درس مجاني

[تميم الجوف]

الحقيقه ماعندي اي مقدمه للقصيده وراح اترك الابيات تتكلم عن نفسها



يامن تحسبين الهوى قلت او قال = بعطيك درسٍ حاولي تفهمينه
والدرس مجاني بلا قرش وريال = درسٍ ومجاني إذا انك تبينه
بعطيك درة ماتجي لك على بال = مثلك وانا ارجي خالقي تقبلينه
واول دروس الحب خفقة وغربال = خفقه ومن سجنٍ قضت به سجينه
واسبابها مجهولةٍ والامل زال = ولا لها تفسير يمكن ترينه
ومنهو نظر لك تخبرة عنك الحال = انه حياتك اصبحت هي حزينه
وثاني دروس الحب طربة وموال = طربة حبيب وفرحته في ظنينه
وشوق وغرام بكل مابه من هبال = وآهات مع دمعٍ غصب تذرفينه
واحلى الليالي والقمر ماهو هلال = بنص الشهر موعد يجي ثم تجينه
موعد شرف مافيه لايم وعذال = والكل يطلب من حبيبه حنينه
ليلة بها تحلا السوالف والامال = تكفي عن العمر الطويل وسنينه
وانتي عروسٍ بالفرح بس تختال = وكل من بغيتي جيته تعزمينه
وآخر دروس الحب انا اعطيك بالحال = نصيحةٍ مثل الجواهر ثمينه
ان كان صادق المجالس بها رجال = يقلط وهذا سلمنا تعرفينه
هذا الهوى ماهو كلامٍ وينقال = شرحت درسي والامل تفهمينه

تحياتي للجميع

[تركي]

شرحت درسي والأمل تفهمينه .


صح لسانك ولاهنت يالغالي ولكن عودتنا على سماع قصائدك فماذا جرى اليوم عسى المانع خير .

[تميم الجوف]

صح بدنك يالغالي وسلمك ربي

الصراحة ان الرابط الصوتي جاهز لاكن المشكله في موقعي شغال فيه صار لي فترة
ونقلته الى سيرفر حديث اكثر سرعه وخدمات وخلال ايام باذن الله راح يكون جاهز
ولو تلاحظ حتى توقيعي مختفي :(:(:(

[عمروالندى]

الاخ تميم الجوف : شعر جميل ولاتحرمنا دروسك التي مثل هذا :)

[راعِ المنقيه]

صح لسانك يانشمي وما قصرت
ويعطيك العافيه