ناصر البكر
07-20-04, 03:30 AM
ألف أولّف من حروف القصايد = بحا لٍ سقيمه لوّعتها المكايد
تشدى ظليمٍ عالقٍ بالمصايد = واطلب رجا ربي ودرب السلامه
أنا الذي عايش بعيشة دلالي = أنا الذي ضيّعت عمري وحالي
أنا الذي بالغت لاجل الكمالي = والكامل الله بالفعل والعلامه
انا الملازم للذنوب العظيمه = وانا المفارق للدروب السليمه
وانا المفاخر بالجدود القديمه = وانا غريقٍ في دروب العتامه
البا بديت الذنب بأولة عمري = مااحدٍ غصبني لكن انه بأمري
اليوم انا اضحك وباكر اصلى بجمري = ويالله تراني باديٍ بالندامه
والتا تشوف الحال كنّي مخلّد = وهم ما دروني ملتهي ومتبلّد
انا وغيري صايرينٍ نقلّد = اهل التعاسه والخزي والشتامه
والثا ثلاث ارباع عمري مباتي = والباقي ذنوب ٍ وقلّة صلاتي
ربي وجاهي ومسندي في حياتي = ابي المروفه بدنيتي وبختامه
والجا جزيت انعام ربي الكبيره = بفعل الذنوب اللي علينا خطيره
كنّي معمر داخل ارض الجزيره = ونسيت ايام البعث والقيامه
والحا حبيبي ومسندي واتكالي = عزّي وعويني وسطوتي ذا الجلالي
يبعد حياتي عن دروب الخمالي = وينوّر لي قلب عا يشٍ بالظلامه
والخا خذيت سنين عايش بظنّي = اقول ديني مسلم ٍ ثم سنّي
قولي ضعيفٍ دون الافعال منّي = وينقص كلامي دعوةٍ للفهامه
والدال درب جنان عدنٍ صعيبي = لوهو سهل كان السعد من نصيبي
وكانت جميع الخلق معنا تصيبي = هيهات منهو صايبٍ في سهامه
والذال ذلّيت انفضح عند ربعي = ونسيت داعٍ بالحشر يوم يدعي
ويوم الجوارح تذكراسمي وطبعي = وفعولٍ فعلته كل ابوها ملامه
والراء رجيت الله رب البريّه = بتسعه وتسعينٍ ذكرته سويّه
يغفر ذنوبي والفعول الرديّه = هو ذاالجلال وذاالعدل والكرامه
والزين زمزم والقدس والحطيم = وخير البشر وكل الصحابه عميم
حبّي لهم جعله شفيعٍ عظيم = هذا رصيدي وباقي حياتي عدامه
والسين سوّفت العمل وقلت باكر = وصرت بفعولي جاحدٍ ثم ناكر
ليتي من أول نادمٍ ثم شاكر = ليتي مسدّد كل ذنب وغرامه
والشين شبّيت بترف واعتدالي = ونسيت حالي وكل فعلٍ مضى لي
ونسيت راع الفقر والزوالي = انشهد اني عايشٍ في سقامه
والصاد صرنا مثل قوم السفينه = يومه تموّج بالبحر قالوا حينه
توبه لربٍّ نطلبه ونستعينه = ويومه رحمهم عوّدوا في حرامه
والضاد ضيّعت عمري والشباب = حالي كما عطشان يطرد سراب
نسيت ساعة دفننا بالتراب = ساعة عذاب الروح داخل عظامه
والطا طويت الحزن أو هو طواني = المسعد اللي فايزٍ بالجناني
ولاتولّع في جمال ومباني = واعتاض عنها بالودود وكلامه
والعين عقب الموت أمرٍ عسيري = لفوا علي من الكفن مستديري
مااقدر أحرك خطوةٍ في مسيري = هذي النهايه عقب طول الاقامه
والغين غالي هالنعش أو زهيدي = كلّه مردّه في مكانٍ وحيدي
لاخادمٍ يدخل ولابه شهيدي = ما غير منكر هو ونكير أمامه
والفاء فديت برجعتي كل قومي = بس أرجع لد نيتي واقضي لزومي
ابي اعمل الصالح على طول يومي = لكنّ ربي قاضيٍ بالتزامه
والقاف قرّب موعدي مع حسابي = إما لروضه أ و أذوق العذابي
لاواسطه تنفع ولابه كتابي = ولابه وصاةٍ من أمير وفخامه
والكاف كل الخلق تبي الشفاعه = كلٍ يمدّ بخطوته وبذراعه
يبي الرسول اللي عظيم انتفاعه = صلاةٍ وتسليمٍ لراعي الزعامه
واللام لاشي ينفع بعدها = إما لجنّه كل مسلم نشدها
والا لنارٍ تحترق في عمدها = هذي نهاية دربنا والقسامه
والميم ماني شاعرٍ ويتغنّى = ولا ني مهبولٍ يهتوي ويتمنّى
ولاني كذوبٍ بالحديث يتبنّى = هذي حقايق ماعليها لثامه
والنون نمكر نحسب إنّه ذهانه = والماكر الله بالسما جلّ شانه
وياكم مشينا في دروب الخيانه = مثل الغراب اللي يقلّد حمامه
والها هبيتي يادروب المضرّه = وش لي بدنيا ماوراها مسرّه
كلّه هقاوي وكل ابوها مغرّه = وابليس فيها عايشٍ بالنمامه
والواو والله ماوراها سعود = وش ينفع الجلسه وطول القعود
دنيا دنيّه والخلايق شهود = شهودٍ على الدنيا ودورة نظامه
واليا يطيب القول بأ تلى كلامي = بذكر الرسول اللي عليه السلامي
عداد المرابع والجراد التهامي = خير العرب ساس وطيّب مقامه
تشدى ظليمٍ عالقٍ بالمصايد = واطلب رجا ربي ودرب السلامه
أنا الذي عايش بعيشة دلالي = أنا الذي ضيّعت عمري وحالي
أنا الذي بالغت لاجل الكمالي = والكامل الله بالفعل والعلامه
انا الملازم للذنوب العظيمه = وانا المفارق للدروب السليمه
وانا المفاخر بالجدود القديمه = وانا غريقٍ في دروب العتامه
البا بديت الذنب بأولة عمري = مااحدٍ غصبني لكن انه بأمري
اليوم انا اضحك وباكر اصلى بجمري = ويالله تراني باديٍ بالندامه
والتا تشوف الحال كنّي مخلّد = وهم ما دروني ملتهي ومتبلّد
انا وغيري صايرينٍ نقلّد = اهل التعاسه والخزي والشتامه
والثا ثلاث ارباع عمري مباتي = والباقي ذنوب ٍ وقلّة صلاتي
ربي وجاهي ومسندي في حياتي = ابي المروفه بدنيتي وبختامه
والجا جزيت انعام ربي الكبيره = بفعل الذنوب اللي علينا خطيره
كنّي معمر داخل ارض الجزيره = ونسيت ايام البعث والقيامه
والحا حبيبي ومسندي واتكالي = عزّي وعويني وسطوتي ذا الجلالي
يبعد حياتي عن دروب الخمالي = وينوّر لي قلب عا يشٍ بالظلامه
والخا خذيت سنين عايش بظنّي = اقول ديني مسلم ٍ ثم سنّي
قولي ضعيفٍ دون الافعال منّي = وينقص كلامي دعوةٍ للفهامه
والدال درب جنان عدنٍ صعيبي = لوهو سهل كان السعد من نصيبي
وكانت جميع الخلق معنا تصيبي = هيهات منهو صايبٍ في سهامه
والذال ذلّيت انفضح عند ربعي = ونسيت داعٍ بالحشر يوم يدعي
ويوم الجوارح تذكراسمي وطبعي = وفعولٍ فعلته كل ابوها ملامه
والراء رجيت الله رب البريّه = بتسعه وتسعينٍ ذكرته سويّه
يغفر ذنوبي والفعول الرديّه = هو ذاالجلال وذاالعدل والكرامه
والزين زمزم والقدس والحطيم = وخير البشر وكل الصحابه عميم
حبّي لهم جعله شفيعٍ عظيم = هذا رصيدي وباقي حياتي عدامه
والسين سوّفت العمل وقلت باكر = وصرت بفعولي جاحدٍ ثم ناكر
ليتي من أول نادمٍ ثم شاكر = ليتي مسدّد كل ذنب وغرامه
والشين شبّيت بترف واعتدالي = ونسيت حالي وكل فعلٍ مضى لي
ونسيت راع الفقر والزوالي = انشهد اني عايشٍ في سقامه
والصاد صرنا مثل قوم السفينه = يومه تموّج بالبحر قالوا حينه
توبه لربٍّ نطلبه ونستعينه = ويومه رحمهم عوّدوا في حرامه
والضاد ضيّعت عمري والشباب = حالي كما عطشان يطرد سراب
نسيت ساعة دفننا بالتراب = ساعة عذاب الروح داخل عظامه
والطا طويت الحزن أو هو طواني = المسعد اللي فايزٍ بالجناني
ولاتولّع في جمال ومباني = واعتاض عنها بالودود وكلامه
والعين عقب الموت أمرٍ عسيري = لفوا علي من الكفن مستديري
مااقدر أحرك خطوةٍ في مسيري = هذي النهايه عقب طول الاقامه
والغين غالي هالنعش أو زهيدي = كلّه مردّه في مكانٍ وحيدي
لاخادمٍ يدخل ولابه شهيدي = ما غير منكر هو ونكير أمامه
والفاء فديت برجعتي كل قومي = بس أرجع لد نيتي واقضي لزومي
ابي اعمل الصالح على طول يومي = لكنّ ربي قاضيٍ بالتزامه
والقاف قرّب موعدي مع حسابي = إما لروضه أ و أذوق العذابي
لاواسطه تنفع ولابه كتابي = ولابه وصاةٍ من أمير وفخامه
والكاف كل الخلق تبي الشفاعه = كلٍ يمدّ بخطوته وبذراعه
يبي الرسول اللي عظيم انتفاعه = صلاةٍ وتسليمٍ لراعي الزعامه
واللام لاشي ينفع بعدها = إما لجنّه كل مسلم نشدها
والا لنارٍ تحترق في عمدها = هذي نهاية دربنا والقسامه
والميم ماني شاعرٍ ويتغنّى = ولا ني مهبولٍ يهتوي ويتمنّى
ولاني كذوبٍ بالحديث يتبنّى = هذي حقايق ماعليها لثامه
والنون نمكر نحسب إنّه ذهانه = والماكر الله بالسما جلّ شانه
وياكم مشينا في دروب الخيانه = مثل الغراب اللي يقلّد حمامه
والها هبيتي يادروب المضرّه = وش لي بدنيا ماوراها مسرّه
كلّه هقاوي وكل ابوها مغرّه = وابليس فيها عايشٍ بالنمامه
والواو والله ماوراها سعود = وش ينفع الجلسه وطول القعود
دنيا دنيّه والخلايق شهود = شهودٍ على الدنيا ودورة نظامه
واليا يطيب القول بأ تلى كلامي = بذكر الرسول اللي عليه السلامي
عداد المرابع والجراد التهامي = خير العرب ساس وطيّب مقامه