أول مشاركة.... [الأرشيف] - ::منتديات بني تميم::

أبو محمد

07-28-04, 02:16 AM

هذه قصيدة كتبتها في واحد من أعز ربعي أخوي عامر آل سيف الخالدي...

مع العلم انها أول مرة أشارك بقصيدة في منتدى الشعر الخاص ..

وأبي رايكم وتقييمكم لها..تصلح للنشر ولا لا....:D

وآسف على القصور مقدما..

أرســل سـلامي لـكثـيـر المـعــاريف *** سـلام مــبـتـداه اســم رب الـمــلاك

الخوي ماهوب للضحك والسواليف *** الخوي لا بغيته وقـت الضيق لـبـاك

يسـتر عيوبك عـن الناس بـجـريف *** ستر العذارى عن الأجانيب بصكاك

المرجلة وأنا أخوك ماهـيب تـزييف *** متـوارثة من نسل الأجـاويد بحـكاك

ماهيب بـباديـة أو مـديـنـة أو ريف *** قسمها المعبود على مثلك وشرواك

مـن غـزاك بـلسانـه بـقـول ياحـيف *** حـلف لأنـحـره نـحـر القعـود بانهاك

الـتـاج لـبـسـوه السلاطـيـن بالسيف *** وانـت لـبسـت تـاج الـمعـزه بـيمناك

ثلاثة عشر سنة مرت يا(ابن سيف) *** بحـلـوها و مـرهـا و هـنـا وهـنـاك

الــمـرا جـل مـاهـي بـالـكم بالــكـيف *** (عامـر) سـنعـتـها بالحكمة وفطناك

الــولايــف لا بـغــوا عــز الــولــيف *** تــجـمـعـوا لـه وقــالـــوا نـخـيـنــاك

انـت الـنخوة و الـفزعة انت السيف *** قـطـاع الصعيبات إن جتك وتـنصاك

بـــرد و شـتــاء و حــر و صــيف *** وأنـت الـربيع اللي بالطيب مـمشاك

يا عـزوة رجـال مـكـرمـين الضـيف *** وعـزوة ضـعــيـف يــوم إنـه لـفـاك

أتشرف يا أخـوي ويزيدني تشريف *** مـخـاواة رجـل عـلـى الـحـق مساك

وصـلاة ربـي عـدد مـاهـب بـطريف *** عـلى الــنبي شـفـيعـنا يـوم الهـلاك

وسلامتكم

أبو محمد

ناصر البكر

07-28-04, 05:46 AM

صح لسانك
ابيات جميلة
ومعاني فريده

تركي

07-29-04, 02:21 AM

صح لسانك ولا تعقيب بعد تعقيب ابو مضر ناصر البكر .

صح لسانك يابو محمد .

عمروالندى

07-29-04, 01:06 PM

صح لسانك

أبو محمد

07-31-04, 02:05 AM

ناصر البكر

لقيط بن زرارة

عمرو الندى

صحت أبدانكم يالبنيخي ..

وشكرا على المرور

أبو محمد