قال الفتى صخرٍ بليلٍ داجي 00

[صخر الوهيبي]

السلام عليكم ورحمة الله وبركاته 00



قال الفتى صخر(ن) بليل(ن) داجي := وهواجسه تلعب تروح وتاجي .
شفنا من الدنيا أمور(ن) منكرة := والله يثبتنا على المنهاجي .
كل(ن) يقول إني على حق(ن) ولا := ندري من اللي في الحقيقة ناجي
ولقى وضيع النفس هذي فرصته := طبع الرويبض في الفتن لجّاجي !
قال البلا في الدين وأبدى ما خفى!! := فكر(ن) سقيم ومنطق(ن) منعاجي
وخلاف ذا يا ناقل(ن) قولي لمن := شفته ودمعه حادر(ن) درّاجي .
يوم انتبه لي قال لي مستعجل := يا صخر أخوك لدعوتك محتاجي .
وأهوى على عينه يكفكف عبرته := ويقول جرحي في فؤادي لاجي .
للصبر حد وشفت صبري قد نفد := يا أخوك ضاقت والله الفرّاجي .
قل له : ترى صخر(ن) فداك وقل بعد := لا عاش من سبب لك الازعاجي
شفني على يمناك وأخدم بالذي := تآمر عليه 00 وبالدعاء لهّاجي.
وأكتم صوابك عن مهازيل الملا := ليّاك تمسي هرجت الهرّاجي !
شي(ن) كتبه الله عليك وقدره := أصبر وربك ما يخيب راجي .
كب العنا عنّك ووجه وجهتك := لله تلقى قدمك المخراجي.
هذا كلام اللي هجوسه تتعبه := صخرالتميمي وسط ليل(ن) داجي !

وسلامتكم 00
كتبها / صخر الوهيبي
27/5 /1425 هـ

[تركي]

صح لسانك وسلم بنانك اهلن بالأخ صخر الوهيبي .

[عمروالندى]

صح لسانك ياصخر(ن)

[ناصر البكر]

ابيات جميلة جدا جدا
صح لسانك على هذه الشامخة

[المسور بن عباد]

صح لسانك صخر(ن) قصيده رائعه والقصائد الهلاليه لها طابع خاص

[صخر الوهيبي]

السلام عليكم ورحمة الله وبركاته ..
لقيط بن زرارة 00
أرحب .. وصح بدنك .

عمرو الندى ..
لا هنت .. وصح بدنك .

ناصر البكر ..
حيّاك الله .. ومنكم نستفيد طال عمرك -على الطاعة-

المسور 00
حياك الله يالذيب وصح بدنك :)
أسعدني مروركم
أخوكم / صخر الوهيبي

[راعي السبعان]

صح لسانك


قصيده جزله من راس جزل



عرفت كيف تصيغ الكلام




يعطيك العافيه



ننتظر جديدك

[صخر الوهيبي]

السلام عليكم ورحمة الله وبركاته 00
راعي السبعان ..
صح بدنك يالغالي .. والله يعافيك .

[تركي]

يرفع للاعطال التي حصلت .