الحبايب يشبع القلـب غلـي
مسكنك في قلبٍ عن الناس مقفول=تسرح لحالـك فالمعالـق تفلـي
حاول وحل الحل والحل مامـول=حـلٍ تحلـه حالتـي تسفهـلـي




الشاعر / عبدالله محمد الخضيري

[راعي الخطامه]

البارحه يـوم العـذارى يتبـارن=وقفت مذهول علـى اللـي تبـارا
وسلمت مدري يوم الغنادير مـرن=ضحكن وانا مفتون بضحك العذارا
قالن علامك يا ابو قلب ٍ لنـا حـن=قلت العقل من يمكّن كيـف طـارا
من قبلكم ما همنـي اللـي يمـرن=لو عند عيني مـا عليهـن خمـارا
مير البلى منكن عسى ما تروحـن=قالن نبيـك تصيـر عنـا يسـارا
وان جينا يمك خل ظنك على الظن=يا زين وصل الليل وحل النهـارا
الليل ستر وكل ما يصير بـه فـن=تغيب عن عين الحسـد والحيـارا
ويش اللي جايبكن بدربـي تمشـن=وتقدمت لي من تحـوش الوقـارا
قالت على هونـك وربعـه تعـدن=ما ترحم اللي قلبهـا شـب نـارا
قلت ابشري ثم ابتسم بسمـة السـن=وقدمت له من غير ما ادري اعتذارا
وقفـت تطالعنـي وقصـده تفنـن=ياهيـه ربعـك واقفـاتٍ حيـارا





الشاعر / عبد الله محمد الخضيري

[راعي الخطامه]

خلاص رقمك من خيالي مسحنـاه=لوتتصل ماعاد لـي رغبـةٍ فيـك
لوّك مشيت مـع طريـقٍ مشينـاه=ان كان تلقاني مـن اول عوانيـك
وش عاد باقي من عذر ماسمعنـاه=كله تساوى اللي يحبـك ويغليـك
حتى بعد ماضيـك مثلـك دفنّـاه=لاصار هذا حاضرك عفت ماضيك
حبل الموده لـو وصلتـه قطعنـاه=لافات منك الفوت ماعـاد يمديـك
انت تظن الحـب هـرجٍ حكينـاه=الحب تعطيني من القلب واعطيـك
خل الدموع اتهل وكلـش نسينـاه=حتى ولو اذكرك عمّـدت ناسيـك
ومانيب قايل صاحب كنت وايـاه=ومانيب سامع مقطعٍ فيه طاريـك
ومانيب مسقي زرعنا اللي زرعناه=خله يموت ويفرح اللـي يعاديـك
خل احترق وانت معي حلمٍ عشنـاه=طويت كل اللي مضى من لياليـك

الشاعر/عبدالله محمد الخضيري

[راعي الخطامه]

جانا السلام و قلت حيـاك مرسـول=احلى مـن المـاء للكبـود العطيبـه
جاب الورق والحسن والريح والقول=حامل رساله مـن حبيـب لحبيبـه
اعرف سلامك فالورق منك مقبـول=و قبّلت حظك و الضمايـر سليبـه
واروحت ريحك والحشا صارمشغول=و لو ولعت فالجوف ماهي غريبـه
اربع ليالـي غيبتـه كنهـا حـول=يـا بعدهـا بعـد لوهـي قريـبـه
واستانس الخاطرعلى خط محمـول=يا الله عسى الكاتب بعـزك تجيبـه
كلش تحبـه ياهوىالبـال مبـذول=لا تحسب ٍ طلبات نفسـك صعيبـه
دامك بوسط الجوف والجوف مقفول=يا ماخـذ ٍ القلـب منـي غصيبـه
من شان عينك ما معي قوه و حـول=و هرجي معك ما فيه شك و ريبـه
احسب غيابك و اللقا منك ما صـول=وقـت تعـدى غايبـه نكتفـي بـه

الشاعر/عـبـدالله محـمـد الخـضـيـري

[راعي الخطامه]

امس العصر رجـم طويـل تعليـت=وهيضت ما بالقلب والدمـع يجـري
و للرجم الاقشر ليتنـي مـا تهقويـت=ان كان ما كثرت عليه غرابيل صدري
يا كامل الاوصاف انـا وش سويـت=يومك تجافيني على الوصـل بـدري
حبك تصفحته ليا اصبحت وامسيـت=وطيفك يداعبني مـع الليـل سهـري
يومك دريـت بحـب قلبـي تغليـت=اخفي غلا المحبـوب مابيـه يـدري
والله يفز القلـب لـك ليـن مريـت=حلف ٍ برب البيـت مافيـه صبـري
لو كان غير القلب غالي لـك اهديـت=تستاهله وارضى ولـو فيـه قهـري
من وين ما شرّقت وغرّبـت حييـت=تحيه احلـى مـن اطيـاف زهـري

الشاعر/عبـدالله محمـد الخضـيـري

[راعي الخطامه]

بسم الـذي يعلـم خفايـا العبـادٍي=ابدي الجواب اللي من القلب منسيـه
واستهدي المعبـود ياخيـر هـادِي=مـن لاهـداه الله مانيـب هاديـه
سوالـفٍ راحـت واشيـا جـدادي=وماقدّر المعبـود لاشـك راضيـه
اللي تصيقه صاحـبٍ لـه ينـادي=لو كان غيري مصوّتٍ كان يوحيه
الله يسهّـل لـه علـى كـل وادي=مانيب مخلـف وادٍ عـن مجاريـه
ارضاك يرضيني ولو كان غـادي=اقدر على الهجران لاصرت راضيه
القلب الى اقفـى تـرى مايقـادِي=والجـرح لاادمـى قليـلٍ مداويـه
النـار ياشبّـاب وسـط الزنـادي=واللي سحـب نادوسهـا مانداويـه
اصبر ولو جار الدهـر بالنكـادي=وماظن من يلحق سـرابٍ بيرويـه
شفنا الليالي البيض وشفنا السـوادي=وهـذا زمـانٍ ماقدرنـا نجاريـه
حلو الليالـي لاصفـت ماتعـادي=لاقرّبت يـومٍ لهـا ايـام تقصيـه
محدٍ بلـغ يـوم يتمنـى المـرادي=دنيا تقلّب صاحـي الفكـر تغديـه
مادام فرقى الحـي حـيٍ يـرادي=باكـر فـراقٍ مالنـا حيلـةٍ فيـه
مالي مع المقفـي سمـومٍ بـرادي=كلن على المعبود رزقـه وامانيـه
ياقلـب خـل اليـاس خـلٍ ودادي=الحر يرفـع همّتـه عـن مناويـه
اسرح مع الهاجوس في كـل وادي=لين الذواري تدفـن اللـي نعانيـه
واعرف ترى العربان تبغى الشدادي=كم واحـدٍ حلـو المقابيـل تفنيـه
واحذر تصافي لك ربوعٍ جـدادي=قلب العنا مجبور في حب ماضيـه
اعيش بالذكـرى واكيّـف فـؤادي=نشوة حنين الشوق للقلـب تشقيـه
سلام ماغنّى على الغصـن شـادي=اقفيـت والمقفـي همومـه توديـه

الشاعر/عبدالله محمد الخضيري

[راعي الخطامه]

ياللي خذيـت العقـل والـروح منـي=ويش الذي حدك علي تاخـذ الـروح
ان كان قصـدك يالغظـي تمتحنـي=مالك على تعذيب من حـب مصلـوح
مـن سبتـك ياكامـل الزيـن كنـي=خالي العقل يكر على وجـدك النـوح
من شوفتـك ياكامـل الزيـن ياانـي=اسعد ويبرى ماامضى لي من جـروح
عسـاك ياعـذب السجايـا متهـنـي=يابوخـدود كنهـا بــرقٍ يـلـوح
عـل الليـالـي ماتبـعّـدك عـنـي=تطفي لهيـبٍ بالحشـا قبلـه يفـوح
حبـك دفعـنـي للمثـايـل اغـنـي=وراعي الهوى خاطره ماهوب مشروح
مـن لوعتـه فالحـب مايرجهـنـي=اليا كتم حبه مـع النـاس مفضـوح
تلـقـاه قبـلـه للحبيـبـه يحـنـي=والا يتصور صاحبه ويـن مايـروح
يعيش راعـي الحـب وهـم وتمنـي=واليا تمنى راعـي الحـي ماسمـوح

الشاعر/عبدالله محمد الخضيري

[راعي الخطامه]

يانوم لاتبلى الـذي جـاه ماجـاه=خلـه يطالـع فالنجـوم وعددهـا
يسهر وحيد الحال والهـم يحـداه=يوم اختلط مـر الليالـي ونكدهـا
اقنب كما السرحان لاشـد بعـواه=العين تدمـع تقـل فيهـا رمدهـا
انا احسب ان الحب ضحكٍ ومشه=اهواثره طفح فوق الروابي زبدهـا
يازين كانه مانفـع بـك مناجـاه=وشلون ترضى بالنكد عن سعدهـا
حبك قصوره بالضمايـر مبنّـاه=واسمك كتبته بالحنايـا وعمدهـا
اصبحت مثل اللي زمانه تعشّـاه=لاانحلّت العقـده زمانـي عقدهـا
اللي يحبك قال لـك وش سوايـاه=بيّن لك الخافي والاخرى بعدهـا
اخاف الى ناديـت ينقـال سمّـاه=وتقول مالي حاجـةٍ فـي سندهـا
ياما عليك القلـب لجّـة حنايـاه=وتاه الموارد عقب يـومٍ وردهـا

الشاعر/عبدالله محمد الخضيري

[راعي الخطامه]

لو ابعدتني عنك طـول المسافـات=شايلك في قلـبٍ يحبـك ويغليـك
البعد لو فـرّق قلـوبٍ مريحـات=بكره يدور وكـل ماعـود ياتيـك
اقفيت عنك وحيلتي منك نظـرات=واقول في نفسي عسى الرب يحميك
لو شفتني وشلون هليـت عبـرات=لحظه وداعك وانت تبـدي تغليـك
انا حجزني عنك فالبعـد غيبـات=وانت معي في كل لحظه امسيـك
ذكراك اداعبها ولو فـي خيـالات=اسبح معك فالحب واحب طاريـك
واقول ياطيف الوفا للغـلا هـات=طيفٍ تخيرته علـى ذي وهاذيـك
حبك بوسط الجوف حيٍ ولامـات=وكل مايمر الوقت انا مولـع فيـك
واليا رجعت وقت ليّـه سلامـات=اترك عيوني ساعة تكتحـل فيـك
واخذك في حضني وكلي تنهّـات=خدي على متنك وانا بين اياديـك
نعيش لحظة شوق في جو سجّـات=واذكّر الحاضر عن ايام ماضيـه
الحب بلوى خصّه الزيـن بالـذات=حبٍ صحيح مادخل فيـه تشكيـك
حب التملق فيـه تلقـى العلامـات=عمره قصير حد ماهوب يرجيـك
هذي خواطر قلتها عبر رحـلات=ومهما رحلت بعيد مانيب ناسيـك
وانا على الميراج تحت السمـاوات=وانت القمر واقول مااحلى لياليـك
عمر الهوى لو فات بالحب مافـات=وكل ماشربت منه ماهوب يرويك
والحب اظنه له دروبٍ عسيـرات=تقسيـك ايـامٍ وايــام تدنّـيـك
اسأل مجرب كم شكى منه عـلاّت=كم قال درب الحب عسر ومشاويك

الشاعر/عبدالله محمد الخضيري

[راعي الخطامه]

لا يتعبك يا قلب طرد السرابـي=عينك على بعدالمسافـه تشوفـه
من التعب اخطيت درب الصوابي=والقلب ماله والولايـف ولوفـه
كنـي بجـو مابـه الا الذيابـي=الليل مظلم والظـواري تحوفـه
انوح مثل الورق ما جبت جابي=اذا بغيت اسـلا يجينـي نكوفـه
ان كان قربه فيه نـار وعذابـي=بعده على قلبي تقاطـع سيوفـه
درباً توعد للغظـي مـا يهابـي=كل على وقته يسايـر ظروفـه
ليته على كثـر التعنـي درابـي=عيني من الايام تقـل مخطوفـه
يا قاطع الريان وصـل كتابـي=وسلم على مظنون عيني بمروفه
قله حبيبك ما لـك الا الثوابـي=بين الرجاء والياس عيشه كسوفه
لذ السعـاده والحـلا فالشبابـي=عصر السفاه ايام لهو معروفـه
ياما سهرت الليل من حر مابي=راعي الوله ليتك تهايق بجوفـه
ياعل مال ً ما يخدمـك ترابـي=ومن لا يودك على بقعاء تلوفـه

الشاعر/عبدالله محمد الخضيري

[راعي الخطامه]

قمت ابتـرم فـي وادي بـه لقينـاك=مثل الخلوج اللـي ذبحهـا الخلاجـي
انا احسب ان الحب من كنـت ويـاك=واثـره تمكـن بالمعاليـق لاجــي
اسمك على اسمك صح من كان سماك=اسمك و زولـك زاد قلبـي ابتهاجـي
وسط الضحى والشمس من بين الافلاك=الشمس عندك مثـل نـور السراجـي
راعي الهوى لو تاب يذبحه طريـاك=زينك قراح وزيـن غيـرك هماجـي
لا وهنـي اللـي معـك دوم نـاداك=ان كان عقب الضيق يلقـى انفراجـي
حتى ولوك غبـت وشلـون بانسـاك=مالـي بهالدنيـا سـواك احتيـاجـي
ما قلت وش جاني ولا قلت وش جاك=انت سلي الفكـر وفكـري ارتجاجـي
ان ضاقت الدنيا ترى الـروح تفـداك=بعني وتلقـى بقيمتـي لـك خراجـي
واليا هداك الـرب عطنـي هدايـاك=ما دمت لك ولهان وما دمـت راجـي
بينت حبي مـا بقـى شـي يخفـاك=يا مونس الولهـان وسـط الفجاجـي
ما عاد باقي من امل غيـر رجـواك=حب علـى غيـرك يسمـى سماجـي
اللي عطاك الزيـن بأدعيـه يحمـاك=من شاف عينك راح طلق الحجاجـي

الشاعر/عبدالله محمد الخضيري

[راعي الخطامه]

البارحه عيني من الدمـع هلـت=مثل المياسم جاريه فوق خـدي
النفس من كثر المواعيـد ملـت=مرسولنا للزين مـا جـاه ردي
حروت وصال الزين لاشك ولت=وكل ما نويته للوصل زاد صدي
حتى نواحي الحب هالوقت علت=ومن كثر ما أرويتها باح سـدي
مثل الربيع اللي له أيـام زلـت=من عقب نوار الزهر جاه ضدي
ساعة عتاب القلب يا زين حلت=خل ّ يمين الصدق في وسط يدي

الشاعر/عبدالله محمد الخضيري

[راعي الخطامه]

بعض الصدف تغنيك عن الف ميعاد=لا صارت الصدفه حبيبـك لقيتـه
وقلبك غدى من لوعة الـود وقـاد=وقت اللقـاء ومقابلـه مـا هقيتـه
ينسيك شوف صويحبك لذة الـزاد=يومه حضر في ساعة مـا دعيتـه
قبل اللقاء وعدت والوعد مـا فـاد=وعقب اللقاء طول انتظاري نسيتـه
لو قمت اهلّي واظهرالحب وش عاد=لو السعـد للقلـب يشـرى شريتـه
اشواق تبلى وغيره اشـواق جـداد=كم قصر حـب بالضمايـر بنيتـه
انت الحبيب اللي لوى القلب بعنـاد=لـو اتستـر بالهـوى مـا قويتـه
شوفتك عيد ثالـث بعـد الاعيـاد=يا زينها لا قلـت جانـي وجيتـه

الشاعر/عبدالله محمدالخضيري

[راعي الخطامه]

حبيبي تذكر كلمـةٍ قلتهـا مـن عـام=اذكرك بالكلمه عساها تصـح الـراس
اذكرك يوم انـك تجينـي بليـا لثـام=تذبه على شاني تقول ان الغطا ينـداس
واذكرك يوم انك بقلبي ركـزت خيـام=حبك كساني مثل جسم كسـاه البـاس
واذكرك يوم اني معك صايـرٍ خـدام=تملكتني كلي شعوري مـع الاحسـاس
وانا اليوم ياحسره يشحّن بك الاحـلام=ولاجا حاليٍ نذكرك فيه بيـن النـاس
الاواعنا فكرٍ تعلّـى السجـاب وحـام=شكى ماشكاه التاجر اللي شكا الافلاس
دخيلك تشوف اللي يمر الشهـر مانـام=ومن سبّة المجمول في دنيته محتـاس
انا ابي تعيد الوصل وتفـرّج المنظـام=ياماذرفت العين حبـك بـدون قيـاس
ترى اللي يعذب حي مايعرف الاسـلام=ومثلك معذبني كما اللي ذبح بأمـواس
انا اقول وش يرضيك وابشر يجيلك تام=ولو قلت فصّل لي عن اثيابي الالمـاس

الشاعر/عبدالله محمد الخضيري

[راعي الخطامه]

هـذا محلـه وانتبـه لاتجـي فيـه=خله لك الله يصبح الصبـح فاضـي
الصاحب اللي خالق الخلـق حاليـه=عساه عني طـول الايـام راضـي
من يـوم شفتـه يشهـد الله هاويـه=ابوجبيـنِ كنـه الصبـح ياضـي
ياماحلا في كل الاوقـات طاريـه=راعٍ الهوى لاجا له الزين هاضـي
حبـه بقلبـي عالـيـاتٍ مبانـيـه=كلما ذكرته صاب قلبي ارتكاضـي
الزين زيـن واضحـات مواريـه=سهم الهوى من بين الاضلاع ماضي
ادخل علـى الله كـان هـذا تغليـه=مثل الضبي لاعاش وسط الفياضـي
ياربي انك تسخـره لـي وهاديـه=من مقبل مارد من هواه الحياضـي
في ذمتي كن العسـل بيـن اشافيـه=والبرق كنه من صفا الخـد ناضـي
اغضى بعينه والعقـل طايـرٍ فيـه=كنه بعد مااغضى بقلبـي شواظـي

الشاعر/عبدالله محمد الخضيري

[راعي الخطامه]

العين هلّت دمعها فـوق الاوجـان=والقلب من هجر الغظي زاد غلّـه
قام يتغلى يوم انا صرت ضميـان=والما مع المجمول ماشـاف خلّـه
ان كان مابك رحمةٍ فاعمل احسان=اهون علي الموت مـن كـم علّـه
ارعاك انا في كل الايـام شفقـان=واقول يامرسـول الاحبـاب قلّـه
صاحبك من حبك ترى اليوم عميان=ويشوف زولك يالغظي فوق ظلّـه
يامخلف الحب فـي كـل الاديـان=حبل المـوده وش علامـك تتلـه
رضاك يالمجمول مايعـد بأثمـان=ارفق على عقلٍ غـدى فيـه خلّـه
اهرج معي والعذر لو كنت غلطان=ياسيـدي مغليـك ماقلـت زلّــه
يالله تبسّم وامسـك القلـب بعنـان=كـود المولـع لامسكتـه تتـلّـه
ياناعس العينين ياعـذب الالحـان=لاسلهمت جسمـي تحتهـا تظلّـه
بوشفايـف فايـق كـل الاذهـان=يلعب بسيف الموت ساعـه يسلّـه
عودي تثنّى كنها مطـرق الـزان=امشاهـد المجمـول محـدن يملّـه
ومض الخدود اللي كما البرق فتّان=برق المزون اللي مطرهـا تهلـه
هذي مشاعر واحدٍ صـار ولهـان=ذاق الاسى من صاحبٍ ماحصلّـه

الشاعر/عبدالله محمد الخضيري

[راعي الخطامه]

لبيه باصـوتٍ سمعتـه ينـادي=فزيت عجلٍ والحشى علته فيـه
ولبيه ياصوت السعد والمـرادي=قلبي يجاوب قبل فـزي احييـه
ساعة سمعـة صـارة عيـادي=عيد المحبه والفوا يـوم الاقيـه
في كنة الجوزا وعندي بـرادي=الله يجمـع كـل غـالٍ بغاليـه
يازين يامجمول تاخـذ فـؤادي=واصبح بليا قلب وينك موديـه
ياحلوها ساعة شبكنـا الأيـادي=وانا معه في كل د ربٍ اخاويـه
واليا اجتمعنا واصبح الجو هادي=نشرب بكاسٍ كل جرحٍ يداويـه

الشاعر / عبد الله محمد الخضيري

[راعي الخطامه]

الله اللـي واهبـك كـل الجمـال=السحاب اليا اكتمل يشـرق بنـور
باركه كنه علـى روس الجبـال=يبعث البراق فا النفـس السـرور
هيضيني بـا المقاديـم الطـوال=واسحريني با لخدود وبا لشعـور
ماعرفت الحب يوصـل للهبـال=اغرقتني بالهوى وسـط البحـور
مركبي من موجها ماهـو عـدال=وين ما هب الهـوى يمـه يـدور
وين فرق الشمس من فرق الضلال=واعنا قلبٍ غـدا مثـل الطيـور
شوفها احلى من العـذب الـزلال=فايحٍ الطيب مـن نفـح الزهـور
داعبيني من يميـن ومـن شمـال=عالجي قلـبٍ تعلـق ومخطـور
اللي مثلك لو عطي كـل الـدلال=مانلومه لو دخـل قلبـه غـرور
في رضاها مـا نحسـب للريـال=لوتعبـت العينهـا كـل الشهـور
المشاعر فايضه لاجـل الغـزال=اقبليها وان حصل منـي قصـور
كيف قلبـي ماتهنـى لـه ليـال=ربع العالـم وقلبـي فـي دهـور


الشاعر / عبد الله محمد الخضيري

[راعي الخطامه]

خطيت او مااخطيت ادمح خطايـه=ماعاد ودي تعيد صفحات ماضـي
السالفـه فالوجـه ماهيـب قفايـه=هذي ظروفي لاتقول اعتراضـي
ماغيّرك ياكـود هرجـة وشايـه=من شافني واياك بالحقد غاضـي
انتَ حسبـتَ حبنـا لـك دعايـه=نسيـتَ ايـامٍ طـوالٍ اعراضـي
طعتك وكنك ماخـذٍ لـك ولايـه=اسير من عينٍ تـرف التحاضـي
ليه الحزن هجـران ليـه النهايـه=ان كنت مخطي راضيٍ حكم قاضي
وكان التغلي كيف تنسـى غلايـه=اقبل غلاك وكلنابـك حضاضـي
ماعـاد عنـدي مايكنّـه خفايـه=والله ياان القلب صافي البياضـي
لاتستحـي بالـك تـزوّد بلايـه=هرج الحيا بـدّه ورد القضاضـي
كم واحـدٍ يسجـن ولالـه جنايـه=الحب من بين الحبايـب تراضـي
مااجبرك في حبي وقبلـة عطايـه=بس اخبرك بين الضماير شواضي
وعيني تهل الدمع خطـرٍ عمايـه=هذا عتب قلبٍ من الحب هاضـي
والله ياان كـل الضمايـر ملايـه=من حبها لك فايق الشوق فاضـي
اودعـك بامـان رب البـرايـه=واذكرك قلـبٍ يزيـد انتفاضـي
وانـتِ تذكرنـي بليلـة بـدايـه=يومٍ خفوقك يمّنا فـي انتهاضـي



الشاعر/عبدالله محمد الخضيري

[راعي الخطامه]

لاينزعج خاطرك مامنـك زلـه=حتى ولو صار الخطى منك حالي
يكوي حشايه كـل دمـع تهلـه=وان شفت بالك ضايق ضاق بالي
راحت ثلاث سنين في شرب دله=ماشفت منك الاالعلـوم الجزالـي
ياطولها ياسرعهـا فـي الاهلـه=تمضي دقايقها ليا صرت حالـي
ياصاحبي هجس يعـاودك خلـه=إشرب ليا منك لقيـت الزلالـي
وقت مضى ماعـاد ودي تفلـه=ولاتنشد الاعـن رفيـق يسالـي
الدرب واضح وانت مثلك يدلـه=وبالك تحسف في عسير المنالـي
واللـي عزيـز ماتجيـه المذلـه=يحرص على درب مشوه الرجالي
واللي تبين بالردى اليـوم خلـه=السالفه ماهيب ضحـك ودلالـي
كم واحد يضحك ليا صـار فلـه=وليا بدالك لازم صـرت خالـي
لاتقرب المعلـول تشبـاك علـه=لاتنخدع باللـي يجيلـك موالـي
ومن لايفدر جيتـك فـي محلـه=خلك كما السرحان وسط العوالي
وحبل الوفا من صاحبك لاتتلـه=لاشدفاقـرب لاتمـس الحبالـي
وحتى الخطا من صاحبك لاتشله=من واخذ الغالي جلس دون غالي
والله ياهـرج معـك مانمـلـه=كني على بساط النفل والزوالـي
خليت دق العلم واعطيـك جلـه=من شان لك بالنفس درج المحالي
اغليك غـلا مابعدهـا لليـوم لله=مااغليت به قبلك ولااغليت تالـي
هذا من الله والحكـي حـل حلـه=مااختلـف لواخلفتـك الليـالـي



الشاعر/ عبدالله محمد الخضيري

[راعي الخطامه]

كتمت الحب لين الحب ثوّر ثـورة البركـان=واحسب الحب يسعدني لكـن الحـب يشقينـي
اناحبيت لي واحـد ولانـي فالهـوى ندمـان=ولو اشكي علـى غيـر الحبيّـب مايشكينـي
تمكّن بي ويامرني واطيعـه كنـه السلطـان=انا مسباحه اللـي يلوحـه يسـراه ويمينـي
دخلنا بحر حبه واثر قلبـي فالبحـر غرقـان=الا ياراعي المركـب اليـن السيـف ودينـي
والى من جيت ابنسى مر ذكرى سيد الخـلان=يذكّرني زماني صاحبي يومه علـى الدينـي
اشد العزم في وصله واخاف لهرجة الخـوّان=الا يالله لاتقطـع لـنـا مابيـنـه وبيـنـي
بعد عرف الحبيب شفت حالي صار به نقصان=بلايه من صواب الزين وغيـره مايداوينـي
تذكرنا الزمان اللي مضى واروى لنا العطشان=على حد الشفـاة لشربتـي ياكـود تروينـي
على شانـك تهيضنـا وغنينالـك الالحـان=ويكفيني ليا منك ضحكـت وقلـت مسكينـي
يقولون المصافـا فالمحبـه يسعـد العميـان=وانا فاتح واشوفك مثل بـدرٍ دوم يضوينـي
يقولون العرب جازى عميل الحسن بالاحسان=ولـو جازيتنـي بقولتـك شكـرا يكفيـنـي
حشا محدٍ هرج في سيرتك بالزور والبهتـان=كمـال الله سبحانـه وجمّـل وافـي الزينـي
لو اني ماعرفتـك قلتلـك ياقايـد الغـزلان=نوينا ساعة المقناص نرمي وصرت ترمينـي
كفاني لاتعذبني تـرى منـك الحشـا مليـان=اخـاف اتزيدثـم تعيـد ثـم انـك تبكّينـي
ولاينفع ليـا منـي بكيـت وقلتلـي غلطـان=ينقض جرحي المكمي ولـو انـك تواسينـي
يقولون الجمال يشد فـي نظراتـه الانسـان=ويرمي قلب راعي الحب قبل تشوفـه العينـي
دخلت طوع في قلبي دخلت فالحشا عصيـان=تبلانـي وتبلينـي وليـتـك دوم تبـلانـي
صحيح اللي يقول ان الهوى في التاليه ادمـان=عسى الله لايخيب فـي رجـا خـلٍ يسلينـي
يقولون العطا للمعطى مايحكـي بـه المنـان=والا ياقاتلي ليتك علـى المطلـوب تعطينـي
ختمناها ولو اني على درب الهـوى هيمـان=رجعنا للهوى تالي وقـاس القلـب مايلينـي




الشاعر/عبدالله محمد الخضيري

[راعي الخطامه]

سجلت عاشق فـي سجـل المحبيـن=اللي لهم في صفحة الحـب ابتسامـه
حـبٍ تفتّـح مثـل زهـر البساتيـن=كبرت اغصونه عقـب رش الغمامـه
ظلـل عليـه الغيـم همّالـه اسنيـن=فيه الزهـر متخالـفٍ فـي كمامـه
والحب ماهـو عيـب للـي عفيفيـن=حـبٍ يشـرّف فالضمايـر غرامـه
ياقلب خذلك مع هوى الروح صوتين=صوتٍ يطوّح مثل صـوت الحمامـه
مـادام محبوبـك يفـوق الملايـيـن=مايلحقـك فاللـي تحـبـه مـلامـه
غظروفـة سطّـر لهـا فالـدواويـن=انعم مـن الديبـاج وريـش النعامـه
شدّت لها الافكـار والقلـب والعيـن=فـي حسنهـا قلبـي تزايـد اهيامـه
لاغبت عنهـا كـن فالقلـب سكيـن=والفكر سـج الجـو عشقـي وحامـه
كنـه ولويوميـن فالحـب عامـيـن=ضاقت عليه الارض والوقت ضامـه
عذبـة نبـا تزيـد فالوجـد تمكيـن=مـن حسنهـا مالثمتـهـا اللثـامـه
بالحب ترجح فـي جميـع الموازيـن=مريومـةٍ للعشـق والعشـق رامــه
محبوبتي ماتحتمـل ضـرب قوليـن=وماتقبـل اللـي مايعـز العمـامـه
محبوبتـي تجللـت بأكمـل الـزيـن=عمهوجـة الزيـن شــدّة الجـامـه
إلها انتسب وافخـر بكـل المياديـن=تروّسـت بالمـجـد ذروة سنـامـه
عشرين حرف وفوقهن زود حرفيـن=اسم الحبيبـه تـاج راسـي وهامـه
راياتهـا مرفوعـةٍ يـوم حطّـيـن=سيفيـن والنخلـه عليهـا عـلامـه
لو قلت روحي افداك ماقلـت موفيـن=ولوقلـت وعيالـي تقـدم كـرامـه
ولو قلـت لـك نـذرٍ علينـا وفييـن=نرفعـك ماترفـع امتـونٍ اعظامـه
ولو قلت لك ماننقسـم يـوم قسميـن=الا ان تجي بيـروت شرقـي تهامـه
الصـف واحـد ماتهـزّه براكـيـن=والديـن واحـد ليـن يـوم القيامـه
هذا الوطن واغلى وطن منبـع الديـن=مركـزٍ وسـط الضمايـر خيـامـه
طير السعد فوقـه يـرف الجناحيـن=والله رفـع بالديـن عالـي مقـامـه
يسلـم وطنـا وادعــو الله امـيـن=يكفيـه طاغـوتٍ يــدوّر هـدامـه
فيه الملوك الصيـد نسـل السلاطيـن=مـن هازهـم بالشـر حنـا عدامـه
روس الشيوخ اهل الفعل والبراهيـن=العـز والتمجيـد معـهـم زمـامـه
حكامنا ظـل الضعـوف المساكيـن=اللي رسمـت بيـن الشفـاة ابتسامـه
اهل العـدل والديـن نعـم المياميـن=واهل النما واهـل الوفـا والكرامـه
واهـل الشدايـد والعوايـد وسمحيـن=خطلان الايـدي مورّثيـن الامامـه
لأهل القسا قاسين وللسمـح سمحيـن=للشـر شـر وللسـلامـه سـلامـه
شوس الليوث اللي على الطيب ضارين=رجالهـم فعـلـه يـتـوّج كـلامـه
حنا رجال الدار فـي العسـر والليـن=حريبنـا يـطـق كــف النـدامـه
يوم المنايـا بيـن سـود الدخاخيـن=يـومٍ عبـوسٍ قمطريـرٍ عسـامـه
نفـز فـزّة مطلـقـات الشياهـيـن=حط المشـوّك يبتـرم فـي حزامـه
واللي نوو بالشـر بالحيـل غاويـن=اغواهم الشيطـان صـارو اعمامـه
إضعاف الانفس مثل حمـر الثعابيـن=راع الخزي والعـار افحـل اجرامـه
متلـوّنٍ يلبـس مـع النـاس ثوبيـن=خفـاش ليـلٍ دورتـه فـي ظلامـه
يفعل له افعـالٍ علـى غيـر تثميـن=مدفـوع مـن نـاسٍ تحلـل حرامـه
سود الوجيه اللي على الـدار باغيـن=صوّب علـى داره وربعـه اسهامـه
عـقـوق دارٍ شممتـهـم رياحـيـن=مـن عقبهـا يبشـر بقـوّة خزامـه
ياللي غديت مثـل طعـم الشياطيـن=وابليس حطك فـي شـداد الحسامـه
مع شلة الارهـاب ترمـي القريبيـن=يتّمـت طفـلٍ قبـل ساعـة فطامـه
تسعى على التخريب بك حقـدٍ دفيـن=افكـار منحرفـه ولابـك شهـامـه
نذرٍ علينـا تنظـر المـوت بالعيـن=واللـي دفعكـم مايتهنـى بمنـامـه
حنا علـى الميثـاق حنـا سعودييـن=ماعـاش منـا مـن تربـى فدامـه
وحنا علـى عهـد الجـدود القديميـن=فأرقابنـا بيعـه ونـوفـي تمـامـه
وحنا زبـون اللـي بلاهـم مخلّيـن=نشـق جمـعٍ مايوصّـف زحـامـه
بالله ثـم بولاتـنـا كــل تأمـيـن=ويـدوم عـز الــدار ولله دوامــه
نلتف عليهـم مثـل لـف الحويزيـن=ستـرٍ لنـا مايستـر الجسـم خامـه
وصلاة ربي مع ركـوع المصليـن=على شفيـع الخلـق بأحسـن ختامـه






الشاعر/عبدالله محمد الخضيري

[راعي الخطامه]

لبيه باصـوتٍ سمعتـه ينـادي=فزيت عجلٍ والحشى علته فيـه
ولبيه ياصوت السعد والمـرادي=قلبي يجاوب قبل فـزي احييـه
ساعة سمعـة صـارة عيـادي=عيد المحبه والفوا يـوم الاقيـه
في كنة الجوزا وعندي بـرادي=الله يجمـع كـل غـالٍ بغاليـه
يازين يامجمول تاخـذ فـؤادي=واصبح بليا قلب وينك موديـه
ياحلوها ساعة شبكنـا الأيـادي=وانا معه في كل د ربٍ اخاويـه
واليا اجتمعنا واصبح الجو هادي=نشرب بكاسٍ كل جرحٍ يداويـه




الشاعر / عبد الله محمد الخضيري

[راعي الخطامه]

نوره اللي نورها فايـقٍ بـدر التمـام=مثل شمس الكون غطت جميع اقمارها
يصبح البراق الى من تكاشف فا الظلام=لابدت له مثل شمعه ضعيف اسفارهـا
نوره اللي وشّمتنـي وقلبـي بالوشـام=ياعساهـا دايـم ماتـرمّـد نـارهـا
مابعد شافت عيوني شبيه لـه حـرام=لو تقدم عمري يكبر غـلا مشوارهـا
الغزال اللي لها فالضمير احلى سـلام=يشهد الله مابرد في الحشـا مخطارهـا
نوره انتي صحوتي انتي هجسي فالمنام=انتي في ريقي حلى لاجمضت امرارها
والله ان نوره بقلبي كما مـخ العظـام=والله اني ماانقص الكيل في مقدارهـا
ماعليّه لاتغزلـت فيهـا مـن مـلام=تستحقين الغـلا يامـزون ازهارهـا
كنها بين العـذارى تبختـر بالوسـام=مانلوم اهل الهوى لو تهون اعمارهـا
ماابتديناها بسلام وسلامي في الختـام=اعذري يانوره اليا قصرت اعبارهـا




الشاعر/ عبدالله محمد الخضيري

[راعي الخطامه]

يانجد ياللي بالضمايـر سكنتي=احلـى مقـرٍ بالضمايـر بنينـاه
كونتي مجدي ومن سنا المجد كنتي=تاريخ مجد وجـد واب رعينـاه
كم منفتن في نجد وفينـا انفتنتـي=يامسـرح تاريخهـا مانسيـنـاه
أبرق شعاع النور وبرّاقـه انتـي=يرسم على وجنه صبـاحٍ محيّـاه
مرفوعـة يانجـد مايـوم هنتـي=وماهان من نوخ عليهـا مطايـاه
تبقين ونبقى بحضنها وانحضنتي=من مسّهـا بالشـر حنّـا منايـاه
بالعز والتمجيـد يانجـد زنتـي=فيك الملوك الصيد تجزل عطاياه
جنّو بحبك وانتي فيهـم جننتـي=كم واحد مشى على عينك سراياه
يامنجب الابطال مايـوم شنتـي=من فارقك مزع حنينـه خفايـاه
يانجد ياتاريـخ يامجـد صنتـي=عهدك وسفرك في المجلد قرينـاه




الشاعر / عبدالله محمد الخضيري

[راعي الخطامه]

الله اللـي واهبـك كـل الجمـال=السحاب اليا اكتمل يشـرق بنـور
باركه كنه علـى روس الجبـالي=بعث البراق فا النفـس السـرور
هيضيني بـا المقاديـم الطـوال=واسحريني با لخدود وبا لشعـور
ماعرفت الحب يوصـل للهبـال=اغرقتني بالهوى وسـط البحـور
مركبي من موجها ماهـو عـدال=وين ما هب الهـوى يمـه يـدور
وين فرق الشمس من فرق الضلال=واعنا قلبٍ غـدا مثـل الطيـور
شوفها احلى من العـذب الـزلال=فايحٍ الطيب مـن نفـح الزهـور
داعبيني من يميـن ومـن شمـال=عالجي قلـبٍ تعلـق ومخطـور
اللي مثلك لو عطي كـل الـدلال=مانلومه لو دخـل قلبـه غـرور
في رضاها مـا نحسـب للريـالل=وتعبـت العينهـا كـل الشهـور
المشاعر فايضه لاجـل الغـزال=اقبليها وان حصل منـي قصـور
كيف قلبـي ماتهنـى لـه ليـال=ربع العالـم وقلبـي فـي دهـور




الشاعر / عبد الله محمد الخضيري

[راعي الخطامه]

صابني حبك وحبـك دوم فـوق=ارحم اللـي ذايـقٍ منـك العنـا
قادني لك ياهوايـه كـل شـوق=قبل احبك قول لـي منهـو انـا
كان ماعندك على العشـاق ذوق=اهدم اللي بالضمايـر لـك بنـا
المحبه ماتجي فـي كـل سـوق=جعـل قلـبٍ مايـودك للفـنـا
كل ماتضحك تزيد العيـن مـوق=انثر العبرات وانـتَ فـي هنـا
خذتَ قلبي طوع والا جاك بـوق=حـب قلبـي حـب امٍ للضـنـا
انتَ حبي انـت للعشـاق عـوق=ان تخليـتَ نـقـول الله لـنـا
قودي منهو حطلك في العنق طوق=لاتروحي عن حبيـبٍ لـك دنـا




الشاعر/عبدالله محمد الخضيري

[راعي الخطامه]

ياللي خذيـت العقـل والـروح منـي=ويش الذي حدك علي تاخـذ الـروح
ان كان قصـدك يالغظـي تمتحنـي=مالك على تعذيب من حـب مصلـوح
مـن سبتـك ياكامـل الزيـن كنـي=خالي العقل يكر على وجـدك النـوح
من شوفتـك ياكامـل الزيـن ياانـي=اسعد ويبرى ماامضى لي من جـروح
عسـاك ياعـذب السجايـا متهـنـي=يابوخـدود كنهـا بــرقٍ يـلـوح
عـل الليـالـي ماتبـعّـدك عـنـيت=طفي لهيـبٍ بالحشـا قبلـه يفـوح
حبـك دفعـنـي للمثـايـل اغـنـي=وراعي الهوى خاطره ماهوب مشروح
مـن لوعتـه فالحـب مايرجهـنـي=اليا كتم حبه مـع النـاس مفضـوح
تلـقـاه قبـلـه للحبيـبـه يحـنـي=والا يتصور صاحبه ويـن مايـروح
يعيش راعـي الحـب وهـم وتمنـي=واليا تمنى راعـي الحـي ماسمـوح




الشاعر/عبدالله محمد الخضيري

[راعي الخطامه]

اللي بغيته منـك غصـبٍ خذينـاه=واللي تبي ماعـاد تقـدر تطولـه
هرجٍ يراودنـا الحيـا بـه بدينـاه=انباشر الموضوع مانـدور حولـه
ماينبغى اللي كـل هـذي سوايـاه=حت ايش لوّه زيـن ثـم صفقولـه
مـن لايبينـا قلتـلـه مابغيـنـاه=واللي رقى المرقاب مااصعب نزوله
من باعنا بالرخص ببلاش ببعنـاه=وخون العهد ماهوب طبع الرجولـه
الوقـت غـدار وحتـى عرفنـاه=ماننخدع فالبـدر مااسـرع أفولـه




الشاعر/عبدالله محمد الخضيري

[عبدالله ابن الحلاحل]

( مرثية في خادم الحرمين الشريفين الملك فهد رحمه الله )


عديت في رجمٍ قليل رقابه *** وطوحت بصوتٍ تخنقه عبرت العين

صوتٍ يفزع كل جوٍ دوابه *** والورق ناح النو حتى يشكي البين

من ضيقتي جرحي تجدد صوابه *** والشمس غيمها تناهيت حزنين

ياموت خذت اللي عزيزٍ جنابه *** ياموت خذت اللي عياله ملايين

ياموت مدري كيف نقدر غيابه *** ونشوفهم بك فوق الاكتاف مقفين

ياموت لوّك قابل بالنيابه *** ينوب عن موته كبار وصغيرين

هذا فهد ياموت رجل الحبابه *** يبكونه اهل الدار واللي بعيدين

يبكيه شايب عارفه في شبابه *** ويبكيه طفلٍ عيّشه فالرخا سنين

وتبكي عجوزٍ ليلها فالذرابه *** وتبكي هنوفٍ عايشه مع يتيمين

الكل دمعه مثل صب السحابه *** الياس فطر في كبود المحبين

ساعه وضع فوق القبر واسفابه *** حب الفهد بقلوبنا دام حيين

يالله عسا بالمسك يفرش ترابه *** وفي جنة الفردوس ادعوا له امين

واجمعه مع سيد البشر والصحابه *** يارب واقبل دعوة اللي مصلين

يارب هوّن ياإلهي حسابه *** وامنه يوم الملا فيه عارين

مالوم من يبكي وقطع ثيابه *** ومالوم من قال الخبر خج سكين

نعم الفهد رجل الوفا والرحابه *** الله يقبل دعوة اللي معزين

ولولا الخلف فاللي سواة الذيابه *** اللي على عهد الفهد تحمي الدين

في خدمة البيتين وخدمة كتابه *** منهاجها التوحيد فالعسر واللين

من عهد ابوتركي مصفي شرابه *** إمورثٍ إلنا إمام وسلاطين

الكل منهم فاتح دوم بابه *** ومتلمسٍ حاجات ناسٍ مساكين

ذخر لنا لو الدهر كش نابه *** لو حل رجّافٍ وثارت براكين

فارقابنا بيعه وكل درابه *** نذرٍ علينا ياوطنا وفيين

نفدا الملوك اللي العوض في مصابه *** ونبقى على عهد الجدود القديمين

وصلاة ربي عِد ذاري اهضابه *** على شفيع الخلق يوم الموازين

الشاعر/ عبدالله بن محمد الخضيري